OUR UNFINISHED STORY Chapter-9

Episode kal lai dah luhna

Moderator: writers

Te-i Mrs Ambrose
Posts: 170
Joined: May 30th, 2022, 10:14 am
Location: Siaha

OUR UNFINISHED STORY Chapter-9

Unread post by Te-i Mrs Ambrose » August 11th, 2022, 9:48 pm

Our Unfinished Story
By:🌼Te-i Mrs Ambrose🌼
Chapter 9




School kan thlen chuan Rini in min pawt dawrh, Perfect boy a min chelh renga kut chu a en uluk leh tawh khawp mai, ner sak chungin kan pahniha kut chu na mangkhengin a beng nghek. Perfect boy erawh in min la thlah der lo, Rini chu enin a nui suk "Lalrinmawi, i thiannu kut pawh chu iva damlo e aw, Single tih i hriat emai" thaw hawk chungin a ti a, Rini a ner nawk.





Exam Hall-ah chuan kan lut a, kan Sir Mawia in min veng a, a nuam lutuk, Miss Tumbu-i leh Sir Tarmitbiala'n min veng ang tih mawlh ka lo hlau a, mahse kan zirtirtu zinga fel ber leh zaidam ber Sir Mawia'n min veng a, veng khatin ka veng huai.





Exam chu kan ṭan a, Rini lam ka en chuan ka nui phuh chhuak lo chauh, nimina a sawi ang ngei khan Nihawichi a lo pai a, a lo chip mial mial chu niin, Sir Mawia pawh khan a hmulo emaw ni le, inchung ceiling melh chungin Nihawichi a lo chip mial mial a, a khat tawkin nui sukin a chhang leh ṭhin.





Vawiin hi exam kan zawh ni tur a ni a, Mizo kan la exam dawn zui, a nuam ve ngawt mai, Perfect boy nen chuan school lam panin kan kal dun a, eng ang pawhin buai mahse, school kal turin min lo sawm ngei ngei zel, keipawh hian kan in aṭanga school kal tura ka chhuah a ka hmuhloh hlek chuan ka hawikual hu zel, ka thilngaihtuah laia Perfect boy lo ṭawng vang chuan ka ngaituahna ram atangin ka chhuak zawk





"Cutie ṭha deuh in aw" tiin ka kawngah a hmer salh a, kalkawng tumah kalpawh lohna lama kal kan nih avangin tu mitmei mah ven a ngai lova, keipawh ka lo bu nghat nghat, school kan thlen hnu reilotah chuan exam pawh chu kan ṭan nghal a, ṭha deuh chuan ka chhang ve a, ka chhan ṭhat theih chhanah hian Perfect boy bak tumah puh tur an awmlo, lehkha ka zir ṭhatloh a hlau em em reng a, ka zir ṭhat duhcloh chang phei chuan "Ka pass khalh daih che anga, kan pahnihin kan awmdun khat tawh ngawt ang" a ti ṭhin a, ka ngaituah chiang a, lo fail ta ila, kan pawl a inchen tawh dawn lova, a kiangah ka duh angin ka awm thei dawnlo tih ka hria a, chuvang chuan keipawn peihlo chung chungin ka zir leh nge nge zel.





School aṭang chuan Perfect boy nen bawk kan haw leh a, mi kalpawh lohna kawngah bawk khan kan kal leh, helai hmun hi chu kan pahniha spot a ni lo chuah.
"Cutie exam kan zo tawh bawk a, kan inhmu zen zen thei tawh dawn silo a, ka ngai ngawt ang che " a tih chuan ka ngaituah ve a, a hmel hmulo a thlakhat vel lai han awm chu ka ngaihtuah zawng ringawt pawh hian ka ngai sa, "Na,,,ka ngai dawn che e, lo leng ṭhin mai la" ka ti ṭiau ringawt, tunlai chu ka rilru a no riau a, thil lunglen thlak lam an sawi tawh hi chuan ṭah ka lo inpeih nghal at zel.





"Ka Duhnu chu ṭah i inpeih nghal der a ni maw" nui suk chungin ka lamah a lo inher a, ka kawngah nghet takin a chelh nghal hmiah bawk, "Cutie I hriat kha, kei chu midang angin hun thawl ka nei ve thei hleinem,,,mahni inchawm ka ngai sia" tiin ka darah a lu nghat a, a sawi dik, a ni hi chu nu leh pa amah enkawl tu tur a nei ve tawhlo, mahni intum chawp a engkim ti ṭhin anih avangin keia lo pawh beh reng chi a ni silo, "a dik tho a, mahse ka ngai dawn che e" ka ti ringawt "Keipawn ka ngai che alawm, tunah ka khawih theih reng lai che pawh hian kala ngai tho che" tiin ka kawng a chelhna chu a ti nghet sauh.





A hnu feah min thlah a, reilote kal lehin thingbuk huaiah chuan min thutpui a, kalkawng hi ka sawi thiamdan ber chuan motor kawng hlui, motor kalpawh tawh ngailohna ang hi a ni a, kawng lai thenkhatah chuan hnim pawh a to deuh fur hlawm a, mahse a romantic zek.





"Cutie, kan pahnih hian lo intawng lo ta ila engtin nge ka awm ang le" tiin ka kut chu a hum bo vek a, keipawn lo intawng lo ila, engtin nge khang kumkhat chhung kha ka hman ang le(ka sawitum in man loh palh takin,,Cutie in kumkhat chhung atih tun class Eleven an zir chhung ka tihna aw😁), "Khuanu hian nang leh kei hi chu intawng tur rengin min lo duan a ni ang, i tel lo a khang kum zawng zawng ka hmang thei kha mak ka ti" a tih leh chuan ka nui chhuak hak.





"Min hre ngai lova, ka tel lova nun hmang thei tur chu i nia lawm, min hriat hma khan ka tello a awm theilo chu ni la, ka ngai mak ngawt ang che" nui pah reng chung chuan ka ti a, a ni pawh a rawn nui ve sup tho.





"Amak i ti ve em? Inngaizawng ho hi chu an inhnial deuh reng a, mahse nang leh kei erawh chu kan inhnial ngai miah lo" ka tih chuan min melh reng ringawt "Chu inhnial ve thin ila i ti em ni?" tiin a rum nghal hawk, "Aii,, ka duh chuang lo, mahse amak chu ka ti thei lutuk" ka tih leh chuan a hmel chang tawlh tawlh pawh kha a zia ṭan a, "Cutie nang leh kei chu midang inngaizawngte ang kan ni ve lo,nang leh kei chu kan special bik" tiin pa takin min nuih suk a.





Kan in kawt kan thlen chuan tum danga min thlir liam ṭhin kha keiman ka thlir liam ang che ka tih tlat avangin a inher a, ka ngai nghal ngawih ngawih, pen khat a pen chuah tihah a hnung lam aṭangin ka kuah nghal thlawp ringawt, ka lamah lo inher in ka chalah a fawp a, ka kawngah nghet takin min chelh bawk "Cutie tihian awm mah te che, kalsan che a harsa a, tunah hian nang hian i ti harsa zual sauh" a rawn ti a, "mahse ka ngai che lawm,thlakhat vel ka hmu thei dawnlo che a" ka ti ṭiau, hetiang em em hian ka ngaiin ka thlahlel ang tih ka ring ngailo.





"Keipawn nang hmulo a awm chu a har ka ti alawm, mahse tuna hian ka hawsan lo che anih chuan kalsan thei lo che in ka ru duh mai ang che" nuihza aw deuh lampang hian a rawn ti a "Rapthlak suh, ka la ngai rih che anih hi, nakinah ka haw tir chauh ang che" ka ti let a.
"Hetia inthlah leh inhawsan ngai reng lo hian innei tawh mai te ka chak" a tih chuan ka lo nui ringawt "Kan la naupang" ka ti ringawt "kum tih lam anilo, a innei tur te kan inpeih chuan a tawk" a tih chuan kan in en a, kan nui ringawt.





A hnu fe chuan Perfect boy pawn min hawsan ta hram a, ka ngai nghal veng veng. In ka luh chuan ka room lamah ka tlang nghal a, ka khumah ka bawk zawi ngiai ringawt, darkar chanve dawn ngawi renga ka bawh hnuin ka phone alo ri a, screen a hming lo lang ka hmuh chuan ka tha zawi ngiai te kha tha thar hlakin a rawm thlak,





"imm" tih chauhin ka chhang a, lehlam a mi a lo nui suk "Cutie, i khumah i bawk tih sawi miah suh" a lo tih chuan min hmu lo mahse ka then tha ringawt, "Mahse ka bawk miau sia" ka tih chuan a rawn nui hawk a "Ka ngai che e" ka ti zawi ngiai lehlam ami pawn min chhang lawk lovin a ngawi vung vung, a hnu feah "Keipawn ka ngai che" a rawn ti ril ruih.Rei tak kan inbiak hnuin kan dah ve ta hram a, keipawh ka la inthlak loh avangin ka inthlak sawk sawk a, inhnuai lamah ka nu kawm hlim tur chuan ka chhuk ve a.





Exam kan zawh aṭang khan ni hnih a liam tawh a, kumdanga Summer vacation reilo ka tih ṭhin tehreng nen, kumin ve lem, nihnih a liam dek dek a, ka tan chuan kum hnih ang vela thui niin ka ngai, Perfect boy tan ka zungbun min pek ang chiah kha dawrah ka siamtir ve a, Result a chhuah hunah a tihṭhat viau chuan ka pe ang, mahse a tihṭhat lem loh chuan ka pe kher lovang. Hihi..
Ka Perfect boy hi chuan lehkha a thiam theiin a zir taima bawk a, a tihṭha dawn tih hi ka hming ka hriatchian tluk zetin ka hre chiang. Chuvang reng chu ania a tana zungbun pawh ka siamtir ni.





Ka rooma ka awm lai chuan ka nu a rawn au ṭhawt a, ka room aṭang hmahmawh fe in ka tlan chhuak a, inhnuai lam ka thlen chuan ka khek ṭhat, kum hnih dawn lai ka hmuh tawhloh ka pa a lo thleng chu niin, "Pa i lo thleng" ka ti chul mai, ka nu phei chu a ṭap ṭan der tawh "Bawihipa i lo thlendawn te chuan min lo hrilh hmasa la, Bawihtei nen kan lo hmuak tur che ania, nangmahin airport aṭangin i lo haw lo mai tur" a ti leh ṭhin, sawi tur pawh ka hreve lo "Bawihteinu ka lo surprise duh si che u lawm" dam diai chuan ka pa in a ti a, ka nu mit a mittui luang chu a hruk sak mawlh mawlh a, a chalah a fawh sak bawk, ka nu leh pa ka hmuh chuan ka lo lai ve em em ringawt, lai rual pawh ka ni tawh lo asin le





"Naa,,pa min ngai velo anih kha, ka kal daih dawn" ka tih chuan a rawn nui hawk a "Bawihte ka ngai lutuk che alawm, khawmaw lo kal teh" tiin min hui lauh lauh, ka pa lamah chuan ka kal ve mai a, tumdang chu nise ka titau hmasa phawt ang, mahse tunah chuan tihthauh pawh ka la peih lo, ka la ngai em a, tihtauh san atan ka la phal lo bawk.





"Pa, engtikah nge i let leh ang" ka tih chuan a ngawi vung vung "Imm ka fanuduat in min hne hunah a ni mai, min la ngaih chhung chu ka la awm ang" "Pa ka hmangaih che" tiin ka kuah vang vang, ka pa lo thleng bawk a, ka men rei hrep phah.





Ka pa pawhin min la awmpui rih char char a, a nuam lutuk Perfect boy pawh ka pa chungchang ka hrilh ve a,, min lawmpui khawp mai, mahse ka lo hrilh kher kher kha ka inchhir lek lek, a ni chuan nu leh pa a nei ve tawh silo a, ka hlimthu ka hnenah ka va thlen khan a ni tan chuan hriat a lo nuam bik hauh lo thei a, nu leh pa a nei ve tawh lo a, ngai in thlahlel ngawih ngawih mahse a nu leh pa an awm ve tawh silo, chutih laia keiin ka nu leh pa chanchin ka lo hrilh siam siam khan a rilru ka lo tina reng thei a, tum vang leh duh vang reng nilovin a thinlung ka hliam palh thei a ni.... Mahse Perfect boy chu a puitling thiamin min lawmpui ṭhin lutuk, mahse a hnenah chuan ka nu leh pa chanchin sawi tam lutuk erawh ka tum hran lo.





"Nu pa ka kal aw" tiin ka Perfect boy min lo nghana lam chu ka pan a, ka pa chuan ding lawk tura min tiin ka lamah a lo pen hnai a Bawihte result tha tak i lo hawn kan lo beisei dawn ania" tiin ka chal a fawp zeuh a, tinge leh ka chal leh chhip hi an fawp deuh reng mai, ka pa ania Perfect boy ani bawk a, chuan Jerome pawhin a lo len emaw, kan inhmuh tawh hi chuan min thlah nan ka chal a fawp ngei ngei zel.





"a, pa ka fail dawn" lei chhuah zuka tiin ka tlan chhuak daih, ka pa nui huah huah ri pawh chu ka hre thei. Perfect boy awmna kava thlen chuan ka hmuhloh rei tawh zia leh ka ngaih tawh zia hi, ani pawhin min thlahlel tawh tih hriat tak in a lama ka pen lai chuan min lo en ve char char, ban a lo phar chhuak a, ka va kuah nghal thlawp, ka chhipah a fawp vang vang a, "Cutie ka ngaih tawh zia che hi, i rim leh i engkim hi ka ngai vek" tiin ka chalah bawk chuan a fawp nawn leh vang vang.





School lam pana kan kal lai chuan nghet takin ka kut a hum a, a fawp leh zeuh ṭhin, khap ka tum bik lem lo, min ngaih zia leh min thlakhlel zia a tihlanna a ni a, keipawn hei hi a ni lawm ni ka lo nghahhlelh em em ,hin kha.





(Zanin chu a chhiar nuam intih vak pawh ka ring chuang lo😁😅mahse ziahlo aiah ka tia,,,😁)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)