They Call Me Psycopath Chapter 11:

Episode kal lai dah luhna

Moderator: writers

Euricka
Posts: 183
Joined: July 23rd, 2022, 12:23 am

They Call Me Psycopath Chapter 11:

Unread post by Euricka » August 11th, 2022, 6:58 pm

They Call Me Psycopath


Chapter 11:



Ka u te pahnih lah chu an buai ropui mai sia,an lo in hak tir chhin mawlh2 a.Ka nu au ri pawh an hre lo ani ngei ang.


An beng lehlam ve2 ah chuan a pawh sak a,an lo ner chhe nasa mai.Zarzoliana phei chuan hmeichhe Night dress fual satin puan,rawng sen ala ha zui a.ka awmna an rawn thlen hma chuan thla kalo lâk rûk sak mawlh2.


Ka bul an rawn thlen chuan ka nu pawhin an beng a pawhna a thlah ve chauh a."A ṭha2 min thin khalh dâwn asin,engahnge min pawh hran rikngawt"ka u chuan ala ti zawk za mah,ava zak thei lo tak.



"Mipa innih kha,engatannge Hmeichhe kawr in hak chhin.Nangni pahnih hi in ingaizawng anilo maw?"ka nu chuan ati bak hlar mai.


Zarzoliana rawn ṭawng in,tim dai hian,"
Mipa ka ngaizawng dawn anih chuan,Zams hi chu ka duh zâwng ani lo"ati zawi sup a."Engnge i duh zâwng ka nih loh na ka pa em hi"ka u in alo ti veleh.A va hahthlâk ṭhîn tak,tlangval ṭhan kin uai tawh tih atan chuan a mawi lo lam mah ani.


"Rinzam i hak lai kha phelh vat rawh,Nangpawh Zara phelh rang rawh.Min tih zah dan em2 hi,vuak pawp2 che u ania ka duh ni"ka nu a ang leh hlak2 tawh mai.



"Naaaa an hawn thar ania,kan chân na a rei tawh lutuk"ka u in a tih chuan Zarzoliana'n a sawi dik tih hmel takin alo bu nghut.


"In lian dun ropui si,miin an en sup2 che u hi,zak ve ta che u"vin takin ka nu'n a ti leh a."A pawimawh lutuk,naktuk zan a hak ngei2 tûr ania"Zarzoliana'n alo ti,khawngaih dil in kut ala suih zui.


"Engvângin nge in hak ang,mipa in nia mipa kawr in ha tur ani.In sek ropui si,in ban ah lah ṭhâl bawk in nei thleh thluah a.Hetiang ha chi pawh in ni lo"ti chung in ka nu chuan phelh sak a tum a.


"Dolly,i future hi a bright thei hlawl lo,a dark ngawih2"beidawn hmel tak a ka u in a tih pawh chuan phelh sak ala tum fan a.



Zarzoliana chuan,"k.ṭ.p Night ami tur anih hi,Nu Hruai"a tih takah chuan ka nu pawh a in thlah dul ve thei ta.



"Eng lampang nge in hak dâwn?"tiin ṭha deuhin a zawt veleh mai bawk a.Kohhran thil tih anih chuan ka nu pawh a hmin ta ani ngei ang.





"Zamsa hi bar ah a in theh ṭhil dawna,kei chu chhum lemah ka ṭâng dâwn"atih chuan ka nu nen in en in kan nui tawp.



An kawr hak tur chu kan thin pui leh rih a.An inhmeh tur deuh hlek ka nu'n a thlan sak a,keichu dress ah chuan angaihna ka awm lo.Tun thleng in sunday puan bih tur pawh ka nu ka la râwn reng.Ka kawr nena in rem tur ka hrethiam thlawt ṭhîn lo.



In kan thleng a,Zarzoliana chu haw ta mai lo chuan chaw a ei ve nghal a.Zana an drama zirnaa kal ve tûr te chuan min sâwm ve bawk ta naa ka phur teh chiam loh avangin chhuanlam siam in ka hnar a.



Ka nu leh pa te inkarah ṭhu in,movie kan en a.Ka en tui ve teh chiam lo nen phone ka khawih vel mai2 a.Ṭhian ho group ah ka va ṭawng dek2 a,inah ka haw tawh thu ka sawi chuan an rawn bengchheng leh hlê tawh.Ka chungchang thu Hruaizela'n a hre ve chiah aniang.



Min rawn private in,"I ṭha em?A zialo hle maia"a rawn ti ve luam a.Ka ngaihtuah awm loh thu sawiin ka out daih.A dp ah khan a roommate nena an thlalak a hmang a,hmuh hrehawm ka ti tlat anih chu.



Dar 9 a pêl awrh chauh a,mut hahdam mai2 ka chak deuh bawk nen.Mu tûrin ka nu te ka thawh san a.Ka pa chuan ka u in Dubai Psychiatrist hmelhriat a neih thu a sawi a,tûnah Aizawl ah a awm mek a.Naktukah pan ve tura min duh thu a sawi a.



Ka phur lo takzet,ka mumang neih ṭhîn hi mental illness a nih chiah pawh ka ring lo.Ka taksa chak loh vângah ka puh zawk.Mahse ka taksa chu engvang a chak lo nge,ka mumang neih ṭhîn avâng hian ka chak lo zual ruaiin ka hre ṭhîn kha ania. ka hrethiam tawh neih nuaih lo.



"In thu2 animai"tiin room ah ka luh san a.Mu tur a ka inthlak lai chuan ka nu diary ka dah ṭhat kha hrechhuakin,drawer hnung ka dap dek2 a,alo la awm hlauh.




Room kawngka ka kalh ṭha a,khumah bawkin ka nu diary ka chhiar hmabâk aṭang chuan ka chhiar leh a.


Ka u thling thlâk na tur an hmuh thu leh a thling mil awm chhun chu,operation an neih zawh hnu lawkah a boral thu a in ziak a.Hmeichhia ani leh nghal,eng natna nge a neih ang le.Ka u tan chuan vantirhkoh ani ringawt alawm.


Ka keu zêl a,ka nu mental hospital a a thawhna chungchang te a in ziak a.A in ziah danah chuan ka u thling mil awmchhun an hmuh kha mental hospital a an enkawl anih thu a in ziak a.Mak ka ti,ka u hian mental illness nei thling a dawn vang ami le,heti tak a a mawl tak 😆




A hnuai a in ziak ka chhiar leh chuan ka nuih a ti za tawh lo chiang kher mai.Ka u thling pe tu chu nausen pawm lai anih thu a in ziak nia mawle.Engtinnge nau pawm laiin a thling a pêk theih zawk le.
Thling thlâk anih vanga boral nge natna dang vanga boral,engmah a in ziak tawh silo.


Ka room kawngka kik ri a rawn awm a.Hmanhmawh takin drawer hnungah diary chu ka thukru nghal.


"I bawnghnute tur"tiin ka nu a rawn lut nghat zat a.Ka khum ah chuan kan ṭhu dun a,ka sam a phiar malh2 a.Tlaia ka u te ṭhian dun secondhand thin chung chang sawi chhuak leh in,kan nui nasa dun lutuk chu ka mittui te a tla hial thei.


"Nu,min hring tu hi eng ang mi nge?"tiin ka zâwt tawl mai.A thinrim lo em ang chu maw.


A ngawih vang2 hnu ah,"mental hospitala ka tawn,kan patient pakhat ania" tiin ṭha deuhin min chhang ve mai a.


Thawk a la leh te2 a,"I nu kha mi special tak ania.Thilpek ropui tak a dawng bawk a,chu2 nangpawh hian I chhawm alawm",a ti leh a.



"Mumang neih hi maw?"tiin ka zâwt leh a.Ka nihna dik tak hriat chhuah ka duh si a,dilchhut chan ka chang mai aniang chu.




"Aw ni e,mahse ani chu nang aiin a nasa deuh a,a buai phah a.Chuvanga kan hospital a rawn awm pawh kha ania"dam thlap chuan a ti a.


"Engtinnge a awm zêl?"kalo ti leh vat a,min chhang tawh lovin tih tur dang a neih thu sawiin,min chhuahsan zui a.



Engtianga nasa nge anih ang le?Engtinnge a hmuh ve ṭhin ang,ka hmuh ang tho hian a hmu ve anih chuan a buai ve thei ngawt ang.


Banwghnute ka in zawh hnu chuan mu pahin phone ka khawih leh a.Zarzoliana msg alo awm leh tawh,"muttui"chauh rawn ti tawh lo in tun ṭum chu "muttui le"a rawn ti ve tlat.Tlemin hma a sâwn ve deuh anih dawn hi.


"Muttui le"tiin ka chhang let ve mai a.Kan class group a luh chu ka duh rih lo.Ka chungchang thu bak an sawi leh dawn lo tih ka chianga.Chuvang chuan kan ṭhian ho group siam bik,Mi Amor tih Seni siam ah chuan ka lut a.Class kal rih lo tura min duh thu an sawi ve liam2 mai.Ni e tunkar chu chawl rih mahila pawi ka ti lo.Keimah vanga class chhûng boruak a buai leh vek ka hlau ani.


Ṭhian ho a kan titi mawlh2 lai chuan,ka u call a rawn lut a.Chaw ei naah pawh min be duh miah lova,en pawh min en duh lo kha ania.A ti tau rei a in ti ve ta deuh aniang.


Call ka pick chiah a,"Aw bawihte,kan bang chiah a.Ka rawn tlang nghal mai ang"a rawn ti leh thâwr mai.


A ṭhian kawm te a ning leh tawh ani ngei ang."Rawn haw rawh"tiin kalo chhang ve tawp a."Mmm keipawn ka ngai tawh che ka zâwlaidi hmelṭha"a rawn ti leh kher,ka van ten tak.

"Rawn haw la animai,ka dah"tiin phone ka dah hmak.Ninawm lutuk,tun thleng pawha ngaihzawng neih na chang la hre lo reng2 mai.Kawmchhak nu sawi pui ila a ṭha ang.Ṭhian te zing a nei lo bik nih a zak leh tho sia,neih ve mai awm ania.Hmu zo lo pawh ani bik tawp silo.


Ka khum bula ka tui chhawp tur la tûrin ka tho chhuak a.Kawngka aṭang a rawn lut nen kan in hmu fuh chu faifuk chungin min rawn pan a.

Ka hnar a rawn piai zeuhin,"ka zâwlaidi hi a mu tawh dâwn animaw"tiin a nui suk a.Kalo melh rum nasa mai.


Ka chhan tak silo ah chuan ngawi rengin a room lam a pan phei a,keipawh tui thun zo in ka room ka pan nghal.


Ka puan sin tûr ka siam rem lai chuan an rawn lut leh a."Ka lung a awi tawh emaw iti animaw?"a rawn ti lut zui.Ava buaithlak ṭhîn tak.



Kâ ho in kalo en a,"Ni e min hmusit tih ka hria alawm,ka unaupa hi Khawvelah a luck lo ber te i ti i rilru in"lungawi loh hmêl deuh chuan a ti leh a.Lo chek hlak in,"I tlei hlawl lo"ka ti zawi sap a.


"I period tawh em?"min ti leh daih.Mak ti takin ka en reng ringawt."I period dawn hnai aniang,ka mood a swing nasa lutuk"a ti leh zung2 a.


"Ava mak awm ve"ka lo ti ringawt.Ka period dawn avanga a mood lo swing daih,ka awih lohna hian vân a chen hial awm e.


"Chutiang a awm ngai ami?"kalo ti bak hlar a."Awm ngai e,ka nu pawh a period dawn apiangin,ka pa mood a swing ziah alawm"ati leh tawh.Ka van awih lo nasa tak.


"Nupa alawm an nih"ka lo ti liam puat a.Thawk a la hak a,"Keini pawh unau alawm kan nih"a tih leh chuan,"thisen zawm lo"tiin kalo chhang.


"Ni e thisen zawm lo kan nih vang chuan"a ti chiaha,a ngaihtuah chiang leh aniang."Engtinmaw,tûnah khan I sawi?"a ti fiak ṭhat."Thisen zawm kan ni lo,chuvang chuan ka period dawn hnai anih pawhin in mood keimah vangin a swing ngawt lovang"ka lo zawm zat a.


"Ava na ve!Tinker thisen zawm lo tih kha i ka aṭangin vawikhatmah chhuak tawh suh se"tiin a kut zungchal in min kâwk a.A thinrim viau aniang a meng sen rum mai.

"Kan ni miau hleinem"ka lo ti leh vat."A tawk aw,Tinker,i u ka ni tih hre reng rawh"a ti vin leh hluk.


Zanin chu engnge maw ka hriat,keipawh duhaiin ka ṭawng thui mah2 ani.A mood a dik loh sa nen,kalo ti chhe zual anih ber hi.



"Ka nu diary i chhiar tiraw"tiin min zawt leh hlawl.Ka meng phar awt a,"teuh lo"tim dai a ka tih chuan,"rawn la rawh"a ti leh hmuk mai.


A thinrim zual ka hlau tawh bawk si chuan diary chu ka pe ta ringawt a."Eng chen nge i chhiar tawh?"tiin min zawt leh a."I thling thlâk thleng"ti a ka chhan chuan,"hriat belh tum tawh suh,i tan hlâwkna a awm lo"ti hluk chungin min chhuah san.


Ka u thinrim ka vawikhat tawnna anih vang nge ka tha te chu a khur zawih2 thei.Khum ah chuan ka ṭhu hnawk a,ka mittui a rawn tla ringawt.


"Ṭah chu mi chak lo tê hna,hru hul vat rawh"rawn ti tu lam chu ka hawi chhuak a.Ka u bawk alo ni,a chhuak tawh emaw ka tih kha,alo la awm reng animaw.


Rawn kal hnaiin,"Ka tih palh lutuk Tinker,ka ti na tawh lovang che"tiin min kuah a.Ka ṭah lah chu a chhuak zual sauh lehnghal.


Ka ṭap bang lawk thei silo,a tih ngaihna hrelo chu a ṭap ve ringawt anih chu.Ka ṭah rin leh a ṭap ring ve zêl a,ṭah aiin nuih lamah a kal tawh zâwk.


"Naktukah ka ṭhian pa bulah kan kal dawn ania,a thiam lutuk,legend ania"tiin ka mittui min hruk hul sak malh2 a.


"U min hringtu ka nu kha keimah ang tho hian a buai ve angem le?"ka ti chhuak hlawl a."ka hre lo le,mahse hei hi chu ka hre chiang.Tuna i buaina hi i hneh thei ani tih hi,ka ring tâwk bawk che a.Eng harsatna pawh tawk la I u hian ka lo beng per zel ang"tiin a thusawi tawp lamah fiam thu a thawh tel leh hrâm.



"Mu tawh rawh,a tlai tawh,naktuk zana kan drama chan lo en ve ang che"tiin min chhuah san a.


Tui in leh in,ka mu zui a.Flight mode ka on dâwn chiah a,msg a rawn thleng leh."ka mood swing kha ka mut kham loh vang aniang"ka u hnên aṭanga ka dawn ani.A chhuah hma khan sawi ve mai awm.



"Mmm anih dawn kha,mu ka a zia mai ang"tiin ka chhang let a."Muttui le ka zâwlaidi"a rawn ti leh."Muttui"tiin Flight mode on in,earphone vuahin ruah sur ri bawk ngaithla in ka mu leh a.



"Mambawih,chaw ei ava hun tawh ve"ka pa aw ani.Ka zi mar te2 a ka tho chhuak ve ta a.In thiar tumin bathroom ka pan nghal a.Awm an lo awm leh tawh,ka u bawk animaw.


"I zo dâwn tawh em?"ka ti lang2 a,chhûng lam aṭang chuan,"a mak ê,mi fian rial lai2 in min lo tibuai ziah suh u"a rawn ti leh pung2 tawh.


Chaw ei siam mek ka nu chuan,"Lalrinzam fian rial hun pawh ani lo,rawn chhuak vat rawh.Bethel naah i mitthli ziah a,a hun lo lutukah ka fian rial e iti leh a"tiin a ang leh barh2 tawh.


"Thu chu hrilh rawh u,a hmunah te a hmun lo ah te tih anih kha Dolly"chhûng lam aṭang bawk chuan ka u in a rawn ti leh a.



"Nanga e mai2 khan a hmun leh hmun lo pawh i hre lo anih si kha maw"ka nu chuan alo ti ve leh.Tukin chu an inhnial thawm in inchhung a fan chhuak leh dawn anih hi.


Ka pum a na tawh bawk si,ka nu te room a an bathroom hman sak tumin ka tlan chho a.Ka pa alo lut leh hman chiah2,an van in chhun pa fa tak.


A chhuak tawh bawk si ka tih ngaihna hrelo chuan bathroom ka chum leh ringawt ṭhîn.Ka u lah chu a mawngin zung a kaih emaw tih mai turin rawn chhuah reng2 a tum bawk silo.


"Ṭhenawm te bathroom va hman sak mai rawh"ka nu chuan alo ti vat.Zah pawh a sawi theih tawh loh.Ṭhenawm te inah chuan kawngka pawh kik lovin ka va tlan lut ringawt.


Phawk takin Zarzoliana'n min lo en,ka pum dawm chungin,"bathroom"ka ti chhuak ṭâwk a.Bathroom awmna a kawh na lam pan chuan ka tlân nghal.


Ka kuah a ṭha lo leh nghal,ka van ngei tak.Ka inthiar zo bathroom aṭanga ka chhuak chiah chu,an chaw ei lai ka hmu zat a.Avan in thlahrunawm tak!


"Chhuak ṭha thei bawk maw?"Zarzoliana'n nui suk in alo ti a.Ka lu ka bu ringawt."Au Saii chu ivan e ring em2"an naute in alo tih chuan ka zak lutuk chu ka biang a sa hat2 mai,an chhungkaw kim ṭhep ṭhawp lai ka nang fuh lehnghal a.


"Chaw ei tui u"tiin ka chhuak nghat zat a.Engnge an sawi pawh ka hre hman tawh lo.Hmanhmawh takin in lam ka pan phei a,ka u chu alo la chhuak lo.Engnge a tih chen2 le?


Ka pa pawh a rawn chhuk tawh a,"Mama chu a mitthlu anilo maw?"a rawn ti ve nghal.Ka nu chuan bathroom kawngka chum leh dat in,"Rinzam,i mitthlu animaw,rawn chhuak vat rawh"ati ṭhat a."Mut bu min lo pe dâwn ami?"a la rawn ti.Hepa hi chu angaihna a awm hlawl lo.



Chaw kan ei san a,kan kham ṭep tihah a rawn chhuak ve hlawl mai.Ka bulah rawn ṭhu pahin ka biangah ala rawn dek zui a."ka sil na"a la ti zui.Ka kham nghal hmak,tenawm lutuk mai.Ala nui vur2 zui a,hei zawk hi en tir ngai zâwk chu ani a chiang lo reng2.



Chaw eikham chuan ka u nen ka u ṭhianpa hmu tur chuan ka kal a.Mental hospital ka hmuh chuan,min hringtu ka nu kha ka hrechhuak zawk.



Hospital ka en reng lai chuan ka u in min rawn kaiin min luh pui a.A ṭhian pa thawhna anih thu leh,mental illness lamah chuan a thiam fi lâwr bik zia te a sawi pah mawlh2 a.



Biak sa vek anih tawh vangin kan lut tlang a,a ṭhian pa awmna room ah chuan min hruai lût a.Engnge ka hmuh hi,Zarzoliana alo ṭhu leh tawh.Hemi te pahnih hian eng infiam na nge neih leh an tum le?



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)