Sold to Love

Episode kal lai dah luhna

Moderator: writers

Jigyy hmar
Posts: 6
Joined: June 27th, 2022, 10:07 pm

Sold to Love

Unread post by Jigyy hmar » June 29th, 2022, 12:05 pm

Chapter 2

Sawi tur ka hre lo. Ka mi hriat loh khumah ka thu a, hralh ka ni tih le min lei tih min hrilh le bawk.

"Hmeichhe zalen ka ni a, min lei thei lovang, hei hi dawt a ni!" Ka aw ka ti sang a

"Dawt a? Mi tha tak ka ni lo, mahse dawt ka sawi ngai lo. Min rin loh chuan i mit ngeiin e hmu thei ang." Ka kut chu vuanin pindan pawnah min hruai chhuak a, chutah hall lian taka chuan min din pui a.

Chumi hnu reilo ah chuan kawngka atang chuan aw ka hriat than tak lo chhuak chu ka hria. Ka pasal tur Aaron-a aw ani. Hlim tur ka ni a, mahse beiseina hmuh tur tlemte chiah ka nei tih ka hria

"Hmeichhia chu in neih tawh ani lom ni? Tunah chuan ka pawisa ka duh" Engkim chu ka hre sual vek emaw ka ti a mahse a ni lo, Aaron chu chiang takin a ding tih ka hmu. Kawngkhar bula chuan mi lian deuh pahni nen an in hnial in ka hria.

"Tunah hian i hmu em, Karina? Hmangaih che ni a i ngaih pa sawn a ba rulh nan ka hnenah a hralh che a ni, contract pawh kan ziak vek tawh. Neih i tum hma khan eng ang mipa nge a ni tih i ngaihtuah chhuak tawh tur a nia" Eden chuan ka beng bulah a rawn ti sap a.

"Kha hun chhung zawng khan mi tha tak niin i ngai tih ka hria, reilo te chhung chu a tha mai thei bawk. Mahse, i pasal tur tha taka i ngaih saw a takah chuan pawisa khel addict ani. Dollar maktaduai tamtak ba a nei a, bank tam takah loan in pawisa a puk thin. Poisa chu hmang zo in, enge a tih? Ka hnena rawn kal in, offer a siam a. A ba rulh nan dollar maktaduai aiia tam in a hralh che ani."

"Mahse, he thil hi engmah ka hre ve lo! Ka remtihna lovin min hralh in min lei thei lo!" Ka an khum tawn tawn.

"Princess, hmeichhia hralh chhuah tawhte chuan hralh chhuah an nih theih nan an remtihna an pe i ring em? Aaron ang mihring hian a hralh chhuah che khan, chu chu a ngaihsak niin i hria em? Tunah chuan ka ta i ni tawh, ka lei tawh che. Thawnthu chu tawp rawh se." Thu tak zet chuan a ti a.

Phatsan ka ni tih ka in hriat na chuan min ti na a. Ka nunna ka mipa rin ber hi min tichhe tu anih dawn tih ka ring ngai lo. Aaron-a hi ka lakah hian a zaidamin, min tihnat hi a hlau thin

Aaron-a hi ka ringhlel ngai lo, mahse, midang zawng zawng aiin alo sual ber ani tih ka hre ta. Ka biangah chuan ka mittui chu rawn lum pup a. Eden chuan a kut zungtang chuan ka mittui chu a rawn hrufai a

"Tunah chuan princess, tap ai chuan engvangin nge i va hmachhawn loh? E duh le a hmaiia va beng rawh" min thlem ti tih deuh a lo ti a. Mi tumah kut kala thlak ngailo , mahse tun tumah chuan ngaihtuah na tha tak niin ka hria.

Thinrim tak chuan an bulah ka va kal hnai a, mi lian deuh pahni chhan min lo dan an tuma, mahse Eden chu ka bulah lo kal in, a kut a phar a, chu mi te chu min danglo turin a signal tih ka hria.Aaron-a chuan lehlamah chuan min hmu chu a mengkawk a, min hmu chu a beisei vak lo niin a lang

"Karina" a ti sap a, thil dang a sawi leh hmaiin a hmaiah ka beng chawrh

Ka thiltih a vangin mak a ti hle, a hmaiah ka beng ang tih a ngaihtuah lo tih ka hria.

Hnunglam atang chuan Eden chuan nuiza in sum tak hian min lo en a. Enge nuihzathlak awm? A phu tawk ka pe chu a hlimawm viau ami?

" Engtin nge i ngam zawk! ? Hetianga min hralh tur hian tu nge i nih? Mi tha tak angin ka ngai che a, ka ring bawk che, mahse nang, nang hian min phatsan ani." A awma chum vak vakin ka tap a.

" Hetiang hi ka duh dan ani bik reng renglo, mahse engtin nge ka tih ang. Pawisa ka mamawh, nangmah chauh hi hralh tur ka neih chhun i ni. E man turin pawisa tam tak min pe dawn. Keimah vangin mi hausa tak i neih dawn a, thil tha tak ka tih sak chea ngai rawh."a rawn ti a

Ka tawng thei tawh lo, eng nge ka tih dawn pawh ka hre lo. Mumang ni turin ka duh, mahse ka thil hriat le hmu te chu a tak vek an ni. Ka tih dan tur hrelo lutuk chu ka au vak vakin ka tap a

" Ka hna ka thawk zo tawh a, contract pwh kan ziak fel tawh. Tunah chuan ka pawisa ka duh ani. Ka pawisa min pe rawh!" Aaron-a chuan a ti a. Ngaihtuah pawh min ngaihtuah lo, a duh ber chu pawisa chauh a ni. Eden chuan mi lian deuh pakhat hnenah eng emaw ni a hrilh a, mi lian deuh chu bu nghat in room a chuan safe pakhat chu hawngin, pawisa faia khat suitcase chu la chhuak in Aaron chu a pe a. Min rawn en zeuh in.

"Hei hi ka duh dan ani biklo, Karina, mahse hetiang hi ka tih a ngai ani" a ti a, chutah room chu a chhuahsan ta. Ngawi reng chuan room lai takah chuan ka ding a, darkar sawmhni le pali kalta chhunga thil thleng zawng zawng chu ka mumang ang mai ani.

Ka chunga thil tam tak a thlen a vang chuan kawngkhar in hawng chung pawhin tlanbo dan ka ngaihtuah lo. Eden chu ka bula dingin zawi zawiin ka darah a rawn beng a.

"Vawiin hian i paltlang tawk tawh, chawlh hahdam i mamaw. A hmaa room kha i ta a ni tawh, i nei thei ang. Mahse, kan in neih zawh hunah room khatah kan awm ang." Rang takin a kut chu ka beng sawn hngal a

"Ka duh lo. Ka ina haw ka duh." Tap chung chuan ka t a

"In a? Khawiah nge? In i nei tawh lo Karina. Appartment i tawm puih i pasal hual laktlakloh khan a hralh tawh. Aaron hian passport a buatsaih tih e hria em

A ba a pek hnuah state pawnah a thlawk dawn. Eng pawh chu nise engvangin nge a chhungte huanah a hruai che i rin? Dawt ani kha. Huan kha a chhungte ta a nilo. Ka ta vek a nih kha" a ti a

"Hei hi ka phu lo, a aiia tha zawk ka phu ani." Ka mittui nen ka t sap a

Rawn kun hniam in zawi zawiin ka sam chungah a kutzungtang dah in ka hmai atang chuan ala chhuak a, ka beng hnung lama thun in.

" Ni e, Karina. A tha zawk i phu takzet a ni, ka pe thei che, mahse tunah chuan chawlh hadam i mamawh a ni" mi lian deuh lam chu hawiin

"A roomah hruai kir tawh ru" thu pe zet hian a ti a. Mi pahni chuan rang deuhin bu hngat in ka kut chu an rawn la a. Chakna ka neih tawh lo naiin an mi khawih chu ka duh lo.

"Min thla ru! Keimah in ka kal thei" ka t a. Eden chuan mi lian te chu ka sawi anga ti turin a ti a. Room lam pan chuan ka kal a, khumah chuan ka zuang thla a, ka rilru le ka taksa hi a chau takzet. Engkim thil thleng kha ka tan chuan a lutuk vek

Rei vak lovah chuan room kawngka chu kik ri ka hria, chutah Eden chu alo lut a.

"Eng nge i duh?" ka lo ti bak hlur

"I nin pal takin ka ngaihtuah deuh che a, inkhelna tur toy ka pe dawn che, la rawh" phone ang deuh device pakhat hi min pe a. Mahse bazar a ka hmu
phone ang kha a nilo

"Ka siamtir ani kha, khawi hmunah pawh tiang kha i hmu dawn lo. Internet ka connect tawh a, chuvang chuan social media pawh i khel thei ang. Mahse, police call emaw, e awm na hmun post emaw,chutiang thil atthlak e ti tih ka hre chhuak anih chuan, a tha lo viau ang." tiin min vau a.

"A chhungah games a awm a, lekhabu library leh movie thenkhat a awm bawk. He in chhungah hian home theather kan nei a mahse min la huat hmel em a vangin nakinah min huat tawh lo hunah kan pahni in kan la en dun dawn nia." A ti a. A rilruah eng thil nge a ngaihtuah ka hre lo, a changin sual hmel deuh hian a awma, a chang leh fel deuh ang hian a awm leh a. Ka rilru a ti buai

"Tunah chuan i chau tawh ang. Ka kalsan mai ang che. Bathroom saw i ta vek a nih avangin i duh chuan in bual rawh. Chuan, closet a sawn e thawmhnaw tur ka buatsaihsak tawh che. Naktukah breakfast ei hunah kan in hmu leh dawn nia." A chhuah dawn lai tak chuan ka au a.

"Ngawi lawk, zawhna ka zawt thei che a ngem?". A kal tur chu tawpin ka lam a rawn hawi a.

"Eng nge ni ta?"

"Engvangin nge kei kher?" Zawhna ka zawt nghahhlelh em em a ni. A ngawi reng a, ka zawhna chu chhan lo chuan.

"Mut tui, Karina." Kawngkhar chu kharin a kalh a, pawn lam a tangin a kalh bawk. Tukverh lam pan chuan ka kal a, a in kalh vek. Khuma chuan kir leh in beidawnna avang chuan lukhamah ka hmai ka phum veng veng.

"Lalpa, ka chunga enge thleng dawn?"



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)