LOSE YOU TO LOVE ME CHAPTER 4

Episode kal lai dah luhna

Moderator: writers

tetei velez khiangte
Posts: 136
Joined: January 16th, 2022, 6:49 am

LOSE YOU TO LOVE ME CHAPTER 4

Unread post by tetei velez khiangte » July 4th, 2022, 6:56 pm

LOSE YOU TO LOVE ME


FROM PREVIOUS CHAPTER
"Rothangpuia min tih buai zia hi chu aw"ti hlak hlak chungin ka umzui ve nghal zat."Thangro I bag ken kha a dik lo a nia aw,eng nge kha kha I lak ve thawt thawt ringawt a"tih tan tan pah chuan a lam chu ka pan phei hlawk hlawk ,A bul ka thlen chiah chuan mipa pathum nen an lo indin chilh ran ma



CHAPTER 4



"Khaia hei te chu tu nge a?,I bialnu tihna a mi?Iva Han thlang thiam ve a,nikhat chhung chu lo hawh ve I phal em"an zinga pa Lian ve hmel rorum ve tak mai chuan a rawn ti zat zat ."Khanglang che chuan"tih hluk pah chuan Rothangpuian a kawr awm ah a tham nghal rawk rawk.A ni lah chu a inring hman lo tih hriat lutukin a ban a phar uai ringawt.





"I ka reh te reuhte kha ka thui pin sak hma che in,I thusawi tur ngaihtuah Chiang hmasa thin ang che"a tih chuan an insual mai ang tih hlau in an sirah ka lo thaw dep dep tawh."Ka hlauh che I ring em ni?"tiin pakhat chuan hlau lo tih hriat tak chuan ala nuih khum suk lehnghal.



"Ka..kal ang"bah niaih a tih pah chuan Puia banah ka va vuan "Rawn kal hnai Suh"a lo ti Ram hmak.An insual loh nan ka rilru in ka tawngtai mawlh mawlh a ni rih ber.Ka tha te pawh a khur hial hian ka hria hnai takah insual ka la hmu lo a,hmuh pawh ka duh hek lo.School ka kal lai a insual an awm pawn en lo in ka peh hel hram hram ţhin.





"Amak thin e mai Ruatpui Khaw lai a nih hi ,mi in min en thup anga sin hei tunah pawh an mit kan la tan der tawh a nia"a ding lam a mi zawk chuan zaidam tak hian a rawn ti."Lo in rawlh Suh ,Harry"pakhat zawk chuan ram hmak hian alo ti ve thung.




"Zaninah in ching fel mai tawh mai dawn nia,ni lawm ni,I rawn kal ngam a ngem?" Tiin la tawng ve Miah lo pakhat chuan a rawn ti leh ."A tha lawm ,ka lo kal em em ang lo hlau thawng Suh u"Rothangpuian tih pah chuan a kawr awm tham lai chu a phih thla nghal pawp.



"Lalruatpui nang hi maw hlauhna chhe te mah ka nei lo che aw"a tih hriam hrak chuan "Kan la hria ang chu"tham lo fe chuan a rawn ti leh.Puia chuan a tham leh mai ka hlauh avang chuan a banah vuanin kalsawn pui ka tum ngar ngar.




Harsa taka ka pawh sawn theih hnu chuan kan awm hla tawh tho niin ka ngai ,ka melh rum nghal vak a,a ni lahin min lo en ngar thung."Buaina I Siam dawn chuan min hnaih Suh,khawi bag kha"tih leh a bag ken lai ka phih thlak sak nghal pawp.A lo in ring vak lo nen bag ka laksak nghal pawp rual chuan a Phu zuk nghe nghe.



"Sorry,ka insum zo lo a nih kha"a tih chuan en chho ha in "Ngaihdam min dil angai lo,insual hi a chanagkan loh thlak lutuk ,mahni intih nat na mai mai"ka ti leh nghal hlak hlak."Ehe min ngaihtuah tihna mi "nui vur vur chunga a tih chuan "Ni mai mai lo,insual hi ka hmu duh lo"ka ti Ram leh hmak "Khaia min lo ngaihtuah ve takzet reuh a nih hi maw le,ka bialnu maw an tih vang che khan mi"a rawn tih chuan ka lo thaw halh ringawt ,nichin a a hmel rum ul kha a bo leh vek tawh,chuta karah ka thilsawi a kawi zawng hlirin ala la zui pek a nia.




"A teuh lo mai"uar fe a tih paha ka in her chuan ban ka su chawrh ,chu ka khek nghal that "Ana"ka ti vak ringawt mi veivak an tam lo hlauha a zia,ka ban na ka awrh vangin ka ban tauh a, chuvanga te that pawh chu ka ni."I kalna tur en fimkhur ta che maw le"ti deuh hlukin ka ban ka tauh chu a rawn thlek nghal vut "En fimkhur na hman pawh a awm a mi,ka inhawi dek dek a ban alo awm ringawt a nih kha"ka ti let ve kha kha.Keimah ni lovin ka bula thirban lo ding sa tawh chu ka mawhpuh ve ngar ngar.






"Tawngthei ve Miah lo thirban I mawh puh a nia,I fing e mai ,thiam hle zawk mahse a chhang let awm si lo che a"nuih za in sum aw lek lek chuan a ti leh ngat."A ho ber"tih leh lei chhuah khum zauh ka rual a,a ni lah chu a lo nui hak hak lehnghal.




Cream vel kan lei mai na thin dawr kan thlen chuan ka thu deuh vang vang phawt.Ka bulah chuan Puia chu alo ding ve ran thung.Ka cream duhang ho chu ka sawi zat zat.Tuna kan luhna hi bakery changtlung tawh tak niin chhang leh cake siam na hman rua tur chi chu kawl kim tak an ni.






Tam tham deuh hlekin ka lei khawl a,bag lah chu Puia'n min khai sak thurh lehnghal.Biaki bazar bag kan leng tel ta ro ro tiin chawhmeh vel chu lei kawi nghal mai a remchang ka tih zawk vangin ,kawngsir a thlai an lo zawrh vel chu ka en kual dan dan ,thingtlang lam a mi ho an rawn zawrh thin hi a fresh bik ka tia a tui hmel zualin ka hre tlat pek.Bawkbawn,Maian ,hmarcha leh thil dang dang chu ka lei tel nghal nghek .





Ka bula lo kal ve lah chuan "A tawk tawh em?" A lo ti deuh chhen tawh."Umm tawk"tiin ka tho zui nghal tharh.Ka chawhmeh dahna bag khai mai ka tum chuan "Ka lo khai ang I ban a nat kha"tiin a khai tel leh zui daih ,a inthlahrun awm duh viau a ni."A ngai lo khawi ka lo khai ang"tia ban ka tum chuan "I ninawm reuh"tih pahin a pen sawk nghal pawk pawk.Um zui dat datin "A nih hei tal hi khawi"tiin bakery mamawh vel leina bag ka ban chuan min rawn pe rang leh hle tho.





Kan bakery mamawh dahna ve hi chu diktak chuan mipa inti pa ve tak tan chuan ah lawp lawp chu angam awm vak loh ,a par nasa bawk si a.Min bazarpui rei ve em vang chuan restaurant ah chawlh ka rawt a,a ni pawn a lo pawm ve leh mai.Thu a awih em em chu ka hrethiam lo.



Restaurant a kan luh chuan order vel kan siam zung zung,"Ti nge thu I van awih reuh"ka tih chuan alo then sak."Thu ka awih lo ngai a mi?"ala rawn ti let sup lehnghal."E le ka hre nang"ka tih chuan kiai deuh sukin "Chutak reng a ,hre si lo in thu awih min ti ringawt a"a tih chuan ka lo chek tlak.




"Aw mi hnial I hrat"

"Hrat kher lo"
"Hrat" kan inhnial lai chuan kan thil chah a lo thleng a, kan ngawi zui nghal ran ,order rawn dah tu lah chuan min en duh em em lehnghal thil min lo pek lai chuan za lo deuhin ka lo nuih khum ve ngei tho.



A kal veleh chuan "Awi a lem lutuk I nui kha ,I nuih chak loh chuan nuih loh mai tur che lawm"a rawn tih chuan tur zetin ka lo melh."Min melh khui khui reng Suh,zawngte tah insum I ang a nia"a tih chuan ka lo nui ro hak.Zawngte tah insum ka ang a ti a nih pek chu a vel reuh hian a.





Kan thil ei zawh in bakery lam kan pan tlang nghal lirthei tu zawk mah mah in kan ken loh avangin Taxi kan hmang tawp bawk.Dawr kan thlen chuan ka kalpui pa chuan dawhkanah kan thil lei chu dahin ţhutthleng awlah chuan thatchhe zet a thu thla nghal nguai mai."In van chau awm hnup hnup ve"Kiman a rawn tih pah chuan kan thil lei ho chu a phawrh nghal zung zung.





"Biak hei kan chawhmeh tur vel ka lo lei kawi e ka tia ,a la thar lam hlawm lutuk "tih pahin ka thil lei awmna lam chu ka kawk pah zauh."Avan tih zia ve,tunkar chu ka nu te khan chawhmeh kan lo thawn lo mai ang che u ,kan khaw lamah chhiat tawkte an awm bawk nen lo lam kan kal hman lo an tia"tiin nui sang chung chuan min lo chhang ve vat.






"Biakte chaw ei ah te min la sawm Ula a tha ang,chawhmeh ka lo khai haw hnem sia" ti ah chuan zam lo ti lutuk in ka lo melh ran mai,a ni lah chuan min hmu lo der ni ngei tur a ni ,ka lam a rawn hawi duh thak lo lehnghal."Biakte min ti reng reng Suh"pakhat pawh chuan a ti let ve leh kha kha bawk.




"Chaw ei a in sawm te I sawi I Zak lo reuh e

"Nangman min sawm rawh ka ti lo Biaktei hi lawm ka tih ,awh Biaktei ni lo Tluangtei "a tih leh zat zat Biaki hian Tluangi tih nalh a ti zawk engtin nge alo hriat pek ni .Kima meuh pawn kei aiin a tawngthei zawkin ka hria a rawn ti hial .Dik ve ngawt tak ang ,Kima pawh beat box chungin a rap zuah zuah thei ang tihtur khawpin a tawngthei a nia,chu tak ngial pawh chuan min khum ang a rawn tih chuan Sawi ngai lo khawpa tawngthei a niang.



"Ka lo ngaihtuah tha dawn nia"Biakin a tih chuan inti thei tih hriat lutukin a rawn hawi nghal lah lah mai.Rei vak lo hnuah tihtur ka nei tiin min chhuah San zui vat tho.



"Ava han zam lo het shet et ve maw le aw"Kima pawh chuan a ti deuh hlak hlak."A ho lutuk tianga min nel ngam te chuan a tha zawk alawm pawi pawhan sawi hran Chuang lo a" tia lo tan tu chu Kima nen kan va en nghal vat Sawi sual ka nei lo tih mit mengin min lo la melh ran zui.




Tlai ban dawn hnaih chuan Rina alo lang leh hlawl chu Biaki nen pawh chuan mak kan ti lutuk chu kan in en hau reng ringawt."Ngati nge a tunlai hospital in buai lo mi"ka lo tih chuan an buai vak rih loh thu in min lo chhang mai .



"I ban a na sia lo thlah che ka lo tum deuh a chuvang nia ka lo kal leh ni"a rawn tih chuan ka lo ka hau ringawt."Mi..Min ngaihtuah Suh"ka tih bah deuh niaih chuan a nui suk ringawt chauh ka aw chu thian leh deuh kharhin "Biaki te bulah hian ka awm rih a,kan haw rual mai ang"ka ti ve tlat thung.




"In pahnih in ka lo thlah mai ang che u ,chutia in awm dun chuan"a ti leh hram a hnial tuma ka ka an zuau lai chuan "Avan remchang teh hlauh dawn awm ve,bus chan buai vel hi a buaithlak ve thei sia tih chi lutuk"pakhati lah chuan alo ti leh hman hmawh tawh hnial leh theih pawh a ni tawh lo.


Rina chuan min thlah a,kan thlen hnu chuan thingpui inkawi tura kan sawm ve avangin rawn lut kawiin a thu ve ta reng ,"In inluah chu a nuam hle mai a"chu a tih mawi sak ve ngei ,a upa tawh nen a tawngkam pawh chu a tha thei khawp mai.



Haw a tum chuan thlah tur in ka lo ding ve vat ,Biaki te in luah na hi step kal deuh hlek angaih avang in a motor dahna step bul thleng chuan ka thlah ve,tianga inleng te em han thlah loh chu dik in ka hre bik tlat lo.



"In enkawl tha la aw,I ban kha a dam har palh hlauh ange"a tih chuan ka lo nuih var var."Hlauthawng Suh hei a dam tawh lutuk alawm"ka tih chuan a Biangsum lang thei Turin a nui deuh suk



Phone min lo pek chuan hrethiam lo fe in ka lo en reng,"Ahh..phone ka nei lawm tinge heihi min pek a"ka tih chuan a hmui pet sawi zauhin "Ka pe lo che,ka dil zawk che,I number min lo pe ve la ka tih na nih hi" a tih chuan ka Zak lutuk chu ka sa chhuak vek ,ka thlan tla rual hian far ral ve daih mai ka duh



Ka Zak lutuk chuan " ahah..Aw le ,I sawi vat lo nih kha I phone min pe tawp ringawt a"lai ru lutuk chuan ka ti chhuak ve hap "Aw ka hre thiam ,mi hi an number ka dil ngai zen zen lo a chuvang chu a nia"a tih pawh chuan ka zah na chu a reh phah Chuang lo.



"Ka.ka kal tawh rawh Lucas an alo ngai tawh ang che"ka tih chuan bu deuh nghat in a bolero chhung ah chuan a lut zui zat."Nih phawt aw ,ka lo be dawn che nia"a tih chuan ka lu chu lo bu zauhin a tlan liam tur chu ka thlir reng.



A tlan liam fel daih hnu chuan boruak chu kham lo fahran hian ka hip lut kawk kawk a,Inlam panin ka chhuk thla zui nghal.


"Ka rin ai phian in I rei reuh"kawngka ka pen luh rual chuan Biakin alo ti,a bulah chuan thu thla in ka ngawi vung vung renga ,a hnuah "Mipa in I number dil ta che se la engtin nge I tih ang,mipa chu I hmuh I hmuh tawh thin ni ta se"ka tih chuan rawn in hawi vatin min rawn en nghal ran ,min en dan lah chu sawi vek rawh ti ni awm hrim in min la rawn en zui.





"Tunge dil che,Rin a khan a Dil Chiang Mai che ,I pe em sawi vat teh "tiin min rawn sawi nghal nawk nawk "A na nia"ka tih chuan min thlah leh vat."Aw amah khan min dil a,ka pe"ka tih chuan a mit mengah chuan phur na ka hmu thei."Awi a hun ve tawh I hmel a chhe lo a,I pian pawh chuti tho,chuta karah I fel tel zel a"tiin min fak leh zui chiam .





Zanah chuan Biakin Rina min lo biak hun chu min chan pui ve reng dar 8 ah pawh chuan min la rawn be Chuang lo min dil ve mai mai a nih ka ring ta rum rum.Biaki nen chuan phone bihin kan thu ngar ngar bawk si chu Tluanga lehkha zir rawn chhuak chuan "ava mak dun ngar ngar ve aw" a rawn ti ve sup.YouTube vel ka en kual mai mai lai chuan Biakin ka hnungah a rawn beng ri nghal dawp.




"Eng nge kut hi min thlak pawp pawp zel Suh"ka lo ti teu hlar mai."Ngati nge a,I number PE ta che ka number ni lovin , engtin nge a rawn biak theih reng ang che ni, hahthlak lutuk"a ti nghal hlak hlak.


"Eng nge awmzia"bo fe a ka tih chuan ,"En ta che ka number ah zawk a nih hi min rawn biak"tih leh a phone min rawn hmeh bel chu a rual nghal.


"Hey"tih atang a rawn tan.
"Tu nge I nih" tiin pakhat zawkin alo chhang
" Vawiin ah I number min pek kha"
"Tumah ka number ka pe lo re re"
"Tinge heihi Hmingi a ni lo mi a?"
Tih ang reng chu a ni,za lo lutuk in Biaki lam hawi chuan ka nui a,min rawn melh rum em em lehnghal.A hnuah Rina chu hrilhin ka number zawk chu ka va send leh zia lo thei lutuk,ka laih vang vek a ni.




"Tinge ka number I pek re re a?"lo ti hmuk tu chu then khum sakin.
"I number leh ka number ka byheard hi ka hriat pawlh thin a"inthiam lo lutuk a ka tih chuan a lo thaw hak."A THEIH ve lutuk a nia"ka tih zawm leh zat."Um. A tha ka sawi peih tawh lo"tih pah chuan ka phone ken lai chu min rawn laksak leh .




Rina chuan min rawn be duh tawh lo mai ang a,ka tih rauh rauh lai chuan Rina message chu ka dawng nghal chat.Thilawm dan te hrilhin ngaihdam ka dil nghal mawlh mawlh."I number hi min pe phal lo emaw ka ti hman Alawm"tih alo thawn na ah chuan nui lai emoji alo dah tel .A haw lo tih ka hriat hnu chuan ka lo thaw ve huai thei.



Thlakhat zenzawn ka ban ka tuam hnu chuan hospital ah kalin a tuamna vel chu kan va phelh tir ve ta hram.Chutih rual chuan Biaki te inah ka la awm reng thung.Ka pa in ka ban chan chin a khat tawkin min rawn zawt ve reng bawk.


Rina nen pawh inbia e ti lo chuan kan online theih hun chhung a in ang lo thei khawp mai .A hma Zana min lo thawn zingah te ka reply chauh thin.Rothangpuia pawh a khat mawi tawkin a rawn lang ve zeuh zeuh renga ,a hmel ah pem nei lo in a rawn lang khat hle thung.




Biaki bulah chaw ei ah min sawm tawh rawh a tih reng avangin Biak in vawiin tlaiah chaw ilo ei dawn nia a ti ta ringawt.A phur hmel em em lehnghal.'Rina kan sawm tel ve dawn mi" Biak in a tih lai chuan pakhat chuan "Hospital ah a awm a buai sawm rih lo mai rawh u"a lo ti vat.Biaki nen in en in thil awm dan mit mengin kan inzawt ,hre lo ta ve vechu inhrilh a har khawp mai .






"Chaw ilo ei dawn chuan pem thar engmah hmuh belh kan duh lo a nia aw"Biaki chuan Puia bulah a ti mawlh mawlh "Yes boss ti hian ka zui haw mai ang che u chuan inhmuh belh lo ber ang" tiin pakhat chuan alo chhang."A buaithlak ang, chawhmeh lei kawi kan ngai"ka tih chuan "Ka rualin kan lei dawn nia,mahse bike ah pathum inphurh a chi si loh a"a tih deuh vang vang chuan.




"Ka lo haw hmasa mai ang"ka lo ti vat ."A ngai lo kal dun mai ru ,thil tih kawi ngai ka nei hrim hrim a" a tih chuan pakhat zawk chuan lu a lo bu nghat nghat."Kim lo ei ve la"tia Kima ka sawm chuan ,"Ka pi te in lamah kan eikhawm dawn a"a lo ti ve mai.




Bazar kawi kan duh avang chuan kan chhuak hma zawk hret a,thil kan lei zawh hnu chuan Biaki te veng lam kan pan tlang leh nghal."Engtikah nge I haw dawn a" rawn ti tu chu "Naktuk lamah a niang"tiin ka lo chhang vat .Bike a in phur kan nih vangin helmet full face khum nen chuan in biak chu har tak a ni.






A veng kan thlen chuan Nu Pipi-i te dawr ah kan lut kawi leh ,Purun leh thil dang dang kan lei leh phawt

"Hmingi chu heihi I bialpa mi a"a lo tih chuan "A teuh lo ,a ni chu ka ţhian pa lawm "ka lo ti vat."Aw nih chu ,rawn leng ve thin ta che "tiin Puia chu a melh nghal vat bawk.


"Rawn len an phal lo a"a tih chuan fiamthu tho ni mahse ka lawm lo rilru khawp mai Nu Pipi-i lah chuan a lawm hle ni tur a ni a nui huah huah mai.



In kan thlen chuan thingpui ka lum nghal sawk sawk.Chaw ei kham hnu chuan Puia chuan "ka puar tawp rawng bawl I van thiam em em ve"tiin Biaki a bawl nghal chiam mai.Dar 7 vel bawra kawngka an lo kik chuan Hawn tuma ka tho tur chu "Ka va hawng ang"tiin Puia chu a tho zui tharh .




Sitting room aţanga kawngka awm na a lan theih loh vangin kan hmu zui lem lo."Avan rei reuh e"tia Biaki a kal ve leh chuan a rawn let leh har ka ti deuh chu ka va kal ve leh.Kawngka bula lo ding reng chu an lo en dun ţhap."Eng nge maw a rawn tih thut le"Biak in a rawn ti sar sar ,keiin ka lo la en reng thung.






Ads click te min lo ngaihpawimawh sak ru aw 😘



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)