MUANZUAL--16

[Ramdinsangi Ralte]

Khatiang khawpa hmeichhe rapthlak hnuaiah khan mami kha khang kum chhung zawng zawng khan alo thawk char char thei kha a fakawm ka ti thlawt ani. Muanzuala nu nen kan inbiakna vang chuan ka mood a off zo vek tawh a, inchhunga ka luh leh pawh chuan a mut dan ngai chuan alo la mu reng a.






A hmel chu a thlamuan hmel ngawih ngawih, ka duh zia hi hria se engtiang in nge min ngaih ang? Kai tho duh lo chuan tukthuan tur ka buatsaih zui mawp mawp a, nutei awm lai kha chuan aniin rawng a bawl chuan Bawihpuia ka lo awmpui thei a, nausen nen a chet dan ka zir angai a, ka tan chuan engkim hi thil thar hlak ang mai ani tawh a, a bik tak in naute han sawngbawl vel ngat phei chu ka khawr in a harsa tak zet ani.







Rawng ka bawl zawh vek hnuah muanzuala kaihthoh tum in room ah ka lut leh a, mutna a lo thlep mual mual chu ngawi rengin a hnunglam atang chuan ka thlir veng veng a.





"Ka van hmuhnawm awm ve?" Nui huk chunga Min rawn tih chuan ka lo tum khum bar bar a. A mah vek chuan "Ka lo mutui lutuk a thawh ka hai pek a lawm mawle, umapuia'n min lo call lo pheise ka la harh pawn ka ringlo!" Min bia pawh ni chiah lo chuan arawn ti tham tuak a.








"I muttui theih chuan a lawmawm anih chu, i nu in min rawn call a, irawn riah tur thu kha ka pa ka hrilh iti emaw ka tia" ka tih chuan phak chual hian min rawn melh rulh a.







"Ka nu chuan enge a rawn sawi leh a? I hmel lan dan ah kha chuan thu lawmawm chu arawn sawi lo tih a chiang Mai" a tih chuan "I sawi dik reng, i nu ka atang sawn tawngkam thlum a chhuak ve thei thlawt lo te pawh aniang. Enteh u z, i nu min hmuhsit dan em em hi chu ka mihring dawhtheihna hian a dawh seng lo ani, tinge atawngkam kâ lakah hian fahrah kan nih thu hi a chhakchhuah reng a? A eng pawi hi nge kan lo sawi bik ni" lungawi lo fe chuan ka tih khum barh barh a.






"Tebawih, ka nu hi chu hriatthiamna nen a en hi a ngai ve deuh alawm, tluangi kha chuan a thil sawi hrim hrim te hi men ah thlakin a khingsawng duh miahlo a, nang pawhin ka nu tawngkam chhia tih vel hi chu ngaih dan tawk thiam tum mai la" a tih sup sup a.






"I haw nghal dawn nge, chaw I ei ve nghal dawn?" Ka tih chuan "Ka haw nghal mai ang, hospital ah pen kual ka duh bawk sia, udingi pawhin hma a sawn ve deuh tawh ka u khan a rawn tia, hetiang tê a athat chhoh leh chuan phai lam pan pui an rilruk ani awm e" a ti zui luam a.








Muanzuala'n chaw a ei nghal ka rin vang khan rawng ka lo bawl ve kha ania, engmah eilo a ahaw leh tak si ah chuan mahni teh tlawnga chaw ei chu ka chak fahran lo bawk nen, thingpui leh chhang chu eiin ka tlingtla ta vel mai mai a.







Mampuia chanchin ngaih ven tum in nutei ka call chuan phone a la thei mang silo a, patea ka call leh chuan min lo chhang vat a.






"Pate, nutei ka call a phone a la thei lo a, nizan lamte inmu tha thei em" ka ti var a.






"I nute-in damdawiin lam ah a riahpui a, ngai kan la awh ti ila, a khat tawk hian ala kaih deuh reng a, atihnagihna tak pawh kan hre mai lo, khalam a rawn phurthlak mai ka duh tawh a, doctorin khawih chet a ngamawm rih lo ati bawk sia, tebawih inau awm dan hian min ti zam ru riau mai" a ti zuai ruih a.







"Pate, kan rawn chho ve mai dawn em ni" ka lo ti vat a.







"Ka van hrethiam bik lo ve, aizawl lama kan rawn chhuk theih tak thut khan min lo la ngaichang deuh rih mahla a pawi lo ang, engpawh nise Pathian ah rinna nghah mai loh chu tihtheih dang kan nei lo a nih hi" a tih leh chuan patea beidawn zia chu ka hrethiam kuar in ka hria.







Bawihpuia bualna tur tui ka chhuan chhungin nau puan vel ka lo su pah a. Kawngka rawn kik dawt dawt tu an awm vang chuan kut phuan deuh luai chuan ka va chhuak a, kawngka ka hawn rual a ka mi hmuh chu ka mihring beisei loh ber te zing a mi ani.







"Tebawih, i hnathawk lai ka rawn ti buai che a va nih hmel ve, inveng ah ka rawn kal remchan lai ka tia tluangi rawn ral ve ka duh bawk sia? Nui sang a salom-in a tih chuan "Engmah ka thawk hleinem, nau puan pahnih thum ka lo sawp lawk a, lo lut rawh min rawn tlawh vang vang a ivan fel ve" pangai tak chuan ka lo ti ve luam a.







"I u chunga thil thleng chu a pawi ka ti khawp mai" kan inchhung melh kual hrak hrak chung chuan a ti sep a. A hmel ner deuh sak pawh chu ka hmuh hmaih hauh lo, anni inchhung leh kan inchhung ve te chu han khaikhin chi zia zang ni hek lo le.







"Nia, hetiang teh thut a min kalsan ringawta hi ka ring bik lo asin" ka ti zuai raih a.







"Lal z-a chu fapa anei hmeltha hle mai, enteh tebawih, nimin piah lawk khan ka rawn haw ve chiah a, ka rawn kal tih a hriat chuan a lungawilo maithei ani, a fapa hi ka hmu chak pakhat bawk a, ka fapa a ni ve thuai dawn tho sia" a tih chuan ka mitmeng danglam chu a hmuh hman loh hram ka beisei.







"Enge ithil sawi awmzia kha ka van hrethiam lo" ka tih chuan a then sak a.







"Z-a nen hian kan innei thuai dawn alawm, i u pasal hlui alo nihtawhna ah ka inthlahrung viau nain, an nupa inkar boruak chhiat zia chu ihriat ve tho ka ring a, tihpalh thil thu vang liau liau a kha tia nupa a insiam ta mai kha annia, tun ah chuan ka hun athleng ve tawh in ka hria" nui var var chunga atih chuan salomi thu sawi dan leh Muanzuala'n ka kianga asawi dan chu inpersan tak ani.







"U z-a khan thian ang bak in ka en velo ati che sia, nanglem in kan innei thuai dawn iti bawk si, a khawi zawk nge rintur hriatthiam avan har ve" nui lui har har chung chuan ka ti deuh ngat a, ka hmai zah buai duh ting lo, tu te pawh hian min tham lo em em vek a, tumah hi zahpah vak ka duh lo.








Nui hak hak chung chuan a kut no fahran chuan a hmui chu a hup zeuh a. "Hepa tak hi chua aw, tun tum ka rawn haw chho pawh hi kan inneihna tur thil vel vang alawm, a fapa hi a ngaihtuah ve bawk sia, duh angin hma kan la thei lo zawk a atih leh lek phei chuan ka mak ti lutuk chu ka lo ang phuau thei.






"U z-a hnen ah chuan ka lo sawi dawn ania, bawihpuia vanga in ineihna tih khawtlai chu angai reng reng lo, chubak ah bawihpuia hi in enkawl tur nilo in ka enkawl tur ania, ani hi chu chhuanlam ah hmang buai duh suh se" pangai tak chuan ka ti chhuak thei hrama, salomi hmeichhia anga a en theih loh thu a sawi lai kha chuan ka lo hlim ve viau a sin le. Nge henu hian dawt arawn sawi zawk, a thu sawi zawng zawng lo pawm duak duak erawh ka tum bik bau lo.







"Tebawih chutiang engmah sawi a ngai lo, a tello in ka rawn kal tih a hriat chuan a lungawilo ngawt ang, kan pahnih in kan va kal dawn ania ati ve nasa sia, naute hi ka hmu chak tawh lutuk a ruk in ka rawn kal anih hi" a bag chu a zen zui rak rak a zanga note sawm chu rawn phawrh in " kha hei hi i u ka ral ve na anih hi ka kuta rawn hmehbel chung chuan a ti leh sep a.








"Nangmah irawn kal hi atawk, pawisa hi chu la kir leh rawh" a pawisa min pek tum chu ka lo hnar vat a, heng ho laka in ham buai hi ka peih hlawl lo, an titi titam tur tinga a pawisa min pek lo lak chu ka duh bau lo







"Tebawih, i u ka ral ve na anih hi" lungawilo lek leka atih chuan ka lo nui ringawt a. "Ka sawi vek tawh kha, nangmah irawn kal vang vang a kha baka hlu a awm lo" pawisa ka lak duh miau loh vang chuan a bag chhungah chuan a khung leh zal zal a, anni ho hian pawisa duh lutuk anga min hmuh hi ka duh lo hrim hrim bawk.








Thingpui ka lum chhung chuan Bawihpuia chu alo pawm a, muanzuala nen an inneih hun tur ringawt chu asawi siam siam reng a. Ka rilru tak chuan haw vat vat se ka ti ngang mai, ka khua a harin inleng chu mamawh viau mah ila, salomi te ang inlenga neih hi chu ka chak lo hrim hrim.






Zantir te ah muuanzuala arawn thleng phei leh a, ka lo rin dan chuan salomi te inlam ah alen ka ring kha ania. Zanriah ka eitlai deuh vangin ka ei chhungin an pafa in anlo inpawm a. Biak chak fahran lo mah ila mawihmang ah ka lo be lui hram hram a. Salomi nen an inkar thu ka laka a zep chhan tur awm ang ka ngaihtuah pawh in a chhan awm ang reng reng ka hre thei lo, kan inpawh ve tawh viau dawn emaw tih pawh in harsatna dang hi a lo thleng leh zel bawk si a.






"Tebawih, umapuia'n annu phai lama phurhthlak a beisei tlat sia, vawiin lam ah chuan a pumna pawh a lo reh tawh a, naktuk ah hian Delhi lam ah chhuk ila atia kalpui turin min phut tlat mai sia, ka zinsan cheu chuan engtin nge inlo awm ang" nuam lo tih hmel lutuk a atih chuan ka lungphu a rang ngang mai.







Tun dinhmun ah hi chuan muanzuala bak hi keini nufa chuan innghahna tur dang kan nei miau silo a, Joshua ka ngaih dan chu pui tak ani, a ni kha chu awm se engmah ka buaipui ve ngai lo in a su kiang duak duak thin si a.







"Tebawih, enge ilo ngaihtuah leh veng veng tawh a?" A rawn tih leh chuan ka nuih sak a. Zin ve lo mai tura ngen tak hi ka nâp a, mahse keini nufa aia dinhmun derthawng an awm miau si a. Mihring nunna tluka hlu thildang a awm chuang lo.







"Min ngaihtuah lo la, kan nufa hian kan lo in enkawl thei em em ang" ka tih chuan a thawchhuak hawk hawk a.






"Ka ngaihtuah cheu alawm, nilo, kei hian englai pawhin ka ngaihtuah zawk cheu a sin, atheih hram chuan zin san loh cheu ka tum ang, ka nu hian kalpui maise ka duh a, mahse keimah kal turin min ti lui tlat a" a tih leh chuan "In chamrei angem" ka lo ti var a.







"Udingi dinhmun a zir ani mai, ka hmuh dan chuan khulama in phurhthlak hi atul in ka hre tawh lo a, mahse anpa hian a beisei miau sia, beitidawn nan tal kan kalpui leh poh aniang chu" a tih chuan ka rilru ah thildang a lo awm daih a.







"I z, udingi inngaihsak ang hian ka u kha ngaihsak ve ula athi bik lo ang mawle" ka ti chhuak phawng a. Ka retheih luat ah mami khan anunna a chân ka ti lo thei lo" ka ti chhuak tiau a.







"A dik a lawm, tluangi chunga thilthleng vang khan ania mama pawh hi a phili buai em em, kan chhungkua hian tluangi kha kan thlahthlam tih ka pha hauh lo, tluangi laka kan inthiam loh vang hian a nia udingi pawh hi hetiang taka kan buaipui , anihna tak ah chuan chhantlak a awm tawh lo tih pawh kan hai mawlh lo, mahse kan theihtawp kan chhuah tih hi lan tur kan duh vang ani pakhat a" a tih chuan ka ngawi deuh vang vang a. Chutah.







"Mami leh udingi dinhmun chu khaikhin chi pawh ani lo, udingi chu inchhungkuain duh taka mo atana in neih ania, mami erawh in inneih dan atang ringawt pawh khan sawi ngai lo in inchhungkuain in iai zia chu alang reng alawm, engpawh chu nise hun kal tawha thil thleng sawi nawn fo hi ka duh tawh lo, a dama te hian hmalam kan pan hi apawimawh" ka ti luam a.








"Zinlo mai rawh minti la chuan ka zin lo ang mawle" ka thu sawi leh athil rawnsawi inpersan lutuk chu ka nui ringawt a.






"Zin pawh nila enge danglam vak, chubak ah Joshua a lo haw tep tawh tho a, Joshua a awm chuan engmah lunngaihna tur a awm lo" ka ti zui barh barh a.






"Chutiang khawpa ithlamuanpui te chuan pasal ah nei law law rawh" thinrim hmel lutuk a min tih chuan ka lo nuih ringawt a.






"Ka nei lo ang tih hi ka sawithei miah lo ania, hmeichhe tan chuan min hmangaihtu tluka tha hi pasal atan chuan an awm miah lo" ka tih chuan "Chutiang a nih chuan kei tluka tha an awm dawn lo a nih chu" a rawn ti nghut chu ka lo melh phawk vak a.





"Min hmangaih em ni?" Zam viau mah ila hriat chian ka duh na chuan min awm tir hle hle thei lo.
Ka mitah chuan Chiang lutuk hian min lo melh reng a.






"Kha hmeichhe tleirawl, a thiante ho karah pawh langsar fal nalh leh nuimawi em em zunzam khan min phuar tlat a. A nuihmel a mawi ang tho khan a hlauthawng leh a tap hmel pawh a tha zual ting emaw tih tur ani, mahse ka hmangaihthu ka hlan ve hmain kan chenna khawvel hi then hran in a awm ta thut a, ka khawih thei a, ka mithmuhphak ah a awm reng chung pawh hian ngawi renga ka thlir liam a ngai bawk si". A hmai chu a tuai leh puat thin a.






"U z, nang chu i uang thei e, tu chungchang nge isawi chiam chiam a, ihla thu chham kha ka hrethiam ve phalo" ka sawitur hrelo lutuk chuan ka ti ta ringawt a.








"Tebawih, ka thu sawi tur hi ngun deuh in lo ngaithla rawh aw, he thu ka sawi hnuah hi chuan min hua emaw pawh nise ka pawm vek ang, zanin ah hian khachen ka lo up bo tawh ka thutuk hi ka piang anih loh chuan ka damchhung hian ka inchhir mai ang tih ka hlau ani, tehbawih, ihnena ka sawi hmeichhia hmangaih ka nei ka tih kha ihria em?" A tih chuan ka lo bu nghat nghat a.






"Kha hmeichhia, ka thinglung atanga ka dah bo theih loh kha, nangmah hi inia sin" a rawn ti chiah chu ka thi dang lo choh ani, muanzuala hian min lo duh ve reng anih chu! Ka lawm lutuk chu tah hawm hawm mai hi ka duh a, mahse he ka hlimna zawng zawng hi a nihna ang turin a famkim thei tawh lo, dipdaltu lian tak a awm tawh tlat. Miten engtin nge min ngaih ang? tih hi ani.








"Ih..u-z, engthu nge isawi a? Kha hmeichhia isawi kha keimah hi maw?mahse engtin nge anih theih" ring chiah silo chuan ka ti bah buai a.





"Duhawmi birthday kha ila hria em? Khami ni khan inthian ho school bang inrawn thlen khan ka lo hmu daih tawh che a, khang hun lai khan Delhi ah lehkha zir in ka awm thin a, ka rawn haw tuk a ni nghe nghe a. In thian ho chezia kha ka lo thlir zui reng cheu a, ithiannu tui tla pawh ka rawn chhan nghe nghe kha, ihlauthawng hmel lutuk te, kha imitmeng mawi lutuk ah khan mittui a tlingpam bawk anih kha" mit meng zim deuh sun a min melh pah chuan arawn ti sup a.






"Nang hian min lo la hre reng a maw? A nih chuan ka u in min inhmelhriattir lai khan min hria ang pawh in i awm hauh silo a" ka lunghnur thar leh ngang mai.






"Tebawih, nang hian min duh tih hi ka hai reng reng lo asin, khami ni a ihmel chi ai nasat zia kha ka hmuh hmaih hek lo, nangmah ang tho khan kei pawh hi ka hrilhhai ve hle tih ka hmel kha chiangtak in min en la chuan ihriatthiam ka ring, ka nupui nau ini tih ka hriat hma kha chuan ilak ah khan beiseina tlem ka la nei ve fan a, mahse engthil nge thleng ta hi, kan pahnih inkar thu chu bul pawh kan tan ve hma hauh in atawp fel der tih ka hriat khan ka nâ a sin, nang haider luih che kha thil namailo tak ani" atawng zawng te chuan a kut chu a hum ruh ngang mai.








Muanzuala hian a sawidik ani, keini pahnih hi chu awmdun thei kan ni tawh lo ani. Ka ngaihtuahna vang chuan ka tapchhuak zui hawk a, a thutna atang chuan rawn tho in min rawn pan vat a, ka dar ah chuan rawn dawm in alam ah chuan min kuai her a.






"Tebawih, he hmangaihna vanduai vang hian vawitam lungngaiin ka lo rum tawh thin asin, ka hmangaih che tih hi puangchhuak lo a phum bo mai ka lo tum tawh a, mahse mipa dang tâ nitur hian ka phal ngang bawk silo che a, engtin nge maw ka tih dawn che le?" Ka mittui luang ngai ngai chu a kut chuan a rawn hru zui mawlh mawlh a...cont






Note ..Le le le, an inpuang chho tak tak tawh dawn e, engtin nge an awm zel dawn tih keipawn ka la hre bik lo ania aw. Sei tawk ka rawn dah thei rih dawn lo tih ka sawi kha min lo hriatsak kiau ula awm