Ve rup mai na! Chapter -7

Episode kal lai dah luhna

Moderator: writers

Pie sangtei
Posts: 109
Joined: April 23rd, 2022, 3:44 pm

Ve rup mai na! Chapter -7

Unread post by Pie sangtei » May 24th, 2022, 9:01 pm

VE RUP MAI NA! CHAPTER-7


BY Pie sangtei







(Lawk in thu hma kan nei lawk zan in chu lo chhiar tu te in zavai a chung ah lawmthu ka sawi tak meuh meuh a, ka story hming hi comment ka dawng zeuh zeuh tawh a, mizo tawng dik anilo ti te in

Story hming tur a tan a ka ruahman tum pawh hian hetiang hun hi a thlen chu ka ring tho a mahse "ve rup mai na" tih khan alo chhuah miau avangin a tawngkam ang ang a hman kha ka duh si a, khawngaih takin chhiar tu te minlo hrethiam hram hram turin ka rawn ngen che u a.Tin, mizotawng hi ka thiamlo emem a, ziah zawm tur leh tur loh te, fullstop leh koma dah na tur thleng hian ka bo emem a, ka tih dik loh lai te minlo hrilh thin tute chungah ka lawm a, minlo hrilh zel tur in ka rawn ngen bawk che u ani.Ka tawngkam thiamloh nen ka story ziah lai mek pawh hi a lem tih chang te pawh inneih ka ring a, ka vawi khat ziahna ani a, vawi thum te ka ziah ve hun ah chuan ka pangngai chho ve zel tur ah ngai ila ka in zir ve nasa ania 😁mihring chu thiamsa a piang kan awmlo a, kan hringnun pawh zirlai vek ani ang hian keipawh ka in zir zel anga hma ka sawn ve zel ang tih ka tiam a che u chuan ka story ziah tlawm te hi minlo share sak ve theuh turin ka rawn sawm tak meuh meuh bawk a che u, COMMENT MAWLH KHA AW 😇 IN LO COMMENT LEH THEUH DAWN NIA)😁😁🥰















A bike chung a thu chungin kut arawn vai lauh lauh ka va hmuh chuan ka zak bawk si ka thinrim bawk si dawr a chawl ve dang ho chuan min rawn en thup ka hmuh leh lek phei chuan ka zak tih hian ka zah zia hi a sawifiah zo lo






Ka kun nghal vat a, 'min hliah ru, min hliah ru' tiin ka thiante chu ka hrilh mawlh mawlh anni pawn chuan hrethiam vat in minlo hliah ve mai bawk a...



Akar atang a ka va bih dek dek chuan a bike atang a a chhuk lai mek chu ka va hmu 'rawn kal suh khawngaih takin rawn kalsuh' ka rilru in ka ti mawlh mawlh a, ka zah lutuk vangin ka mittui te lam lam a parawl kuau in ka hria ka khawhmuh a phe vua vua mai








'Enge irawn tih dawn' zawri tih ri ka hriat chuan ka hlauh ang ngeiin a rawn kal tih ka hre zawm nghal zat...hepa hi enge maw aduh le






'Kekawrteliani hi ka be lawk duh a' engvang a chutiang a ka thiante awmlai a min au chhen nge maw anih, ka va han ngei maimai tak...





'Kekawrteliani tumah helai hmun ah kan awmlo' zawri bawk chuan alo ti a, hmanni whigga hotel a min tih dan kha , a lung ala awi chiah lo anih ka ring.




'Thianpa , a changtupa ini em' atei thusawi vang chuan tum loh deuh in ka hawichhuak hlawl, kan mimawla chu mit tla lek lo in alo en ngar ngar a, engmaw a changtupa a.. Hengho hi an story chhiar hian ati buai zo vek tawh anihhi.



Chutah kan mimawl a chu nui suk in 'mai thei' ala ti zui a , khawi a a changtupa mah kha ava nilo ange a mawl ropui si





'A changtupa inih loh chuan Van angel te khian an rawn tirhna che a rei tawh em? engtia rei nge he khawvel ah hian i awm ve tawh' henu hi abiak lai mek pa ang sawn a aaaa ve tawh anih hi, khatiang thu te kha khawi atangin nge a hriat reng reng ni, hahthlak hlawm lutuk...




'Ate' ka lo ti vat, chu ve leh ka lam rawn hawi phei in kan mimawla nen chuan kan mit a in tawng ta chat lai zet in


'Enge iduh a' ka ti chhuak thei hram



'Nagmah kha' ala ti ang deuh deuh a, ka thiante chuan min rawn en hu hlawm mai, an hmel a mak tihna lo lang chu thup pawh tumse an thup thei kher lovang






'In be lawk ang' ka chhan dan tur ka ngaihtuah mek lai chuan arawn ti leh a, ka thiante hmel bawk chu ani, kan in ngaizawng emaw an ti tih ka hria, hepa leuluau hi ava han chak dawnlo tak








'Sawi dun tur kan neilo' ka lo ti ve vat



'Keiman ka nei alawm' enge sawi tur awm a, ka hnen ah hian engmah sawi tur hepa hian a nei lul lo ang..





'I dawheh' ka tih chuan a nui suk a, kan dawhkan bul a chair chu pawt phei in kan bul ah chuan alo thu ve a




'i thiante ho ami, ka tan pawn thiante vek an nihchu, daniela ka nia thian atan min pawm ve em?' tiin atei chu a en nghal vat, atei mit saw en len na in en ngat ila chuan love sign alo chhuak pawp pawp hial in ka ring




'Tehreng mai, atei ka nia' tiin kan mimawla kut phar chhuah chu alo vawn sak nghal thuai a



'Hei anna ania, chuan gorya leh zawri' a tih zawm nghal zat a, midang zawng chuan an chibai ve mai a, zawri erawh in a kut chu alo ben thlak sak pawp Gorya pawh hian tinge engmah a sawi loh le





Kan haw dawn thleng chuan kan mimawla chu kan bulah a awm ve ta reng a, kan thil ei pawh atui nek lo e a.. Gorya nen erawh an titi thei phian ang lawi a, zawri erawh kan mimawla rawn lan atangin a tum bur thung....atei lah in mit tla lek lo in kan mimawla chu athlir dauh dauh bawk a, eng kan ti ta nge keini thianza ho hiiii








Ka bike a ka chuang tur chu 'membership fee engzat nge' arawn tih chuan rum lutuk in ka lo melh, nui sawng chungin 'in thianho a tel man ania ka tih' ati leh a




'Midang kan mamawh belh lo a' tiin ka lo chhang thuai





'In President ka be fel vek tawh' a ve leh rigawt chuan



'President kan nei reuh lo' kan thianho in president kan neih a ring hrim hrim te hi a mawl ka ti dawn nge a aaa ka ti dawn pawh ka hrelo




Gorya chu melh zeuh in a nui suk a, hepa hian gorya hi kan president emaw ati ringawt animaw... Chutiang ngaihdan te chu khawi atang a a nei bik nge a ..... Huihammm




'Ka lo va kal hmasa ang aw president naktuk ah kan inhmu dawn nia' tiin gorya lam ah chuan a kut a phar zeuh a, a bike awmna lam pan nghal in kan umzui hlau ang hrim in chak lutuk tak mai in a tlan phe fua a, traffic in lo man se pawisa chawi tir treuh se ka ti kher mai..








'Thil thleng kha min hrilh fiah rawh' zawri chuan thinrim hmel fahran in arawn ti leh a, awi tihi chuan kan haw thei dawn pawh hian ka hrelo






'Kan inkar ah engmah a awmlo, kan in ngaizawnglo' ka tih chuan a hmel atang chuan awihlo tih ka hre nghal




'Takzet maw rose, kha thil rawn thawn tu che pawh kha amah kha tiraw' thil inti hre zet chuan arawn ti leh a







'Aw, mahse kan inkar ah engmah a awmlo taktak, kha hmana chhum lo chat lo a minlo be thin tu kha i hria em, mawl deuh kha broken heart reng kha'ka tih chuan



'Chupa nen chuan in zawmna an neilo' leh ringawt a, sawi zawh hma hma thin hian awww




'Nei tehreng e.. Khapa mawl deuh kha amah kha anihkha' ka tih chuan mak anti tih hrilh hranpa ka ngailo





'Engtin nge anih theih' atei chuan lo ti vat in min en thup hlawm a





'Engtin nge anih theih ka hrelo, a thleng ve tawp a nimai'




'Avan mak emem, daniela anih kha daniela ihria em' atei bawk ani, ka hria tih nan lu ka bu zeuh a






'Awi khawvel mak zia hi' a ti leh ringawt , kei hian ania khawvel hi mak ti deuh mawlh mawlh reng zawk chu








Zan ah pawh chuan ka muttui theilo, a chhan pawh gorya in kan mimawla kan thianho group a a add vang ani... Zawri lah in a lef phah daih a,hepa hian kan thianho a chawkbuai vek tak ngial dawn








Ka in let ka in let a, engtin nge hepa hi a ngam pat emem theih le, gorya reng reng pawh enge a add ve ringawt gorya kawchhung ah hian ramhuai a lut ve tawh zawk nge mawni
.




Ka ngaih a tha theilo hepa hian alo tham vel aniang a, thah ah te lo vau bet ta se gorya hian min hrilh chak emem chung in min hrilh ngamlo ta se, ka ngaihtuahna chu duhlo in ka in thing nawk nawk a..






Atuk atang chuan nitin in kan bul ah a tal ve chawt a, a tawngthei si, fiamthu a duh phian bawk nen thinrim ru treuh in kan nui leh nge nge zel



Zawri khi ve suk ahmuh apiang lah hian


'Ah anui' tiin a kut zungkal in a kawk fu zel a, zawri nui tur pawn thulh in a melh rum leh nge nge zel






Nitin a college khat a kal a, awm ho reng nanana chu kan in ngaina chho ve telh telh a , zawri pawh ahma ang emem a tawh khirh erawh ani tawh lo marawhchu an in hnial reng thung





A tir chuan an in hnial reng te hi buaipui tham an nia, tunah chuan ngaih khat ah kan ngai leh vek tawh kan mimawla lah hian chhaih thinrim phet hi alo tum ve thin bawk nen an inhnial leh nge nge zel a, in sual em anla in sual bik hleinem tiin kan en liam ta vel mai mai.






Kan mimawla pawh hi thian siam a thiam ka ti dawn nge,Gorya chuan kan thianho in kan tih thin ang reng reng lenchhuah te daniela tello a chhuah a duh ta miahlo bawk a, engkim ah a tel ve zel tawh ani ber...Keipawn ka ngaina tawh hle tih ka hria, chutih rual in anna leh atei pawn ka ngainat aia let in an ngaina bawk.






Thian dang tumah anei lo anih ka ring thin , a chhan pawh hetia kan inkawm atang hian ka thiante ti a sawi tumah ala nei ngai lo a, an chhungkaw chanchin a sawi ngai hek lo, bialnu aneih leh neihloh kan hrelo a mahse 'nula ka rim' ati zantin ve ziah tho.





Vawin hi zawri birthday ani a, chawhma inkhawm ban ah an in lam ah ka phei ve ang, tlai chaw kan ei nghal dawn bawk...






Present erawh nimin lam ah ka lei vek tawh a, Titan sana ka lei sak a, a duhzawng ani em ang chu.. Sana hi alawm ve a, bun sen loh anei tih chu hre tho mah ila , a lei reng tho a amah hian , chuvang chuan ka leisual lo ber ang.





U siami nen in khawm turin kan kal dun a, kan veng ah hian thian kawm tur hi neilo tawp ang ka ni.... Biakin ah pawh u siami bul ah bawk ka thu a,a hranpa in Bible te kan keu reng peih lo a, nilai zan te , thalai inkhawm zan ten kan in khawm ve ngai silo a inkhawm chhung hi a reilo a, inkhawm chhun na na na hi chuan zirlai hi ngun tak a ngaihthlak a ka duh thin..





Inkhawm bang kan haw kawng ah remruatfela nen kan inhmu leh hlawl a, in thenawm mai ah awm mah ila kan in hmu zen zen lo, puitling a kan awmhnu atang lah hian inkhawm turin kan kal rual tawh ngailo a, in hmuh na hun avang a, a ngaihawm vung vung mai alawm




'Atei te nen inin hmu ngai em?' atih chuan

'Dawn lawm ni' ka lo ti vat, englai pawh a awm ho reng thin kan ni tih a hre chhuak leh hnuhnawh ani mahna a nui suk a,






'In damtha hlawm maw' atih leh chuan ka nui tawp,



'Adam tha em ti ve mai la' ka ti a...




'Aaaw.. Aw... A dam tha em' ati ve leh mai bawk a..




'Dam tha e, vawin hi zawri birthday ania, kan lawm dawn a, lo kal ve ta che'




'Tihtur ka lo nei tawh a, nuam deuhin hmang zawk rawh u' ti a kal mai atum chu rawn in her leh in



'Minlo biak dawn nia' ti a in her zui in a thiante awmna lam pan chuan a kal nghal daih a, biak hman pawh ani tawhlo.




A awmdan chu a mak hle mai, atei hi ala duh amawnle.... Aaaaaa.... Anilo ang, a kawp vang a inthen kha an nia...





Zawri te in ka va thlen ve meuh chuan kan mimawla tih loh chu anlo awmkim vek tawh a, ka present chu pe in an bul a thutna awl ah chuan ka thu a






Zawri chuan ka thil pek chu hawngin




'Sana bawk' arawn tih chuan ka thiante pa thum chu ka en vat a, 'in pe ve mi' ka tih chuan anlu anlo bu zeuh...



Za lutuk in kan pa 4 chuan kan han nui leh rih





'Minlo hrechiang ber anihhi, ka lawm lutuk sum save animai' amah ber ber chuan a hlim pui a, kha.. Ka leisual lo ang ka tih mai kha...a chhan chu henu hian sana hi a atchilh ve em ani...






Tlai chaw ei dawn tawh ah pawh kan mimawla chu ala rawn thleng thei reng reng lo a, kan phone lah in ka lo thleng tep a ti ringawt zel a, vawi 4 ka lo thleng tep ati tawh....chaw han ei san tawp lah kan in thlahrung ve tum hrang bawk si...






Zawri chhungte erawh inkhawm an duh avangin anlo ei hmasa a, chhun ah engmah ei loh phei chuan ril chu tam duh raih raih tak ani






Zawri chhungte inkhawm tur a an kal fel hnu atang a chhiar a minute 20 a ral leh meuh chuan kawngka ah a rawn pet lut ve thei ta hram alawm..





Gorya tihloh zawng chuan ding meuh in kan lo thlir thup a, oiiii.... A thil rawn ken maimai chuh!....



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)