DUHTAK SANGPUII CHAPTER-18 BY NUNUI HNIALUM

Episode kal lai dah luhna

Moderator: writers

Nunui Hnialum
Posts: 115
Joined: June 13th, 2021, 9:07 pm

DUHTAK SANGPUII CHAPTER-18 BY NUNUI HNIALUM

Unread post by Nunui Hnialum » August 10th, 2022, 9:06 pm

Chapter-18




Nu Lawmi hmèla mak tihna leh zawhna a mitmenga lang chhuak zut zut chu ka chhiarthiam, ni e, Sangpuii nen a kan in zawmna a bùlfûk engmah hriat aneih miauloh avãng in tunang zàn a kan in dinchilh ràn chu mak ati lutuk ang ka hma a mi lah in engmah sawizui atum dèr silo.






Mi hriat hlau a a rùk aràla in kawpa, in nghirnghona achhuah reng dàwn ai chuan engkim sawitlang vek law law a, langtlang tak leh chhungte ve ve hriatpuina thlapa in kawp chu ṭhazawk dâwna ka hriat vãng in "Nu Lawm, ani hi ka bialnu ani," ka ti chhuak tawl a, ka mitsír in Lawmsangpuii'n min melh zui ràwm ràwm tih ka hria, ka hmulo der hmiah thung.







Rinsa ang ngeiin "hey, nang....," ati ta vak a amitmeng hriam hraih pawh chawp leh chilh in abo nghãl. Zùm dák hian ading a, ani hmèl melh zak zak in hnuailam a melh lehdaiha akùn chhal bawk. Nu Lawmi pawh in a beiseiloh lutuk thu ahria chu mak tiin a áng phiau a, keini pahnih chu min melh tawn zak zak bawk.






Mahse, puitling ta na ná nà chu a in siamrem zung zung a, mitmeng tak ràn in min melh a "tehdaih a," ati zâwi sap anuipah hak. Huiz, Lawmsangpuii hian tudang ni lovin ani siar anihhi alo chhun ni, an mitmeng a zawhna tamtak chhiartheih ṭhin te an ṭawngkam bungrua leh an ṭawng duh dàn chen in danglamna atamlo khawpmai.






"Inchhûngah lút ula," tiin amah alût tharh a, Sangpuii akùn deuh chhal bawksi ka in thiamlo leh deuh.






Inchhûng ah pawh lût lèmlo chuan ka en vawng vawng "Bawihi, i hmuh ang kha engthilmah anilo ania," ka ti zãwi sup a, a hmèl en ka duh a akùn chhal bawk si, ka ṭawngri chu ahria tih ka hria; mahse, hria ang pawn a awmlo, ka thusawi vãngnge, Nu Lawmi minlo phãwk vâng zawk.






A dãr ah chùl in anghãwng ah ka kut zãwimuang in ka sawn chho a akhabe ka vuantur chu lehlam ahawi zui nghat, akum ngaihtuah in hetianga ala táu ngãt chu àwm ka tihpui lutuk tlat; mahse, atàn chiaha ka awm zia hi ahriat angai "Ruatpuii chu thîk duhsuh, ka hmeichhia anilo, ka duhzãwng ani heklo, ani pawh in min duh lo bawk," ka ti leh a, ala ngãwi ngal.







"In ngãizãwng silo khati taka arúk aràla chêt inlãk si, engkim ka mithmuha thlengvek ala ni zui," a ṭawng tawh dawnlo emaw tih hnu ah arawn ti ta hlak hlak a. "Chhùn chawlhlai khàn ka meizu naupang ho hmuhtam ka duhloh vãng in fialrial ka pana Ruatpuii kha alo lang ve ringawt anih kha, ilo lan hma lawk kha ani nghe nghe, mi hi a kàwmngeih ve riau a, zanin erawh i hmuh ang khàn Sikul thil ah kanlo ti ti satliah, thinrim tawh lo la," ka ti a alung la dam zànlo mahse keimah ah rilru ala pe tih ka hriatna chuan minti làwm.







"Mahse, a star tal ang che, a hmelṭha si a pian analh ropui si," ala ti hrãm a a ngaihtuahna lah hi 'a puitling,' ka ti dàwn nge 'hmahun asial thiam,' ka ti zãwk dawn. Nuihawk in ka kuah a "i ṭhaber, Vãla tàwn ah," ka ti a ka nuiduh tawh hauhlo thung.






"Kalteh, i chhe e," ati ta nge nge a, "khatiang ṭawngkam ka hriat khàn ka zak, bakah in lèmna ṭawngkam a ang," ati leh ta khauh. Ava buaithlak tak.






"Ka lèm akawng lo che, lèm mai mai atàn chuan ka phallo che, bakah mahni bialpa te an puhchhe vak ngailo," ka ti a, a mitmeng ah chuan hlimna mitmeng de sar sar ka hmuthei. "Le, kan ṭha ti raw?" tiin ka kuaidãk a ṭawngka a minchhãng lovin amah ka vawnna ka kut arawn fawp chat, henu duhawm si zia hi "awle, tunge nichina i inlêngpa kha sawi tawhrawh le?" ka ti a "phakar ve siah, ihhhh...U Makima mawle," tiin chimawm zet in min melh a, ahmui pet zoh in sír lam ahawizui daih. "Enge alo tih? alo rìm che em ni?" ka ti a ka melh rùn rùn bawk.






"Rìm lo, ka ṭanga alãwm alo lèn ṭhin, keite chu rìm chi pawh ka nihloh hi," ti niah niah in, akawr leh a kekawr hãk chu apawt chat chat a, 'ka tet zia hi nula ah pawh min ngailo,' tih asawi tumna nimaiin alang.






Ṭawng tawh lovin a biang tawn tawn ah vuan in a hmui ah ka fawp vawng vawnga, duhthawh em em in kan in fawp vawng vawng, a áwmbawr ka lo ṭhãm na deuh nge "ana," ati sap a ka hmui ka la sawn vat, a hmui pet fan fan in "sorry, ka period tur inṭham lái hian a ṭangvak zel a," ti sap in a hnute bul a kãwk va a, ana tak tak aniang a mittui a tlingdeuh pam mai "ka tihpalh duatte, ana viau em? aruh deuh ṭung ka ti rêng ani," ka ti a, nui lek lek in min melh ang rãm rãm zui.







"A tlai maidawn, i chhungte ka vèngthâwng si a ka haw phawt ang; chuan, lungawi lohna ineih chuan tau ngût ngût lovin ka hnen ah ngei sawi in min be hmasa phawt ṭhin ang che," ka ti a, ka kalsan hma hma in ka ngai leh sa ringawt dawn. He hmeichhia ka duh em em dan hi mak tak ani.






"Tunge thinrim lai lai in, vúi thu sawi zuah zuah ngai?" ati sap. Ka nuihawk, ka kuahna aṭang in ka namsawn deuh a amita en ràn chungin, "ka thusawi chu zãwm phawt mairawh, a chhan diktak hre hmasa lovin an tâu bûr bûr ngailo, ka thusawi reng reng hi order anilo a; mahse, thu ṭha ka hrilh ang che chu i zawm ngei ka phût tlat ani," tiin a mit ah ka melh vang vang a, ka thutak viau bawk; tin, ka thusawi awmzia chu ani mi á lo chuan a hrethiam em em ang tih ka ring ani.







He thu hi ka helh leh ka ngaihmawh ve ber ani, ṭhenkhat abíkin hmeichhia ten 'keichu ka thinchhia a, ka ni deuh hrep zel, ka nihna ang anga pawm ka nihloh chuan,' an ti a; mahse, anla uchuak mah mah, adik hmeichhia bíkah chuan mipa aia ngaihtuah tãwi zãwk annih na chin ah ngaihhnathiam fo an ṭùl rêng ani; mahse, an thinchhiat chhuanlama hmanga lo dawhzel thei mipa chu hmangaih tu ber ah an ngai hmiah a, a diklohna a awm miahlo; mahse, kan ti teh ang mipa in a hmangaih takzet che anih chuan inihna i thinchhiatna leh i ṭhatloh na ang ang in a pawm ang che; tin, i ṭhatlohna hrilh che in azilh ngei bawk ang che, engvang in nge a hrilhloh ang che kan hmangaih te chu aṭhaber kan duhsak miau alawm. Nangmah hmangaihtu che chuan thinchhiat aṭhatloh vang leh zaidam aṭhatzawk vang in i thinchhiat reng a phallo anga, thu ṭha zãwk afah fo ang che.







Pathian pawh in min hmangaih avang in kan sual ang ang a min pawm in chatuan nun kanneih theihnan a fapa ngei kan tan ahlàn anihkha, kan sual ang ang a pawm ni mah ila in siamṭhatna hun pék kanni.








Inlam panin ka haw a, Zan dar 10:00pm ari thuak tawh. Kallam nen chuan a in ang vaklo, ka hlim haw vur vur viau, Nunkima erawh rilru kilkhat ah a awm ve rún lo theilo, ka bialnu ahnaih hrut hrut peih lutuk hi ka duhdãn anilo, ka bialnu anihthu chiangfak a la hrilh ngaiin ka hreta.







Kàwn ka thlenthlãk chuan kil khat ah anlo ri deuh hak a accident an awm niin ka hria, ka thleng ta sa sa kalliam tawp chu rilru anuam vak bawklo nen ka bike dintir in ka chhukthla vat a ka va hnaihdeuh hnu chuan mipa pahnih in sual ṭhelh anlo tum zãwk alo ni.





Ka thlengphei a pakhat zawk chuan bawhbet in alo hnek siah siah a, a bawhbeh mêk chu ahmai athi hnuang tawh. Pa la valai tak hian "a tawk e, atawk Nunmawi," ti ṭhawt in a bawhbeh mêk hnek zawt zawt tu chu a pawttho lawp a, "hmeichhe dang i hmuzo nganglo em ni, engah nge mi kawplai kher ilo play ṭhin, zawngsen, mipa ṭenghneng tak ini," ati ta ṭhawt a, aṭawngkam chhuak aṭang chuan a thinrim hmel khermai, patling oahnih in an pawmbet nachung in an hneh meuhlo, amah lah chu ala tleirawl nen ka hriatzãwng ani hauhlo.







"Ruatsang, tho rawh, i harh em?" tiin patling pakhat hian chhuata tlu chu a bawihsàwm ve nghãl vat, Ruatsanga, nurse nge doctor fa inti kha anih ngei ka ring, areh ta vang vang sia hetah an awm tawhlo emaw ka ti hman a, anlo la awmve reng anih dawn hi.







"Ve a, ve tak che chuan, i hmeichhia khàn a kham khawplo che anihkha, ka in thlenga min rawn pan, chhe zawr lutuk," ngãinep tih hriattak hian ala rawn ti lûng lûng a, a hmai athi hluam nen hmuh anuam lemlo.







Rei awm duh lovin ka tlãnchho ta daih a, ngaihtuahzui pawh ka duhlo. Ruatsanga chu Mihring chapo tak ani tih ka hre zawmzel e, keinen ngei pawh kan in bakkaih ṭhelh anih kha hetiang mihring chapo lutuk te hi ka mi huat tak anni, anni ho ang hi chu khawvel aṭang hian bo vang vang mahse pawi ka ti chhete eihlo, chhûngte chawmhlawm a thawring ve em em ringawt.






In ka thlen chuan anlo mu vek tawh, kawngka kalh sawk sawk in ka room ah mutur in ka lûtzui ve daih. Ka phone ka en a Sangpuii message a awm ka ring deuh ania a awm miahlo, a Ni in phone a lãksak tawh ani mahna. Nu Lawmi khàn a hauhzúi loh hrãm ka beisei a mualpho hlau a alo zilhnek si chuan a lawmawm lèmloh viau ang, Sangpuii ala naupang ve bawk nen.






Mut ka tum mék laiin message ka dawng nawlh a Nambar hlang ani bawk nen ka open duh lawklo; mahse, a message pathumna a "Zothana chu enge a an zèl?" a rawn tih tãkah chuan kan damdawiin awmpui ṭhetkhatte annih ring in ka hawng ta vat.






Siami, inzaina warda awmve Thingkah khua kha alo nia, pangngai takbin ka chhãnglêt ve zèl a, ka bialnu thíkthu chhiatzia hre ràn in a zawhna bãk lo chu ka ṭawngtam lo, message lah chu a reply zung zung zel lehnghãl a, a just now nghãl zut zut zel.







A tûk Sikul kal tur in ka chhuak leh poh a, Sikul thlen hma mual lehlam pêng ka tlàn lai mêk in hla deuh hleka Sangpuii leh hmeichhe pakhat indinchilh ràn hi ka hmu a, a hmeichhia chuan kan Sikul uniform aha ve tho, kalsan mai ka tum chu Ruatsanga ka va hmutel zui ve vat, an ṭawngri hrepha chiahlo mah ila an in hnial ngei niin ka hria, Ruatsanga a awm tel ve kher nen tlàn tlangzui duh lovin ka Bike aṭanga chhuk in ka pan zui vat.






Sangpui ep zãwnga ding in ka pawhduh chiahlo a, an thusawi ka hriatduh vãng in a hnunglawk ah ka awm reng thung "rethei ropui si, mi in a awm ve mai inih kha, mahni nihna te hi hriatchian ve túr," hmeichhia khàn ati hlak a Sangpuii a ṭawngkhum na ani tih ka hria ka nersak thung. Pakhati anui hak a chimawm lek lek in "nihna hria a? ni e kan rethei, mahni in pawha awm theilo khawpin ka rethei; mahse, e mi hausa ka tlawn in ka pãk ve huam ngailo, mahni zahawmna hralh duh khawpa pawisa mamawhnu, a rúka i zu in leh i mipa play pui te hi," arawn ti lêt ta khauh mai le.







"Zawngi, ngãwi mai mai rawh ka hnek hrep hma che hian," Ruatsãnga'n arawn ti khut, engvanga hmeichhe inhnialna a ṭawng ve pûng pûng nge maw anih le. A ngãwimai dawn emaw ka tih laiin "ka duhtãwk in kha i taksa kha ka la suasam ang," cham zet in ati sup a anui hawk bawk. "Sawinawn leh teh," ti nghut in Sangpuii hma ah ka ding vat, ka bialnu thlavãng ka hauh ngei hi a ṭùl miau ani.






In class ah lût rawh," tiin Sangpuii chu ka mitmei zoh a ache hrut a, ka mit meiin kaltura ka tih tlat vãng in akal ta hnak hnak. "Bialnu chhan chu pe na deuh ve," Ruatsãnga'n arawn ti sup. "Sikul leh a chhehvèl ah buaina siam phal anilo, lehpek a awm anih chuan action ka la ngei ang," Sangpuii hmakhua ngài rùna ṭawng angai chu ka duhlo lek lek, an zirtirtu ang nilo a mipa angtaka hmachhawn ka chãk hle.






Chumi ni chuan Sangpuii ka hmulo tluanparh a, ka ngaih aṭhalo dàwn dàwn a, 'a rilru anuamlo aniang,' tiin zànlama inbiak beisei in chumi ni chu ka hmangzo ve mai. Zanriah eikham ah Thlenga arawn lang hlawl a, "Miss kha min rìmpui tawhla," arawn tilût khauh. Ni tuk e, lo ṭhu rihla, ka ti a ka whatsApp message arawn ri tlang tlang.







"Keini hi chu kan tluanrei pawh ka ringlo," tih thu Sangpuii hnen aṭanga ka message dawn ani, ka call vata aring ral ral hnu ah a reject daih, ka ti nawn leh a angai ang bawk ani. "Bawihi, tinge ka call ilãk duhloh? Hun harsa te manganna vãwrtawp tawnhun te pawh kanla nei ang, hringnun hi a tluangpurh theilo atinni; mahse, i tàn ka awmreng e," tih ka thawnlét ve hnãp.








"Ka phulo èm che alawm," arawnti tunṭum chu a rawn voice a a aw ah pawh inkiltawihna alang, nuihuk in "ka lo lêngdawn," ka tih chuan arawn "àih," rang khawp lehnghal. 'Lèn theih dawnloh rau rau chuan,' tiin ka call zui vat a, a pic up har hrep lehnghal. Reife hnu ah mipa aw thâwp lam hian "enge, Sangpuii a inbual," arawn ti bung nghut a, ka mengkãwk. "Tunge inih?" ka ti changfak "tunge nivak anga a bialpa le," ti nghat in call a ti tawp zui hmak.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)