SO FAR AWAY chapter-14 by Melis Hmar

Episode kal lai dah luhna

Moderator: writers

Melis Hmar
Posts: 28
Joined: May 3rd, 2022, 6:30 am

SO FAR AWAY chapter-14 by Melis Hmar

Unread post by Melis Hmar » June 28th, 2022, 9:59 pm

SO FAR AWAY


chapter-14💫

By
Melis Hmar

* dik lo lai a tam deuh maithei, ka check hman tawh lo a, lo chhiar dik mai ru.


Ka har chuan zing a lo ni tawh! Ka let ka let na lamah ka lo muhil a ni ngei ang. Ka sirah midang ho pawh an lo la mu vek bawk. Midang tihharh hlau zet chuan ka tho a, ka phone ka en chuan dar 5 chiah a la ri a la hma khawp mai. Ricco-a min lo call na leh message tak ngilh pawh awm lo chu ka lawm lo ru khawp mai. An lo luh hma khan ka mu daih sia min lo zawn ve ka rin nen.

Pawnah chuan ka ding vang vang a ram boruak chu khawpui chhung boruak nen chuan a in danglam hleih khawp mai. Ka awmna vel chu ka hawi kual a , a nuam hi a ni tawp mahse nizan thil erawh kha chuan ka rilru a la kap lo theilo.

"I va tho hma ve " Ti ri ah chuan ka leh lawi vat a. Vla ka lam pan in a lo kal ve chiah bawk.

" Nia..... " Tiin ka lo chhang mai a.

" Huan in nei tha hle mai, a hmun hi a rem bawk sia " Ka ti luam a.

" Ka nu hi huan lam hi a tui a, hun lo ram vel chu pathian zarah kan nei tha ve " A ti ve mai a.

" Mo lawm lam te hi kan hnaih hnai dawn em? " Thutak si fiamthu deuh reuh in a ti a.

"Ahhh....la Hnai lo " Nuih pah in ka chhang a. Hetiang lam hi Ricco-a nen kan la sawi miah lo, nizan thil thleng atang phei kha chuan beisei na ka nei sang tawh lo khawp mai.

"I va in ngaihtuah muk ve, i rilru tibuai tu a awm a mi? " Ka lo ngawi veng veng lai chuan a rawn ti leh a.

" Aih.... Awm lo e " Ka ti vat a . Tibuai tu chu awm chiang khawp mai, mahse hrilh chi a ni em ka hre lo.

" Cindy vang hian nuam lo i lo tih phah a nge aw" Ka rilru hria ni awm tak chuan a rawn ti a.

" A hun kal tawh a nia. Min ring rawh nangmah hi a duh takzet che " A thianpa chhanna aw deuh chuan a ti a. Mahni bialpa te thian atang a chutiang hriat chu a thil nuam tak a ni mahse ka rilru a nawm phah chuang lo .

"A chang hi chuan i tan pawh hmuh a hreawm maithei mahse Cindy-i hi chu ngaih khat ah ngai rawh, a mizia ve reng a nia. Ka thianpa hi ka hrechiang a, a let tawh dawn lo tih ka hming ka chian tluk in ka chiang" A ti leh a. A sawi dan atang chuan nizan a cindy leh Ricco-a inbiakna a hre ve te pawh a ang zawk a lawm le.

" Enge in lo tih a? " Riccoan a rawn ti a.Mu tho hlim tih hriat tak in a la pawr fap mai.

"Innu hi ka lo kawm ve a nih hi, nakinah pawh kan la chang ve mial tak in " Vla chuan a lo fiam zeuh a. Phun hluk in kan lam a rawn pan a.

"I mu tui em? " A tih chuan ka lo bu ve mai.

" A nih ka lo va luhsan ang che u, rawng te pawh bawl tan tawh ila tha ang " Vla chuan a ti thuai a.

" Melo... Nakinah kan la in be leh dawn nia" Vla chuan Ricco-a tihchhan deuh in fiam thu zui zat a.

" A thul lo viau ang" A lo ti bung nghut a. Vla nuih a za khawp mai. Vla a kal hnu chuan kan pahnih chuan kan ding dun ta reng a. Ka rilru chuan ka zawt dawn mi le aw ka ti hman a mahse a man a sawi hun nghah phawt a tha ka ti leh bawk si , ka buai vel vek tawh.

"Nizan a Cindy-i nen in inbia kha ka hmu che u a, enge in sawi a ? " Ka insum thei tawh lo chu ka ti chhuak phawng!.

"Engvak mah " A ti awlsam et a. Ka hriat ve ho kha chu eng vak mah a nih in ka hre ve lo.

"In sawi muk hmel em a, ka zawt mai mai che nih kha" Tiin za lo zet chuan ka nui pah a.

" I hria mi kan thilsawi? " Chik deuh in min en ran a.

" Helai hmun chu a nuam khawp mai" Hawi kual pah in ka ti daih a.

" I hria em ka tih chu? " A ti leh nghut a, a hmelah chuan a lungawi vak lo hmel khawp mai.

" Rawng bawl a hun dawn kal ang" A zawhna pawh ka la chhang chuang lo.

"Melody!! " A ti ram hmak a. A thinrim hmel hluah hluah tawh. Ka hriat pawh chu a hlauh hmel hle mai.

" Enge ka hriat pawh chu i va hlauh hmel ve, ka hriat ve lo tur thuruk in sawi mi? " Ka ti let deuh ngat a.

" Kha thiang lam a ni lo" Tiin a thaw chhuak hawk a.

" A ni ang ka hriat i hlauh hmel e mai, tihpalh in sawi tlem a zawng kha ka lo hre palh a, a pawi lo ka zep zak thei ang che u" Ngeiawm deuh in ka ti let a.

" Ricco-a, min lo pui lawk" Tawng leh tum a a ang zui tawh chu Cindyin kawngka a din pah in a rawn au a.

" Saw...... I mei in a au che " Ti let salh in ka kalsan zui a. A thaw ri zui hawk .


" Zingkar atangin mood a va that loh hmel ve " Kawngka ka lut tur chiah chu a lo ti a.

"Ka mood hi a tha mah mah a , a chhe zawk a nih hi" Ti let nghek in a mah chu ka nek zui vak a, inti no tawk in " A na " a tih leh tak kha. Va leh leh a keh bawrh bawrh mai a nia ka duh ni.


Thinrim tun in kan thiante rawng lo bawl mek chu ka pui a, an ni erawh chuan ka thinrim tih an hre ve kher lo; chubakah ka thinrimna an ni leh zel chung a tih lan kha thil mawi pawh a ni lo.

" Vawin chu tui cheng i la, huan mawng lamah khuan a awm a " Vlan chaw ei lai in a rawn ti a. Mawii leh sangpuii an lo phur leh tawh ngang mai.

" Awi a nuam dawn e.... Ricco cheng ang u aw... " Cindy-i bawk chuan rawn ti ve leh a. Ricco-a hming a rawn sawi lan chuan cindy-i tih loh an vai chuan min en thap a, Ricco-a pawh tiam in. Kei lah in hrelo ang hmak in ka chaw ka bar mawlh mawlh.

Tlai lam la tlai lutuk si lo ah tui cheng tur in kan kal a. A hmun kan thleng chu a ri chul mai, an huan hi ka awt zawk khawp mai engkim mai hi a rem thlap mai ni. Tuiah chuan an cheng nghal sup sup a. Kan thawmhnaw dahna bag khai in a sir deuh ah chuan ka lo en a.

Ka lam pan a Ricco-a rawn kal ka hmuh chuan ka tho vat a, kalsawn ka tum lai tak in rawn tlan in ka hmah a rawn ding chat. In her a kal leh mai ka tum chu ka banah a rawn vuan a.

" Thinrim lo teh" A tih chuan ka nui ro halh.

" Tunge ka thinrim ti a " Ngeiawm zet in ka ti let a.

"I ngei ang kha engmah a awm lo" Ti leh hluk a.

" Engtin nge ka ngaih a? " Ka ti let salh.

" Hahthlak viau lo teh" A thaw chhuak hawk a.

" Nia.... Kei chu ka hahthlak a lawm, i duh duh a i tihkual thei bulah awm mai rawh. Eee..... Tak a nizan a inthusawi kha ka hre vek, bul tan that puiah a sawm che a, i duh chuan i tan pui leh thei ang, kei chu min veng thawng duh suh " Ti hlak hlak in ka inher a, ka kal tur chiah chu ka ban ah vuan in in pawt her nawk, min vawnna ka ban pawh a na lek lek.

" I duh duh hian thil sawi suh " A ti hrawk a, a hmel pawh a chang leh vek tawh. Zawh kher ngai lo in a thinrim tih chu hai rual a ni lo.

" Ka duh duh in thil ka sawi lo, thil thleng thei a nia, ka lo inrah khal ve a nih chu nakina kan buai vak loh nan a nih kha ka sawi " A thinrim tih cu hre thovmah ila ka hrelo lui ve tlat .

Tawng leh tum a an zuai lai in " Ricco tui cheng ve ang, kei mah in ka hleuh thiam lo " Cindy-i bawk chuan a rawn ti leh a. A mah vang a kan buai mek lai a a lo inrawlh ve ziah hi ka hne khawp mai.

" Va kal rawh, a mah in a hleuh thiam lo nih chu " Tih el deuh a ti in min vawnna kut chu ka thing thla a, ka kalsawn hmak.

" Melo, khawiah nge i kal dawn? " In awmna lam pan a ka kal lai in mawii a rawn au a.

" Ka lo han chho ang ka chau deuh tlat " Tiin Ricco-a chu ka melh deuh ngei a, a ni pawn min lo en ve ran bawk, hawisawn hmak in ka kal sawn hmiah hmiah.

"Vawin chu i mood a fuh thei vak na nge? " Keimah a ka kal hmawk hmawk lai in ka hnung lam atang a ti ri ka hria a. Ka hawi chuang lo a aw leh a tawng dan atangin tunge a nih ka chiang khawp mai.

" Ricco-a hi then mai rawh" Chhang lo a ka kal lai chuan a rawn ti a. Ka kal lai tawp in a mah chu ka en a.

" Engvang in maw? , ka then chhan tur chhan tha tak min hrilh la " Ka ti hmuk a. Ngeiawm deuh in a nui zui suk.

" I â hle mai" Nuih pah in a ti sep.

" Nizan a kan thilsawi kha a tawk thaw khat viau in ka hria " In rintawk hmel fe in a ti a. Nizana an thilsawi ka hre chhuak nghal kuar mai.

" I hriat ang in nau hial pawh kan lo pai dun tawh a, kan inzawmna chu a thuk thawkhat i ti ve lo maw? ithen hran mai mai thei kan ni tawh lo" A tih chuan sawi tur ka hrelo ka ngawi reng. Chhang lo chuan ka ka kal zui leh hmiah hmiah a.

" Engtia thui nge in kal ve tawh, a fa chu i la pai ka ring chiah lo, a fa pai tur pawn a duh che pawh ka ring lo " Min deuh sawh leh hmuhsit hmel zet a min tih chu ka ngei thei tawh hauh lo, ka bag ah lai chu lei ah ka paih thla a, a lam pan phawk phawk in a samah ka va kek thuai a, a lo inring bik lo a ni ngei ang a au ta chul a.

A ban sei zawk mah ni se keiman ka vawn hneh em avangin min khawih fu ve mang lo. Kan thawm hria in kan thiam te pawh an lo thleng thuai a, Riccoan min lo min vuan bet a, midangin cindy-i an vuan ve thung. Inthlah kan tum lo ve ve bawk nen kan thiante pawn min thelh hleithei lo. Kan inthlah hnu chuan kan thaw nghal hhawm hawm mai, kan sam chu phing tha dun tak a ni.

" Henu hian ka inrin hma in min lo khawi ve ringawt a " A tap leh pur tawh. Awih lo lutuk in ka then sak.

" Cindy a bulah eng thil nge i sawi" Ricco-a chuan a ti hmuk a a aw ah chuan a lawm loh zia pawh a hriat theih .

" Engmah ka sawi lo, ka inrin loh lai in min rawn khawih tawp a nig kha" A ti leh pur a.

" Ricco-a fa chu ka la pai lo aw...... I zawh na ka chhang chiah a nih chu" Ka ti let salh a . Cindy-i hmel chu a tal buai nghal vek. Ricco-a pawh a melh tha ngam tawh lo. Midang ho pawh chu Ricco-a tawng hun ngaichang ni awm tak in an ngawi thap.


" Nangnu hi ka hmuh phakah awm tawh suh ang che " A ti hrawk a . A aw chhuak ah chuan keipawh ka lo tim sawng sawng thei.

" Kal ang " Ka darah dim te a min kuah in min kalsawn pui a. Midang ho pawn cindy-i chu an khak zui hlak hlak a .


In bulah chuan kan thu ta reng a, ngawi reng in lei lam ka melh char char, ka sam te chu min tuai mam sak a. Min biak pawn ka chhang duh lo.

" I la thinrim mi? " A tih pawn ka la chhang lo.

" Bul tan pui ka tum tawh lo " A tih chuan " I duh chuan i thei ka tih kha " Pangai deuh chuan ka ti a, lei lam ka la melh reng tho. A thutna atang a tho in ka hma ah chuan a rawn thu hniam a.

" Min ngaithla thin rawh, a ni kha bul tanpui leh tumna ka neilo, nang i awm tawh a lawm" A tih chuan ka dam huai huai ni mai in ka hria.

" Nizan a kan thusawi kha i hre kim vek em? " Thinrim miah lo a a tih chuan ka bu zeuh a.

" A nih chuan bul tan pui ka tum tawh lo tih ka hrilh lai kha i hre hman ang chu tiraw? " A tih chuan ka hre hman lo nen ka lu thing vat. A thaw nghal hawk a. Mawii min lo hmuh avang khan ka lut ta daih kha a nia.

" Kha vang kha lom i ngaihdan hian kal pawp zel suh " A ti nghut a mahse a thinrim chuang lo.

" Min ring rawh ka tih che kha " A aw ah chuan a lungawi lo lek lek tawh. Ka ti dik lo ve bawk a ni ,a mah ring tur in min ti a, ka lo ringhlel leh thin.


" Bawiha kan haw mai dawn mi? " Kan thiante lo kal chuan an rawn ti a, an inthiam lo hmel khawp mai. Keimah zawk hian nuam lo ka ti zawk Cindy-i vangin an inthlahrun phah vek a nia.


" Lo va haw ru, keini chu naktuk lamah law law kan lo haw ang" A tih chuan a mah ka en chho vat, a mit min la siai zeuh zui.

" In phakar khawp mai, chance in la thiam tlat" Rinkiman a lo fiam zui zat a, an nui hawk hawk hlawm a, min ti lai zo vek a lawm le. Cindy kha chu kan zawn an lo thlen rual khan inchhungah a lut nghal daih.

Kan thiante pawh an buangrua te nen an haw hlawm a, kawngpui bul thleng kan thlah ve a, " Lo haw hmanhmawh reng reng su, in duh chen chen awm ru" Min fiam zui thiah thiah a.


Kan pahnih chauh kan awm tawh vangin rawngbawl pawh a awmlsam khawp mai chawhmeh han siam hluai a ngai lo deuh a. Chaw kan ei kham in pawnah kan thu chhuak a thla a eng ve bawk nen a nuam zek, a romantic riau bawk.

"A romantic tawp kan awm dan hi " Ka ti hluai a, a lo nui suk thung. Ka hnungah thu in a mal inkarah ka thu a, ka kawngah a kut rawlhlut in min kuah ran bawk.

" A ni maw? " Ka dahah a khabe a rawn nghat a.

" Thla eng hnuaiah kan awm a arsi an tam bawk si ; chubakah ramah kan awm leh nghal a, a romantic em a lawm" Ka ti leh a. Ka thilsawi chu hrelo ang mai in ka ngawngah a hmui in a lo nul thuak thuak a, awm sawn deuh in a mah chu ka en a. Ka hmuiah a lo fawp nghal zeuh.

"Romantic kha i ti sia, infawh hian a Romantic zual " Inlahrang zeuh in a ti a, lai zet in ka nui ringawt.

Min rawn fawp leh a, tun a mi chu a inlahrang tawh lo , dam deuh in min fawp a. Ka hmui chu a hne dek dek hi a ni mai. Ka kâ chhungah a lei a rawn rawlh luh rual chuan a duhthawh zual sawt a keipawn ka thiam ang tawk tawk in ka lo chhang ve vat bawk.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)