IT'S A GAME : Love/War (Ka Hmangaih kha s2) CH - 25

Episode kal lai dah luhna

Moderator: writers

lyno v
Posts: 83
Joined: February 15th, 2022, 5:32 pm

IT'S A GAME : Love/War (Ka Hmangaih kha s2) CH - 25

Unread post by lyno v » June 22nd, 2022, 10:26 pm

IT'S A GAME : Love/War (Ka Hmangaih kha s2)




Chapter 25




ISABELLA LALHMANGAIHI


Duh ang a ka la chet that theih loh avangin khumah chuan ka mu deuh tawp a,,naute te pawh kan room ah an mutna an rawn siamsak a,,an pathum chuan hmun khatah an mut tlantir dal mai,,,an unaunu neihchhun chu alaiah muin a u leh nau chuan an kutin an kuah ve ve thin a,chu thil chu hmuhnawm ka ti ber mai awm e,ka fate mah ni se an duhawm ka tiin ka en ning thei meuh lo...



Nurse pakhatin a khat tawkin alo vil deuh reng a,,mahse E.D chuan a fate chu a veng hneh mah mah zawk,,a fate mutna bulah chuan thut hmun a rem hmiah a,a mit a la sawn thei meuh lo,,a mawng a kán deuh ur ur tawh chuan,,an tal emaw tah tum an tum emaw a ni ang a,,"hei,,heii,,,an tap dawn" a fate la en reng chung chuan arawn ti hluai zel...



Khawih ngam si lo hian a phi buai chung a,,nurse va auvin,"hnute pek an ngai",,,"an zun leh ek thlak angai aniang" a ti zung zung thin,,Nurse te pawn ning viau mahse tha takin nui sangin an hrilh veleh mai zel bawk a,,keima tan tak pawh a inthlahrunawm thei khawp mai..



Nurse te chuan fiam nan tak an hmang a,,a va auh loh laia an lo kal remchan hnih-khat te hian,,"i fate chuan zun an cheh leh tawh em?" tihin an rawn fiam a, E.D pui roh chuan a fate thlek vung vungin "cheh loh aniang,an mutui em mai" thu tak deuh hian an ti nghut zel a,,nurse te chu an nuih aza thei khawp mai...



Keimah nen tak phei chuan kan inbe khat khawp mai a,,,E.D chu biak ka la harsat deuh tlat,,khang zawng zawng a thlen hnu kha chuan tha taka inbiak leh chu a harsa ve em a tin ni,,,chutiangin ani pawn min be lovin min en leh ringawt thin,,a fate chu a tleipui em em a,inbe tam lo mah ila kan fate chu kan hlimpui tawk viau mai..



Naute hnute ka pek lai hian ka lo muhil leh daih thin a,E.D chuan naute hnute hnek chhung zawng alo veng char char a,,naute mut hnuah thiam leh thiam lovin ava muttir veleh mai zel,,a tirah chuan naute a khawih ngam loh avangin ka harh hma zawng alo chelh char char thin a,,ka harh hnuah nurse auvin an lo sawn a,,a tih dan tur an zirtir hnu kha chuan amah ngawtin a chawi sawn thin..




Karkhat hnuah damdawi in atang kan chhuak a,mahse kan te ber Aiden erawh eng emaw dam lohna avangin damdawi inah ala awm rih angai a,,a u te pahnih Maxson leh Joslyn te chu kan haw pui thung..



Hming an neih nghal angaih vangin E.D chu a duh ber pakhat ka phuah tir a,,,a beisei lo lutuk nge,a hlim kher mai,,Joslyn tih hi duh taka ama phuah ve liau liau a ni,,a tir kha chuan keiman phuah vek ka tum kha ania,,mahse pakhat ringawt chu a phu ve in ka hria,,a tulpui ve nasa em mai,,,an mizo hming tur erawh nakina midang phuah turin ka dah..



Mr.Nolan leh E.D ten rem an lo ruat lawksa angin apartment ah kan lut tlang nghal a,,,E.D chuan hnuchham in a ka thawmhnaw vel te pawh alo dah lut diam tawh,,inthlahrunawm viau mahse hnuchham ina ka fate nen han awm kha ka tan a inthlahrunawm veleh tho si a,,duhthlan tur ka neih loh avangin heta awm chu ka hnial duh lo law law..



La indim deuh tura min tih avangin E.D chuan inchhung enkawltu tur leh eirawngbawltu tur a ruai nghal a,,a chetdan leh landan atang chuan a inthlak nasa tawh hle in ka hria,,,a langin min ngaihsak lo mahse a thil tih dan atang a hriat vek thin,,a hmaa min thah chak ngawih ngawihna hmel kha ka hmu tawh lo,,mahse ka chhungril tak hian ala ring thei chiah lo,,ni e,,ka hmangaih,,mahse ka la ring fumfe lo....

Hmangaihna chuan a ringhlel ngai lo ti mah se keimahah chuan a ni ve lo,,nge ka hmangaih tak tak lo zawk..?




"helai room hi a zau ber a,,naute te nen hetah hian in awm dawn nia" E.D chuan tiin room pakhatah hian min kai lut a,,khum lianpuiah dim takin min thuttir a,,a engkim mai chu a dam thluam mai,,a tawngkam,min en dan,,khawih dan thlengin,,min tihnat leh hlau tak hi a ang mah zawk..



Min en chuan tawitein ka lo nuih sak,,alaka ka awmdan leh rilru putdan chu tleirawlin star a neih lai ang mai hian,,biakdan tur leh sawitur ka haihchham thei hle,, min en dan chu a hahdamin a dam thlup reng bawk si..



Min en reng chung chuan,,"naute te kha ka va hruai ang e,," tiin a kalsawn nghal a,room atanga a chhuah hnu thleng chuan ka en reng,,'ka fate emaw kan fate' tihin ala sawi ngai miah lo,,chu ai chuan 'naute te' tih hi a hmang thin..



achang chuan E.D chu ka khawngaih leh thin,,,ka lakah inthlahrung deuha a awm thin avang hian nuam lo tih chang pawh ka ngah mai..A hma kha chuan ka chungah nunrawng tak leh mi ngaihsakna nei lo angin a khawsa thin anih kha,,tunah inthlahrung leh ka mitmei veng reng rengin a khawsa chu a ni sia,,hreawm ka ti letling zawk..




Mahse,,awlsam taka lo pawm mai kha ka thei tawh lo,,a laka ka rilru put dan pawh tih lan emaw hriattir ka la duh lo bawk,,a hmaa a hriat thin hmeihchhe thinlung hneh awlsam tak nih kha ka duh leh tawh lova tihsual nawn leh pawh ka duh tawh hek lo..



Hmeihchhia te kan chak lohna chu khawngaihna leh lainatna kan ngah lutuk hi a ni,,chuvang chuan ka tihsual leh mai loh nan a laka rilru put dan pawh ka thiam viau a ngai dawn a nih hi...



room chu a zau nuamin a thianghlim em em a,couch pahnih awm lehin bathroom pawh a awm nghal a,,naute mutna tur pawh pathum alo awmsa thlap,,glass lianpui pui tukverh a awm a,bathlar zau nuam deuh pawh a awm bawk,,boruak thianghlim lo luhna tur a thain ni pawh alo lut tha hle a,,ka fate tan pawh room chu duhthusam a ni,,tunah chuan thaw pawh a veng huai ta,,,Aiden alo haw hunah phei chuan rilru a hahdam lehzual ang..




E.D chuan naute bawm.pahnih a kut lehlam ve ve a rawn khaiin room ah arawn lut a,,a hmel chu a tak run a,,mahse a inhmehin a naute bawm khaite nen chuan alang patling hle thung,,engtin emaw tak chuan a landan chu a sexy ka lo ti leh tlat pek a,,,naute bawm pahnih chu atan eng tham mah a ni lo tih a hriat hle bawk,,,zo tak hian khumah dim tea rawn nghatin E.D chu hmuhnawm ti takin ka lo thlir reng..




Naute bawm pakhat zawk chu hawngin nui sang hian,,"hei lee,,ka princess tereuhte in kan thleng e" tihin Joslyn chu a chawi chhuak a,,a fanu en chuan a nui ver ver reng mai,,nichin lawka a hmel tak run kha vawm bo ang hlauh a ni,,Joslyn chu a hmangaihin an zingah a duat ber ang ti ila ka sawi sual ka ring lo...



Midang chuan fapa an lawm zawk thin niin ka hria a,mahse E.D erawh chuan a fanu chu a lawm ber thung..An pafa in pawm lai chu hmuhnawm ti takin ka lo thlir reng a,,a u rawn tap chuan ka ngaihtuahna ata min ti harh zawk...



Max chu a bawm chhungah alo la awm reng chu niin,,E.D chuan min lo en vat bawk,,ka inthiam lo lutuk chu ka meng khup dui mai,,,an pafa inbuaipui ringawt ka lo enna lamah Max rèng ka lo ngaihtuah tawh lo,,,mawl inti riltu takin ka inseh ruh ngawt ngawt..


Max bawm ban ka tum lai chuan,,"keiman ka lo ti ang,,princess-i hi lo pawm rawh" tihin Joslyn chu min rawn hlan nghal a,,engmah sawi lovin ka fanu chu ka lo pawm ve mai bawk..


Chubakah min thuina avangin chet zung zung kha ka la harsat deuh a tin ni..




E.D chu en zauhvin bawm atang Max la chhuak pah chuan a be zui mawlh mawlh a,,Max tap chu pawmin a awi hlu hlu,,a hmaa a mizia nen ngaihtuah chuan tuna ka hmaa ding chu mihran daih a ang zawk..



hetiang em em hian hmangaihna alo ngah ang tih ka ring ngai lo,,achang chuan ka mit ngei pawh chu ka ringhlel fo thin a ni..



Max tap pawh chu reilo teah a muhil lehnghal a,,baby crib a a muttir lai chuan Joslyn chu ka hnute ka lo pe ve mek bawk,,"ka chhuak lawk dawn a,,nangmahin ilo buaipui thei ang'em,,pi Watson-i pawh a awm thova puih i mamawh chuan" E.D an arawn tih chuan amah chu enin,,min ngaichang tak hian min lo en reng a..



E.D mita ka en apiang hian ti nge mawni ka thin chu alo la phu zawk thin,,ka hmuh ngailoh pawh ni si lo hian..A hmaa ka en dan leh tun hnaia ka en dan a danglam vang zawk nge ni ang a,ama min en dan vang zawk ni ang..?

Tun hnaia min en dan chu ngaiah ka la nei thei chiah lo a ni..



"a pawi lo,,keiman ka ti thei tho alawm,,va kal rawh", lai deuh tak chuan ka ti a,,Joslyn chu ka en leh vat,,E.D pawh chuan sawi mai tur hre lo hian a ding ngawi leh run run a,,engtin nge a awm chiah ka hre lo,,ka lai thar lutuk chu a hreawm zawk..


Ka kâ chhunga biang vun chu ka seh ka seh ringawt,,,



"anih chuan ka kal ang'e" arawn tih chuan amah pawh en lem lo chuan ka lu ka bu nghat ringawt...Kal thuai thuai se ka rilru chuan ka ti hle..



Thil hrechhuak thutin,,"ihh..eng lo" ka tih mek lai chuan E.D chu lo tawng ve chiahin,,"naute tan khan,,aahh" tia rawn in herin,,kan mit chu a intawng leh chiah a,,kan thusawi tum chu kan tawp chat,,sawi chhunzawm ta ve ve lo chuan kan in en reng ringawt..



chutah,,"naute diaper kha a pianghlim ilo lei dawn nia" ti bah nak nakin chil ka lem khawlh,,E.D chuan mit khap lek lova min en reng avangin ka meng tal buai nasa mai,,



E.D chu harh zawk ni awm mai hian,,"aww...kha kha,,,ka lo lei dawn nia" ti hluaiin,a thaw hawk a,,hriatthiam har taka min rawn en leh chuan ka lo en ve reng bawk,,room zau tak ni si kha tunah chuan chep ka tiin thawk pawh ka thaw tha thei lo a chha chu a ni..




"ka'n kal tawh ang e" arawn tih chuan,,"aww,,aww le" dangawk ang maiin ka lo ti nawk nawk,,room atanga a chhuah hnu chuan am zetin boruak ka hip kawk a,,ka thaw chhuak hawk,,,ka thaw a veng huai mai...



Chutiang em em a boruak a inthlak danglam ta chu mak tiin ka inngaihtuah zui rak rak,,E.D huhang chu a hma aiin a mi uap a na a,,a rit thar a, thawrh hlelawm tak hi a ni ringawt,,ka zo lo a chha chu anih hi maw....



Joslyn hnute ka pek lai chu enin a lo muhil reng tawh a,,a muthilh lai chu ka hre miah lo bawk,,ka fate ka ngaihsak tawk lo lutuk chu ka inthiam lova ka zak rilru hle bawk...




Joslyn chu ka bula naute mutnaah muttirin,,Max chu a mut nghet leh nghet loh ka va en leh zawk a,,chumi hnuah inbual turin bathroom ah ka lut zat,,,tui lum a ka inphuh ser ser chuan ka taksa na te chu an dam sawng sawngin ka hria,,min thuina a peh mai ka hlauh avangin ka che pawh chu a rang thei lova,,naute an harh ka hlau bawk si,,rilru hmanhmawh tak chungin muangchang leh fimkhur tak chuan ka inbual zo ve thei hram..




Bathroom atang chhuakin ka fate anla harh lo tih ka hriat chuan ka thaw hak,,closet hawngin nau hnute pek awlsam tur thawmhnaw chu la chhuakin ka ha a,,Max chu va en lehin alo la muttui khawp mai,,,a kut pahnih chu chunglamah phar chhovin a lo mu a,,ka nui khi sak,,Max ka hmuh tawh hi chuan E.D hmu angah ka inngai tawp thin..



Khumah let lehin Joslyn chu ka en leh a,,a sir zawnga a lu lo awm chu siam remsakin a rum tiah tiah a,,a muhil leh zat,,,E.D an engvanga a fanu chu ngaina bik em em nge anih chu ka la hrethiam thei lo fo mai,,an zingah Joslyn chuan keimah min chhun ber a,,E.D a chhuna chu sawi tur mai ka la hmu lo,amah chiah hmeihchhia anih vangte pawh a niang'e..



Aiden chu ka ngaiin ka ngaihtuah hle bawk,,an unau zinga apiang hnuhnung ber anih vang nge midang aiin a taksa pawh a te hret a,,chumi vang pawh chuan a u te aiin ka ngaihtuahin ka ngaihsak ber thin,,hritlang tlemte alo kai bawk nen Doctor ten damdawi ina la awm rih turin an ti a,,



amah chauha damdawi ina kalsan kha ka huphurh hle a mahse kan zavaia damdawi ina awm reng thei kan nih loh avangin amahin kan kalsan ta kha a nia,,nurse leh doctor ten tha taka an lo enkawl tur thu min tiamin E.D pawn ava tlawh reng tur thu min tiam bawk a,,



khami hnu kha chuan tlemin ka ngaihngam ve ta deuh a,,mahse nu ka nihna angin ka fa dam lo chu ka ngaihthah ringawt thei bik lo..




Ka muhil chu naute tap ri avangin ka harh zawk,,ka harh chian meuh chuan ka lu towel a lo la tuam bur chungin khumah ka lo mu a,,naute thawmhnaw ka thlep laiin ka lo muhil daih chu niin ka bulah naute thawmhnaw pawh chu alo la awm nuai mai..



E.D an Max chu alo pawm a,,alo awi hlun hlun mai,,E.D an min lo hmuh chuan,,"a bang veleh vat mai ang,,i duh chuan mu leh rawh", dam thluam hian alo ti a,


,mahse Max chu a tah nasat em avangin,,"khawi keiman ka lo ti ang,,a tap nasa em mai" thu tha pah chuan ka ti a,,



E.D chuan Max chu en leh zawkin ani pawn a ban mai a ring lo aniang chu,,beidawn hmel tak chuan min rawn hlan ve mai bawk a,,"nidangah chuan a bang mai thin a sin,ti nge niang aw?" a ti zui vawng vawng..



Max chu a tahnaah a hmai a sen vek tawh,,zawi te tea in sawiin thu chung chuan ka awi dat dat a,,ka hnute ka barh hnu chuan reiloteah tap bangin hnute chu a fawp dek dek a,,a sam chul sakin a mit a chhing diar diar mai..



"khaia,,ava bang hma ve" E.D chuan arawn ti hluai,,nui khi sakin,,"nu kut hi an hre hrang ve alawm" tiin E.D chu ka en a,



Hlim hmel tak hian E.D chuan min lo en a,,nui sangin keipawn ka en ve reng bawk,, tuna kan awm dan chu nupa hlim tak leh inpawh tak ang mai kan ni,,mahse ka nui hmel chu rawn reh tial tialin Max hnute hne mek chu ka en leh ta zawk a,



E.D chuan a âw thian kharhin,,"ka va insil fai ang a,,ei tur ka lo pe dawn che nia" tiin room atang chuan a chhuak nghal a,,ka hawi chhuak leh tawh lo hrim hrim..



Engtia rei nge ka rilru dik tak chu ka thup theih dawn ka hre lo,,mahse E.D chu ka la ring zo lo a ni..Mi rinna ka neih thin te kha amah vek hian min tih chhiatsak tawh a,,chuvang chuan awlsam takin ka ring leh thei tawh lo a ni..




Naute buaipui ringawt chu zawi zawiin ka ti thei a,,naute hnute siam leh thildang vel erawh E.D'an a ti thung,,an thawmhnaw thlak leh bualfai vel ka tih zawh chuan hnute siam chawp pein E.D chuan pakhat zawk zawk alo ti mu ve thin a.A hma aiin naute buaipui vel pawh chu a zei tawh hle..



Room hranah mu mahse zana an tah tawh chuan rawn kal vatin hnute pein,,keichu mu leh turin min hrilh a amahin a buaipui vek thin,,mut ka lo duh bawk nen an tap ri hriat loh chang te ka nei zeuh zeuh zel..Tunah rih chuan mut an duhin an tahbelh vak lo bawk a kan vannei phian mai,,




karhnih aliam hnu chuan keipawh ka tha tawh hle a,, Aiden chu damdawi in atang arawn chhuak thei tawh tih min lo hrilh bawk nen,,,ka hmu chak tawh lutuk chu ka phur kher mai...



E.D chu a kal dawn tawh em tih zawh tumin a room ah ka va lut a,,ka phur tawh em avangin ka awm hle hle thei lo a ni e,,a room a ka hmuh mai loh avangin Bathroom kawngkhar lo inhawng deuh ka hmuh chuan engin nge min mawlh ni,bathroom lam chu panin kawngkhar chu ka va hawng a,,


Bathroom chhunga ka thil hmuh chuan min va barakhaih chiang em..!!!


E.D chu shower hnuaiah saruaka lo dingin bang chu a kut lehlam hian alo nam khalh a,,a kut lehlamin a mipatna khawngluah chu chelhin alo inhrawt mek hi alo nia..


Ka thil hmuh avang chuan ka mit meng kawkin ka kâ ka hup vat a,,room atang chuan ka chhuak nghal zat...



End of chapter 25

(ziah sual/mistake a awm chuan inlo hrethiam leh hram hram dawn nia aw hmel tha ho😘)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)