COLBY'S WIFE CHAPTER -8

Episode kal lai dah luhna

Moderator: writers

Remruatfeli feli
Posts: 143
Joined: June 28th, 2020, 9:53 pm

COLBY'S WIFE CHAPTER -8

Unread post by Remruatfeli feli » August 10th, 2022, 10:00 pm

COLBY'S WIFE CHAPTER -8

A mit chu phurna avangin a de sar a,chu chu ahma khan Greer chuan a hmu hauh silo ,mahni inthiamlohna chuan a khar nghal a.Oh,api chu a hlamchhiah tihna ani hleinem,karkhatah vawitam a tlawh ziah a,mumal takin theater-ahte a hruai thin bawk- mahse a hna chu a dah pawimawh hmasa ber thin.A hnaah chuan kum tam tak chhung alo inphum bo tawh a,a nunhlui hriatchhuah hreawm tak kha theihnghilh tumin theihtawp chhuahin a hnaah chuan alo inpumpek thin.Mahse tuna a thil hriatchhuah tak chuan a shock hle,ah chu lo inngaipawimawhlo pawh nise ,he nu atana hlu tak ,thil tam tak lo tihsak thintu hi chu a thlahthlam thei lovang.

A lampan chuan a kalphei a,kunin nghet takin api chu a zuk kuah a." I tidik ani,gran- zankhat thilthua thuthlukna siamfel mai chi pawh a nilo.Kan thenawmte awmdan tur tih vel avang mai mai phei chuan! Chumi kar chhunga nangmaha lo awm i pawitih dawnloh phawtte chuan atha alawm.Ks tian theilo che mahse kartina weekend rawn hman chu ka tum ang" a ti ta zawk a.A han dingngil a,hlim deuhin a nui var var a," chu enge a an awm?" A ti a.

" A ropui lutuk..."

Screendoor lam thawm engemaw alo awm takah chuan Greer chu a hawichhuak thuai a,verandah-a Colby lo ding Ava hmuh chuan chi-aina Engemaw tak hian arawn tuam nghal up up a.Eng chena rei nge alo din tawh ang? An thusawi eng chena tam nge alo hriat? Mahse engte nge an sawi tia a chhuikhawm hma chuan Jem chu arawn thova,pindan chu kaltlangin kawngkhar chu ava hawng ri rak a.

" Awle Colby!" Tiin Jem aw ah chuan a hlimzia a hriat theih a,mahse thildang a sawi leh hman hmain Colby chuan a chawikang lawk a a pawmvir ta chawi chawi a.

" I khawhmuh a fiah tha khawp mai,Jem Westbury" a ti bung nghut a.Chhuatah chuan dimtein a nghat ta a mahse a kut chu ala chelhsak reng thova.Jem mit mittuiin a bual huh hlap chu a enchhuk a." Lalpa,ka hmu leh che chu a lawmawm e.Jamie ..." Tiin apa hnunga bihruk lo tum tlat naupang chu a koki ah chuan vawnsakin a hmaah chuan a kaiphei a"...i pi hi hmelhriattir che ka duh a ni,Jem Westbury anih hi.Jem,hei ka fapa Jamie chu a ni" a ti a.

Jem chuan fimkhur tak leh zawn nei ni awm takin naupang chu rei tawk tak a thlek vang vang a,chutah lungawi awm takin a bu ta nghat nghat a." Daken diktak i ni e.Chu chu ropui tak a ni " a ti hak a.Jamie chuan apa hnung chu alo belbul leh tan tawh a,chek tlak tlak pahin Jem chuan" oh,ipa ina min kuaha min tih ang maia ka tih ve che chu hlau duh mahta che.A pawi love,keini hmeichhe ho hi chu tlak duah hi kan ching thin a.Engtikah emaw kan inkuah nel ve deuh hunah chuan min han kuah velte pawh ila duh ve ang chu,chutia i tih hunah chuan ka lawm khawp ang.Tunah chuan,engtia min han koh vel nge i duh le,bawiha? Great- grandmother han tih duah lah chu a sawi a hahthlak deuh awm si a,i ti velo maw?" Tiin a be bawrh bawrh a.

" I hming chu Mrs Westbury a ni a,chutiang chuan ani ka koh dawn che" Jamie chuan alo ti a.

Mak a ti viau anih pawhin chu chu Jem chuan a tilang hauhlo." A tha khawp ang chu" a ti then a." Le,hei ve thung hi ka tunu a ni a,Greer...Greer Alexander,i nu..."

" Dad-in min hrilh tawh.ka nu cousin a ni"

A awka ngaihsak lohna lo lang avang chuan Greer chuan miss Alexander tia koh a tum thu arawn phuhchhuah leh nghal mai alo ring hman a.Rang tak hian," chu chu a dik alawm,Jamie.Hei ipi jem-i hian fa pahnih a nei a,Lorna leh Taylor .Lorna chuan pasal neiin fa pakhat a nei a...chu chu keimah hi ka ni a..chu chu i nu kha a ni a.Vahnu leh vahpa te ka nei ve dawn silova,chuvangin Aunt Greer tia min koh duh chuan ka lawm hle ang" alo ti ve thuai a.

A chengah tak chuan a dekfuh niin a inhria a.Engtinnge chu chu a hnar ngawt theih bik ang mawl leh lutuk te anih bikloh chuan?

A chal chu tichuar nang nangin a remruatna chu chhuidawn vel hi a anga...a ngaihtuahna te chu hriatsak thei hialin a inhria a.Chu indonaah chuan hnehtu zawkah a tang ta phawt ! Jem chuan Colby chu dawhkan lamah hruaipheiin coffee a thlit sak a.MHse Greer chuan Jamie chu ngaichang ru ranin indona lo awm leh turah chuan hnehtu zawka tan a tum hle tawh niin a hriaba.A nuihza chu a then deuh sak a,mahse a insum leh thuai a.

" Beach -a ka rawn hmuh che khan mommy nen in inang ka ti lutuka " tiin a mitmeng buang deuh thak chu inchhuan hmel deuh tak hian a de deuh sar sar a." Mahse in inang leh vaklo" tiin a khabe tereuhte chu a tisawi lak a, Greer chuah hriatthiam tur chuan" amah angin i tha velo" a ti leh a.

Greer chu a Phu zawk a,mahni invenna ni pahfawmin a inkuangkuah nghet soh sohva,mahse engvang tehlulin nge Chu naupangte lakah chuan ahan inven tit tet ang tiin a ngaihtuah leh ta zawk a." I tidik chiah mai.I nu ang kha chuan ka tha velo alawm" a ti ve ta zawk a.

" Dah pawhin khawvelah a hmangaih ber"

" Ni e,a dik alawm" alo ti a.

Chu naupang thinrimna leh rilru natnaa khat chu Han hnema khan kuah vawng vawng duhna chu ahan nei a,mahse a insum leh ta zawk a.Colby chuan a fapain Anu a chan avanga a tawrh nasat zia chu a hriatthiampui phak angem? A beisei takzet .A harsatnate sutkian sak tura tihdan kawng a dapsak a beisei takzet a ni.Cottage -a nipui hun han hman khawthawn vel chu tu naupang pawhin nuam an ti thin....mahse he naupang hi chuan chu mai bak chu a mamawh a ni." Jamie..." Tiin a Sam lo uaithla chu a bengah ahan zep a" ...i nu thlalak hlui ho chu ka la beiin ka ring.va la turin min duh angem?" A ti a.

" Tunah maw?" Jamie chuan a ti a,a tarmit chu a tawlhthla par par a,a hnarkawn tereuhte ah chuan a nawrchho zohva.

" Tehreng mai...i duh phawt chuan"

" Darling" tiin Jem chuan Greer banah chuan rawn tawk a." Han inthlit ve la,verandah lamah i insawnchhuak hlawm teh ang u.Hetiang khaw engmawi inchhunga Han tlakral mai mai chu a uiawm alawm.Kha le Jamie " tiin Jamie chu vurtlang a pe a.Colby chuan kawngka chu hawngin an inzuichhuak ta hlawm a.Jem chuan Jamie chhawmchhuah pah chuan " hei hi ka sertui siam anih hi,han in chhin teh" a ti siam siam a.

Colby chuan Greer chu arawn chhuah ve mai nghal niawm takin kawngkharah chuan alo ding vung a.Greer chuan lu thin pah chuan " lo va kal rawh" a ti a

insangmar deuh tak hian," Jamie hnenah Eleanor -i thlalak hmuh ka lo intiam tawh si a" tiin ahan tim leh deuhva,pawnlam ami te hriatloh tur chuan a awki chu ahan tihniam leh deuhva" helai hmun hi atan a that hle ka ring a ni.Ka tih awmzia chu Jem nena Han in chuknel vel hi a nia.Naupang han enkawl vel hi a thiam zawng tak a ni " a han ti a.

Colby hmel chu hahdam huai hian a hriat a.Awki hniam ruih hian," ka nu thih pawh khan hetilai hmunah hian min lo enkawl hero tawh a ni.Kum ki vel lek ka la ni a,ka pa khan he cottage hi a lei ta a.jem hi ka nunah hian a pawimawh hle a ni.ka pa pawh khan a laka kan bat nasat zia hi..."

" A tuhrah a seng a ni,Colby - chu sia nasa pawh chu a ni maithei.Mite tanpui a ngaih hun hi a awm ve fo ani".

Colby chuan a dar lehlam chuan bang chu a ngheng ur ur a,a kut chu a kuangkuah thun bawk a." Engemaw min han hrilh teh" a ti dam thlup a.

Greer thin chu alo Phu nghal dat dat a." Ka theih zawngte anih chuan" alo ti sap a.

" Engtinnge vahnu leh vahpate i nei dawnlo tih Chiang taka i sawi ngam nachhan?"

" Oh,kha kha maw" tiin Greer chu a hawisawn a,jemie chawei dawhkan upa ve tawh taka eitur a chhep dal chu a thlir vang vang a.Ahan inthing nar nar a," laizawn leh nuta pakhatmah ka nei silova,chuvangin..."

" Ka sawi awmzia chu i hriat kha " Colby chuan thupe aw tak hian Alo ti nghut a.Greer chuan a enchho vat a,a sawi awmzia chu a hre hauhlo.Inchunga pot rawn inkhai uai thla far chu a thlir leh ta daih a." Pasal i neihte chusb chungte chu a theih dawn lutuk tho alawm...a danglamna chu tamlo te a ni.He cottage hi i neih phei chuan i fate nena infiamho tur pawh i sawm dul dul thei ang chu".

********

Awi zanin chu ka meng theilo😢nizan ka mu thalo ltk a,zing dar li dawnah ka mu ve chiah a ,dar 7 velah thawh an ngai leh a a rapthlak em mai, comments vek ru aw min ti phur ve a nia.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)