Ve rup mai na! Chapter -20

Episode kal lai dah luhna

Moderator: writers

Pie sangtei
Posts: 109
Joined: April 23rd, 2022, 3:44 pm

Ve rup mai na! Chapter -20

Unread post by Pie sangtei » July 4th, 2022, 8:01 pm

VE RUP MAI NA! CHAPTER-20



By Pie sangtei







Broken king-a ka va en chuan rum lutuk in minlo melh leh ngur ngur tawh a, nizan lam a Beiseii nen a an awm dun lai ka mitthla ah rawn lang nghal in ka tumloh deuhin "Aw" ka ti ta ringawt



"Anih ka ring reng ah hmanni a in chhuak dun pawh kha ka hmu che u lawm" Zawri bawk chuan alo ti leh a, kei lah in mak ti tak in ka en reng ringawt , Officer-a nen hian vawi khat mah kan la chhuak dun lo a, chhuah dun chu sawilo a phone number tak ngial pawh ka neilo



Ka en reng avang chuan a rukin ka ban ah minlo sik leh a, ka harhchhuak rang teh e "Chuti maw" ka ti leh ta ringawt



Officer-a lah chu sofa ngheng in a kut kuangkuah chung in a thu run a, ka bialpa ang hrim a kan chhuah chu a lawm chiah in ka ring lo , tih ngaihna dang thlawt ka hre bik silo ani.Nakin ah thil engkim ka hrilhfiah anga ani mai




"Ka va haw ange , i thiante nen hian lo inkawm rawh u, kan inbe dawn nia" tih pah a a tho chuan ka chal ah tak a rawn fawp zeuh a, a kal nghal nal nal, umzui mai nachang pawh ka hrelo , Zawri leh Officer-a hi an in turual zawk nge? Vawin an awm dan hi tangrual an ang tlat




A bike chung a a thut lai tak chuan ka va thleng phei ve hman hram a, "lo ding lawk teh" ka tih chuan alo hawi phei


Ava han tha tak, a mitmeng dam dup mai te hi khang hun chhung zawng khan ka lo hmuh kan char char tihna em ni?



"Enge ni?" arawn tih chuan lai ru zet in "englo kha, in chhung a, aaaaa englo nia ka thiannu thusawi vel te leh" ka tih mek lai chuan "tikhan Official in ka bialnu i ni chiah ka nunna chahbi inih kha" ti a mit siai zeuh in a tlanchhuak nghal a, engmah sawi zawm a, chhan na hun tak ngial pawh min siam lo



Mahse Nunna chahbi ati em ni? Nizan a minlo be tu pawh khan *ka Nunna chahbi ini* min ti ve ringawt anih kha, Anih chuan nizan a minlo be tu kha Officer-a hi maw



Awiii.. Ani theilo , ani lul lo ang, engvang in nge a Nunna chahbi ka nih ve ringawt ang



Atei pawn a lo chhuak mek nen kan in tawk a "khawnge i kal dawn" ka lo tih chuan "mawli khatiang te chu mite pawh hrilh ve tur che lawm" arawn ti nghal bawrh bawrh



"Chulam pawh anilo" ka tih lah in "Englam nge?" Ati tlat bawk si, ka tih ngaihna hrelo chuan "Nakin ah full story ka hrilh ang che u Midang awmloh hun ah" ka ti ta ringawt a, a pawm anih hmel "min hrilh loh veih chuan i chaklo ngawt ang" ti a min melh rawk rawm chung a kal mai atum chu



"Taka daniela leh Officer-a kha an in hria ami?" Atih chuan mak tih hmel deuhin ka lo en ha a, "Ngati nge?" Ka tih chuan "amak em a, an in close hmel tawp hna chungchang te leh Daniel-a unaunu chanchin te an sawi dun a" atih chuan party zan a Officer-a min thlah haw kha ka hrechhuak a, ka lai leh ringawt




"Nang hi i diklo , doctor Hrekima number kha ila nei em?" Ti a ka dar a min rawn kuah chuan ka nui chhuak hawk , enge maw hlek a keimah ni a danglam na deuh a awm hi chuan doctor hrekima hi kan in chawh nghal thuai zel a, ahma pawh khan Broken king-a kha ka thawn ve tawh ngei alawm



Taka hepa hi hetiang a kan inkawm tak atang hian vawi khat mah arawn broke tawh ngailo reng reng engmah a rawn sawi tawh ngailo a, khatiang lam hawi zawng khan vawi khat mah min be ngai tawhlo



Beiseii nen an that tawh vang te pawh ani mah na



In chhung kan luh rual chuan Broken king-a phone hmang thawm ka hre hmasa ber a, Beiseii a be leh tawh aniang



Saw ti emem a ring a a be kher erawh ka ngei ru viau


Nui sang chungin an bul ah chuan ka thu ve leh a, thilsawi pawh a tui theilo Broken king-a lah chu tawng ve duh silo a, min en ngur ngur reng a, va en ila, ngeiawm tawkin a hawisawn leh hmak zel a, an thusawi mumal pawh hrelo in ka awm ve vel maimai ani.




Ruaitheh tur anih chuan loh avangin kan in ah chaw kan ei khawm dawn a, rawng kan bawl mek lai in Beiseii alo thleng ve bawk



Kan rawngbawl min puih a tum lem lo a, a pawi ka ti hranlo chet ngai loh na a chet hi chu kan khawr duh hrim hrim a mahse Broken king-a bul a a awm chawt erawh ka ngei ru ve reng




Zawri hriat tur a tih lan kher erawh ka tum loh avangin ka nui reng a, ahma aia nasa a hlim hmel tak a ka lan a ngaih avangin ka nuih der na lam ah ka biang te hi a kham zo vek tawh in ka hria.




"Beiseii saw a, ka ngei tlat" Anna-i chuan rawn ti chhuak ve hlawl a, tumah hi "ka ngei e" ti a asawi hi kan la hriat ngailoh vang in mak kan ti tlang hle



"Ngati maw?" Atei in alo tih chuan "a awmdan vel saw ka ngei chi tak ani" tiin awlsam zet in alo chhang ve leh a, kan in en kual a kan nui tawp ani lah pek chuan "fiamthu ka thawh lo ania" tihtak hmel fahran a a rawn tih leh chuan inthiamlo ru deuh si in "nia a ngeiawm ve alawm" ka ti ta ringawt a, Zawri leh Atei pawn lo tuihnih in Beiseii chu kan sawi zui ve ta chiam a, thil tha tak erawh ani hauh lo





"Gorya lah hi khawnge maw a awm le? Call la thei bawk silo , kekawrtelian han phone ve teh" ti nuah nuah chungin Broken king-a chi choka lam ah arawn lut phei a, kan lo en thap "min rel chiang" ati chhunzawm leh zat a, chutah rawn nui in "tunge in rel a" atih leh chuan ka thaw huai kan thusawi te kha alo hria maw ka ti hman tawh



"Tumah tumah, kal teh" Zawri pawn alo ti nghal vat "Gorya chu call teh u" atih tak tlat si avang chuan ka call ta nge nge a, "ala thei chuanglo" ti a ka han melh chho chu nur sung in minlo melh chhuk leh run tawh a "khati khan min melh vak zel suh" ti a a dul a ka va beng chu enge maw ka khawih fuh a,



"Enge i dul a i dah kha" tih pah a a kawr hak lai ka va keu chu zu alo pai chu niin "mawla iva han thin tak" ka tih chuan "a changkan em hi tiang te hi chu hmuh tur a awm maimai lo" tiin ala chul hliau hliau zui




"Zuheh tih hlirin ko tawh che ila a tha ang" Zawri pawh chuan alo ti vat




"Aww.. A hunlai alawm" Broken king-a lah chuan alo ti awlsam leh et a



"Ahma pawn in tawh suh kan tih che in ka broken kawnghren heart ve nihhi itia i broke nachhan ber nen lah in tha leh tawh ropui sia i happy heart ve leh thung tawh ami" Zawri bawk chuan lo ti leh in Broken king-a pawh a nui tawp, an inhnial reng a, an in chhang tawk thei si, an inhnial lai ringawt pawh hi hmuhnawm a tling ve hrim hrim.







(Zanim chu a tawi zual tawp... Dah loh ai ah ka lo dah ani e... Vawin lam ah section hnatlan na lam ah ka kal ve a, dar 7 dawn ah in kan thleng a, ka zawi lutuk a, ka ti hleitheilo ziahkhawlsa ka nei rih silo a, minlo hrethiam hram hram rawh u aw 🥰)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)