Chapter-17
by_MrsBabe Khawlhring
*Fiona Lalhlumawii Pov*
Ka hnungah minlo zui mai ka rin nen ka hawilet chu Johana hmel aw zawng ka hmulo...Tinge maw min ngaihsak loh em em le...
Ka nu in ka rilṭam tawh leh tawh loh minlo zawh chuan ka rilṭam loh thuin ka chhang vata,in tih fai ka duh thu sawiin room lamah ka lut vat...
Ka rilru te te chuan Johana khan minlo umzui anga,hetia ka awm chhan tehi min zawh ka rin tehlul nen,mipa dang chu nise ka lo ngaihtuah dan khan an tih ka ring,,,a zei loh vang ka ti dawn nge hepa hichu a danglam ve hrim hrim zawk ka ti dawn,,,ka hrethiam tawh biklo e a...
Bathroom-ah lutin,tub-ah chuan ka in chiah dai vang vang a,ka thin hi a rim hlur mai...Bathroom kawngka rawn kik tu an awm tih ka hriat chuan ka chhang duhlo hrim hrim...Johana a ni tih ka hriat phei chuan ka hrelo der tlat...
Ka inbual zawh hnu pawh chuan ka chhuak lawk duhlo,a hmel hmuh tehi nuamlo ka ti zo vek,a Delhi kal tur hi huphurh ang pawn a awm ve miahlo hi amak kati...A hmelah a ti lang lo chu thuhran,ṭawngka tal pawn a huphurh thu hi a sawichhuak lo reng reng...
Bathroom-a inkhung reng theih ni heklo le,,,ka chhuak ta ngei ngei...Johana hmel ka hmu nghal zat bawk,bathroom kawngka zawna stool awmah chuan alo ṭhu renga,min hmu chu alo dingchhuak vat...
Melh pawh melh ṭha duhloa kal pelh mai ka tum chu,"I harh sawt em?"a rawn tih sup avang chuan ka ding leh rih,tuna ka mood nen a thu rawn sawi chuan minti thinrim zual,chhan pawh chhang duh lovin ka kal daih...
"Fiona tinge hetianga i awm a?nuamlo ka ti ania"ka hnunga min rawn zui paha alo tih chuan,ka la ngawi tlat..."Kan inkarah hian buaina a awm ka duhlo ania,i lungawi lohna chu min hrilh teh"alo tih leh sup pawh chuan dressing table lam panin ka ṭhu thlaa cream ka in hnawih mial mial...
Johana chuan minlo zuive zela,,,ka ṭhutna bulah chuan alo ding reng,hahthlak tizeta min en vang vang hnuah,,,"I ngawih tlat phei hichuan ka awm iti nuamlo leh zual ania...Tinge hetia i awm?"ngen ngawl zet hian alo tih leh a,ka thaw hak...
"Min be tawh suh"ka tih hmuk chuan ka chhan dan chu mak a ti deuh nge ni min en vung vung ringawt...
Kan room kawngkhar rawn kiktu an awm avang chuan ṭha deuhin kalo chhawn a,ka nu alo ni,,,"In hman tawh chuan chaw ei ang u hmiang,Matei leh Mama pawh anlo haw tawha"alo tih chuan...
"Nu,chaw ka van eichak love mut hahdam ka duh deuhva"ka ti sep,ka nu chu room chhungah chuan lo lutin min ngaihtuah hmel zetin min rawn pan hnaia,ka pang alo khawih vat...
"I damlo ami?"alo tih chuan,"Damlo love,vawiin damdawiin lamah ka chauve deuha,ka mu hahdam anga ka zia mai ang"ka tih chuan,,,"Awle,i rilṭam hunah i ei anga nimai lawm,rai lai hichuan nawmsam loh deuh pawn damdawi ei ngailo zawnga awm hram hram hi aṭha ania,lo mu hahdam rawh aw"dam diai hian ka nu chuan alo ti a,ka bu nghat...
Johana en pahin,"Bawiha,lo chhuak rawh aw"ti lehin ka nu chu kan room aṭang chuan a chhuaka,ka nu a chhuak chiah chu,"I awm a nawm loh vang ami ka chungah i thinrima?"Johana chuan alo ti sup,amah ka en chuan chiang zet hian minlo en reng...
Chhan pawh chhang duhlo chuan khum lam ka pan san daiha,,,minlo zui ve zel lehnghal...Khuma ka mut hnu pawh chuan khum bulah chuan alo ding renga...Min be leh tawh biklo...
"Chaw eitur chuan va chhuak ta che"saisir zawnga mu reng chunga ka tih chuan,thawm a awm loh danah Johana chu a chesawn miahlo tih ka hre thei...
A dinna lam hawizawng chuan ka in her a,minlo melhchhuk run mai...ṭhu chhuakin,,,"Chaw chu va ei rawh"ka ti leh deuh hap chu,,,"I ei loh chuan ka ei biklo ang"ti pahin khumah chuan alo ṭhu a ,ka hawisawn nghal hmak...
"Ka nu ten an ngaikawi ange,kan inhau emaw an ti ang..Va ei rawh"ka tih leh chuan,,,"Kan in hau chu a ni mai lo mi?ti hian i thinrim chhan i sawi hma chu khawiah mah ka kalsan dawnlo"alo ti nghet ta bur chu..."U Johan"ka ti deuh vak...Engah mah ngaih loh hmel deuh hian a mitko min san khum uk ringawt...
"Chaw chu va ei mai mai teh"ka tih leh hlak hlak chuan,"Kan pahnihin va ei ang"a rawn ti thum bul ringawt,,,"Ka ril aṭam hleinem"ka tih chuan..."Anih chuan keipawh ka ril aṭam biklo anih chu"alo ti awlsam leh ét mai...
Thawchhuak hak pahin khumah chuan ka mu thlaa,Johana pawh chu a rawn muthla ve vat...Puan sin ṭha sauh sauhvin min hnaih chétah hian a rawn mu a,,,ka tum bàr mai...
Insi rial chuan reifé chu tumah in belo ve ve in kan mu a,ka nu tepawn chaw ei turin an rawn au tawh bik miahlo chu mak kati...
Johana chu a saisir zawng chuan a mu a,a kut chu a bëkah chuan adaha,in dawmkàngin min thlir reng ringawt anih chu..."I thinrim chhan i sawi peih tawh em?"zawi supa alo tih chuan,ka nernawng mai...
"Ka thinrim hleinem"ṭha deuh chuan ka tive maia,amah en duh lovin ceiling ngawt chu ka thlir..."Anih tinge tiang hian i awm?"alo tih leh sup chuan,,,"Ka hrelo"ka ti ta ringawt...
"Ar ho chu i thik viau a mi a?"a lo tih thawp leh sup chuan,,,"Tu in nge ar ka thik ti a"ka ti chang fak..."Nichin khan ,'Ar ho chiah i ngaihtuah'min ti sia"alo tih chuan sawi tur pawh ka hre tawhlo...Mi hnial dan tur hi avan hre ṭhin tak...
"I phur viau em ni a?"ka tih deuh sep chuan,"Eng ah chuan"alo ti vat..."Min kalbo san...Ka tih Delhi ikal tur hi"bah niaia ka tih chuan...Johana chu a rawn thaw hawk..."Ka phur hmel iti em ni?"ti a min zawh let chuan,ka bu nghat...
"Teuhlo mai,ka phur teuhlo...theih chu nise kal loha nangmah zawk inchawm tir mai che hi ka duh...Mahse pi leh pu te hunlai aṭang tawh khan mipa in hmeichhia an chawm zawk ṭhin anih kha,,,pasal ka nihna angin i tan pasal ṭha tak nih ka duh...Kan fa lo piang tur tana pa ṭha tak nih nen"alo tih charh charh lai chuan a ṭawng zawnga a hrawkbawk lo che ṭhin chu ka en reng...
"Kum1 em em te chu a rei dawn em asin"ka tih leh chuan..."Min ngai dawn a mi?"kiaisuk pah hian a rawn ti a,a kut a bëk a dawmna chu la thlain minlo kham tira,tunah chuan kan inhnaih leh zual tawh takzet...
Ka lu thing vatin,"Aih,ka ngai dawnlo che"hrawkbawk chunglam chauhin a ni ka sawi...'Ka ngai dawn lutuk che'tiha kuah vawng vawng ania ka chàk...
"A ṭha alawm,mahse keichu ka ngai dawn che"ka beng bula a rawn tih sup chuan ka hresual emaw ka ti hial,ngawi rengin Johana chu ka va en a,hnai zetah hian minlo en ve reng..."Ka ti tak tak ania,nangmah vang hian tunah pawh hian ka rilru a insual buai nasa tih hi hre ve hrim hrim la ka duh...Kalsan che ka duh lohna zat chiahin Delhi kal hi ka duh bawk si...nangin hetianga min awm khum phei chuan hrehawm ka tih dawn zia hi ngaihtuah ve la"dam dupa alo tih leh chuan...
Ka ngaihtuaha,ka awmdan vang hian ka inthlahrung takzet,,,Johana'n hmalam pan tuma ke a pen mek laiin a ke pen tih tawp saktu ka ni thei tihhi kalo hrelo a ni...Eng rilru pu in nge maw hetianga naupang chhia zeta kalo awm reng reng ni...
"Ka tihpalh"ka tih sep chuan,,,"Ngatimaw?"a rawn ti vat..."Hetianga awm tur hi ka nilo asin,min awmbo san tur hi ka huphurh em a"ka tih leh sar sar chuan,,,"I chak tawh viau kalo ring asin mawle"ti supin a rawn nuichhuak hawk...
"U Johan,,,i tello chuan ni hi a rei ka ti ṭhin...Damdawiina ka awmlai tehian in lama rawn haw vat hi ka chak ṭhin,a chhan i hria em?"ti ka zawh chuan a lu alo thing nghal vut...
"A chhan chu i bula awm vat vat ka thlakhlel ṭhin vang mawle...i bula ka awm hichuan lungngaihna leh buaina engmah ka nei ve ngailoa,rilru nuam deuhin ka awm thei ṭhin a...Chuvang chuan ania min awmbo san tur hi ka hreh em em"ka tih leh hap chuan...Johana chuan uluk zet hian min en a...
"Nikhat lek pawh i tello chuan a rei ania,kum1 phei chu a rei kati dawn l,,,"ka sawizo hmanlo Johana chuan min rawn kuah thut anih chu,,,ka hamhaih lutuk chu ka khawng ut in ka hria...
"Engmah sawi tawh suh ka rilru ka thlak palh hlauh ange"ka beng bula rawn ti sup pahin a in la hrang riai riaia,,,"Tinge i sual em em a?"a rawn tih leh sup chuan mak ti deuhin a mah chu ka en...
"Kum1 chu kan ti nek nek anga,a ral thuai mai ang...Lungngai mah ta che ninawm khawpin ka rawn be reng zel dawn che alawm,,,min hne lutuk hi i phun reng zawk mai ang"alo tih leh chuan a hmelah min tih phur a tum zia ka hmuh avangin ka nuilui sap....
"I sawi ang chuan lo ti ṭhin tak tak ang che"ka tih vat chuan,a rawn bu nghut...Johana chuan min en vang vang hnu ah a vawikhatnan liau liau ka chhipah hian a rawn fawpa...a inlak hran hnu chuan "Ka ril aṭam tawh,,chaw va ei ang"a rawn ti daih anih chu...a vahan sual thei tak...
"Tlaiah khan naupai hovin an ei ṭhin vitamins i rawn hawn a ni lawmni"khum aṭanga tho chhuak paha a tih chuan,"Ilo en ami a?"ka ti vat chu alo bu deuh nghut...
"Damdawi eiṭhat viau i ngai dawn ania,doctor inia naupai lai tana thil ṭha chu i hre viau ang...Chaw chu va ei ila chuan damdawi hi i ei dawn ania"a aw ah chuan a thutak hmel ve viau...Min ngaihtuah tih ka hrethei bawk...
"A ṭha alawm"ti pahin khum aṭang chuan ka tho chhuak ve a,nichinah kha chuan ka thinrim vang nge ni ka ril kha a ṭam miahlo ania...Tunah chuan ka pum pawh a rí thei ta alawm...
Room aṭanga kan chhuah dawn lai chuan,,,"Naupai lai chuan thinrim loh hram hram a ṭha ania,naute tihtauh hrat deuh kan nei palh ang"Johana chuan a rawn ti sup,ka ngei lutuk chu ka ner nasa mai...
Room aṭanga kan chhuak chiah chu ka nu leh pa,Janei leh Jamesa te tv room lama ṭhu hochuan minlo en ṭhap..."Bawihi kha i rawn tho peih maw,i zia deuh tawh a mi a?"ka pa in a rawn tih chuan,ka zia tawh thuin ka chhangve maia..."Damdawiin boruak hichu zawh loh hi a awl ve em alawm"Janei'n alo ti ve vat bawk...
"Bawiha nichin khan chaw eitur khan ilo chhuak ta siloa"ka nuin alo tih chuan,,,"Tunah kan ei dawn alawm"ka bula ding pa chuan a ti vat...
"An nu tello chuan a ei peih lo ve anih saw mawle,hrethiam ve ta che saw an ei mai dawn a lawm"ka pa in alo tih chuan,ka nu chu a nui deuh sun sun mai...
Johana nen chuan chaw chu kan ei a,ka la eihnem em em zui...Puar lo nawm zia hi aw...
________________________
"Hun hi avan kal chak tak naktip lawkah Bawiha'n Delhi lamah min chhoh san tawh dawn chu ania"ka nu in a tih chuan,ka nuilui deuha,,,thinlung taka nuih erawh ahar viau mai...
"Ka u chu ka ngai nghal reuh eee"Janei'n alo tih chuan ka pa alo phun hluk,,,"Kan Johana hian a peih rei dawn teuhlo mai karkhat hnu velah alo haw daih mai ang"alo tih chuan ka nu a lungawi loh hmel khawp mai...
"Nang lahhi a ṭha zawnga thilsawi hi ineilo reng reng,Bawiha awmlai phei chuan sawi reng reng suh ang che"alo tih chuan ka pa chu aphun hluk hluk mai...
"Bawihte vawiin chu a mamawh tur vel lamin i chhuahpui dawn maw?"tiin ka pa chuan minlo zawt daiha,ka bu nghat..."Heiha,,,Hana chu aww,,,a rilru han thlak leh thutse ka van ti em"ka pa chuan a ti deuh vawng vawng...
Kei ai mah hian ka pa zawk hian Johana awmbo tur hi a huphurh zawkin ka hria...
Chaw eilai pawh chuan ka pa chuan Johana chu a thlem a thlema,ka nu alo khak char char,,,"Hana,i awmbo daih chuan in nu nau pai lai a ni bawk sia...Dawr min nghah pui zawkla hlawh pawh thla tin bonus ka pe ang che"ka pa chuan a han ti leh ṭhin..."Aaa"Johana chuan a ti sup ringawt
"An nu pawn kallo turin a tilo ania,nang a pa zawk zawkin khatia i tih reng le,,,ṭha zawnga fuih tum reng renglo mai,,ni lawm ni FionaBawihte"ka nu in alo tih chuan,ka lo nui ṭhaw ringawt...
"Nang lah hi"ka nu en pahin ka pa chuan alo ti a,"Fionai pawn engmah a sawi lova,nangin ilo sawive chhen kha angailo reng reng,,,hneawm zozai lutuk...A kal hun ahnai tial tiala Bawiha rilru pawh a nuamlo vek anga sin"ka nu chuan a ti leh a,ka pa chu chaw thleng pawh thawh pui lovin a tho hluaia, a kal nul nul mai...
"Patling pui si hi,,,i pa awmdan hichu a buaithlak ṭhin emai"ka nu chuan a ti deuh hap..."Ka u a awmbo vawikhatna tur ania,engtik lai pawn inhnial reng ṭhin an nia a awmdan hichu a awmlo hranlo"Jamesa'n alo tihve ngei chuan,"Lehlamah chuan nive tho mai"ka nu pawh chuan a ti ve mai...
Chaw eikhamah chuan Johana nen chuan bazar turin kan chhuaka,motor chhunga ka ṭhut luh hnu chuan Johana chuan ka vitamins ei ṭhin chu minlo pe a,mak tizet chuan ka en,,,"Chaw eikhamah khan i eilo a,kan tlanchhuah hmain ei lawkla"ti pahin tui bottle minlo pe leh a,tui bottle chu ban pahin,,"Ka lawm e"ti sepin ka ei nghal vat....
Kan tlanchhuah hnu chuan,,,"I haihawt dawn riau mai,damdawi i ei theihnghilh thu hrilh tur che in ka awm tawhlo ṭep ania"nuisuk paha a rawn tih chuan,"Hei vang hi alawm ka huphurh"ka ti chhuak sep chu Johana chu a nuilai a tawp vat...
"Ka fiamthu anih kha,i theihnghilh tawh biklo ang chu...Rin tur kan neih hichuan hetiang hian kan awm ṭhin alawm"alo tih chuan,,,"Ni e"ka ti hap ringawt...
Vawiina bazar tura kan chhuah chhan pawh hi Johana hian a mamawh tur ang hi Mizoram aṭanga ken kher a duh vang a ni,Delhi lamah awlsam zawkin a lei thei dawn reng ania,duhdan tê hi a neive ṭhin sia...
A mamawh tur ang kan lei kim hnu chuan dar12:30pm alo rî der tawh,,"I hah tawh em?"alo tih chuan,ka hah loh thuin ka chhang vat...
"Khi lai dawrah khian lut lawk ang"tiin kan chhak lawka awm building lian deuh chu a kawka,ka en chu naupang thawmhnaw zawrhna alo ni...
"Enge kan tih ang"ka tih chuan,min chhang lem lovin Johana chuan kan thil lei hochu motor hnungah chuan a dah lut zung zunga,a dah luh zawh hnu chuan a dawr sawina lam chu kan pan vat...
Dawr chhungah chuan nau pianghlim hak aṭanga naupang kum15 chin thleng hak tur thawmhnaw leh pheikhawk chi hrang hrang a tam ngang mai...
Dawr nghaktute chuan minlo chiau au vata,Johana chuan naupiang hlim thawmhnaw mipa leh hmeichhia hak tur an neih leh neih loh chu a zawta,an neih thu anlo hrilh vat...
"Minlo nghak lawk ru aw,kan la khawm ange...Duhthlan tur kan ngah bawka in duhthusam ber in la dawn nia"nula chuan nuisàng hian alo ti a,Johana chu a bu nghut...
"Ngatan nge?"a beng bula ka va tih ruk sar sar chuan,"Kan naute tan mawle"alo ti vat,,,"Mahse,phir an ni hleinem"ka tih leh sep sep chuan,"Chute chu ka hria lawm,mipa nge hmeichhia a nih dawn kan hre silova,a pahniha lei ka duh alawm"a rawn tih chuan ka nui ta ringawt...
Diktak chuan kan naute gender hi hre lawk thei reng kan ni ,mahse ka duh loh avangin ultrasound ka tih chang pawn min hrilh lawklo turin ka hrilh ṭhin...Kan damdawiina thawk nurse ṭhenkhat phei hichuan mipa nge hmeichhia anih an hre tawh hlawmin ka ring...
Dawra thawk nula khan nau pianghlim kawr chi hrang hrang hi Johana chu alo entira Johana chuan pahnih chu a thlang nghal vat..."Thla1 leh a chave chauh ala ni sia,tunah lei kher angai em ni a?"dawra thawkte hriat loh tur chuan ka ti leh dèk dèk a,,,Johana lah chu naute kawr chu kengin a khi vur vur mai...
"A pian hunah ka awm thei dawn silova,,,hmeichhia anih chuan a senno hi inlo hak tir anga,mipa anih chuan a pawl hi inlo hak tir dawnnia"minlo en paha alo tih chuan dawra awmve te chuan anlo en nasa mai...
In lam pana kan haw hnu chuan Johana nen chuan kan ti ti renga,,,thu ho mai mai sawi pawh hian kan ti ti ve thei phian ṭhin...
___________
Naktuk lawk Johana kal hun tur anih tawh avangin tlai lamah a thla hualna ni pah fawmin tiin chhungkhat laina hnai tenen chawhlui kilna hun kan hmang dawna,zingkar aṭang kan buai nak nak khawp mai...
Johana cousin hmeichhe ṭhenkhat leh Janei ṭhiante hoin minlo pui bawka,kei erawh ka che vaklo thung,,,tlaiah chuan ka nu leh pa te pawh an rawn chhuk ve a...
Johana pi(apa nu)Zemabawk a mi pawh alo kal ve vang vang bawk,,,tu pawh mai chuan tlai khaw hnua Johana inhmuchhuak chu an lawmpui thu a khàt tawkin an sawi reng mai...
"Hante,nang pui hi lunglen tekha ilo la ná viau ange aw,,,thla pawh i awm tlin hmain i rawn haw ringawt ange"tiin Johana chu an fiam deuh dar dar a,"Niang chu mawle,,,Kan Johana hichu lungleng chi a ni dawn tlatin ka hria"a ṭhenin an ti bawka,an nui deuh dar dar mai...
Mak deuh mai chu ka pa(Johana Pa)erawh nidang anglo takin a ṭawngtam lo hlê a,a khàt tawkin a rawn nuive ṭhin chauh a ni...Zing aṭang tawhin ka pa awmdan hi amak takzet...
Inleng ho an haw vek hnu chuan chhung inkhawm kan hmanga,Johana pual liau liauin a ni deuh ber,,,Ka pa chuan ṭawngṭaina ah Johana naktuka Delhi lama a kal tur chu a hlan thlapa,,,chhung inkhawm kan hman zawh hnu chuan a tlaive tawh deuh bawknen kan room lam kan pan nghal ṭheuh hlawm...
Johana inbual hlan chuan a thil ken tur ho leh a thawmhnaw ka siamsak sa chu a kim leh kim loh ka en ṭha leh a,a kim vek chuan ka hria...
A bungrua in pack fel thlap tawh ka hmuh phei hichuan chhungrilah hian engtin emawni tak hian ka awm tlat...
A inbual zo alo chhuak chu,,,a closet lam a pan hma chuan,,,"Lo la mulo lawk rawh aw"a lo tih chuan,"Ngati?"ka ti vat..."I hre mai ang"alo tih chuan,"Awle"ka ti ve maia,a rawn kiai suk mai...
A inthlak zawh hnu chuan a phone hi a rawn keng pheia,ka bula rawn ṭhutthlak pahin a phone chu minlo pe a,a phone chu ban pahin"Ngatan?"ka tih chuan,,,"Thla kanla la dun miah lova,thla la ang"a rawn tih chuan,mak kati lutuk chu Johana chu ka hau in ka en...
"A tlai tawh ania,la vat ang" alo tih leh chuan,,,phone chu hmet eng in camera-ah chuan ka luta,phone ka lek kang chiah chu ka lung a chhe deuh tlat,ka dahthla leh rih chu Johana chuan,"Tinge?"alo ti sup..
"Nangman keng zawk teh"ka tih chuan mak tih hmel zet hian ka kut aṭangin phone chu alo la ve maia,thla kan lak dun lai chuan kan pahnih chuan kan nuisànga...A mawi takzet...
Khuma kan mut hnu chuan kan inbe tawhlo ve ve a,naktuk zing khua hi var theilo se ka ti takzet...ka mu theilo chu ka in let kual sek a...Johana pawhhi a muhil thei bik chuang lovin ka hria
"Ka lo kuah ang che chu"alo tih sup takah chuan,engmah sawi lovin alamah chuan ka tawlh hnaia min rawn kuah vat bawk..."Muhil tawh rawh"alo tih sup chuan a awm ah beiin ka mit ka chhing vang vanga,ka chhip arawn fawh lai chuan ka thla amuang ngawih ngawih...
__________
Zingah chuan kan tho hma hlawm khawp mai,,,dar6:30 ah thlawhna a chhuah dawn avangin,dar5:15 velah Lengpui Airport lam panin kan chhuaka,ka pa tih loh chu kan kal vek...
Ka pa chu ka nu in a tih luih ngial pawn alo kal duh tlatlo,pawn thleng chiah a rawn thlaha,Johana'n nuamlo a tih ka hlau takzet...
Jamesa'n motor a khalha,a hmaah Janei a ṭhu bawka,a hnungah kei,ka nu leh Johana kan ṭhu a,ka nu chuan Johana chu theihtawp chhuah turin a hrilh mawlh mawlh...
Dar6am pelh hretah Lengpui Airport chu kan thlenga,Checking an tih hma chuan Johana chuan,,,"In enkawl ṭha la,damdawi ei theihnghilh lo bawk la,,,ka nu leh pa te pawh lo duatla,,,chuan ar ho pawh lo enkawl ṭha viau rawh aw"tiin min chah mawlh mawlha,,,ar ho a sawi tel kha ka ring leh reng a ni...
Checking point-a a kal hnu chuan ral aṭangin kanlo thlir renga...Johana chuan a khàt tawk hian a kut alo vai zeuh ṭhina,ka nui lui hram hram a ni...
Thlawhnaa a luh hma chuan kan vaiin thla kan la ho a,hlim a har ka van ti si em!...
A luh dawnah chuan,"In enkawl ṭha ang che,i hria em?ka thlen velleh kalo bia ang che...lo damlo lo la"a ti leh a,,,"Nangpawh,,,in enkawl ṭha rawh aw"ka tihve chuan alo bu nghut...
Ka dar a chelhna kut chu ala thlaa thlawhna chhunga a luh hnu chuan ka ruak vek hian ka hria...
An thlawh chhuah hnu fê ah chuan kan haw chauh a,inlam pana kan tlan lai chuan,glass down-in thlifim ka in chhem tira,mit ka chhin vang vang chuan ka mitthlaah Johana alo lang nghala,ka ngai nghal vawng vawng mai...
(END OF CHAPTER-17)
A kaltluang par par ṭhin lutuka,a boring ang tihhi ka hlau ṭhin
,,,a sei viau chuan ka hria...
Comment-na tur link
https://www.facebook.com/groups/9913546 ... 116257641/