OUR UNFINISHED STORY Chapter-8

Episode kal lai dah luhna

Moderator: writers

Te-i Mrs Ambrose
Posts: 170
Joined: May 30th, 2022, 10:14 am
Location: Siaha

OUR UNFINISHED STORY Chapter-8

Unread post by Te-i Mrs Ambrose » August 10th, 2022, 8:47 pm

Our Unfinished Story
By: 🌼Te-i Mrs Ambrose🌼
Chapter - 8




School exam chu kan ṭan a, keipawh Perfect boy zarah thiam lo lutuk chu ka ni bik lo, Rini chu ka melh leh zawk ṭhin, a pen hmawr a seh a seh mai, a thawk a uih viau phei chuan a pen hmawr saw a tak ṭha tawh viau ang, ka thil ngaihtuah avang chuan ka nui suk, Sir Tarmitbiala'n min lo hmu hman hlauh, "Lelrempui eng nge khatia i nuih suk suk a, Exam question khan a bem che mi?" a tih chuan





"Imm,,sir min bem nasa lutuk, try chikimin min try vek, mahse ka chhang lo mai ang, ka chhan let chuan kan zirtirtute ho hian lerh min ti lutuk palh ang, ler nih ka duh silo a, ka chhanglet lo mai ang" tih a ka chhan chuan kan exam hall a ṭhu ho an nui vek, "Lalrempui i va ṭawngthei em em ve" Sir chuan a ti ta thlawt, ni reng e, ṭawngtheih te chu ka hna pakhat a ni ve tlat, hna mai pawh ni nang, ka talent dawn ropui ber a ni hial ang chu.





Exam hall aṭang chuan kan chhuak a, Rini chu pawnah hian a lo ding a, a chhuahna a rei tawh raps, a bul ka thlen chuan a lo ang hluk hluk " Lalrempui 'Ka thiam lo' ti ve ṭhin si,,, chhan tur i va hre bik ve" a rawn ang nghal bawrh bawrh "Oo,,Perfect boy-a'n thlem min zirtir ve alawm,,i lo zir ve duhlo a nih kha" ka tih chuan a ner vak "Hmm 'Perfect boy' te hi i tia,"





"ka tih mai lovin" ka tih leh chuan min kek dawn emaw ka ti hial, "Iss,,,aa ka ning e, chawlh a awm ṭhak lo lenghal, engtin nge kan thiamsa pawh kan revised zawh hman ang le" a ti leh chuan "Elee,,, thiam sa revised tur i nei bik elaw" ka lo ti hmanhmawh ve a "Nei chuang nang" a ti leh lawi si.





"Ee,,Rempui kei chu naktukah Nihawichi ka pai dawn" a tih hluai, "eng atan nge i tih chuan ang, exam hall-ah eitur ken pawh an phalloh hi"





"Lalrempui fing rawh, an hmu dawn chuang hleinem, ceiling en pahin chip ila a ṭha ang, pen hmawr kha chu a tuilo"





"I â em ni, nge maw Nichawichi kher pawh chu(h),, pen hmawr kha seh leh mai rawh"





"Ka â awkawngka lo, ngaihtuah pahin Nihawichi ka chip dawn lawm, naktuk phei chu English a ni bawk a, ka own word chiang khawp ang" tiin a nui sawng a, ka ngaih pawh a ṭha lo zawk a lawm.





Ka chhuah hnu rei fe hnuah chuan Perfect boy pawh a rawn chhuak a, ka hawi kual vut a, ka chal chu a lo fawp zeuh "I chhang ṭha em?" tiin min zawt nghal a, ka chhan hma in Rini'n min ṭawngkhalh "Matthew, Lalrempui in kiangah SINGLE ka awm ve kur hi aw,,over su" a ti nghek, "Imm,,ka, chhang ve reng, min zirtir nasa em a" tiin Perfect boy chu ka chhang let a, "Ka zirtir ṭha lo ngam nang che, fail palh hlauh ta la,,,,I kiangah ka ṭhu tawh nang" tiin ka sam a tuai thur nghal a.





"Min ngaihsak lo ve hle mai" Rini'n a tih chuan Perfect boy nen kan in en a, kan nui dun ringawt, "O,,Rin nang te chuan ngaihsaktu tur i duh veloh kha, I tan te chuan story boy an tam i tih kha" ka tih chuan a ner nawng nawng "Ngaihzawng hnen aṭanga ngaihsakna ka phut ka tia mi, ka thrid wheel a, min ngaihsak ve deuh ru, ṭhian angin" a rawn ti hlut, ka nui ringawt.





Perfect boy chuan min thlah a, hepa pui reuh hi, ka ringhlel, a zei em em lutuk, a bialnu hmasa ber ka nih ka ring lo rum rum, mahni leh mahni ka inngaihtuah thinrim vek tawh kawng reh lai, tumah kalpawh lohna lamah kan kal bawk a, eng ang pawhin lo ṭawng ring ila, a pawi kher lovang "Vanlal-Matthew tunge I bialnu hmasa ber?" ka aw pui reuh chu, rin ai zekin a rum in a chang ṭha, ka aw kha archaw atan chhum se, ar ho pawn a dawlh/lem ṭha thei lovang.





"Elee, nangmah" nui chungin a rawn ti ham ham, min chhan dan ringawt pawh khan ka thin a ti rim "awihawm loh lutuk, I zei em em danah a pakhatna ka nilo tih a chiang" ka ti lo nghek, mak min tih hmel fe hian min melh a "tuin nge ka bialnu hmasa ber ini lo tih loh sawi" a tih chuan ka awmdan ka sawifiah thiam lo.





"Anih chuan kei hi i nuna hmeichhe hmasa ber ka nilo tihna a ni maw" ka aw pawh a ring tawh lo, tinge a bialnu hmasa ber ka nih siloh chuan,, a hma aṭang khan zep lova min hrilh mai loh.





"Cutie" tiin min ban mai a tum a, mahse ka lo tawlhhnung dat thung, a rawn rum hawk a, rawn che thutin a lamah min pawt hnai dawrh, a chet dan avang te chuan ka ṭah a chhuak ngut ngut, a bialnu hmasa ber ka nilo chu ka tahchhuak chhan pawh a nilo, mahse a zep kher khan engtin emaw tak keimahah hian nghawng a nei tlat.





Perfect boy-a'n min hmuchian chuan a hmelah nuizatna ka hmu thei, chu chuan ka thin a ti rim leh hlur tawh "Min nuih suh" ka ti nghek, a lamah a aia hnaiin min pawt leh a, a awm nghet zet maiah chuan min kuah hle hle, ka chhipah a fawp vang vang a, kei erawh awm dan tur pawh ka hre lo "Cutie i thikthu ava chhe ṭan deuh ve" nuihza aw zeta a tih chuan ka tal nghek, mahse a aia nghet chuan min kuah a, "ka thik ka ti ami tinge ka lakah i zep kher? " ka tih leh chuan pa lutuk in a rawn nui chhuak hawk a, eng nge a nuihchhan pawh ka hrelo, nuihza(t)thlak thil engmah ka sawi awm ka hrelo "Ka nuna hmeichhe hmasa ber chu ini lo alawm, mahse...." a tawng hma chuan ka tal leh nghek.





Mahse min thlah a tum der lo, a nuna hmeichhe hmasa nilo mah ila, hetia hmaichhan ngeia a sawi hian min ti na, che tawhlo chuan ka ding reng, min kuahna a tihthawl deuh a, a tha a thlah dul lai chuan che phutin ka nam dawrh a, hawisawn nghalin ka ke ka pen vut, mahse ka pen reilo kher mai, Perfect boy chuan min pawt her leh dawrh a, ka tal leh nghek "Cutie ka thusawi ngaithla zo phawt rawh" a tih pawh chuan ka la tal bat bat tho, a rawn rum chhuak leh hrawk a, "Lalrempui lo ngaithla rawh" a tih chuan ka tal tawp chat, tunah khan ka hmingpum in min ko, ka hmingpum a koh hi ka duhlo ani lo, mahse a bialnu hlui vanga ka hmingpuma min koh khan min ti na.





"Kalbo rawh" ka ti tuarh, a ni erawh in min kuah nghet tulh tulh thung "Sorry, sorry ka tihpalh, Cutie I hming puma koh che kha ka tum bik a nilo" a aw ah chuan inthiamlohna a richhuak a, chu chuan ka ṭah ati chhuak zual sauh thung.





"Le, Cutie ngaithla rawh le, kei hian i lakah engmah zep ka neilo" a tih leh chuan "I bialnu hmasa chungchang ka lakah i zep" ka lo ti nghal a, a rawn nui leh hawk "Ka nuna hmeichhe hmasa ber ini lo tih chu ka hria, mahse ka bialnu hmasa ber chu ini, tumah ngaihzawng ka la neilo nang tihloh chu" a aw ah pawh chuan nuizatna a la lang, "tunge i nuna hmeichhe hmasa ber chu" ka tih leh chuan a rawn kun hniam a, a chalin ka chal a rawn nawr a, "Bialnu thikthu chhe deuh ka nei a ni maw" a tih chuan ka lo ner nang mai.





"sawi vat mai teh, ka thik kher lo" ka lo ti hlar,mahse ka rilru tak chuan ka thik, a nuna hmeichhe hmasa berah ka lo inngai ṭhin, mahse a lo ni silo. Chu hmeichhe vannei Matthew Perfect boy nuna hmeichhe hmasa ber chu ka thik a ni tu tak ni ang maw? A,,,ka hre leh duh lo, a rawn nui leh a, keipawh ka lo che dawt nghe nghe "I thikhu a chhe hle mai" a ti leh a, nge maw a nuih reng bawk ni.





"Sawi tawp suh" tiin ka tal leh vak a, min thlah miah lo lehnghal, "Cutie le(h),,,," tiin a nui ngawr dat a, "Ka nuna hmeichhe hmasa ber chu ka NU a ni" a tih chuan ka zak chem chem, kei hian a nu kha ka lo thik ania, kha vang reng khan a ni maw min lo nuih char char ni.





"a hma a,ang khan sawi ta che" ka ti ringawt "ngaithla duh heklo che, hrilh che ka tum pawn I ngaithla duh miau lo alawm" dik inti fe hian a rawn ti a, nia a dik ve tho mai ka ngaithla duh lo a, ava han zahthlak e aw. Kei hian ka bialpa nu ka lo thik anih chu





"Bialnu thikthu chhe deuh han neih chu, a nuam tho mai" tiin ka kawngah a kut pahnihin a rawm suihbet a, a hmelah nuihzatna a la cham bawk "Matthew i nuihza hmel kha paih bo rawh, i thiamloh vek anih hi" ka tih chuan min melh ngar "enge ka thiamloh na?" a rawn ti hluk, a thinrim ta emaw ka hial, mahse a hmel ka hmuh erawhin a thinrim lo tih ka hre nghal. "I zei hlek hluak em anih kha, i bialnu hmasa ber ka ni tihpawh awihawm loh khawp khawpin i zei anih kha" ka tih chuan a rawn rum hawk, ka hmui a fawp zeuh a "Ka zei itih avang ngawt chuan min lo ringhlel a"
"aw,,rinhleh loh chi pawh ini lo, tupawn bialnu emaw bialpa an neih tirhin hetiang em em hian an zei lovang, Pathlawi ai pawhin I zei daih alawm" uar fe hian ka ti a.





"Pathlawi zei deuh chu hriat i nei em ni?" a ti hluk "ka hre mai thei asin" ka tih chuan ka kawng a chelhna a hmer na sauh "Chu Pathlawi zeia chu i duh tihna em ni?" a aw a chang tawlh tawlh khawp mai "Ka hre lo le" pathlawi zei deuh tumah ka hriat ka nei lo, pathlawi hmelhriat pawh ka nei miahlo, mahse ka fiam hlak chak.





"Lalrempui le" tiin vanvadak meuhin a nui ro halh a, mahse a nuih aza lo tih erawh a mitmeng ling hlur aṭang chuan a chiang viau thung, "tunah hian Pathlawi kei aia i duh zawk thu sawi i tum em lo tiraw, nge ni a, Chu Pathlawi zeia chu i lo duh zawk" tiin min thing nawk, chhan tumin ka ang zuau , mahse amah bawk chuan min ṭawngkhalh a "aihh,,min chhan a ngailo, chu Pathlawi zeia chu keimah hian ka chingfel ang, chuan hre rawh nang hian min kalsan ngai lovang, ka phal anih ngawt loh chuan, chu erawh a thleng ngai lovang, achhan chu kei hian min kalsan ka phal ngailo ang" a aw a nghetin a thaw chhuak hawk hawk reng, kei hian ka fiam sual em ni?





"Pathlawi chu" ka tawng laiin ka ka a hup chawt, a hmelah thinrim a insum nasa hle tih a hriat a, pathlawi tumah ka hriatloh thu sawi ka tum asin "Lalrempui nang hian kei aiin chu Pathlawi zeia chu i duh zawk tih sawi tum hauh suh" tiin ka ka a hupna a ala thla a, a inher nghal vut bawk. Kal mai a tum a, a kawngah ka kuah ringawt "khaw nge kal i tum?"





"Ka hrelo" a aw a la chang ṭha viau
"ka tihpalh, ka tihpalh" tiin ka lam hawi tur chuan ka pawt a, a lo hawi tha ve mai, "ka tihpalh tumah Pathlawi hriat ka neilo, ka sawi mai mai anih kha, ka duh ber che" ka tih chuan a thaw ham ham ka kawngah a chelh a, ka darah a hmai a phum bo nghal, "vawikhat mah kei min kalsan tur thu hawi lampang kha phuh chhuak tawh suh, khatia i sawi khan he lai hi ana" tiin a awm zawn chu a khawih zeuh a. ka darah chuan a thaw lum ham ham.





"Ka tihpalh" ka ti leh sep, "min kalsan tum ngai suh aw, nang hian min hlat chuan ka dam zo kher lovang" a ti chhuak leh halh a, a awmdan pawh ala pangai thei lo, ka darah a hmai phumin a thaw chhuak leh hawk ṭhin.

"Nangin min kalsan te anih loh chuan ka kalsan ngai lovang che" ka ti a "a thleng ngai lovang" a rawn ti nghal sup, a thawk sak tak pawh kha a reh tial tial a, a hnu chuan min nawr hla deuh a, "Le Cutie, duh aiin kawngah kan thangrei ta mah mah, ka thlah ang che" tiin ka biang chu a kut pahnih chuan a khuap nghal a, "chuan nichin ami ang kha thleng nawn tawh suh se aw" tiin ka kut a hum nghal a, kan in lam pan chuan kan kal dun a, kan in be leh tawhlo hrim hrim, biak chu ka duh, mahse ka ngam rih ngang lo, mahse kawng tluan chuan ka kut a vawnna erawh chu a tlah lo.





Zanah chuan lehkhabu hmaa ka ṭhu ran a, mahse vawiin tlai thil thleng ngawt khan ka rilru a luah, lehkha pawh chu ka zir ṭha theilo, Perfect boy kha ala thinrim reng a ngem le? Chu zawhna ngawt chu ka inzawt a, mahse zawt turin a lehkha zir lai ka ti buai mai mai ang tih ka hlau si, rilru bet lo zetin lehkhabu hmaa chuan ka ṭhu a, ka phone message tone a lo rik chuan ka ban nghal vat a a screen ah chuan *My Perfect boy* tih a lo lang kulh a. Message chu ka hawng nghal a
*Cutie vawiin tlai thil thleng avang khan lehkhate kha i zir ṭhatloh phah ang e aw* ka chhiar zawh rual chuan message dang a lo lut nghal
*ṭha deuhin lo zir rawh aw, chuan ka thinrim tawh lo nia,,tha deuhin zir la, chuan i mang ramah min lo hmu dawn nia,ka hmangaih che Ka Duatte🙈* zawngte hmai hup emoji a rawn dah tel a, ka nui suk a,ka awm a nuam ta huai mai.




*awle, tha deuhin ka lo zir ang* tiin ka thawn let ve nghal a, a, seen rualin keipawh ka phone chu dahin lehkha chu ka bih a, Perfect boy-a'n ka nun a thlak nasat zia hi, ahma a lehkha zir peih ngailo khan tunah hian ka zir ve mawlh mawlh chu ania (a awihawm lo inti ve tho em,,,lehkha zir inti si ah chuan suangtuahna a kawm nasa ber ang😂😂🙈)





Zing ka harh chuan ka phone ka ban nghal a, Perfect boy-a morning wish na a lo awm vang a, ka mood a in on leh nghal khawp mai.






Ka insiam zung zung a, ka insiam zawh veleh inhnuai lamah chhukin chaw ka ei nghal a,kan in aṭanga ka va chhuah ve meuh chuan kan gate bulah Perfect boy a lo awm leh vang tawh, nui sang chungin a lam ka pan a, a zawn ka thlen veleh ka chal a lo fawp nghal zat a, mitchhingin ka nui ringawt "Kal ang le aw, chuan i chhanṭhat viau ka lo beisei ang" a tih chuan ka nuih ringawt ka kutah kaiin school lam chu kan pan dun a.

(sei/thui deuh rawn upload tawh ka tum nangin school kan tan tawh sia, hun ka ngah tawhlo lutuk a, a tawi pawn min lo hre thiam hram* mai dawn nia )



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)