The Mafia Boss And His Queen Chapter - 19 by Calm Bird

Episode kal lai dah luhna

Moderator: writers

Calm Bird
Posts: 101
Joined: May 1st, 2022, 8:28 am

The Mafia Boss And His Queen Chapter - 19 by Calm Bird

Unread post by Calm Bird » July 4th, 2022, 7:08 pm

Chapter - 19
The Mafia Boss And His Queen
by Calm Bird





Khua chu a thim tran thet2 tawh a, ka hah lutuk chu thingkung nghengin ka thru thla hnawk a, ka trah a chhuak hlui mai. Mahni in khawngaihna in ka khat a, ka tui a hal tawh em2 mai bawk si. Ka ril a tram em2 a, ka tramchhawl dawn hialin ka hria. Ka thaw ham2 a, khawilai nge kalkawng tih tak ngial pawh ka hre tawhlo. Thomasa in lama let leh tur pawn kawng ka hrelo a, let dawn pawh ni ila khang ho kha an la awm maithei bawk si.








Pen thawm ka hriat chuan ka sira thingbuk ah chuan ka biru vat a, hnim kar atrang chuan ka en reng. Tumah an rawn lang lawk lo a, mahse penthawm chu ka lam panin a rawn hnai tulh2. Mipakhat ke hi ka hmu thei a, ka hmaah tak a rawn ding. A kuta silai a ken pawh chu ka hmu a, a kawng a chin chunglam erawh ka hmu thei lo thung. A kal mai dawn emaw ka tih laiin chhuatah chuan a thru thla a, min hmuh ka hlau takzet. Ka tha te hi a khur titih nghal. A silai chu a khalh vel neuh2 a, ka awmsawn dawn chuan ka thawm a hre dawn bawk si a, ka chiai takzet. A hmel pawh chu thingkung nghenga a thrut takah chuan ka hmu thei a, mi ngo deuh, sa thra deuh hi ani a, min hmu anih vaih chuan ka inchhan theih pawh ka ringlo.









Rei tawk fang chu a thru ngawi reng a, thlamuang hian ka awmlo hrim2 ka thin lah chu a phu dup2 a, ka khur chhe lo chauh. Thawklehkhatah kan mit a intawng ta chat mai. Min hmuh takah chuan tho sawk2 in ka tlan vak a, ani pawn minlo um nghal. Ka chau lutuk chu duh ang pawn ka tlan thei lo a, kan tlan na chin chu a ri phei bawrh2 mai. Ka sira thingkungah chuan ka biru a, ka zawn hma takah a ding a, a hnunglam atrang chuan ka thlir reng. Ka hawi kual a, thing ka hmuh chu dim te hian ka la a, ka kut pahnih chuan nghet zetin ka hum nghal. Ka thlan lah chu a tla nasa em2 a, ka crocs bun pawh ka tlan nalamah ka thlauh a, kelawng tlawngin ka awm tawh. Ka lam a rawn hawi thut chuan au vakin ka thing ken chuan ka vaw chawrh a, a khawi laiah nge ka vuak pawh ka hre lo. A rawn tho leh tur chu ka vaw pawp2 a, ka tawp meuh chuan thisen nen a inchiahpiah tawh. Ka thing chu ka thlauh hnawk a, ka meng kawk2 bawk. Keihian tual ka that...?








"I... i thra em?" Khur der2 chuan ka ti a, a lam chu muangchang tha khur der2 chuan ka pan bawk. A bulah chuan thru thlain a hnar zawnah chuan ka kut ka dah a, rei fe ka dah hnu pawha ala thawk loh avang chuan ka ding zawt. Lu thingin ka tawlhhnung dat2 a, keihian tual ka that! Nilo, tumah thah ka duhlo asin. An hriat chhuah hunah chuan jailah ka dam chhungin ka tang ang nga, chu mai bakah Pathian duhloh zawng ka ti a, anitheilo. Ka mittui chu a luang nghal zawih2 a, chhuatah ka thru sawp nuaih. Ka sira pen thawm ka hriat chuan rang zeta thoin bihrukna tur ka zawng a, khua lah chu a thim fel der tawh. Bihrukna tur mai ka hmuh loh avang chuan thingkung bulah bawk ka biru a, ka bihruk hnu reilo teah chumite chu an rawn thleng nghal. Thingkung phen atrang chuan ka bih thla a, ka mi thah pa ruang chu an en dik anih hmel. "A thi anih hi, thisen la ro loh danah ala kal hla lo ang" mipakhatin a tih sup chuan ka nghing lawih. Keihian tual ka that tak2. An ni pawh chu an kalsawn ve mai a, helai vela min zawnglo chu ka lawm takzet.








Keipawh che sawn vatin an kal loh na lam chu ka pan a, ka chau lutuk chu ka tlu leh hnawk thrin. Tui tal awm se a zia deuh tur ania, tuihal in ka thi mai ang. Eitur pawh ka mamawh takzet. Ka hmaa thawm ri avang chuan ka ding dawt a, thingkung phenah chuan ka biru leh nghal. Sakei pakhat hi ka hma zawnah chuan a rawn kal phei a, a lian tak zet. Min tihnat a tum loh hram ka beisei. Ka rilru chuan ka trawngtrai mawlh2 a, a kal liam tak hnu pawh chuan kala che chang chuanglo. Misual ho te khan min hmuh leh mai ka hlauh avangin ka kal sawn ve ta hram a, khua a thim em avang chuan ka inpal leh nawk thrin. Vawilehkhatah kawng a awih deuh thut avang chuan ka lum thla nawk2 a, thingkung pakhatah chuan ka insawh deuh chawrh nghe2. Ka ban veilam a ka insawh vang chuan ka ban chu tliak tur ang mai hian ana ngut2 a, ka mittui a hnam sawk thei. Zawi muang chuan ka tho a, leiah thru thlain ka ban ka dawm vawng2 a, ana lutuk chu rilo chuan ka trap khur dar2.









Thingkung sira pâ lo tro tuarh ka hmuh chuan ka pan hnai vat a, ka lo nghal. Ka ei dawn zet na a tur a neih ka hlauh leh deuh avang chuan ka ei ngam lawk lo a, mahse ka ril tram tawh em vang chuan ka ei ve hmiah. Tur anih loh nan Pathian hnenah ka trawngtrai mawlh2 a, tunah chuan Pathian ah chauh ka innghat tawh. Thomas chu beisei bo ani rih. Awm na ngai a awm reng theih ni heklo le, ka tho chhuak a, ka rinna lam2 ah chuan ka kal ve pawp2. Nichina ka thil ei vang khan ka puar awm pawh ka hrelo. Mahse tlem tal chu ka tram a hnem ve deuh chuan ka hria. Pa ka ei ngailo a, a kan emaw a chhum pawh. Tui ka tih ngailoh vang ani. Mahse riltram tak2 chuan tui em2 nilo mahse a ei tui theih khawp mai.








Rei fe ka kal leh hnu chuan pen thawm bawk ka hre leh a, thingkung phenah bawk ka biru leh. Hei aia thra bihrukna hi awm se ka ti takzet. Ka ban lah chuan min tur et2 mai lehnghal a. Pen thawm a reh takah chuan che sawnin ka kal chhunzawn lehnghal a, thla eng avang chuan kawng chu chianglo ruai hian ka hmu a, ka taksa chu a thip sep2 a, ka chhungte bulah awm ngat ila chuan ka taksa hliam vang ringawt pawh hian ka trap hawm2 thei ang








Minute 40 fe ka kal leh hnu chuan kawngpui ka hmu thei a, ka lawm takzet. Phur deuh chuan kawngpui pawh tum chuan ka kal zel a, ka thlen chuan ka hlimna te kha an thlawk bo lehnghal vek. Kawngpui sir velah chuan in engmah a awm lo a, ka hmuh chhun chu thingkung leh hnim hlir. Motor an rawn tlan pawh ka ringlo. Veilam zawk chu panin ka kal chhet2 a, ka chau lutuk chu kal a sawt mawh khawp mai. Car thawm ka hriat chuan ka hnunglam ka hawi vat a, car headlight in min rawn chhun chuan ka kut chuan ka inhliah a, lawm zet chuan car chu ka thlir reng. Mahse car chuan min rawn sut tum ni awm tak hian ka lamah a rawn tlan a, misualte kha an nih ringin kawngah chuan ka tlan a, ram lam bawk chu pan ka tum. Car chik tuarh ri ka hriat rual chuan ka hawi let vat a, mahse kawng sir lamah chuan ka leng nghal pawp. Thingkungah chuan ka lu sawhin ka meng a ruai a, mipakhat ke ka hma zawna ka hmuh pawh chu ka hmu phe vek a, ka mit ka chhing nghal.









Thomas pov:-



Zing dar thum a rik pawh chuan kan la buai ngat2 hle. Ramah chuan Bawihi kan zawng char2 a, ruang pakhat kan hmuh pawh chu kan endik a, a bana tattoo awmze nei zet chu ka chhui tir nghal. Ka office atrang chuan chu tattoo chu kalo chhui ve bawk a, engmah thu thar hriat erawh kan neilo thung. Tattoo satliah anilo tih chu ka chiang em2 mai bawk si. "Boss, i in vel chu kan thian fai tawh e, ruang pawh kan phum fel tawh. Miss Amy ruang awmang erawh kan hmulo a, a tlan chhuak hman anih ka ring. Chuan in hi hal luih ani a, Karlos thiltih ngei ani tih a kuthnu kan hmuh atrangin a chiang bawk" a tih chuan ka insehruh trawlh2. Khapa tehhrep pawh chu min tih thinrim hi a chak ngawih2. Khung bo tawh lo in a rawn let leh theihloh nan ka that khawp ang. "Mipakhat man kan nei bawk a, ruang kan chhar tak tattoo ang chiah kha anei, basement ah kan khung mek" Kevinan a tih chuan ka tho chhuak rang hle. Basement lam chu ka pan nghal a, kan hotel hnuai berah basement hi kan dah a, tuman kan pawl tihlohin a awm tih an hre lo a, chupawh threnkhat chauhin an hria.








Basement panna kawngkhar chu hawngin step ah chuan ka chhuk thla a, kawngkhar pakhat ka hawn leh rual chuan mipa rak thawm ka hre nghal zat. Lutin an mi man chair a an phuar chu ka en a, a lam chu ka pan nghal zat. A zawn ka thlen rual chuan a hmel ka en ngur a,, a hmaiah chuan thisen a kai vek a, a ha te chu a thi phung mai. "Eng pawl nge i nih?" ka tih chuan min chhanglo in a ngawi ngul a, Bawihi a bo bawk nen ka dawhtheihna ka hloh vek. "Eng pawl teh hrep nge i nih ka tih chu!" ti vaka a hmai a hnek pawpin a awmah chuan ka tlawh a, a chair chawp chuan hmunglamah a tlu nghal. A rum nghal dur2 a, ka sira chem chu ka la nghal. Ka mite pawh chuan ngawi rengin min thlir thrap a, ka thinrim zia an hriatthiam ka ring. Mahse Bawihi chan ka hlauh zia erawh min hriatthiam pui kherin ka ringlo.








A hmai zawnah chuan thru thla in a samah chuan ka chul a, a thaw chhuak hliam2 mai. "I sawi dawn nge?" ka tih chuan "Hremhmunah kal rawh" tiin min chhang a, a chair chu manin ka tung tho deuh lawp a, a rum hak. "Dawhkan a hmaah rawn chhawp ula a kut phuarna hi rawn phelh ro" ka tih chuan an rawn che nghal vat a, dawhkan chu a chair hma takah chuan rawn hung in a kut an phuarna chu an phelh a, an zawh chuan an dinna ngaiah an let a, min thlir nghal thrap. Kan mi manpa kut chu lain dawhkanah chuan ka hmeh bel nawk2 a, trang sateh mahse min hneh lo. Jordan chu hui zeuhin a kut lo chelh bet tur chuan zaizirin ka hrilh a, a kut pahnih chu dawhkanah chuan a chet theihloh nan a vuan bet reng.








"Kuttrang sawm i nei a, hengho hi ka zawhna i chhanloh chuan pakhat te2 in i chan ang" ti supin ka chem chu ka tuai heuh2 a, ka awmchhungah hian thinrimna leh Bawihi ngaihtuahna in ka khat a, min hnawh pup2 ani ber. Ka thaw lak pawh a sak tralh mai. "Tuin nge tir che? In pawl hming sawi nghal rawh" ka tih hriam hrak chuan a ngawi ngul a, ka dawhtheihna a pan bawk nen an pawl hming min hrilh hma a ka thah ka hlau. "Hun a tawp" ti supin ka chem chuan a kut trang pakhat chu ka tan a, a na ti chu a rak tuarh a, a thawk zawng te chuan a rum hrâwih2 mai. Kan basement hi soundproof anih avangin kan thawm tuman room a awm ho tihloh chuan an hre theilo.









"Chuan i sawi dawn tawh em?" ka tih chuan min melh chho ngarin "Thi rawh" a ti sak a, ka nui suk thung. "Kan la thi vek dawn alawm bawiha, mahse nang chu kei aiin hremhmun i thleng hmasa dawn anih hmel. Min chhan loh chuan. Min that dawn tho2 kha chu ti duh suh, that lo chein na siam dan ka hria ania, kuttrang i neih tawhloh pawn na takin kala siam thei che a, thih vat i duh ang nga mahse ka remtih hma i thi thei dawn silo" kiai suk chuan ka ti a, ka nuih dan pawh chu a rapawm mah tawh zawk. "Chuan,, sawi rawh le" a hmai zawna kun chuan ka ti a, second thum hnu a min la chhan loh avang chuan ding ngilin a kut trang pakhat chu ka tan sak leh hmiah a, ana ti tih theih nei silo chu khawngaih lam ai mahin hmuhnawmah a kal.









"I kutzungtrang ho chu i boss i hmangaih em2 vang khan i chan ta zel a, mahse i boss hian rawn chhan che a tumloh hmel sia, atan chuan a uicho khawi zinga pakhat ve mai2 i ni sia tiraw" elhsen zeta nuih chung chuan ka ti a, min melh rum ngang mai. A mi melh dan chu a hlauhawm loh phian leh nghal. "Le sawi tawh rawh le... In pawl hming eng nge?" tiin a kuttrang zawnah chuan ka chem ka tin a, a hlau tran tih a hmel atrang chuan a hmuh theih. "Khat,,,, hnih..."




"Nilo, nilo ka sawi ang ka sawi ang..." a rawn tih takah chuan Jordan chu a kut a chelhna thlah turin ka ti sup a, ka sira chair chu lain dawhkan hmaah chuan ka dah a, ka thru thla nghal. "I sawi leh si loh chuan i kutzungtrang niloin i nunna i chan tawh ang" rum ula tiin ka silai chuan ka tin a, a lu a thing vak2. "Jonathan,,,, Jonathan Lincoln ani kan hotupa hming chu" a tih chuan mitko kan zeuhin "In pawl hming?" ka tih chuan a chil lem khawlhin "Kan pawl hming erawh ka hre lo, ka ti tak2... Awm thar ka nih avangin min hrilh duhlo a, senior chin te chauhin kan pawl hming an hria" a tih chuan tho vutin a luah chuan ka kap nghal a, dawhkan bawh chuan a mu thla nghal.








"Kevin, Jonathan Lincoln chu chhui nghal ang che, Amy pawh an kawl ngei ang... Jordan, nangin kan mite lo ho la, an tawmna hmun kan run ang" tiin ka chhuak nghal a, ka office lam bawk chu ka pan. Ka luh rual chuan chairah thru thla hnawkin nghen chhan ka ngheng a, ka Bawihi bak ngaihtuah ka neilo. Ka in ka chan tak erawh ka lungkham teh chiamlo a, in dang tam tak kala nei. Mahse Bawihi hi ka hnena a awn chhung leh Mafia ka nih chhung chuan a nunna a derthawng reng a, vawitam, reilote chhung ka chenpui hnu pawn an rubo ani a, ka Mafia nihna hi kalsana sumdawng satliah ve mai nih te ka ngaihtuahna ah a awm.








Kevin leh Jordan chu lo lutin ka sir ah chuan an rawn ding a, Kevin chuan file min pe nghal zat a, keuin ka chhiar nghal. "Boss, kan mite chu an inpeih tawh e" a tih chuan ka bu nghat a, file a Jonathan hmel ka hmuh chuan ka in hum ruh ngawt2. An pawl hming chu 'Knights Victim' ani a, thring tak ani. An warehouse ah Bawihi chu an hruai ka ring. Chulam pan chuan kan kal nghal bawk ang.









"I lo dam maw ka U!! I chanchin kalo hria a, in zingah indo turin ka rawn tel ve dawn anih hi. Games a indo reng ai chuan a taka indo hi a nuam zawk ngei ang" Melvin lo lut chuan ati nghal bawrh2 a, kan melh thrap ringawt. "Eng nge?" a tih chuan thaw hawkin ka file chu dawhkanah ka theh thla a, Melvin chu ka melh nghal kar. "Inah awm la, hmeichhia va tawmpui leh mai2 rawh. I rawn kal ve na chi anilo" ka tih chuan ner nawngin a silai chu a phawrh a, Kevin te chu an in ring nghal thrap. "Ka kap dawnlo cheu amak, saw laia i thil hunmawi saw heta trang pawn ka kap fuh thei. Silai kah ka thiam lutuk. Chuvang chuan min hruai ve thei" tiin a silai chuan bathroom bula dawhkana vase inhung chu a tin a, a awmna atranga hla lo te ani a, chuti chung pawh chuan a mit siai chungin a tin vang2.









Silai a kah rual chiah chuan a sira glass tukverh inhawng huau chu a fuh a, a kap keh vek. "Kha chu ka uang anih kha, tunah chuan saw vase saw ka fuh tak2 ang. Bawl in nuam e" a tih chuan ka thaw chhuak hawk a, ka thrutna atranga thoin a sirah chuan ka ding a, "I ninawm, lo thru mai2 teh. Min kah tir theilo" a tih chuan ka iptea ka silai chu phawrhchhuak in Melvin melh reng chung chuan silai kahna chu ka hmet zeuh a, glass keh ri in a zawm zat. "Amak e, ka kap dawn ka tih kha nge minlo kah chhiat sak a?" ner nunga min en chungin ala ti zawk zamah. "A tawk, ilo kal dawnlo ka tih chuan ilo kal dawnlo animai. I tan a kal ve chiloh" ti nghet charhin ka vase kah keh tak chu ka melh a, chhuatah chuan a keh nawi a tla nuaih mai. "Nah, u... Ka rawn kal dawn" a tih leh tralh chuan rum zetin ka melh a, a ngawi ta dak. Ka thrutna ah chuan thru thlain a tukverh glass tih keh chu ka khabe tuai heuh2 in ka en a, "Saw glass saw engzah man nge a nih i hria em? Limited edition anih saw. Sawtiang glass saw khawvelah hmuh tur a awm tawhlo" ka tih chuan a zahzelah a lu hiatin a nui suk ringawt.








"A chhe em mai silaiin a kah keh theih chuan a special vak biklo aniang. I vase erawh saw chu kalo chawi ang" a tih chuan melhin "Million hnih man anih saw, hmanlai lal pakhat ta ani a, museum a ka lei ani nghe2. Sawtiang saw a awm tawhlo" ka tih leh chuan a nui tawi tak tawh. "Vase saw chu i kah anih saw, ka kah niloin" a tih chuan ka melh kar. Sawng a tihchhiat tak saw pawi tihna ka neilo. Mahse helai hmun atrang hian chhuak se kan bulah rawn kal lo se ka duh ber. Kei tluka Melvinan silai kah leh indo a thiamlo tih hre chiangtu an awmlo. "Chhuak rawh" ka tih churh chuan min enin "Teuhlo, ka rawn kal ve dawn" a tih chuan "I chhuah nghal loh chuan saw tukverh glass leh vase saw ka charh khawm tir leh ang che. Midang niloin nangmah ngeiin i char ang" ka tih chuan tum deuh barin a chhuak ta hna2.








"Car chu inpeih fel tawh em ni?" ka tih sup chuan Jordan chu bu nghatin "Kan mite pawh hotel kawtah an ding vek tawh" a ti a, thoin car lam chu ka pan nghal.






- End of chapter 19 -



In comment ka chhiar hian ka mood hi '😐' atrangin '😂💜' ah a in thlak thrin.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)