MY SAVIOUR CHAPTER -3

Episode kal lai dah luhna

Moderator: writers

Remruatfeli feli
Posts: 143
Joined: June 28th, 2020, 9:53 pm

MY SAVIOUR CHAPTER -3

Unread post by Remruatfeli feli » July 4th, 2022, 9:23 pm

MY SAVIOUR CHAPTER-3


RINDIKI POV

Hmanhmawh zet chuan ka insiam a ,zing thawhma hi chu ka thei thlawt thin lo,
" Lalrindik hmanhmawh ve ta che, zirtirtu ber hi i tlai thei ltk mai,tho rawh tih tih pawha tho duh lo,a tawpa hmanhmawh leh chuk tho si"
Ka nu chuan a rawn ti hlak hlak a,a zaidam lo ve ngawt mai mahse keipawn a hauh hi ngatan mah ka ti bik teuh lo, tiang chhang let lo ila a ngawi ve mai.


" Nula in ni ve tawh a,tiang ringawta khawsak tur a nilo" ka pa chuan dam dap hian a rawn ti ve thung a,ka pa min rawn tih dan avang chuan ka ngawi kar ringawt,dam dap hian sawi mahse ka nu min zilhna ai chuan ka hlau tho tho.

School ka thlen chuan office lam chu ka pan nghal vat a, minutes nga pawh ka thu hman lo ang tih velah class ka nei nghal bawk nen zirtirtu ka lo ni kher kher chu ka in chhir ve lek lek.


Ka la naupang deuh bawk nen naupang ho pawn min nel in kan in kawm tawk viau a,an bulah hian ka lo ti ti leh vak zel ,chu chu zirtirtu thenkhat hian min hauh Nan tak an hmang reng bawk a ,mahse engah vak ka ngaih sak duh lo,an zirlai a ka puih theih phawt te chuan ka ti mai,chu lovah ka ngaihdan chuan in pawh taka ka zirtir hian an man chakin an hre rei bawk in ka hre ve tlat.


" Miss i van hmeltha" ka zirlai te zinga phawk ve deuh hian a rawn ti a,midang ho chuan an lo nuih dar dar hlawm a..


Naupang mai mah nise a thusawi chuan min ti lai lek lek nia hahthlak hian.


" Ka va lawm ve" nuih suk chung chuan ka ti a,chu zirlai bawk chuan,


" Miss kan picnic dawn a lo kal ve la" a rawn tih leh chuan ,midang ho pawh chuan kal turin min sawm sap sap hlawm a,ka hnial deuh dawna min tih luih deuh tlat avang chuan ka aw ta nge nge a,ka nu chuan min hau leh ngei dawn e," naupang chhia ltk mai,an rualpui niloin an zirtirtu lawm i nih " min ti leh ngei ang,zirlaiho laka nelawm loh leh strick viau rawh min tihna pawh nilo,an thil nawi tih na a ka in rawlh peih ltk hi min hlauhna tam ber a ni zawk,a awmlo hran chuang lo ka nu thlir dan chuan,mahse in la upa deuh emaw,an laka zirtirtu ka nih zia tih lan vak a tulna ka hre hauh lo.


" Naktuk ah test kan nei ang aw" ka tih chuan an ner nghal nang hlawm a,ka nuih an tiza angreng ,kan hunlai pawh khan kan Ning ve thei em.


" Miss i period hun ah test ve mai ila"

" In zo hman lo ang,a tam dawn a naktuk phei chu tha deuhin in zir dawn nia"


" Miss enge kan test dawn??" A va hahthlak thin tak .


" I thiante kha lo zawt la,a hma in ka sawi lawk vek tawh kha,fail in awm chuan in stay on dawn a nia,tumah fail loh tur"ka ti chang fak a,ngawi rengin min en kar hlawm a, naupang hi ka ngaina hran lo mahse an bulah chuan nelawm thei ang bera awm ka tum thin mahse ka duh dan loa an awm thung chuan ka sa ve phat thin.


Chawhnu lam chu staff meeting kan neih dawn avanga class an kal dawn loh thu ka sawi chuan an ri leh deuh hluai a ,an che zia engkim chuan kan nunhlui min chhui kir leh thin.


Staff meeting chu a rei phian lehnghal ,dar li a pel tawh ,an la tawng tui mai sia, covid a hluar leh deuh tak avangin class eleven ho chu online a kal chhunzawm tir mai te chu an rel a,class twelve erawh offline a kal tur tih chu an thuthlukna a ni,class twelve an la kal dawn tho avangin a hahdam phah dawn Chuang lem hleilo a ,ka tan chuan awmzia awmlo ve tak a ni.


Dar nga velah chuan kan bang ta hram,ka thutna ka mawng te hi a kham vek thei ,ka phone rawn rik avang chuan ka bag ah chu ka zen rawk rawk a ka la zen fuh maithei lo zui,ka zawn lai in an tawp hman hram kha .


Phone ka en chuan u Ruata,ka cousin chuan min lo call a tum hi lo ni a ka call back nghak zat bawk, engmah ka sawi ve hma chuan,


" Mate i haw tawh em" a rawn ti deuh sup a....

" Haw lo e,hei school gate ah ka awm"


" Nih chuan dawrah lo phei la,kan haw rual dawn nia" a tih chuan ka lo remti ve nghal mai a,chu lovah ka scooty ka Keng lo bawk nen ka u in bike a ken ka ring tho a,taxi fair ka free ni leh mai.


Dawr ka va thlen phei chuan customer an lo nei deuh nual a,an lo buai em avang chuan counter lamah chuan ka lo va thu phei a.


An chhuah rem hnu ah chuan ka u chu a rawn thu phei a.

" In va rel nasa awm ve" a rawn tih chuan ka bo deuh hu,eng a sawina nge pawh ka hrethiam lo,ka mitmeng ah ka hrethiam lo tih ka lo ti lang leh viau tawh a niang nui suk chungin,


" In school staff meeting a nia ka sawi" a rawn tih chuan ka lo bu deuh nghut a.


" A... online leh offline a kal chungchang vel maw le," ka lo tih chuan a ner deuh nang a.

" Dawr pawh duhtawk a kan Hawn theih laia zirna in zawk hawng thei loa sawrkar in a siam hi chu a ti awm ang lo ka ti khawp mai" a rawn tih chuan ka lo melh vak ,chawlh ka chak lai laia.


" Kha ti khan min melh reng reng Suh,thawh loh hlawh lak i duh mi" a tih leh chuan phur fahran in

" Duh e le,ka hahdam dawn lawm" ka lo tih chuan hahthlak tih hmel zeta min en in a thaw chhuak hak a.


Ka u nen hi chuan kan in ang lo ve a,a ni hi chuan ka ram te hi a vei in a hmangaih a nia,dawr nghak Mai mai amaw te in lo ti a nge ,tuna an dawr hi multi brand showroom a nia, thawmhnaw leh pheikhawk tih vel mawza te thlengin brand hrang hrang an zuar a,chu bakah MRF showroom hi Lunglei ah leh Dawrpui Vengthar ,Aizawl ami khu an ta a ni bawk,tyre hming te khu a hrethei hi ka ti nia ,an lo hausak bakah amah hi a sang tha in a hmeltha reuh zek a a luck ve teh a nia mahse hmeichhia hi a ngaihsak hlawl lo a a buaithlak.


" U kan la haw dawn lo mi a tlai tawh hmel e" ka tih chuan a sana bun chu a thlek vut a.


" E...a hun tawh anih hi,inkhar tawh mai ang" tih pah chuan a tho nghal vut a,keiin an in hralhna ka lo en fel thung a, midang thawk ho kha a haw hma tir ta daih sia.


Chu tia uluk ltk a pawisa ka lo chhiar lai chuan ka bula dawhkan chu a rawn in khawng ri kerh a ka phu dawrh nghe nghe.En Chiang hlei lo chuan ," i van..." Ka haw chho chu a mit meng tak ngul chuan min lo melh reng a ka phu leh chiam ringawt.




" A...a...enge ilo tih?" Ka sawi zawh rual rual in ka zawhna atthlak zia ka hre chhuak nghal,eng dang vang nge helai hmunah hian rawn kal vak se ka ti nge maw ka nih le.

" A...ka sawi awmzia chu eng lampang nge in duh" fel fai thlarh chuan ka ti a,mahni tawka confi ve tak thin ka nia ,nichina ka zam chhe deuh pawh kha a awiawm loh hial zawk.


" Chapal en ka duh a" a rawn ti deuh sup a,en pui ka tum lai tak chuan ka u a rawn lut hlawl a ka lawm zia chu.


" Ka u chu melh in ,hei chapal a duh a lo en pui lawk mai" ka ti nghal vat a min tirh hlau fahran in buai hmel ltk in pawisa ka chhut khawm nghal nawk nawk .


" Mate card in a nia aw,2500 lo cut la"


" Ok"

Chapal man mai2 ah a van in seng hnem tak,kei chu 150 man vel ,bata mi ka duh fe zawk,sum hmanna tur hi an hre hlawl lo.Amah pawh chu hria ang pawn ka awm zui Chuang lo a Ani pawn min hre awm in a lang bik Chuang lo,ka u nen pawh chuan an inbe Chuang lem hlei lo va,veng khat ve si,an in rual hmel tho sia an in hriat ve te ka lo ring a.


Kan haw kawng ah chuan ka hriat chak em avang chuan ka u chu ka zawt ta nge nge a,

" U tlai deuh tawh,kan in khar dawna lo lut pa kha I hre ngai lo mi"


" Hre ngai e tinge"

" I be lo em a" ka lo tih chuan a nui deuh suk a.

" Biak kher a ngai mi" a rawn tih leh chuan ka ner deuh nang a.

" Aw veng khat te kan nia" ka tih leh chuan,

" Mi hriat I neih loh tehreng nen engtin nge Juna te ang i hriat zawk a, Mizoram ah a awm ngai silo a" a lo tih leh chuan chhan mai ngaihna ka hre lo,ka ngawih reng avang chuan amah bawk in,


" Nang hian i duh deuh nilo maw" thutak zeta a rawn tih leh chuan rang ltk in,


" A teuh lo khatiang mi maksak ,nghal si, tawngthei si ka duh teuh lo mai ,ka dream boy ang kha a ni lo" au ti tih a ka sawi chuan ka u nuih a za ngang mai,sawi chhunzawm duh lo in thil dang ka sawi pui ta vat a.




******


Tawi viau mahse like leh comments kha ti tho Ula😂ka type lawk sa nih vangin chhiar tur in nei mai Mai tih hria ula,a lost love phei chu ka type thei lo,tunlai chu ka derthawng ltk a,luhai hian ka tlu lek2 renga buaithlak tak a ni,min lo tawngtaipui ka mamawh hle a nia,,,,



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)