Addicted to her Chapter - 26 ( Fate or love?)

Episode kal lai dah luhna

Moderator: writers

Puibawihi_lh
Posts: 36
Joined: February 17th, 2022, 10:30 am
Location: Somewhere in earth
Contact:

Addicted to her Chapter - 26 ( Fate or love?)

Unread post by Puibawihi_lh » July 2nd, 2022, 11:20 pm

Addicted to her - 26

Who will win? Fate or love?

Love is the seventj sense that destroyed all the other sense and make a person senseless

Niana's P. O. V

Pawnah chuan boruak dawng tur cuan ka chhuak a, dawr têah chuan ka kal vat a, ka hmuh hmuh chu ka la tawp . In lam pan chuan muangchang hian ka kal a, kalkawnga motor lo tlan liam chu hriat loh lai hian ka lo en leh vung vung thin a.

Inah chuan ka ho leh ta ngei ngei a, Celia leh Miko pawh an lo ho leh tawh, “ Khawi nge i kal a? ” ti chuan min lo be vat a.

, “ Hei dawrah thil ka lei lawk a. ” ka thil lei lek kang va pah chuan ka ti a.

, “ Aw, lo sawi ve mai tur lom. Kan chhuak reng sia, ”

, " A pawi lo, ka chhuak ve duh deuh hrim hrim a. ” nuih luih pah chuan ka ti a.

, “ Kan chho phawt a nge aw. ”

Huphurh hle mahila ka peh hel avangin a âwm reng dawn pawh a ni chuang si lo.

Room pawnah chuan a nui ri mawi tak ka hriat chuan ka ding chawt a, mi tawng dang hian a be deuh sa sa a, mipa aw pawh chu ka hre nghal zat. Ka hriat miah loh chuan ka bag ken chu ka lo hum ruh leh hle tawh a, lut lo chuan kawngkhar pawnah chuan ka ding ta zawk a.

Ka thinlung chu a vawt deuh nghal rawih a, a keh chhia ni ber hian ka hria. A Hmaa mipa nen an thlalak vel ka hmuh kha ka hrechhuak zuai a, ka lo theihnghilh deuh tawh a lom le.

A nui ri her her chu a mawiin beng a ti tlai ngei mai, mahse midang vang a ni tih ka hriatna erawh chuan ka thinlung hi a ti nâ ngawih ngawih. Ka kianga a awm a a nui hmel a bo vek lai te ka hriat chhuah chuan a nâ zual deuh deuh.

Thawk chu ka la deuh kawk a, ti em em hian a nâ thei tih ka hre ngai lo. Ka thinlung hi darthlalang ang mai a ni, vawi tam tak dimna nei lek lo in a hnai sa a, a keh thei tawh lo maw ka tih hnuah pawh a la chhiat belh zel chu a nih hi. Mahse, chu ka thinlung nâ chu ka hlauh ber ni loin a keh themin a hliam ang tih hi ka hlauh ber a la ni ta fan a.

Enga tinge? Vawi engzata tam eng ang pawhin min ti nâ se a hnena let leh hi la duh tlat zel.

Va luh a 'Tu nge a mi biak chu a nih' tih va zawta, an in biak pawp theihna zawng zawng dang chah vek aia chak ka nei lo. Mahse, ka va luh veleha a nui hmel bo tur ka mitthla mawlh mai chuan min chet sawn tir ngam thlawt lo a ni.

Thawm dim thei ang berin balcony lam chu ka pan ta zawk a, curtain a zar daih tawh avangin a in khar phui lohna lai atang chuan a hmel lo lang ruai chu ka thlir vawng vawng a. Chair-a thu a  , a tawng zawnga a kutzungtang mawi tak mai chuan pen chu dawhkanah chuan khawng ri zeuh zeuh, nui eeuh sen sen hian chair chu a tivir a.

Chu mipa nih chu ka chak tak zet, chu mihring hlim taka nuih tir thei Tu nih chu ka duh. Chu pa hlau miah loa a kuah ngam a, mi hmuh pawh hlau loa a kut a chelh sak ngam chu nih ka duh. Ka thinlung chu thikna hian a lo luah khata.

A chang chuan ti nge mipa ka lo nih zawk lo le ka ti rum rum thin, mipa chu ni ila huaisen takin ka kut hi a vuan ngam ang tiraw? Ni ila tun ang hian ka awm lo ang, tuna a thinlunga ka dinna pawh hi ka hre lo. A changin min pawt hnai a, a changin min nam sawn leh lawi si.

Balcony-a thutna kan dahah chuan ka thu a, bang nghen chuan ka mit chu ka chhing vawng vawng a, keimah leh keimah hi ka insit ngawih ngawih .

......

A hnu feah room- ah chuan ka lut a, a lo mu leh diam tawh. Ka kawr chu ka thlak vat a, khum hmawr takah a mut avang chuan a sirah chuan thingthi hian a hmai chu ka chul ka chul a.

Heng zawhnate hi zawh ka chak ngawih ngawih.
Ti nge tikhawpa hreawm hian min siam? Enge ka tihsuala ti em a min chhaih buai?

A hmel duhawm tak maia ka khawihna kuta duh loa zawhte thinrim ang maia a ner deuh nang ka hmuh chuan ka hriat miah loh hian min lo tinui leh ver ver tawh .

Muangchangin a hmui no chekah chuan ka fawp a, “ Ka hmangaih che ” ka ti deuh sup a, ni e he hmeichhia hi ka hmaingaih. Ka chapona zawng zawng leh ka inlak ve na te dah thain ka kianga a awm phah dawn a nih phawt chuan thingthi pawn ka ngen mai ang .

Tunah hi chuan ka kianga a awmna tur a nih phawt chuan engkim chana, a phut apiang pek pawh pawi ka ti lo.

He thinlung hi a ta, a duh tawk a a hnaisak a, a sawisak theih turin ka chhawp chhuah tawh vang pawh a ni mahna. A ni tan chuan he inlaichinna hi infiamna, rei lo te phurna a zawnna pawh a ni mai thei, mahse kei chuan ti khan ka ngai ve thei tlat lo.


A sam chu a bengah zeh sak pah chuan, a hmel chu ka hriat rengnaa awm tlat thei tur khawp chuan ka en chiang a. Eng ang pawn ngenin bei mahila enge maw hian min kalsan dawn tih hi min hriat tir tlat a ni.

, “ Eng vanga ka nunah lo inlan deuh thutin, ka awm dan chawk buai vek turin i lo kal? ”.

, “ Tinge I sual em em a? Ka thinlungah hian ka hriat miah loin I chi theh chu a lo thang lian a, tuna pawh chhuah tum chu min thah tluk a ni . ” a chal leh ka chal chu insi chialin ka dah a, ka mittui chu a lo far leh zeuh thin.

, “ Enge ka bula I awm theihna turin ka tih ngai dawn? ”

, “ Engvangin nge engtianga tam pawh min ti nâ pawh ni la nang lo chuan ka awm theih loh? ”

Hmangaihna hi ruihhlo ang mai a ni a, an tem chhin tawh chuan thlah leh chu har tak a ni. Chu hmangaihna an tih chuan a bual â mek chu a nih hi, a mi Hmangaihin a tie atang ramri a lo kham diam tawh si. Ani hi a tan chuan ruihhlo chak tak a ngawl ka vei ang a ni.



, “ Engah nge min siam tak hi? ”

****

Third Person's P. O. V

Mi pahnih nun chu lâ zai ang maiin then hran rual lohin a in vet a, pakhat chuan a khawvel chân huamin a kianga a awm theihna tur a nih chuan beih a inhuam a. Pakhat chuan an khawvel pahnih chhe miah loa, a ngai anga a kal theih nan an thinlung keh chhiat vek pawh pawi tilo chuan a tawlh hnung ve thung.

Heharsatnaah hian Tu thuthlukna nge dik zawk a, Tu nge dik lo zawk chu teh chi pawh a ni lo. Buaina inang reng a ni a, mahse an dinhmun a inang lo ang bawkin an hmachhawn tum dan pawh a inang hauh lo thung.


Date : 2.July.22

Time : 11 : 20

Ka mit leh a mit a intawk(´༎ຶ ͜ʖ ༎ຶ `)♡, awi a nuam e˚‧º·(˚ ˃̣̣̥⌓˂̣̣̥ )‧º·˚, paradise ni ringawt . Ka hlim zia pawh ka sawi fiah thiam lo, ka ni deuh huih mai 🌼🦋



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)