THE GOVERNOR CHAPTER - 4( ZAWMNA ) BY MAWITEI BAWITLUNG

Episode kal lai dah luhna

Moderator: writers

mawitei bawihtlung
Posts: 753
Joined: November 18th, 2020, 12:53 pm

THE GOVERNOR CHAPTER - 4( ZAWMNA ) BY MAWITEI BAWITLUNG

Unread post by mawitei bawihtlung » June 28th, 2022, 9:08 pm

THE GOVERNOR



CHAPTER 4


BY Mawitei bawitlung

PIC HNUAIAH ZAWMNA

“ Malsawmzual hmeli" Rinpuia au lung lung na lamah kan hawi thap ,class chhungah thinrim lutuk tih hriat tak hian a rawn ding lut a. “ A mawl leh tawh a nihsaw teu teu mai a ,Lalrinpui khati vak vak khan min au ziah suh,hmel i nei ve lo em ni? Kha i mam thlak puak kha ,hmeli te kha min ti a ,enge i hriat" Malsawmi pawh in a tive hmak ral khat atangin an in melh rum dun teh e “ Nizanah khan engvanga min hawsan nge inih?" lawm lo tih hriat lutuk hian Rinpuia chuan a rawn ti leh a ,he mite pahnih hi chu an inti taurau kual reng a nih ber hi.









“ I duh leh zu chu in zelin hmeichhe ho kha kawp kual leh la ,keichuan ka peih ve lo,ka then tawh che tih ila hriatloh takin bawlhhlawh bawmah ka paih a che " Malsawmi pawhin a tilet leh tuar ,Hlutea nen mak ti hawi hai lutukin kan en “ Kha hei pawh hi la let leh vek rawh ,I hmeichhe duhzawng i sawi a ,i kuah chial nu kha i pe dawn ania ,thinlung pahnih nei mipa ka mamawh lo ,I a tiin ka dawh hram hram che a; hetianga min ti ziah hi ka kham tawh ,I duh duh chu kawp ta che " tihtuar pahin Rinpuia thil pek zawng zawng chu a lamah a vawm phei tuar .






Ka thiannu hmel ka en chu a rilru ana tih a hriat “ Duati inthen ka duhlo " Rinpuian rawn hnaih a tum chu a kutin a lo vai “ A tawk tawh a hma ang a ka lo ngaih avang che khan i mizia a danglam ve ka ring ngailo . Mahse nangpawh mipa dang ang bawk,lerh lutuk bialnu neihlai renga hmeichhe dang be leh thei lungawina hi hmeichhe pakhatah in hmu ve theilo nge ,innei phei chu ni ila hmeichhe tam tak tawrh ang pasal zu heh lutuk neiin ka nun ka tichhe vek dawn zu nia .






Khatiang kha ka peih ve lo,I duh na lam zawh la keipawhin ka duhna lam ka zawh ve bawk ang " tiin a tlan chhuak a ,ka umzui nghal vat . Rinpuia erawh angawi ngul a Hlutean a darah a va khawih lai chu ka chhuah hma in ka hmu hman vuai . Malsawmi awmna ka thlen chuan phulah lo thu in hmalam a lo melh ngar ngar “ I tha tiraw?" Ka tihchuan nui sak hian “ Ka hrilh chiang tawh a ,ka dawh ve nasa a sin ,Kan tleirawl lai ang hun kha ka ngai zawk ,khatah kha chuan in ngaizawng lo mah ila hetiang hian a awm ngailo a ,min ngaihsak daih zawk .







Tunah erawh keimah pawh min duhkhawp lo a nih ka ring hial tawh . Hmeichhia in an bawrh vut vut pawhin a enliam mai mai a ,keichuan ka thei velo ka thikthu ka lo pe chhe lutuk zawk pawh a ni thei ,mahse zu a inchuan min ngaihsak tawh ngailo Jas nang chu i vannei a nih hi ,bialpa puitling tak i neia ,anichuan i kum ang mila enkawl che pawh a thiam ang chu ,keini erawh rilru puitling zawk kan awm thei dawn lo a ,Kan thuduh dun avangin kan buai fo dawn ,chutiang a thlen reng ai chuan kan kal thui tak tak hmaa kalsan ka duh .








Keichuan hrehawmna hi ka lo tuar nasa tawh a ,heipawh hi ka tuar leh thei mai ang. Kan inkar inthlau lutuk te ,chhungkaw dinhmun inthlauh lutuk avang te hian animahna atan chuan keini ang chu kan hniam mah mah ani " a mittui a farfep ,ka kuah nghal vat “ Engkim a tha leh vek mai ang,Rinpuia pawh ka hrechianga kalsan mai che a duh bikin ka ring lo . I dinhmun ka hria a lawm,mahse enge i sawi thin kha ? Lehkha ka zir zung zung anga doctor nithei turin ka bei ngei ang itih thin kha hun reilote chiah a ngai tawh ania " ka tihchuan nui hakin min kuah let a .








Thiante hi an hlu a ,Kan tana awm fo thinte phei hi chu min mamawh hunah an tan awm ve fo ka duh bawk . Kan thiante hi kan chhungte tihloha min hmangaih ber tu an niin kan that a duhtu an ni fo . Mahse thian tha ti a kan ngaih zawng zawng erawh an ni vek kherlo tih hriat tur ,thian hi thlan fimkhur angai fo ,kan laka tha ber awma lang min tlawn huam huam thinte hian thian dang an lo neiin kan chhiatna tur an zawng duh tlangpui. Thian diktak erawhin kan diklohnaah min hau ngam a ,kawngsual kan zawhin min zilh ngam a,Mangan hunah erawh min tlanchhiatsan ngai lo .








Class lamah ka let pui leh a “ Duati " Rinpuia chu Malsawmi hmaah a rawn ding leh ,Malsawmi chu a thaw hak “ Tikhan min ko tawh suh . Awm sawn rawh;ka kal duh" tiin en pawh en duhlo in ka banah a rawn kai a . Ka mitmengin Rinpuia chu kalsawn rih mai turin ka hrilh Hlutea pawh lo inrawlh vatin Rinpuia beidawng chu a kalsawn pui a . Malsawmi chuan “ Ka lo va haw mai dawn a sin " a tihchuan ka zui ve vat,thil thalo a tih ka hlau pawh aniang ka zuichhuak a “ Kal rawh thil ei ang " tiin ka kai dawr dawr ,college piah chiaha restaurant awmah hian kan chawl ziah a.







A hnathawk te pawhin min hre ve tawh viau sanpiau chahin momo a niin a lam thunga “ Ei teuh rawh in ngaihtuah lungpuam lo la. Rinpuia pawh hian a duh ve hle che chuan ka hria,mihring kan niin kalsual palh chang a awm lo theilo tih i hriat kha ,tlangval lai hi mipa chuan an hmang thiamlo fo a ,a hun hma in pa dinhmun an luah phah fo in an rilru a la puitlin tawkloh avangin fahrah an tam leh phah thung ,mipa chuan thil hi an ngai awlsam a ,an thisen that vanglai phei chuan insum har an ti thin ania . Mahse hengte hi i vengthei a hmeichhe kawp ho lakah hian i vente angai ve a ,I bialpa ania i thuneihna tam tak a awm ve tih hria la .







Engkimah i dawh hram hram te pawh angai ania " ka tihchuan “ Mipa nungchang i va hre ve " a tihchuan nui sakin ka dar ka san ak a “ Val senior chubakah pathlawi ngat ka nihpui tih hre ta che . Thu min hrilh nasa thin lutuka ka rilru a puitling vawkin ka hria " ka tihchuan a rawn nui ve ta hak hak “ Mipa thankin tawh i nihpui tak e,a nuam bawk em? " a tihchuan ka bu nghat . Mahse tunlai phei chu a buai thei bawk nen ramri lam buai nen kan inbe tam theilo ,inhmuh phei chu karkhat chhung kan la inhmu lo hrim hrim.







CM te nen an buai tlang viau tih news-ah ka hmu reng,heihi ania pawi ka tih thin mi ram chuan fa neih tama an ram zauh zel an duh a . Mizo te erawh fa neih tlem kan inzirtir emaw tihturin naupai theilo tura indah kan tam si . Keini ai mihring tam na na na chuan min zuam hle reng ang chu. Kan tlem sa tehreng nen kan khawlai nun phung leh tawngah lah hnamdang tawng kan hmang nasa tawh nen ,Kan tlem em avang hian nakinah chuan hnamdangin min la chimpil lo ang tihpawh a sawi theih loh chu a nih hi “Achang chuan hrehawm ka ti ve thin ,mahse a hna ka ngaihpawimawh pui a ,mipuite an kutah an awm miau si a .







Ka ngaih em em lai pawha ka hmu theilo hi a hrehawm ber ,a buai tih hre mah ila a chang chuan ka dawhthei lo lek lek zel . In ngaihzawn lai phei chuan in ngaihsak tawn hi a pawimawh em em si a " ka tihchuan a nipawh a bu nghat ,momo hmawm pah chuan “ Experience a ngah tawh awm sia a zei awm " a tihchuan ka thil ei lai lemsualin ka khuh nghal bawrh bawrh ,henu thil sawi langtlang thin lutuk hi chu a . Tui min rawn thlitin min pe a “ I va ho e aw ,pathlawi leh val senior reng reng chu an zei duh an ti ania aw,en teh in in khiurawlai tawh em " a tihphei chuan ka sen tawn tawn tawh .







Thiannu Frank lutuk neih hi chu zahna hlir hlir ani ringawt “ Inti tawh chiang awi " a tawng leh tur chu aka ka hup . Mi an awm ve teuh bawk nen min sawi mualpho teuh thei ,ka khap takah chuan “ Chhuak vat ang" a la ti deuh deuh ,lu thing in ka eitur ka eizawm a ,Rinpuia nen an awmdan avanga a lungngai hmel a bo ta erawh ka lawm hle thung . Pawnlamah kan chhuah rualin min kalpui nghal dawr dawr ,hmun reh deuh kan thlen rualin “ Le sawi tawh rawh le " a rawn tihtakah chuan “ I ho e kal ang. Mahni bialpa te nena awm dan an sawi chiam ngailo chubakah mi in an hre thei tih i hriat kha .






Nick nen kan chungchang hi chu ka chhungte leh ka thiante tihloh hi chuan hrelo mah ula pawi ka tilo ,kal ang " tiin ka kalpui dawr dawr ,a ni pawhin min zawt zui tawh em lo . In ka thlen hnuah ka room lam panin Nick message ka thawn a,ka message hmasa pawh ala seen lo,a last seen pawh nithum liamta a mi kha ala ni reng,ka ngaihtha lo bawk nen nuamlo ka ti takzet “ Mimawlpa min lo be ve tawh em em ta che " tiin keimahin ka phunchhuak hap . A hma kan inhmuh tirha a rawn len theih lai kha ka ngai daih zawk.






Chaw pawh eilo in ka mu daih . Ka phone lahin rik tih a neilo,nge keihian ka lo ngai bik lutuk nge? Ka timah mah deuh em ni? Tihte chenin ka ngaihtuah ,khumah chuan ka mu zawi reng ,lehkha zir rilruah a lut theilo hrim hrim ,ka room kawngka pawn lam atangin an rawn kik a “ Bawihte Nick alo kal ania" ka nu in a tihchuan rang zetin ka tho chhuak a . Amah a ni tak tak tawh angem? Nge ka mumang leh mai mai zawk nge? hlauthawng leh ringngam silo in ka room khawngkhar chu ka hawng riai riai ,muangchangin ka chhuak phei zel .








Thutkhawmna a lo ding leh min lo melhtu chu ka mumang mai anihleh ka hlau,ka pan mai ngamlo ,anipawhin che map lo in ka chetzia chu a en “ Bawihi lo thula ,Nick nangpawh thu rawh ,tunlai chu i buai deuh animaw " ka pa chuan a lo ti zung zung a . Ka pa nen hian an inkawm nasa a ,puitling ve ve ta chu an thusawi pawh a rual viau,Kan inkar an hriat tawh avangin chungin ahma a a lo len thina mak an tihna ang kha hmuh tur a awm tawh heklo ,ka pa pawhin sawilo mahse Nick a rinzia ka hrechiang viau bawk.





Reiloah ka pate chuan hun min siamin an mu lut thuai a ,chuveleh Nick chuan min panin min pawm nghal thlawp . Keipawhin lo kuah vatin a awm khauh leh lum zetah chuan ka hmai ka nawr nak nak a “ Ka ngai lutuk che " a rawn tihchuan ka la tawng thei mailo . Keipawhin ka ngai em em a ni si a ,ka samah a tham nauh nauh a,ka tukkhuma dawmin min kuaidak ka mittui chu a tling pam bawk “ Tinge vawikhat te pawh min lo biakloh? lungawilohna a khat leh tahchhuak tunin ka tichhuak tiau a .






Min en rengin ka hmuiah a fawp leh a “ Biak che ka duh a lawm,mahse ka hna hi i hriat kha ka mipui te ka venhim an ngai tih nen,mahni ram ngei tana ka thawh theihnan hian a lawm kha chen ka lo beih. Nangma tan leh nakin zela kan tu leh fate rawn rochun tur ram hi tih chereu mai ka phal hleinem " tiin min kuah bet leh a . Hahdam hmel taka thaw chhuak suai suaiin ka nghawngah a hmui a nawr vang vang.






Ni e ,a chau ve ngawt in ka ring ,a hnungah ka beng thek thek a . Min pawmna a tinghet sauh bawk ,a kawng ah chuan ka kut suihbet tlatin a awmah chuan ka bei kak reng a ,ka ngaih zia ka bula a han awmchiah hian ka hre thar,ngaihzawng ka neih hma kha chuan inngaihzawn nawmzia ka lo hre ngailo. Tunah erawh ka hlim a , ngaihtuahna a tikal thui in hlim veng vengna hi keimahni ah a awm ka timai .




Mahni tea awmlai pawhin hriatloh karin kan lo nui leh vur vur zel chu a nih ber hi “ Min ngai ve tiraw" a tihchuan ka lo um vat . A rawn nui nghawr nghal dawt a ,a malchunga min thuttirin sofa hnung chu a ngheng run a kan in melh tawn ta ran mai,a biang ki invuah fuh lutuk chu ka chulsak zai zai a “ Nick fa in neilo hi a mak e " ka tihchuan a mitmeng a danglam zawk . An inneihna a rei ve tawh a ,fa an neih theihloh avanga inthen nge an nih ang tih hi ka ngaihtuah ve fo mai .





“ Khatiang hmeichhe mahni taksa mawina chiah ngaipawimawh khan fa pawh nei Ila angaihsak ngailo ang. Ka hmangaih loh vang te pawh khan aniang ka neihloh,bawihi sawi leh ka duh tawh lo . Tunah chuan he i pumchhung tetakte ah hian ka fa chu a insiam zawk mai thei a sin" a tihchuan ka meng phawk vak. Ka lo la ngaihtuah ngai miahlo . Ni e invenna kan hmanglo a ,mahse rai tur chu ni ila thla a liam tam ve leh tawh a ka taksa ah a langchhuak ngei ang








“ Uang suh nihtum ka la ngah lutuk,ka la lungawi miahlo ania ka text takngial pawh i chhang thei lo lehnghal ,a chang phei chuan hmeichhe dang i bia ang hialah ka ngai thin " a mita enkalh pah chuan ka sawichhuak mawlh mawlh “ Ka sawi tawh kha mipa in thu ka tiam tawh che a ,sut leh mai turin thu ka tiam hek lo che . Thutiam sut hmang tak ka nih chuan Mizo mipa intingam tur ka ni lo ve . Pasaltha takin mipa chu a awm tur ani" a tihchuan ka nui hak hak “ Pasaltha ang i inti a mi ,sa pawh i kah theih pawh ka ringlo"ka tihchuan ka zakah a dek vak .







“ Tunang laiah chuan hmanlai thiltih ang kher kha tih a ngai tawhlo a ,ka ram ka hmangaihna leh a chhunga chengte tana ka inpek theih chuan chu chu mipa diktak rilru ani zawk thin" ka sam tla chu ka bengah a zep a ,min kuah leh nghal chial awm sawn ka tum bik lo . Engtikah nge kan awmdun leh theih ang tih ngaihtuah reng ngai tawhlo se ka ti takzet.
dabf484409e835c8d48341408be39235.jpg
ZAWMNA

KA YOUTUBE CHANNEI KHU KHAWNGAIH TAKIN MIN LO SUBSCRIBE SAK VE RU AW 🙏🙏IN MI PUIHNA KA MAMAWH TAKZET ANI E





“ Khawi i phone ka en dawn " ka tihchuan phun hlukin a phone a rawn phawrh “ Enge i hriat reuh ni ?" tiin ka bulah a thu ve kuk lehnghal ,a phone chu ka check mawlh mawlh ,hmeichhia in a number engtin nge an neih hre lo mah ila ,hmeichhe number save loh atangin private message a dawng teuh ,a seen lo mai pawh a ,a pawimawh chin minister tih ang reng vel nena an inbiakna erawh ka en lem lo ,a phone ka en chuan hmeichhia kan lo zah theihloh zia ka hriat phah .






Pakhat erawh a chhang ve zeuh zeuh anih hmel,a hmel ka en chu kan chief minister fanu a lo nia ,Nick a biak dan vel chu a zaklo zual hi ka timai “ In nei tawh mai ang. Ka pa te pawhin an iai hauh lo che ania " tihte “ Ka hmuh che hi chuan ka hahdam sawng sawng zel " ka ner ka ner pakhat phei chu “ I fa ka pai hunah chuan ka inti thei viau ang " tih ka hmuh chuan rum zetin Nick lam ka en “ Hei enge ,in inkarah enge awm tawh " ka tihchuan a ngaihpawimawh loh hmel hle .





“ Zochhuanmawi min kawp em?" Ka tihleh vak chuan “ Hmeichhe ho lah hi ,bawihi min ringhlel nghal ngawt suh ,ka biakna i hmuh ve reng kha ,khatiang vawk anga rak vak vak rî te rî te tih ngai ang chi kha ka nihpui peih i ring em ni? Duh ni ila ka tawn hma che khan vawk note ka khawi teuh tawh ang" a tihhluk chuan nuihza bawk siin ka awm ,ni e Nick an a chhanna chu “ Haha..." tihleh “ Nia" tihvel ringawtin a chhanga ,a mizia nen ka ngaihtuah a inhmeh hlawl lo ka nui deuh hak.






“ A va zamlo reng reng ve ,be tawh suh ,i fa ka pai hunte kha a tileh nghal zak lo lutuk mai " tihlak hlakin amalah ka lu nghatin ka check kual leh “ Ka fa pai tur chu ka fate nu tur animai " tisupin ka chalah rawn kun hniamin a fawp zauh a,ka nui ver ver mai “ Keilo hmeichhe dang pan thian anilo ,I hria maw ? Keichu heti te mai hi ka nia ,ka thianghlimna ka hlan tawh bawk che ,Chu thil chu min tih mualpho nana i hman ve loh ka beisei. Tunang laiah chuan Mizo nula leh tlangval awmdun hmuh tur a awm zeuh zeuh,a hmeichhia in an ring em em a ,an hlan ta chenga .






Duhtawk lo a timualpho duh an tam,Nick nang chu ka ring che a ,ka rinna tichhe suh aw " a kut lianpui khal niap niap chung chuan ka sawi chhuak a “ Ka hmangaih hi ka timualpho ngai lo ang khawi maw i phone " a rawn tihchuan ka pe ve mai a ,ngawi renga a hmeh mual mual hnu ah eng emaw hi a hmet kauh kauh,ka ngaihtha lo chuan tho chhuaka ka en pui chuh! Ka mipa number neih ho a delete nghauh nghauh a nihchu ,ka biak ngun ve deuh ho phei chu a block bakah message clear in a delete leh chauh .







“ Nick enge i hriat a?" ka tivak ! Hetianga han chet reng reng ,ka en reng “ Enge keimah lo i biak ni ,hepa te hi ka millo zual a phur chhuak che pawh kha hmuh ka duh tawh lo " bul hmek hmuka tiin Hlutea number delete leh a tum chu ka chuh “ Ka thian kawm ve ber anih hi . Heichu delete suh mawh... Nick...........delete suh khawngaihin " ataksa ah ka uai tawng tawng ,mahse min namsawn hneh ropui si ,a tawpah ka beng pawtin“ Khawngaihin a nite kha chuan nangmah ka duhin ka hmangaih che tih a hria a ,Kan in ngaihzawn theih Nan a inthiar fihlim zawk a sin" ka tihchuan tawp chawtin min en run run.








“ Dan pakhatna ,keimah lo tumah mipa dang call emaw message hmanga biak phal a ni tawh lo . Dan pahnihna: Keimah lo mipa dang i mit khan a melh tur anilo " a tihchuan “ Awi awi awi inah awm la ,Kan inah awm bawk Ila engtin nge ka hmuh phak ang che ,heeeeeeti hian rawn bih che mah ila ka hmu pha dawn chuang silo che a ,engtin nge nang chiah ka thlir theih ang che ,college zirlai ka nih bakah mi heti zah chennaah kan awm a nih hi" hmui tipawrh tiauin ka ti a .







“ Melh lo mai rawh " a rawn tihhluk chuan “ E ka mit a kalh a ngai a nihchu" tiin ka mit ka tikalh ,ka chalah pen fawkin “ Ar mit pual i an zia kha hmelchhe lutuk" a rawn tihchuan “ Enga ? Ka hmelchhia maw?" tiin ka en ,ka lawm lo hle “ Hmelchhe khattlat tunah kha chuan nangai pawhin i ui pawh ka duh zawk ang" a rawn tihchuan “ Anihtak chu " tiin ka tho chhuak,a upa tawh viau emaw tia naupang chhia ang maiin a tawng thei .







“ Khawia kal nge i tum " a tihchuan hawi let duhlo a ka room pan zelin“ Ka mu dawn ,I nula rim ber chu pawnah kan thlun kha ,va kal la hmangaih biahthu chu va fah mawlh mawlh che " tiin ka pen hlak hlak ,ka hnunglam atanga min pawm nawlhin sofa lam min panpui leh nul nul “ Naupang chhia lutuk " tiin min thut tir hnawkin ka hmaah a ding run “ Nge hmelchhia min tihkha hmeltha chu va zawng rawh " tiin ka kut tumin amalah ka hnek dawt dawt.







Nui hawk hawk hian “ I insiam chhiat poh leh i thatna ka hmu tam thung a lawm ,I chhiatna lai hi hmangaihtu chuan a hmu mawi ber thin ang. Hmangaihtu dik tak chuan hmelthatna hi hmaifangah nilo in thinlung lam atanga chhuak a ni tih a hria a ,a ngaihzawng chu eng mi pawh ni rawhse a rilru dik a hriat chhung chu a hmu hmeltha mai ani " a tisup a ,min kuah nghal hlun mai,ka thla a muanga a laka pangchan leh naute ang mai a awm hi te hi nuam ka ti a ,ka hlim bawk .






Thlamuang taka kan awm theihna hmunah chuan engkim hi a nuamin a famkim thin an tihkha maw . Chu thil chu keipawhin ka pawm thlap bawk . Nick hi hmel dang daih pu pawhin ka kiangah lo inlan leh pawh nise ka thlan leh tho ka ring ,min pawmna a fet sawt riau chu hria in a kutah ka sik hlak,a rawn nui hawk mai “ Awm mai mai teh i chau lo ami,khawi ka malah lo mu rawh ka lo awi ang che " ka tihchuan thu awih tak chuan a mu ve mai a .






“ Ka naupan lai chuan hetiang hna hi ka thawh ka ring ngailo,ka nu leh pa khan huan zimtea bul tanin keipawh khan ka theih ang ang khan ka pui ve thin . Rethei em em in thawmhnaw hak tur tha pawh neilo in mi nuihzatna karah ka seiliana " a thusawi chu mak tizetin ka en ,a lung a len hmel in ngaihtuahna kal thui tih hriat tak hian a mit a chhing vang vang “ Ka rualpui ten krismas a lo thlen a pianga thawmhnaw thar an neihlaiin kei erawhin ka nu thui chawp te kha ka ha thin a " a kutah ka hum ,a naupan lai a ngaihtuahna chuan a rilru a tina tih ka hria .







“ Note leina tur tak ngial pawh neilo khan thingphek ah lehkha ka ziak a ,Chung min nuihzata min paih sak fo tu te kha tunah erawh ka tanpuina dilin an awm ve ta thunga ,hmusit taka min tawngkhumna ka ngaihtuah chang kha chuan puih loh mai kha ka duh thin, insaka inhlawh chunga ka school kalna tur ka thawk chhuak ve tek tek thin te kha tunah erawh ka hlawhtlin pui ta thung a. Thlan tla zawih zawiha ka thawh a ka hah em em lai pawhin ka nu leh pa rim taka thawk a,kei leh ka nau rual awt lutuka kan awm hlaua hrehawm em em a hnathawkte ka ngaihtuahna khan chakna min pe thar thin.








Hna ka thawk a nga lehkha ka zir anga ,mi ropui tak ka la ni ngei ang? Chutih hunah chuan ka nu leh pa hi nun nuam takin ka awm tir ve thei tawh ang ka ti thin a,tunah chuan ; khang ka thusawi thinte kha ka ti thei ve ta a " tiin a nui suk ,a kut chu ka hum nghet sauh “ Nupui ka nei anga ,chhungkua tha tak ka din ang tihkha ka ngaihtuah ber ani leh a ,mahse,Chu ka thil duh erawh tluan lo in nupui laktlak loh zet ,ka pawisa leh ka nihna chiah duh,ka nu leh pa hmu thei miahlo ka nei tih ka hriat khan ka thinrim a ,ka nu leh pa tar chaklo tak hmu thei miahlo ka nei kha ka tihsual tih hre mah ila .






Nupa ah kan insiam tawh miau a vangin ka then mai thei silo" ka kut hum nghet salhin min rawn en ,ka lo en ve reng bawk,ka biangah a rawn chul a “ Chu ka nupui ka nin em em leh then chak em em laichuan nangte reuh hi ilo lang a ,ka chetla min thlir kiauin min fawh atang khan ka nunah ka nupui ngei pawhin hmun a chang leh tawh ngailo . Kan inthen phah ta reng bawk a ,nitin khan hmuh leh che chakin Mumbai kha ka lo kal leh fo thin. Nang erawh i hmel leh aw pawh hriat tur awm tawh lo in i reh ta vang vang a.







In college a ka rawn kal a ka hmuh leh che khan ka lawm a sin. Kal tir che kha ka phal leh tawh lo a ,ka hna kalsan hiala ka umzui chang che lah a tam,nang lah khan min hlau emaw tihturin min nello in min tlanchhiatsan ringawt kha i ngaihtuah a " a tihchuan ka nuihsak . A tir kha chuan ka hlau reng a ni,ka malchungah chuan a mu ta reng,ka kut sin sang leh sei thlarh chuan a lu chu ka hmeh kual sak niap niap a ,tlem tala a taksa a hahdamna thlensak ve ka duh .






NICK POV....(IN NGHAKHLEL TAWH SIA MIPA ZAWK)





“ Nick tho tawh la " ti a min sawi nawk nawk tu chu hre reng mah ila ka tho duh mai lo “ Amak e Nick ,a tlai tawh ania ka nute an lo tho ang" a tihchuan mengchhuak ruai ruaiin “ Khatiang lo a koh ka duhtawh,bialnu leh bialpa angin kan awm tawh a ,hming pangngai lawlh lawlh chu ka duhlo " ka thusawi chu naupang chhia viau mahse ka bawihi laka hman atan erawh anuam ka ti viau thunga .






“ Naa engtin nge ka koh ang che nga ?" ti niah niahin a ngawi vang vang. A hmel tha tak chu thlirin a sam a dar pel zana a zuah te chuan an tinu zual ,he hmeichhia hian ka rilru zawng zawng a luahta chu ania “ E aw ka hria Thadanga a aw " a tihchuan ka ner nawk “ Enge i hmeltha a ,I pa a ,story boy i ang em em bawk a chuvang chuan A CHHAI MIN TI ANG tih hla ang khan Chhai che ka zuam silo thadang ka tihte pawh ala ngai thei a " a tihchuan nui hawkin ka kuah,zai lah hi a aw tereuh nen hian a inhmeh zek leh nghal .








“ Thadang hnup hnup pui ,enge min duh chhan " a tihchuan ka en leh vut . Thutak hmel zet hian min melh ran “ Duhna chhan che neiturin ka mitin nilo in ka thinlung zawkin a en che a ,ka duhna chhan che ka hre hauhlo ,ka thinlunga i awm reng vangte pawh a nimahna ,duhna hi chhan neichuan a ho mah mah ,Chu ai chuan chhan leh vang awm lo in ka hmangaih che tih hi pawmla ,chhan neia ka pawm che a nihchuan chu thil chu lo chhe ta si se ,ka kalsan nghal dawn che tihna ang a ni .







Chhan tih tawngkam hi hmang lo la ka duh,nangin min duh dan leh hmuh dan ang khan a nimai ,le! Pawnthleng min thlah rawh le ka haw tawh ange " tiin ka dingchhuak ,a huphurh ve leh deuh nge min pawm in ka awmah a bei kak ,Kan in hmu lo rei a ka hrethiam viau tho ,ka hmeichhia hi hmeichhe dang ang chu ni sela,bialpa buai em em neih aiin min kalsan mai a thlang tawh zawk ngei ang le .





Pawn thleng a rawn chhuak a,a hmuiah fawp vang vangin “ Mumang ah min hmu la ,naktuk zingah ka lo lam ang che ,mipa dang biak phalloh tih kha hre reng bawk rawh . I bia a nihchuan ka pawtsawm vek ang" fiamthu titak deuha ka sawina chu a hrethiam ngei ang . “ Nangpawh hmeichhe ho in an be tam mah mah che ,I buai thei si min lo hruai leh hman meuh vang maw " naupang chhe aw a hmang fo hi min tihlim tu a nidaih lawi si a .







He hmeichhia vang hian ka nungchang leh mize pangngai ka hlauh mek zel zawng a nih hi ,a kiangah ka awm in mipa thuduh tak hi ka hahdam a ,midang kianga muk taka awm thin hi a bulah erawh ka pangchang ve fo ,min tihlima ,hmeichhia ring leh tur a in ngai tawhlo kha amah avangin ka inthlak danglam leh mek chu a nih ber hi .






Ka phone ri chu enin ka pa hming ka hmuh rual chuan ka la vat ,thingtlang chhuahsan an hreh avangin tun thleng an la awm renga ,mahse an hnathawh erawh ka phal tawh lo thung “ Aw ka pa" ka chhan rual chuan ka dam that leh thatloh min zawt a ,ka dam that thu hrilhin ka nu that leh thatloh ka zawh chuan an that thu a rawn sawi a “ Englo ania bawiha ,hei i upa ve tawhin keini lah engmah tithei tawhlo kan ni nen,tuhmel te hi hmuh ve kan chak si a ,nupui te hi neih leh te i tum hnai lo em ni?" A rawn tihchuan ka nui ringawt.




Bawihi pum puar ak tur ka ngaihtuah rualin ka phur riau lehnghal,bawihi chungchang ka hrilh chuan ka pa pawhin hmuh a chak ve hle . Kan inbiakna kan tih tawp hnu ah inlam panin ka tlan nghal zat .

NAKTUK KA CHAWL DAWN AW ,YOUTUBE LAMA CHHIAR TUR BUAIPUI KA TUM DEUHA SHORT STORY
HEI MIN LO SUBSCRIBE SAK VE RU AW 🙏👇heta ka dah chhuahloh a ngaihthlak chi ho ka dahchhuak thin dawn e aw
https://youtu.be/nwJwldVxE6E



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)