They Call Me Psycopath Chapter 10:

Episode kal lai dah luhna

Moderator: writers

Euricka
Posts: 183
Joined: July 23rd, 2022, 12:23 am

They Call Me Psycopath Chapter 10:

Unread post by Euricka » August 10th, 2022, 8:30 pm

They Call Me Psycopath


Chapter 10:



Police an lo thleng a,Principal Office ah chuan zawhna tlêm a zawng ka nu leh pa phal na thlapin min zâwt a.


Ka nam thla lai min hmu tu an lo awm bawk nen,in sawi fiah tum sa teh mahila,ka thusawi an awih vek kher dâwn silo.


Station ah min phur thleng a,lock up ah ka awm ve ta khiau mai.Ka ngaihtuah phak ngai loh thil a thleng mek si a,ka chhûng te harsatna thlen tu chu ka ni dâwn tak2 anih hi.Kha mihlim khan dawt alo sawi miah lo.Thil pêk ropui tak alo dawng reng anih dawn kha.



Ka chungah engpawh thleng se,ka lam a ṭang Isua ka nei a,hnehna ka chang em2 ang.Dawt thu aiin thudik a tlo zawk a,ka nam thla lai hmu tu in ti khan, ka nam thlâk loh zia a hmu tel ngei2 ang."Lalpa,I fanu hi min pui dâwn tiraw,min kalsan suh aw"tiin ka ṭawngṭai mawlh2 a..



Ka tanna kawngka aṭang chuan chaw min rawn pe a.Engmah ei chak na ka nei lo,he hmun aṭang hian min la chhuak thei awm se ka van ti em.Nu,Pa,U,lo mangang su aw,ka ṭha ania,engkim a ṭha vek mai ang,tiin ka inhnem chawp a.



"I chaw tur"tiin min ko harh a,ka ngaihtuah na ka kawm nasat na lamah ka muthilh lai pawh kalo hrelo."Ei zo la,investigation ṭan a hun dâwn a,kan rawn ko dâwn che ania"tiin min kal san a.



Mi chak lo ka ni hleinem,mi chak tak ka nih theih nan,châk miah lo mahila ka ei tho angai.Ka taksa a chak ṭhat a rilru hrisel tak ka put a ngai.Chaw chu tlem a zawng ka ei a,rilru ah eng dang a awm thei lo.Ka thiam thu sawi dan ka hre bawk silo.Engpawhnise thudik bak sawi tûr ka nei lo.Ka tih theih tâwk ka ti anga,a bak chu chung lam rorelna ani tawh ang.


Investigation ṭan tûrin room ah min hruai lût a.Min hruai tu Police chuan ka case chu detective kut a an hlan thu min hrilh chuan ka thawveng huai thei.Detective chuan engkim a chhui chhuak thei anga ka zalen na tura chung lam rem ruat na pawh alo ni thei asin.



"Zan i mu thei em?"rawn ti tu lam chu ka hawi chhuak nghal a.Kawngka bulah chuan Zarzoliana alo ding reng."Engnge i rawn tih dâwn?"ham haih tak chuan ka lo ti a.Nui suk in,ka lam a rawn pan a, dawhkân hmaah chuan rawn ding in,a kut a rawn phar chhuak a.


"I case buaipui tu tur Detective Zarzoliana ka nia.Ṭha takin kan thawk dun dâwn ania"a thutak lutuk chuan min ti hamhaih zual."Zarzoliana i ni lo ami?"tiin ka melh hâ a.



A lu bu nghat in,"Ni e,i case buaipui tu tur pawh"a tih leh chuan mak ka ti zual.Ka awih thei lo,ka u thusawi kha a dik animaw.


"Detective ini tak2 maw?"ti a ka zawh leh chuan,ka hma a ṭhutna tur a chair an dah chu hung rem in a ṭhu nghal zat a.A kut rawn hui in,"Ṭhu la,hun khawral lo teh ang"a thutak mah2 deuh ani.He mihring mawl zet hian engtinnge ka thiam thu a a hai chhuah theih teh lul ang.



"Police ho kut ah dah let leh rawh"ka ti ṭhat a.A mit ko a san uk a,chik tak hian min en bawk."Nang hian ka case hi i chingfel thei dâwn lo,nang ai chuan Police ka ring zawk"ka tih leh pawh chuan engahmah a ngai lo nge ni,a nui suk ringawt.



"Ka pu"tiin pawn lam a awm te chu ka ko vak a.A ning deuh ta ni ngei tûr ani.Ka hmaa dawhkân chu a beng ri ṭhuai a.Ka phu chiang teh asin.



"Ṭha deuh in sawi dun ang aw,hun kan khawhral hnem tawh ania" dam thlup chuan a ti leh lawi a.Min ti hrilh hai teh e.


Laptop a video chu min en tir nghal a."Hei hi nangmah ini em?a ti thum dut.Ka lu ka bu nghat a,"He video hi Pathianni tlai dawr 4:05 a lak ani a.He Building chungah hian engnge itih?"chiang deuh a min en chung chuan ati leh.



Aw ka thian kharh a,"Naupang ṭap thâwm kha ka hria a,chhan chhuah ka tum a",zawi tak chuan ka ti a.


"Naupang ṭap thâwm i hriaa,chhanchhuak tûrin i pan nghal a.Mahse a awmna hi roof top ania,i tlân chhoh ngei a rinawm bawk a.Building chhûng a awm ho hian I thawm an hriaa,an ngaihven lo der che nge ni a,thawm nei miah lovin i tlân zawk?"ati leh kauh2 a.



Chulam hre si se tawh lo i,naupang chhanchhuah tum a tlân cho ka nia.Engtinnge midang in min hmuh leh hmuh loh ka ngaihtuah hman tawh ang.



"Ka tlan chho nghal bawk sia,building chhung lam a miten min hmuh leh hmuh loh ka hre miah lo"tiin ka chhang tawp.



A thaw chhuak leh hawk a,"Chu tak chu ania,kawng a kal zâwk pawhin ṭap thâwm i hriat theih chuan,engtinnge inchhung a awm te khan an hriat loh theih?"atih leh a.Zawhna min zâwt nge amah a in be zawk pawh ka hre tawh lo.


Min en leh rûn tawh a,kalo hriat ṭhîn mawl hmel deuh kha a pu tawh lo reng2.



"I tih ani lo tih ka hria,theihtawp ka chhuah dawn a,min puih angai dâwn ania"dam thlup in a ti leh a.Ka ngawi reng,ka tih ve theih awmchhun chu a zawhna ṭha taka chhan zawng anih hmel.



"Naupang chhan tumin i kal tih chu ka hria a,engtinnge naupang kha i hmuh theih?khawiah nge i kal hmasak?"tiin zawhna min zâwt leh a.


"Dâwrah ka kal a,ka haw kawng ah naupang ṭap thâwm ka hriaa,chhan tûrin ka chho leh"in ring tawk tak chuan ka ti a.


"Awle,a lawmawm e.I trial neih turah ka ṭhian pa ding tûrin ka râwn a.Lungngai lo la,zan in bak hetah i riak tawh lovang"tiin min chhuah san a tum a.



"Jail ah min khung dâwn em?"kawngka a pawt tur chiah chu rawn hawi leh in,"Thil ti sual tute chan alawm"tiin a chhuak zui nghal.


Room aṭang chuan ka chhuak ve dâwn nge,min koh hma chu kala ṭhu dawn ti a ka in khâp buai laiin.Mi pakhat smart tak mai hi a rawn lut leh a.Ngawi reng in kalo en a,ka hmaah chuan rawn ṭhu in,lehkha bu leh pen nen a inchhawp rap a.


In aṭanga ka chhuah hun te min zâwt a,naupang ka hmuh dan leh ka let leh dan te.Ṭha tak chuan ka chhang vek a.Ka rin aiin a duhtawk hma viau.


"He case hi case harsa ani lova,min ring la,engkim a ṭha vek mai ang"a ti dam dap a.Ka thaw veng ve huai thei.Lalpa ka lamah a ṭang tih hi ka chiang em ani.



Naktukah trail neih a nih dawn vang nge ka zâng huaiin ka in hria a.Chaw pawh ka ei tui ve ta viau e.Police pakhat chuan ka chhungte ka biak duh leh duh loh min zawt bawk a.Keimah vang a an lungngai hmêl kha mitthlaah a rawn lang leh a,ka be ngam thlawt lo ani.


"I biak duh chuan phone hman theih in a awm aw"tiin min kalsan leh a.Naupan lai aṭangin khawiah mah ka chhûngte hlatah hian ka la riak chhuak ngai lova,ka khua chu a har ve reng.Mahse tûnah chuan puitling ka ni ve tawh a,ka tuar chhuak thei em2 ang.




Lalpa'n a zahngaihna a lan tir anga,naktuk trial neih turah pawh hnehna kan chang ngei ang.


*Field ah ka tlan lut a,min um tu an awm tlat avang chuan min man hman ka hlau nen,hmun him lai ka zawng ruai a.Field chhak lawk a vantlang zun in ah chuan tlan lutin ka in kalh hna a.Kawngka pawn lam aṭang chuan hâwn tuma bei tu an awm a.An hawn ka hlau lutuk chu ka tha khur zawih2 chungin,kawngka chu ka theihtâwpin ka pawt ve bawk a.


Mipa aw hian I chhuak thei chuang lovang tiin kawngka hnuai awng aṭang chuan mei khu in min ur a.Bang kil lam pan in ka ṭhu tawm kâk a,pawn lam atang chuan nui hawk2 chungin kawngka chu hâwn tum in a chhut hian an chhu tawh ni maiin ka hria a ri dawp2 a.

Ṭanpui dil in ka au chiam a,pawn lam a awm chu ka aw rawl ai a ringin a nui khâwk tuar2 bawk.Kawngka chu a rawn pet hawng ṭhuai a,kalo râk ṭhat,a hnung aṭangin chem te a la chhuak a.I him theih i in ring reng2 ami ti chungin ka hrawkah min zai sak a tum a.*



Ka au chhuak ṭhawt a.Ka tanna bar chu rawn khawng dawt in,"i bengchheng lutuk"tiin min hau a.


Mumang rapthlâk tak ava ni em.Khapa hmel lah kha ka hmu chiang thei miah lo leh nghal a.Mahse jacket uk leh kekawr dum a ha a,lukhum hma thlawk a khum tih chu ka chiang.


Ka dang a ro in ka tui a hal huam2 a.Police duty pakhat chu ko in,tui ka dil tawp.Min rawn pe pahin,"Bengchheng tawh suh ang che"a ti hmuk lehnghal.Ka duh vanga bengchheng ka ni der silo.


Mut chhuak a reh vek a,khawvâr hun nghak in ka ṭhu tlawk2 ringawt.



Khua a rawn var ta tih ah chuan ka piah lawk a duty chu ko leh in,ka in thiar duh thu ka hrilh a."Hmeichhia hi chu in tih a tam mange"ti chungin min kal pui hlawk2.



Ka in thiar zo a kan let leh lai chuan,"Detective Zara kha i pasal ami?"a ti hlawl mai."nilo lutuk"ka lo ti nghal vat."I pasal anih loh chuan I ngaihzawng tal anih dawn kha,a ngaihsak em mai che"a tih leh chuan ka hrilh hai tawh viau.



Chaw ei khamah chuan trial nei turin min hruai chhuak a.Court ah hian vawikhatmah ka la kal ngai lo,ka zâm chhe mai ang tih ka hlau hle.



Trial kan ṭan chu,Zarzoliana te ṭhian dun an ṭâng bawk a.Ka thah ngei ni a sawi tu leh hmu tu in ti te pawh an phîng darh hnehsawh viau e.Ni e,dawt chu a tlo lo rêng ani.A tawpah chuan chhuah zalen ka ni ve ta.



Court aṭang chuan Zarzoliana'n min chhuah pui a.Ka phone min pe in,"ka msg i reply thei tawh ang" ati leh sup mai.



"Detective chu ilo ni tak2 anih hi"a mit a en chung chuan ka ti a."Ani mai aniang chu"ati leh ringawt tawh.



Ka hnung lam aṭang chuan ka u aw ngei chuan,"Tinker,Âw ka tinker bell"tiin nghet takin min kuah thut a.Ka phu chiang ngei mai.Zarzoliana pawh alo khik leh sung tawh hi.


"Khawi maw min thlah teh"tiin a ban a min kuah na chu ka ben sak a."U te kut thlâk reng mai"ti chungin min kal san daih.A ti tau leh tawh animaw,ava buaithlak ṭhîn tak.



Zarzoliana chu kalsanin ka u ka um a."Hey i ti tau ami"ka tih pawh chuan min chhang lovin hnuai lam bih chungin a kal lui zêl a..


"I kal na tur en rawh"ka ti hman ṭawk ang,kan hmaa electric ban awm chu a tauh ri chawrh mai.A chal dâwm vang2 chung in,chu electric ban chu a pet leh chawrh a,a pei leh dawrh.A thinrim laklawh tawh bawk sia,ka nui ri ngam tawh bawk silo,ka hmui ka pet ngar2 ringawt.


Nuih in sum chungin ka pan hnai a,"Khawimaw kalo en,ana em?"ka ti dek2 a,"A nat loh i ring ami,double shot lehnghal"alo ti vin hlur.


Zarzoliana ka va en chu khup dawm meuhin a lo nui khur ngar2 mawle.Ka melh reng tâk ah chuan nuih insum tak hian min rawn pan ve mai a.


"Khawnge ka nu te?"ka u chu ka zawt leh a,vin zet hian "in ah"a ti hluk a,Car awmna lam a pan nghal.


Car ka luh dawn thleng chuan Zarzoliana'n min zui a."Hna dang ka la nei sia,ka rawn zui lo mai ang che u.Ka lawmpui lutuk che Tinker"tiin a kut a rawn dawh a.Ka kut ka beng fai thuak2 a,chibai chungin,"ka lawm lutuk"tiin nui sang in ka chhang a.


"Zars,tlai chu aw"driver seat a ṭhu ka u chuan alo ti zat.Pakhata lah bu nghut in,"tlai awih miah loh"ati ve bawk a.Eng tak chu ti leh dawn nimaw.Anni pahnih inkawm hi chuan eng thil ropui mah an ti lovang.



In kan thlen chuan ka nu leh pa ten kawt ah min lo hmuak a.Motor aṭanga chhukin ka pan vat a,nghet takin ka kuah vawng2.



"Kan naute hi a chêr hman vek anih hi,i duh zâwng hlir kan siam anga i ei ṭeuh dawn ania"ka pa chuan alo ti zung2.Ka nu chuan ka kut ah min vuan tlat a,min thlah phal rih lo aniang,inchhung kan luh thleng pawh chuan min la kai ngar2.


Ka rilru nat an hlau nge ni,ka lock up riah chungchâng engmah an sawi lo.Engmah thleng lo ang maiin an awm a,an rilru erawh a ruk tak chuan ana ve tih ka hre thei.


Ka nu'n ka ngainat em2 pudding alo siam a,bowl thum lai ka ei zo.In ti fai tur a bathroom ka pan laiin ka u a room aṭang a rawn chhuak in,hmanhmawh deuhin a inkhalh chhuak a.Engnge maw a tih dâwn le,a tih tauh aṭang khan min la be leh miah lo.



Ka inbual zo a,ka in hak ṭhat mawlh2 lai chuan ka nu'n ka ei chak min zâwt a,bazar thlang a chow ka ti mauh mai.Kal nghal ka duh leh ut2 tawh,ka ei chak a chhuah tawh chuan ka insum zo ṭhîn lo.



Bazarah chuan ka nu nen kan in zui chhuak a,ka pa erawh in kan nghah tir thung.


Ka duhthusam ang ngeiin soup pawh an bei tui leh viau e,kan puar khawp kan ei hnu chuan haw pahin bag kan en kawi a.Kan nufaa kan ah tur in a tott bag bts chuang ngei kan lei a,ka tan chuan an zahthlâk vak lo anga mahse nu tan chuan bts chuanna ah chu miin an en duh te pawh ka ring.Mahse an hmelṭha alawm tiin a duh ve tlat bawk sia,hnial theih ni hek lo le,a in ang in kan ak tawh anga animai.



Zion street lam aṭangin haw turin kan kal a,kawng sirah chuan ka u leh Zarzoliana te'n Hmeichhe kawr fual secondhand an lo thing anih chu.Lak khalh hlau ni awm takin an thin sa an pawm bawr ṭûn bawk a.An lian in an sa a ṭha dun si,sek phiar ṭun in an lo ha chhin mawlh2 bawk.


Ka hmu sual anih ringin ka mit ka nuai leh ṭhin a,mahse ka u te ṭhian dun ngei an ni.Ka nu ka kawh hmuh a,a phu zâwk hial."Lalrinzam,Zarzolian"a aw rawl tawpin a au a,a pan hnai nghal hlawk2 bawk.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)