MR . MAFIA (18+) CHAPTER 9 BY MAWITEI BAWITLUNG

Episode kal lai dah luhna

Moderator: writers

mawitei bawihtlung
Posts: 754
Joined: November 18th, 2020, 12:53 pm

MR . MAFIA (18+) CHAPTER 9 BY MAWITEI BAWITLUNG

Unread post by mawitei bawihtlung » July 4th, 2022, 9:02 pm

MR MAFIA




CHAPTER 9




1 YEARS LATER





“ William tikhan awm tawh suh " ka fapa tap ngawng ngawng leh sual lutuk chu ka hau hlak hlak,a pa hming chawiin William tih ka sa leh ngat bawk ,tunah chuan ka mipa hmangaih thlan pawh ka tlawh ve ngam tawh a . Ka kal chang apianga thlana pangpar lo dah thintu hi tunge anih ang tih ka ngaihtuah fo “ Apa kan hmu dawn tap tawh suh le " tawng la thiamlo mahse ka be mawlh mawlh zel tho ,chutia Williama thlan lam kan pan lai chuan mipa pakhat a hnung lam atanga ena William ang tak hi alo awm ,a san zawngah erawh William ai a la sang deuh tih a hriat.





Kan thawm hria in a rawn inher ,Lalpa leh? Ka mengkawk “ Beast " tiin ka tlanphei a ,ka kuah thlawp ,a bula midang awm ve pawh ngaihtuahlo in ka fapa paw chung chuan a awmah ka bei a ,ka tap chhuak hlawp hlawp“ William nangmah ini tiraw " tiin ka en chho . A hmel nelawm loh lutuka min en in a phun hluk “ Ka pi heichu Mr Kyle ania " an tihchuan ka awih lo hle “ Dawt min hrilh tum suh u Williama nen an inan reng hi" ka ti tuar ,pakhat chuan “ Hei chu i pasal phir pui upa zawk a lawm" an tihleh pawh chuan ka awih duhlo.






Thlalak min rawn pe in “ Heihi an naupan lai thlalak a ni e ,an pahnih hian lakhran anni a ,Kyle hian a rawn zawn hmuh leh meuh chuan a naupang zawk i pasal thih thu in kan hre leh ta si a ,heti hian nitin a thlanah kan kal ta a ni" a rawn ti ,ka mittui a far fep ka beiseina neih ve chhun te chu an thamral leh vek tawh “ Beast i thi tak tak tawh a lo nih hi " ka fapa chu ka en ,chupa William hmel ang chiah nen chuan an lo in en an ,chupa mitmeng rum zet chu ka fapa lah chuan hlauh a hnekin a chhaih a ,a ma tawng tawnga tawngin a nui hek hek reng bawk.









An nufa hian rawn hruai rawh u" Chang lutuka tichhuakin car dum sei zet milar ho in a an hman thin lam pan chuan a pen pawk pawk “ Hey min khawih hlek suh u" tiin ka au tuar tuar min man betin chupa lamah chuan min kal pui dawr dawr “ Khawngaihin nula thu awih rawh kan pu hian engtin mah a tidawn lo che " an tihpawhin ka tal tang tang,ka fapa lah a lo tap ve bawk ,car bul kan thlen rualin a chhungah chuan min nawr lut “ Hey engvanga hetianga min tinge inih?" Ka bula thupa chu ka au khum tuar .







“ Ka thisen zawmpui laina chu ka enkawl ngei tur ani dawn lawm ni? Ka unaupa pawhin a duh ngei bawk ang" a tihchuan rum zetin ka melh“Min dah let rawh inah ka haw duh" ka ti tuar ,Melyna te ho in min ngaihtuah dawn lutuk,ka tawng chu a ngaih pawimawh hmel loh hle . Rum zetin ka melh zui a “ I hrelo a mi ka haw duh,tunge inih?" ti tuarin chhuah ka tum ,min pawt let lawpin car seat ah chuan min nawr bet ,thinrim tih hriat zet hian min melhin “ Ngawi hmak rawh ,enkawl che hi ka chak bik vak lo ania ,ka unaupa laka ka thil tih ve theih chhun leh a fa tih fahrah ka duh loh vang mai mai a ni tih hre reng rawh" a tideuh hrawk.







“ Ka nau inlamah chuan kal rawh u,ka chenchilh ange ,Kan him ngei a ni tih chian bawk ang cheu" a ti deuh hmuk,mak ti lutukin ka en ,a mizia chu William ai pawhin a tawrhhlelhawm zawk tih a chiang ,a hmelah erawh William ka hrechhuak fo dawn anih hi. Phir an ni miau si a ,ka mittui luang chu hru zeuhin“ William a la thilo" ka tisep ,mahse keimah ngei pawhin ka thusawi chu ka ring chuanglo “ Ka chhui dawn reng a nih hi ,ngawi tawh rawh " tihmukin hmalam a melh ngur .






A awmdan reng reng chu a ngeng ngulh ,Chu chuan William min ti ngai zual ,ka fapa chu pawm nghet sauhin ngawi reng in pawnlam ka thlir ,in kan thlen rual chuan Bruno te ho an rawn chhuak vat,Kyle rawn chhuak ve chu enin an mengkawk kawk hlawm,an nipawhin mak an ti tih hriat takin “ Boss " an tirual thawt . “ In boss ka nilo a ,in boss unau zawk ka ni e ,he inah hian chen ve ka tuma,remlohna a awm em" thunei tih hriat tak hian a ti tawi tup ,Melyna te ho in min rawn en chu ka lu ka lo bu mai .







Inchhung lamah a lut nghal vut “ Mam boss nen an inang chiah chiah a nih hi,a va mak ve " a tihchuan “ Williama phirpui ka ni a tia lawm" tiin ka fapa chu pawm tha in inchhung lamah chuan ka lut ve nghal ,Kyle chu chaw ei dawhkanah lo thu in maid ho chu eitur a siam tir mawlh mawlh,thu in tinei taka a che chu ka millo viau ,mahse William hmel ang a putna chuan min hauh tir theilo ,ka pan hnai “ Bruno helaia in company dinhmun ka hre duh ,tin ka nau accident zana cctv record ka en duh bawk " tiin chaw chu a bar mawlh mawlh.





Bruno pawhin hniallo in a bu nghat,athu an awih nghal em em ringawt chu mak ka ti,ni e tlem chuan William ai a danglam ,a sang zawka a mitmeng pawh a pawl bawk . “ Rawn thu la rawn ei rawh " atihchuan keimah min bia tih ka hria ,a innei tu zawk ka ti duk chu ka hrethiam biklo,huhang a ngah takzet ,muangchangin ka thu thla ve a ,ka taksa khur chu ka thup hram hram ani “ Ka unaupa hi accident palha thi a nilo tih ka hrechiang a ,a thihnaa inhnamhnawih ho hi ka chhui vek ang" a tihchuan en vatin ka thaw hak.








“ Khawngaihin thi tihlam kha sawi tawh suh" tiin ka melh kar ,nernawk hian “ Tuarchhel zir i ngai a nihkha ,thudik tih hriatrengah leh lek phei chuan a hnual zawnga ngaih tum suh,hmeichhia ini tih chu ka hria ,hun liam tawh ani kum khat lai a liam tawh ,theihnghilh tawh zawk rawh ,I tah reng khan hlawkna a awm lo,mitbui leh hmelchhiat bak" a rawn tihchuan ka melh nghek“ Enge hmelchhia a ,hey nang hi hetah hian cheng ve tur pawhin ka duhlo che ,engmah i neihloh a vang zawkin William thil neih hi rawn chuh i tum anihchuan ka phal ngai lo ang.







Duhtawk la min chhuahsan rawh " ka tihfak chuan thaw la ri hrawihin a tie awrh chu a pawt thawl a “ Franky ka hnathawh chu hmuh ta che ,he hmeichhia hian dawta min puh leh hma hian" a tihchuan a hnuaia thawk pa khan min rawn panin laptop ah chuan thil min en tir ,ka meng kawk kawk,hepa hi new York mai nilo khawvel mi hausa top 5 a an thlan leh America rama mipa hmeltha bera an thlan a ni tih inziak chu chiang zetin ka en .







Kyle chu ka en leh thin,min melh duh leh hlek tawh lo ,Chaw eikham rualin room lamah muturin ka chho a ,William thlalak banga intar chu enin ka chul “ I phir pui anga insawi hi tuchiah nge a nih ang? William ka mumanga i thusawi min enkawl tu tur i tih kha a ni hi a ni tihna em ni?" tiin a thlalak chu ka chul ,ka tap leh feih ka ngai lutuk,tunah hi chuan a awm nghenga bei leh ka chak takzet “ Beast i aw ka hre thei tawhlo a ,I taksa ka dai thei tawh heklo,he khawvel ah hian William Jackson a awm ve tawhlo a ni tih hi ka la ring theilo fo .








William ,mumangah tal hmuh leh che ka chak a sin,I fapa hi i hmu ve ngei ang tiraw? Ka ngai takzet che ,min kuahlum thintu leh keimah inring tawk tur a chakna min pe thin tu,mi karah pawh zam hauhloa ka awm ve na leh ka inchhuan vena kha khawiah nge i awm? William ka ngai lutuk che hi i bula lo kal ve mai ka chak " kan khumah chuan ka fapa chu mutthlak puiin ka mit ka chhing zui “ Beast " min lo kuah hlun,a taksa lum thur thur ka ngheng thei te chu ka hlim hliah hliah“ Beauty ka u hi i rin angai,a ni hian keiai a la hmangaih che in a venghim thei zawk bawk ang che .






Ka unaupa hnenah hian enkawl tur che in ka lo ngen tawh a .I bula a rawn kalna chhan leh ka thlan a a kal fo chhan hi ka ngen vang leh a duh ve vang che a ni,engkimah ring la ,kei min theihnghilh tum ang che " a tihchuan lu thing nawk nawkin ka en ,tawng ka tum chu a ral leh riai riai tawh,ka au vak vak ka tap bawk ,ka harh chhuak kawk “ William " ka tap chhuak hawm hawm ,mahse min kuahtu an awm “ Hahdam rawh engkim a tha vek " titu chu ka en ,Kyle chuan min lo en reng.








A awmah min kuah bei ,William taksaa hahdam taka ka awm ang thin khan ka awm,a kawr hnungah chuan ka tham vak “ Ka au a ,a lo let duh tawh lo,beast khan min thlahlel ve tawh lo aniang " ka tap chhuak nghal hlawp hlawp nghet zetin min kuah a ,a tawnglo mahse ka thlamuan phah em em thung si .



43dc4647c756dfa33ff3ba9ad9a895ee.jpg
43dc4647c756dfa33ff3ba9ad9a895ee.jpg (11.14 KiB) Viewed 6495 times

KYLE JACKSON POV...





Ka awma tap hlawp hlawp hmeichhia chu ka en ,ka nau in a hmangaih hle an tih hi ka ringhlel talo,ka nau nen khan vawikhat chu kan inhmu tawh ngei ,dam rei lo tura a in ngaih avang khan he a hmeichhia hi enkawl turin min ngen reng bawk,kha tuipuikama a duhthusam a sawilaia a bula awm kha ka ni tih hria se Lily hian mak a tiviau angem ,ka unaupa hna avanga a kalbo chhunga ka mutpui te kha ,ka thaw leh hawk thin ,a hmel tha lutuk silo hian mi hipna a ngah zek lehnghal .






Ka awmah chuan uar fe in atap,a fapa erawh room danga maid ho ka mutpui tir avangin a nu tap thawm hi a hre lo hlauh,ka kuah nghet sauh,ka venghim anga ,ka unaupa laka ka thutiam hi ka tihlawh tling ngei bawk ang,William a ngaihzia a sawi renga ,Chu chuan ka nau laka kutthlak tute hriatchhuah zung zung mi tichak zual,he hmeichhia hrehawm taka an siam leh ka nau nunna an tihtawp man hi kei a u hian hremna ka pe ngei ang,a tah a ban deuh avang chuan chhuahsan tumin ka tho a ,ka kutah a rawn vuan nghal vat chu ka melh thla vut .








Tim daia min en in a ngaihtuahna a la fimlo tih hriat tak hian a meng a riai a “ Ka bulah i awm thei angem? Ih William a bula awm angah ka in ngai zel " a tihchuan engmah sawilo in ka muthla ,min dai hlau tak mahse min hlat silo hian a mu kawm chal ,ka lainat viau vawikhat ka hmuh bak kha ka la hmu leh ta lo,tun ah erawh a hmel tlemin a dang deuh ta thunga .




(Ka nuam meuhlo a ,ka rawn zawm leh vat dawn nia



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)