The Mafia Boss And His Queen Chapter -17 by Calm Bird

Episode kal lai dah luhna

Moderator: writers

Calm Bird
Posts: 101
Joined: May 1st, 2022, 8:28 am

The Mafia Boss And His Queen Chapter -17 by Calm Bird

Unread post by Calm Bird » June 29th, 2022, 9:47 pm

Chapter - 17
The Mafia Boss And His Queen
by Calm Bird




Thaw hawkin mit ka chhing vang2 a, khami tlai kha ka theihnghilh theih tawh pawn ka ringlo. "Ka tihpalh" a rawn tih leh sup chuan ka meng chhuak a, a mitah tak ka melh nghal. Inthlahrung ang reng zet chuan min melh a, a awmdan vang chuan ka khawngaih lek2. "Ka ring thei che ang ngem?" ka tih sep chuan a bu nghat a, beisei nei zetin min melh nghal. "Mahse, ka beisei ang che hian awm ta silo la? Khatiang khan engmah ngaihtuah loin ka lakah che leh ta la... Kha thil kha.." Sawi zo theilo chuan ka tawp a, ka hrawkah hian a inhnawh tup2. "Aih, aih, Baby... Ka thlen tir leh tawh ngailo ang.. Ka inchhir zia hi min hriat pui hram teh" tiin chhuatah chuan a thringthri a, ka hrilhhai lutuk chu ka en reng ringawt. "Ka tihpalh. Bawihi ka tihpalh takzet, min ngaidam hram teh" a hmelah pawh a inchhir zia a hmuh theih a, sawi mai tur pawh ka hrelo.








"Ka rilru i tibuai... Ngaihtuahna fim pawh min put tir theilo" thaw chhuak hawkin ka ti a, tih ngaihna ka hrelo lutuk chu ka trap dawn lek2. "Baby, min ring rawh. Min ring la ka duh che" a ti sup a, ka thin a khei zak. "Min ring bik em? Kei hian min ring tur che in ka duhlo bik che em ni? Kei chauh hian ka ring che ang nga maw?" thru chhuakin ka ti a, a thringthri lai hmel chu ka melh nghal rawm. Thaw chhuak hawkin hnuai lam a bih a, min en leh nghal. "Aih, ka tihpalh" chu zawng chu a sawi. Thiam thu sawi tur a nei tlat
lo ani.








"Tho rawh" ka tih hmuk chuan min melh nghal ngur. "Min ngaidam tihna ani em?" a tih chuan ka nui chhuak hawk. "Ka theih i ring em? A hma ang mai2 kha ka ni dawn tawhlo. Thil i ti sual ang nga, ngaihdam min dil ang nga, chuan ka ngaidam nghal zel dawn che tihna ami?" nui lui zeta nui sangin ka melh a, a hmel chu ka chhiar thiam ta hauhlo. "Min ngaidam turin ka tilo che, mahse ka thil tihsual hi ka siam thra ang" tiin a tho a, room a chhuahsan nghal daih. Tikhan ngaihdam min dil chu nia, milar leh billionair in ka hmaah thringthri meuhin ngaihdam min dil a, mak tak ani. Mahse a ngaihdam dilna erawh hnawl ani.







Thoin toilet lam chu ka pan a, ka zun zawh chuan room atrang ka chhuak a, a guard ten ka kalna tur min zawh chuan ka melhrum nghek. An ni hriat ve zel hi a trullo. Inchung berah chuan chhoin khua ka thlir a, tlai ni eng chu a mawi kher mai, damlo kawr ka ha a, ka sam ka thlah tawp bawk. Ni lah chu a liam chak em2 a, min rukbo lai erawh nimin ang maiin chiang takin ka la hria. Lehkha zir turin hetah ka duh thu ngeiin Thomasa bulah ka awm tawh a, mahse kar khat pawh ka kal tlin hmain lehkha zir theilo in ka awm a, hmanni a min rukbo a lei chhunga mahni chauha ka awm lai te nen ka mitthla uar2 a, Thomas hian hmelma alo ngah hle mai ka ti tawh. Ka tawn tura ka ruat ngailoh leh film vela an in kidnapped thrin dan ang chiah ka tawng a, he khawpui lian leh changkang zet hi kan ram changkang lo zet aiin a nuamlo zawk.









Kan ramah chuan mi hausa awm ve bawk mahse hengho ai hian an la rethei a, mi rethei hlang awmna ani mah zawk. Helai hmun anglo takin thingkung leh mau a tam a, rethei mahse an hlim a, heta chengte ai hian an rilru a thianghlim zawk a, in rukbo tih vel pawh a tlem zawk. Tunah chuan nula thianghlim lo mai ka ni tawh a, tleirawl tein ka zahawmna ka hloh bawk a, engtia dawnsawn tur nge pawh ka hrelo. Naupang tein ka phur hi a rit bik tak zet. Pawngsual ka ni a, ka rilru a na em2 a, in thah daih mai te ka chak. Mahse Christian ka ni a, mahni inthah hi a rah ka hrechiang em a, ka ti ngamlo mai2 zawk ani








Thli chuan ka sam a chhem heuh2 a, ka chhungte bula awm leh hlan mawlh ani ka nghahhlelh. Ka hnar a rawn thi chuan ka kut chuan ka hru mai a, mahse ka ka atrang te chuan thi a rawn chhuak a, ka ngaih a thralo tran. Ka hnar atrang pawn thi a chhuak zel a, a reh hleithei lo. Mangang zet chuan ka kawr hmawr chuan ka hru a, mahse a rawn chhuak leh zel. "Baby" Thomasa aw ka hriat chuan a lam ka hawi vat a, ka hnar thi vel a hmuh rual chuan ka lamah a rawn tlan phei vat.







"I thra em? Lo kal rawh" tiin min pawm lawp a, inhnuai lamah min tlan chhuk pui dawr2. "Doctor!" tiin a au vak a, ka lu hi a hai lutuk. Engkim ka hmu phe vek a, mahse ka rilru erawh ala fim vek thung. "Lo kal vat ta che u mawle!!" ati hrawk a, doctor te pawh chu an rawn thleng ve chiah bawk. "Khumah mut tir rawh u" Doctorin a tih rual chuan ka room lam ni ngei turah min pawm phei a, min mut rual chuan doctor leh nurse te che vel chu ka hmu phe vek a, an trawng ri pawh a khawk rum2. Ka kuta min chiu rual chuan a thip zawk a, rei loah ka muhil nghal.








Ka harh leh chuan ka meng siar2 a, room chu a thim deuh mup mai. Ka hmuh phe vek vang chuan ka maimichhing leh vang2 a, ka men leh rual chuan mipakhat mask leh cap vuah hi ka hmu a, auh ka tum chu ka kaah a rawn hup nghal. "Shh, ka tina dawn lo che" zawi zet chuan ati a, chem rawn lek chhuakin min tin ran a "Auh emaw chet tum eih suh. Ka vit nghal ang che" a tih chuan thawk pawh ka thaw thra ngamlo. Ka hlau lutuk chu ka tha a khur zawih2 a, ka thin a phu dup2 bawk. "Au suh ang che" ti supin ka ka a hupna chu a thlah a, khawnge Thomas leh a guard te... Tu emaw tal rawn lut se ka ti takzet. Ka huat em2 Thomasan min rawn chhan se ka ti leh tho a, ngei viau mahila a lakah chuan ka thla a muang bik.









"Dam tawhlo tur i nia sin" a tih sup chuan chil ka lem khawlh. Eng vanga hetia rawn che hi nge anih ang? "Mi,,,min kalsan rawh" aw khur der2 chuan ka ti tham triak a, a mitmeng chauh ka hmuh theih avang chuan min tih tum dan ang tur pawh ka hisap thiamlo. "Hetia inhmuh tir che hi ka duh biklo asin, mahse i thih a ngai. Piannawn leh naah erawh ka ta ah ka siam ang che" A sawi zawng chuan ka hmaiah chemin a rawn thai riak2 a, ka hlau lutuk chu ka thin a phu dup2 a, ka thawk a rang em2 bawk. "Min lo nghak dawn nia" a chem ka hmaia a thai lai chu tawp chawtin ka pum zawnah a tin a, ka hamhaih bawk nen rilru fim pawh ka pu theilo. Sang zeta a chem chu kengin min tin ran a, ka mittui a tla nghal. "Ti suh, min chhuah rawh khawngaihin" trap titih chuan ka ti a, min vit dawn chiah tihah silai kap thawm a rawn awm a, chupa chu rak thratin a chem a thlauh ri nghal bal a, room chhung chu a eng nghal pup.








"Baby i thra em" ti a Thomas trawng ri ka hriat chuan ka trap chhuak hawk. Ka mutna atrang chuan ka tho vat a, Thomasa ka bula a rawn thlen rual chuan ka kuah nghal thlawp a, ka trap nghal bawrh2. Ka samah chuan min chul heuh2 ringawt. Ka trah chhung zawng chuan a ngawi reng a, rei tawk fang ka trah hnu chuan ka tawp hram a, mahse ka irh leh euh2 thrin. "A tina hman che em?" a tih chuan lu ka thing a, ka hmaia a chem thai lai te kha ngaihtuahin ka la mur uaih2 thei. Ka hawi chhuah chuan Kevin Leh Jokeran chupa chu an lo vuan bet a, a kut chu a thi zawih2 a, a thisen chu chhuatah a far tluk2 bawk. Thomas chu tho chhuakin an lam a pan a, la khur titih chuan ka thlir reng.









"Karlos... Karlos Hemsworth" ti supin chupa chu a en ran a, min thah tumtu pa Karlos atih chuan a mask chhanah chuan hamhaih zetin a melh a, thin phu dup2 in ka thlir reng. "Eng... Engtin" hamhaih zet chuan bah nakin a ti a, Thomas chu hlauhawm zetin a kiai suk. "Ka chhui chhuah theihloh che i ring em ni? Ka duatlai tihnat tum ziah tu hi chhui lo a ka en liam mai2 i ring anih chuan i tisual chhia va a nih chu" nui mahse a awri chu hlauhawm tak ani. A mask chu phelh sakin chhuatah a paih a, chutiang bawkin a lukhum. A hmel ka hmu chiah chu min thrawng takzet. Video a ka mi fawh pa kha ani, Thomasa min vuak chhan ngeimai kha! "Thomas Liebregts, tuna min man tak avang hian lo hlim viau duh suh... Na i tawrh hun ala awm dawn ania, e chuan taka, i duatlai ni a i sawi hi a taksa a mawi takzet." A sawi zawng chuan min rawn melh kher a, a hmel rapawm lutuk chuan min ti mur sung2 thei.








Thomas chuan a hmaia hnek chawrhin a kawr awmah a thram a, a ka atrang chuan thisen a chhuak nghal. "Ka... Ka hmangaih, keh thei dawma ka dawm hi tihnat ilo tum ngam amaw ? A sam zai khat pawh hi lunghlu aiin a hlu zawk tih hria ang che. I phu tawk hremna chu i hmu dawn khawp mai, Kevin, Jordan... Hruai chhuak nghal rawh u" a kawr awm a thramna chu thlah deuh sawkin rum zet chuan a melh a, Karlos pawh chu a bang bik chuanglo nui sawng chung chuan Thomas chu ala melh ngam reng tho.








Room atranga an chhuah pui chuan Thomas chu a thaw ri hrawih2 a, ka la khur deuh nen trawng nachang pawh ka hrelo. Ka trah a chhuak hlur ringawt. "Hrep hian!! Engtin nge min beih ngam zawk ni!! Khatianga an tihnat ngam tur i ni hleinem!" ring zet chuan a auhin a au a, dawhkana an plant dah chu a vai thla pawp a, ka phu nasa lutuk chu ka taksa a che awk thei. Rum hrawkin dawhkan chu a tlawh chawrh a, parda an zar te chu a pawt thler thrawt. Tun lawka ka thil tawn nen a chetdan chuan min ti hlau a, a hma aiin ka khur nasa a, ka thin phu pawh a rang zawih2 mai. Ka trap chhuak hawk a, ka trap ri a hriat takah chuan thaw chhuak hawkin min rawn pan a, a awmah min kuah bet nghal thlawp.









Ka khur nasa lutuk chu ka kut hi a che reng a, ka taksa pawh a bang bik chuanglo. "Bawihi ka tihpalh" ti supin a awmah chuan min kuah nghet sauh a, ka trah a chhuak tulh2 thung. "Trap tawh suh le" a tih pawh chuan ka la trap uar sauh2. "I khur nasa lutuk" ti supin min la hrang hlek a, ka hmai ka mittui vanga huh zet chu a kut phah lian zet chuan a tuai a, kala trap reng tho. "Bang tawh rawh le" dam zeta tiin ka hmuiah chuan a rawn fawp hmiah. Min fawp reng chung chuan kala trap char2 a, min trah ban tir tum ni awm hrim chuan min fawp a, kala irh awk2 tho. A inlak hran rual chuan ka insut ri hlawp2 a, ka kut khur dar2 chu lain a hun vawng2









"I bulah ka awm tawh hi i him tawh ania, kan haw tawh dawn ania aw..?" ka bianga min rawn chukin a ti a, trap bang tawh mahila ka mittui ala luang reng. "Khapa kha" ka tih triau chuan ka bianga khawihin min en a, ka thusawi ngaithla turin a inring hle tih a hriat. "Ihh, college a ka thriannu pakhat hian khami ni khan ka lu nat vanga hotel a awm angah min sawi a, mahse washroom a ka awm lai khan kut ka sil zo tu emawnin rawmawl in ka ka a hup a, chuan ka harh leh kha chuan hotelah chuan ka lo awm daih a, mahse ka thriannu sawi dan kha chuan hotelah ka lu nat vanga room kan book thu angin min hrilh a" ka tih chuan chik zeta min enin "Dawt a sawi i tih tumna em ni?" a tih chuan ka bu nghat2.







"Diktak chuan khami ni khan ka lu anat awm ka hrelo. Ka harh leh phei kha chuan ka taksa hi a na threm thrum a" ka sawi zawh hma chuan min kuahin sawi tawh suh ti ni awm ang hrim chuan min kuah nghet a, a inlak hran leh rual chuan "Tunge i thriannu chu a hming?" a ti sup a, a thutak run mai. "Stacy" ka ti sep a, lu bu nghutin ka hmaiah chuan a kutin min khuap leh run tawh. "Engtin nge in rawn lan thut theih a? Kawngkhar atrang in rawn lut si lo a" ka tih chuan thaw chhuak huai2 in ka kut la khur der2 chu a kut lian leh lum zet chuan a hum a "A rawn kal dawn tih kan hria alawm.. Duh aiin kan rawn thleng tlai zawk anih kha a pawi khawp mai. Kawngkhar atranga kan rawn luh loh chhan chu bang atrang kan rawn lawn liam anih kha" a sawi zawh rual chuan a nui sup. Mipa puitling thrah banga lawn zun2 lai hmu tu an awm chuan an nuih nasa ngawt ang.









"Zaninah haw nghal ang aw...?" a tih chuan ka bu nghat a, thawmhnaw pawh min pack tir lo chuan min pawm chhuak a, midang lo awm te chuan min en haw2 hlawm mai. Ka zawi bawk nen ka hnial lemlo. Hepa pui lah hi biakloh char2 ka tum a, ka chunga a thiltih avang khan, haw san daih ania kalo tum. Mahse reilo teah ka thinrim na hi a tireh zel, ka lo hmangaih hnehsawh lutuk anih dawn hi. 'Ka hmangaih kehthei dawma ka dawm' a tih lai kha ka mitthla a, kha thu tlem te a sawi khan min ti hlim takzet.









A car zawn kan thlen chuan eng ngemaw hi a hmet zeuh a, a car chu a eng nghal pup. He car hi a thar ani ngei ang. Hmalam kawngkhar chu hawngin min nghat thla a, kawngkhar kharin car chu a hel a, driver seat a rawn thru lut ve nghalin a car chu a ti nung a, a inkhalh chhuak nghal. A car khalh lai chu ka en reng a, a ban chu sek tak ani. A dul vel pawh ka hmu tawh a, six pack a nei a, a sek thra em2 bawk. Mahse a tenawm ve lemlo. Sek over ang ho hi chu ka ten, mahse Thomas hi chu a tawk chiah. A tshirt dum body fit chu a inhmeh em2 a, a sana light in a chhun zawnga tle set2 te nen lam chuan thlir nin a har.








"Min en chhuak dawn tawh em?" a rawn tih chuan mit ka khap zawk. Tukverh lam chu ka hawi nghal daih a, a nui ri chu ka hre nghal zat. Ngaihthlak nuamlo zawk2 anilo. In kan thlen chuan kawngkhar ka hawng a, ka chhuak nghal. Garage lamah a park dawn vangin chulam pan chuan a tlan lehnghal a, inlam pan chuan ka pen chhet2 a, ka zawi lutuk chu ka kal sawt hleithei meuhlo. Min rawn pawm thut chuan ka au thrat a, in lam chu min panpui nghal vawk2. A room lamah chuan min chhoh pui nghal a, khumah min dah thla dawp. "Ka ngaih tawh zia che hi i hria em?" sexy zeta ti in mit ti zim sun chuan min melh a, ka sa chhuak vek. Thil dang chu ka melh kual zek2 ringawt.








"Min hrem rei zia kha i hria em?" ti supin khumah a rawn lawn a, ka kawngah min kuah nghal chat. "Awmsawn rawh" chil len khawlh chuan ka ti a, a nui suk ringawt. "Ka hmangaih che tih hi hre reng rawh" ka hmai zawnah chuan thaw lum ham2 in a ti a, ka damlo kawr hak chu a pawt chho a, bra ka halo a, ka awm chuan khuh tu a neilo nghal. Keipawh chu ka thawk a diklo a, ka za chuai2 ani ber. "I nalh lutuk" ti supin ka awm chu a fawp kual dan2 a, ka thaw chhuak hawk. A kut chu ka kekawr chhungah zen lutin ka kap chu a nuai ne2 a, tha reng ka nei tawhlo. "Thomas" tham chhela ka tih chuan ka hmuiah min rawn fawp leh nghal chawt a, ka chhanlet chuan min fawp uar sauh. Ka kap a nuai tel vang chuan ka che leh sek thrin a, ka nuam tih vang ani mah zawk. Min pawngsual tupa hi tunah hian hetiang thil hi ka tihpui mek chu ania, ka in awihlo hial zawk.







- End of Chapter 17 -

(Ka lu ana lutuk ka zawm thei tawh thlawt lo, ntkah lo in ehem tawh mai rawh se🙊😂)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)