JASON REMRUATTLUANGA

Episode kal lai dah luhna

Moderator: writers

Tluangi Sagy Pachuau
Posts: 115
Joined: May 25th, 2022, 8:14 am

JASON REMRUATTLUANGA

Unread post by Tluangi Sagy Pachuau » June 29th, 2022, 5:22 pm

Jason Remruattluanga


CHAPTER 12


BY Tluangi Sagy Pachuau




A kal ta cheng a ka ruak nghal vek in ka hria..... Heti hian kalsan ka tum ve chu a nia....






Ka message tone ri ah chuan ka phone chu ka en vat a... "Naktuk ah pawh la chawl rawh aw.... I la chau ang in ngaihtuah pah in a ni mai" Tiin zawngte hmai hup emoji hi a rawn thawn tel a... Ka thaw hawk...







Ni e,,,,, a tha viau ang chu... Hna ka kal leh hunah chuan heng ka thil tum te hi tih hlawh tlin ka tum tawh ang.... Chuan ka kal leh hun a ka chhan na tur chu ka hre dim diam tawh....






Mahse engtin nge hma ka lak ang tih hi ngaihtuah chhunzawm a ngai a ni....
Ka tum dan hi a hlawhtling a nih ngat chuan ka bang anga chuan keimah in Pangpar dawr ka siam ang.... Huhuiizzz nuam dawn lutuk....






Ka ngaihtuah na avang chuan ka khi vur vur.... A tih pawh tih hlawhtlin hma hauh in nuam ka lo ti alawm le.... Chutia ka lo khik vur vur lai chuan ka nau chu a lo lut a "mi a ang mai... Lo khi leh vur vur tawh e" A tih chuan.... "Ka ngaihtuah ang hi ngaihtuah ve lang chuan i khi lo thei bik lo ang" Ka lo ti a







"Pangpar bak a ni leh tawp nang" A tih chuan "i ti dik chiah" Tih pah a ka kut a heart sign siam in ka mit ka siai zauh....a tih ngaihna hre lo chu a nui tawp.... "Tinge i lo va haw hma ve?"
A lu tuai noh noh chung hian "Apa in min lo bia a.... Inah i awm thu a sawi a" A tih chuan mak ka ti angreng.... Engtin nge ka pa in inah ka awm tih a hriat ni....






"Engtin nge Apa in inah ka awm tih a hriat"
A dar san uk in "hre bik nang... I damlo tih thleng in a hria mawle" A lo ti a.... Mak hle mai.... Aaa chutiang leh zel ka ngaihtuah peihlo a lo hre ve a ni mai.. Ngaihtuah tur ka ngah lutuk...






"Nih khawnge Apa chu" Ka tih leh chuan "i va han dilchhut tak.... I senior tep tawh a nih kha" A tih chuan "Lalremmawi i u hi senior min ti reng reng suh aww ka la naupang lutuk" Ka tih chuan nui hui chung hian "Apa chuan hna a thawk... Eng nge a sawi duhlo"






Heiham.... Mi tinreng mai hian sawi duh loh an nei a nih hi buaithlak ah....






"Nang bialnu i nei em?" Ti a ka zawh teh daih chuan mak ti deuh in min en a
"Teh daih che chuan.. Kan thu khel lai nen a in perh san emmai a" Hmm in la tawng upa ve vel lutuk...






"Sawi mai la" Ka tih chuan "ka sawi duh lo e a" A lo ti vat.... Ka bul a lukham awm chuan ka vawm chawrh.... Ka hah sawi duh lo.... Sawi duhlo.... Ti vekk mai.... Ka hah hluah hluah....






Remruattluanga lah engtia tih tur nge ka hrelo..."min lo nghak rawh a rei tawhlo ang" A tia eng nge rei a rei lo tur a sawi bawk silo.... Nghah tur nge tur lo pawh ka hrethiam nei nuai tawhlo....






A tuk ah pawh chuan ka pa chu "hna ka thawk dawn" Tiin a chhuak leh thurh a.... Eng hna nge a thawh tih lah sawi duh derr lo.... "Fa te thawh sa ringawt ei chu kan la tar chhe hleinem" Ti ve deuh tlat bawk si..... Thil sawi apiang a hnial a.... A hnial hrat lutuk te hi a tar lam hri vek a nih ka ring...






Kei President in chawlh min pek avang in inah ka lo awm a.... Tunah chuan engtin mah pawh ka awm tawhlo.... Nimin pawh khan ka tku ve mai mai aniang.... Ia chauh pawh ka hrelo...






Naktuk lam a ka dawp dan tur te chu ka ngaihtuah a.... Awlsam tak a a sawi duh chu ka ring lo a..... Mahse sawi tir chu ka tum tho ang....






Tlai a ka pa lo haw chu a rawn hlim lut vur vur hle mai a.... A rawn nui lut ka hmuh chuan ka lo nui ve tawp..... "Eng nge thleng a i va hoim vur vur ve?" Ka lo tih chuan "hlawh kan la a hei sangha ka lo hawn a" Tiin a kut a a sangha khai chu a rawn lek kang vaa a...






Kei in tum hmuk chung hian "allergy ka nei tih i theihnghilh ta em ni?" Ka lo ti thung.... Pawi tih hmel em em hian a chal a han dawm a..... "A va han pawi tak em awww.....mahse pawilo bawihte vanneih thlak tak in vawksa ka rawn lei" Ti a nui uar uar chung hian a bag atang chuan a rawn phawrh chhuak a







"Kha lee va siam la" A tih chuan la vat in phur tak in ka siam nghal a.... Sa hi kan hmeh ngailo pawh a nilo.... Vawksa hi chu engtik lai pawn ka ei duh....







Eirawng ka bawl lai vel chuan ka nau a lo haw a.... A chauh hmel hle bawk... Biak pawn a rul tawk te te bak in min chhang lo..... Vei ruk deuh nei a ang ka ti...







Ka nau in tih fai hnu chuan ka pa in chaw ei a rawt a... Kan ei nghal mai bawk.... Chaw ei lai te chuan an phur loh hmel em em khawp a.... A sa duh ber kan hmeh chung pawn engtin mah a awm miahlo....






Kan ei mawlh mawlh lai chuan "pa nupui ka dei dawn" A rawn ti ta mai.... A uang amaw tiin a hmel ka va en a.... Uang hmel chu a pu chuang miah silo..






"Remmawi uanna chi a nih loh chu a" Ka lo tih chuan a uan loh thu a lo sawi bawk si.... Ka pa ka va en chuan a ngawi tlat a.... Keimah zawk hian ka lo hlau lek lek zawk..... Ka nau pawh chuan ka pa chu a en ve reng a.... Ka pa lah in thu kam khat pawh a chhak chhuak silo....







Chutia kan pahnih a kan thlir reng lai chuan "ei khamah kan sawi dawn nia" A rawn ti a...amah zawk chu a tho nghal tharh... Kei ni pawh chuan rei ei lo in kan kham ve nghal a....







Kan chhungkaw thum tee chuan sitting room ah chuan kan thu ve thap a..... Tumah in tawng hmasa ta nge pawh kan tilo... Kan ngawi deuh thap a ni ber.....






Bawiha ber chuan a aw rawn thian kharh kharh in "paa" Inthlahrung dak hian a rawn ti a....kan pa chu a rawn hawi chhuak a... An mit ah tak an in melh chat mai... Kei chuan lo tawng ve chi ah ka ngaih lo vang in ka lo ngawi reng thung






"Sawi la" Ka pa in a lo tih hmuk chuan kei chu ni ila ka sawi ngam tawhlo hrim hrim ang.... "Nupui neih ka duh" Remmawia chuan a ti nawn leh....






"Engvang in?" A tawng tawi hmak hmak mai sia..... "Pa inla muk viau suh sawi a nuam lo a nia" A tih chuan ka pa chu a nui chhuak hawk.... A lo in la muk der vel amaw.... Ka lo hlauh hman nen...






"Sawi hrim hrim teh engvang in maw nupui neih i duh?" A tih chuan.... "Pu i ni dawn alawm" An ti deuh kher ah.... "Pa ka ni dawn" Ti ve mai se...






"Nei ta la engtia chawm nge i tum"

"A rem rem a ni mai"

"Naktuk ah lo len pui la kan lo endik ang" Ka lo ti ve vat...





"In phal tihna ami?" Phur tak a a tih chuan "phal loh chi pawh a nih loh chu.... Chi i lo thlah daih tawh chu mawle" Ka pa in a tih chuan kan nui ho hak hak a.....






"Zirna i chawl dawn tihna ani maw?" Ka lo tih chuan "a ni mai ang chu.... Mawhphurhna sang tak ka ko ah a tla tawh dawn alawm" A tih chuan puitling ka lo ti ang reng khawp mai....






Ni e,,,,, kan ko a mawhphurhna tla te hi hlen chhuak ngam i la... Tlan chhiat san mai lo in






S*x i hmang ngam a nih chuan mawhphurhna i la ngam tur a ni..... Mawhphurhna i la ngam dawn lo ni a i hriat chuan s*x hmang lo ngam mai rawh







Then khat "mawhphurhna ka la vek ang.. I rai chuan nupui ah ka nei ang che chu ti khati eee" An tia... An han rai ta cheng a tih tlak tir an tum leh phet a..... Nih loh leh an kalsan a.... Mualpho hlau in....






S*x hmang hlau silo mualpho hlau leh hlee si.... Hetiang vang te hian alawm fahrah te hi an lo awm a nuthlawi an lo tam thin em em....







Ka pa in "nak zanah palai kan tir dawn nia" A ti awlsam et a..... A chhan chu a lo rai ve tawh bawk sia.... Tih dawn chusn a rai len hma a tih vat vat kha an duh zawk a ni...







Zingah chuan lu na bur in ka tho a... Nizanah vawiin lam a president thil ka zawh dan tur ka ngaihtuah nasa lutuk a mutmu pawh ka tuah tha meuh lo...






Mahse a tawp ah chuan a hun lo thleng phawt se zawhna chu a lo awm chawpchilh ve mai ang tih chu ka last decision a ni leh tho tho.....







Zawi em em in ka khum atang chuan ka tho chhuak a... Ka zawi em avang in ka che reng reng te chu a muang churh a ni ber.... Sana ka en chiah chu a lo tlai tawh lutuk hi a lo ni a.... Zawi sawi theih pawh a ni tawhlo.... Insiam zung zung in ka tlan chhuak nghal vang vang....






Hotel ka thlen chuan Mawitei counter nghaktu chuan "i dam tha tawh em? President in i lo thlen tawh leh tawh loh min zawt ngun lutuk chho vat vat rawh" Ka chhan hma hma chuan a ti nghal zung zung...







"Aw ka dam tha" Tlan chhoh pah chuan ka chhang hram a.... Office ka thlen chuan ka lut hreh tlat pek... Mahse luh chu a ngai ngei sia... Kik karh karh in keimah ka nih thu chu ka han sawi a..... "Lo lut rawh" A ti zang vah....








A lo nui sang a a hmel sawn "chhanna chu?" A ti ni mai in ka hria..... A dawh kan hma ah ka din chuan ka ngaihtuah na ang ngei ngei chuan "chhanna chu?" A lo ti nghal.....







"A president hun min la pe la zawh tur che pawh ka nei a" Ka tih chuan "eng nge ni a min han zawt la" A lo ti var a...






"Ih englo a nia" Ti a bul tan in sofa ah chuan phone khawih melh melh pah hian ka va thu a voice recorder ka on pah zeuh bawk...







"Starlight Hotel ah hian i secretary hial ni in hna te ka thawk ve a... Bliss Hotel nen a in chanchin saw ka hre ve miahlo a hnathawk dang ten an sawi sup sup a kei i secretary ber in engmah ka hre ve lo a.... A nuamlo" Ka ti a







"I lo thawh hma pawn news atang ten j hre lo em ni?" A lo ti khauh a... Ka zawh thiam loh zia ka hre chiah... Ka hrelo ti lo khan tlemte ka hria lo ti ila tha tur a niah...







"A nia.... Tlem tlem ka hria a.... I hriat ang in news thenkhat hi chuan thu diklo deuh deuh te an chhuah thin hi" Ti a ka chhan let chuan a lo bu nghauh nghauh a....






Thle bak chung hian "a aia ril zawk a hriat chu ka phu ve lo em ni" Tiin ka melh ralh a.... "Ni e i, phu ve alawm" A tih chuan ka lo lawm ngang mai... Mahse ka hmel ah tih lan loh hram ka tum... A nih loh chuan a hre chhuak palh ang







Ka lam chu rawn pan hnai in ka sir a sofa ah chuan a rawn thu thla ve a... Ka phone chu a khup zawng in ka lo dah vat....







"Ka u min thah sak a" A ti nghal tawng mai.... A bul tan na teh tawp chu min ti hrilh hai lek lek tel alawm le.... "Ehhee i u an that maw... An va rapthlak ve" Mak tih hmel tak chuan ka han ti vel a...







"Imm... Nang i ni bawk a sawi mai ila... Ka u dik tak a ni lo a... Ka nu leh pa te fa lak a nia... Mahse ka ngaina lutuk"
A u diktak a lo ni lo amaw.... Remruattluanga tan a pawimawh ka ring tlat a ni....







"An that tih finfiahna chu keichuan ka nei chuanglo a.... Ram dang a ka awm lai kha a nia... Mahse ka pa ten an sawi a.... In ti hlum ang in an lan tir a an tia" A tih leh chuan "chuti an lo thatlo thut thei asin" Ka lo ti vat a... Mak ti tak in min rawn en... Ka tawng sual leh ta.... An lam tang ka ni tih a hre mai ang tawng tawhlo law law ila a tha ang..







"Chuan thil dang leh ah chuan an blueprint leh new menu ru ah khan min puh a... An Hotel a tualthahan zawng zawng nen khan" A tih chuan ka lo ner sak... Puh ni lo in an thil tih ngei a ni reng si a.....






"Imm a nih chu an van sual ve" Ka lo ti a.... Nui hul hak hian "ni e.... Lo kal rawh meeting kan neih dawn kha" Tiin a tho chhuak a.. Ka zui ve nghal zat bawk....







Tlai ah chuan ka haw hma min phal sak hlauh mai a..... Hmanhmawh deuh in khawi ah mah peng kawi tawh lo in ka haw nghal a.... A chhan chu eirawng bawl vat a Bliss Hotel a kal a Remruattluanga hmuh ka ngai a ni.... A tan a tangkai ngei ka ring....







Ka thlen chuan inthlak pawh inthlak lo in eirawng ka bawl zung zung a.... Chhungkua kan tlem a... Zing lamah khan ka bawl lawk deuh bawk nen tih tur a tam vak lo....







Ka bawl zawh chuan ka bag la in ka tlan chhuak leh nghal a....kawngah ka pa rawn haw nen kan intawh chuan "khawnge i kal dawn?" A ti a... A zawhna pawh chhanglo chuan "ka lo haw har lo ang" Ka ti ringawt...
Ka rilru hmanhmawh lutuk leh keima tawk a ka thluak ka hmang ve lutuk chuan min ti chau....








Taxi chu phar in Bliss Hotel lam chu ka pan ta a.... Tukverh ah chuan ka dak chhuak a thlifim rawn thaw chuan ka hmai chu a chhem hauh hauh... Min ti hahdam sawng sawng thei in ka hria...







Ka thlen chuan chuanman te pe in ka lut nghal a.... Hnathawk ho chuan min lo la hre ngang mai.. Min lo be sap sap hlawm a.... Counter nghaktu hnen a ka va kal chuan min lo nuih sâng a "eng nge i lo tih ve dawn aaa cherry blossom" A han ti a... Min koh dan pawh a la ngai reng...







"Ujason-a a awm em?" Ka tih chuan "aw awm e" Ka tlan chho nghal a sawi leh tur pawh ka ngaithla hman tawhlo.... Eng in nge min mawlh a ka hmanhmawh viau chhan pawh ka hre biklo







Kawngka chu kik pawh kik lo chuan ka hawng rawk a "Ujason" Ka thil hmuh avang chuan ka ding chawt...... President nau nen chuan an lo in kiss chu ni in.... Ka mit sulh... Ka vai ruai a....







A ni pawh chu ka thawm hria chuan a rawn hawi phei a min hmuh chuan chu nu chu nem sawn in ka lam rawn pan a tum a... Kei tawlh hnung rawk rawk in ka tlan chhuak daih.... Min rawn um a... Min au reng bawk







Engmah ngaihtuah lo in ka tlan zel a pawn ka thlen chuan khua pawh a lo thim ruai tawh..... Ujasonan min lo um zel tih ka hriat chuan ka tlan leh a.... Kawng lai ah chuan ngaihtuah em em pawh neilo chuan ka ding tawp..






Ka sir a truck rawn tlan pawh chu ka hmu reng a... Ka che sawn thei a... Ka kal sawn theilo.... Min ai kaih ni ber in ka hria..... A rawn tlan zel a.... A lo hnai zel a..... Min rawn su ta..... Boruak ah chuan ka kang lawp a... Ka hming lam a au ri ka hre zawm nghal zat bawk... Ujason-a ngei a ni....



(JASON POV*)



Faby kawngpui a thisen nen a in chiah liah nuai a mu reng chu ka pan nghal thuai a.... A lu ah chuan chawi kang in ka kuah reng a..... "Nilo faby.... A ni theilo.... Lo harh rawh.... Heihi a thleng lo mumang tho a nih hi" Tiin ka phun mawlh mawlh....







A lu atang chuan thisen a chhuak reng a.... "Ambulance call vat ta che u mawle" Tiin ka au tuar tuar.... A kut chu rawn phar chhuak in a bag chu min pe a..... A phun sap sap bawk... Kun hniam a ka zuk ngaihthlak chian chuan "voice kha" A ti ni mai in ka hria.....







A tawng chuan a chau zual zel a ka hriat avang in tawng tawhlo tur chuan ka khap vat a.... "Ambulance chu call ta che u" Ka vin tuar tuar tawh..... He thil thleng tur hi ka hlat khan kan pumpelh ka ring asin.....







Tun hnai ah khan ka mumang ngai bawk kha rawn in lar leh in faby chu thisen nen a in chiahpiah nuai in a ral tial tial a....ka hlauh ang ngei chuan thil chu a thleng ta....






Ambulance lo thlen hnu chuan Hospital lam kan pan nghal a.... Ka hlauthawng tawh lutuk ringawt.... A kut chu ka chelh reng a... Ka chan ang tih ka hlau ngawih ngawih.... Ka hma lak na pawh kanzo tep tawh a... Ka zawh hnu ah chuan ka bul a awm tur a sawm ka tum asin....






Ka mit atang in thil a lum thla puat a.... Ka mittui a tla tih ka hre thei... Hruk buai ka tumlo.... Val hi a hmangaih chan hlauh vang in a mittui a tla a.... A zahthlak na ka hrelo...






PACHUAU HOSPITAL chu kan thleng ta a.... Kan luh chuan nurse ho hlir an lo awm a... Khawnge doctor ho pawh hi an awm hlawm le.....






A hnu ah chuan hmeichhe pakhat Faby ang rual tur vel hi a rawn tlan phei a..... Nurse ho nen chuan ka Faby-i chu an buaipui nghal vat a






A lu atang a thisen chhuak te chu an hru fai zung zung a..... Zai/zei(ka hre thiam chiah lo a dikna min lo hrilh ru aw) tur a ruahman nghal a ni bawk.....
Mahse a zai/zei tu tur te an lo meeting lai a ni a.... Hmanhmawh tak in an ko nghal bawk..






Ka rilru chu a hmangmawh hlee a... Ka thin a rim hlur tawh bawk.... Chutih lai chuan Faby chu a thawk a rawn buai a... A awm a sep dawr dawr a.... "Ehee a thawk a in hnawh tlat a nih hi" Tiin Faby-i ang rual tur nu chuan a lo ti a... "A nih chuan engemaw tal ti ta che" Tiin ka lo vin tuat tuar tawh...






"Keichu intern mai alawm ka nih" A tih te chuan ka thin a ti rim zual.... A ni pawh a hlauthawng tih ka hria mahse ka hmangaih hi ka chan ang tih ka hlau em a ni...






"Eng pawh i tih theih apiang ti rawh khawngaih in" Aw ki nem zawk chuan ka han ti leh a.... A ni pawh chuan duh thlan tur dang a awm lo tih a hria nge ni nurse zing a mi pakhat (1) chu ko in amah pui tur in a ti a.....







A nghawng chu a zei kak a.... Ka rap em avang chuan ka hawi sawn ta daih...





Ka hawi let leh chuan pipe nge eng nge a nih pawh ka hrelo chu chu an lo vuah a... A thawk pawh a pangngai leh vek tawh.... chutih rual chuan doctor te pawh an lo thleng ve vat a... A then chuan min hria in chibai min buk nghal sup sup







Ka hmangaih Faby-i chu inzeina/ inzaina room ah chuan an nawr lut ta a.... Ka bul a ding nichin a mi a nghawng zai/zei sak tu chu a hming ka zawt a.... "Lalnunpuii Pachuau" A tih chuan "Damdawiin neitu fanu hi maw?" Ka tih chuan a lo bu nghauh nghauh...






Lawm thu hrilh ka tum lai tak chuan "Lalnunpui" Vin em em mai hian mipa khat doctor form ha hian a rawn ko a.... A hmel chu a bawn rem rem asin aw....






"Min rawn zui nghal rawh" A ti vin leh tuar.... Eng nge maw a rawn vin ve vak vak mai ni le.... A hmel a bawn ropui si....






Ngawi teh a ni kha.... Lalnunpuii an hnathawk te ban ziah tu an tih thin kha maw..... Mahse an sawi dan ang ai kha chuan a va fel hmel si ve mawle....



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)