THÀI_BAWIH_JOHANA (Chapter-12)by MrsBabe Khawlhring

Episode kal lai dah luhna

Moderator: writers

Mrsbabe Khawlhring
Posts: 120
Joined: November 26th, 2021, 11:05 pm

THÀI_BAWIH_JOHANA (Chapter-12)by MrsBabe Khawlhring

Unread post by Mrsbabe Khawlhring » June 23rd, 2022, 5:50 am

*THÁI_BAWIH_JOHANA*



Chapter-12



by_MrsBabe Khawlhring



*Fiona Lalhlumawii Pov*


A han kal liam ve ta vang vang mai chu ania,enge maw a hriat teh thut ni aw,,,nizanah lah engmah min hrilh bawk silo...


Rilru nuam zanlo chuan inchhungah chuan ka luta,ka pa chu alo tei kual sek mai,"Hana pa chu ṭhu mai mai teh,nupui a neia,a inhmuchhuak ve a nihhi"ka nu in a tih chuan



"Min ṭhawng teh thut lutuk alawm,khati khawp khan hnathawk turin ka ti ṭhina,chhuanlam a siam reng zela,ka beidawn tawh hnuah amahin hnathawh tumna rilru alo nei thuta"ka pa chuan a ti deuh vawng vawng ringawt...



Johana hi alo thatchhe awm hi ka ti...


"FionaBawihte hnathawk turin ilo hrilh em ni"ti a ka pa in ka ding reng chu minlo zawh chuan ka kut vai meuh vin,"Aih,,,teuhlo mai...Keipawn vawiinah hnathawh a tum tih hi ka hre lawk biklo hrim hrim"ka ti vat chutah ka pa chu thil enge mawni ngaihtuah ni awm tak hian a ngawi deuh vang vang mai...



"Zing kar karah in thawm ava ṭhave mawle"tih pahin Jamesa chu inchung step aṭang chuan a rawn chhuka,"I u Johana hnathawk turin a chhuak"ka pa in a tih vat chuan Jamesa chuan mak a tive tho nge a meng buai deuh nak...



"Maw!ka u hnathawk turin a chhuak amaw?"Jamesa chuan a mah leh mah lovin a tive deuh hluaia,ka nu chuan,"Enge maw mak in tih viau le,nupui a nei tawha thil awmzia a hrethiam chho ṭan tawh anihhi,mak tih vak a ngailo,amah pawn nuamlo a ti anga asin,insiamṭha turin kan hrilh reng zela,aman hun a tihah chuan hei a insiamṭha ve mai dawn alawm"tiin Johana chu a rawn ṭan vat...



"Hello Bawihte"Ka pa in a tih chuan,ka pa phone bia chu kan en deuh ṭhap,Janei a bia anih ka ring..."Enteh maw,tukin zing chu i u Johana,'Hnathawk turin ka kal dawn'a tia,in aṭang chuan a chhuak ve ngeia"tiin phone-a a mi biak chu a hrilh mawlh mawlha,ka nu ngaihdan a ni chiahlo nge alo chek deuh hlak hlak



Ka pa phone be zo chu,"Patling pui si hi i vahan naupang chhia tak e aw,Hana hnathawk tura a achhuak pawh chu mi zawng zawng hrilh vek kher angai em ni"ka nu chuan alo tinghala,ka pa lah chuan



"Mi zawng zawng ka hrilh hleinem Janei ka va hrilhve alawm,a mak ve bawk em alawm,chu lohah nangpawn mak i tive lo em ni"alo ti let zeka,ka nu pek chuan"Tive tho ang chu mawle"alo tive sep bawk



"Janei pawn mak a tih thu ngawt alawm alo sawi,kalo haw hma dawn a tih nghe nghe kha"ka pa chuan a ti leha,"A thawhna tur te asawi em?"Jamesa'n alo tihve sup chuan,ka nu leh pa chuan an hriat loh thuin an chhang vat...


Johana hnathawk tura a chhuak chu tu pawh mai hian mak kan ti in kan awihlo tlang vek a ni ber e...Kei phei chu ka awm a ti nuam hauhlo,niminah ka pa ava hmua,tukinah hnathawk turin a chhuak nghala,nizana ka zawh lah khan chiang tak khan engmah a sawi duhloa,ka pa chuan engtin emawni tak chuan alo tichiang a ni...



Ka pa(JohanaPa) lah chu a ṭhu hle hle theilo Johana hnathawk tura akal chu a hmelah chuan lawmna ai mahin lungngaihna ka hmu zawkin ka hria...



"Enge maw i phi cheng le,ṭhu ve mai mai teh"ka nu in atih chuan,"Ekhai,ngawi teh hetiang ngawt chu a ni theilo,Mama(Jamesa)i u chu ala thleng thui miah lovang va umzui teh,ka awm a nuam thei derlo,lo haw rawhse"ka pa chuan ati ta daih a nih chu,ka nu nen mak kanti dun lutuk chu kan mitmengin kan in signal zeuh zeuh ringawt...



"I vahan ho mai mai tak e aw,hna athawh peih loh avangin nileng zan khua thleng thlengin i hau renga,a han thawk dawn ta chenga,thawh i phal leh der silo"awmze nei zeta ka nu in a tih chuan,"Lo ngawi mai mai teh,daily inhlawh techu ahahthlak asin,a ma hriatah sawi ngai lo mah ila hna ṭha tak thawk turin alawm ka duh hna hautak leh harsa tak thawk tur techuan ka phal bik hleinem"ka pa in a ti deuh khur khur chu ka nu chu a nui tawp...



"Mama i u chu va umzui a ngai reng renglo ania,ni khat na na na chu hna harsa thawh hrehawm zia va hreve hrim hrim rawhse,hna ṭha zawk neih duhna rilru pawh a put phah mai thei asin"ka nu in alo tih chuan Johana chu khawngaih ru viau mah ila dik ka ti takzet



"Hana chu aw,,,"ka pa chuan ati leh vawng vawng,tuna ka pa hmel awmdan hi Johana chuan hmuse a lawm viauin ka ring...


Ka nu nen eirawng kan bawl lai chuan ka nu chuan Johana awmdan mak atih thu ngawt chu min sawipuia,kan inchhungah chuan Johana hnathawk tura a kal thu chu a khàt tawkin kan sawi reng ringawt...



"Hana chu hna athawk ngai bawk silo,a ruk tak chuan ka ngaihtuah reuh tak tak a ni"ka nu in alo tih chuan,"Keipawh"kalo tive vat...



Chaw ei hma chuan ar chaw pe turin ar in ah chuan ka va kala,buhfai ka suah chhuah lai chuan parcel polythin awm ṭeuh naah chuan palangah hian a sen chi hi alo awm renga,a tam tawhlo viau bawk,real no khat vel chu a ni maithei...Johana hian a in ṭhin emaw ni dawn le?mahse zu rim a nam ngau bawk siloa,in ṭhin se chu ka hre ngei tur chu a ni...



Hepa pui hi a ruk tê hian alo in ṭhin anga,ka pa te hriat a hlauh avangin ar in ah hian a dah daih a ni maithei a ni...



*Johan Lalmawizuala Pov*



A khàt tawk chuan,Tluanga leh Hminga bulah chuan ,'Kan thleng ṭep tawh em?'tiin ka zawt deuh reng hlawma,'Ṭep'tihin min chhang zing mawlh mawlh khawp mai,mahse darkar2 vel ke a kan kal hnu pawn kan hnathawhna tur chu kanla thlenglo...



Kawnga kan kal chhung ringawt pawh hian ka chau tawh ania,a hmun kan thlen hunah engtinnge hna ka thawh theih ang tih mawlh chuan ka rilru a luah...


"Johan kan thleng ṭep tawh ania aw"Hminga zawkin alo tih chuan chhan pawh ka chhang peih tawhlo ka bu deuh nghut ringawt...



"I nupui chhungte an hausa bawksi,in chhungkua lah chuti bawk,i inhlawh ve tur hichu amak ngawt mai,cement work phei hichu ahahthlak asin"Tluanga'n alo tihve chuan



"Pa ka ni tawh dawna,hna dang ka nei bawk siloa,ka thawh mai loh chuan"ka han ti tak na a,diktak chuan hnathawh hichu ka hmathlirah a tel ngailo a sin mawle...



"Innu hlawh ringawt pawn in inchawm zawh dawn tehlul nen"Tluanga bawk chuan alo ti leha,"Nupui te inchawm tirte chu a,ka thaibawi anga asin"ka tih chuan,Hminga nen chuan an nui sun sun zuia...



Nupuite in chawm tir hi nimin thleng kha chuan ka thil tum ber a ni ṭhina,Pu Davida ka va hmuh hnu khan chu ka ngaihdan chu a inthlak chiang hlê....


Niminah khan pu Davida bulah khan chiang takin hna ka thawh peihloh thu ka sawia,'Mipa i ni a,i nupui in chawmtir ringawt i tum chuan thaibawi ini dawn tihna ania chu chu i duh em ni?chu ai chuan i hna thawh peih zawng min hrilh la keiman kalo ngaihtuah fel vek ang'a ti a,Fionai erawh ka hrilh duh lemlo...



A chhan pawh a pa puihna hi ka lak duh kher loh vang a ni,hetiang kawngah hichuan chapo thei nilo viau mah ila,Fionai pa kha tih luih ve hrim hrim ka duh...



Reifé kan kal leh hnu chuan kan hnathawhna hmun tur chu kan thleng thei hrama,Tluanga leh Hminga sawi danin a bim kan chhung dawn a ni awm e...



Midang hnathawk ve tur ho chu anlo thleng deuh vek tawha,box anlo siam mawlh mawlh tawh...



A ṭhenin cement leh balu anlo chawka,ni a sà ropui mai bawksi,min ti zawi ngawih ngawih,ka rilru te te chuan 'ka haw leh daih dawn mawni le aw'tihte mai mai chu ka ngaihtuah...



Mahse in lamah Fionai leh ka chhungte'n engtinnge anlo ngaih ang,hnathawk tura ka chhuak ringawt pawhhi mak an tih tawh nen,thawk leh peih lova ka va haw leh daih anih chuan sawinuam an ti lutuk palh ang...



Hminga leh Tluanga tenen chuan midang hochu kanva pui ve nghala,hnathawh lo nawm loh zia hi aw,,,hrem hmun tenau hi a ni ringawt....



Ngatinge maw kalo kal kher kher ni,rs450 bak ka hlawh dawnlo leh zui,daily inhlawh ai chuan ar insual tir pawh a hlawk fé zawk ang,hetiang ringawt techuan rei pawh ka damlo ang,,,Fionai chuan min chawm leh zawk maise a ṭha ang...



Dar11am vel aṭang chuan a bim chu kan chhung ṭana,ka dar kàr zawng zawng pawh anà vek tawh,hetiang hna hahthlak lutuk hichu thawh zen zen chi a nilo,a rapthlak lutuk...



Chhun chawlh mawlh chu a ni ka nghahhlelh tawh,zingkar aṭang engmah ka la ei bawk silo...


*Fiona Lalhlumawiii Pov*


Tlailam dar4 rìk dawnah pawh chuan Johana hnathawk chu alo la hawlo a,phone a keng bawk silo ka ngaihtuah ru takzet tawh...


Eirawngbawl zawh hnu chuan inchhhungah pawh ka awm hle hle thei tawhlo,pawna ṭhutna kan dahah chuan ka nghak deuh renga,ka pa leh Janei tepawh anlo haw thuaia,Johana hmel reng reng alo lang theilo...



Jamesa lo haw hnuah chuan chaw ei nghal mai an rawt ka rin nen an rawt hauh biklo,,,Johana chu kan nghak deuh ṭhap,thim thet thetah chuan ka pa pawh a ṭhu hle hle thei tawh biklo...



"Ani hi alo chau lutuk anga,kawngpuiah alo let reng tehi ania nge"ka pa chuan a ti ta mai,"Awihawm loh lutuk emaia,chutiang ngaihdante han neih"ka nu in alo ti vat...



Mahni mah a ruk taka lo hlauh thawn ruk tawh nen ka pa thusawi chuan minti hlauthawng zual takzet,kawngkhar hawnga pawna va chhuah ka tum chiah chu Johana hmel ka hmu thut...ka lawm lutuk chu kuah hrep mai ka duh,ka insum hram hram a ni...



Nilengin cement khu karah a awm a ni tih hriat takin a sam chu a var deuh phuau a,a hmai pawh a bal angreng ,,,chu zawng ai chuan a chauh hmel ngawih ngawih ....



Ṭawng pawh ka ṭawng lawk theilo,"Ilo haw tawh maw!"zawi sep chuan ka ti a,Johana chu a rawn bu nghut,"Saw a rawn haw ve mai alawm"hnunglam aṭanga ka nu in a rawn tih chuan,ka pa chuan,"Eee,lo lut thuai ta che mawle,ngatinge kawngka ah chuan i din renga"alo tivat...



"Cement ka kai nasa lutuka,inchhung ka ti bal vek ang,pawna bathroom-ah hian ka inbual nghal mai ang,ka thawmhnaw hak tur minlo laksak la"dam dupa a rawn tih chuan,amah chu kalo en renga,a mitko alo san leh uk chuan ka kal ta vat...



Janei chuan room-ah chuan minlo zui lut ve a,a u thawmhnaw hak tur chu minlo thlanpui zung zunga,"U Fiona ka u hmel kha ilo hmu ve em?"a rawn tih sep chuan,"Engti zawngin maw!"ka ti vat...



"Ka khawngaih reuh lutuk a mah kha a chauh hmel lutuk alawm,a mitkhur tekha a thûk nghal vekin ka hria"a rawn tih chuan chu chu keipawhin ka hmuh dan chiah a ni,Johana awmdan chuan ka thin a ti rim takzet a ni...



A inbualna tur tuilum ka siamsak lai chuan a kawrhak lai chu a lo phelh paha,a pheikhawk bun a hlip dawn lai chuan alo thaw ri deuh hrawk a,ka va en chu a ke hi cement-in alo ei nasa deuh hi alo nia...a vahan zialo ṭhin tak



"Tinge khatiang pheikhawk mai mai tekha i bun reng renga"ka tih chuan,minlo en pahin,"Hnathawhna ah eng ang pheikhawk nge an bun ṭhin ka hrelo alawm"arawn ti mai chu,ka thaw hak...



"I inbual zawhah damdawi ka hnawih sak dawn che ania"ka tih sep takah chuan Johana chu a rawn bu deuh nghut,"Inbual vat rawh,chaw ei kan nghak che ania"ka tih leh chuan,"Chaw ei min nghak amaw!"mak tih hmel zet hian arawn ti a,"Nghak e"ka tih vat chuan,a ngawi vung vung mai...



Inchhung lama ka luhsan hnu chuan,"FionaBawihte enge Hana chuan sawi anei em?"ka nu chuan alo tivata,"Aih nei lemlo e"ka tih chuan,ka nu chu alo nuisuk...



Tunah hian diktak chuan ka lungawi teh chiamlo a ni,a chhan erawh Johana hnathawh vang a niin ka hria,khatiang em em a chau va a hnathawh han hmuh meuh chuan ka thin a tirim zawk daih alawm...



"Bawiha chu a chau hlê dawn anih kha"ka pa in zuai ruiha alo tih chuan,"Ka pa hi aw,,,hna thawk turin iti reng zela,a han thawk ta chenga i khawngaih leh ber bawksi"Janei alo tih chuan ka nu in alo thlawp vat...




"Khawiah nge maw athawh reng reng ni"Jamesa pawh chuan keimah minlo en pahin alo tive a,ka hriat loh thu in ka chhang vat...


Johana inbual zo alo luh hnu chuan dar6:30pm a pel der tawh,chaw ei kan siam nghala,,,chaw ei chhung zawng chuan Johana chu a khàt tawkin ka melh zeuh ṭhina,a chaw ei chu a tui hmel teh chiam lo...



"U...Khawiah nge hna chu in thawha"Jamesa'n alo tih chuan,Johana chuan"Vengthlang lamah,quarry awmna bulah khan a neih tuten buiding in sak an tum alawm"ṭha deuh hian alo ti maia...



"Cement work te chu a hahthlak asin,thawk duh tawh suh"chawhmeh suak paha ka pa in a tih chuan,"Nia,ka thawk tawhlo ang,a rapthlak emai"Johana chuan alo ti awlsam êt anih chu...



'Ka thawk leh dawn'tih chu khawi lamah,a hmelah lah chuan ala thutak em em zui...



Chaw eikhamah chuan Johana chu room-ah a lut nghal daiha,a kal bai euh euh zui, a ke cement-inn a eisak avang khan lei a rap ṭha ngamlo anih ka ring...



"A peih rei lovang ka tih ka tih kha,,,nikhat a han thawka,'A rapthlak lutuk'a tih nghal mai kha"ka pa in a tih chuan,"A hahthlak ve dawn bawk em alawm"Jamesa chuan alo ti a...



Rei pawh ka ṭhulo kan room lamah ka lutve ta daih,room chhunga ka va lut chiah chu Johana chu khumah hian alo ṭhu renga,minlo hmu chu minlo nuihsuk mai...



Tum deuh bar chung chuan khum lam chu ka va pana,"Tlaiah ar chaw ilo pe em?"a rawn tih sup chuan,ṭawngkaa chhang lovin ka bu nghut ringawt...



"Ka lawm e"a rawn tih leh chuan,"An pi ka nih thu i sawi a ni lawmni ka tih ve tur reng alawm"ka ṭawngrì chu a nem viau lo.



Kalsawn mai ka tum chu Johana chuan ka kut hi arawn chelha,mak tizet chuan kalo en a,chutah rawn hawi chho pahin,"Tihsual ka nei em?"arawn tih thawp sup chuan,amah pawh chu ka en duhlo...



"Ar pi"a aw ah chuan a nuih a zà tih ka hrethei,"Khati khan min au suh"ka tih deuh fak chuan,a bulah chuan min pawt ṭhu a,"I thinrimna chhan chu min hrilh rawh le,ka nu leh pa ten anlo hau che em ni"dam ruiha a rawn tih chuan,ka lu ka thing vat...



"Anih eng vang nge?"a rawn tih leh chuan,"A chhan i hre duh tak tak maw?"ti in ka zawh let a,aw a tihna ni awm tak hian a mitko hi a rawn san zeuh....



"Nangmah vangin mawle,nangmah vang u Johan"ka tih deuh chiam chuan,"Maw!"a la rawn ti zui...



"Hnathawh i tum thu techu keimah tal min hrilh lawk ve awm che hi ania,i nupui ka ni lawm ni?"ka tih deuh khar khar chuan,"Ni e"zawi sup hian a rawn ti a



"Ka nihte chuan i thil tih turte chu min hrilh tur che alawm,hna thawh i tum deuh thut bawksi,keiman thawk tura ka ti ang che in an ngai dawn asin,kei tal techu min hrilh lawk ve tur che hi ania"ka tih leh chuan,ka ṭawnglai chu minlo en renga,"Ka tihpalh"inthlahrung deuha a rawn tih sup takah chuan engmah pawh ka sawi thei tawhlo...



"Nidangah chuan ka thil tih tur engkim ka hrilh hmasa ber tawh ang che"a rawn tih leh chuan,amah pawh chu ka en duhlo hrim hrim,ka thin a tirim ve em a ni...



"Hei min en teh"tih pahin ka kutah hian cheng500 tlang hi a rawn daha,"Ka hlawh hmasa ber anihhi,tunah chuan heti zawng hi a ni riha,,,i duh duh leinan ihmang dawn nia,chuan ka chungah thinrim tawhlo la,anuamlo ka ti ania"a rawn tih chuan...



"Tinge min pek a"ka aw pawh a zawi ṭha viau,"Ka nupui alawm inih,ka hlawh techu i ta tur alawm"arawn ti maia,a hmelah lah a thutak viau bawksi...



Johana'n ka kutah pawisa a rawn dah chu ka thinrimna tekha a reh vek maiin ka hria,pawisa tam tham tak chu a ni hauhlo,mahse a hlawh hmasa ber a ni a,ka tan chuan a hlu bik takzet...



Tunah tak hichuan naupang thinrim pawisa hmanga achhungten an thlem lungawi ang mai ka ni...



"Ka lawm e,ka hmang ṭangkai viau ang"ka tih chuan,Johana chuan minlo en vang vanga,minlo awm hnaih deuhvin ka mitah tak hian minlo en a,"Ka thawh chhunzawm tawh dawnlo ania"a rawn ti daih anih chu...



"Maw?"ka tih hluai chuan,"Hna rum ka thawk theilo ka tih kha"alo ti awlsam et mai...



"Hetiang hna hi nitin ka thawk anih chuan ka tar hma lutuk ang,chuvang chuan,,,"a thluk deuh vang vanga,"Chuvang chuan enge"hrechak lutuka ka tih chuan,"Min chawm angai a ni mai"a mitko san ak paha alo tih chuan,amah chu ka en deuh tawp...



"Mahse,rei a ni lovang"arawn ti leh lawia,hepa hian eng chiah nge maw sawi a tum ni!...



"Damdawi chu ka hnawihsak ang che"ti pahin first aid box chu ka va la a,a ke vela damdawi ka hnawihsak lai chuan,Johana chu alo nersuk suk reng mai,"Min dim ve deuh la doctor"a rawn ti sup chuan,ka nuisuk...



"Damdawi thíp hian a tidam hma dawn che alawm"ti pahin a bulah chuan ka va ṭhu a,a kut cement-in a eina laite chu a sen veka,ka khawngaih reuh takzet...



"I chau ngawt lo maw?"a kut a damdawi hnawihsak pah mawlh mawlha ka tih chuan,"Chau e"a rawn ti mauh mai,a thusawi reng reng a peh hel ve ngai miahlo hi amah ti Johana tu ni ber niin ka hria...



Midang chu nise,'Chau lo e'an tih ka ring,mahse Johana chu a ni ve miahlo,thudik hi a sawi deuh tawp zel maini...



"Ka hnawih zo e,muhil daih rawh ka inbual anga kalo mu ve nghal ang"ti pahin ka tho nghal vat,"Fiona"ka hming ngeiin tunah khan Johana'n min au anih chu,muangchang chuan ka va in hera,chutah minlo nuih pah hian



"Nupui neih nawmna min tem tir tu ini"a sawi ring lemlo,mahse ka bengah chuan a rí ring khawp mai,hna a thawk tak vang maiin enge maw a inlak zei ve viau ni,keimah bak nupui ala nei lova,nupui neih nawmna tem tirtu chu ka nih mai lohvin,,enge maw angaihtuah ṭhin ni...Johana tak hichu aw...



Ka nui deuh suk ringawta,bathroom-a ka luh hnu pawh chuan Johana thusawi kha ka ngaihtuah leta ka nuireng mai...



Ka inbual zo ka chhuak chu Johana chu alo mu tui tawh ngang mai,a thaw ri sak sak bawk,khuma ka va mut ve hnu chuan a muhil lai chu hnaih sétsàwtah hian ka en a,a hnar ngul invuah dik thlap maite,mipa mah nise a hmui no reuh lutuk te,mit tlangkawm chiang taka aneive tehi a hmuhnawm takzet...A mutthilh lai hichuan a thatchhia tih pawh a hriat bik miahloh...


Lehlam hawia mutthilh mai ka tum chu hnunglam aṭang chuan ka kawngah hian min rawn kuah chiala,ka khawng ut thei,,"A vawt"a rawn tih deuh sur sur chuan aṭawng danah a harhlo tih ka hrethei,ka nghawngah a hmai a rawn phum lai chuan Johana chu a sá veka,alam hawi chuan ka inher vat...



A chal ka khawihsak chiah chu ka rin ang ngeiin a khua chu alo sik tak tak,"U Johan,harh teh i khua asik ania"ka tih chuan arawn mengchhuak riai riaia,"A vawt"tih chiah alo sawi...



"Puan sin tur ka lakbelh sak ang che aw,chuan damdawi te i ei anga"ka tih chuan,rum nghut pahin nghet deuh hian min rawn kuaha,ka beng bula rawn thaw lum ham ham pahin,,,"Khawiah mah min kalsan suh"a rawn ti sup...



Hetianga damlo tur techuan hnathawk tur khan lo kal loh tawp tur hi ania...

Ads click ve ngei ngei tawh la aw, i fel em kha, i click lo ve ziah 🤭


(END OF CHAPTER-12)
(Lehkha zir zawhah ka type a,kalo muthlu daih alawm min ngaidam mai teh u🤭)
Comment-na tur link👇❤️
https://m.facebook.com/groups/991354610 ... 116257641/



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)