DUHTAK SANGPUII CHAPTER-19 BY NUNUI HNIALUM

Episode kal lai dah luhna

Moderator: writers

Nunui Hnialum
Posts: 115
Joined: June 13th, 2021, 9:07 pm

DUHTAK SANGPUII CHAPTER-19 BY NUNUI HNIALUM

Unread post by Nunui Hnialum » August 11th, 2022, 10:11 pm

Chapter - 19




Ka phone ka benga ka chuktuah chu la thla in ka melh nghek, engmaw asawi kha Sangpuii bialpa maw? Ka nui hawk na in ka nuih erawh azalo hle thung, atu phiangsen chu nge maw ni le, Sangpuii phone call lo lâksak maitur àwm an chhungkua leh an mahni hnáivai ka ngaihtuah a ka ngaihtuah ngial pawn ka hre mai theilo, Nu Lawmi te hi chhungkaw bùl ve tak annia, chutin a pasal te lam pawh, hnampui chhûnga in zawn tihloh han belhmai annei bîklo, ka call lo pic tu chu tu tak nimaw. Call nawn ka tum ut ut na in ama minlo biak hun ka ngâichãng ta zãwk, "i va insaim rei ve," Thlenga'n ka room kawngka a rawn dah pah in ati sup, anui ang vur vur lehnghal.







Sangpuii messagea a awm ring in ka phone ka bih vut a, ka thilhmuh erawh ngaih ti ṭhalo zualtu ting ani, a last seen hmuhtheih lovin a off hmak.






Thlenga'n lèngtur in min nghãkreng si a mutdaih thu a awm silo, phûrlo fe in ka chhuak ta poh a, rilru ah erawh Sangpuii a awmreng thung.






Sangpuii ka tawn tãk achinah ho te a kan ngaih ah pawh rilru lo hah hma theih zia te, mi nàwlpui laka kan dawnfo ṭawngkam te pawh kawppui te lak aṭanga dawn anih vãnga rilru alo nat hma theih zia te an ṭawngkam hote anga langah pawh ngaihtuah annat bîk zia te, an lakah thikthu achhiat hma bîk zia ka hrethar ta zùl mai. 'Mi bík, hi chu anlo awm anihhi,' ka tihphah hial.






Thlenga'n Ruatpuii nen a an in biak chhiatloh thu leh beisei aneih thu a sawi suam suam a, "kherhbet tlat rawh a hlawh atam si," ka tihsak a anui huk duh chauh.






Ruatpuii te nen vêng khata awm kannih mai bãkah kan in hlat falua lo bawk a a inluah pawh kan thleng rang khawpmai. Thlenga'n hma ahruai a kripawn ka zúilût vat.






Sangpuii hi ka lakah rinhlelhawm in a awm ngailo a, keipawh in ka ringtãwk em em bawk, ama ká ngei aṭanga kan inkãr thu pawhchahna engmah ka hre lova hriatlah ka duh heklo, chuvãng in amah ringhlel a ngaihtuahna ṭhalo deuh zèldin thu leh ngaihruatna kalpui reng ka duhloh vãng in rilru tihfîm ka tum ve fun, Sangpuii minlo biak hun ka nghakhlel zek zek bawk.






Ṭhutthlengsei ah keimah in ka ṭhu a, Ruatpuii inluah pawh afelfai khawpmai nula in tih ahriat, ka ep ah Thlenga aṭhu a Ruatpuii erawh zanriah eina asil mêk thung "va cool ve, Sir Lz," ri rak rak paha atih chuan ka hawivut, he hminga min kotu awmchhun chu Sangpuii ani ṭhìn asin mawle, a Apron hrén bât ṭha mawlh mawlh in alo nuisãng, "Lz," tihhi chu ka bialnu min kohna ṭhin anih avãng in chhûngril in Sangpuii alam mawlh mawlh.







"Ka awihlo," tiin ka nuisuk a awmze neife in Thlenga ka melhzui bawk, a thingpui siam kan in a a titi kan ngaithla tluan animai, a chãng in kanlo zãwm ve zoh chauh ani.







Zan dar 9:00pm ari thuak tawh, mipa mah ni ila mood a fuh vaklo nen hlimluih hi harsa ka ti, ka inthup ṭít ṭèt thiam silo a, ka bula awmte mood ka ti chhe zo vek ang tih ka hlau fo ṭhin, ka awmdan hrethiam tak in Ṭhianpa in haw arawt vat a, haw tuma kan din uaih laiin kawngka an rawn kik dawt dawt a a tlàilam ve deuh nen kan phãwk deuh hru.







Kawngka ri rak in Ruatsanga leh tleiràwl pakhat an rawn lút hlawl a, an in chei light em em zui, an hmel leh mitmeng en rêng rêng pawh in an harh fîmlo tih ahriat, keini ṭhiandún lo awm min hmuh chuan "ve ziah a," ti hluk in Ruatsanga aner sak a, a hmelchhiat sakuh tehreng nen hian ka hnek dâk ãwrh chãk ani.







Ruatpuii pawh mi pangngai tak ani a ṭha te te chuan abia a, chhûngril takah chuan alàwm khuchûk bik lovang, mawl chapo phit phet si. Hmeichhia chu ni ila ka mitmeng leh hmèlhmai ah ka eiloh zia ka tilang nasa viau maithei, mipa ka nia ka en liam mai mai chauh ani.







"Kan kal ange," tiin kan ding vut "khawpui nula leh tlangval, thingtlãng ho chu pawn lam ah," Ruatsanga ṭawng zãwisup avang chuan ka pènlai atãwp chat, ka kut ka hùmruh a inher ka tum laimek in "nangte hi i zamlo ru hle tak mai, fimkhur rawh mikhual ve mai i nih hi, khawtual tlangval leh YMA te'n i nghal an la roll sak mai ang che," Ruatpuii'n arawn ti ta hlak a ka nuisuk.







Ruatsanga pawh angãwi ta hmak a, kawngka kan peldawn ṭép chuan "Lsp-i nen chuan maw," ati khauh, a ṭhianpa chuan "aw, ka duh zãwngtak," alo ti lét sup. Eng an sawina nge ni ang, Sangpuii chungchãng an sawina anithei angem? Ka lu thing nghut in 'ani chu anilo ang, ani chu ka bialnu ani a, mipa dang play kual mai mai theih anilo, alak ah ka rilru a hminlo èm a, engkim ah amah hmehbel ka tum aniang,' tiin ka ngaihtuah zui duh talo.







Kan haw a, ngãwirenga kan kal laiin "sawi tawhla, engthil chiah nge?" tiin Thlenga arawn ṭawngchhuak vut a, ka ṭhiana hian ka awmdàn alo hai hauhlo anihhi, zialo thei. "Engmah, aṭha vek alawm," ka la ti ve fun a, ka ṭhianṭha ber ni mahse, bialnu te laka lungawi lohna sawilan nghal thut thut chu nuamlo deuh ka ti, bãkah zahthlãk leh tlãwmthlãk na chin a awm ve bawk.







"I rilru atih hrehawm belh angem ka hrelo; mahse, ka sawilan ngei ngaiin ka hre si a," ati a a ngãwi zui hmuk, ṭawng lovin ka en rùn a, kan kawngkal pawh kawngsir remlai ah kan ding ringawt, awiawmloh khawp in hlauhthawn na ka la neizui, a sawitur chanchin chu Sangpui chungchãng ni thàn a ka hriat vãng ani, ka thinlung hian min hrilh tlat.







"Dude, hahdam rawh, in thlahdul bawkla," ati sawk sawk a, keiin ngãwireng in a thusawi tur ka ngáichãng thung, "mi melhrum vak vak suh," ati hluk a, "sawi rawh," ka ti hrãwk thung.






Chuk tlat tlat en min en a a mitmeng lahchu a dam dup lehnghãl, i bialnu hi ṭhen rawh i nat phah mai mai, ati ta nghe nghe. Ka chhîngsawk ka rinlãwk dàn mah nise min hrilh ta chu min ṭhãwng dawt tho; tin, a sawi duh lawkloh vãng khan ka ngaitheilo hle ania, min hrilh ta chêng a ka lãwm chuang hauhlo.







Maimitchhîng reng chung in "ka ṭhen na chhan tur sawi rawh," ka ti bung nghut a, ka ṭhianpa chungah chuan ka lawmlo hle ringawt tawh. "A chhan a awm kher angailo," a aia chhumbung in arawn ti lêt, a ṭawngdãn nghut nghut chu ka hnek hrep dawn mawni le.






"A pawi khawpmai, ka bialnu hi i hre diklo niin ka hria," ka ti nghut, Thlenga awmdàn chu ka run èm avãng in kalsan ka tum ta zãwk a. Ka pènsawn tur chu min pawt ding lawp a, ka insum thei tawhlo ka kuttum lek vut in ka tin uiah a, hnek hrep ka tum nen a thusawi vãng in ka che lai ka tãwp chut.







"Fiahna maw, en rawh le," ti bung nghut in kawng sír thim chin lam ah min pawtlût rawk rawk. A en na lam ka en chuan ka auchhuak ṭhawt lo chauh. Lawmsangpuii chu mipa pakhat nen in kâi chial in an kaldùn a, mipa chu cher sanglam ani, a hmel erawh ka vawikhat hmuhna ani thung, shirt mar zet ha in a sam aṭàwnkawh vah bawk, hnãi zet zet ah eng emaw sawiin an nuidun leh hak ṭhin, an ṭawngzãwng te chian an hmui a in nãwk tel nawk bawk.








Ka thil hmuh chu mumang mai nise ka ti takzet, zanriah eikhama kan in biakna te ka ngaihtuah lét a, ka call ala duh tlatlo te ahnufe a mipa in alo pic up dãn te, ngaih ti ṭha luiin amah ngeiin arawn sawifel in engkim aṭhat lehmai ka lo ring kha ani a, engkim mai chu 'amak,' tihbãk sawitur ka hrelo. A hma in rinhlelhna emaw alakah lungawi lohna sawitur ka hre ngailo, nizan te ka hrechhuak uar uar, amipa kalpui saw nizana lo rìmtu ka hriatlai ngeia abiak kha ani ngei ang.






Engtik lai aṭang in nge a mipa nen sawn anlo inzawm a, engtik hunlai in nge tih takngial pawh ngaihdàn ka nei thiamlo, ani hian minlo kawp nge minlo play mai mai zawk, Lawmsangpuii saw chelhbet in ka thingnawk mai dawn em ni ang, engvanga hetiang thil tinge anih ang chhûngril chu sawifiah hleihtheih lovin ana nget nget, tlãwm intih na leh mahni insit na chhûngril ah a in buan let tup tup a, sawitur ka hrelo ka kha achih a ka hrawk aphui vek a, ka lei lah ṭàwnbeh ang hlauh ani bawk.







"I bialnu hi ka rin alo anglo, khi khi i rilru nawmloh na chhan ngei ani bawk tiraw, vawiin tlai ah pawh ka hmudùn tawh bawk," ati leh zel a, ka mit sulh sulh nimaiin ka hria.







Lawmsangpuii te lam ka va enleh chuan an in lam kawng ah an chho mek a, a mipa chuan a kãwng ah akuah ràn bawk, engkim mai chu a mak zut zut lutuk a awih tur anih leh nihloh pawh ka hrethiamlo.







Ruatsanga ṭhianpa thusawi te kha ka ngaihtuah lêt a, 'Lspi,' ati anihkha Lawmsangpuii atihna ani ve thei; mahse, anni chu anni theilo, Ruatsanga te ṭhiandun chu an sãng em em lo, bakah an in cheina pawh a in anglo, Sangpuii kalpui pa kha chu kei aiin tlem in ahniam hret chauh ani.






"I rilru tina duhsuh ala naupang ve èm a, awmdan tãwk ala thiamlo ve anih khi," Thlenga'n ati liam puat a, kei eraqh ka na tulh tulh thung.






"Ka be dawn, Sangpuii chu hetiang hmeichhe lélo ani velo," ka la ti fan na in ka chhungril erawh ana ngut ngut tawh thung, ka hmuh kha amah Sangpuii ngei ani tlat.






"Bia la, engkim sawi fel r'u," ati diam a, thinrim ṭùn si in biak erawh ka hreh ru hle tawh thung. Ka phone la chhuak in ka thai kual zawt zawt a ka kut te chu an khûr thei hial nia, ka chhûngril akhûr a avawt seng seng bawk a, ka awmdan tehhrep chu awiawmloh khawp ani.







Nambar chu hmet chhuak in ka dial nghãl a aring ral ral, call chu a in pic up theilo, beidawng duh lovin ka call ngat ngat a a vawi nga na ah arawn chhãng ta hrãm "enge ni ta Lawmzual," nu Lawmi aw hian arawn ti var a, ka thaw hawk "Nu Lawm, Sangpuii a awm em? biak lawk ka va duh ve," insangmar ru ṭeuh in ka ti sup a, ka rilru lehlam chuan zahthlak ati in tlãwm a inti hle.








"Awm e, inah a awm," arawn ti sap a, a aw arit ru hle, "ka lo be lawk ang chu," ka ti leh hrãm a, tlãwm leh zah pawh asawi theih tawhloh. "In ah kan awmlo a, kanpa te khua ah chhiatna avang in kan kal a, kan riakdawn, Sangpuii chu in ah amah in a awm," a rawn ti ta khauh mai le!







"A mah in maw?" ka ti nghek na in chhãnna ka dawngzui tawhlo, phone atãwp zui miau, ka ngaihtuahna chu ahma zawng aiin akalthui ta zêl.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)