DUHTAK SANGPUII CHAPTER-15 BY NUNUI HNIALUM

Episode kal lai dah luhna

Moderator: writers

Nunui Hnialum
Posts: 91
Joined: June 13th, 2021, 9:07 pm

DUHTAK SANGPUII CHAPTER-15 BY NUNUI HNIALUM

Unread post by Nunui Hnialum » August 5th, 2022, 10:15 pm

Chapter-15




Inchhûng luhdàwn chuan akuta ka vawnna chu zâwite hian ala thla a, a mitmei in lût hmasa tur in minti leh tlat pek, a chhungte hmai zah ati na ve hle mai, rìm zen zen chi pawh anilo ang, chhuanlam tur ting in zirlai ala ni ve bawk nen chawpleh chilh in chhûngril ahnual sa deuh ringawt.






Sitting room ka han hawi chuan phone hmet mual mual chung in Lalthlengliana alo ṭhu vùn a, hepa hi ka chhuahpui tih ka hre chiah, Sangpuii ka hmuh khàn Thlenga ka lo hrechang tawhlo anihdawn hi.







A ṭhutna ep long chair pakhat ah chuan ka ṭhu ve vat "a chhungte hi an awm nange? An va reh teh diak ve?" ka ti satliah a, "i lengdawn tih an hria ani maithei," ati sup. "Nula lèntur ka zawng ve dawn," tihleh din arual a, vei taka "helai vêng ah tu nula nge rìmtur awm a?" ka tihsak a "nangpawn i hmuh zawh chuan ka hmu ve em em ang," ati hluk. A ding uai tawh chu choka kawngka ri rak vãng in kan hawi phei a Makima leh Nu Lawmi te nupa anlo lûtzui ve zat.






Makima lo lût ve nawlh chu kanlo phâwk deuh, a hnathawhna ah ala awmreng emaw ka tia a chãmchilh rei bawk nen, engtia lo lût ve nawlh nge maw anih ni.Nu Lawmi chuan Zothana damdawiin awm thu te alo hreve aniang min hmuh veleh kan dinhmun min zawt siam siam a ṭhutkhawmna pindan arawn thlen chuan zawhna min zawt ṭeuh hman tawh. Thlenga chhuahtum pawh a ṭhu thla leh.










Sangpuii pawh ani te hnung ah arawn lût veleh a ani in ahmuh veleh"Sangpui thingpui hãng lum la," ati nghãl a, kan chanchin hriatchian achãk nen hretûra ka duh chin ka hrilh a, anlo ngãithla uluk khawpmai. Tlãngkam aṭanga an thu zeldin an hriat te a sawi ve luama, 'Zothana'n a ngaihmelh hmasa anga ani Baby duhlo in ṭanpuitu ako a El-a te ṭhian ho hmeichhe thlavãng hauh na si chuan an insualpui anga ani Zothana hneh leh silo in an lana,' tih angreng te ani, ka nui tawp.






Mi chungchang dik mang hlei lova kan buai lutuk te, mi chanchin kan khel peih lutuk te hi kan ṭhan mawhbâwk liantak ani. Hetiang kannih reng chuan kan changkãng har khawp ang.







Nu Lawmi hi ka kawmchian poh leh han sèlna tur ka hre lo khawpmai, Sangpuii pawn "àní hi chu a thinchhia in a thin aram deuh ṭhin tihloh ah chuan min hmangaih lutuk, alak a ka thinrim viau dawn pawh hian min hmangaih èm a hmundng ka hawisan theilo ṭhin, a thinrim hian midang hmai en nachãng ahrelo a heitak hi kan hauh tamna ani; mahse, a sim phah teuhlo," ati anihkha ka ring ta thlap mai.





Nu Lawmi pasal erawh mi ṭawng vaklo an tia adik anih dawn hi inchhung araqn luh hnu ah ala ṭawng miahlo, TV en in remote akeng ràn a a entui hmel khawpmai.






Sangpuii thingpui lum kan inmêk laiin ka pa in minrawn bia a, a pawimawh lekpek viau aniang thingpui inzawh ah muangchãng lovin kan tho a, Makima'n "keichu ka lo lêngrih mai ang, naktuk lamah in in ah ka lo chho ang," ati a apawi ka ti miahlo, Bike kan kengve laklawh nen in pathum chu aharsa ve deuh.









Sangpuii'n kawt thleng min thlaha Ṭhiana chuan min hrethiam zet in pawn kan rah rual in abeng ah phone a chuktuah a akal hrang nghal daih, Sangpuii ni te pawh mi à nilêng anni lova kan chungchãng pawh an hrethiam vat in ka ring.






"Chawhmeh hi inla khãrchhawng reng em?" ka ti a bu nghat in "vawiin tlai ah Tomato arawn thleng thar a, dahrei chi ani silo a a buaithlak ṭhin," ati niah niah a ala tleirawl bawk nen ka khawngaih ru reuh tak tak ani "Sikul kal ṭhala, chaw ei ṭhala, lehkha lo zir ṭha bawk ang che, keipawh karthar ah ka rawn zawm thei tawh ang," ka ti zung zung a "yes sir," ati vei thluam.








"Makima khi lo ṭhuthnaih suh ang che, inchhûng i luh veleh lehkha zir tur in lût nghal bawk ang che," ka ti leh nghut a a ner nãng mai. "Tuma ṭawmpui che ka duhlo, chu chu hrechiang la mipa hnaih ngai suh," ka ti a, ka sawi zawhrual in a hmui ah ka fawp chawt a, rei erawh anilo, a chhungte lo lan thut ka hlauhpui.








Kan buaina hi han rehfel se ka la lén chhuahpui ang, chu chu ka rilrùk dãn ani.







Haw kawng ah chuan thil awmdàn kan sawiphei mawlh mawlh a, Baby'n police hma a a thusawi te kha ka beng ah ari nawn reng, 'Pu Biaka nen hian college khata kalho ṭhin niin an in hmuhtirh phat aṭang a in hmèl duh, in ngaizãwng in an inkawp chho a, an in duhna nasat èm vâng in an zirchhuah hun pawh nghãk thei lovin an in ru a; mahse, Baby chhungten an hriat chuan an pawtṭhen vat a thingtlãng mi anih avang a achhungte chuan duhlo anni, bakah amah ala nau ve bawk nen ti chuan Baby chu a chhungte nawrluihna avang in phai ah zirna zawmin an dah hrang a hun reitak hnu ah a hnathawhna avanga an in tawnleh tãk hnu chuan an in duhna alo la ngai renga an in kawpchho ṭan leh a tu khaw kha hriatpui loh in nupa angin anlo khawsa dùn a chu chu ka nau in alo hmufuh a an hmingchhiat hlauh vãng in leh Zothana'n aka a àn hlau in anin a tawrh phah a; tin, Pu Biaka ngei pawh in a nunna achhah phah ta ani'.






Pu Biaka hi pa valai la upa lo tak ani a, khawtlãng leh NGO ah a tlãk tlum èm vanga 'Pu Biak,' ti deuh chawt kha ania, amah tak pawh hi kei aiin kum hnih thum bãkin ala upa lo, uire na sual vãng a a nunna achhat si chu chhungte tan chuan thil zahthlak leh na tak ani; mahse, ka ti ve tlat nunna chhah nan èm chuan aholam deuh ka ti, mihring tlusual theilo kan awmlo a; tin, kan tihsual rah hi kan damchhung ngei hian kan chungah alêt leh ngei ngei ṭhin bawk, amaherawh chu midang tihnat tel nana an hmang erawh ṭha ka ti hauhlo, kan thil tihsual rah chu kan seng ngam ngeitur ani ka ti ve tlat, zahthlak eng ang mahse.







Kei erawh min bum letdêr thung pasal chu Vairengte ah chuan anei ngei a an inṭhen tawh bawk 'min rawn zawnchhuah atum,' atih erawh ka ngaihsak na a dawn a an buaina hliah khuhna tur hmanrua ve mai chauh ani, khami tlaia chaw alo eive tawp dàn lah Thlenga'n "nula hnahkhat ve chu ka in biakṭhat tir a 'chaw lo eirawh,' ka ti ṭawngkam ṭha a alo kal pawh ka ring lova," ati nawi nuah nuah ringawt. Plan chu ani ve ngei ang.






Kan in kan thlenga Ka nu leh pa leh nuteii te, ka niteii te chhûng pawh anlo awm ṭhap mai, thu pawimawh an sawiho tih hriattak in an múk rùn hlawm. Niteii'n choka ah thingpui a siam rak rak a "Mampui, thutlûkna awl ái lo tak siam kan ngai dawn ani," arawnti deuh nghat.







"Keipawh ka haw nghãl mai ang, nizan ka tlaivâr chau nen," tiin Thlenga a chhuak leh vut a, biakzui hmanpawh anilo, chhûngkaw thu hla anih vãng in a in thlahrung ani mahna le.






Sitting room a kan ṭhut ṭhap laiin ka pa arawn dingchhuak a "Mampui, vawiin tlai khàn Baby chhungte lam leh Joela te ṭhianho chhungte an rawn leng khawm a; tin, an mahni mai bãkah kan VC te leh palãi te nen ngaihdam min rawn dil a, kan tlangvãla te ṭhianho chhungte phei chu nimin lamah anlo kal tawh bawk a, pawi an ti ve hle niin ka hria, a pãwng apuiin case la let tur in minti dawtlo na a zahngãi hrãm tur in min rawn ngen ani, Zothana damdawiin senso pawh keimahni lam in kan tum vek ange, an ti a hei kanlo sawiho liam liam tawh a nang enge i ngaihve dãn le?" ati ta a, ka hmûi ka chîp hmuk.





Pawi khawih vek tawh hnu a inthiamlo thar leh a ngaihdam indîl leh achu, a tuartu kannih vãng nge ngaihdam mai harsa ka ti riau, a lehlam takah Joela te ṭhianthum chu engtiang in nge kan dawithiami'n a thlèm kan hre hauhlo, alo tham fe te pawh ani mahna, anni ngau ngau chu ka palzam lui ve maithei Baby erawh kan ngaidama kan khua a ala awmzui reng anih phei chuan keini mai bãkah midang tan pawh ala hlauhawm thei ve tho.





"Kan VC nen pawh nimin lamah kan ti ti a anni lam pawh in min thinrimpui in, kan khua a thawhzawmtir loh an tum ruh khawpmai ahna aṭanga suspend leh bàntir thlenga tih theih ani a; mahse, anni chhungkua hi chhungkaw hungtak anni a, mi thil ti thei tak chhungkua anni, keini lam hian kando zo reng lo thei chuvang in kan khua aṭanga sawntir mai ṭha kan ti tlãng ani," ati dap dap a.





Patling in 'ṭha,' tia an rèl ani a a felfai ngei ka beisei. Engpawh nise amah Baby ber helama a awmtawhloh a kan in hnimhnaih loh ber chuan kan ṭha tlãngzel tur ah ka ngai mai.





A tûk ka hahdam hnu ah Lawngtlai damdawiin lam ka pan leh a, Bike ken pawh damdawiin awm kanni nen a ṭangkai tampuilo èm a Bus ah ka kal ta mai, damchuan acham naktip lawk ah athleng anga kan chhuak ve vat tur ah ka ngãi a, amah Zothana tak phei hi chuan chhuah achãk tawh lutuk a a khum ah pawh amu thla zen tawhlo, kan damṭha zêl ah ka ngai e.






Ni aral ve zêl a, Damdawiin kan chhuahni arawn her a ka patealeh niteii pawh minrawn hruai tur in an rawn kalmêk a kan insiam malh malh lai in Lawngtlai supply officer palian zet leh anau an rawn lût hlawl a eitur tam tham fe arawn kenglût bawk, 'kan hmelhriat leh chhûnghnai anni silo, engtia lo lang ve nawlh nge aw,' ka ti rauh rauh a an chhuahdawn a Doctor nen an in biakna ah erawh "bill chu keimah in ka lo pe ange, kan in ṭanpui tawn ve theihna alawm," ati ta a, chuta a mitmeng verther ru zet aṭang chuan Baby chhungte anni ang tih rindan ka nei thiam.






Ka pante remruatna in kan case file pawh kanla lêtta kha ania, Thlenga sawidan ah 'nimin ah la la Baby pawh a in sawnchhuak nghãl,' ati a. Hetia in chirh theh anga zãwnga lo lan leh angai kherlo asin mawle. Doctor chuan polite tak in "bill chu nimin lamah pêkfel vek ani tawh e," ati sup a akal zui vang vang bawk.





Officera hawi lawl lawl chu keiin ka lo en vah thung, nimin lam ah hetiang harsatna a awm ringa bill pawh pe sa vek ka ni, ka pa sawihmang ah 'in ngaihdam tawh hnu a pawisa in chawitir leh pawh a ṭha ngailo e, an tihsual sim phah nana an hman hlauh chuan chu aia lawmawm a awmlo, mihring kan damphawt chuan pawisa te chu a awm ve zel,' ati kha ania ka pa nge nge.






Patea te anrawn thlengzui bawk a hawmai kan tum laiin Thlenga u Aruati'n kan chhuakdawn tih hria in arawn kal leh vang vang a an chhungkaw lak ba kannei ta ṭeuh mai, ka patea leh niteii ten 'lo zin la arpui tuilai kanlo talh ang che, min chhawmdawl nasa emmai,' an ti sek sek a ani pawh in lo zin atum ve viau, anau awmna hmuhsak atum thu te pawh asawi ve luam bawk.





Rei awm khawmuang tawh lovin kan haw ta vang vang a, in kan thlenga inlêng an rawn lûtkhawm zut zut a, keini akâra miten min ngai pawimawh chu lawmawm ka ti, kan in chhûng an khat titih zàn nia.






Chaw eikham ah Sangpuii len ka tum deuh úk a 'inleng neuh neuh kan neih bãkah kan thleng ve chiah bawk nen chhuahnghal vut pawh a chi vak rihloh,' tiin ka insùm ta mai. Nu leh pa ho inchhung ah an awm tam ve nen kawt ah mei tuah in Thlenga leh Makima te nen kan ṭhu ho a sawi neuh neuh tur kan hre silo a mei kan pak leh sek tawh.






"Lawmzual, ka gallery hi thlalak a awm tam theilo reng reng, memory card ka vuah ve tho sia enge awmzia le?" Makima'n ati a achal chiar nawng in aphone hmet pah nuap nuap bawk. "Khawmaw ka lo en ang," tiin ka la vat a a gallery ah ka lut hmasa ber 'camera,' a thlalak lo awmva ka hmuh chuan ka hmusual emawnka ti hman; mahse, ka en chianga ka hmusual hauhlo. Phãwk ru fe in thlalak chu ka open a "engtin nge he thlalak hi a neih theih? engtia aneih nge?" ka ngaihtuahna zawhna tam tak avâk kual nghal zut zut.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)