Addicted to her Chapter - 25( ......... )

Episode kal lai dah luhna

Moderator: writers

Puibawihi_lh
Posts: 36
Joined: February 17th, 2022, 10:30 am
Location: Somewhere in earth
Contact:

Addicted to her Chapter - 25( ......... )

Unread post by Puibawihi_lh » June 29th, 2022, 2:51 pm

Chapter - 25

Ellina's P. O. V


Zingah ka tho chu Niana- I chuan nghet tak hian min lo kuah a, thawh ka tum chu min kuah nghet sauh. Ni zana thil thleng kha ka ngaihtuah let hian ka inchhir deuh veng veng , mahse a lakah engmah ka ti ve chuang lo a. Chu chu a zia deuh.


A kut min kuahna chu phih thlak sak luiin ka tho a, bathroom- ah chuan ka lut ta daih a. Ka hnunga a tho thawm pawh chu ka hre zui nghal zat.

Bathroom atanga ka chhuak chu kawngka bul cheka lo ding hlauthawng hmel tak nen chuan kan intawk a. A hrilhhai duh hmel hle, ni zanah tha tak khan kan awm ve ngei sia, zan pawh kan hmang dun a ni a. A hrilh a hai viau ngei ang . Mahse ni zana kan inkar a thil thleng khan ka rilru min sawhsawn tir dawn hauh lo.

Ka ho trep tawh a, min hlat theih ang bera dah kha ka tum a ni a. Ka in control theih loh vang vek, mahse a thleng leh tawh lo ang.

, “ Niana! I nute'n an lo call ! Lo kal lawk rawh ” inhnuai atanga u Celia chuan aw ring taka a rawn tih chuan Niana tawng tum âng zeuh pawh chu a chip a.

A chawl det a min en hnu chuan peih fahran lo chuan a kal ta a. Room- ah chuan ka awm deuh vang vang a, ka pei kual sek a.

A hnu feah chuan ka chhuk ve ta chauh a , Niana chiah chu table bulah chuan a lo thu a Celia maw Miko pawh an awm lo .

Phone chu a la be mek tih a hriat theih, la tawng reng mahse an inbiakna chuan a rilru a luah tawh loh zia chu ka hre thei, rei lo te ka din chhung pawn a lo hawi zing hman ngei mai.

Tumah an awm loh avang chuan biak pawh be lem lo chuan ka inher ta daih a. Khawi nge maw an kal le? Hla pawh ka kal hma chuan Niana ka lam ke pen thawm chu ka hria a, ka kutah chuan vuanin kal sawn ka tum chuan bangah chuan min nam bet a kal ka tum piangin min lo block hman ziah zui.


Ka hmaiah chuan a ngaite bawkin a chul leh hleuh hleuh tawh a, a taksa hnuai lam chu ka taksa si chek hian a lo dah hnai. Phone chu a siam tha deuh a.

, “ Aw, ka tha lutuk...
Keimah vanga hmanhmawh a ngailo

Induh chen chen awm ru. Ti pawh hian a nuam lutuk” min sawi chhan tih ka hriat loh hlau ang hrim chuan min en reng a


Muangchangin a kut hmang si lo hian , a taksa chuan zei zetin ka taksa chu an nek kual a. Leihlawn bul lawka kan din avang leh mi an lo kal thut ka rin avang chuan ka hlauthawng hle, mahse ka nam sawn chuang lo. Ka hnaih tawh lo ang ka ri sin le.

Mahse, miin min hmu ta se kei aiin a tuarna zawk ang. Kei chu rei lote chungin min theihnghilh mai dawn a, a ni chu an hre reng awm si.


Chu chuan a career pawh hi thui takin a nghawng ngei ka ring, hmani khan video hlui tak ka en a, Niana naupang mai a nih laia an shoot a ni. Chu Niana chuan camera chu mit de sêt sêt a en chungin dancer nih a, muangchanga indin chhawh zel a duh tih a sawi. Khata a sawi laia a mit êng ang kha ka la hmu hauh lo, a duh takzet tih pawh a hriat theih.


Niana-i hian a ngaihdan aia nasa hian a chan nasa zawk a, hmani a influencer lo lar deuh hluai chanchin tang khan a hriat theih mai. A career a chhe vek a nih kha.


Chan chu pawi a tilo a ni thei, mahse keimah avanga a tet tê atanga nei tura a beih ngat ngat chu engtin nge a chan ka rem tih ang?. He hmangaihna hi chu a bo vat mai ang , hun rei tak hnua inchhirna tur hi thlentu ka ni duh hauh lo.

, “ Bye. ” tih pah chuan phone chu a dah a.

, “ Nianaaa. ” zawi sap a ka tih chuan, " Immm. ” tiin ka hmui a lo zawng nghal vat, min fawh a tum a ka hawisawn deuh hmak chuan thinrim lo hian a nui suk a, “ Kalsawn rawh, miin min hmu palh ang. ”

, “ Nge min hmuh chu a pawina? ” nui sen sen chuan ti mahse a kalsawn ta tho a.

, “ Ka chhuak dawn a, rei lo te duhte i nei em? ” a khabe ka dara nghah pah chuan hnung lam atang chuan min lo kuah a.

Third Person's P. O. V


Niana- i chuan a theihtawp chhuah chuan a nui fan fan a. Mahse tunah hi chuan a thinlung hi vih sawk sawk ni ber hian a hria.


Bawihpuii chutia responsive lo lutuk, lumna reng nei lo a a treat hian a ti nâ.


, “ Niana i tha em? ” chutia ngawi reng a Niana awm deuh vung vung chuan a ngaih a ti tha lo deuh a, “ Aih, a nâ lutuk. ” a ti deuh sup a.

Bawihpuii chutia chhanna a dawn chuan enge nâ chu tia zawh a tum chuan a lo pawt chat a , “ Kan kal nge, ” tia hawi pawh hawi let lo a Niana tlan chhuak chu a va um zui ta lo a .


Hetia a awm reng chuan beiseina a siam mai mai, tih tawp a duh chuan a beiseina awm chhun pawh tihmih a ngai tia ngaihtuah chuan a zui ta lo a, rilru rit tak chuan thawk a la deuh vang vang a.

A tha ber tur a nih ka beisei.


Time : 2: 51 p. m



Date : 29 . June. 2022

˚‧º·(˚ ˃̣̣̥⌓˂̣̣̥ )‧º·˚



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)