THE BRIDE OF DRACULA : The Land Beyond The Forest...(chapter 1) Dark Of The Moon...

[chester ralte]

.... Chinghne u ruah ruah thawm chuan ka mu tui lai chu min thawng harh chiang kher mai..
Ka phu dawrh a, ka taksa chu a nghing lawih ni ber in ka hria, ka mit ka han men chuan ka chung zawn Van chung sang tak mai ah hian Thla alo eng bial kuk mai a, a mak ka tiin engmah reng hi ka ngaihtuah hmanlo, Rang mang kheng in ka zuang tho zawk a, thinlung phu zawih zawih chung hian ka bul vel chu kan thlek kual nghal vut vut a.
Awi, a mak kher mai, Ram ngaw dur khup hnuai ah ka lo awm reng mai zuk nia le(h)
A eng phiangsen chu nge maw ka chung ah hian lo thleng ta mai hi(?)
Ni e, chiang takin ka hria ani, Nizan ah khan ka mutna pindan ah, ka khum ah ngei khan hla ngaithla chung in ka mu kha ani sia(!) ni e, ka mu chiang ngei ani tih hi Thi Theilo chatuan mi Pathiante hming meuh pawh in ka sawi ngam chiang khawp mai.
Chutianga buai nuaih chuan dar chanve emaw vel lai chu ka awm a, Ka lo mu hlum reng em ni dawn tiin ka taksa te chu kan khawih kual vel thul, mahse...ka thi lo, ka thi lo reng reng, thlarau pawh ka ni hek lo, ka tisa, ka taksa ngei kha chu ka la ni si(!) mahse Ka mumang ti dawn ila ka harh chiang lutuk tlat bawk si.
A va han mak ngai em(!)
Chutianga rilru chiai taka ka in ngaihtuah kual mek lai chuan ka hnunglam a hnim te chu thli chhem ang mai hian an ri sun sun a, mahse thli lah chu a chuang thaw der bawk si lo, chutih lai a karah eng rim emaw ni, rim thang deuh ngher nghur hi arawn nam huam huam leh ta nghal a.
Muangchangin hlau leh phawk hru chung in kan leh hawi a, chu ta ka thil hmuh chu a mak kher mai, ka hnung lam hlam sawmthum(30) emaw vel a hnim pik kar atang chuan thil dum lianpui, a taksa pumpui hmul sei tak ina a khuh chhuah vek, eng ramsa nge tih pawh hriat lo. Phung leh sakawlh inthlahpawlh ni mai awm hi muangchang hian a rawn vak chhuak them them a.
A lu lianpui a a mitmu mei alh ang mai a sen phut mai chuan mit khap leklo hian minlo melh sa reng chu niin.
Chutianga kan in hmachhawn lai chu mit khap kar emaw lek chhung aniang.
Chutih laia ka rilru buai leh mangan zia chu Van chung sang tak, chhum piah lam a leng thin Vantirhkoh te pawn min hmu selang chuan min khawngaih lutuk hi an mittui a tlak loh pawn Van tukverh te hawngin min la chho ta hial ve ang.
Chutih lai chuan a ka chu zau tak mai hian a ang a, a ka chhung chu meialh hlawm ang mai hian a eng vam huam a, mei alh rapthlak tak mai hi a phuh chhuak zuai zuai mai leh nghal. Chutah thawk lehkhat an kan awmna hmun nghawr nghing hum hum khawp hian rapthlak a zawng a rapthlak ber mai hian a hram leh ta nghal anih chu.
Chutah meuh chuan engin nge min mawlh pawh ka hre lo, ka hma zawn hnim pik chu tawn pheiin, hlau leh khur zawih zawih chung hian ka tlanchhe phei ta dawr dawr a.
Hlam za vel emaw vel lai chutiang a hlau leh thlabar a ka pawng tlan chiam lai chuan ka hnung lam kan hawi let a.
Ka va han inchhir tak em, lo hawikir malek tur hi ania.
Chu hremhmun Sakawlh ai pawh a rapthlak zawk chuan chak tak mai hian minlo um ve mek a, thing lian pui pui te chu a su tliak hmawk hmawk a, hnim pik tak tak te pawh chu su tlang pawp pawp in ka lam pan chuan chak mangkheng hian arawn tlan phei dawr dawr a.
Hetih lai a ka rilru mangan zia leh hlauh zia mai chu(h)
Pathian te anga thi theilo pawh ni ila Vawi engemaw zat chu ka thi nawn ta hial ve ang.
Chutiang a rilru hlauhna rapthlak chuan vawikhat te mah hi ka pian a hnu lam ah ka thinlung hi ala man ngailo.
Hlauhna leh beidawnna inkawp avang chuan a hma aia chak in ka hma lam hnim pik tak tak chu ka tawn phei leh bawrh bawrh a, mahse thui pawh ka la tlan hman ta lo, tlanna lam pawh ngaihtuah lo a pawng tlan vak ka nih avang chuan lei a thing zung zam lawr ah hian ka in chhuih khut a, ka hmalam hlam thum, li emaw vel lai ah chuan ka thlawk phei dawrh a, eng emaw ni, lung chang ni awm tak ah hian ka lu ka sawh chawrh a, tho leh tur reng hi ka awm tawh lo, ka lu chu a hai nghal mup a, ka vai ruai ruai a, ka chal atanga ka hmai a thisen rawn luang thla leh lum thla zawih zawih te pawh chu ka mang hriat ruai ruai a,

hla tak a ramsa thinrim hram ruah ruah niawm tak ka hriat te pawh chu a zawi telh telh a.
Chutah ka mit sulh a, engmah hriat zui reng ka nei tawh lo, engtia rei nge chulai hmun ah chuan nikhaw hre lova ka awm tih reng ka hriatna thahrui te hian an ngaihtuah chhuak zo tawh lo.
Ka harh chhuah leh meuh chuan in zau leh lian em em mai, hmanlai ennawm chhuahna ni awm tak, kum sang tam tak liam tawh a an rauhsan ni awm tak a hlui rup tawh ah hian ka lo awm a, mak tiin kan hawi kual vel ruai a, bang ah chuan a khat mai tawk hian meichher hi a in chhi thliah thliah hlawm a.
Chutah harh chhuak thut in ka chal chu kan khawih vut a, mahse pem leh hliam reng reng a lo awm miah lo, mak ka ti kher mai, ka han ngaihtuah kir a, ramsa nge tih pawh ka hriat loh in a min um te kha atak ngei chu niin ka hria a, Tin, ka chal atanga thisen rawn lum thla zawih zawih te pawh kha a tak ngei niin ka hre bawk si.
Mahse tunah chuan hliam engmah ka nei bawk si lo.
Chutiang a makti leh rilru buai nuaih a ka awm lai chuan, zawi fahran a, thil in hrut ri hruih hruih thawm ka hre leh nghal a.
Thawm lo chhuahna lampang ni a ka hriat, ka hma lam chu thlabar leh ti tak chung chuan muangchang hian kan hawi phei a, chu ka hma zawn a bang emaw ka tih chu Puanzar lian tak hi alo ni reng mai anih chu.
Chu puanzar sen duk ruih mai chu alai ah phel in, a sir ve ve ah chuan muang chang hian alo in pawt tawm mek a, chu Puanzar in pawt tawm ri hruih hruih chu ani ka hriat chu.
Ni e, lemchanna hmun ah ngei ani ka awm ni, puanzar alo in hawng a, lemchanna dawhsan (stage) te pawh alo lang ta anih hi le.
Chutia milim ang maia mit pawh khap na chang hre lo khawp a ka hma lam a lemchanna dawhsan ka en reng lai chuan, Dawhsan sir atang chuan mi pakhat, hmanlai Puithiam emaw ni, nge Dawithiam ho hak ang chi kawrfual rawng thim, thuiloh kawr fual emaw ni zawk, a lukhum leh kawr inzawm ha hi hmanhmawh lo fahran hian arawn tawlh chhuak a, a kut chuan meichher eng lo tak mai hi arawn keng bawk a, chutiang chuan dawhsan lai zawn vel athlen chuan ading chat a, mitthi pawh an harh zawk thei ang tih khawp a ring hian,
" Nuna aia thihna thlang tu, Thihna aia boralna thlangtu,
mahni taksa anchhe lawh a, mahni thlarau pawh tiboral tu.
Aw.. Pathian te chuan a thlarau chungah zahngaihna lantir lul rawh se.
Thlarau rethei, Aw.. Thlarau rethei,".. ti hian a au a.
Au satliah mai pawh ani lo, thlarau lungngai tap, thlarau hremna tuar tap chiau vawn vawn hi a ang ber in ka hria.
Chu au ri rapthlak tak chu ka beng kawrawng chhung ah chuan a khawk thla rum rum a, ka rap em avang chuan ka hmul thi te pawh an ding sung sung a, ka lungphu te hi a chawl ta ni hial in ka hria.

Ka rap lutuk chu ka mit sulh a, nikhaw hre lo in hun eng emaw chen chu ka awm ni ngei tur ani, ka han harh chhuah leh meuh chuan chu mihring nge ramhuai tih pawh ka hriat loh chu alo awm tawh lo a, Chutih lai akar an khawi atangin nge tih pawh hriat loh hian thli lah chu a rawn la thaw vuk vuk mai leh ta nghal a.
Hlauhna mai pawh ni lo, thihna in min man ni ber in ka in hria, chu thli chu khawi lam atanga rawn lut nge tih ngaihtuah leh hriat tum a kan hawi kual vel lai chuan, ka hmalam dawhsan chungah nge, a hnunglam bang ah zawk tih pawh ka hriatna thahrui te hian an ngaihtuah chhuak zo lo.
Ramhnuai Pilril tak a mi pakhat sakawr chung chuang, hmanhmawh tak a tlan hi ka hmu a.
Mahse thawklehkhat ah chung ramhnuai leh mihring te chu an bo thut a Tlang chhip a Kulh hlui tak nge Lal in(castle) rauhsan tawh emaw ni hi alo lang leh thut a, tichuan kulh chu alo lang hnai zel a, chu Lal in chhip zum hnuai a bathlar emaw ni ah chuan kawrfual dum, hmanlai hmeichhia ten a an hak ang chi ha nula khawhar hmel tak hi alo thu a, ring fahran lo hian a in hnit feih feih reng a, chu zan thlifim te chuan a sam sei dum hlap mai te chu an chhem leng siau siau a,
A lungngaih vang nge a put hmang ve reng ni zawk pawh ka hrethiam love, mitthi tawh hnu ang tlat hian kan hmu tlat pek chu.
Ani lah tak a, thisen nei lo ang mai hian vun te chu a dang bem a, a mit meng te chu a khawhar hmel in dul ruih in lang mahse thinlung ngaihtuahna zawng zawng pawh a hmu tlang vek thei hial ang tih khawp in fiah kak thung lawi si, zaidam hmel viau in ahriat na a, a mit meng chuan rapawm rukna riau neiin, thihna rim a nam tlat hian ka hria.
A taksa leh hmai te chu thisen lum neilo ang mai a dang bem in lang mahse a heh te chu a sen tha in, a nung hlarh a, duat tak mai a han fawh vawng vawng hi a chakawm hliah hliah ringawt mai ani.
A mit chuan khawhar tak mai hian a hmalam a ngaw chhahpui lam chu a thlir dauh dauh a.
Ni lo, mihring mit ina a hmuh phak aia sei leh thinlung mit pawh ina a hmuh theih piahlam, arsi piah lam ram, thlarau khawvel ai pawh a hla zawk a thlir ni mai awm zawk hian alang.
A mit atanga mittui lo luangchhuak ngiai ngiai te chuan a rilru suangtuahna leh ngaihtuahna, a thinlung natna leh khawharna te chu engzah tak a tam belhchhah ang maw?
Eng emaw sawi ni awm tak hian a hmui chu a phun leh sep sep thin a.
Uluk leh ngunthluk tak a athil sawi hriat tum a beng kan chhit hru hnu chuan, ka hre thei vuai vuai.
" Aw, Ka hmangaih, kum tamtak ka lo nghak tawh che asin, khawvel pawh vawi za tam a in her kual in, sik leh sa te pawh an inthlak danglam zo ta, Duhtak, vawi tam tak beidawnna hian min tuam thin asin, a chang chuan hmu thei ngai dawnlo che in ka in hre thin a, Mahse, chutiang ang beidawnna rilru ka put apiang chuan in ka thinlung hian, ka hmangaih chuan min la theihnghilh lo ani tih min hrilh thin a, thlifim te chu min hnem tum in an lo kal a, ka hmangaih thinlung ah chuan ka la cham reng ani tih min hrilh ru thin, hun te pawh hian in lo la nghak hram hram tur in min hrilh thin asin,"
Chutia lungleng leh khawhar taka a phun sep sep hnu chuan zawi te hian a zai leh rat rat a.
Chu zan reh leh khawhar tak ah chuan a aw thiang leh khur dar dar chu boruak ah chuan a zam vel ni ber in ka hria.
A aw khawhar nalh tak mai chuan thinlung a fan a, mi lungleng mi tak tan phei chuan tah hawm hawm na tham a tling ta hial ve ang.

Kei ngei pawh chu ka lo in sum thei bik i khaw lo mai, hriat loh kar in ka mittui chu a lo parawl kiang mai zuk nia le(h)
Chutianga lungleng taka ka thlir dauh dauh lai chuan chu Lal in kulh ropui tak mai chu a lang hla tial tial a, a chung zawn Van lam hla tak a khawhar hmel taka eng ut Chhawrthlapui chu alang chiang in a lo hnai telh telh ni hian ka hria.
He ka mumang nge atak tih pawh ka hriat loh hian min tibuai in, ngaihtuahna kal ding lutuk tur te pawh hi ati muang nge, ati ral zo ta tih pawh ka hre lo, Ka hma a dawhsan(stage) ah hian nge lem an chan a, boruak a in khai chungin?
Nge ni a, chu lemchhanna dawhsan hnung ah chuan anlo lang zawk ni.
Lemchanna Cinema nge ni a, Television en ang ka nih tih te pawh ka hriatna leh ngaihtuahna te hian an ngaihtuah chhuak lo.
A enga pawh chu lo ni ta tehreng pawh ni sela, lemchan ka en ngei tih chu ka mit ni lo, ka thinlung hian a hmu fiah em em lawi si.
A hma lawk a ka hmuh Nula i chu hmu tawh lo mah ila, a zai ri te chu ka bengah hian a cham a, ka thinlunga fan a, engdang mah hi ka ngaihtuah hleithei lo ani ber e.
Greek ho Pathian chungnungber leh ropui Zeus-a fanu Pakua zai ri, mihringte hriat ve thianglo leh Greek pasaltha te Colchis rama rangkachak beram hmul la tur a rammu te Pathiannu Hera-ina mal a sawm avanga an zai leh Achilles-a pa Myrmidon Lal Peleus leh tuipui lasi Thetis-i te inneih lawmpuina chauh a mihringte hriat tur a zai, Muse- ho te zai ri mawi ai pawh in ka thinlung a hneh zawk a.
An zaithiam em avanga an zai ri hriat avanga Tuipui hrut a zin veivak mi leh lawng pu tam tak pawh ina an at phah hial khawp a thiam leh, rilru pawh tibuai a, mahni pawh intheihnghilh theih phah na hial khawp a zaithiam leh Troy- indona tawp hnu a an ram Greece lam pan a zinkawng zawh mek, amah avanga Troy- khawpui hneh anih theihna sakawr lim lianpui, Trojan Horse- an tih siam dan ngaihtuah chhuak tu mifing leh remhria Ithaca Lal Odysseus-a pawh ina an zai a ngaithlak avanga a at hlen phah na tep, Siren- ho te zai pawh in an tluk lo ta hial ve ang.
Dar Chanve emaw vel lai rilru buai ang maia ka ngaihtuahna ka lo kawm mawlh mawlh lai chuan, enge maw ni hian min ti harh zawk a, ka hmalam dawhsan chu rang mangkheng hian kan thlir phei leh nghal a.
Ka Nula lungleng tak mai hmuh leh Lal in ropui tak te chu hmuh tur reng alo awm tawh lo, lemchanna dawhsan chung nge nia a hnung lam bang ah zawk chuan Ramngaw thim khup mai hi alo lang ve ta thung a, tichuan zawi zawiin alo lang hnai zel a, sakawr ke pen ri thawm leh tawng nak nak thawm te pawh chu alo chiang telh telh a, mahsela, a thim em avangin an mahni tak chu ka hmu thei lo,
Van chung sang takah chuan Thla chu eng ut mahsela a lang chiang em em fahran lo.
Chu ram ngaw chhah lutuk mai hmuh tlang vek theihna tur khawp chuan a let enge maw zah a Thi theilo Pathian te hnen atanga tanpuina leh khawngaihna a dawn loh chuan tum sa teh eng ang mahse, tunah rih chuan a thei dawn chuang silo.
Hmuhchian leh zual tum a rei ngial kan thlek hnu chuan chu ngaw dur khup hnuai ah chuan khua alo awm reng ani tih ka hre ta.
Tichuan alo lang chiang zel a, chu khua, tlawh pawh theih loh ni awm tak hmel pu leh Thi thei lo Chatuan mi, Pathian te chenna ni awm taka hmun biru lutuk a awm chu, mihring chiar noh noh aw ka atang chuan Aesirod - khua ani tih pawh ka hre thei ta.
Khaw lian vak hmel chu a pu lo na in khaw hlun leh pawimawh tak chu ani tal ang, an in thenkhat pianhmang leh an kawtthler eng ilo han en mai chuan.
Chuan le, chiang mangkheng in alo lang ta.
Buaina eng emaw thleng ni awm tak hian mipui ho chu hmun pakhat ah hian an bawrkhawm tuau tuau a, phung hmu ni awm fahran hian an hawi phawk hru hlawm lehnghal. Mitin mai chuan an neih chhun chhun ni awm tak hian hriamhrei chi hrang hrang hi an hum far hlawm a, an kut lehlam in meichher an la keng thluah bawk a.
Chutia an awmkhawm tuau tuau lai chuan Sakawr dum lian tha zet mai hian chu khaw chhung chu alo lut ve mek a, chak tak a lo tlan zelin pungkhawm ho awmna zawn a thlen chuan a ding ta reng a,

chung mipui hremhmun atanga lo chhuak ni mai awm tak a hmel dur leh thisen chhuah chaka tuihal ho chu tawn tlang tum vaih se zawng, mitkhap kar lek ah an pawt darh vek hial ta ve ang.
An thusawi ber pawh hriat hleihtheih loh hian chu sakawr chungchuang pa lo thlen veleh chuan chung mipui pungkhawm ho chu an chiar nuai nuai a, thinrim eng phiar in an au a, anchhe tinreng lawh a, kawk sawk sawk tu lah bo lo.
Chutianga reife an in dinchilh ren rawn hnu chuan, mipui kar atang chuan Pa upa lam deuh, sang thlerh thlawrh, mitmu lian leh meng fiah kak mai, thuneih hmel deuh hi alo pen chhuak a. mipui lam hawia a ban pahnih an phar chhuah hnu chuan an ngawi ta diak hlawm a, chutah muang chang a chu sakawr chungchuang pa bula kal hnaiin
Zahna entirnan an kun zauh a,
" Chibai, Marcus Valerious, Baculla Lal fapa zahawm, he khua enkawltu leh roreltu Zeddicus de La'mir ka ni e, heng mipui, i khua leh tui te hian an pawh sawm hma che hian i sakawr kha kuai her leh vat la, i pa hnen ah kir leh vat rawh, chu chu i tana ka tih theih awmchhun leh i nunna ka chhan theih dan awmchhun anih chu, heng i khua leh tui te hi i pa chung ah an lungawi lo nasa ani, " tiin chu Sakawr chungchuang pa chu an bia a. muangchanga rawn hawi chhuak in, zam hmel pu miahlo hian chu sakawr chungchuang pa chuan chu pa hnen ah chuan,
" Thi theilo Pathian ten a min dang tura an rawn tirh che pawh ni la kir leh thei ka ni tawh lo," chang deuh fak hian alo ti let ve sak a.
Thinrim insum tak chung si hian chu pa chuan,
" Lal Fapa zahawm, Marcus Valerious, Kei chuan i chungchang engkim ka hria a, chuvang chuan i kir leh hi ka duh ber chu ani, Tin, heng mipui ho hi chuan i pa rorelna avangin an thinrimna leh lungawilohna hi in chhungkaw chunga hrikthlak an duh a, in chi leh kuang Lal thisen kai tawh phawt chu tu pawh nunau nen lam an dim hlek lovang, A eng a pawh chu lo ni se, tun ah hian i haw leh nghal tur ani,"
a sawi zawh rual chuan Marcus-a, sakawr chungchuang pa chuan,
" Nang putar hian Olympus tlang i zuan khum ang maw? Ka chungchang hre tur khawp chuan tu phiangsen nge maw inih le? min hrechiang tur khawp a fing inih ngai chuan, Chatuan mi Thi thei lo Finna Pathiannu mitmeng de riai Athena-i khum ang maw, i tawngkam kha fimkhur rawh aw, Pathiante thinurna i dai baw palh hlauh dah ang e,"
chu pa bawk chuan chhanglet in,
" Marcus Valerious, i nu leh pa pawh khan kei tluk chuan an hre chiang lo che tih hi Minung khawvel leh lei hnuai mitthi khua daidang tu, mei thianghlim nen a in zawm Chatuan Thuruk Lui Styx- hming chhal in ka sawi e, tunah hian I Siamtu Thi theilo Pathiante tlanbosan in, chatuan atan a ngaihdam theihloh leh Mei thianghlim pawh ina a kan fai theih loh na tur che Minung khawvel piahlam kawng chu zawh in boralna anchhia chu i in lawh mek anih hi, " thinrim engphiar hian a chhang a.
" A tu phiangsen nge maw inih a, ka chungchang sawi tur a i ka an tir tu chu tu nge maw inih chiah le.?" ti a sakawr chungchuang Marcus-an an tih chuan, in ngaitlawm anga lang chung si, hnuaichhiah deuh chung hian chu pa chuan,
" Ni e, kei hi Northland ram zawng zawng a Wizard (dawithiam) ropui ber leh Druid puithiam Lal thisen kai ka ni e, ' Palace Of Prophet ' - a awm ka ni a, i lo pian tur thu puangtu leh i nausen lai a enkawl tu che ka nih hi, i thuruk engkim chu nangmah ang bawk khan ka hria asin," tiin a chhang a.

Sakawr chungchuang Marcus-a chuan," Ka thinlung leh rilru ngaihtuahna zawng zawng pawh chu lo hria pawh ni la, min dang thei chuang lovang, ka chungchang hrilhlawkna chu ka ring chhe te lo a, lo thleng dawn pawh nise la hrilhlawkna chu ka ti hlawhtling tihna ani mai lawm ni," an ti let leh sak a.
" I chungchang hrilhlawkna hi alo thleng dik tur ani lo, ka kalsan dawn che khan i nu leh pa hnen ah hrilhlawkna pathumna ka hrilh a, mahse an dang zo lo che nge, an lo mang nghilh zawk?
Hrilhlawkna hi alo thleng tur ani lo, nangmah avang hian chhiatna leh buaina ala thleng dawn tih hrilhlawkna chu alo thleng leh tawh a, chu chu Thi theilo Pathian, chungnung ber Zeus-a fapa leh thuchah kengtu ni bawk, pheikhawk thlawkthei hmang a reilo te chhung pawha a duh duhna hmun a thlawk zung zung thei Hermes- an ' Palace Of Prophet '- ah a rawn puang ani," tiin chu pa chuan thinrim tak hian a ti a. Chutah thupe aw tak mai hian chu Sakawr chungchuang pa chuan,
" min dan khawtlai nan chuan a tawk thawkhat tawh lo maw ?
I mi te hi thu pe la, an mahni in lamah haw theuh tawh rawh se," ati chang ta fak mai a.
Thinrim tak hian chu pa chuan,
" i nunna ai hian ka mite nunna (he pa hi Druid- puithiam, dawithiam hnam kan tih tawh kha ani a, ka mi te atih hi khua ami te hi nilovin, a chipui Druid- hnam a sawina ani) hi ka tan chuan an pawimawh zawk asin, nangmah avanga ka mite chunga chhiatna lo thleng tur hi ka dang tur ani." tiin a chhanglet a.
Chu sakawr chungchuang pa thin chu arim tawh bawk ani ang, a thir lukhum dum nalh tak mai chu hlip thla in chu pa chu thinrim tak mai hian an melh a.
" thi theilo Pathiante hrilhlawkna tih danglam itum vei maw, eng ang thlarau sual in nge maw luhkhung ta che le, engkim hi Pathiante remruat anih ngai chuan ati danglam thei tu pawh Chatuan Pathian te chauh ani ni," tiin a kawng a a chem sei nalh tak pai chu a phawrh zui nghal a. chu pa chuan chhan tuma a ka a an zuau lai chuan,
" Wizard ropui ber pawh chu lo ni la, Thi theilo Pathian ten an remruatna ti danglam thei tur khawp chuan in nang thithei mihring chung ah hian kut an nghat lovang tih hi Chhum lakhawm thin tu Cronos-a fapa Pathian Chungnungber Zeus- a hming chhal ka sawi e.
tunah chuan in chunga roreltu ka nihna leh Lal ka nihna angin thu ka pe a che, ka hma atang hian in thiarfihlim la, vawikhat mah i hmel anchhedawng kha ka mit hmuh ah rawn lan leh tawh suh ang che," a ti a. Chutia a sawi zawh chuan muangchang hian a sakawr chu an kal hma tir a, a hmaa mipui pungkhawm ho hnenah chuan,thupe aw tak hian,
" Aesirod- khaw mipui te u, kei hi in khaw awptu leh inkhaw chunga Lal leh roreltu Alpheus-a fapa, Marcus Valerious- ka ni e, ka pa rorelna ah in lungawilo tih ka hria, rorelna fel tawk lo chu a reltu mawhphurhna ani a, a rel tu chungah in thlen tur ani lo em ni? Ka thisen in chhuah avanga rorelna dik hmuh in in beisei anih chuan lo kal ula ti ta che u, helai hmunah hian thisen chhuah tur a lo kal ka ni lo a, chuvangin in thisen chhuah tur khawp chuan ka lungtiawilo suh u." a ti a, chutah a ngunhnam nalh tak mai chu lek chhuak in thupe aw tak mai leh ring tak mai hian an sawi zawm leh a. " In beng kha lo dawh teh u, khawiah nge in finna leh remhriatna te kha a awm zawh tak, dikna in duh anih si chuan tinge diko tak a thil tih in tum leh si. Thisen chu thisen vek in an rul leh thin a, phuba chu phuba vek a rulh ani thin tihte in mangnghilh ta em ni "? Tiin an sawi zawm leh a. Chutia a sawi lai chuan mak tih hmel tak leh ka hau chung hian chu sakawr chungchuang pa chu mipui ho chuan an thlir thup hlawm a, a thu sawi lai chu an chawl det a, chu mi hnu ah an sawi chhunzawm leh a,
" Aw le, ka lo pian hma daih atang tawh khan he ka zinkawng zawh tur hi Thi theilo Pathian ten a an lo ruat lawk leh duan sa ani a, chuvangin min dang tur a kut in lek anih chuan Pathiante hremna leh anchhia chu in pumpelh hlek lovang," tiin an sawikhum ve ta sak mai a.
Chutianga a duhtawk a an hnen a thu asawi zawh chuan a thir lukhum chu khum leh in a ngunhnam erawh chu hman mai theih turin a lekchhuak a, tichuan a sakawr chu pungkhawm ho kar ah chuan a khalh phei zui ta nghal a.
A thusawi avang chuan amah an hlau nge ni a Pathiante anchhia an hlau zawk ni? Kutthlak leh chet lak han tum pawh tumah reng an awm lova, ngawi rengin an en thup a, akalna tur in kawng an lo kian sap sap hlawm ringawt a.
An khua a chhuahsan thleng, ramhnuai lama a tlan liam thleng chuan ngawi rengin an thlir thap hlawm a.
A hma a a inhnial pui Druid- pa erawh kha chu kawtthler ah chuan hmuh tur reng hi a lo awm tawh lo, a in ah thinrim eng phiar in a tlan haw vat a, chu sakawr chungchuang pa chunga phuba lak dan tur ringawt ngaihtuah in inchhung ah chuan a vei tawn sek a.
Ni e, khang mipui mawl tak tak ho kha chuan an dang thei dawnlo tih ahriat vangin a rilru hneh tum ran in a chungchang thu a sawipui kha ani a, a dawi thiltihtheihna hmanga han tihhlum nghal mai pawh kha duh mahsela mipui mimir ho hmuh lai ema dawi han hman kha chu a tihchi ber bawk silo. Khatianga a fin phakar chhuah pawh a a dan theih bik chuan loh avangin tihdan tur enge maw a ngaihtuah vat a ngai ani.
Chutianga hmuhnawm ti tak a lemchanna dawhsan lam ka en reng lai chuan vawilehkhat ah ka awmna chu a rawn thim thut a, banga meichher in chhi te chu hmehmit ang mai hian a rawn thim rual thup leh nghal vei nen!!
Chetsawn ngaihna pawh awm leklo khawpa thimin a min han hual meuh chuan hlauhna mai pawh nilo, thihna in min rawn man ta ni maiin ka hria, ka mit ka men leh men loh pawh ka hre thei lo a, meng pawh ni ta teh reng ila, mit del ai pawn ka hmu fiahlo ta hial ve ang. Dar chanve emaw lai chu thehmeh ang mai hian a reh vawng vawng a, chatuan hmun sang sawm ai pawh in a rei zawk hial in ka hria, sawifiah dan ber pawh ka thiam lo, a rapthlak ngawih ngawih niber in ka hria, hriau pawh tla sela khawpui ri ai pawn a ri ring zawk hial ang.
Chutia hun eng emaw chen che chang lo a thim hnuai a ka thut reng lai chuan muangchang muang chang hian ni maiin ka hria, thli hi a rawn thaw heuh heuh a, mahse a thaw rei telh telh a a rapawm telh telh in ka hria, thli tuihu pai ni mai awm hian a hnawng deuh chup a, ruah sur in a min rawn theh deuh that that hi ka tehkhin ber, mahse kan in dap kual lah in ka huh chuang bawk silo. Chutih lai a kar ah ka hma zawn a lemchan dawhsan bawr vel ni mai awm ah chuan eng emaw sawi a phun leh deuh sep sep hi a awm leh thin a, ngaihthlak chian tum a beng kan chhit veleh a reh leh daih zel bawk si. Chutianga vawi li emaw vawi nga emaw vel lai beng ka chhit zawk zawk hnu chuan ka awmna chu tlemin a rawn eng deuh a, thil eng emaw chu alo thleng chiang ani ti rilru chung in chesawn chuanglo hian ka bul vel chu kan melh kual hrek hrek a, chutianga ka hawi kual vel lai chuan ka mit sir hian eng emaw thil dum phe vuai hi ka hmu leh thin a. Chutia thut reng ringawt chu dik theiin ka hre lova, hlau leh khur zawih zawih in, thih leh thih ti pah chung zel in muangchang chuan hnunglam kan hawi ruai ruai a. Chuta ka thil hmuh chuan min rap kher mai, ka hmuh rual rual chuan ka thutna atang chuan ka per thla nghal lawp a, chutah la khur zawih zawih chung chuan muang chang in thutthleng kar atang chuan kan bih dek dek a, Ka awmna inchhung hnunglam atang chuan banga meichher in chhi ho chu thil dum lianpui nge, puandum sin hlun mihring nge thlarau zawk emaw ni hian muangchang a thlawh delh delh pah hian a rawn chhi phei thliah thliah zel hi alo ni a, mit la lo lek in bang chhak lam zawng a chhit en vek thleng chuan ka en char char a, bang chhak lam a chhit en zawh vek hnu chuan muangchang hian a ral riai riai a, mahse kei apawh chu ka la chechang ngam bik chuanglo, ka awm ngaiin ka awm char char a, chutiang chuan dar chanve emaw vel hnu ah chuan bang thlanglam tawp ah chuan thlrau ang mai hian fiahlo ruai hian a lo lang leh a, reilo te ah alo lang chiang leh telh telh a, chutah bang thlanglam meichher chu a rawn chhi phei zui leh diat diat a.

a chhit zawt hnu chuan eng emaw ni zawng ni awm tak a hawikual vel ruai in a vir sek a, chil pawh ka lem ngam lo, min hmu ang tih mawlh mai chu ka hlau a, ka lungphu te chu khawpui ri maia ri ring ni hian ka hria a, han tawp rih se ka ti hial mai. Min rawn hmuh hlau tak chung a ka bih dek dek lai chu ka hlauh ang ngei chuan min rawn hmu ta, chutah za em em hian a nui nge, a khek tuar tuar a, hlau tih te chu nep te a ni ringawt, ka rap lutuk chu ka khawng vek in ka hria, chet sawn ka tum pawn ka che sawn theilo, ka thaw a chham a, ka mit sulh a, engmah reng chu ka hre zui leh tawh lo.
Engtia rei nge nikhaw hrelo a ka awm tih reng ka hriatna thahrui leh ngaihtuahna te hian an ngaihtuah chhuak zo tawh lo, a enga pawh chu lo ni se, zai nge hla chham mi sawi ni awm tak zawi te a phun bel bel thawm hian min ti harh zawk a, ka lu lah chu a rit bur a, a na em em mai lehnghal, muangchang a hawikual hrek hrek pah in kan tho kang tuah tuah a, a hma a thlarau nge mihring tih pawh ka hriatloh kha chu alo awm tawh lova, chuan thuthmun te kan rem fel a, thawm lo chhuahna lam ni a ka hriat hmalam dawhsan lam chu kan en kual a. Chu dawhsan chung nge a hnung bang ah zawk ni, nge ka hma ah chuan Cinema a chhuak zawk tih pawh ka hrethiam lo, kei misual ah pawh a sual ber ni hial awm tan hian inlar na zawng ani thei lul lovang, eng pawh chu lo nise harh chiang em em ang a in hre chung siin, ka pik churh a, ka chianglo ruaiin, mumang ram a cheng ni in ka in hre bawk si.
Van boruak zau tak hi alo lang a, Thlasik boruak in a tuam vel ang mai a Van borual thiang tak kar ah chuan lungrual hmel tak in Arsi sang tam tak te chu an in pho tuarh a, Hmar lam pan mek ni awm tak a Thlasik kawng paw phei riai mai te pawh chu an lang chiang in Siamtu hian hetianga awm tur hian kum maktaduai engzah nge a ngaihtuahna leh remhriatna te chu a sen anga a hman ral ang tih hi rilru hian a ngaihtuah vawng vawng mai, chutia hmuhnawm leh mak ti tak a ka thlir dauh dauh lai chuan Zanlam roreltu Chhawrthlapui pawh alo chhuak tan ve mek a, chu Arkaiden zan chuan a ropuina chuan a hnuai a Tuipui dum kuk te chu a en paw phut a, a bul lawk a ram ngaw chhahpui te chu a chhung zawng zawng chhun tlang vek lo mahsela a mawi tawk leh hmuhnawm tham chuan a en tho tho, mi lungleng mi tak tan phei chuan dan rualloh mittui sur tirtu ani ta hial ve ang. Chutia hmuhnawm leh suangtuahna ram a ka chen veng veng lai chuan sakawr tlan ri tlauh tlauh hian minti harh zawk a, thawm lo chhuahna lam zawng a mit kan len kual ruai lai chuan, tuipui hrul vaukam ah hian a hma a sakawr chungchuang ka hmuh pa khan hmanhmawh fahran hian a sakawr chu alo khalh phei mek a, tichuan ka en zui zel a, thuife a tlan hnu chuan a sakawr chu a dintir a, khawhar hmel tak a a hma tuipui zau tak lam a thlir veng veng hnu chuan zawite hian a phun sep sep a, a chang in a kun leh zauh thin a, a tap ni ngeiin ka hria, a mittui a hru leh zauh thin a ni, enge a sawi hriat tum a beng ka chhit hru hnu chuan, thli thaw ri vuk vuk ri nen, a hriattheih em em chuang loh.

" Ka duhtak, nangnena kan inkar ah hian mel sang tamtak a awm a, i hnen lo thleng tur hian chakna ka va nei tlem ta em, Aw, i hlimthla tal hmuthei ila, tichuan ka thahrui te hian chakna a nei leh tur a." tiin a phun sep sep a, chu tah a ngawi leh veng veng a, a maimitchhing diar diar a, a mitthla ah chuan a nula i chu a hmu a ni ngei ang, harh chhuak thut ni awm tak hian a rawn meng leh a, hmel hlim leh nung sarh a tuipui lam hawi pah chuan, muang ban chat leh zawite hian, fiah em em lawi siin a rawn tawngchhuak leh a,
" Tlang sang tak leh tuipui zau tak te chu kan inkar ah awm mahse, Thlasik khawvawt leh vur tla te chuan he ka zinkawng hi min dan tum mahse la, thlaler ramro leh nipui nisa leh lum huam huam te pawh paltlang ngai mahsela,
Aw, ka Lalnu, nang hmu tur chuan mitthi khua nen pawh ka lo kal ang a, engmah reng in min dang thei lovang" tiin an chham nawn leh a. A sawi zawh rual chuan a sakawr beng bul ah hian a zu kun hniam a, eng emaw a sawi zauh a,
tichuan ram ngaw lam pan chuan hmanhmawh tak in a tlan liam ta a.
Chutia khawhar tak maia sakawr chungchuang pa thusawi lunglen thlak tak mai te leh a rilru tur awm ang te chu ka ngaihtuah let a, ka suangtuahna ramah chuan chengin ka lung hi a leng veng veng mai a.
Chutianga mumang ang ruai a ka awm lai leh ka thil hmuh te ka ngaihtuah zui lai mek chuan thawk leh khat ah thli vawt tak mai hi a rawn thaw thut a, ka suangtuahna ram atang chuan min chhem harh chiang kher mai,
ka phu dawrh a, thli lo thawt na lampang zawng chuan ka hawi kual vel ruai a.
Chutia ka hawi kual lai chuan, ka hma zawn lemchanna dawhsan lam ah chuan eng thawm emaw ni hi alo awm a, kan hawi phei nak chuan, dawhsan chung nge a hnung bang ah emaw ni chuan Van boruak zau tak hi alo lang uarh a, boruak a thiang in chhum pakhatmah hmuh tur a awmlo na chungin arsi reng reng hmuh tur a awm miah lo nia, van chung sang hla tak a khawhar hmel tak a Thla eng kulh tihloh chu hmuh tur dang reng hi a awm lo, a eng emaw ti tak a mawi danglam viau chuan lang mahse, a mak in a rapawm hliah hliah zawk in ka hria, chu a chhap ah, chu Thla chu lemziak thiam ina a ziah ni mai awm hian a bial fiah kak mai a, mawi ka ti pawh ani lo, min hip bet ni ber hian ka hria, mit lak sawnna chang reng ka hre lo. A vel in chhum a kual pup leh ta nghal a, upa ten a Thla thi awrh nge Thla diar khim zawk an tih hi ni ber in ka hria. Chutia ka thlir dauh dauh lai chuan, Thla chhung nge, a lai ah chuan thil dum nel nel hi alo awm a, engtak ni maw ti a ka ngaihtuah neuh neuh lai chuan chu thil chu alo hnai zel a, thil thlawk niin ka hria,
Ni e, sava lian tak ngei ani e(?) a va han thlawk sang ngai em em ve le, eng sava tak ni an maw ti a ka phun nuah nuah lai chuan, chiang tak in alo lang ta.
Awi, Ka va han ring sual chhiava ve le, Sava awzawng alo ni lo, rapthlak lutuk..!! Rapthlak lutuk..!!
A tak ah pawh a awm theih ka lo rin ngailoh leh hmanlai khawchhak Chinese mi ten a Pathian ang maia anlo biak thin Dragon- lianpui alo ni reng anih khi.
Mahse ka hlau eih lo, hlauh ahnek in hmuhnawm ti tak in ka thlir dauh dauh a, chuan alo thlawk hnai zel a, a len a an lenzia mai chu(h), uar tak a thil sawi thin chuan sawi se a Thla te chuan Ni a khar an ti hial ta ve ang(!!)
mahse an sawi sual em em lo tawp ang, a mit te chu meialh ang mai hian a sen phut a, ring tak a hram chung in Van chung sang tak ah chuan a thlawk kual vut vut a, a hram ri te chu khawpui ri ang maiin boruak ah te chuan a khawk rum rum a, lei hi a nghawr nghing dur dur thei hial in ka hria(!)
Reife chhung boruak a duh tawk a a thlawh kual vel hnu chuan a hnuai a ramngaw chhahpui lam pan in zawi muang in a thlawk thla leh ta duai duai a.
Chutia leilam pan a a thlawh thlak hnu chuan, a hnuai zawn a ramngaw chhahpui pawh chu alo lang chiang telh telh a, chu ramngaw hnuai ah chuan khaw ropui tak, kulh ina a hual khup hi alo awm reng a, chu khua chu suasam atum ngei dawn anih hi ti a ka ngaihtuah lai chuan, chu khaw lai vel tak a In lian leh ropui tak,

Lal in emaw ni chung zawn boruak ah chuan thla zap hlup hlup chung hian a ding reng a, chutia ka en reng lai chuan mihring tawng ngei chu niin ka hria, mahse enge a sawi ka hre thei lo,
Nilo, ka hrethiamlo zawk niin ka hria, dawi hla chham anih loh pawn, hla chham mi tal chu a sa ani ngei ang(?)
ring mang kheng hian a chham zuah zuah a, chutia a chham veleh chuan chu Dragon- lianpui chu Lalin hual vel chuan a thlawk kual pup pup a, vawi sarih emaw vel a kual hnu chuan zau tak hian a ang a, a ka chhung atang chuan thil eng tak mai, chhimbal ang mai a rawng chi hrang hrang hi alo in kap chhuak a, Lalin chhung zawng zawng chu a en vek in ka hria,
chutia a tih zawh hnu chuan chunglam a hawi a, mak tak maiin ring tak hian a hram vak a, chuan khaw chhak lam pan in chak deuh hian a thlawk a, a liam thleng ka thlir a, kawlkil tawp ah chuan a phe zeuh a, thil eng lian tak ah a chang a, chuan chu thil eng chu puak darh ang mai hian eng tereuh te te ah a darh chuai a, vanlam pan a an thlawh chhoh delh delh hnu in arsi ni awm tak in van chung sang tak ah chuan an de tliar tliar hlawm a.
Chu ka thil hmuh chu mak ka ti em em a, engdang mah pawh ka ngaihtuah theilo, ka hau chungin Van chung sang lam chu ka thlir reng a.
Engtia rei nge chutia ka awm pawh chu ka hre lo, ka thil hmuh mak tak mai chu hmuh leh tum niawm tak a Van lam ka thlir reng lai chuan naute tap ri hian minti harh zawk a, chumi rual chiah chuan van boruak zau tak te pawh chu thawklehkhat ah an bo thut a, a hma a Lal in ropui tak ka hmuh kha alo lang leh thut a.
Alo lang hnai zel a, a chhung pawh alo lang chiang ta.
Lal in mut pindan ropui leh zau tak hi alo lang a, khum ropui leh nawm hmel tak ah chuan Lalnu ni ngei tur ani, hmel zahawm leh thianghlim tak mai hi chauh hmel deuh mai hian alo mu a, khum tlang sir ah chuan Lalnu hnem ni awm tak a zawite a phun sep sep pah in Lalpa ni awm tak hi lunghlu leh rangkachak a cheimawi Lallukhum mawi tak leh Lal puan senduk mawi leh nalh tak sin chung hian alo thu bawk a. Chutia ka en reng lai chuan pindan kawngkhar chu alo in hawng a pa pakhat puithiam kawrfual ha hi puan a tuam naute pawm chung hian alo lut a, Lalpa leh Lalnu bul alo thlen chuan zahna chibai buk in a kun zauh a, tichuan naute chu Lalnu chu a pe a.
Chutia anu hnena naute a hlan zawh hnu chuan Lalpa lam chu hawiin,
"Aw Lalber, he i fapa alo pian tur thu hi mihring te chanvo reltu Pathiannute'n anlo puang lawk tawh a, chu mi ti chiang tur leh malsawm tur chuan dawithiam ropui ber leh minung khawvel rorel tu Dragon Lalpa ngei pawh alo kal anih kha, he i fapa hi malsawmna in Pathian ten rawn thlah in, in nupa hlimna ber pawh nimahsela in mittui ti tla tu ala ni dawn a, nangni chauh nilovin, mipui sang tam tak mittui ti tla tu tur ala ni dawn ani," tiin a hrilh a.
Chutia a sawi laklawh lai chuan Lalpa chu a thutna atang a tho chhuakin thinrim leh lungngaih hmel tak chung si hian a nupui awm a bei hle hle naute, a fapa neihchhun duhawm tak chu a thlir ngawih ngawih a, chutah a in her vut a, muangchang hian tukverh lam pan in a phei ta daih a, pawn lam boruak thiang tak lam hawi chuan a ding ta veng veng a, chutah muang ban chat hian,
" miropui Zeddicus, hrilhlawk na lo thleng chu ka pawm thlap e, mahse Pathiante remruat pawh chu lo ni se, a dan dan tur leh pumpelh dan tur kawng a awm hram lo maw," sawi sap hian a ti a. Chutah chu Puithiam chuan,

"Aw Lalber, kei ngei pawh hian chu hun chu lo thleng lo se tih hi nangni nupa in a in duh loh ang tho hian ka duhlo ve asin, kawng khat chu a awm thei ang a, mahse in zawm ngei ngei angai dawn ni," tiin inthlahrun hmel tak hian a lo chhang a. Chutia a sawi veleh chuan Lalpa chu tukverh bul atang chuan hmanhmawh tak hian alo phei a, khum a a nupui chau tak a mu bul ah chuan thut pah in, duat tak in a chal leh hmai vel chu a zut sak heuh heuh a, chutah lo hawi chhuak in, dawithiam pa hnen ah chuan,
" Aw, miropui, Khawngaihin ka fapa chhan chhuah dan tur chu min han hrilh chiang hram teh khai," ngen ngawl ang reng deuh hian ati a.
Chu dawithiam Pa chuan,
" Aw Lalber, i fapa hi uluk tak in i enkawl chho ang a, tin, hriamhrei lek aiin, zirna leh khawvel thiamna i zirtir ngun in a rilru ah i tuh nghet zawk tur ani, chuan kum a tlin veleh a nupui tur i zawn sak ang a, chhungkua i din tir vat tur ani ang, chuan indo na lampang aiin, inremna dah pawimawh tir la, i khaw thenawm ho te hi i in rem tir hram dawn nia, tin, i la dam lai chuan i hmuhphak loh, sa pel leh zin veivak ang chi ten i chhuah tir tur ani lo, hrilhlawkna hi a famkim vek in alo thleng lo a, a nun dan chipchiar ang nilo vin, a thil tum zawk hi hrilhhlawkna in a sawi ani a, chuti chuan Pathian te remruat leh hrilhlawkna lo thleng hi kan pumpelh hram mai thei ani," zawi sap hian an sawi a.
A sawi zawh rual deuhthaw chuan Lalpa hma ah chuan zahna entir nan a kun zeuh a, chuan hman hmawh tak in Lal in chu a chhuahsan ta nghal a, Chutia a chhuah hnu lawk chuan Lalpa chuan chhiahhlawh kohna dar pawh rik chu an pawt ri a, chu veleh, kawngkhar bul a a koh hun lo nghak reng ni awm tak hian chhiahhlawh tleirawl te hi hmanhmawh tak in alo lut a, Lalpa Leh Lalnu chu zahna entirna nan an alu an buk khum zauh a, an hma ah chuan in thlahrun hmel takin a ding zum reng a, Lalpa chuan naute leh anu chu chu duat tak a a chul a a fawh hnu chuan, chu chhiahhlawh nu hnen ah chuan,
" Rosa, I pi leh naute hi lo awmpui ang che, mei chhemna hi lo ti nung la, tukverh zawng zawng hi khar vek ang che, "
chu chhiahhlawh nu chuan zah tak a chibai buk pah in,
" Aw le, Ka pu"
a sawi zawh rual chuan Lalpa chuan Mutna pindan chu a chhuahsan a, chhiahhlawh nu pawh chuan Lalpa in a ti tur a atih chu hmanhmawh tak in a ti sawk sawk a. Khatia a chhuak ta kha, kawngkhar bul pawn lam a Lal tirhkah tlangval lo ding reng chuan Lalpa chu a zui a, Lehkha chhiarna pindan ah an in zui lut a,
chu tirhkah tlangval chuan pindan a meichher te chu hmanhmawh tak a chhi eng in, tukverh te chu a hawng thaw nghal sawt sawt a,
Lalpa chu thutthleng a thut pah in enge maw ngaihtuah ni awm tak hian a maimichhing veng veng a, chutia rei fe a awm hnu chuan muangchang a rawn meng in, dawhkan a hmanlai lehkha ziakna atan a an hman chi ar hmul pen leh atui chu ala a, chu veleh a bula tirh nghak reng ni awm tak a lo ding tirhkah pa chuan hmanlai lehkha, a zial chi ang hi alo pe nghal vat a, chuan chu lehkha ah chuan thil eng eng emaw ni hi a ziak a, a tawp ah a kut zungchal a a hmingnemna zungbun thla chu an nem kai leh a, chuan a zial sawk sawk a, tirhkah hnenah chuan a pe a, malsawmna nen a a thlah hnu chuan, chu tirhkah pa chu a chhuak ta nghal a, a zan a zan chuan Lalber sakawr zing a a chak tha ber ber nen chuan ram lam pan in hmanhmawh tak in a tlan liam ta a.
Eng chu ni maw ti a ka ngaihtuah hnu chuan ka hrethiam in ka in hria, khaw thenawm te hnen a Lalfa lo piang chu hrilh tur in leh lawmpui tur a sawmna keng ni ngeiin ka hre ta, alo nih loh pawh in a dik teuh ta hial ve ang(?)
tin, i la dam lai chuan i hmuhphak loh, sa pel leh zin veivak ang chi ten i chhuah tir tur ani lo, hrilhlawkna hi a famkim vek in alo thleng lo a, a nun dan chipchiar ang nilo vin, a thil tum zawk hi hrilhhlawkna in a sawi ani a, chuti chuan Pathian te remruat leh hrilhlawkna lo thleng hi kan pumpelh hram mai thei ani," zawi sap hian an sawi a.
A sawi zawh rual deuhthaw chuan Lalpa hma ah chuan zahna entir nan a kun zeuh a,

chuan hman hmawh tak in Lal in chu a chhuahsan ta nghal a, Chutia a chhuah hnu lawk chuan Lalpa chuan chhiahhlawh kohna dar pawh rik chu an pawt ri a, chu veleh, kawngkhar bul a a koh hun lo nghak reng ni awm tak hian chhiahhlawh tleirawl te hi hmanhmawh tak in alo lut a, Lalpa Leh Lalnu chu zahna entirna nan an alu an buk khum zauh a, an hma ah chuan in thlahrun hmel takin a ding zum reng a, Lalpa chuan naute leh anu chu chu duat tak a a chul a a fawh hnu chuan, chu chhiahhlawh nu hnen ah chuan,
" Rosa, I pi leh naute hi lo awmpui ang che, mei chhemna hi lo ti nung la, tukverh zawng zawng hi khar vek ang che, "
chu chhiahhlawh nu chuan zah tak a chibai buk pah in,
" Aw le, Ka pu"
a sawi zawh rual chuan Lalpa chuan Mutna pindan chu a chhuahsan a, chhiahhlawh nu pawh chuan Lalpa in a ti tur a atih chu hmanhmawh tak in a ti sawk sawk a. Khatia a chhuak ta kha, kawngkhar bul pawn lam a Lal tirhkah tlangval lo ding reng chuan Lalpa chu a zui a, Lehkha chhiarna pindan ah an in zui lut a,
chu tirhkah tlangval chuan pindan a meichher te chu hmanhmawh tak a chhi eng in, tukverh te chu a hawng thaw nghal sawt sawt a,
Lalpa chu thutthleng a thut pah in enge maw ngaihtuah ni awm tak hian a maimichhing veng veng a, chutia rei fe a awm hnu chuan muangchang a rawn meng in, dawhkan a hmanlai lehkha ziakna atan a an hman chi ar hmul pen leh atui chu ala a, chu veleh a bula tirh nghak reng ni awm tak a lo ding tirhkah pa chuan hmanlai lehkha, a zial chi ang hi alo pe nghal vat a, chuan chu lehkha ah chuan thil eng eng emaw ni hi a ziak a, a tawp ah a kut zungchal a a hmingnemna zungbun thla chu an nem kai leh a, chuan a zial sawk sawk a, tirhkah hnenah chuan a pe a, malsawmna nen a a thlah hnu chuan, chu tirhkah pa chu a chhuak ta nghal a, a zan a zan chuan Lalber sakawr zing a a chak tha ber ber nen chuan ram lam pan in hmanhmawh tak in a tlan liam ta a.
Eng chu ni maw ti a ka ngaihtuah hnu chuan ka hrethiam in ka in hria, khaw thenawm te hnen a Lalfa lo piang chu hrilh tur in leh lawmpui tur a sawmna keng ni ngeiin ka hre ta, alo nih loh pawh in a dik teuh ta hial ve ang(?)
chutianga rilru leh ngaihtuahna ka sep kual vel mek lai chuan ka hma zawn a lemchanna dawhsan hliahtu puanzar chu muangchang hian a rawn in khar tial tial a(?) nge nia a in pawt phelh zawk ni.
Chu Lemchanna dawhsan hliah a puanzar a in zar phui mek lai chuan khawi lam atangin nge tih hriat theih siloh hian sakawr tawlailir leh sakawr kal ri tluar tluar thawm hi ka bul vel ah chuan a rawn ri chuah chuah a,
chutih lai a kar ah mipui hlim au leh nui ri thawm alo la ri leh teng tung leh ta nghal vei nen, Hlau deuh leh phawk deuh hru chung hian thawm lo chhuahna lam zawng chuan ka hawikual vel ruai a, chutih lai mek chuan engtik laiin nge dawhsan hliah tu puanzar chu alo in pawh tawm tih reng ka hre lo, hmalam kan hawi phei leh nak chuan puanzar reng reng alo awm tawh lo a, a hma ang bawk khan puanzar chu alai a phelin a sir ve ve ah alo in pawt tawm leh vek zuk nia.
Chu thil makti tak a ka thlir dauh dauh lai chuan mipui hlim nui ri leh au thawm ring tak mai hi a hma aia ring mah tur hian alo ri chhuak leh a, ni e, chu lemchanna dawhsan atang ngei chuan ani thawm chu alo chhuah ni.
Vawilehkhat ah dawhsan chung nge a hnung bang ah zawk chuan halmawi hal ang mai a thil eng hi alo chhuak phut a, a mak ka ti kher mai, mahse chu halmawi nalh tak mai eng ral rual chuan engzat tak nge tih pawh hriat hleihtheihloh khawp a tam hi rawng chi hrang hrang a rawn eng chhuak leh nghal zawih zawih bawk a. Chu thil engmawi leh rapthlak tak chuan ka mit ati vai in ka thil hmuh a ti phe ruai mai a, ka mit chu kan nuai zui ve nghal nawk nawk a.

Chutah hmalam kan en phei leh chuan Lemchanna dawhsan chung emaw ni ah chuan Lalin ropui tak hi alo lang ut a, zan ni mahse an meichher tam tak chhit avang chuan chhun ang mai hian a eng ut tho mai. Chu Lalin kulh ropui tak mai chu muangchang hian alo lang hnai zel a, tichuan Lal in chhung pindan pui ani ber ang chu, pindan zau leh ropui tak hi alo lang a,Mipui lah chu an tam em em mai lehnghal, dawhkan sei pui pui mai hi mi sawmhnih emaw vel zel tur hian an kil zel a, eitur tui hnai chi hrang hrang lah chu an chhawp dul mai lehnghal a, Tin in chhung chu a ropui hrim hrim tho na in anla chei belh lehnghal, bang zawng zawng chu Sidar thing chang leh nalh tak remkhawm ani a, inchung lam chu zuih chho tial tial a, a chung tak phei chu rawng thim lam a an chei avangin chung neilo emaw tih mai tur hi a ni a, a sang khawp mai. Bang ah chuan awmze nei tih hriat tak mai hian puan pan tak mai, sei tak tak hi rawn chi hrang hrang a in zar dul mai a, chung puan tlang te chu rankachak hian an chei vek a, Tin, bang hnai tak ah hian rangkachak atanga siam ban ang deuh nalh tak mai hian meichher chhitna bawm za chung fe tur hi a in hnaih te te hian a in tlar thap mai bawk a.
Chhuat ah chuan sailungvar a in phah khat vek a, mipui ho chu bang chhak lam leh thlanglam hnaih ah chuan thu in pindan chhuat lai tak hlam sawm vel emaw lai a zau chu pindan tluan chuan a awl duai a, chutah chuan puan senduk nalh tak mai hi a in phah duai mai bawk a. Chung mipui ho thutna hma lam chu hlam za emaw vel lai tur hian a awl duai a, chutah sailungvar tho a siam dawhsan chhawng ruk vel hi pindan vang tluan chuan a awm zul mai bawk a. Chu dawhsan chung pawh chu hlam sawmna emaw vel lai a zau ala ni cheu. Chutah chuan thutthleng ropui tak mai pahnih hi a in hung a.
Pathian te inneih lawmna ang maia ropui niin ka hria, mipuite lah chu an zai a, thenkhat an lam bawk a, a tu ate pawh chu an hlim hlawm em em vek mai hian a lang.
Chutia ka en reng lai chuan chu pindan ropui tak mai hnunglam tawp a Kawngkhar pui lian deuh chu alo in hawng ruai ruai a, chutih rual chuan inchhunga mipui bengchheng thawm chu areh nghal hmak a, kawngkhar inhawng lam chu makti leh hlim hmel tak hian an thlir thup hlawm a, chutia an thlir thup lai chuan chu kawngkhar atang chuan Lalpa leh Lalnu hi anlo lut a, an hnung ah chuan bawm ke nei hi chhiahhlawh hmeichhia leh mipa inchei nalh tak tak ten an rawn zawn lut bawk a, chu bawm chu sava bu ang deuh a siam ani a, puan chutianga rilru leh ngaihtuahna ka sep kual vel mek lai chuan ka hma zawn a lemchanna dawhsan hliahtu puanzar chu muangchang hian a rawn in khar tial tial a(?) nge nia a in pawt phelh zawk ni.
Chu Lemchanna dawhsan hliah a puanzar a in zar phui mek lai chuan khawi lam atangin nge tih hriat theih siloh hian sakawr tawlailir leh sakawr kal ri tluar tluar thawm hi ka bul vel ah chuan a rawn ri chuah chuah a,
chutih lai a kar ah mipui hlim au leh nui ri thawm alo la ri leh teng tung leh ta nghal vei nen, Hlau deuh leh phawk deuh hru chung hian thawm lo chhuahna lam zawng chuan ka hawikual vel ruai a, chutih lai mek chuan engtik laiin nge dawhsan hliah tu puanzar chu alo in pawh tawm tih reng ka hre lo, hmalam kan hawi phei leh nak chuan puanzar reng reng alo awm tawh lo a, a hma ang bawk khan puanzar chu alai a phelin a sir ve ve ah alo in pawt tawm leh vek zuk nia.
Chu thil makti tak a ka thlir dauh dauh lai chuan mipui hlim nui ri leh au thawm ring tak mai hi a hma aia ring mah tur hian alo ri chhuak leh a, ni e, chu lemchanna dawhsan atang ngei chuan ani thawm chu alo chhuah ni.

Vawilehkhat ah dawhsan chung nge a hnung bang ah zawk chuan halmawi hal ang mai a thil eng hi alo chhuak phut a, a mak ka ti kher mai, mahse chu halmawi nalh tak mai eng ral rual chuan engzat tak nge tih pawh hriat hleihtheihloh khawp a tam hi rawng chi hrang hrang a rawn eng chhuak leh nghal zawih zawih bawk a. Chu thil engmawi leh rapthlak tak chuan ka mit ati vai in ka thil hmuh a ti phe ruai mai a, ka mit chu kan nuai zui ve nghal nawk nawk a.
Chutah hmalam kan en phei leh chuan Lemchanna dawhsan chung emaw ni ah chuan Lalin ropui tak hi alo lang ut a, zan ni mahse an meichher tam tak chhit avang chuan chhun ang mai hian a eng ut tho mai. Chu Lalin kulh ropui tak mai chu muangchang hian alo lang hnai zel a, tichuan Lal in chhung pindan pui ani ber ang chu, pindan zau leh ropui tak hi alo lang a,Mipui lah chu an tam em em mai lehnghal, dawhkan sei pui pui mai hi mi sawmhnih emaw vel zel tur hian an kil zel a, eitur tui hnai chi hrang hrang lah chu an chhawp dul mai lehnghal a, Tin in chhung chu a ropui hrim hrim tho na in anla chei belh lehnghal, bang zawng zawng chu Sidar thing chang leh nalh tak remkhawm ani a, inchung lam chu zuih chho tial tial a, a chung tak phei chu rawng thim lam a an chei avangin chung neilo emaw tih mai tur hi a ni a, a sang khawp mai. Bang ah chuan awmze nei tih hriat tak mai hian puan pan tak mai, sei tak tak hi rawn chi hrang hrang a in zar dul mai a, chung puan tlang te chu rankachak hian an chei vek a, Tin, bang hnai tak ah hian rangkachak atanga siam ban ang deuh nalh tak mai hian meichher chhitna bawm za chung fe tur hi a in hnaih te te hian a in tlar thap mai bawk a.
Chhuat ah chuan sailungvar a in phah khat vek a, mipui ho chu bang chhak lam leh thlanglam hnaih ah chuan thu in pindan chhuat lai tak hlam sawm vel emaw lai a zau chu pindan tluan chuan a awl duai a, chutah chuan puan senduk nalh tak mai hi a in phah duai mai bawk a. Chung mipui ho thutna hma lam chu hlam za emaw vel lai tur hian a awl duai a, chutah sailungvar tho a siam dawhsan chhawng ruk vel hi pindan vang tluan chuan a awm zul mai bawk a. Chu dawhsan chung pawh chu hlam sawmna emaw vel lai a zau ala ni cheu. Chutah chuan thutthleng ropui tak mai pahnih hi a in hung a.
Pathian te inneih lawmna ang maia ropui niin ka hria, mipuite lah chu an zai a, thenkhat an lam bawk a, a tu ate pawh chu an hlim hlawm em em vek mai hian a lang.
Chutia ka en reng lai chuan chu pindan ropui tak mai hnunglam tawp a Kawngkhar pui lian deuh chu alo in hawng ruai ruai a, chutih rual chuan inchhunga mipui bengchheng thawm chu areh nghal hmak a, kawngkhar inhawng lam chu makti leh hlim hmel tak hian an thlir thup hlawm a, chutia an thlir thup lai chuan chu kawngkhar atang chuan Lalpa leh Lalnu hi anlo lut a, an hnung ah chuan bawm ke nei hi chhiahhlawh hmeichhia leh mipa inchei nalh tak tak ten an rawn zawn lut bawk a, chu bawm chu sava bu ang deuh a siam ani a, puan nem chi leh rangkachak a cheimawi vek ani a, naute bawm ni awm tak ani. Chutih lai chuan mipui ho zawng zawng chu anlo dik vek a.
Tichuan an rawn phei zel a, mipui te chuan ring fan meuh hian chu bawm nalh tak chu an rawn thlek chiam bawk a, eng tak ni ang maw ti niawm takin an in hrilhru sup sup hlawm bawk a.
Lalpa leh Lalnu chu lo phei zelin an Lal thutthleng ropui ah chuan an han thu a, naute bawm pawh chu Lalnu sir ah chuan chhiahhlawh te chuan dim fahran hian an nghat bawk a, chutia an dah zawh veleh chuan Lalpa leh Lalnu sir ah chuan milim ang mai in tirh nghak ni awm takin an ding nghal a,


Lalpa chuan a kut dinglam chu mipui lam hawi chuan an phar chuak a, tichuan mipui ho pawh chu an thu ve leh ta dial a.
Hun eng emaw chen chu thil nghah nei niawm tak hian an ngawi thup a, pindan chhung chu a reh kher mai.
Chutah thawklehkhat ah hian mipui ho thutna leh Lalpa te thutna inkar awl zau lai tak ah mai ah chuan
meikhu ang tak mai thim paw deuh chei chuai hi nasa angreng tak hian a rawn khu chum chum a, pindan chhunga mipui ho chuan mak antih hmel hlawm kher mai.
Eng thil nge lo thleng leh ang ti a a vai a hmuh kim tum niawm tak in rem leh rem lo hian an thlir thup a.
chutia ala khuk reng lai chuan chu meikhu zing atang chuan ahma a Naute pawmtu Dawithiam putar ngei kha a dawithiam kawrfual ha chung hian alo chhuak thut a, a chhuak fel chiah tih chuan meikhu pawh chu ral riai riai in a reh zui ve leh mai a, chu dawithiam pa chu mipui lam hawi chuan reilo te an ding zawk a, chutah a rum nghut a Lalpa leh Lalnu thutna lampang dawhsan ah chuan chak fahranlo hian a kal zui nghal a.
Uarlo fahran hian Lalpa leh Lalnu bul athlen chuan zahna chibai buk hian a kun zauh a, chumi rual chuan Lalpa chu a rawn ding chhuak ve nghal a, in hnaihchilh taka ding dun in tuma hriat ve theihloh tur khawp a zawi hian dawithiam pa nen chuan Lalpa chuan eng emaw an han sawi dun ser ser a, an titi mek lai chuan Pindan hnunglam tawp a kawngkharpui chu alo in hawng leh ruai ruai a, midum chhiahhlawh pa lian leh thahrui ngah hmel tak mai pahnih hian beram lian tak a pachal ni mai tur awm hi anlo kai lut a, an hnung ah chuan thing thingrem uk deuh khak mai, Oak- thing atanga siam niawm tak hi rih tih hmel tak a zawn chung hian midum chhiahhlawh tho mipa pali hian anlo zui ve bawk a, an lo phei zel a, mipui leh Lalpa te thutna inkar dawhsan a awmze nei tak a lung lian tak tak remkhawm maicham, sang vak lo, tawng nga emaw vel a sang awmna zawn an thlen chuan an ding a, beram ke chu hrui hian an tawn zui a, thing thingrem bawm zawn tute pawh chuan an thil zawn chu an nghat a, beram kaitute chu maicham a hlan tur in beram ke te chu an va tawnpui ve nghal a, an tawn zawh hnu chuan maicham ah chuan an hlang zui a, chutia an singsak vel mek lai chuan dawithiam pa chu an bul ah chuan alo ding reng tawh a, maicham a beram an dah zawh chuan thingrem chu an hawng a, a chhung ah chuan rangkachak pawisa nawi leh thi nalh tak tak hi alo awm teuh mai a, chung chu la chhuak in maicham chunga beram bul velah chuan an dah a, thi te pawh chu beram ki ah chuan an bat hnuang hlawm bawk a, chu mi hnu chuan maicham sir ah chuan milim ang maiin an ding ta diat diat hlawm a.
Dawithiam pa chuan maicham chu an hnaih a, a kut dinglam chu phar chhuak in dawi hla enge maw ni hi a chham zuah zuah a, chu ve leh maicham ah chuan mei alo chhuak a, an thil hlan chu a rawn kang nghal hluah hluah a, beram leh rangkachak in pawlh khu chu van lam ah a khu chho nguah nguah a, chhumte lakhawm thin tu rorel tu leh tek chunga thunei tu Pathian chungnung ber Zeus leh a nupui, a unaunu ni bawk Pathian nu te zinga ropui ber leh inneihna Pathiannu hmeltha Hera-i te hnen ah an hlan ni ngei tur ani.

Chutih lai mek chuan khawi atang emaw ni hian Zeus a chhinchhiahna mupui rangkachak rawng lian tak mai hi lo chhuakin pindan chhung ah chuan alo thlawk zuai zuai a, rei fe a thlawh kual hnu chuan maicham chung zawn a thil hlan thawina khu chho nguah nguah chu thlawh hual chho zel in chu meikhu ah chuan lut bo zui leh nghal daih a.
Ni e, Lalpa in a fapa pian lawmna an buatsaih ah chuan Pathian te pawn an lawmpui tih ahriat chuan a nupui chu a kuah a hlim tak in a nui ta ver ver a, chutah a Lalthutthleng atang chuan a tho va, A kut dinglam a phar chhuak a, chu veleh mipui ho te chuan kut an beng dur dur a.
chuan a rangkachak Uain no chu mipui lama lek kang in, Pathian ropui ber Zeus-a hnena in hlan nan tlem a leih bua a, chung mipui kalkhawm te pawh chuan an Lalpa tih ang chuan an ti zui ve a.
Chumi hnu chuan ei leh in tur chi hrang hrang hi chhiahhlawh ho te chuan an rawn chawi lut a, chuan hlim tak in an ei in an in ta hlawm a.
Ngaiteh, chutianga hmuhnawm ti tak a ka en reng lai chuan thawk leh khat ah hian ka awmna pindan chu rawn thim thut a, lemchanna dawhsan lam a ka thil thlir mek pawh chu bo zui ve nghal in mipui hlim nui ri te pawh chu a reh ve nghal daih a.
A thim em avang chuan chet sawn ngaihna pawh hi a awm lo. Ka hmai pawh khawih tum ila ka khawih fuh thei lo ta hial ve ang tih tur khawp hian chu ka awmna pindan, lemchanna in zau pui mai chhung chu a thim phui mup a.....

(END CHAPTER 1)...