HOPE CHAPTER--26

Episode kal lai dah luhna

Moderator: writers

Winter bear
Posts: 29
Joined: April 21st, 2022, 11:05 pm

HOPE CHAPTER--26

Unread post by Winter bear » July 3rd, 2022, 1:06 am

"I ṭap em ni"a awm nghêngin ka in hnit hlawp hlawp a,enge ka ṭah chhan ber pawh ka hrelo,ka ipik ṭun a,ka awmdan hi ka sawi fiah thiamlo.








"Bâng tawh rawh le,hetianga i awm hian ahrehawm ka ti ania"zawi supa tiin ka hnungah a beng dat dat a,min thlem vang chuan ka ṭah a chhuak zual sauh thung.










Ka duh tawka ka ṭah hnu chuan ka thawl deuh huaiin ka hria,ka hnar aping veka ka mitmen anuamlo vek bawk.








"Ka thlah ang che aw"dam lutuka tiin ka bânah a hmer vang vang a,ka awmdan teh thut vang chuan a hamhaih ve niin ka hria.










Inhnuai lamah in zui thla in ka kutah min kai a,ngawi renga chhuk dunin inhnuai lam thawm pawh chu areh duk tawh a,an haw darh tawh hlawm ani maithei.Inchungah khan kan awm reive ang reng nen ṭhiante hmai zah pawh ana dâwn viauin ka hre bawk.











Kan ṭhiante lo ṭhut ṭhap na lam chu min pan puiin a din rual chuan ka pen tawp ve nghal a, Tesi rawn ding chhuak chuan min lo kaiin abulah min ṭhut tira,ka bag pawh Tesi ṭhutna bulah chuan alo awm vang bawk.











"An haw deuhvek tawh a,keini pawh kan haw tawh mai ang"ding hluaiin Lawmzuala chuan ati a,midang ho pawh chuan tho chhuakin an bag eng ilo vel chu an la sap sap a.












"Inhnuaiah Hruaii leh ka nu Mary te an la awm sia Daphne hi chu kanlo thlah mai dawn mi"Zoparan atih chu ka hmaa mi chu a chek hlak a,Hruaii la awm ve reng chu alâwm hmel bik vak loh.












"Ngailo,a peih chen chen awm rawhse ka sâwm ani hleinem"chang zeta tiin ka ban rekah a hmer a,tuman chhang buai tawh lovin inhnuai lamah kan in zui thla hlawm a.












"Rinsangpui,rawn kal teh sawi dun tur ala awm"lungawi loh hmel zeta Nu Mary'n alo tih chuan ṭi dakin ka awm tawh,min vawn na phelh ka tum chuan rang fe hian min hmer nghet sauh a,chutih laia Hruaii hmel nur zet chu hmuh hmaihlo nasa tak ka ni.










"Duhtawk teh,i fapa hi tlangval anih tawhhi a duhdan in awm tîr rawh"a pa rawn chhuak phei chuan nelawm fahran loh hian arawn ti ve charh charh a,ngawi rengin kan ding ṭhap a boruak chu a rit in helai hmun hi chhuahsan vat vat ka duh tawh takzet.












"Kal ang u"ti nghut in kawngkhâr lam min pan pui a,kan ṭhiante pawh chuan hnunglamah min rawn zui ve bawk.Nu Mary phun thawm pawh tlêm tlêm a la hriat theih a,a thinrim takzet ani ngei ang.











Kan ṭhiante chuan boruak tih zângkhai tumin an in fiam vel a, ṭhiante nena awmkhawm ṭhup laia Nu Mary ṭawng kam te vang khan Rinsangpuia pawhhian aruk tak chuan aṭhiante lakah hian nuamlo ati viau in ka ring bawk.








"Lo lawn rawh le"tawitea min nuih in ati sap a,ahmelah erawh anuih zat bik loh zia a lang thung.A dara beiin nghet takin ka kuaha,a khat tawkin ka kut a rawn vawn hnan leh ṭhin bawk.








"Engkim aṭha vek dâwn ka tih kha,engmah ngaihtuah buai lo vin tuideuhin i mu dâwn nia"min ngaihtuah hmel zeta tiin ka chalah a fawp zauh a,a tlân liam lai chu ka thlir reng a,a tello a ka ruak zia bawk chu ka hrechhuak leh tawh,ka bula a awm hian ka thla amuang ṭhin a;ka hlata a awm chiah hian abula awm anawm zia ka hre chiang telh telh bawk.







Phûrlo zetin Class kal tûrin ka in siam a,nizân lam boruak ka ngaihtuah phei chuan ka ipik ṭun a,zan ka mu ṭha lo bawk nen ka lu chu a rit bur mai bawk.








Nilêngin Rinsangpuia nên kan in hmu hman mang lova,project buaipui lai an neih vangin a buai ve hle bawk.Tlai banah ka nu tarmit tur lam kawiin Counter ah ka dah nghal a,in ka thlen meuh chuan rinai takin alo tlai tawh.









"Bawihi,Nonoi hi khawnge?Alo la haw velo mi"Nutei office bangin atih chuan ka hre chhuak chiah,tûnah dar6 ari hnai tawha alo haw ahun tawh Mampuia inkhel tak ngial pawh alo haw tawh ania,ka ei rawngbawl buai ve deuh nen ka lo ngaihtuah lo reng reng.







"Kan call ange"tiin dawhkâna ka Phone dah chu banin ka call nghala,ala tlang thei mailo lehta nghal.Vawithum lai ka call hnu pawhin a tlang thei chuang lova,Gas off in Nutei te room lam ka pan zui a.









"Nu,ka call tlang thei miahlo,i call ve em"tiin Nutei inthlak lai chu ka zawt a,ani pawh chuan a call tlang thei biklo."Khawnge maw akal le,zingah a rawn tlai tur thu asawi lo tiraw"tia min en chuan ka lo bu nghut a,zingah khan engmah sawi aneih ka hrelo tak tak.










"Mampui,i u ṭhiante a len kawi na tur chi hriat in nei em"tia zawtin a aṭawng danah chuan a hlauthawng tih alang bawk,keipawh ka rilru anuam chiah tawh biklo,nidangah a leng kawi zen zen ngailova kalna tur anei anih pawn zingah a sawi lawk thlap zel bawk.










Zan dar7 rik dâwn thleng pawha ala rawn haw loh chuan kan mangang tawh takzet,Nutei leh Pa Sawma phei chu chhuat dungah an vei kual seka,a khat tawkin a ṭhiante a kalna tur awma an hriat te phone hmangin chanchin an zâwt bawk,tuman a awmna chin an hre lo .College a akawm ve ber Cindy kan biak theih takah chuan mi hmuh lawk tur aneih thu ahrilh hnua an kal hran thu in minlo chhânga,chuzawng chu chanchin kan hriat theih chu ani.







Ka rilru ah thil pakhat alo langa,thudik nilo se ka ti ngawih ngawih bawk.



"Nu,kan va zawng phawt ange ka pa te nên in ah hian lo awm ula,arawn haw hlauh chuan min rawn phone mai dawn nia"tiin Mampuia leh anau bike keng chhuakin Nonoi zawng turin an chhuak a,a kalna tur awm dap kual bak chu tih theih a tam lo viau.






"Nu,ihh englo ania...Nu Mary hian lo hmu in engkim hi a hrilh vek ani thei angem le"ka rilru a ka vei emem chu hreh deuhin ka sawi chhuak,a ṭhiannu in mi hmuh tur anei atih aṭang khan ka rilruah Nu Mary chiah a awm,a fapa nena kan inkar tihchhiat nân chuan engpawh a tih hreh ka ring lo,nizân lawka thil thleng vang pawh khan athinrim viau anihkha.









Hruaii leh a fapa te inzawm tîr atum anih chuan kei chauh nilo ka nau pawisawilo thleng hian a tihnat hreh ka ring hauhlo bawk.Chutianga mahni bialpa nu te han rin chhiat viau chu thil mawi ani hauhlo nangin a mizia ka hmuh chin aṭang hian eng em em tih hreh anei dâwn lo tihhi ka chiang thawkhat viau thung.








"Pa,Police hnênah report mai ang u"dar 9 rikdawnah pawh chanchin engmah kan la hriat loh vang chuan ka ti ta tawp.






"Ngaichâng leh deuh phawt ila,Mampuia tepawhin an hmu tawh maithei sin"pangngai thei ang bera lan tum mahse a tei kual sek danah a hlauhthawn ve zia a hriat.





Ka phone rikna lam chu hawiin ka en vata, Rinsangpuia alo ni.




"I damlo mi,tinge i aw chu"atih chuan ka aw khur deuh chu ka hre ve chiah.




"Dam,ih...englo Nonoi alo la haw lova "choka lam panin ka phun sup a,min zawh chian hnu chuan ka hriat theih chin chin chu ka hrilh a.





"Nunpuia te inah ka awm,kanlo kal ang lo awm rawh"tiin phone adah zuia,chutianga arawn ti mai chu mak tih tur nge tihloh tur ka hrethiam mailo.







Nonoi hi anau ani tih alo hre tawh renga chumi vang chuan angaihtuah nge,ka nau anih vang zawk in.Ka ngaihtuahna mumal lo zet vang chuan engmah taktak ka rilru ah a lut theilo.




Doorbell ri ah chuan kan phawk hra hlawma,hrechhuak zawkin lo kal te chu tu te nge annih hria in kawng ka va hawn a.






"Kan va zawng ve ange,Daphne hi lo kal ve se a pawi angem"Nutei lam hawia atih chuan nuamlo ka ti takzet."A ṭha lawm,chanchin in hriat ang ang min lo hrilh dawn nia"dam thlapa ka nute in atih chuan
ka thaw huai a, tawi khawmuang tawh lo in ka jacket dah chhuah sa chu ha in kan in zui chhuak nghal a.







"Khawiah nge kan zawn ang"a Bike a ka lawn hma a ka tih chuan "a kalna tur awm chu ka hria lawm"tiin a thle buka,a Bike a lawn tûrin min ti tihna anih ka ring.







Kan hnungah Nunpuian min rawn zui ve bawk a,khawpui daifem kan thlen chuan a vawt ṭan riau a,dar10 apel der tawh a kan thlen chin lah chu in awm mang tawh lohna êng pawh awm mangloh na hi ani tawh.








Thingkung lian angreng tak behchhana siam ṭhutna hlui tawh ang reng taka lo ṭhu kûn chhal chu Nonoi ngei ani,rang taka chhukin ka pan phei nghal a.







A ṭhutna lai ka thlen chuan muangchanga rawn dâk chhuak in thla êng dul tak hnuaiah chuan chianglo deuh hian ahmel chu ka hmu thei ,kan thlang deuha bike êng in min rawn chhun takah chuan a fiah ta deuh a.







A mitmeng aṭangin a ṭap nasa tih ahriata,engmah sawi lo in ka kuah thlawp a,helai hmun reh leh vawt takah hian a awm reitawh tih chu a taksa vawh thlurh danah chuan ahriat hle.







Nghet taka kuahin ahnungah ka chul a,ani erawh ala inhnit hlawp hlawp thung.






"Haw tawh ang le,kan vaiin kan ngaituah lutuk che a"a sam ahmai khuh niai tu chu hui kiang in a biangah ka dawm a,tawi te in ka nuih bawk.







"U ka tihpalh,keimah vang vek"a mittui lo tla leh chu hruk sak thuaiin "Chutiang sawi suh,engmah tihsual i neilo"tiin a bianga mittui luang chu ka kutin ka hru pah a.






"Lo kal ru ,haw tawh ang u"dam thlupa kan hnung lam aṭanga rawn ti tu chu a pên thâwm alo hnai zêl a,a phone light êng chuan akalna tur chu a chhun pah bawk.




"Ka haw duh tawhlo min haw san ru"tiin atho thut a,kan thlang deuh Bike kan hunna bula Street light êng chuan min rawn chhun pha chiahlo nen kan awmna lah chu athim phian bawksi ahmel pawh ka hmu chiang theilo.







"No-i,kal suh"Rinsangpuia zawk chuan tiin a pan hnai nghal ruaka,a kal hla hman lo bawk nen an rawn in pawt let chu ngawirengin ka lo en tawp.







"Bawiha i bike tinung rawh haw ang u"kawngpui pangngai kan thlen thlak hma deuh chuan Nonoi kai reng chung chuan ati a,a pawt lui ani deuh mah zawk.






"I scooty hi chu I nauten lo lam mai rawh se,"tiin keimah zawk chu min rawn ena,a sawi awmzia hria in phone ka phawrh a Dominic zawk call in kan awmna lai vêl chu ka hrilha,Nonoi pawh kan haw pui tur thu hrilhin Nutei te lo hrilh tûrin ka chah nghal bawk.






"Min thlah rawh,ka zui haw dawn lo cheu..ka u inih vangin nangpawn min hua ani lawmni ngatinge min rawn zawn"ṭap pur chunga Nonoi thusawi chuan min tina zawk.








"Ka nau inih vang hian ka la haw chhin ngai lo che,chuan ka nau neihchhun ini"fiah taka tiin a kam chhuak chu a dam thlup a, Rinsangpuia hian alo hre tawh reng anih chu!










"I nu in min hrilh vek tawh min hua tih ,chuan ka nu pawh I hua,au Bawihi nen in inneih theih loh chhan tur pawh keimah vang tho,engmah zêp suh u ka hre vek tawh "a au in a au ani ber tawh a,kan awmna lai chu a êng ta deuh bawk nen a hmel pawh chiang takin ka hmu thei tawh.






Rinsangpuia rum ri hrawk ka hre zui a,a hmai tuai puat in Nonoi darah a hmer vang vanga,ngawirengin kan lo en tawp thung.




"Ka nu Mary chuan ati mai mai anihchu,ka nau inih vangin eng buaina mah a awmlo..min ring rawh"thutak zeta atih chuan Nonoi pawh chuan ngawi rengin amelh tawp tawh.






"I nu khan min hua alawm,ka nu pawh ahua kan chhungkua zawng zawng min haw vek"mittui tling para tiin a aw chu a chhang lek lek tawh.





Ka luhlul na vanga ka nau tawrhna hi ava namai lo ve,eng chiah nge nu Mary chuan alo hrilh ang le...tinge keimah hi min tihnat zawk atum mai loh.








In kan thlen leh meuh chuan dar12:30 alo pel fel der tawh a,Nutei leh Pa Sawma ten Nonoi an hmu chiah chu an lawm zia an hmelah alang nghal a,Pa Sawma fel zia mawlh hi!!Ka hmuh theih chinah a fate zinga Nonoi aduat bik zia te,u ber ni mahse a nau te ai mahin a duat in Nonoi pawh apangchang ber ani reng a,thisen a inzawmna hi chhungkaw siamtu ber anihloh zia amah aṭang hian a chiang viauin ka hre bawk.








"U sangpui,i pa hi ka pa atân ka duh velo..pa pakhat chiah ka nei duh..chuan apa chiah hi ka duh"mittui tla zawih zawiha ka nau in asawi lai khan a thinlung zawng zawng in a sawi ngei ka ring..Rinsangpuia hmela natna,anau akhawngaihna te kha ka hmuh hmaih hauhlo bawk.








"Kan haw san phawt ang che u"a helmet khai in a ding hluaia,abula ṭhu Nunpuia pawh alo ding ve nghal zat bawk.






"Kan lawm takzet,tluang deuhin in haw dawn ania aw"ka nutei awki ah chuan a lawm zia ahriat a,Rinsangpuia hi hua angin ala awm miahlo bawk...diktak chuan hetiang teh nuaih kan nih hnu hi chuan a lâwm vakin ka ringlo kha nia,Nonoi u anih vang nge ka hrethiam bik chiahlo.







"Inbual la mu ang,zanin chu ka lo riak dâwn"ka mutkawr kengin a room chhungah ka lut zui a,"va inbual vat rawh ka lo inthlak ang"pangngai thei ang bera tiin ani pawh inbual tur chuan alut ve mai bawk a.









WhatsApp a Rinsangpuia Message lo awm chu ka hawnga,'tuideuhin i mu dâwn nia'tih zawng hi alo ni,chhang tawh lo in ka inthlak a,reivaklovah Nonoi inbual zo pawh chu rawn chhuakin kan mut fel meuh chuan dar2 ari ṭêp tawh.








"Naktuk chu class kallo mai ila bazar daih ang hmiang,rei deuh kan mu phawt a nga"alo mut rualin ka lo ti nghal var a,tawi te a min nuih in alo aw ve mai a.








Mut achhuah loh em vang chuan dim light chauh On in khumah kan titi dun a,ka thiam tawka hnemin a nu demlo tûrin ka ti bawk.Ka nu thu min hrilh tekha hrilh chhawng ve in Nutei thiamloh a awm loh zia ka thiam tawkin ka hrilh ve a,chutih rualin a chhungte hi a chhungte an la ni reng a,a nauten uber anichunga an duat na te,apa in hmangaih taka a en ṭhin dan pawh ala ngai vek dâwn tih te chu ka ṭawngkam thiam dan zawng zawngin ka hrilh ve a,ka laka inthiamlo miahlo tûrin ka hrilh nasa bawk.










Khawvâr hnua kan muthilh chauh vangin kan thawh meuh chuan chaw hma alo ral lek lek tawh a,tumah inah an lo awm tawhlo bawk nen muangchanga in tifaiin kan in siam a,chawhnu lamah chuan bazar vela hawi thawveng tûrin ka chhuahpui a.








Nizân lam ai chuan a hmel pawh hmuh anuam fe tawh zawka,anui thei tawhin amah taktak kha ani leh ṭan in ka hria.Chhungril takah kam tu awm tlat mahsela hmeichhe chaklo tak anih loh zia lantîr nan hlim hmel aput luih chang erawh a tam ve viau in ka ring.








Kan muthilh hma in class ka kalloh tur thu leh Nonoi ka chhuahpui tur thu ka hrilh lawk tawh vangin Rinsangpuia pawn engmah thawn arawn nei lova,zan mut dâwn thleng pawha a reh ta vang vang chu mak ka ti ta deuh zawk.






Ka call a reject hmak chuan ngaih ati ṭha lo leh zual a, WhatsApp a a mesage tur ka type lai mekin amah zawk chuan min lo text in project buaipui ngaih vanga min biak hman rihlo thu sawiin nghak loa lo mutsan turin min ti bawk anihchu...a buai viau pawhin hetiang hian ati ngailo,ka call a reject ngailova,tuna a awm dan hi chuan min ti lâwm viaulo.










Ka lakah thinrimna tur aneih awm ka hre lova,alak aṭang min dah hla ta riauah min in ngaih tir bawk.






"Tinge min biak duh lova min pehhêl char char,tih dikloh ka nei em ni"ka hma a mipa kal nul nul chu umzui in ka au zui ṭawk ṭawk a,ka thusawi chu ngaihtuah awm in a awm lova a ke pen aṭhulh heklo,engtik laiin nge hetiang khawp hian kan in kar hi alo zau tak le??











(Naktuk zanah a zawmna kan dah leh mai dawn nia aw ka mit ana tawh emai🤧Nizân lama dah ka tum viau laiin kan naute vaccine la a khuasik reng vang in nizan lam ah ziahna hun ka nei leh ta mang silova,hei zanin pawh ala nuam chiahlo nen ka lo dah tlai viau mai 🤧Zan rei taktak thlenga minlo châng ṭhin tu te ka zah viau cheu in dah hram tum viau mah ila buaina eng enge emaw alo awm leh ṭhin sia,min han hrethiam leh hrâm mai teh u🥹🥲chuan chuan muttui vek u le🫶)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)