INNEIH ZUNGBUN (Àm-i vang vek!!!) Part 5 Last

Episode kal lai dah luhna

Moderator: writers

Zautea Chhakchhuak
Posts: 24
Joined: March 3rd, 2017, 4:33 pm

INNEIH ZUNGBUN (Àm-i vang vek!!!) Part 5 Last

Unread post by Zautea Chhakchhuak » April 14th, 2017, 11:33 pm

INNEIH ZUNGBUN (Àm-i Vang vek!!!) Part 4
www.storyfb.com mizo story thar nitin dah ziah a ni e


Zoremsanga misual tak kha tun ah chuan Àm-i kal tlang in, mi thar leh piangthar ka ni ta! Amaherawhchu ka dinhmun len hunthar hma chhawn chu Indona tual zawl a ni ber in ka hria; Min ring lo tu leh min awi lo tu an kàt nuk a! Ka chanchin mak pui pui te, ka nih loh na ang hial a min sawi chhia te an tam in ka hun kal ta. Liam tawh tam tak te, an rawn thar thawh leh in, an rawn sawi thar leh a. Pianthar chu thil awlai tak leh na mai lo tak a ni. Ka fel tak a vang in, nuihzat leh deusawh ka ni ta zawk a. Ka hming an sawi piang a, 'Zoremsanga misual' tih ni țhin kha.. 'A Piangthar; Rei a daih awm lo emai! A pawisa nei lo leh ruihna nei tawh lo, awm ngaihna hrelo' mai mai a ni. Min ti ta zawk a! A chang phei chuan țawngkam na tak tak te, ka hriat tur ngei in an sawi a. Ka piangthar leh nunthar ka nei chu! In chhir chang leh hnual chang ka nei fo țhin; ka hun kal ta te vang in, natna tam tak ka tawk ta fo a ni ber.. Chu kawng hau tak zia leh pik ruk zia chu? Ka mihring chak na a, do let a. Hneh theih rual a ni lo. Sum in a hneh theih chu ni se zawng; kei hian sum tam tak ngaihtuah in ka do let ngei ang. Sum a lei theih loh! Ka nunna hmang a, hneh ngai indona chu pui tak a ni.

Țhalai inkhawm zan a, inkhawm tur chuan ka insiam a.. Ka țhianpa Davida nen chuan kan pian a hnu lam a; a vawikhat nan inkhawm tur chuan biak in lam kan pan dun a...
Àm-i solo zan a lo nih leh zel a;
Ka lam pan chuan a rawn kal a..
'Zorem rawn kal rawh'
A rawn tih teh tlawng a, ka zui ve nghal mai bawk a..
'Guiter i thiam tih ka hria' a ti leh rigawt a; a awmdan leh chetdan a țang chuan a zai lo remsak tur in, min duh tih ka hrethiam nghal a. Guiter chu ka thiam ngei a lawm, mahse Pathian fakna hla hi ka sak pui a; ka zaipui awm reng reng ka la hre lo, Guiter chu ka awrh ve mai bawk a.
Kristian Hlabu Number 57 na; 'Krista thisen hlu tak chhuak chu,'
Thiam leh thutak em em hian a sa a, a hla ah cheng in, a thu chuan a nun a hneh hle nghe nghe in ka hria.

A changtawp ber...

'He ka taksa chak lo tak hian,
Natnate tawk mah se,
Chu thisen hlua ka chawlh chuan,
Thlamuang in ka thi ang'

Tih lai a sak phei chuan a aw te chu a danglam zo a, lawm vang nge pawh ka hrelo; a lung a chhe nghe nghe a!

Kan in lam pan chuan kan kal dun hnak hnak a; ka pu pawh eng a an theih chuang loh vang in, in lam ah kan in enkawl tawh a. Ka nua phei chu a inkhawm loh phah nghe nghe.

'Rin ai in, Guiter i lo thiam a..'

'Min hrilh lawk ve tur che nia; a zahthlak țep a lawm..'

'Aww.. Ka hrilh lawk che chuan i rawn inkhawm loh phah ang tih ka hlau bawk sia.'

'Ka lo in buatsaih ve thei tur a nia, kha ai mawi khan ka remsak thei tur che nia..'

'Tun a mi pawh kha a țhat em kha! Kha hla kha i hre ngai reng reng a mi?'

'Teuhlo! Ka vawikhat hriatna, a thu kha a țha in, a satu khan i sa thiam... A tawp lam i țap țep tih loh chu?'

Ka melh a, ka nuih deuh suk a!

'Ka hla duh ber a nia'

'Teh tlat che chuan? i hrisel loh hmel in, thih hmat i tum e..'

A nui rigawt a...

'Chu tiang lam pang pawh a ni lo, natna tawh chang pawh a; Pathian thlamuan na neitu te hi an awhawm ber lawm..'

A kut ah chuan ka kai a, thutak deuh hian..

'Àm-i engkim ah hian ka lawm a nia aw..'

Ka ti rigawt a..

A ngawi reng a, khawlai a ni tih ka hre tawh lo a; ka pawt hnai a.. Ka pawm chawt a!

'Nang hian min duh tak zet em?'

'Umm ka duh tak zet che lawm..

'Àm..... A chang hi chuan i natna thlentu leh zahna thlen tu mai mai che ka ni ang tih hi ka hlau a ni.'

'Aaa chutiang lam a ni lo; nangmah vang hian ka zak ngai dawn lo a, engtik lai mah in, ka natna tur min siam sak dawn lo tih hi ka hria lawm..'

'Chutiang khawp chuan maw? Keimah hian rinna i lo neih a?'

'Aw i rin phak bak ai a, nasa in ka ring in ka duh che..'

Ka nunhlui leh sulhnu ka chhui kir a, ka hmeichhe pawm mek tan a, hlimna malsawmna thlentu ka nih ngai loh zia ka hre chiang a, hlimna chu sawi loh; natna tam tak ka thlen si a; chu tiang ang mi ka nih lai pawh a, chu ti khawp a. Min ringtu ka lo nei chu ka lawm in ka hlim tak zet a ni. Ka lawm dan leh hlimruk dan chu sawi fiah thiam rual a ni lo... ka kuah mek hi a tir ah tawng in, ka tan awm sela chuan ka hnuhma tam tak leh pawr tak te chu
an pawr dan chu a ziawm viau mahna! .. Lawm a vang in ka kuah nghet sauh a! A lak ah ka hlim in ka lawmzia lan tir nan inkhawm bang e ti lo in, a hmui lam ah chuan chet ka lak phah nge nge a...


Hun thar ni thar te chu; suangtuahna thar leh beiseina thar nen ka hma chhawn a, Amaherawhchu siamtu pawh hian hlim reng a; hringnun ka chhiar a, ka hman chu rem a ti bik lo a niang; ka hmangaihna dawng ve hman miah lo leh ka duat let ve hman miah loh in, ka pu chuan Cancer natna in min boral san ta nge nge a, ka pu nen kan hringnun hman dun ka ngaihtuah a. Hmel hlim tak a ka hmachhawn hun reng reng ka hrelo! Thinrim hmel leh a lak lungawi lo reng reng in a chung ah ka awm țhin a. A tupa min hmangaihna chu ruihhlo leh țawngkam bawlhhlawh tak tak in, ka rul let thung a. Tar chak lo leh duat ngai a nih tehreng nen! Ka harh chhuah a, nun bul ka țan țhat meuh chuan; A lo tlai tawh lutuk si! Aw... Hun hi pawh kir a, siamțhat theih han ni sela zawng, ka au kir in ka pawt kir ngei a nga, khang zawng zawng te kha ka siam țha in, ka her dik vek dawn si a! Amah vang a ka țahna leh ka mittui far zawng zawng te chuan keimah vang a, zak tak leh ip chawi chawi a; a lo awm na te kha rul thei sela zawng a tupa hi min hrethiam ve mah na le...


Ka pi leh ka nau nen chuan kan cheng ho a, tun ah zet zawng rilru puitling tak put ka ngai ta! Chhungkua a ka mawhphurhna san zia leh ka pawimawh zia chu ka hrethiam ve telh telh a. Ka ngaihtuahna luah ber tu erawh ka pu in a, damdawiin a min hrilh; ka pa in ni tur a min tih leh a duh Missionary ber chuan ka rilru a kàp țhin. Kan dinhmun leh khawsak dan ka ngaihtuah a, ka Pa min duh na leh ka pu in a, a in chhir leh na tur thlentu ka nih a duh loh zia te; ka ngaihtuah let a. An zahawmin an duh ang ngei chuan chu Missionary hna chu an thlarau zah vang tal pawh a; thawh leh nih chu han duh viau țhin mah ila, ka nau leh ka pi han kalsan em tur a, ka in ngaihtuah chang chuan ka ngam leh țhin si lo... Engtin nge ka tel lo in, an lo khawsak a nga, an hmakhua kan ngaihtuah a; Mipa awm loh na in chhungkhur chu țhenawm khawveng te hmusit leh zah loh an nih ruk dawn zia ka hre chiang si.

Tar a lam ah; ka pi lah chu ka pu ngai in, a lung a leng thar a. A kum a lo tam ve tawh nen; Lunglen vang a a mittui a tlak fo a vang in, a taksa a hriselna in a tuar a, hmuh theih khawp in a chak lo in, a tla hniam a.
A taksa chak loh avang in, damdawi te kan pan zak zak reng bawk a. Pathian ka au a, a nih lah ka duh ang leh ka rilru hmanhmawh ang in a lo hmanhmawh ve ngai si lo! A chang phei chuan..

'Lo tal mai mai ila, engmah ngaihsak lo leh rilru engthawl deuh a, lo awm mai mai kha a lo nuam daih zawk.' Ka ti leh țhin.. Let in chu kawng ah chuan tlan leh ta i la chuan, ka țhian ka ruihhlo tih pui te chuan min lo lawm in, fapa tlanbo let leh ang hial khan min lo lawm in, min lo dawngsawng Welcome țha viau mai thei. Mahse ka ngaihtuah chiang a, an ni vek chu hnung lam a, min nuih a. Min hmusit tur te an ni tih ka hre chiang bawk si...
Aww ka rin Pathian pawh hian tinge? He tiang a, hringnun hmang tur hian min lo chhanchhuah kher kher le?
Tih chang leh rilru rum țah vawng vawng chang ka ngah ta!
Mahse ka sawi hmaih theih loh chu puih ka ngaih hun leh hnem ka ngaih chang a, Àm-i leh ka nau Zonuni chu an ni. An pahnih hi chu ka nun ah bet tlat lo sel chuan he khawvel ah hian ka awm tawh kher lo ang..

Bazar tur a Àm-i nen kan chhuah dun dawn avang in, ka zam ru reuh hle a. Nipui khawlum vanglai tak a ni a; Khawlum tih reh nan Dawnfawh ka ei ngawng ngawng a, ka mi nghah lah ka rin ai in, a rawn thleng har a.
Ka hnung ah chuan min rawn beng thut a! Min ti phu chiang kher leh nghal..

'I van mawl thei vak vak tak? I rei ropui si....' Ka ti hluai a...

'Nia,.. Ihhh englo a nia, kan chhung in eng emaw pawimawh ah kan rawn kal kawi lawk a...'

'Pastor chhungkua tih tak ah pawimawh te hi in ngah thei bik lutuk a..'

'Kher a che...'

'Eheee!!! A țul miah lo a nia aw...'

'Aww eng chu maw?'

'I kawr rawn hak kha.. A chung ah khan kawr dang
rawn hal tur che lawm..'

'Enge? Khualum em hi thil i hrechhuak a mi a?'

'Umm hrechhuak.... A țul lo e..'

'Kei pawh ka hrechhuak ve tho a lawm.. He kawr hi maw? Kha mi ni khan ka dah țha hmak a, ka rawn ha chhuak ve chiah a nih hi...'

Chhan pawh ka chhang tawh lem lo..

Kan in hriattirh a; Gel pen a ka thil ziah sak na kawr kher kha a rawn ha pek a! Dik tak chuan ka zak veng veng a hi a ni ber. Bazar ah chuan eng emaw thil ho deuh deuh min enpui vak a! Pastor fanu chu tiang em em a, a nun a tlawm leh a dawr min kal pui na pawh dawr satliah tak leh a duh zawng te pawh man tlawm te te a ni chu, mak ka ti in ka ngaisang thar a, Ka nun ka hun hman dan ka chhui kir lo thei lo.. 'Mahni neih chin bak a, khawsak duh mi leh nei lo chung a; Nei ber ang zia zang a. Hun hmang țhin' chungte chu ka ngaihtuah let a. A ruk tak chuan ka zak chem chem hi a ni ber mai, A Pumrua ah chuan hmeichhia kar a, hmeichhe te chak lo hmel tak leh hleitlinglo a nih tehreng nen, a lan dan ah chu tiang ang chu ni mahse ka tan chuan A lian in, ka tan a chak tawk a. A lian tawk em em si!

Hun a kal bek bek a; kan inkar kan in duh tawnna pawh a nghet telh telh a, a hma ai mah in, kan in zui ngawrh in kan cheng dun hnem telh telh a. Tun hma khan a tello in, engtin nge? Ka lo khawsak a; ka lo awm theih zawk le? Tih zawhna ka in zawt fo reng a ni. Piannawn leh na hi awm ta sela chuan hnuhma pawr tak tak hnutchhiah leh tur chuan hringnun ka hmang tawh kher lo ang. Ka chanchin an sawi chang pawn 'Hun kal tawh a nia, Tuibawhnu a ruh theih tawh hleinem; kan tun hun leh kan hma hun hi a pawimawh zawk a lawm' a ti mai a. Ka tan erawh a lak ah inthlahrun a na duh sawt thung a..
Hmeichhia leh mipa chu tia in zui a, innel ta em em mai chu a ngai reng a awm reng thu awm lo le.... Nupa ni a pumkhat a insiam kan duh thuai a.
Palai kan tirh zan a, ka rilru lo hah ruk dan leh ka lo zam ruk zia kha..

INNEIH ZUNGBUN leh mamawh tur dang lei in kan in zui chhuak hlawm a.....

Ka kiang ah chuan ka ruihhlo tihpui sual kawng ka dai pui; Davida chu Coat suit nalh tak nen ka țhian a tan a țhu a. Kan hun tawn mek leh awmdan chu mumang a ang hial zawk a ni. Eng emaw hian min mawlh a, ka zam ru phian leh nghal a! Biakin ah lah chuan an khat tlat mai bawk si. Kei ang biakin kal khat tak; tun hnu a Àm-i vang a, kal leh dai ve țawk tawh tan chuan zamawm tak a ni rèng a ni. Mipui te chu an awmdan a țang in, eng emaw sawi in an phun sep sep hlawm a. Biakin sanapui tar lian tak chu ka en a; Dar 10:25 a lo ni vèu tawh a! 'Uaiii Dar 10:30 ah inneih hun țan tur a ni a, Monu hmel hmuh tur a la awm lo tlat' Monu tur chu sawi loh a chhungte hmel tumah hmuh tur an awm lo tih ka hre nghal thuai a. Ka nau tak ngial pawh a hmel hmuh tur a lo la awm lo hi a nia, 'Enge a chhan ni ta ang?' chutiang ngaihtuah na ka hman a, ka sèn mek lai chuan; ka lam pan in ka nau zonuni chu a rawn tlan phei hlawk hlawk a. Kan bul a rawn thleng phei a, a thaw hlawk hlawk a.

'U inneihna hi tihtawp a ngai!!!'

Mak ti tak in ka lo en haw a; a thu rawn sawi teh tlawng; chu thu a avang chuan mak tihna in ka khat a!

'Eng vang in? Enge awm zia?'

'U...... Àm-i a boral tun mai khan..'

Ka ding hlut a...

'Eng a? A thi a? '

Chu Biakin ah chuan kawppui tur thlang fel in, kumkhua kan damchhung a tan 'Tiam tlat e' ti a in tiam dun in; Suangtuahna leh beiseina hlimawm tak nen ka kal kha a nia; chu maicham nalh tak mai ah chuan, mahni fate ai a, mahni mawhphurhna rawn hlen hram hram tu. Kan pastor àm-i pa chuan a fanu boral vang a, INNEIHNA tih tawp a ngaih thu chu! Lungchhe em em thei leh theilo hian a puang a. Mahni fate boral thu chu tiang a sawi thei chu! Mak ka ti in, a patling ka ti in, ka chhuang ru hle nghe nghe..
Kan kal chhan leh kan tih tur ber kan tih theih tak loh ah chuan; Àm-i ruang lam ah kan kal ta hlawm a....

Ka hmangaih leh min hmangaihtu; Nunna nei tawh lo, A taksa vawt thler tawh tur lam pan chuan bing mùp mùp in, a lam pan chuan ka kal phei a. Ka lung chu a chhe tak zet a ni. Eng emaw tak hian ka tawt ùp ùp a..
Ka thleng a; a nu chuan țaphnap in, min lo kuah chawt a...

'Bawihte a va mak ve... Engkim ai a, i hmangaih kha a ni lawm ni?'

Nunna nei tawh lo leh lumna nei tawh lo chu ka bia in, ka chul ruai a. Ka mittui tla tam tak te chuan Ka hmangaih Àm-i chu kokir thei sela chuan; a rawn kir leh tham ve zet chu ka seng ve a sin! Mahse mittui far zawng zawng te chuan awm zia reng an nei si lo, Țawngtheilo chu ka bia a; ka zawhna te chu min chhang silo! Ka hlim ber ni tur chu mittui nen ka hmang a, Awww thina huat awm zia leh rapthlak zia hi chu aw.. Kan INNEIH ZUNGBUN chu ka ipte a țang in, ka phawrh a. 'Ka hmangaih che' ti chung meuh in, ka buntir a. Mahse milim thilpek pek ang vel a ni.

'Àm-i Zorema an in INNEIH ZUNGBUN a bun tir che kha.. I lawm lo a mi?'
Mi țahna ka siam sak in, mi mittui ka luan belh tir sawt hi a ni mai!
A damlai a, a hla duh ber 'Krista Thisen Hlu tak chhuak chu' tih hla ngei chu Kohhran Zaipawl ten an sa a. A changtawp ber
'He ka taksa chak lo tak hian;
Natna te tawk mahse.
Chu thisen hlu a ka chawlh chuan, Thlamuang in ka thi ang'

An sak lai te chuan ka insum zo lo a;
'Àm-i tinge thil engkim min hrilh miah lo a, min kal san' ti rilru chung in, ka mittui chu a luang zawih zawih a.

LALREMRUATI kum: 25
THIH CHHAN: Cancer

A na hi ka van tih teh reng em!!!


Nunthar ka neih theih nan a, hun kan hman dun na țhin. Kan in bathlar ah chuan ka țhu a; Kan theihai buk te chuan ka lunglen an ti zual hial in ka hria; kan INNEIH ZUNGBUN ka ta tur zawk ka la kawl chu ka phawrh a, ka en reng a...
A nu in, ka lehkha tur a lo ziah chu ka chiar a..

'Ka hmangaih leh ka engkim ka nunna hial ai pawh a, ka hmangaih. He Lehkha hi i chhiar hun ah meuh chuan kei chu he khawvel hi ah ka hmel hmuh tur a awm tawh lo anga; ka taksa te chu Tlumpi leh fanghmir in an ei ral mek tawh a nga; mahse ka thlarua erawh chu ka rin Pathian bul ah amah fak in, a awm tawh ngei ang le! I lak hian sawi tur leh hrilh tur che ka van ngah tak em? Mihring kan nih chhung hian he khawvel hi kan kum hlun tur leh kan ram a ni si lo a. Kal hmasa leh tawk hmasa kan awm a ngai miau si a le tiraw?

Pastor Fanu neih chhun natna khirh tak nei leh an duat em em in, Ruihhlo ngai ka hmangaih miau si a che le..
Khawvel lam a i tlan lai a, FB vel a i status te kha kan in hriat hma daih khan ka lo chhiar țhin tawh in, i nihna leh i nun hman dan kha ka lo hre dim diam tawh a sin. In veng lam ah kan rawn in sawn tur leh ka hmuh theih dawn che vang a ka hlim ruk zia kha aw.... Keimah mai ni lo ka chhungte hial pawn i lak a ka rilru kha min hriatpui a sin; I beidawn dan leh beisei tur nei lo ang mai a, khawvel i hman lai khan i duhawmna khan min zèm à daih tawh a. Kan rawn awm a, i nau ka rawn zawng chhuak hmasa ber a, ka țhianțha ber ah ka rawn hmang nghal rèng bawk a.


Ka kawr hnung a thil min lo ziah sak te, E.U in eng emaw pogrammee kan hman țum a; i rawn kal te kha ka lawm a sin; kha mi ni khan cancer natna Thluak Cancer ka nih thu hrilh che kha ka tum a, mahse ka ngam ta ngang lo a, kan inkawm tui lai lai khan Damdawi in lam ah kan tlan nghal ta daih bawk sia; Siamtu'n ka tawrh atan ruat hi ka Nu leh Pa te chuan an hrethiam lo a; ka damna tur in engmah an ui lo a, sen pawh an in huam lutuk. Damna duh in hmun hrang hrang kan pan a, mahse; I Jail awm lai a, in entir a kan zin erawh kha chu itan ka țawngțai reng țhin a sin. Hun hreawm tak i lo hmachhawn a, mahse tlai ngai lo leh ka rin Pathian chuan a ropui zia a rawn lantir leh a, I nunna chu chhanhim in a awm ta si a. He natna khirh tak ka tawh hian a ni tel in, ka taksa a ei khawlo in min hneh telh telh tih pawh ka hria, he natna ka tawh mek lai pawh hian 'Lalpa Nunthar a neih hma chu ka nunna hi min zuah sak la; Ka hmangaih in nunthar a neih a, a rin ve hun ah che ka nunna hi i hnen a kumkhua a awm tur in, i la dawn nia ' ti in, ka țawngțai reng țhin.

Ka mamawh zawng zawng hretu chuan i mamawh pawh a hria tih hre reng la, zam ngai suh ang che. Kan Inneih nan a palai i rawn tirh te khan ka chhungte chuan an rem ti vak lo a, mahse an thu ka hnial ta hram a nih kha...
Kha mi zan a țang khan ka lu ana zual in, zan ah pawh thi ten ka luak ta vak a. A zan zan in damdawi in kal pui min tum a; chu erawh ka duh lo.. Dam hi ka duh lo pawh a ni lo a nia; ka tum ber leh ka Mission nang ber in nunthar i neih tawh a vang in, thih hi ka hlau tawh lo a. Ka țawngțaina te chhan in awm tawh ah ka pawm tawh tlat a alawm..

INNEIH ZUNGBUN kan lei a, kan en ni te khan, ka chhungte rem ti vak lo chung chung ka rawn chhuak lui ta hram a; kha mi ni ka awm dan leh mizia danglam min ti pawh kha..
Nunthar i neih tawh hnu a, lawm tur a in sawi khan; Kha Zungbun kha i lak a țang in dawn hram a, dam chhung a. I hnen i kiang a awm ka chak leh ta tlat pek a alwm! Kha mi ni khan Ka Pathian pawh ka dem in, ka chung a remruatna ah ka vui thu mittui nen ka thlen hial phah a sin.


A tawp ber ah chuan ka nu leh pa te tan an fapa ang in, lo awm la. Nupui i rawn nei a, hmangaih dang i rawn nei a nih pawn.. Ka hrethiam dawn lutuk che a. Mahse ka hlauhber chu Siamtu'n kan tan a buatsaih hmun ah i thlarua hmuh tur a awm lo ang tih ka hlau ber a ni. Ka Bible chang duh ber Sam 73:28 'Kei a tan erawh zawng Pathian hnaih hi a țha a ni.' tih kha i thupui lo ni se la; Harsatna leh vanduai na i tawh chang pawn a mah hnaih a awm a țhat zia i hrechhuak zel ang.
Ka hmangaih che..'

Chu Lehkha chu ka chhiar chhuak leh țhin; Vanduai leh chanhai ni in, ka in hre fo a. Mahse kei ai a, vanduai leh chanhai hi he khawvel ah hian an lo va tam teh reng em! Àm-i nun kha tluang purh leh dik purh bik ah ka ngai fo a, mahse a mihring lam ngaihtuah chuan a lo vanduai in, a lo va khawngaih thlak si em! Mahse chung kar ah pawh Pathian a rin tlat na kha a hmel ah a lo langsar țhin si a!

'Àm-i engkim ah hian ka lawm e'


KAR KHAT HNU AH

A thlan a țang chuan ka nua nen kan in zui hawng a, Ka nua chuan Àm-i'n min hmangaih țhin thu leh ka tan a, a in pumpek na san zia leh thuk zia te chu min hrilh a. Unau in ngaih lo leh in hal em em te pawh pumkhat in, kan awm tawh a. Àm-i vang ka ti lo thei lo...

Motor chu a rawn thlawk fua a.. Ka nau zonuni chu thisen in bual chhunzawm a. Damdawiin lam pan in, kan tlan nghal thuai a.

Gypsy in kan unau kawngsir a kan kal lai mai mai chu min rawn su a, kei ni lo in, ka nua. A ke dinglam ah na tak in, a rawn su a. Ka hmangaih àm-i he khawvel a țang in ka mangțha fel awr a! Tun ah ka nua. A damchhung in Wheel Chair nen hun a hman a ngai tawh dawn a nih hmel leh zel a, Àm-i Pathian leh ka Nau Pathian chu ka Pathian a ni tawh ngei a; a rin pawh ka ring tak zet. Mahse tiang em em a fiahna hi chu ka beisei loh thil a ni.
Ka Pi lah ka patea ten an awmpui tawh si a, Ka pa min duhna leh duh dan ang chu nih ka tum. Mahse tun ah chuan thil theih loh tluk ah ka ngai tawh. Ka ngaihtuah chian lah in, ka ngai ngam si lo...

Kan in kawt phaitual ah chuan ka nau chu ka nawr a, chawhma lam kan in nawr kual zak a. Chawhnu lam erawh kan chawl a, A kiang ah ka ding a. A ni erawh in, Bible a chhiar niap niap a. Ka nua leh àm-i rin dan em em leh Pathian a an lawm dan em em chu ka tan thil mak leh entawn tlak tak zawng a ni telh telh a. Kei pawh ka rilru ah chuan ka Pu thu min hrilh Missionary bak in ka nun ah hmun a luah bik lo; kan unau dihmun leh ka nau lo awmdan tur ka ngaihtuah a...
Min tur tu lam in min tur na takzet a, ka insum zo ta lo!! Ka nau hma ah chuan ka țhingțhi țhu deuh ti tih hian ka awm a.

'Bawihte....'

'Aww.. Enge ni a?

'Thil hrilh tur che ka nei a, mahse rem i tih loh chuan ka phut lui lo che nia aw..'

'Awle lutuk mai; sawi la.. Mahni nau te bul a zak rual pawh i nih loh hi...'

'Ka Pu thusawi te, ka Pa in ni tur a min duh na te; engkim i hria a. Aaà Bawihte ka kal ang pawh ka ti miah lo a nia aw..'

'U Mama.... Ka hria lawm engtik ni ah emaw chuan min la dil hi ka ring a lawm; Ka Pa duh ang ngei chu i ni ang. Lalpa la hrelo tam tak thlarua bo hruai kir a, chhandam tur a rilru i hmang ta ringawt te pawh hi ka lawm em em a sin. Kei te chu ka ngaihtuah awm lo lutuk; Lalpan kan tan a țha tur in rem a ruat zel dawn a lawm.. Khawimaw Bible kha rawn la teh..'

Kan in biak/kawm avang a a bible a dahsawn deuh chu ka lak sak a, ka pe a. A keu neuh neuh a.. He thu hi a rawn chhiar chhuak a..

'Sam 46: Pathian chu kan inhumhimna leh kan chakna mangan lai a țapui vartu hnai reng a ni.'

`Kha maw? Mihring lam a thil kan ngaihtuah chuan chhuanlam tur hi a awm zel a lawm; Pathian hi kan chakna leh kan inhumhim nan a, kan hman chuan engmah hi tih theih loh a awm reng reng hleinem'

Ka lawm... Ka hlim... Lawm leh hlim avang a ka mittui te nen chuan, ka nua chu ka kuah a.. Insut hlawp hlawp in..

'Bawihte..... Min ngaidam rawh aw... Hun kal ta te vang zawng zawng khan; Tiang em em hian i u hi min lo ngaipawimawh in, min lo hmangaih a!! Bawihte......'



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2017, 8:04 am

Eirawng chu ka bawl mawlh mawlh a, ka nau erawh in; Bible a chhiar mial mial a, chhun lam ah Àm-i leh ka Nu leh Pa ka Pu te kan tlawh a, hawn lam ah Àm-i te in Pastor Quater ah kan unau in kan lengkawi leh a, Missionary a thawh na tur leh kal na tur min lo zawn sak tur in ngen ngawl tak in, kan ti chawt a. A makpa lo ni ve țep leh a fanu hmangaih ka ni a; tin, Àm-i boral hnu ah pawh ka theihtawp chuan a thu min chah ang ngei khan, ka awm a. Ka nau in lam ah buaipui leh a chet theih loh avang in, duh ang in hun ka ngah tawk lo țhi mai pawh a. Kan kawngka chu a rawn ri dat dat a, 'Rawn leng rawh' kan tih rual in, Davida a rawn lut nghal a..

'Eheee Davida chu...'

'Enge ni vak a? Ka rawn leng a nih hi'

'Tun ang hun ah hi chuan i rawn kal ngai si lo a.'

'Nia, ka hria lawm.. Țhianpa thil hrilh tur che ka nei a; Țhu phawt teh ang.'

Sitting Room lam ah chuan kan țhu a, kan bul ah chuan ka nua pawh a țhu ve a.

'Enge a? A pawimawh awm ve a?'

'Nia, Țhianpa pawimawh khawp mai; Missionary in kal i tum tih ka lo hri a, chuan kal ka tur i hmuh thu pawh ka rawn hria; Mahse chu ai pawimawh chu i nau Zonunsangi hi ka duh a ni.'

Ka ding hlut a...

'Eng a?.... Fiamthu i rawn thawh a mi a?'

'Țhianpa ka fiamthu lo asin; I nau Zonuni hi hetiang a nih hma țang khan, ka duh tawh in ka ngaina daih tawh a sin, Kan hun hmasa leh khawsak dan chu i hriat kha... Tun ah pawh hetiang ang ni mahse ka duhna leh a lak a, ka rilri put a la ngai reng. Ka chhungte rem tihna pawh ka rawn dil vek tawh..'

A thutak in a ti mai mai lo tih ka hrait chian em a vang in, ka țhu thuai a..

'Țhianpa ka lawm e, mahse kei in thu thlukna ka siam theih a ni lo a, amah nen lo in kawm rawh u..' ti in ka chhuah san a...


Dinhmun chhiat lai ber a, hmangaihtu neih ai a, thil hlu leh lawmawm thil dang vak hi he khawvel ah hian a lo awm lo a, ka nau leh Ka țhianpa Davida inneih ni zet erawh zawng Mittui nen kan lawm a, min lawmpui tur rawn kal te pawh mittui tla lo reng reng an awm lo, monu in Wheel Chair a țang a, thutiam an la te chu ngaihthlak hreawm leh hmuh hreawm a ni a, chu tiang a ni chung a; chung thil a ti te hlei hlei chu mi mak tih leh dem pawh a hlawh ngei ang. Sual kawng kha lo zawh ta lo ila; ka farnu neih chhun pasal neih ni chu tun hun ang hi ka thlen tir kher bik a ngem le?


Biak in chu an khat tlat a, Misual ni țhin Zoremsanga Missionary in a kal dawn a, Kohhran hming a, thlahna hun an hman dawn vang a ni. Mipa țhutna lam a, ka sual kawng zawh pui te, ka nau leh mipui rawn kal zawng zawng te chuan mumang emaw an ti hial ve ang.. Thusawina hun min pe a, he thu hi ka sawi a..

'Sam 40: Lalpa chu ka nghak fan fan a; Tichuan, anin mi rawn thlek a, ka au chu a ngai thla ta.. Boralna khuarkhurum ata, chirhdup ban tak a ta chu min khai chhuak ta bawk a; Tin, ka ke chu Lungpui chungah a nghat a, ka ke pen te chu a ti nghet a.

Zoremsang misual leh vengchhung a mi hnawksak leh mi ngei ni rawn in, ti khawp a. Hmangaihtu leh lawmpuitu ka ngah hi ka tan chuan mumang ang a ni a.....
Vawinni hi ka hmagaih Lalremruati(Àm-i) leh ka nua Zonunsangi vang ka ti lo thei lo a, ka tan chuan an hlu tak zet a ni. (Mipa ka nih hi in tih hun a ni tawh lo a, a pat tak tak theih tawh loh a, Lawm a vang a, Mittui rawn luang te chu dan rual a ni nem le... Aw a khur in a lawi zo a..)

Kohhran veng chhung Mipui te engtik lai pawh a ka tan lo țawngțai tur che u in leh min dil sak tur che u in, ka ngen in ka sawm tak zet che u a ni.'


Ka kalna tur sumo chuan min nghak reng tawh a. Ka bungrua ken tur te chu an load mek bawk a, kan upa leh kan pastor te leh țhianțha țhenkhat te an kim țhap bawk a. Ka Makpa ka țhianțha ber David chu a dar ah ka dawm sak a..

'Țhianpa i nupui hi he khawvel a, ka neih chhun a nih hi. Keh thei dawm in dawm la, duat tak in lo enkawl ang che aw.. I țhianpa hian engkim i kut ah ka dah ania aw.'

'Awle Țhianpa rawn ngaihtuah reng reng suh ang che. I farnu hi rethei leh hreawm tak in, ka siam ngai lo ang.'



KUM HNIH HNU AH


Àm-i thlan a țang chuan ka nau te nupa nen kan in zui hawng a, An fapa Mathew-a chu ka pawm a, a hming pawh hi ka phuah a ni nghe nghe . Ka nau Zonuni pawh tun ah chuan mak tak in, Pathian in a tidam a. Ka thawhna țang chawlh kan neih lai ani a, Mathew-a hi mipa naupang țhang duh leh chang kang chak zet a n nghe nghe. Ka hun hmasa lam a kan in pakhat zawk pawh Fahrah enkawlnan ka hmangaih Àm-i hriatreng nan kan hmang tawh a. rin ai; min an hlut a. Kei pawh mite fak leh sawi hlawh a țha zawng in, ka lar ve phian tawh a Kawbgnuam leh hahthlak ah pawh Ám-i pathian ka nau Pathian ka Rin Pathian in min awmpui a. Țhana ruam ah pawh tlang thawceng ah min țhut tir țhin.

Kn INNEIH ZUNGBUN chu ka phawrh a, 'Àm-i engkim hi nangmah vang vek!!! A nih hi aw.. Nunthar min pek vang leh min kawhhmuh avang in, ka lawm e' ti in, Ka phun sap a..


~A TAWP TA

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2017, 8:04 am

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)