THE GOVERNOR CHAPTER - 11(ZAWMNA) BY MAWITEI BAWITLUNG

Episode kal lai dah luhna

Moderator: writers

mawitei bawihtlung
Posts: 753
Joined: November 18th, 2020, 12:53 pm

THE GOVERNOR CHAPTER - 11(ZAWMNA) BY MAWITEI BAWITLUNG

Unread post by mawitei bawihtlung » August 7th, 2022, 9:26 pm

THE GOVERNOR



CHAPTER 11

pic hnuaiah zawmna


Delhi ah kan chhuk tawh a ,kan in pawh Nick sawi ang ngeiin khawpui chhung hmun lun laiah awm lo in veng mihring la tamlohna hmunah nuam zetin an sa a ,keipawhin sawisel tur ka hrelo,ka huphurh ang em em chuan a hrehawm loh bawk ,zing nichhuak tur in khawpui building sang zet zet chhip a chhun sur chu ka en a ,Mizoram lam nen chuan boruak a inthlak hlawk nimaiin ka hria .








A lum em em bawk,mihring lah hmuh sen loh khawpin an tam,ka pasal mi pawimawh te nena an thutkhawmna lam chu enin ka nuisak,min ngaihsakna a tilang hrehlo a ,ka awm nge awm lo hriat tumin ka awmna lam a rawn melh leh run zel ,ka lo nuih sen sen a hmuh chuan khisukin midang chu a zawm leh thin,pawnlamah chhuakin pangpar pot tur ka siam mawlh mawlh,Kan awmna hi grass an phah chhuak vek a ,a nuam ka ti phian chutih rual erawhin Mizoram lam erawh ka ngai reh theilo,Malsawmi leh ka pa ka ngai zual.




(Atawp note khu min chhiarsak dawn nia )


Nitina inhmu leh inkawm kan ni a ,an thawm hrephakloa awm chu ka awm thiam lo hu,ka pangpar pot tur chu la khawmin African violet an tih sainpaulia ionantha an tih thin a rawng chi hrang hrang chu ka phun mawlh mawlh,an par a nalhin an rawng a chi hrang a tam avangin ka duhzual ,nui ver ver chungin ka phun melh melh“ Bawihi " ka phu nasa bawk nen ka thu chu ka ding zawk ,Nick chuan min lo en kur ,an meeting zo tawh a ni ngei ang,in hnung lamah ka awm daih sia ka lo hrelo a nih hmel.








“ Min tiphu nasa lutuk ,in zo tawh em ni?" tiin ka en ha,bu nghatin ka bulah a rawn thu thla ve a ,ka pangpar phun tur chu a lo siam rem ve zel,kumhnih vel tal kan awm a ngai awmsia,hengho hi chu khawiah pawh kenkual theih tura tih ka duh ,“Nick engtikah nge Mizoram kan let leh theih ang? Hetah hian kan awm reng dawm em ni? " tiin pangpar ka phunsa chu ka dahsawn zel “ A reilo turah ngai ang,bawihi duhtawk la hahdam rawh " tiin ka kutah a rawn chelh ,ka lo nuih ringawt .








“ Enteh an par a nalh a nia,tuna tha deuha ka enkawl chuan nakinah nalh takin an la rawn par dawn a lawm ,kan zo phawt a nge " tiin ka chet zawm mawlh mawlh,min dan pawh tum tawhlo in ka pangpar la phun loh chu a rawn phun ve a ,ngawi reng leh khawr tuta patling a han che meuh chu tlangval che en nen chuan dangdai deuh mai a nia,an inhmeh bik hluah hluah “ Thiana " Hmangaihsanga chu inchhung lamah a au khawk leh rum rum tawh. Ani pawh Delhi lama lo awm sa a ni nen kan rualin a chhuk ve nghal kha a nia.








“ Chu thawvenga alo kal chu lo va inkawm rawh u ka zawh hunah ka lo lut ang,panga chiah angai tawh" ka tihchuan bu nghut in a tho chhuak,tunlai chu a mah anglo takin a tawng tlem riau lehnghal. Mahse ngaihthatloh nan ka hmang lem lo , inchhung ka zuk luh ve chuan an panhnahin eng eng emaw an lo sawi dun a ,ka pan ve nghal vat “ Kha kan naute te chu a tha maw"Hmangaiha chuan a rawn ti a ,ka lo bu nghat . Amah hi a tawngtam thei lutuk mah mah zel a vang hian ka be tam duh vaklo .








Thu a sawi bawn thei ropui si ,Nick an phone call a dawng a min rawn enin a la nghal zat ,chutah lehlam ami tawng a ngaihthlak zawh rual chuan min rawn en leh ka ngaih a tha chiah lo “ Awle kan rawn chho dawn ania,a tul chuan helicopter kan rawn hmang mai ang . Hotu ten an phal in ka ring " a tihzawh rualin phone a dah “ Bawihi insiam rawh le Mizoramah kan chho dawn a nia" a tihchuan Hmangaiha nen chuan mak tizetin kan en .






“ Nick enge thleng? Ngati teh thut nge engkim a tha tiraw?" a hmel awmdan avang chuan ka ngaih a tha lo hle ,ka hnaih nghal ruak “ I pa a dam lo a kan haw chho dawn nia ,insiam rawh le " tiin a mah chuan room lamah min hruai in ka thawmhnaw thenkhat chu a khung mawlh mawlh,ka la hamhaih bawk nen awmdan tur mai ka hrelo,ka pa chu ana viau ani ngei ang ka thawmhnaw a khung tam danah .







“Nick ka pa chu a tha tiraw ? " aw khur dar darin ka tichhuak “ A tha i pa chu a tha lutuk a lawm,tirawh le kal ang le " tiin min kai chhuak “ Thiana airport thleng min thlah thei ang chu tiraw " a tihchuan Hmangaiha pawhin min hruai theih tur thu a lo sawi ,a tlai a tlaiin airport lam panin kan kal a ,ka lungphu dut dut atang hian thil tha lo tak a thleng dawn anga hriatna ka nei ,ka ngaih a tha thei meuh lo . Airport atanga kan thlawh chhuah meuh chuan khua a thim chiang tawh hle .







Nick chuan ka kawngah kuahin ka chhip ah a fawp vang vang “ I chau em?" a rawn tihsup chuan ka lu ka thing vat “ Ka pa chu engtia na nge " ka tihchuan “ A chau deuh mai mai mawle?" Tiin min chhang thaw ham hamin pawnlam thim mup chu thlawhna chhung atang chuan ka thlir reng,ka pa chiah hi min ngaihsaktu awmchhun a ni tawh a ,a that ngei ka beisei , Aizawl kan thlen rualin Nick chuan hospital lam min panpui nghal .






Malsawmi ka biak chuan anipawhin damdawiin a a awm tawh thu min rawn hrilh a ,ka thaw deuh huai “ I pa chu a tha ania hlauthawng suh"a rawn ti ve a ,mahse ka hlauhthawnna areh chuang lo ,damdawiin kan thlen chuan zawh buai ngailo in Nick chuan ka pa awmna lamah chuan min hruai ,khuma ka pa mu ka hmuh meuh chuan mak tihna in ka khat,pa hrisel tak kha a ni si a ,Nick chu hamhaih zetin ka en “ Nick atha ang iti a nilawm ni " tiin ka en,ka pa oxygen an vuahsak ,thalo tih hriat ngawih ngawiha khuma mu ka hmuh meuh chuan ka na ani.







“ Pa " ka pan nghal ruak,a bulah ka nu chu a lo tap bawk “ Tinge hetianga a awm ,pa min chhang teh,pa ka neihchhun inih tawh hi " ka mittui a luang nghal zung zung “ Jas insum hram hram rawh ,pa Ramnuna hian i hlim hmel hmu chunga kal a duh ngei ang. Hrilh che ka tuma mahse ka ngaihtuah lo thei silo che a ,ka hrilh ta lo che anih kha ,min ngaidam rawh aw " tiin Malsawmi pawh chu a rawn tap ve bawk “ Nick tinge engmah min hrilh loh? Mawh ka pa kha a tha iti a nilawm ni ? Mahse a mit pawh a men duhloh hi ,engvangin nge ka lakah i zep " tiin ka tap chhuak.







Ka pa kut ka vawn rual chuan a awm a insep dawrh dawrh,daktawr rawn lutin an buaipui lai te chuan ka pa chu thawk harsa tiin a awm a insep dawrh dawrh a nihchu. Tinge ka pa chungah kher hetiang hi a thlen,ka chhungkaw neih chhun a ni tawh a sin “ Papa ,i fanu hi min kalsan theilo ania ,nang chauh ka chhungkaw neihchhun inih tawh kha ,pa i fanu hian ka la mamawh che ania pa " ka au chhuak rawih rawih ,Nick chuan min pawm bet vat “ Nick ka pa saw ka chan theilo,tinge kan lo kalsan amah maiin kan awm tir a . Tinge kan lo hruai ve mai loh engvangin nge sawtianga ka hmuh Nick min hrilh rawh" tiin a awmah ka chum dawt dawt.







“ Bawihi inti pachang hram hram rawh ,ka tihpalh tun anga i awm hi ka hlauh vang a ni. A chhan chu i pa hian hun a ngah tawh lo tih hi keipawhin min rawn phone khan ka hrechiah,ipa hi kah a ni " a tihchuan mak ka tiin ka na zual,tunge ka pa thih duh tu ni ang,ka nu puh dawn ila tunah hian a nipawh biak tlakloh a ni ve tho si,ka phirpui lah a chi ai ve tho tih ka hmu bawk . Ka lu ka tuai puat “ A pawi kan ti silai mu hian a lung a tawk tel tlat si a tih theih kan nei tawh lo Ani" doctor thusawi chu ka melh ngawt ngawt.






“ Dawt i sawi daktawr dawt i sawi a ni. Ka pa hi a thi theilo hrim hrim ,in hria em ka pa hi a thilo ka neihchhun a ni tawh a sin" tiin ka pa lam ka pan,a hmel chu a dang vek tawha a taksa lumna chu a kiam zel tih a hriat “ Pa nangmah chauh ka nei tawh che a sin,engtin nge i tello in ka awm ang? Ka ngaih changa rawn haw na tur leh ka biak tur i awm tawh dawn lo a sin,pa lo meng rawh mawh? I tello in engtin nge ka awm ve anga,pa nangmah chiaha ka awm tir che avangin ka tihpalh ,I natlai pawhin i bulah ka awm thei silo.








Pa i tu lo piang tur hian pu ti a koh tur leh i hming phuah nghakin he ka pum chhungah hian a awm a ,a lo pian hunah tunge ka thlamuanpui ve tawh ang ,pa min ngaihtuah ve lo em ni ,mawh pi leh pu ka nei tawh lo a ,nu tia koh tur ka neih ve tawh loh hi . Pa tinge hma takah min kalsan ,fahrah mai ka ni tawh dawn asin " ka au lawm lawm ,ka nu lakah ka lungngaihna ka hrilh thei tawh lo a ,a chhan chu min hmangaih ve miau silo ,tam takah erawh ka pasal hian min kalsan dawn lo tih ka hria , Nick -a chuan a awmah min kuah betin “ Bawihi intichak rawh. I pa khan mittui nena thlahliam turin a duhlo ang che,englai pawhin i kiangah ka awm reng dawn a lawm.








I mal ngai lo i kiangah kan awm ,le intichak rawh kan naute ngaihtuahla ,a pu hi a sun ve dawn tih hria la nang tal i intih chak angai ania " tiin min kuah,mahse ka insum theilo ka pa taksa chu ka sawi ka au reng bawk “ Nick thlakhat em pawh kan la awm bosan lo a ,tinge hetianga a awm ,tunge ka pa hi min laksak an chungah enge ka tihsual ,ka la mamawh a lawm Nick,kei leh ka fa hian ka pa hi kan la mamawh a sin,ka tette atangin ka tah changin ka bulah a awm a ,min ngaihsak tu awm chhun a nih hi.







Ka nu ai pawha min hmangaih tu ka pa ,ka duh tin reng min pe a ka nawmloh hlaua hna hahthlak tak thawk chunga ka duh min leiin,vawikhat pawh hah hmel min hmuh ngailo . Min nuihinna fanu hi mi aia hawi zaulo ka nih hlauin zirna min pe a ,mahse ka tana a thil tih zawng zawng pawh rul theilo in ka awm bosana,min mamawh em em laiin keichuan mal taka awm turin ka siam leh a ,keimah avanga ka pa tawrhna hi Nick a na lutuk ,a hrehawm ngawih ngawih Kum 20 chuang min lo enkawl tawh tu hi keichuan reilo te pawh ka enkawl ve thei silo .






Pa ka tihpalh pa ,lo tho leh rawh " Malsawmi te pawh chuan min tah pui hlawp hlawp,ka pa phurhna tur an buaipui a ,inlam kan panlai te chuan ka ngaihtuahna a tawi tup vek,engkim chuan min tina ngawih ngawih,kal min zirtir a eitur tui tin reng min hluitu,ka nu in min huat em em lai pawha ka lam tang thin ka pa a awm tawh lo tih ka hriatna chuan min tina ngawih ngawih,inlamah chuan a thawhpui te leh vengchhung mi tlawmngai ho chu an lo awm thap,ka pa chu zah tih hriat tak hian a ruang an zawn chhuah lai chuan zahna chibai an lo buk thap.










Nick rinchhanin ka pen ve zel,kan inchhung chul riap ka hmuh chuan ka tah a chhuak zual “ Pa ka lo haw ania i fanu ka lo haw hi min lo lawm ta che " ka au rawih rawih,tap ring ngam silo a lo insut ri karah chuan ka pa chu a mutna tura an siamah chuan an mutthla ,ka suangtuah phak ngailoh khawhar ina ka bih thin ngei Puandum ngei ka pa in a sin ve te chu ka hrethiam theilo ,leiah hian kumhlun lo tur kan ni tih hre reng mah ila natna pawh awm lo a chhan hriat tur awmlo a ka pa min thahsak tu hi ka la zawng chhuak ngei ang.









Ka nu leh Grace pawh chu ka bulah a nupui leh fanu an nihna ang in an rawn thu a ,a tu a mah mah kan inbe lo ka nu lah a tap ve reng bawk si . Ka pa hmai duk tan chu enin tah pawh tap ri theilo in ka mittui erawh a luang zung zung ,ka tette atanga a thlazar hnuaia midangte nun awtlo a hmangaihna nena min enkawl tu ka pa chuan hrehawmna leh lungngaihna,hah hre chang tawh lo in khitah vanah pa angchhunga chawl ve tawh turin a fanu hi min kalsan tawh . “ Pa khachen hmangaihna in min lo chawiliana,mite neih ka awh hlauin i theih tawkin hna ilo thawk a ,ka nu nena kan tam hlauin chhun leh zan pawh pawisa lo in ilo thawk thin .








Mi hmaa zaka ka awmloh nan thawmhnaw tha tha min bel thin a,tunah ka enkawl ve thei tawh silo che ,pa inkhata kan awm tawhlo mah tihlaia khawhar taka i awm tur ka lo dawn loh avangin tunah chuan ka lo haw ve leh i ruang dai chiah maw ka chan tawh ,pa ka pasal laka ka lungawi loh changin tu thu tha min hrilh nge ka ngaihthlak tak ang. Mahse maw pa ,vanramah i kal ngei dawn tih ka hriatna hian ka thla erawh a ti muang em em a sin . Van atangin min lo venhim thin ang khan i tu lo piang tur nen hian min lo veng rawh aw .







Pa keimah chauh chuan ka pasal hi ka tawiawm thiam dawn hauh lo tih i hriat kha tiraw,ka la puitlin loh zia te ,fuihkal tu tur ka mamawh zia te hi min hriatpui tu inih thin kha ,Malsawmi chuan ka tawng zawng zawng chu alo tahpui, Nick-a erawh chet ngai a nih avangin makpa a nihna hlen zo takin midang chu alo buaipui a ,tihtur ngai a tifel vek bawk . Chaw pawh ei duhlo in ka pa bulah chuan ka thu reng “ Bawihi tlem tal eila,i mut angai ania " Nick chuan a rawn ti ,ka lu ka lo thing nawk nawk.






“ Nick ka pa pawh a ril atam ve tawh ang,a ni chuan a eihma loh chu ka ei theilo " tiin ka pa lam bawk chu ka en “ Jas rawn ei rawh ,i pum chhunga naute kha ngaihtuahla,pawisawilo in an tawrh tel i phal dawn em ni ? Tin naktuk lama chak tak a i awm nan mu rawh ,pa Ramnuna pawhin hrehawma i awm hi a thinrim zawk ang" Malsawmi pawhin a rawn ti a ,ka nute pawh chuan an rawn tuihnih ve bawk, Nick chuan chaw chu min ei pui a ,tlem te tak tak ka ei,mutura rooma kan luh chuan Nick chu ka kuah leh nghal thlawp.






“ Nick engkim hi ka mumang nise ka ti ,ka ti takzet " tiin ka inhnit leh hlawp hlawp,ka chala fawpin nghet zetin min pawmin khumah chuan min mutthlak puia ,ka hnungah a ben thek thek chuan ka mut tichhuakin ka hahzia ka hrechhuak thar bawk,mut chu ka lo mamawh hle a lo ni
7dda50a070b8105f38f6aaae39f54285.jpg
7dda50a070b8105f38f6aaae39f54285.jpg (7.99 KiB) Viewed 5467 times
ZAWMNA






“ Pa tho tawh rawh ,zing a ni tawh ania" ka pa bulah kal in ka sawi vak,mahse men pawh a menglo a ,a che eih hek lo . Nick chuan min pawm bet vat,Chaw eikham lamah mipui pawh an rawn pungkhawm leh tawh a ,khawhar hla an sak ngei chu ka pa tan a ni ang tih ka lo ring ngailo “ Pa tunge i chunga hetiang thil titu hi ka hriat hma loh chuan ka bei ngei ang pa ,ka pi leh ka pu bulah thlamuang takin chawl ang che . Ka ngai dawn lutuk che pa " tiin mittui tla zawih zawihin thlanmual lam kan pan lai chuan ka tisep sep.







Ka pa min thahsaktu hi tupawh nirawh se ka chhui chhuah hma loh chuan ka chawl ngai lo ang. Lei hnuaia an thlak thla tur chu rilru na zetin ka en “ Nick ka pa khu i chhan theilo em ni? Tinge a mah that tu chu in man vat loh Nick ka pa khuan a mah tina tu hi hrem a duh ngei dawn a sin" tiin ka pasal awmah chuan beiin ka tap hlawp hlawp min kuah betin ka chalah a fawp “ Bawihi engkim hi khuanu ruat dan ang zelin a kal a ,mihringte chu a vannei hmasa apiang khitah vanramah an kal zawk thin a lawm,he kan khawvel sualna in ro a rel tanna ram sual tak takin min chenchilh hmaa kal te hi mi vannei ber an ni zawk a lawm.







I pa pawh hmun nuam zawk leh natna awm tawh lohna hmunah thlamuang takin a chawl tawh zawk a lawm,chutih rual erawh in amah tina tu leh ka nupui mittui ti tla tu hi ka chhuichhuak ngei ang tih ka tiam a che. Tunah mai chuan hmalak a la har deuh a ,tuar hram hram rawh " tiin ka pa kuang an chhilh tur chungah chuan pangpar thlakin a en vung vung ,midang haw hnu pawh chuan kei leh Nick chu kan la awm reng “ Pa thlamuang takin awm ang che " tiin ka phun sep ,mittui luang zawih zawihin a thlan thinga siam a a hming leh ni inziak kalh chu ka thlir .








Vanlam thiang kuk chu enin ram reh ruih lam chu ka thlir vang vang ,he khawvelah hian ka mal ngawih ngawihin ka hria ,ka neih chhun chu Nick chiah hi a ni tawh . Ka pasal kut vuanin muangchangin ka tho chhuak ,a mita hmangaihna leh ngaihsakna ka hmuh hian thlamuanna tam tak min pe ani ,kar a liam leh meuh chuan ka pa in ka tana a tih kan in chu ka nu leh Grace-i chuan min chuhin ka nu chu a au tawn tawn ,tawng ka tumlo a tawng chakna lah ka nei heklo ,heti khawp hian a nimaw ka nu hi a lo rapthlak ni “ Ka pasal ani a ,he in pawh hi ka ta ani ngei tur ani " tiin a ang tuar tuar .









Ka u te ho leh ka cousin te ho chuan an en thap a ringawt “ Bawihi hmingin a awm a nu Tluang in chuh thei lo tihchu i hrechiang ang chu,chulo rengah in inthen tawha i pasal alo ni thin zawk " Nick chuan a tichang hrawih ka nu lah chuan “ Nang khan engmah hriat i neilo zantin ka inah pawh ala rawn riak thin tih i hrelo em ni? Ka sawi tawh kha he in hi ka ta tur ani, Jasmine-i chuan a nei che a ,i kiangah a cheng thei reng a nilawmni" ka nu chuan alo ti leh Nick an chhan leh a tum chu ka lo dang vat.







“ A dik a lawm nu cheng rawh u,keichuan pasal ka nei tawh a lawm,anupui inihna ala bo lo a ,ka pa pawhin a pawm ngei in ka ring ,awm rawh u keichu hetah ka awm thei tawh chuang hleinem " tisepin ka tho chhuak riai riai,ka nu hmela mak tihna chu ka hmu reng . Nick pawhin min rawn enin a mitmeng in min rawn a ,ka lo bu nghat ringawt Malsawmi chuan ka kutah kaiin roomah min luhpui vat ” Awi Jas a hrehawm ka ti e ,pa Ramnuna chung a thil thleng hi ka la hrethiam theilo " tiin Malsawmi pawh a la tap par mai ,keiin ka hnem ve thung.







Mahse inhnem tur chuang kan awm lo ,Malsawmi pawh pa nei tawhlo tho a ni a ,a natdan tur min hriatpuia ka thian leh ka unau a nihna angin min hmangaih tih ka hre bawk ka tan chuan Nick tihlohah a hlu ber a ni tawh.






MALSAWMI POV...






Haw ka tum chu Dereck ka hmuh avang chuan ang pamin ka en chho ha ,tinge ka hmaah a rawn in lan ziah le ,ka mit hnawng chap chu mit tizim sunin a en ngur ,a lian ropui si keilah hmeichhe thau lam ka ni bawk nen thang thei chiam tur chi ka nilo hrim hrim a ka en chho ha mai ,kalsawn ka tum rualin ka kutah a rawn vuan chawt “ Ka thlah ang che " a rawn tihchuan “ Angailo keimaha awm ka din " ka tihchuan ngai pawimawh lo zetin a Bolero awmna lamah chuan min hnuk dawr dawr .






He mihring pa hian ka thusawi a ngai pawimawh ngai lo reng reng “ Dereck inhnial buai ka peihlo keimahin ka awm duh ka tihchu " tiin a awmah chuan ka chum dawt,zanlamah Jasmine -i bulah va riah leh ka duh bawk nen chawlh hahdam nan hun hman ka duh “ Tunge kan in hau dawn ti ? Min zui rawh chawlh hahdam i mamawh a nihkha " tisupin a Bolero chhungah chuan min thut luh tir a ,ngawi rengin ka zui a khalh chhuah hnu lawkah mutchhuakin min zem nghal chiai chiai.









Ka harh leh chuan khum dup nuam zetah hian ka lo mu ,chetsawn ka tum chu kut lian leh hrawl hrupin ka hnute a hum ran tih ka hriat rualin ka tho chhuak zawk ,chutah lungphu dawt dawtin ka bula mu ka en chu Dereck tui zeta a muhil ka hmuh rualin ka thaw huai,hriat ngailoh in min mutpui ta mai emaw ka tihlaia chupa bulah bawk ka harh leh chu mak ka ti dawn dawn ,a hmel tur khuih leh thinrim hmel reng thin chu a mutthilh lai chuan a reh vek ,a hmel chu a dam dup mai .







Rawn meng leh chiah se chu a mitmeng rum zet bawk ka hmachhawn leh ang,ngawi renga thawh ka tum chu ka kutah rawn manin a chungah min pawt bawk rawk “ Dereck " ka tihchuan rawn mengchhuak ruai ruai in ka mitah a melh chat,hawisawn ka tum chu ka theilo a mitmeng chuan min aikaih nimaiin ka hria ,ka hnungah chuan a chul riak riak ,chu chuan ka taksa chu a timur sung sung “ Min hrilh teh ka bulah hian i hahdam ve em ? " A tihchuan chhan mai dan tur ka hre lo hle .







A taksa hlai zet leh sek tanga ka bawhna chuan min tidanglam leh zo vek tawh. He pa nen kan inhmuh apiang hian inhnial ziah mah ila kawng tam takah Rinpuia lak atangin min chhanhim thin,Rinpuian ka duhlo chung min pawtlui a hmuhte khan a thinrim hle a nihkha ,amah a vangin Rinpuia lak atangin ka him phah reng bawk ,ka mit ka tahna avanga la bui lak chu a chul heuh heuh , Jasmine-i pa hi ka pa ang tluk a ka en a ni a .







Ka thiannu nen hian min enhrang ngai meuh lo ,ka tan chuan Jasmine nen hian ka chhungkua ve tho an ni bawk “ I chau a reh deuh tawh em ? I thiannu chu i ngaihtuah hle a nimaw?" a tihchuan ka bu nghat “ Jasmine hi midangin min kawm duhloh lai leh min hmuhsit em em lai pawha min tantu ,a tul phawt chuan ka tan din hrehna nei ngailo ,ka thil awhzawng sawilo chung pawha a unau tak ang maia engkim min tawm tu a ni a ,amah leh pa Ramnuna vanga tun thlenga mite kara la leng ve ngam kan ni.






I hria ang ka nu leh ka naute nen hian mi hmuhsit leh tih duh dahna kan tuar fo thin. Mahse Jasmine-i te chhungkua kan tawn atangin an ni hian engkimah min pui a ,ka tan chuan Pa Ramnuna hi ka pa nen an inthuhmun reng a ni. Tunge a nunna laksak tu hi kei ngei pawh hian hriata hremna pek ka duh a ni . Pa neilo in kha chen ka lo awm tawh thin a ,mi hmaa pa tihtura ka koh leh hmasak ber chu ka thiantha ber pa chiah hi a ni. Tunah chuan a nipawh ka chan leh, Jasmine hi ka khawngaih hluah hluah,Anu leh a unaunu lahin an ngai thei der silo " tiin ka mittui chu ka tuai nak nak.









Room chhung ka en kual chu a zau hle tih ka hre nghal ,Dereck-a chuan min la pawm reng “ Min thlah tawh la ka tho duh " ka tihchuan lu thingin hnuailamah min delh bet ta run ,phawk zetin ka melh hepa bulah hi chuan ka pangngai thei thlawt lo hlauhna nge tih pawh ka hriat loh hian min tham er er tu hi a awm ziah,ka hmuiah chuan a rawn fawp a ,ka khawng awt ringawt Rinpuia nen kan infawh nen chuan dang tak a ni . Hepa hian mi zem at dan a thiam hle in ka hria ,ka awm chu a chul zai zai ,min fawp pah reng bawk ,ka thaw a rang zo a ka thluak a nu bulh bulh.








Ka thiam ang ang chuan ka fawp let ve a ,a tukkhumah chuan thamin ka chhang let ve tan tan,duhthawh zual sauhin a hnuailam a mi chuan min nawr na salh ,ka kawr hlim chho a ka hnute a en tak vung vungah chuan ka zak hle,keima tawkah ka hnute hi a lian lam lek lek a ni a ,mipa hmaah ka la tilang ngailo chutia ka hnial peih ber leh keiai u fe in a en tak ngurah chuan ka hup vat ,rum nghut hian a la sawn “ Min bual â zo dawn Lasi nula " tiin ka awmah chuan a bur nghal chat .







Ka kawng lam a a tuan rualin a kut ka man bet ,thaw hlawp hlawp hian “ Duh...duhtawk..ang" ka ti thei hram ,a ni pawhin min nawr lui bik lo in pangngai tum tih hriat tak hian a thaw kawk kawk ,keipawh ka la pangngai biklo hetiang taka insum theilo hian ka la awm ngailo,Rinpuia nen khan kan awmdun ve fo ,mahse hetianga insum theilo hian ka awm ngai miah lo kha a ni thin si a ,Dereck-a lakah erawh ka in pe tep anihkha .





End of Malsawmi pov



“ Bawihi tho tawh rawh le ,inkhawm ni a nihkha " Nick chuan ka bhi bianga rawn dawm chungin a aw thum lam chuan a rawn sawi sup “ Um Nick reilote " tiin ka mit ka chhin chhunzawm leh ,ka naupai leh ka pa thihna vel nen khan mut hi ka kham thei lo reng reng,thla a tling ve tep ta ,mahse ka la ngai ngawih ngawih tho , Nick pawh hotute lam pawhin an hrethiam viau, Mizoram ah kan la awm a ,ka pa thihna la reilo nen Delhi a chhuh chu ka la chak lo a niber.







“ I intih chak hram hram angai ka tihkha,kan fa lo piang tur hi ngaihtuah la ,nangmah pawh in ngaihtuah bawk rawh . Bawihi i cher sawt zia hi i inhria ang tiraw ,le tho tawh rawh le inkhawm banah i mu leh zawk dawn ania " a tihchuan chhanglo in muangchangin ka tho chhuak,ka nau pai hlim a ni nen ka rilru hah leh chi ai a vangin ka hriselna a tlahniama , doctor te pawhin in enkawl tha turin min hrilh hial a nihkha ,chuti lo chu ka naute tan hian athalo thei tih an sawi a ,khata tang khan Nick hi a khirh riau bawk .







Ka chhuah mai mai lah a phal heklo,eitur tha hlir a lei in a siam tir bawk ,chaw kan ei lai chuan ka luak a chhuah leh a vangin toilet lamah ka kal ,ka raino hi ka la na rei bawk si ka ning takzet ,eiduhloh ka ngah em em lehnghal “ Bawihi i tha tiraw " Nick chuan ka hnunga rawn chul pahin a rawn ti a ,ka chhang theilo ka bu nghat ,min pawm chhuakin ka eiduh zawng min zawt ,englai pawhin min ngaihsakna a tilang renga hei hian alaka ka lungawihlohna tur pawh a hliah khuh leh mai thin.







Engmah ka ei duh loh thu ka sawi chuan a beidawn hmel viau,inkhawm turin kan insiam duna “ Nick min hua em? Ih a chhan chu kan naute pawh ka ngaihtuah tha hman silo a " ka tihchuan a kamiz kilh lai tawpin min rawn melh run “ I thiamloh a ni hleinem ,mahse bawihi mitthi tawh tu chu kan ko kir thei tawhlo a ,hun kal tawh pawh kan au kir thei heklo ,keini ala dam ate hian kan hma hun atan leh kan dam khawchhuah nan tawrhchhel kan zir angai fo thin tih i hria ang tiraw " a tihchuan ka bu nghat .







Ka puan bih chhanah chuan ka dul pawh a rawn lang ve tan ,ka thaw hak mai Nick chuan a Carin biakin lam min panpui a ,michuan min lo en duh hle ,a thenin tawrhpuina min lo hlan tawk lah bolo ,ka pa kha mi tha tak a ni a ,misual humhim tumlo pawisa ei ruk duhlo leh dik taka a ram tana thawk thin. Eng anga hausa pawh nise an diklohna ah chuan a man ngam bawk ,chuvang chuan mipuite hriat pawh a hlawh renga India sawrkar meuh pawhin chawimawina an hlan hial a nihkha .






Khawiah pawh kal ila ka pa tualthihna chuan a la nghawng nasa hlawm hle a nih hmel,a chhan pawh Mizoram Christian ram Pathian ringtu inti thin te ram ,ram hmingtha lo nitawh thin mahse thang thar mek zel tena an tih hming chhiat chhoh zelna tur ramah hian rapthlak takin tualthahna a thleng ve miau a lawm le! Chupawh ka pa chungah ngei lehnghal , Mizoram pawh kan hmingchhe telh telh anga kan rapthlak tawlh tawlh dawn tih hi a lang chiang reng tawh in ka hria ,miram nundan chhelai kan sawisel a .




Comments taim hram ang aw,click men❤️

Mahse kan hriatloh hian kan fa kan chenpui te ngei pawh hian thil tenawm tak tak an lo ti ve fo thin tih hi kan ngaihtuah tel ngai silo. Kan fate kan thlah zalen ta lutuk te hian a tawpah mualphona khurah min hnuk lut thin. Biakinah chuan muangchangin kan lut ,puanbih chunga Pathian hla sa leh coat suit nena inthuama Pathian thusawi thinte pawnlam nundan mawi tak phenah pawh hian tu nge misual tak a inphum ru thei tih ring ang ni .






Biak inah Lalpa Lalpa kan ti a ,kan pawnlam nunah erawh Lalpa a lal leh chuang silo ,ni e khawvel hi a tawp tawlh tawlh anga . Mizoram ngei pawh hi ringtu hmuh tur awm lo khawpin khawvel nunah kan tlan mai ang tih pawh a hriat meuh tawh loh . “ Bawihi"Nick chu ka en ha ,mipa thutna lama a kal tawh dawn avangin min rawn tih ka hria “ Ka tha a lawm kal rawh le " tiin hmeichhe ho thutna lamah chuan ka kal nghal zat .






(KA DAH LEH HUN TUR KA HRELO AW INRIN ZAN PAWH A NIMAI THEI ,A CHHANCHU WHATSAPP LAMA KA STORY KALPUI HI REGU KA DUH VE BAWK NEN A INCHHAWK LO THEILO A NI E )



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)