PRIDE AND PREJUDICE CHAPTER 17

Episode kal lai dah luhna

Moderator: writers

Krystal Vanchhawng
Posts: 127
Joined: October 5th, 2021, 4:42 pm

PRIDE AND PREJUDICE CHAPTER 17

Unread post by Krystal Vanchhawng » August 11th, 2022, 11:38 pm

PRIDE AND PREJUDICE

CHAPTER 17
☆☆☆☆☆☆☆

(Hostel wifi ka hmang a,current a awmlo thut a,ka phone hang nasa lutuk ka tlanchhiat san chhung nen,ka rawn dah hma theilo🤧🤧🤧🤧)


GEORGIA SMITH POV:



"Indah la,min rawn zawm ve nghal rawh" ka din khawng reng laia ka nu in atih chuan ka phu deuh uih a. Ka awmdan siamtha in ka bag vel chu ka dah fel a. Ryle Balgoni leh Jessie Parker te hmachhawn zawng tak chuan ka thu ta a.






Mrs. Balgoni leh Jessie an inbia tihloh chu tawng vak kan awmlo. Ka nu chuan ka that leh thatloh enin min melh zeuh zeuh a,Ryle Balgoni ber chu kun ngulin a chaw a ei zawm mual mual a. Ka pian a hnu lama zankhat dinner ei chhung rei ka tih ber a ni hial ang.




Dinner zawh chuan hmanhmawh takin ka pindan lam ka pan a,tumah in min ko khawmuanglo chu ka lawm hle.




Ka pindan ka lut chiah awm dawm meuhin ka thaw ham ham a,buaina kan la tawk dawn tih chu ka hria. Mahse,nupui hual ang zawnga buaina kan neih reng ka ring ngailo. Ka hriat theih chinah Ryle Balgoni hian one night stand tihloh chu hmeichhe kawp ala nei ngailo a,mahse,tunah chuan rinloh lam daih atangin alo thleng leh si. Eng in nge min lo hmuak ka hrelo,engpawh lo thleng se Ryle Balgoni hian a chinfel theih ngei ka beisei.





An awmkim chhung inhnuai lama chhuk ka tum tawhlo a,company thil vel en fela ka thut lai chuan Maid pakhat alo kal a.
"Miss Smith,Thanksgiving an nei dawn a,i chhuk hun an nghak reng" ati ta a.
"Min hrethiam ula,tun ataka ka tel ve a ngaihna ka hrelo" tih paha laptop ka en leh chuan
"Mr. Luke Balgoni thupek a ni. Ilo chhuk ngei angai ang" ati leh a,ka chhuklo anih chuan maid hian a tuar ka hlau bawk nen,peihlo zet chuan ka chhuk ta a.






An sawi ang ngei ngeiin living room ah chuan present box tamtham zet nen anlo thu thap a. An present chu branded thil vek a ni.
'Louis Vuitton,Tiffany&co,Gucci' tih te a in ziak nawk bawk. Chiang takin helai hmun hi ka awm ve na tur a nilo tih ka hria a.




Kum dangah Thanksgiving a ka tel ngailo ang bawkin ka present tur a tel ve dawnlo tih ka hre bawk.





Ryle Balgoni leh a nupui hual chu Thutthleng pakhat ah anlo thu dun a,an bul chiahah duhdah zetin Lylia alo thu bawk.




Ngawi rengin ka thu a,ka thu fel chiah ka hmalam ka melh chuan Ryle Balgoni mitmeng tak ngur nen kan inmelh fuh nghal. A awmdan ah sawn enge a ngaihtuah ka hrelo,thil tamtak ngaihtuah a ang hle. En rei duhlovin ka hawisawn vat a,ka hawisawn na lamah Mrs. Balgoni mitmeng ling hlar ka melh fuh leh bawk. Sawti vaka min melh tur sawn enge ka lakah buaina a neih ka hre hauh lo.





Zanin hian Ryle Balgoni a pakhat zawk ka hmu nimai in ka hria. Ka laka a awmdan anglo takin a nupui hual chu a ngaihsak hle a,che hlek se alo enzui zel bawk. Jessie Parker pawh chuan a hrethiam nge a pangchang reuh hle a,Ryle chu ava nek leh deuh telh telh thin.




Rei vaklo ah Ryle chuan present box awm zawng zawng deuh thaw chu a nupui hual a hlan a,âng deuh pama ka enlai chuan Mrs. Balgoni alo tawng vat.





"Aaaa,Georgia. I gift tur alo la thleng ve tlatlo. Tuna mi hi chu nupa tuak thar turte gift chauh a ni a" inthlahrun hmel taka a rawn tih der vel chuan ka nui hak a,ka tilui tih an hre vek. Ka nu pawh alo thu ngil auh thei.






"Mrs. Lucy,a pawi hauhlo. Hetiang chu ngaiah ka nei tawh alawm" nui lui sanga ka tih chuan an ngaihdan anih hmelloh nasa. An lan mawi duh vanga dawt an sawi chhen hi ka ti theilo. Kumtin Thanksgiving ah ka gift tur an tel ngailo a,kumin an pawh chuti tho. An monu hual rangkachak awm vang maia dawt a sawi chu ka ti thei derlo.






"A pawi hle mai. Georgia,heihi la mai rawh" tih paha Jessie Parker in paper bag a rawn lek chuan tiffany&co product a ni tih a bag atangin ka hre nghal.




Ka la hauhlo ang.
"Ni love,keichuan ka dawng tawh alawm" tih pahin Ryle Balgoni meng rum ul chu ka melh kher a.
"A nimaw?" Awihloh hmel deuha atih chuan thawh hluai pahin
"Brother Ryle hian gift tha tak min pe tawh alawm" tih paha ka melh kual kher chuan an meng phar awk hlawm a.





Chawp leh chilhin Jessie Parker hmel chu a inthlak nghal bawk. Uncle Luke leh ka nu,Mrs. Balgoni thleng chuan mak anti a,kei leh Ryle thu ngawi run chu min melh tawn sek a. Lylia Balgoni ve thung chuan eiloh hmel lutuk a min melh pahin a ner zui nawng.





"Aaa,ka sawi awmzia chu Company ah gift kan dawng vek tawh,hnathawk ho zawng zawngin" ka tih leh takah chuan thaw deuh huai hmel an pu a. Ni mah se,Jessie Parker ve thung chu a rilru ka hruai kawi laklawh tawh tih a lang reng.






Zan hun chu a rei hle a,a tawpa tawpah chuan ka pindan ah thlamuang takin ka hahdam ve thei ta. Ka phone ka en chuan Steve hnen atangin new year wish na ka hmu hmasa ber a. Lawmthu hrilhin ka dah ta a.





Ni rei tak,mi tamzawk hlimna ni ah keichuan hlimna ka tawng lova,hlimna chu sawiloh,Ryle Balgoni nupui hual lakah Mrs. Balgoni khan zak takin min siam zui.





Ka apartment leh ka pindan chiah hi ka hahdamna awmchhun a mi. Mahse,chupawh,zanlai pelha Ryle Balgoni a rawn luh hma chauhin.





Khawvar hmain ka pindan kawngka a rawn inhawng a,amah ani tih ka hriat vangin ka meng duh chuanglo. Ka khum bulah a ding reng a ni tih thawm a neihloh danah chuan ka hre mai.





Thawm nei maihlova a awm reng vang chuan ka ngaih a thalo a,ka meng thut a,ka hmaah Ryle Balgoni chu ngawi rengin alo thu a,min hmachhawn zawngin thim chinah a khabe dawm meuhin alo thu ngawi reng.




Engmah sawi bik chuanglo chuan khum lu lamah ka thu chho a.
"Engvanga sawi kher nge inih?" Atih chuan ka rin dan vel a ni. A nupui hual hmaa lan mawiloh chu a hlau ve tho anih hmel.
"Thudik ania lawm. Bakah,special taka min pek a nilova,company hmingin anih kha" sam tuai thuak paha ka tih chuan a thu tha sut a.





"Nupui hual ilo nei reng a?" Nuih hak paha ka melh zawk chuan a mitmeng a danglam deuh zawk a. Mahse,a reilo.
"A thianglo em ni?" Min chaldelh taka tih pahin a bawp pakhat chu khaiin a bawp lehlam chungah chuan a nghat a. A thu kawi ngul bawk.





"I nun ania,ka sawi theih a awmlo" phar hliai paha ka tih chuan chapo hmel zetin alo nui suk a.
"Min thlah zalen thei tawh angem. I nupui hual hian a hriat chuan a pawi dawn ania" melh kar paha ka tih chuan
"Ni e,ka thlah zalen tawh ang che" ati hawlh a. Ka thu ngil zawk hman
"Kha thu kha ka sawi ring suh,Georgia Smith. Ka sal ini,inu vanga ka puihni atang che khan ka sal ini a,ka project ilo ruk khan a nem nghet lehzual" chang deuh taka tih pahin a rawn hnai thut a. Ka beisei lawk ni reng mah se ka thin a rim tho.







"Aw le,Miss Parker hian a hriat chuan i chinfel tur a ni ang" ka tih takah chuan chair hnung nghengin a thu tha leh a.
"Chu zawng,ilo buai angai love. Ani khu hnaih lo la a tawk a nimai" min melh run paha atih chuan ka nui hak a.






Tunah Khan Ryle Balgoni ka tihlauthawng ve em ni. Ani hian a nupui hual ka hnaih a hlau a,kan secret affair a hrechhuak anih chuan a hmingchhe dawn a,chumai nilo,a company investor lianber a chan bawk ang. A thluak a tha hle mai.






"Chuvang chuan ka thu awih ang che,buaina ka duhlo" atih hmuk chuan ka lo nui lui sak a. A thupek zawmloh chu a lakah hian tihtheih pakhat mah ka neilo.
"Steve Harvard hi be tawhlo bawk rawh" atih leh chuan ka en zawk a.





Ka phone chu rawn lek kangin a hmet eng zauh a
"New year wish thu mawi tak a ni" tih kher paha a hmel a tihsawi zeuh chuan ka che thut a,alo hre rang nasa. Ka ban uaih chuan ka banah alo man lawk a,a lamah chuan min pawt dawrh pahin ka hmai si lek lek khawp chuan min en hnai a..





"New year emaw,i piancham pawh nise ani nen hian inbe tawh suh u" ka biang thawk khum hak hak paha atih chuan runluih nan ka awm hnaih ve sak a.
"Thupek nge thurawn?" Tih paha ka melh reng chuan a kut awmna sawn thutin ka kawngah a tham salh a.
"Thupek anih chu" atih bulh hmuk chuan sawi theih dang ka nei leh ta lo.






"Enge ka sawi theih,i sal alawm ka nih" tih paha awmsawn ka tum chuan min tham na sauhin ka inrin hma chuan ka hmuiah a rawn fawp thut a,ka tal deuh laih chu duhlo in min fawp reng chung chuan khumah min bawh thlu nghal a.




A kut awmna a sawn rual chuan ka lo dang vat.
"Ka theilo" ka tih sep chuan lung nihloh hmel zetin min melh a.
"Ka mens lai anih hi" ka tih chuan harsa tih hmel fe in a thaw vak a,ka chung atanga chhukin ka sirah chuan a mu thlawp a. Ka thu a awih ve hmasak ber a ni hial ang,ka Period thu ka sawi a,rinhlelhna nei miahlovin a awih ve ta chu ania.






"Naktukah kan let ang,mu tawh rawh" tih pahin a tho hluai a. A awmdan chu amak zawk khawp mai. Nidang anglo takin kawngkhar pawh a khar thuailo a,a thawm a dim takzet.





Zingah chuan ka phone ri in min tiharh a,ning zeta ka ban chuan amah bawk alo ni.
"Engee?" Thinrim zeta ka tih chuan
"Tho rawh" ati ringawt a,a dah lehnghal. Thinrim zetin phone ka dah a,amah vangin zanah ka mu tha thei lova,tunah,ni a chhuak fel vel chauh tihah min kaitho leh chu ania. He Ryle Balgoni baka thah chak hi ka neilo.





Tho duhlo chuan ka mu lui leh ngat a,ani pawh chuan a rawn call nawn leh ngat tho.
Ka thawh hma chuan a rawn call nawn reng dawn tih ka hria a,chuvangin thinrim zet chuan ka tho ta a. Ka tukverh lam pana kalin parda chu ka keu a,Ryle Balgoni chu ka hmu ta chiah. Ka tho tawh nge tawhlo en turin ground ah chuan alo ding vung a,Gym kal zo tih hriat takin a hah hmel hle a,a dress pawh a dang hle bawk.






Ka parda keu a hmuh chuan stretching tih pahin a inher ve ta a. Chet pawh che hmanhmawh peihlo chuan bathroom ah rei zet ka kal a,ka chhuah a ka en leh pawh chuan alo la awm tho. Ka pindan lam hawiin alo ding leh a,ka hmel a hmuh veleh a hawisawn lehnghal.






Inhnuai lamah chuan ka chhuk zui a,Maid thenkhat anlo tho tawh a,midang chu anla reh thiap.





Kawngkhar pui ka hawn hma chuan thawk ka la deuh vang vang a,ka tithei tur a ni. A chhe zawk tawn ka duhloh chuan tun anga lem ka chan zawm hi angai a,nupui hual a neih vanga ka hel anih chuan a nasa lehzual bawk ang.




Pawn chu alo eng uar tawh a,ni pawh a sa tha tawh hle. Ryle chuan jogging alo ti mek a,a hah tawh hle tih a hmai leh bek vel thlan hluam atang chuan a hriat.





"Mr. Balgoni,duhtawk tawh rawh" tih paha ka pan chuan ka lam hawiin alo nui suk a,zingkara a nui hmel ka hmuh vawikhatna a ni.




"A tawpa tawpah chuan i tho ta a" tih pahin ka bul a rawn thleng a.
"Ni e" ka ti ringawt. Mut khamlo taka min siam hi ka la ngei reng.




"Tun atang chuan zingah exercise ila ve tawh ang,i taksa kha en teh" atih chuan ka melh chho dawrh a
"Englai pawha damdawiin kal reng mai" atih chuan
'Chu thu chu i sawi ngam amaw,nangmah vang anih hi en ta che. Ka damloh laia min mutpui a,thih chak ngawih ngawiha min siamtu inih hi' tih khum vak mai ka duh a. Mahse,chu chuan eng hmasawnna mah amah ah hian a thlen dawnlo.





Chuvangin ka thinrimna te chu dah tha in,ka kut hum ruh ngar chung chuan,a dam thei ang ber in
"A chhan i hria alawm" ka ti sep a. Ka thusawi vang chuan min melh zawk tih ka hre bawk.





"Tunah chuan i theilo tih ka hria. I theih veleh i tan ang" atih chuan mak pawh ka ti tawhlo. Ani hian ka period tih alo la hre ve reng a,a hriat rei theih thil tak a ni ang,a duh chuan. Min kaihthawh chhan pawh thlamuang taka ka mu tur a duhloh vang bak a nilo ang.





"Vawiinah kan let ang. Steve Harvard rawn thlen hma in" atih chuan engmah mah ngailo ang takin hmalam chu ka melh ngar a.
"Min en rawh" atih leh chuan ning zetin ka melh chho a.
"Ka sawi kha hre reng ang che. A hnena let turin ka thlah zalen dawnlo che. I hrethiam em?" Tih paha a rawn kun hniam deuh chuan min fawh mai hlau in ka lo bu nghat nghat a,ka tawlh hla hret bawk.





Ka awmdan a hrethiam nge ka kawngah chuan man in ka hlauh ang tak chuan ka hmuiah a rawn fawp thut a,Maid ho khan min lo hmuh ka hlau hle a. Nem sawn tuma ka chet laitak in Mansion kawngkhar bula ngawi renga lo ding reng hmeichhia chu ka hmu thut a. Enge ka hriat,Jessie Parker saw runluih ka chak tlat anih chu.





Ryle min fawhna chu dawh tawpin tha tak chuan ka awm a,ani pawhin a uar sauh. Mahse,kan Mrs. Parker chuan Mansion atanga rawn chhuak hlim ang maiin
"Ni chhuak chu ava mawi ve" a ti hliai a. Ryle pawhin min nem sawn nghal vat. Mahse,midang hmuh hlau taka hlauthawng hle ang chuan a awm ve lo.






"Ryle,i chauh thu i sawi sia. Iva tho hma ve. Nangpawh maw Georgia?" Tih pahin engmah hmulo ang mai chuan a rawn phei zan zan a. Ryle chuan ipte zen run in a nupui hual lo phei chu alo en reng a.




Jessie Parker chuan kan bul alo thlen rualin ka hmui a en nghal chat a,chutah Ryle hmui chu a en veleh. Ryle Balgoni lah chuan a hrethiam lo nge,kan infawhna avanga a hmui huh deuh chap chu a liak thuak a. Chuta Jessie Parker-i min rawn melh dan vang chuan ka ip zawk thei.




"Kal rawh,Breakfast ei zawhah ka thlah ang che" tih pahin a nupui hual chu a ban a. Jessie pawh chuan engmah sawi lovin alo ban ve vat. Mahse,a mitmeng chu rum tha tak a ni.
"I gift vang khan ka lawm lutuk ania,ka hre reng ang" tih pahin a awm bawr lian tawk tak chuan Ryle chu a nek deuh talh talh a. Ryle Balgoni chuan inher paha min melh zawkin
"I lawm chuan a that chu" ati sup a. Jessie Parker chuan hnehtu inti takin min melh nghal ha bawk.





Breakfast ei dawnah chuan Steve alo thleng hlawl a,keini lo thu thap a hmuh chuan a ding deuh chawt a. Min en hmasa ber a
"Hi" atih sup chuan ka lo nuih sak a,Lylia ka melh zeuh chuan alo tum nasa. Chutah,Ryle leh Jessie te thu dun chu en lehin mak atih hmel hle a.
"Inlo inhmu vek tawh a?" Tih paha min melh deuh kher chuan ka lo hawisawn vat.






Ani pawhin Breakfast chu a rawn ei ve nghal a. Lylia bulah chuan thu in Lylia chu a be sup sup a. Lylia pawhin tha tak chuan a chhang tho. An inthen ta em ka hrelo,an awmdan ngai rengin an awm a,mahse,heihi chu an tihloh dan a nilo. An inneih hma pawha inhre tawh,thian tha leh inzui reng thin kha anni miau a.





Breakfast eilai chuan Ryle Balgoni leh Jessie Parker induat lai kan en a ni ringawt. Ryle chuan Jessie eitur te chu a suah sak thlap a,a kut hman ngai miahlovin engkim a ban sak vek. Steak ei dawn pawh chuan a cut sak thlap a. Jessie chuan inla no tak hian
"Puitling ka nih tawh hi" alo ti vel a. Ryle Balgoni chuan nuih suk pahin a lu ah chuan a kut a nghat a,a kut tihchet pahin
"Eng anga puitling pawh nila kan tan chuan naute ila ni" atih chuan ka chaw thial lai ka hak lo chauh.





Ryle Balgoni hian kha thu kha a sawi ngei,ni e,a sawi,midang pawh chuan mak antih hmel hle a,an mak tihna thup an tum hle bawk. Jessie chu ka en a,Ryle awmdan chu a lawm hmel hliah hliah. A nui sang reng a,Ryle chu a nek deuh telh telh reng bawk.





Jessie parker hi kei aiin a upa daih a,mahse,a chezia en chuan ka nau ni awm tak a ni. Kei erawh kawng engkima puitling tura enkawl seilen ka ni a,kan inthlau hle.




An awmdan ka en a,mahni inkhawngaihna bawk ka nei leh. Ani chu Ryle in a duat em em a,a ngaihsak a,tihlim in a bulah a nui thin bawk. Ka hmaa chuan tiang sawn a awm ngailo,ka bulah chuan sakawlh ani a,ani reng bawk ang. Amah ka thik a,Ryle hian tiang chiah hian min treat ve se ka tihna lam a nilo. Sawtianga min care tu mipa ka hmu ve ngai dawnlo tih ka hriat vang maia hrehawm ti ka ni zawk.





Kan chhuah hmain Ryle chuan a nupui hual chu a thlah hmasa a,mi hausa fanu tih takah,midang lawm zawng sawidan pawh a hre khawp mai. A kal hmain Maid zawng zawng nen chuan Gift min pe theuh a,midang awm thup laia min pek vangin ka hnial thei silo. A gift chu ka la a,ka laklaia Ryle Balgoni hmel mawlh mai kha. Ka dinhmun min hriatchian nawn tir awn awn nimai in ka hria.





Chhuak mai thei tura ka in pack lai chuan Steve alo lut a..
"Hiii" ka lo tih sep chuan ka kutah envelope a rawn hmehbel a.
"Happy new year Gi. Hlimna zawng zawng nei rawh" tih pahin a inher vut a,lawmthu hrilhna hun pawh awmlo in a chhuak zui nghal.




A envelope ka en chuan pawisa tam tham zet a ni tih ka hmu a,thaw hakin drawer chu ka hawng a,ka thehlut nghal. Pawisa chu ka mamawh teh meuh mai,mamawh tak ka ni. Tu mihring in nge mamawh lo tehlul ang.





A lak atangin vawitam pawisa ka lo dawng tawh thin. Mahse,tun chu a dang tawh a ni. Nupui nei tawh a ni a,keipawh a hriat thin Gi kha ni tawhlovin,Georgia Smith,Ryle Balgoni mistress ka ni bawk. Kan inkarah awl zau tak a awm tawh a,engmah hi ahma ang a ni thei tawhlo.






Ryle chu alo thleng a,inhnuai lamah ka luggage nen ka chhuk chuan hmanhmawh deuhin ka nu te pindan lam atang chuan an rawn chhuak hlawm a. Ryle pawh chu a hmanhmawh in a hlauhthawn hmel hle bawk.





"Ka inpeih tawh" tia ka lo biak chuan a coat chung hak mawlh mawlh pahin
"Zanin chuan kan chhuak theilo" hmanhmawh zeta tiin a chhuak zui nghal.





"Enge thleng?" Tih paha ka nu ka en chuan
"Lylia ania,Hotel ah a rui buai aniang,accident an nei deuh a" ngaia neih hmel fe a alo tih chuan ka lo ngui vek thei. Zanina kan chhuak theilo anih chuan he Mansion ah hian hrehawm ti taka zan ka mut leh mai angai dawn anih hmel.






Zan rei vaklo ah chuan inhnuai lamah thawm a awm deuh reng a,enge thleng hre tura ka chhuk chuan Lylia hmel pawr phang ka hmu hmasa ber. Ka enchian leh deuh phei chuan Jessie Parker pawh kha ka hmu tel ve leh,a haw chauh emaw tih laiin alo let leh reng tawh anih hmel..




Step ka chhuk laiin Lylia chu a room lamah anlo hruai lut fel vek a. Uncle Luke an Jessie lawmthu a hrilh mawlh mawlh phei chuan ka hrethiam lo lehzual hle.



Ka nu chuan min ko hrangin
"Ryle nupui hual sawn alo hmu fuh a,Ryle a rawn bia a ni awm e" atih chuan thil awmdan ka man thiam uar uar a.





Mut dawn hnaiah chuan Lylia rak tuar tuar thawm ka hre ta a. Thil dang ri nen a inpawlh a,bungraw tlu ri te nen a nih deuh rum rum vang chuan a thusawi ka hre mai theilo. Ngawi renga a thusawi ka ngaihthlak chian deuh chuan ka kâ ka hup vat a.





Steve an pawisa min pek kha alo thinrim chhan amaw. Ka awih theilo,kha pawisa kha tawh pawh tawk hauhlo asin.




"Ngawi rawh,i duh chuan nei rawh ka tih che kha. I hmangaih a ni lawm ni?" Lylia au thawm ka hre zui leh a,ka awmhmunah ka lo sa pup pup thei. Awmdan tur pawh ka hrelo. Hmanni lawkah ngaihzawng a neih san a,tunah lem,hmangaih ber angin a awm leh vel a.





Thawm a reh deuh rual chiahin kawngkhar a rawn inhawng rawk a. Ryle Balgoni mitmeng tur zet nen kan inmelh ta ran mai.
"Min zui rawh" tih pahin ka banah a man lawk a. Na zeta min hmer pahin a kal chak hle a,thei leh theilova hnunglam ka hawi let chuan Jessie Parker khan kuangkuah at hian kan awmdan chu alo thlir reng a.





Kawngkhar chu tlawh hawng thuaiin khumah chuan min theh thla lawp a. Engmah sawi hmasa lovin ka drawer kha ava hawng a,Steve pawisa min pek ngei mai,ka dah dan ngai ngaia awm chu ala a. Ka hmaiah tak chuan rawn vawm thlawpin
"Heihi maw i duh?" Atih hrawk chuan sawi ber tur hrelovin ka melh chho ngawt ngawt a.





"Ka vau hneh viau che emaw ka lo ti a. An nupa nunah ila inrawlh ngam amaw?" Tih leh tuarh paha min pawh thawh lawp chuan ka ding chhuak chiang hle.




"Enge danglam vak,min mutpui vangin ka duh min tihsak a,ani pawhin a tih thin dan thovin pawisa min pe a nimai a. Ryle Balgoni nang hi zak rawh. Engvangin nge Steve Harvard hian pawisa min pek thin i hria em?" Ka tih ve thak chuan a chelai a tawp chawt a.






"I sual chhuahin ka allowance te kha rawn titawp lo ni la. Ka scholarship te kha min laksak nilo la chuan tu pawisa mah ka mamawh bik lovang" ka tih khum siah siah chuan ka chhanlet beiseilo tih hriat takin min melh rum em em ringawt a.





"Ngawi hmak rawh,naktukah kan sawi tha ang" a tawng thei ta lo emaw tih hnuah a rawn tawng chhuak leh a. Ka ban a hmerna chu paih deuh lawpin a chhuak nghal a,a thawm pawh ring tha tak a ni.





Zankhua in a rawn let tawhlo a. Atuk Breakfast eilai pawh chuan alo la let chuanglo. Jessie Parker chuan min melh leh ralh ralh thin a,enge a duh chiah ka hre lo. Ryle nen khan kan buai zawm ta em tih a hre duh ni maiin ka hria.





Uncle luke an
"Ryle hi alo haw lo em ni?" Tih paha min melh chuan ka lo en dawrh a. Ani haw leh hawloh min zawt thut chu ka hrethiamlo hle. Mrs. Lucy Balgoni chu lo inrawlh vatin
"Tukin zing hma takah a chhuak anih kha" tih pahin min melh ralh a. An sual ang angin an thluak pawh a tha anih hi.





Chutia kan haw leh theih takloh ah chuan ka thil pawimawh buaipui turin khawpui lama chhuah ka rilruk ta a. Kha Ryle Balgoni kha alo la let lova,a hmel rawn lan hmaa chhuah hman hram ka duh. Chuti anihloh chuan a vauna tawngkam dengkhawng tak tak lo dawn leh a mitmeng rum tak bak hmachhawn tur ka nei lo.






Step a chhuk pahin ka bag hrui chu ka siamtha mawlh mawlh a. Ka hmaah Lylia chu la chauh hmel zet hian a kal a,a ruih ala rehlo nge a pai leh deuh laih thin a. A tlu mai dawna ka hriat vang chuan puih mai ka tum a.





"Lylia" tih paha a dar ka tawh chuan a au thawt a,step ah chuan a lum zui nghal. Step tawpa Lylia tla hlawm tawp chu en in ka ding khawng vek a. Hmeichhe au that thawm chuan min tiharh ve leh chiah.




"Lylia,nilo" titu chu Jessie Parker a ni.
"Engthil?" An sawi zo hmanlo,midang pawh anlo thleng zawm nghal. Hmanhmawh zetin ka chhuk hlawk hlawk a..





Uncle Luke chuan a fanu chu pawm betin a thisen chhuak chu tihtawp a tum a.
"Engthil nge thleng phiansen?" Inchhung khawk rum ruma atih chuan ka phu zawk a. Ka tha a khur nghal vek thei. Hlauthawng taka Lylia hmel ka en chuan a Meng hauhlo.





"Uncle. Lylia kha step ah alo chhuk a,a hnungah Georgia hi alo kal a,chuan" hlauthawn hmel taka tih pahin Jessie chuan min en a..




A sawi zo hmanlo
"Nang mi zaktheilo nu" tih pahin Mrs. Lucy Balgoni chuan ka hmaiah min beng thuai a. Ka hawi sawk rualin kawngkhar bula Ryle Balgoni lo ding reng hmel ka hmu zui nghal.





"Lylia" tih pahin a nau chu a pan vut a. Uncle Luke thung chuan thinrim zeta min melh pahin
"Police ko rawh u" ati hrawk a. Mrs. Lucy chuan hmanhmawh zetin phone ala bawk.





"Nilo,ka nem lo" tih paha ka nu ka sawi nawk chuan a fanu ka ni ta lo emaw tih mai turin min en a,tawngkam khat mah a chhak chhuaklo.




Ryle Balgoni chuan a farnu zawi ngiai chu a pawm chhuak zui a. Midang pawhin a hnungah an zui bawk.




Reilotê ah Police anlo thleng a. Min man an tum chuan Uncle Luke chu beiseina chhete nen ka melh a. Mahse,a hmelah chuan min huatna bak ka hmulo. Chuvangin,engmah ka sawi ta lova. A ngaite bawkin,ka thiamlohna awm miahlovah min man nawn leh ta a ni..





Kawngkhar kan thlen rualin Ryle Balgoni kan tawk a,hmanhmawh hmel zetin alo lut a. Police in kawl min buntir a,min hruai tur a hmuh chuan a ding chawt a,ka kut kawl bun chu a melh vut bawk.





"Ryle,ka nemlo. Min pui rawh" tahchhuak lek leka ka tih sep chuan a chil a lem khawlh a.
"Hruai vat ta che u" Uncle Luke aw kan hriat rual chuan Police chu an che hrut a.




Kan kalna tura lo ding ve reng Ryle Balgoni chu beisei nei zetin ka melh a. Min pui dawn emaw ka tihlaiin a ding sawn a,kun deuh chhul chungin kawng min lo kian ta a.




Chutah zet zawng,he mihring hian a farnu aiin min thlang dawnlo a,min thlan chhan tur a neilo tih ka hrechhuak nawn leh a,hlau ru hle mah ila ka zui angai ta a ni.






(LAWMTHU SAWINA: ka test dawn vangin chhuti ka la a,ka harsatna te hrethiam in min lo fuih liam liam a. Ka chawlh chhung pawhin comments tha tak tak nen min umzui a. Ngaihngam takin min siam a,inlo thlahlel der ve em em bawk. Min hriatthiamna leh min nghah peihna ah khan lawmthu ka sawi tak meuh meuh e🤧😘😘😘.




Covid zo hlim ka ni a,nizan pawh hahdam ka duh vangin ka rawn zawm leh ta lova,chutah pawh chuan duhsakna min hlan in min nghak leh a,tah pawh chuan ka va lawm tak a ni🥰🥰🥰. Malsawm in awm rawh u.....




Story fb hian best readers of the month/year thlang dawn ta se,nangni hi inni ngei ang. Nilo,thlanglo mah se chu award chu ka hlan nghal a che u🤭,in phu a ni🥰🥰🥰🥰. Tun atang chuan ka story chhiartu te ho hi Best reader and supporters of the world inni tawh ang🤭🤣🤣🤣🥰🥰🥰.





STORY THAR: nichin mai khan grp ah ka lut a,Veronica Vero ziah tur,lehlin a ni em ka hrelo. 'TWISTED' tih kha ka hmu fuh a,awiiii. Ava ngaihnawm tak a ni,va en ve teh u,in duh dawn lutuk tlat. Kei ngei pawhin ka va comments ve hnap kha,a ngaihnawm lutuk kha a rapthlak zawk. Lehlin anih ka ring a,a nilo anih chuan khanu kha a ropui hle tihna aniang.




KA STORY: ka story complete sa,Dr. Saia te,ERASED tih kha AR PEY HUAPZO CHANEL tih khan a chhiar ve a. Inlo view ve theuh dawn nia aw,in fel kha😘😘😘
#support my local business🤣🤣🤣🤣.


Ka lawm em em e💜💜💜💜💜)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)