INNEIH ZUNGBUN (Àm-i Vang vek!!!)

Episode kal lai dah luhna

Moderator: writers

Zautea Chhakchhuak
Posts: 24
Joined: March 3rd, 2017, 4:33 pm

INNEIH ZUNGBUN (Àm-i Vang vek!!!)

Unread post by Zautea Chhakchhuak » April 5th, 2017, 10:33 pm

INNEIH ZUNGBUN
(Àm-i Vang vek!!! )

Dar chu a ri bawl bawl a, a ri chu khat tak a ni! Zan rei tawh tak a ni a, a rei ai mah in khawvar a hnaih tawh mah mah a rinawm zawk. Kar hmasa lawk khan motor accident na ah ka nu leh pa ten hliam na tak an tuar a, ka pa phei chu ka pawh chhawn lo in a boral nghe nghe a. Ka Nu pwh boral chiah lo mahse a hliam tawrh te a na thawhkhat hle a, biak theih loh in a awm chhunzawm a. Damdawi in lam ah kan han in awm pui ve ren ràwn na chu! Țhat lam ai mah a, zual lam a pan chak zawk a vang in, ka pi leh pu ten in lam a. In enkawl a țha zawk ni a an hriat a vang in, in lam ah kan in hruai hawng a. Dam si lo; thi si lo in a awm reng a, țhenawm khawveng kan tu leh min menpui tu kan in khat in kan nei reng a. Kan In lam ah mut na kan neih loh a vang in, ka pu te in lam ah ka nau kum 8 mi Zonunsangi nen chuan kan riak a..

Ka Pi chuan min rawn kai tho a, kei erawh ka lo harh kar tawh a, ka nau tui tak a mu bawrh bawrh Zonuni chu kan kai tho a, kan in lam pan chuan kan kal chhunzawm nghal a. Ka pi chuan min kai dat dàt a!
Kan in ah chuan an lo khat țhup a, khawhar hla an lo sa tluk tluk a, an awm dan a țang chuan ka Nu chuan a pasal a hmangaih em em hnung zui in, kan unau a fapa kum 11 mi leh a fanu kum 8 mi chu min hnung chhawn leh a. Tun hma a kan chhungkua a, kan hlim na em em kan rùn chu tun ah chuan țahna leh mittui bual hnep ah an chang zo tawh a.
Min lainatu te chuan țap in ka nu chu an au lawm lawm a! 'Zorema te unau hi engtin nge an awm tak a nga?' Țah hawm hawm thawm te, țah vang a thi dang ta hial te chu! Kan unau min khawngaih vang leh kan hma khua an ngaih vang ani. Ka nu chal ah chuan ka chul ruai a, ka biang ah chuan na men lo in mittui a rawn luang a! Thihna tawp zia leh beisei tur dang a awm tawh loh zia engmah reng ka hre pha lo! Mahse ka lung a chu a chhe ve tak zet a ni.


Ka nu ber chu tia an boral leh tak ah chuan kei ni unau pawh ka pu te hnen lam ah kan awm a. Ka Pa hi kan veng Middle School ah hian Headmaster ni in, chu tiang bawk chuan ka nu pawh Primary Zirtirtu a ni bawk a. An boral tak ah chuan an hlawh pawh pension hlawh ang a kal tur in, ka pu in a buaipui a. An Pahnih Pension hlawh phei chu tlem chhe lem lo tak a ni. Ka Nu hi Aizawl lam pang mi ni in, a unau te pawh Aizawl lam ah an awm hlawm a, min hmangaih in min lainat viau mahse, khual a țang chuan thil a lo tih tak tak theih loh na chen a awm a. Ka Pu te hnen a kan awm vang te pawh a nia nge, an ngaih a țha ve tawk viau te pawh a niang. Ka Pa nau ka patea te nupa leh kan unau ka pi leh pu te nen chuan kan awm ho a, ka patea hi nupui te ngam vak loh chi a lo ni ve leh zel nen, kan awm a țang a rei vak lo ah an nupa chuan an nu te khua lam pang ah an awm ta nge nge a, khang hunlai kan awm ho chhung a ka nute-i kan unau lak a a fel fak loh zia ka ngaihtuah let phei hi chuan ka thin hi a rim thar ve leh fo țhin...

Ka kawng chu a na tak zet a, ka khum a țang chuan ka in tung tho a, ka khum bul a, nizan lam pang a ka in bang chu ka thli karh karh a; zing kar kar ah chuan ka tlak leh ta pawp a! Ka lukham hnuai a, uluk tak a ka fun țhat Weed chu lian tawk tak in ka zial a, ka pak khu luih luih a! Ka awmdan leh ka kài dan chu nuam leh chiai chiai tak tak a ni. Kawngka chu a rawn in kik dawt dawt a! Kawng ka ka va hawn sak a, tudang ni lo in ka țhianpa Davida bawk lo ni in...

'Heyy Bro..... Tlem a zawng in bang i nei lo maw?

'Nizan a kan in bang kha ka lo in zo chiah a, Weed chu tlem a zawng chu ka la nei a, chu bak engmah ka nei bik lo...'

A mamawh ve ngang a niang; A zial sawk sawk a, Kut khur dar dar chuan a pak talh talh a..

'Heyy.. Bro.. ka rilru hah teh mai a nia aw...'

'Nang lah hi rilru hi a hah reng mai a?'

'Zorem.... Cindy-i hi tunlai chu amak lutuk a! Zu in sim tur in, min ti fo a. Ka nghei thei lo a nih phei chuan in țhen mai a duh thu te a sawi a, Damdawi hial ka ti tawh a ni tih hre phei se la chuan? Ka țhen phal bik si lo a, mahse ruihhlo hi ka thlah thei bawk si lo a! Engtin nge ka tih ang?'

' Hmeichhia te chu tam tak an awm tih hre ta che....'

A dar ah chuan ka beng thak thak a,
Eng emaw vang in, ka pu te in a țang in, ka chhuak a. Kan In ah keimah in ka awm a, a chhan chu ka nu leh pa te hlawh ka pu in, a chang chu ka lungawi lo a. Tun ah chuan ka puitling ve tawh a, ka nu leh pa te hlawh pawh keiman ka chang vek a, Ka Pu te in a țang a, ka chhuah tirh hian ka nu leh pa te hlawh a țang in, Bike College kal na tur a thar hlak ka lei bawk reng a. Ruihhlo lam ah ka tlan a, Zu leh damdawi Weed te hi ka țhian te chu an ni. Sum ah ka buai em em lo nen, Ho ka ngah in, keimahni ah pawh țhiante rin pawl leh boss ka ni a. Tuman ka thu an hnial ngam lo a, a chhan chu ka thu hnial a piang chu hremna ka pe mai țhin. Khawvel hi ka ta a ni a. Chu tih rual chuan kan veng chhung mai ni lo, hmun dang ah pawh ka lar reuh a. Ka lar dan erawh kohhran mi leh piangthar tan chuan Thlaruabo ka ni awm e, Mahse eng vak ah mah ka ngai teh chiam lem lo!

Nizan ah ka rui a pek in, ka pu te in ah ka kal rawk a! Min lo lawm fahran lo a. Ka Pu nen kan in hau leh hrep a, a tiang in min la hlap leh ta nghal a! Zan lam pang ah a nat vak loh nen, zing ah meuh chuan ka kawng chu na reuh tak a ni. Davida nen chuan ka in a ei tur awm ang ang chu kan ei a, ei erawh kan ei hnem fahran lo. College lam a kal tur chuan kan in phur chhuak a, college lam kal ta mai lo chuan An zawrhna lam ah ka pack kawi leh te te a, kan in zo chu kai chial in college lam ah chuan kan in phur a.
Class chu an lo țan tawh a, luh kan dil a. Tlar hnung ber lam chu kan pan a, kan țhu fel hman awr tih ah chuan kei ni ai tlai an rawn la awm a.. Tudang ni lo in, ka nua in la kristian zet mai! A U hmangaihna leh lainat pawh nei miah lo. A u ai a, a pi leh pu te hmangaih zawk Zoremi leh a țhiannu mi thar an lo nia, kan hma chiah ah chuan an rawn țhu leh ta nghal a! A țhiannu chu mi thar a nih vang in, kan proffesor chuan zawhna te a zawt a. A hming chu LALREMRUATI Aizawl a țang a, Rawn awm thar a ni awm a!

Davida chuan a bag a țang in, a pen la chhuak a, mithar kawr hnung ah chuan nalh lem lo tak hian, Remruati tih hi a lo ziak hman hmawh a! Kan pahnih chuan kan nui khur chur chur a!
Class kan la zo a, kan college chhak khelmual Gallery ah chuan kan țhianho chuan Weed kan Blow tulh tulh hlawm a, mi thar chung chang te, a kawr hnung a kan thil ziah te chu kan sawi a, kan nui leh dar dar țhin,

Kan lam pan chuan Ka nua leh a țhiannu chuan min rawn pan a, ka țhutna țang chuan ka in perh tho at a! Ka nua chu a awm dan a țang chuan a lungawi lo hle in ka hria. Kan unua chuan kan in hmachhawn ta der a!

'Tu nge? He thil hi lo ziah sak ce u a? A zah pawh in zak miah lo a mi?'

A rawn ti sak a! Davida chuan chhan tum in, ka a rawn ang zuai a! Lo ngawi tur in, zai zir in ka hrilh a..

'Zonunsang ngawi ngawi mai mai rawh.. I buai loh na tur leh i rawn in rawl loh na tur tawp ani. A hming kan theihnghilh mai loh nan kan lo ziak mai a nih kha... '

'Tiang ang hi chu tunhnu ah ching tawh reng reng suh u.. Mawl thlak lutuk!!'

'Naupang ngawi mai mai rawh.. Thihna tham pawh a nih loh kha.. Hawng la, I pi leh i pu Buhhawp ei tur chhum tur in, hawn hmat i ngaih kha...'

Ka nau chu ka chhaihkawlh chiang a lawm, a hmel chu sen țan țan a.. Engmah reng sawi tur a hre lo, A pi leh buhhawp chhum ka sawi vang nge ni? A mit sen ram kar a țang chuan mittui a rawn tla zaih zaih a! A hru leh fap fap țhin.. A țhiannu chu min hnaih zawk theih nan min rawn pan hnai a! Kan vawikhat in hmuhna ah pawh rawn zam lo ham ham khawp mai!

'In ziak leh duh em? Eng ah mah ka ngai lo.'

Rawn lut thar leh nghal chu tia kei meuh min hmachhawn ngam chu a huaisen ve khawp mai! Kei lah in ka lo ziah belh ngam nasa mai si...

'Daviddd....'
ka tih rual in, Gel pen chu a rawn theh thla nghal a, ka lo dawng chat a!

'Țhiannu ka lo ziah belh leh ang chu... I duhthusam zan tur in..'

A T-Shirt hak ah chuan ka ziak leh dawn emaw tih nak lai in, A T-Shirt chu a la phelh leh ta nghal a, Body Fit var hi a tet reuh nen a ha mar ve pang reuh a! A hmmel leh hawi her a țang chuan a A sam chu a hma lam ah an lo hnawk a hlau a niang; a kuai her vek a! Lian tak in a kawr hnung ah chuan.. LALREMRUATI tih chu nalh lem lo tak; Lian fahran hian ka ziak a...

Ka țhiante chu an lo nui hlawm dar dar bawk a!
'Ka ziak zo ta e...' ka ti kher a, ka awmdan leh chet dan chu a chimawm tak zet in ka hria.
Ka nua lam chu ka hawi a,
'Zonunsang ka ziak zo tawh a, tun hnu ah chuan i u thil tih leh chet dan ah rawn in rawlh tawh suh ang che.. I mittui tlak fo i duh loh chuan...' Ka tih chhunzawm a.. Kan awmna țang chuan an in thiar fihlim a, a țhiannu erawh a zam màp lo a; a kawr chu hah leh ta nge pawh a ti chuang lem hlei lo a; a ngai ngai chuan a awm tlang a..

Ka țhiante țhutna lam ah chuan ka chho a, 'Ekhai!! Bro.. Kan mi thar chu a van zam lo map map ve le..' an lo ti sap sap hlawm a.. 'Hmeichhe zahna hrelo lutuk mai! A phu tawk a nih kha..' ka ti hlut a!
'Class ka kal peih tawh lo.. Ka haw dawn tunge ka rual a, hawng ve duh le...' Min zah vang nge pawh ka hrelo tuman an lo duh in class leh pawh an lo chak hlawm vak lo a.. A ngai te bawk in, Tikte lane lam pan chuan kan in zui leh a..

Tlak pap pap phah in, sunhlu chu kan hmeh a; a khat tawk in, chi chu kan liak leh zeuh țhin.. Chawhma lam a, kan awm dan leh khawsak dan te chu kan sawi a; kan zing a mi Roberta'n 'Zorema chu Mahni nau te kha tia tih kher? A zia lo emai' an ti kher chu ka chek mil zawng leh ril rem zawng a lo ni aw zawng lo mai le! Ka ding hlut a.. A awm ah chuan ka țham a;
'Kan Unau in kar a ni; i lo sawi ve tur leh i lo ngaihven tur pakhat mah a awm lo Țhiana' ti phah chuan ka hnek pawp a! Tuma reng in an chhan lo; a chhan chu kan țhianho ah chuan Boss ka ni tlat a lawm le... Kan zu in na in neitu in a. 'Zah pawh in zak lawm ni a, kan in chhung ah buaina te in siam a' a lo tih chu a thla vang hauh awm chhun a ni awm e..
Kan tawp zui ve nghal thuai a, in lam ah hawng tur in kan in ruah hman a. Kei erawh Zonunsangi vang a, mi zing a zahthlak tak a, ka awm a vang in ka lawm lo hle a. In lam pan ta mai lo chuan ka Pu te in lam pan chuan ka kawi a..

Kawngka chu ka hawng bur a!
'Khawi ah nge Zonunsangi hi a wm a? A U hi min va ti zak ve a!! ' Ka ti nghal lawng lawng a..
'Vawikhat mah a U nun ah hian rawn in rawlh tawh suh se; a mah vang a zah hi ka duh tawh lo...'
ka ti nghal buan buàn a!
'Zoremsang zah pawh i zak lawm ni? Mahni Pu te in a, kha tian rawn mibo au nghek nghek mai! Zahna chang te hi hre ve rawh.. Zu hian a ti à zo tawh che a nih hi mawle.. ' ka pi chuan min lo ti ve hlaih hlaih a. Eng ah mah ka ngai lem lo, ka dang nal tawh sa chu ai nal ah min tlan tir a ni ringawt zawk !

'Zonunsangi hi in duat bik lutuk a nih hi.. Eng ah mah kei te chu min ngai ve hleinem! Ka duh dan dan in ka wm a nga... In sawi tur pawh a awm lo.... Ka nun a nih hi ka thu thu... Ka hla hla.. Mahse a U zah na tur in awm tam tawh suh se; a mah vang in ka țhian ten min zilh ve a nih chu!! Ve mai mai..... Mahni tu te pawisa pawh ei duh leh la duh in ni lawm ni.. Ka pi leh pu te u.. Nuam in ti ngawt ang chu ka Nu leh Pa boral vang khan in'
ka ti teh duah a. Ka ang zo hman țawk tih leh ..
'Zoremsang i rapthlak lutuk!! Chhuak rawh chhuak rawh.. He In a țang hian misual kan mamawh lo e..' ti chung in ka pi chuan min nawr dawt dawt a!!
'Ka chhuak ang ka chhuak em em ang; He in hi nuam ka ti bik aw zawng lo... Nang-a nawr pawh ka ngai lo..'
Kawngka chu ka khar țhuai a!

Step ah chuan ka chhuk thla a; ka kal vung bawk a! Ka hmeichhe tawh chu ka su tlu chiang kher mai! A nat leh nat loh pawh ka zawt lem hlei lo a, a mah zawk chuan..
'Ahh ihh Zonuni a awm em?' a rawn ti ta zawk a! Chhun lam a kawr hnung a hming ka ziah sak Lalremruati a lo ni reng a..
'Aww awm e; han kal rawh.. A mah phei chu a hmuh pawh ka hmu lo e a! REMRUAT' ka ti kher pek a...

In ka thleng chiah a, Woofer ah chuan a rin a ring mang khen in, A7X hla ka ngaithla a; țhenawmpa tan lo ring deuh nge ni! Min rawn kam khat tur in a rawn kal a.
'Zan a rei tawh hi.. Țhenawmte hi min vah zah lo ve a.... I ti zawi ve bawk a. A chhuak chiah tih ah chuan a run luih nan..
'Ka nun ka thu thu.. Nang a woofer pawh a ni lo, duh leh ka play ring a nga; i sawi phak pakhat mah a awm lo..' ti phah in, ai ring leh zual in, kan ngaithla leh sak a! A music mil in, țhuthlengte chu ka khawg ri nghek nghek a.. Ka hriat lai lai chu ring em em in; ka lo sak pui ta țhin a...

He khawvel ah hian beisei tur leh chanvo ka nei lo a; hlimna leh lawmna vanneih na te hi ka ta a an ni ve lo a, ka naupan lai in ka nu leh pa ten min boral san a, ka thisen ngei ka nau nen kan in kar pawh a khi salh salh a, ka pu nen kan in kar chu indona rapthlak leh țihbaiawm a ni tawh a. Vawi tam thu țha leh thudik chu min hrilh ve țhin, ka tan chuan darbenthek ri awm ze nei lo ang vel lek a ni. Tun ah phei chuan thu țha reng pawh min hrilh ngai tawh lo, ka awm dan leh ka khasawk dan chu min enliam mai mai tawh a ni. Ka nau erawh a theih ang tawk in, kohhran leh khawtlang ah naupang te in, a phak ang tawk in a in hmang a, veng chhung ah pawh fel leh entawn tlak a an sawi a ni pha ve hial; 'I nau hi chu a fel in, a entawn tlak ngawt mai' an tih chang hian ka insum zo lo țhin a. 'Mahni U te hmangaihna chang pawh hrelo...' ka ti ve hmak țhin.. A ni reng a, ka thu ai in, ka pi leh pu te thu a awi zawk a; ka nau hnen a ta hlimna ka la hmu lo in, a u tan hian engmah min la tihsak lo bawk. Kan veng chhung a, YMA te leh khawtlang hruaitute'n Entawntlak Chawimawina thuziak an hlan pawh. Ka rui in ka vawm chhiat sak vek tawh nghe nghe; ka tan chuan Zu leh Weed, Damdawi hi ka unaute an ni a, an ni nen chuan he khawvel ah hian hlimna rin phak bak bak a, lawmna kan chèn ho țhin. Ka țhian ka ruihhlo tih pui te chu ka tan ka nu leh pa te an ni a; 'Ka sa ngawi zawn pui' te an ni, kan in hmangaih a ui kan nei lo a; țhiante nawm phah na tur a nih chuan kan neih ang ang kan in pe in, kan ti ho mai țhin. Ka nu leh pa te damlai a; kan veng kan in pakhat erawh ka enkawl a; a finrial in, a thengthaw nuam bawk a. Chu lai hmun ah chuan kan phur chang chang in, kan party a keimahni ang bawk hmeichhia awm țha duh lo an lo tam ve nen, nuam thei pang pang tak a ni. Mi thar rawn kal nawlh nawlh tawk an awm țhin a, chung zing a țhenkhat te phei chu an veng chhung a kohhran a; mi in hmang tak tak te; hruaitu hial ni pha te an ni hlawm. Chu vang chuan ka nau in ti kristian lutuk leh in ti fel lutuk hi ka ngaisang lem lo.

Facebook ah chuan ka lut a; kan țhianho group 'PAR PÀNG PÀNG' ah chuan 'Zan in chu.. Kan ti leh hlut dawn lawm ni...' tih post ka siam a; kar khat lai kan party tawh lo nen; kan lo za hlawm tawh ngang a niang; țhian thar Chicks thar rawn hruai an tum thu te; In tur leina an ngah vak loh thu te, an harsatna te, an chàk tho si zia te an rawn sawi hlawm a. Kan lo zà tlang tawh bawk a ni a nge.. Zan lam a; Party tur chuan thu kan ti tlu ta nge nge a; Friends Request pakhat hi ka lo nei reng a; A proname lah chu mak em em khawp, 'Àmi RemruatiPsalm73' a ni teh duah a..
'Tunlai mi pro name mak zia hi chu aw.. Hming awm ze nei lo' ka ti phah nghe nghe a, nidang a ka tih țhin ang bawk in, status ka updat leh a.. 'Kan Par pàr... Kan phàr kan phàr... Duh leh an vàr a nga, duh leh kan var leh țhak a nga..' tih ka post leh a; an rawn coment sap sap hlawm a; ka lo in duh der vel reuh a, ka confirm thar khan a rawn coment ve ta tlat mai le...
'Lal Isua tan han pàr la, a mah vang in, han tlaivar thung la maw...' tih zawng hi a ni. 'A tu chu nge ni a? Chu tiang te a min rawn tih ve khang lan?' ti rilru chung in, a profile chu ka check a. Tudang ni lo in, ka nau țhiannu thar Lalremruati kan veng Pastor fanu ngei kha a lo ni pek a.. Ka chhang zui lem lo a; ka mutsan ta daih a.. Zing ah lah inbox lam ah Lal isua chanchin min rawn hrilh leh zel a, ngaihtuahna chu buai lek lek...

A țhen in lo in fawp ngawng ngawng a; a țhen an lam a. A țhen lah room lam ah an che leh tluk tluk tawh a; nuam chu kan ti hlawm chiang a lawm, mahni sehna mual mual ah chuan seh fuh hlawm chàt chàt tak kan ni. Kan hla play lah ring dup dup bawk a, lam a chawh riau nen, kei ni erawh Davida nen varanda lam ah weed kan zu tulh tulh a...
Kha nu te reuh khan ngaihtuahna erawh a ti buai riau a!!!

'David kha nu kha.... Isua tan par la.. Te min rawn ti fahran a; Isua hi a awm tak tak a mi le...'

'Zorem ka hrebik lo; zep loh chuan kan awmdan hi ka ning leh thut țhin a! A chang chuan ka rilru hah hian Isua chu ka be ve țhin a.. Mahse engmah awm zia pawh a nei in, ka hrelo.. A awm tak tak pawh hi ka ring lo..'

'Nia, kei pawn a awm tak tak hi ka ring ngai lova; Tukin lam ah Inbox lam ah Isua chanchin kan tan a, a tawrh na te a mah vang a; nun nei kan nih thu te min rawn hrilh leh a. Biak in a ka inkhawm loh na chin pawh hi ka hre tawh lo; a rawn thu tak riau leh nghal a. Ka nu leh pa te vang a nun nei ka nia; chuan tun a kan awm dan bak a hlimna hi a awm leh pawh ka ring chuang lo.. Aahh Vid... Ka hawng dawn party chu i duh duh hun ah lo ti tawp mai la; chuan i duh leh lo riak leh nghal la, chahbi erawh.. kha... lo kawl țha leh mai rawh..'

Khua lah chu ruah sur a tum nge ni? Khawpui chu a ri dur dur a; thim na men loh hian a rawn thim a; thli chu a thaw vuk vùk a! Nelawm loh tak a ni.. Electric hrui chu a ri leh vung vung țhin...



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)