Sold to Love

Episode kal lai dah luhna

Moderator: writers

Jigyy hmar
Posts: 6
Joined: June 27th, 2022, 10:07 pm

Sold to Love

Unread post by Jigyy hmar » July 3rd, 2022, 9:50 am

Chapter 4

"Good morning, boss" company ka luh rual chuan hna thawk ho chuan min lo wish a. Ka lu bu nghat in ka room lam pan chuan ka kal a. He company neih tu ber ka ni a

Engkim a bul atanga bul tantu ka pa hnen atangin ka rochun a. Local tech business tenau tak atangin a intan a, mahse kum tam tak chhung chu nasa takin a lo thang lian a, a inthlak danglam ansa hle bawk

Company chu ka nunphung ropui tak awmna bulpui ber a ni a, mahse investment dang leh sum lakluhna dang pawh ka nei bawk. Chutih lai chuan ka nunah hian sum atan hna ka thawk lo naiin ka sum chuan min thawk sak zawk tawh

Sum leh pai, thuneihna leh dinhmun ka neih tawh a, mahse he thil hi ka hmangaih tak hnenah ka tawm thei lo a nih chuan awmzia a nei lo ang.

Hmeichhe tam tak inzawmna ka neih pui tawh, mahse hmangai na leh inzawmna nghet a awm ngai lo. Hmangaih na le inzawmna nghet hi Karina hnena tranga neih ka duh, mahse ama hi a la harsa deuh hlek a, ka tan hmalak a ti har

"Boss, vawiin a i tih tur hetah hian a awm" ka secretary Andres Rodriguez chu room chhunga rawn lutin ka tih tur te chu min pe a. Vawiin ka tih tur zawng zawng chu enin, ka haw tlai hle dawn tih ka hria

"Andres, ka tih turah hian cancel thei a awm em? Vawiin hian haw hma ka duh a" ka ti a, Andres chu a rawn meng kawk a, mak a tih ni ngei tur ani

Hetiang hian ka awm ngailo, hnathawk ngaina tak leh hnathawk duh mi tak ka ni, ka thawkrim in ka taima em em bawk. Ni e, haw hma ka duh tih ka sawi khan a tan chuan a mak hle ang

"Awle, hetah hian kan thlak danglam tur thlemte a awm, a pawimawh vak lo." A ti a

"Chu chu a tha e" ka ti a. Ka tih tur chu a thlem pha hle mahse ka lunch time ka tih tawi a ngai , a chhan chu engkim a hun taka ka tih zawh a ngai

"Andres, ngawi lawk. Kum nga lai nupui i nei tawh tiraw?" Rawn hawi let in, mak tih hmel deuh chuan a mit hmul chu a ti kang a

"Aw nei e, mahse kan nupa hian he thil nen hian enge inzawmna a neih?" Hriat chiang chak hmel deuh chuan min zawt a

"Ka tan inneihna thu tha min fuih duh te i nei em?" Ka zawt a. Mak tih hmel deuh chuan min rawn en a, sawi tur hrelo lek lek te pawh a ang

Company hotu leh CEO atana ruat ka nih atang khan ka tan hna a thawk tawh. A pawnlam nun chanchin hi ka zawt ngai lo. Vawiin ti loh

"He thilah hian thurawn k pek theih awmchhun che chu. Nupui hlim, nun hlim. I nupui a hlim chhung chuan in inneihna chu a tha ang. Keini mipa te chu he nunah hian thil tamtak kan mamawh lo, mahse hmeichhiate hi an buaihlak a, an chipchiar a, an thinlunga thil an vei hma bawk, anmahni chu hriatthiam tum suh. I nupui chu ti hlim la, engkim a tha nimai"

Thurawn tha tak ani. Hmeichhia te chu i tih hlim phawt chuan an thinlung leh hmangaina an pe ang che

"A hrim hrimin engvangin nge he zawhna hi min zawt thut? Inneihna hi i ngaihven zawng ani si lo?" Nui chungin ka chang a

"Karleh lama nupui ka neih dawn" ka sawi zawh veleh Andres chuan a intur a phuh chhuak teuh hle. A awih dawnlo tih ka hria, a hmel zawng zawng nen ka nui teuh kher mai

"Boss, a chang chuan fiamthu i duh tih ka hria mahse hei hi chu a hlimawm lo. Bialnu pawh i nei lo a engtin nge karleh lamah nupui i nei theih ang?" Min zawt a

"Nupui neih tur ka nei a, pawisa ka nei a, inneihna hmun atan a remchang zawka lang turin ka hmun chei turin mi ka ko a ngai a ni mai. Puithiam ko a, inneih inkhawm buatsaih ani mai" ka ti a. Nuizat hmel tak chuan

"Inneihna awlsam tak sawmna chu min pe la ka lo kal ani mai"

"Awle, ka lo thawn ang che" ka ti a, min ringlo tih ka hria mahse ka ngaihsak lo

Tlai dar nga velah ka haw a. Ka office atanga ka haw tur chuan darkar khat vel a ngai tlangpui thin, a chhan chu ka in hi ramngaw lai taka, mipui atanga hla takah a awm avangin

A hmun ka ngaina a, a falin a nuam bawk, tlanchhiatna hmanga ramngaw atanga rang taka chhuah theina kawng a awmlo avangin thlanbo a khap thei bawk. Karina hi hmeichhia fing tak anih ka rin avangin thlanchhiat a tum na tur kawng a awmlo a chhan chu mahni leh mahni in that ang tluk ani.

Ka in ka thlen veleh ama chu ka zawng hmasa ber. A hma ang bawka tih sual ka duh lo avangin muangchangin ka zawng a. A room atangin ka zawng a, mahse a awm lo, chutah room dang danga ka zawng a mahse ka hmu lo

Guard te zawh ka tum veleh choka a trangin a nui ri ka hre ta. Chef chuan Karina chu chaw siam dan alo zirtir, Karina chu lo nui vur vurin chef thilsiam chu a lo thlir a

Ngaihsakna ka dawnglo avang chuan ka aw chu ka thian khar khar a, an pahni chuan ka lam an lo hawi duna, Karina chuan min hmu veleh a hmel a nuihzatna chu a bo nghal vek

"Choka a hian enge i tih, ei tur zawng zawng chu chef in a buaipui vek dawn tih ka hrilh che, hetah hian i awm a ngai lo" nuih in sum tak chuan ka ti a

"Ka duh a, engmah ti lovin nilengin ka room-ah ka awm mai mai dawn em ni? Hetah hian ka awm dawn anih chuan eng nge maw tal tih ve ka duh. Chu bakah, eitur siam hi ka ngaina, chef pawhin thil tlemte min zirtir peih bawk. Harsatna a awm em?" A kut chu kuangkuah at in min melh cho ar a. Keiin ka lo en chhuk run bawk

"Awle, eitursiam i ngaina tih ka hrelo a. I duh chuan choka hi ka pe vek ang che. I duh duh i siam dawn nia" ka ti a. A ngaina tih hrelo tak tak, a duh a piang tih sak ka duh

"Eng maw i tih kha?" Min zawt nawn a

"Choka hi ka pe ang che i duh duh siam thei ang ka ti nih chu. Chef nen pawh inin zirtir thei bawk, mahse inin hmangai emaw inin duh ani chuan a nih na zawng zawng ka ti tawp ang" Chef chu ka en a, rang lutuk in a lu a lo bu nghut.

" Nilo boss, miss thar hi ka zirtir mai cho ani, nupui neiin fa pahni ka nei a, khawngai in ti lo hram rawh" chef chuan a ti a.

"Engpawh chu nise ka in bual dawn, nang pawh Karina inbual la dinner ei hunah kan in hmu leh dawn nia. Thil sawi dun tur kan nei" ka kal hmain ka ti



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)