UNCONDITIONALLY (mafia romance 18+)★ chapter -14

Episode kal lai dah luhna

Moderator: writers

Zaikawii Budelh
Posts: 170
Joined: October 22nd, 2021, 7:23 am

UNCONDITIONALLY (mafia romance 18+)★ chapter -14

Unread post by Zaikawii Budelh » August 15th, 2022, 6:08 am

UNCONDITIONALLY (MAFIA ROMANCE 18)







Story of Zaikawii Budelh 💚








Chaoter -14







Leo chu phun deuh hluk in a hawi sawn nghal leh nghal daih a, a awm dan chu hriatthiam a har takzet!Ngaihtuah ngah hmel zet in hma lam chu a melh deuh ngur a.... Ka awm a nuam lo takzet tawh... Party na hmun kan thlen chuan car atang chuan kan in zui chhuak a.... Leo chuan ka kawng ah rawn kuah in in chhung lam ah chuan min luh pui a...min be lo a.. min en lo bawk.



Ka kawng ah chuan nghet zet in a kuah a.. a hmel chu a chang deuh run mai.... Kan kal pelh apiang te chuan min lo be nak nak hlawm a... Leo chu an zah hmel hle bawk!Mahse tu mah chu hriat ka nei lo...A tu a te mai pawh chuan min be tha em em vek a....Hmeichhe then khat leh, Kil khat a hmeichhe pakhat lo ding ve reng ti chauh lo chuan .... Ni e... Andriana hi chuan min hmuh tirh atang khan min ngaina lo tih ka hre tawh a.... Eng vang a min haw em em nge anih erawh ka hre lo!




Party na hmun chu ka lo rin phak bak ai in a ropui daih.... A hmun a zau mai bak ah an ei tur chhawp te.... A mihring kal reng reng te chu mi changkang tak tak vek an ni tih hmuh theih in a awm.Party na hmun ah chuan a hran theuh a kil turin dawh kan bial a awm hrang thleh thluah a... Dawhkan pakhat zel chu mi sawm pahnih vel len na tur awm zel ani bawk.




Dawhkan pakhat ,dawhsan lam hnaih deuh ber tu lam pan chuan Leo chuan min kal pui a... Party na a ka vawikhat kal na anih vang in ka awm thiam chiah lo a.. nuam pawh ka ti zan lo... Kan kal pelh te apiang chuan Leo chu zah hmel tak hian an lo bia a.... Lo ti ding tu a ngah bawk nen kan thutna hmun tur pawh kan thleng har phian.



Leo chu zawn nei niawm tak hian a hawi kual a.... Min be lo a... Keipawn ka be lo.... Rei vak lo kan thut hnu chuan Leo chu a ding deuh hluai a... Ding turin min signal ve nghal bawk.... Leo hawi na lam ka hawi chuan Putar pakhat kan thutna lam pan a rawn phei hi ka hmu a.. Nu la valai tak pakhat leh hmeichhia, kei ai a u hret tur hian an rawn zui bawk a... Chu mite chu mit tla lek lo hian ka lo en reng a, en reng reng pawh in mi changkang tak an ni tih a hriat hliah hliah!




Kan bul an rawn thlen chuan Leo nen chua nui sang a lo in chibai in an that leh that loh te an in zawt luam a.... Hmeichhe pahnih pawh chuan Leo chu bia in an in chi bai ve bawk a.... Leo chuan min in hmelhriat tir ve hnu chuan nui sang in kan in chibai a.... An hmel tha dun in an nelawm dun hle! Putar pa chu Giovanni a ni a... Nu upa lam zawk chu a nupui niin Martina a ni a... Nula hmeltha zet an rawn hruai tel chu Giovanni fanu neih chhun ni ve thung in Elena ani thung.





Thutna ah chuan kan thu thla a... Giovanni chu Leo bul... Ka thut lohna lam ah chuan a thu a.... Elena chu ka bul ah thu in, a sir chiah ah chuan Martina zawk kha a thu thung.... An ti ti kar lak a Italin tawng abelh leh zauh zauh thin vang in eng tak nge an sawi ka hriatthiam loh vang in sawi tur reng ka hre ve lo... Putar pa chhuan Leo hnen ah chuan ka hmeltha atih thu te chu a sawi ve luam a... Leo erawh in eng tin mah a chhang lo....



Kei chu awm velo ang hmak ka ni tawh a.... Min hre chang tawh lo ani ber! Leo leh Elena chuan eng thil emaw an sawi a... Elena chu a nui leh hak hak thin a... A mitmeng a Leo a duh na niawm tak chu ka hmuh sual nge ka hre lo!Thawk ka la halh a... Engvang a ka awm hi nuam lo em em nge maw anih le!? Leo chuan Elena chu a en ve reng a... Leo awm dan erawh ka hrethiam lo... Min ngaihven ang in a awm tawh lo a... Ka awm tih chu a hre ve tawh lo zawk anih ka ring!



Thinrim tur ka ni em tih ka hre lo a.. mahse Leo awm dan hian min ti thinrim takzet! Elena a en chang a piang hian keimah ah hian che hi a awm thin a... Ka thik niin ka hrie chiah bawk si lo! Thaw chhuak halh in Leo chu ka en a... Ani pawh in min lo en ve chiah! Ka hmel awm dan chuan a ngaih a ti tha chiah lo nge...


" I tha em?"


A ti deuh sup a.... Chhang loin Leo chu ka en reng.... Kei hian Leo hi ka duh em ni?


" A ni lo ang!"

Ka ti chhuak deuh sap a... Leo chuan mit zim deuh sun hian min en a... Ka thil sawi chu a hrethiam lo tih ka hria!
Elena in Leo a rawn biak leh tak ah chuan Leo chuan ka lak atang a amit la sawn in Elena chu a en leh a... Kei ka lo thaw chhuak halh.Elena hi Leo bialnu anih te ka ring ta rim rum!




Leo pawh chuan min ngaihven zawm tawh lem lo a, chu chuan ka rin hlelna a ti zual hle!ka kawr fual hak chu ka hmer ngawt ngawt a, ka inseh ruh nasa lutuk chu ka lu te a hai thei hial in ka hria.. Elena nui ri leh tawng ri chu ka beng ah a khawk rum rum a! Thawh thut a tlan chhiat daih ka duh hial.



Dawhkan a wine ka ban rual chuan Leo chuan min rawn melh deuh zawk tih ka mitsir in ka hmu thei a... Wine ka in chu a rem ti chiah lo anih ka ring... Ngai pawimawh duh lo in wine chu ka in a , a lo thlum phian leh nghal! Rei lo te ah ka in zo thuai a..... Wine in thlit belh tum a a bur ka ban mek lai chuan Leo chuan ka mal ah a rawn dawm a.. ka phu zawk nghe nghe!



Leo chuan wine chu inthlit tawh lo tura min tih na ani tih ka hria a, mahse a lak ah hian ka lung awi lo takzet a... A chhan ber erawh hre lo mah ila run luih ka chak zek zek!Ka rilru ti fim in ka thut dan chu ka siam tha a.. wine pawh chu ka inthlit belh bawk.



Leo chuan ka mal chu a hmer leh salh a.... Ka lo hre lo der ve hmak!Inhualna hun serh pawh chu an tan a.. Leo chu thusawi tur a koh anih vang in Dawhsan lam ah chuan an ko chho a...Camila bul a Leo thianpa thu ka hmuh chuan mak ka ti ang reng hle a... Thupuang tu in Jacob Anderson tia a puan hnu a Leo thianpa a hlim hmel zet a a din chhuah rual chuan Camila chu ka en vat a... Kei amg tho in mak ati tih a hmel ah a lng thei.




Jacob Anderson chu Leo thianpa lek khi maw?Camila hming an rawn lam ri leh a... Ani pawh athutna atang a ding in a nui deuh sang a...mahse... Camila chu han nui ve bawk mahse a hlim hlawl lo ani tih ka hmu thiam a... Mitam zawk hi chuan an hmu thiam kher in ka ring lo.



Thupuang tu chuan Leo chu mike a pe a...


" Pi leh pu nula leh tlang val lo kal khawm.te in zavai chung ah lawm.thu ka sawi tak meuh meuh a.... Zan in hi ka unau nu neih chhun Camila Ricci leh ka thian tha ber Jacob Anderson te inhual zan ani a....."



Leo thu sawi mawlh mawlh lai chu ka lo en reng a....He mihring hi a pa takzet ani!A tawngkam hman chu a fel fai thlap a... Tawng bahlah a nei eih lo bawk...Leo thusawi ka lo en reng lai chuan


"Issabella Esposito maw I nih a?"

Elena chuan a ti a... Leo lak atang a ka mit la sawn in a lam ah chuan ka hawi vat a... Elena pawh chuan min lo en ve reng!


" Aw ka nia lawm!"


A mit ah tak en ve kal chung chuan ka lo ti let ve a... Leo awmlai a a hmel nui sang te kha chu an bo duak tawh! Elena chuan ngaihsan loh hmel fe hian min en a.. ka incheina te chu uluk fe hian a melh kual a... A ner deuh nawng bawk!Ka mit ah min rawn en leh in..


" Nang ang hmeichhia vang mai mai luahlan ka ni ta hi ka awih thei lo!"


A ti deuh hlak a... A hmel ah chuan thil ten awm deuh sawi a ang bawk!


" Eng thil nge sawi i tum?"


Ka tih chuan,


" Leo tha tak a min lo enkawl sak vang in lawm thu hrilh che ka duh a"



Inring tawk fe hian Elena chuan a ti a....


" Eng thil nge sawi I tum?"


Ti a ka lo zawh let chuan Elena chu a nui deuh sak a..

" Hman zan a Leo a lo haw loh khan Ka flat ah a riak tih I hria em?"


Elena chu ala nui sawng reng a....


"Leo hian a hna vang hian rawn haw loh hi a nei deuh reng a... I sawi zan tak chu ka hre tawh lo anih dawn chu.. nizan mai kha chu a ni dawn lo tih ka hre chiang a... Chuan zan hmasa pawh!"



Ka sawi zawh rual chuan Elena hmel chu hmuh theih in a inthlak a, a thinrim tih ka hre thei!mahse, Leo a hriat chian hmel bik lutuk chu ka thik takzet! A nupui chu ka ni ve a..mahse a chanchin engmah hriat ka nei lo...

" Tunge ka nih I hre lo a ang hle mai! Nia a awm ve tho! Leo nen kan inkar a thil awm hi hria an tam lo reng ani... Kan duh dan pawh ania"


Elena chuan a ti leh a.... Nichin a thinrim hmel kha chu a bo leh vek tawh!


" A nih chuan engvang in nge chu thu chu min hrilh a"


A aw ang chiah chuan ka lo ti let ve a... Elena chuan min ngei hmel takzet! Ka thinrim na leh nat na chu thup hram hram ka tum ve a. Mahse thil awlsam tak chu ani lo.Elena chuan a thut dan chu a siam rem deuh a.... Chutah min rawn awm hnaih in!


" Ka hrilh na chhan che chu lo inring lawk la ka duh vang mai ani a! Zan in atang phei chuan Leo hian rawn haw loh a nei zeuh zeuh dawn a... A rawn haw loh zan chuan I lo hrethiam mai dawn nia!"



Elena chuan ka beng bul ah a rawn ti deuh sar sar a.... Chhan tum a ka an deuh zuau lai chuan Leo chu kan thutna ah chuan a rawn let ve chiah a..Elena hmel pawh chu chawp leh chilh in a dang lam nghal a.. a nui leh sang tawh! Kei chu ka awm dan a dik lo leh zual a... Eng vang a tiang a awm mai hi nge ka nih ka hrethiam lo.



Elena chuan Leo chu a lo be leh siam siam tawh a...


" I ning tawh em?"

Leo chuan ka beng bul ah a rawn ti deuh sup a... Phawk zet a hawi chhuak in amah chu ka en a... Ani pawh in min lo en ve reng!


" A... Aih!! Ning lo e...!"

Ka lo ti vat a...


" A rei tawh lo ang"


A tih leh mek lai chuan Elena chuan Italian tawng hian Leo chu eng emaw hi a rawn hrilh a... Leo pawh a ri meuh in a nui chhuak ve hawk! Thil an sawi zawm mawlh mawlh a... Ka hming a ri tel leh zeuh zeuh thin bawk! Leo leh Elena inkar a thut reng chu ka dawh thei tawh ngang lo a, ka thutna atang a tho chhuak deuh hluai in..


" Min lo hrethiam lawk ru washroom ka va hmang lawk a nge "


Tih leh kal sawn ka rual a
.. . Washroom awmna pawh ka hriat loh vang in kawngka pui lam an chuan ka kl phei hlawk hlawk a... Ka tah te chu a chhuak hlur!Mipui lo thu deuh thap ho chu kal pel zel kawngkhapui lam chu kan pan ding ngar ngar a..... Ka ngaih bel mge mite chuan min en duh riau hian ka hria... Nuam ka ti lo takzet!


Kawngka pui ah chuan ka chhuak hlawl a... Mi awm lohna deuh tur lai zawng in ka kal hlawk hlawk a... Thingkung pakhat hnuai a thutna lo awm ka hmuh chuan chumi lam pan chuan ka kal nghal vat a... Thutna hmun ka thlen rual chuan ka thu thla nghal hnawk a... Ka lungphu chu ka dawm nghal vang vang bawk!



Ka biang rawn lum pap ah chuan ka mittui a tla tih ka hrethei a... Rang zet in ka hru nghal bawk!


" Kei hian Leo hi ka duh ani!"


Ka ohun chhuak sap a... Ka thil sawi zawh chiah chu duh lo in ka lu ka thing nar nar a... Kei hian eng tin nge Leo te ang mihring hi ka duh theih zawk? Ka awm tawt lutuk chu ka dawm nghet sauh a.... Ka na takzet! Kei hian Leo hi ka duh takzet ani! Mizo ka ni a... Hnam dang mipa ka ngaizawng ang tih rin ngaihna ka hre lo! Chupawh Mob hruaitu leh nghal!



Ka insut hraih a,Ka biang a mittui luang ngiai ngiai chu ka hru nghal tawk a... Leo hi thih huam pawh in duh mah ila ani chuan min duh ve dawn lo tih ka hre chiang a, chu chuan ka hrehawm na a belh chhah hle!Ka hrin nun kal vel dan hi ka kham takzet ani.



Thawk ka la halh a... Ka mittui pawh a tla tawh lo.Van lam a arsi pe tuarh mai chu ka thlir vang vang a


" ka lo thu ve lawk thei a ngem?!"


Rawn ti tu lam chu ka hawi vat a... Mipa pakhat sang tha ang reng tak mai hi ka thutna bul ah chuan a lo ding reng a... A kut leh lam ah chuan secret hi a keng a a kut leh lam ah erawh Lighter man ti hmel zet hi a keng bawk!!Tawng ka a chhang lo in ka lo tawlh phei vat a... Thut ka phal tih chu a hrethiam tih hriat zet in a rawn thu thla nghal a... Min en duh hle tih ka hre bawk!



" Heng lai hmun ah nang ang nula chhelo lutuk tinge mahni chauh a I lo thut a ?"



A tih lai mek chuan ,ka kut chu a hma ah chuan ka lek chhuak va a.. a mah erawh ka en lo thung.... Tun ah tak chuan mi biak mood ah ka cheng miau lo ani!


" Eng nge awm zia!?"

Chupa chuan ka chet dan chu a hrethiam lo tih hriat zet hian a ti deuh hu a.. ka kut chu a lam ah lek hnai leh sauh in..


" Zungbun kha I hmu lo mi? Pasal ka nei tawh!"


Ka lo ti deuh hlak a...Ka rin loh lutuk in chupa chu a lo nui chhuak deuh suk a...


" Nuih zangthlak a awm em ni?"


Ka lo tih leh hlak chuan..


" Awm lo e..."


A lo ti mai... A secret ken lai chu tan in a pak khu hlat hlat a...van lam chu hawi in thawk a la nghal ham ham bawk!



" Nichin khan I tap lak kha ka hmu a!"


Chupa chuan rawn ti deuh sup a...


" Oh!"


Ka lo ti ringawt! Sawi tur ka hre miau lo ani!

" Nang ang hmeichhe hmeltha leh nalh lutuk hi ,eng ang mipa sual lutuk in nge veltap ang che tih ka lo ngaihtuah a"


A sawi zawh rual chuan ka lo nui deuh hak a... A lam ah chuan ka hawi a..ani oawh a lo hawi ve bawk a... Kan in en a.. kan nui dun hak hak! Italian tawng hian eng thil emaw a sawi a..


" Ka hrethiam lo ani a!"


Ka lo tih deuh hlak chuan a nui leh suk a....


" anih chuan Italian chu I ni lo phawt a"


A ti deuh sup a...


" Pasal ka nei tawh ka tih kha!"


Ka lo toh leh mek lai chian...


" Chu chu thil pawimawh ber ani hlei nem!"


A lo ti ve vat a... a sawitum hi ka man in ka hria! Ka chhang tawh lem lo a.. ani erawh a tawng mawlh mawlh thung.. ka hming te chu min zawt a, nilo pui pui in ka lo chhang ve zel a... Fiam thu a duh reuh bak ah mi tih nuih a thiam hle a... Ka tum aiin pawn ah chuan ka awm rei bawk!



" Ka let tawh ange!"

Tiin ka thutna tang chuan ka tho chhuak tharh a


" Keipawh ka let dawn a lawm min lo nghak rawh, kan lut rual dawn nia!"

Tiin a rawn tho chhuak ve a,kei pawh chuan ka lo nghak ve ta ran a.. kan pahnih chuan kan in zui phei a... A chanchina sawi a sawi tak ah chuan Bianca u ani tih ka hre chhuak ta a... Chu mi ka hriat hnu ohei chuan ka nel ve ta hle a... Ka tawng ka tawng ve tawh... Sawi tawh ang in Bianca leh Emma hi Camila thian tha tak te an ni a.. an fel hle a.. ka chung ah an tha em em bawk... Chu vang a Bianca unaupa hi nel ve mai chauh ka ni!



Kawngkhar a kan luh hma chiah chuan kan thutna lam a Leo leh Elena inhnaih zet a an lo thu dun chu ka hmu a... Ka awm lo chu pawi an ti hmel teh chiam lo! Lut ta mai lo chuan ka ding ta reng a... An mahni ka en reng lai chuan Leo chu a rawn hawi thut a... Rang zet in Leo min hmuh theih loh na tur lam ah chuan ka tawlh sawn nghak vat a!




" I tha em?"


Ka kal pui pa khan min lo zawt vat a... Tawng ka a chhang lo in ka lo bu nghat nghat a.. mahse ka tha lo tih ka in hria!


" I duh chuan lo va lut rawh!"


Tih leh let ka rual a... Leo leh hmeichhe dang an awm tlang tur ang a ka ngaihtuah hian ka rilru a na takzet ani!step ah chuan ka oen thla nawk nawk a.... Ka thil rah chu pelh in ka tlu tep a...


" Fimkhur rawh!"


Tih pah in min oakhat hian min rawn chelh hman hlauh a... Bianca u bawk kha alo ni!

" I tha tak meuh maw?"



A tiih leh lai mek chuan Bianca u chu lei ah chuan a hlawm nghal nawk a... Kei ka lo te that! Kut rawn thlak tu awmna lam ka hawi nak chuan Leo chuan thinrim hmai sen hian min lo melh chhuk run a...


" He lai hmun ah hian washroom a awm em ni?"


A aw chu a ring hauh lo, mahse a hlauhawm takzet! Ka chil ka lem khawlh a.. chhan mai dan tur pawh ka hre lo...


" Leo !"


Ka ti deuh sap a...Leo hmel chu rapthlak tak ani!


" Hrep tak che hian!"



A ti deuh hluk a.... Ka ban ah vuan in Party na hmun hlat zawng chuan min kal sawn pui nghal hlawk hlawk anih chu! Rei lo te ah Leo car dahna kan thleng a... Car chu hawng in na zet in a chhung ah chuan min nawr lut nawk nawk a... Leo chet dan hi ka hrethiam lo.... Car a ka luh hnu chuan a rawn lut ve a.... Biak pawh min be tawh lo in chak fe hian a inkhalh chhuak nghal a... Leo thinrim chhan hi ka hrelo na in kei hi thinrim tur zawk ka ni in ka hria!



" Loe Eng thil...?"


Ka tih mek lai chuan la lam chu a rawn hawi a.... Leo hmel ka hmuh rual chuan ka lo ip chawih a...Ka tawng lai pawh ka tawp chat! A mit chu a sen vek a... A bek leh biang vel a thisen zam chu a pawng tawlh tawlh bawk a.... tawng tawh lo tur a min warning na ani tih ka hre thiam a.. ka tawng tawh lo chiang hle!


Leo chu rei fe a tlan hnu chuan motor chh a break ding tuarh a... A tlan chak lutuk bak ah a berk deuh thut bawk nen ka chal chu ka tauh ri bup a... A na phian leh nghal!Ka chal ka tuai vut vut lai chuan..


" Kha pa kha tu nge?"


Leo chuan a rawn ti deuh hluk a...


" Tu maw?"


Ka tih mek lai chuan


" Party lai a I lo tawm pui pa phiangsen kha ani a ka sawi chu!"


Ti deuh thawt in car steering chu a chum ri pawp a .... Car pawh a nghing lawih thei! Ka thin a phu dawt dawt a... Mahse tun ah hi chuan hlauh na vang a phu ani tih ka chiang... Leo chu ka lam a rawn hawi a ... A hmel chu a hma zawng aiin a hlauh awm .... Min melh reng vang chuan ka chil ka lo lem khawlh a.... Ka tha te chu a khur thei hial!



Ka chhan tak loh ah chuan Leo chuan a seat belt chu a phelh rawk rawk a... Ka lam ah rawn awn phei in car kawng khar leh ka thutna seat nghen chhan ah chuan a in nem khalh run a.... Tun ah tak chu chuan min pawh sawm vek duh hmel a pu!


" Leo kah!...."



Ka tih lai mek chuan


" Tenawm lutuk!"


Ti a a phun hluk ri chu ka hre pha a... Ka mit chhing in ka thaw chhuak ham ham a,


" Zonunsang!"


Fiah fai lutuk tak mai a ka hming a min koh chuan ka meng chhuak nghal kawk a.... Leo'n ka hming a min koh hian ka hming hi analh bik riau in ka hre thin... Leo mit ah chuan ka en a... Ani pawh in min en ve reng !



" Ka zawhna che kha chhang vat rawh! Kha pa kha tu nge?"


A ti leh thawt a.... Leo chu chhang duh lo lui in ka en kar a... Ka hlau takzet! Mahse.... Elena nen ka awm ve reng lai a an awm dan kha ka ngaihtuah chhuak a.... Kha ti khawp khan min ngaihsak lo a.... Eng vang a mipa dang bul a ka thut vang mai mai a thin rim nge anih ka hre lo bawk.. a thihrim na ai chuan ka thinrim na hi a awm zek fe!



Bialnu nei reng chung siin tih luih na in min nei a... Tih luihna in ka thianghlim na min lak sak a.... Ka pasal tak nilo mahse ka lo thlamuan oui ve em em a... Mahse kei hi ka à takzet ani! Kei ang hmeichhia ve teh lul hi Leo hian nawm chen nan bak min duh dawn lo tih hrethiam daih tawh tur ka ni.



Ka chung a kha tiang a athat na chhan khan min mutpui a duh vang ani tih hi eng vang a lo hrethiam ngai miah lo nge maw ka nih le? Ka thinrim na leh nat na a in sawm khawm ani ber a... Leo hi ka haw takzet! Elena khan a bul a a riah thu a sawi tak!Leo lak atang chuan ka mit ka la sawn a.... Ka nep takzet ani.



Ka mittui a tla mai dawn a ka hriat vang in car kawngkhar chu hawn tum in ka dap rak rak a... Vanneih thlak tak in ka hawng thei hlauh.. mahse Leo chuan na zet in car chu a rawn khar leh nghal a ....


" Eng thil nge maw I hriat le?"


A tih leh hluk rual chuan .


"Eng mah? Eng mah ka hre lo! Tunge ka nih? Chuan Tunge I nih? Engmah ka hre lo! Mahse maw ka hriat chian em em chu.... Nang hian min bum ani! Chuan min tina bawk.... Ka pasal tak I ni lo tih ka hria! Mahse ka lak a rinawm turin ka duh che... Huh! Kei hi ka à takzet ani.... "



" Thil dang sawi tum hlek suh... I lo awmpui pa kha tu nge a nih ka hre duh!"


A lo ti leh thawt a... Kan au ring dun thaw ngei mai.... Leo chu ka zah tit tet duh tawh bik lo a... A tul na pawh ka hre lo! Thin lung keh chhia a awm leh ai chuan min that law law zawk rawh se....


" Eng nge ka pa ka lo awmpui kha a pawi na .... Nang pawh Elena nen khan ka hmuh lai ngei in in in duat vel ani lawm ni? Ka chhuah hnu phei kha chuan nuam in tih em kha! Leo ka hmu vek! Elena I melh dan zawng zawng kha ka hmu vek! ..... Nang pawh jn ka hmuh lai in hmeichhe dang i ngaih sak a... Eng vang in nge ka theih loh bik ang.... Nang ni ang in ka awm ve lo tal a... I sal pawh ka lo ni maithei! Mahse kan inremsiam na ah khan mipa dang ka hmu thei lo ang tih lam a tello tlat a...."





" Ngawi hmak rawh!"...



A lo ti chhuak deuh hmuk a... A aw erawh a vin tawh lo.... Ka tawng lai tawp in ka mit ka chhing vang vang a.... Ka thaw chhuak ham ham bawk!

" Elena nen khan kan inkar ah engmah a awm lo!"


" Dawt sawi kher a ngai lo!"



Ka lo ti chhuak hlah a.. keipawh ka vin tawh lo!


" Kan inneih hma kha chuan a awm thin ngei a lawm!mahse sex chiah... Kan inneih hnu ah pawh hun rei lo te chhung kha chu..."


Leo chuan chung thil chu eng vang a min hrilh nge anih ka hre lo.... Mahse.. a thusawi maltin te chuan min deng dawt dawt tih lah a hre ve der sin lo..

" Sawi tawh suh!"

Tiin car atang chuan chhuah ka tum leh a... Mahse Leo chuan car chu a lock hmak!Leo chua rum chhuak hawk a... A chuan na seat chu ti tawlh in ka kawng ah chuan a rawn chelh a... Awlsam z et a min chawi kang in a mal chung ah chuan min thut tir a tum a... Ka lo tal ve nghal phat a... Mahse awm zia a awm vak lo.



A mal chung ah chuan min thut tir ta nge nge a.. ka tlawm bik lutuk chu ka tah a chhuak.... Ka biang chu a rawn lum thla pap a... Ka insut nghal hraih! Leo chuan ka bek tawn tawn ah daqm in a mah en thei tur chuan min siam rem a... Mahse ka en duh lo...

" Min en rawh!"


Leo chuan a ti deuh hluk a.... Ka hawj chhuak mai lo!


" Zonun min en teh!"


Thupe aw zet a a tih leh tak ah chuan ka en ta hram a... Leo chu a thaw chhuak hawk a...


" Tu hnen ah mah ka la insawifiah ngai lo! Mahse hei hi hre rawh! Kan pahnih a sex kan hman hnu ah tu hmeichhia mah ka khawih leh tawh lo!"


Leo thusawi chu awih tur nge awih loh tur ka hrethiam lo....


"Mahse I duh a lawm!"


Vui hmui pu lek lek chuan ka lo ti a ....ka rin loh deuh in Leo chu a nui chhuak hawk!


"Ka duh zawk che!"




" Dawt sawi kher a ngai lo"



Ka lo ti leh a.... Leo hian min duh lo tih ka hria...

Lo kal teh!"


Ti deuh hluk in a awm ah chuan min kuah bei a... Ka hnung , ka kawr hak in a khuh phak loh ruak kang mai ah chuan a chul hauh hauh a...



" I thik a dik em?"


A tih chuan...


" Aih!"


Ka lo ti vat a.. a taksa chu a rawn nghing dat a.... A nui tih ka hrethei!


"Tun chin ah chuan Keimah chiah min ngaihtuah turin ka duh che! He I lu te reuh te chhung ah hian.. kei lo mipa dang I ngaihtiah tur ani lo"

A ti deuh hluk a,ka chhip ah chuan a fawp lum nghal vang vang a.Ka thla a muang hluah hluah... Mahse thil thleng thei ka ngaihtuah a ,ka rilru a la nuam thei chuang hauh lo.






To be con...........




Dah leh vat duh zawng chuan comments tur aw... Adds clik nen khan aw .....

https://chat.whatsapp.com/JsYT93BYvpSGrYzsv5SgFJ

WhatsApp group a awm duh tan.... 👆👆👆👆👆👆👆👆



Link:
BBcode:
HTML:
Hide post links
Show post links

Zaikawii Budelh
Posts: 170
Joined: October 22nd, 2021, 7:23 am

Unread post by Zaikawii Budelh » August 18th, 2022, 11:01 pm

Zawmna



( Ka chawl leh reng sia.... In comments leh Group ah pawh ka lut ngam.lo... min ngaidam hram ru aw...... Lehkha zir pah chuan Story mood a chen a har mai bak ah hun a awm lo lutuk a.... Kartawp lam ah chuan regu hram ka lo tum ng aw.... )









Elena bawk ka ngaihtuahna ah a rawn lang a.... Party kan thlen tir atang a Leo'n a melh dan zawng zawng te leh min ngaihsak loh dan te ka ngaihtuah chhuak a... Tiang hmeichhia hi ka ni ngai lo....... Eng nge maw ka hriat a tia ka awm takt le? Ka tum loh lutuk in ka biang ah a rawn lum thla pap a.... Chu chu duh lo in Leo awm ah chuan ka hmai ka nawr tawk a... Mahse dan rual loh in a rawn luang leh tho....Leo kawng ah chuan nghet zet in ka kuah a... He mihring hi ka duh takzet ani!



" Zonun!"


A ti deuh hluk a.... Ka hmel en tum niawm tak in ka dar ah a rawn chelh a min nawr hlat a tum rual chuan a kawng ah nghet zet in ka lo kuah bet tlat a.... Leo chu a phun deuh hluk...



" I tap em ni?"


Ti a min zawh chuan


" Aih!"

Rang fe hian ka lo ti a.. mahse ka aw ah chuan thup theih ani lo...


" Zonun ..!"

Ti deuh sup in ka dar ah bawk chuan a rawn chelh leh a... Min nawr hlat rual chuan hnuai lam ka melh nghal daih a.... Leo erawh in min en reng tih ka hria! Ka tap tih a hmuh rual chuan


" Tinge?"

A ti deuh hluk a... A aw a mak tihna chu ka hriat sual anih ka ring hial! Chhang lo in ka ngawi reng a.. ka tah rik loh nan ka hmui ka pet fan fan... Leo te ang mipa ka duh ta mai hi ka inhaw takzet! Vawikhat ka na tawh a... Nat nawn leh hi ka hlau em ani...

" Min en teh!"


A ti deuh hluk a... Ka lu ka lo thing ringawt!


" Come on!!"


Ti deuh hluk in , a kut phah hlai zet mai chuan ka biang chu a rawn dawm a... A lum nghal vang vang thei!


" Min en rawh le!"

Dam deuh thlup a a rawn tih leh tak ah chuan thu awih deuh in Leo chu ka en a... Leo mitmeng a ka hmuh ngai loh ka hmuh chu eng thil nge anih ka hrethiam lo takzet... Leo'n ka hmel a hmuh rual chuan a thaw chhuak deuh hawk a........ A lam ah min pawt hnai dawrh in Ka biang leh lam ah chuan a rawn dawm leh a....



"Hreptak hian!"


Ti deuh hluk in ka hmui ah chuan a rawn fawp vang vang a.... Ka lung phu pawh a rang leh dawt dawt tawh hle.... Leo chuan muang fan raih hian min fawp a .. mahse a duh thaw hle thung ... Tisa thil tak a min fawp a ang lo riau in ka hria a... Tum dang a min fawh dan leh tun a min fawh dan hi a inang miau lo ani.


Leo chuan a duh thaw telh telh a... Mahse ka biang a dawmna kut chu a la sawn hauh lo thung.... Chhan let beisei zet a min fawh tak ngawng ngawng ah chuan ka chhang let ta nge nge a.... Kei hi hmeichhe nep tak ka ni......Duh thaw zet a kan in fawh lai chuan Leo phone chu a rawn ri a...Leo lak atang chuan In lak hran ka tum a.. a lo rum deuh nghut!



Leo chuan min fawh zawm reng a.. a kut pawh a dah mai mai tawh lo bawk!
A vawi thum nan Leo phone chu a rawn ri leh a.... Leo chu a rum deuh nghut! Min fawh na tang chuan a in la hrang hlek a... min kuah na erawh a ti nghet sauh thung!Phun deuh hluk in a kekawr atang chun a phone chu a la chhuak a... Ka tum loh lutuk in phone screen a Elena hming inziak chu k hmu a.... Rang zet in ka in la hrang nghal vat!


A mal chung atang chuan chhuk ka tum a .... Mahse Leo chuan ka khel ah chuan a lo dawm vat a.... Min chelh ngheh em vang in a mal chu g atang pawh chuan ka chhuk thei ta lo.
Ka mit a en reng chung chuan call chu a chhang a...


" Aw Elena!"


A tih rual chuan ka hawi sawn daih! Mahse Leo chuan min la en reng tih ka hria.


" Eng tin a?"


Leo chuan a ti deuh hluk a.....


" Ka hria e...!"


Ti deuh hluk in call chu a ti tawp nghal a...


" Hreptak hian!"


Tih leh hluk pah in a phone chu a car hma ah chuan a theh phei a....


" Kan let vat a ngai!"


Leo chuan a ti deuh hluk a... Chhan pawh ka chhan hma hma in


" Ka thlah hmasa ang che!"


A ti leh nghal zat a... Eng tin mah ka chhang lo.... Leo mal chung atang chuan chhuk ka tum a... Mahse Leo chuan min la vuan bet reng tho...


" hreptak hian .."



A ti deuh hluk a.... Ui hmel zet in ka khel a adawm na chu a thlah ta hram a... A awm dan chuan min ti hrilh hai let ling!Ka thutna a ka thut thlak leh lai chun car chu a lo ti nung hlat hlat a.... Ka thu fel ta maw tih ah chuan chak fe hian a in khalh chhuak nghal a... Leo chuan eng mah a sawi tawh lo.




A ngawi ngul a... Biak pawh ka tum chuang lo... Rei vak lo kan tlan hnu ah in kn thleng a...... Leo rawn call tu kha Elena anih vang nge ka awm a nuam lo takzet! Mahse engmah ka zawt chuang lo
....


" Ka theih ang a hma a rawn let ka tum ang!"


Car atang a ka chhuah hma chuan Leo chuan a ti deuh hluk a.... Ka lo bu nghat ringawt. Car atang chuan ka chhuak a.... Leo tlan liam thlir tum chuan ka ding ran a... Mahse ka rin loh lutuk in Leo chu car atang chuan a rawn chhuak vut a... Mak ti deuh a ka lo en lai chuan min rawn pan hnai in ka hmui ah chuan a rawn fawp ringawt anih chu.



Leo chuan a kut pahnih chuan ka bek tawh tawn ah a dawm a.... Min fawhna chu a duh thaw kher mai!


" Eng pawh thleng se .. ka veng him ang che!"



A in lak hran rual chuan a ti deuh sup a.. ka hnar chu a piai zeuh bawk....



" kal tawh rawh!"


Ka sawi zawh raul chuan ka hmui ah bawk min fawp leh a...mahse a rei tawh lo thung.... Leo chuan lut hmasa tur a min tih vang in ka lut hmasa a.... Inchhung a ka luh rual chuan chak zet in a inkhalh chhuak ri ka hre zawm ve nghal zat a...a awm ta lo tih ka hriat na chuan min ti hnual hle!



Thaw halh in ka hawi kual a...Inchhung chu a lo reh thiap tawh ...A zau bawk nen ka hlau lek lek! Elivator ah chuan keimah in ka chuang a...... Leo chetdan hi ka hrethiam thei lo.... Engvang a min thlahlel tak ang a awm fo nge maw anih ang le? Min duh chu ka ring chiah si lo! Elena ka ngaihtuahna ah a rawn lang thut a.... ka ni nghal nghulh thei in ka hria.




Leo rawn be tu kha a mah ani tih ka hria a....chuvang a rilru nuam lo em em pawh ka ni bawk... Party na a Elena thusawi kha ka hre chhuak a.... Leo hman hmawh em wm chhan kha eng thil vang nge ni ang?.Thawk ka la halh a....Leo hi engtik atang khan nge ka duh ka hre lo! Mahse a lo thleng ve tawp! Duh hi ka tum bik miah lo... Theih ni se ... Duh loh hi ka duh .. mahse... Chu chu ka thu neih na piah lam thil ani si!




Khum ah chuan ka bawk thla thlawp a.... Tih fai pawh ka in ti fai peih lo.... Leo leh Elena hlir ka ngaihtuah a.. party na a Elena thusawi kha ka hre chhuak nghal zat bawk nen ka thah a chhuak tet tet! Bing zet in thil ka ngaih tuah a... Leo midang ta ani mai tur ang a ka ngaihtuah hian ka na takzet!Mahse.. zan in a a chet dan te ka ngaihtuah a... Ka hlimna leh Rilru hah na hi a inzat chiah ani ber!




Ka mit chu ka meng chhuak hlawl a... Ni a lo chhuak uarh tawh! Thawh chhuah mai ka tum a... Rang deuh a min rawn kuah tu vang chuan ka te deuh that a...


" Awm.mai mai teh ka chau a ni a"


Leo aw ka hriat tak ah chuan ka khawng nghal awt...


" Leo!"


Ka ti deuh hluai a....


" Umm!"


Ti deuh dut in a lam ah chuan min kuah hnaih nghal sawk sawk a... A ban lian tha zet chu min kham tir in ka nghawng ah chuan hmai a rawn phum a... A thaw lum nghal ham ham bawk!


" Ti nge hetah I awm?"


Ka ti deuh ha a.. Leo chuan phun deuh hluk in min rawn en zawk a.... Keipawh in ka lo en ve reng. .. a mit meng ah chuan a chau hle ang tih ka ring thiam mai a .. Ka lo rin dan chuan nizan khan Elena bul ah a kal ka lo ring a... mahse... tun ah ka bul ah a lo awm leh reng si!tiang a a awm chhan hi eng vang nge ni ang ka hre chak tak zet... Ka tan beisei theih tur a a awm reng anih chuan kei hian Leo hi ka thlah theih tawh loh ka hlau ani.



" Hetah ka awm thei lo em ni?"


Ka mit a min la en reng chung chuan a ti deuh hluk a...Min en chik bawk nen ka dang a awk nghak ringawt!


" Chu tiang pawh ani chiah lo... Ih.......ka lo rin dan chuan Elena bul ah I... Ka sawi tum chuh ....!"


Bah zet a Ka ti mek lai pawh chuan ka mit ah tak min la en reng a... Min en tlang vek thei hial in ka ring!!! Sawi zawm tawh lo in ka thaw chhuak deuh halh a... Leo erawh in min la wn ngun hle... Ka tih ngaihna hre lo chuan


" Kan inti fai hmasa ange!"

Tih leh thawh tum k rual a... Mahse Leo chuan min lo dang vat... Ka chung ah chuan awlsam zet in a rawn in nem khalh a... Kawr engmah a ha lo bawk nen a taksa chu ka hmu chiang kher mai! Ka mit a min en run run hnu ah...


" Tinge Elena bul a ka awm chu I rin ?"


A ti deuh hluk a... A hmel ah chuan a lungawi zan lo tih ka hria...mahse...


" A chhan chu I bial nu a ni lawm ni?... ."


" Aih!"


A lo ti chhuam deuh hmuk a... Nizan party na a thil thleng te ka mitthla ah a rawn lang a...Elena a melh dan zawng zawng te kha ka mit in ka hmu ve vek a... Kei melh khat pawh a min melh loh laiin Elena thusawi ho te te ah a nuih pui a.... Kei ve chu.. melh khat pawh min melh lo anih kha..


" Leo khawngaih in!"



Ka ti deuh halh a.... Ka thinrim na leh nat na hi ka thup hram hram ani... Khum atang a thawh tum chuan ka bei leh a... Leo awm ah chuan ka theih ang a na in ka nem bawk a... Mahse Leo chu ka ti buai pah chuang lo.. ka tal vel chiam chiam chu hmuh nawm thlir tak hian min lo thlir a ... Ka tah a chhuak hlur tawh....



" Ka duh che ni in ka hria!"


Leo thu sawi vang chuan ka che chu ka chawl dat a.. phawk zet in ka en bawk!


" Dawt!"



Ka lo tih deuh hlak chuan ..Leo chu a phun deuh hluk a..Ka hmai bul chet ah a rawn kun hnaim nghal zat a... Chil ka lo lem khawlh!


"Eng thil ....!"



Ka ti deuh sap a.... Ka aw pawh a lawi vek thei! Leo hian min duh thu a sawi anih chu! Thil theih pawh va ni nghal lo chuan...


" Nang hian I hre daih tawh tur ah ka ngai a!"


A ti deuh hluk a... ka mit a min en na vang chuan ka zam lek lek!


" Aih .. ka... Ka hre lo... Ka sawi awm zia chu ka ... Ih nang chuan Elena I duh tur ah ka ngai a...!"

Ka ti bah deuh nawk nawk a... Leo lo nui suk ka hmuh chuan mak ka ti takzet! Hnai zet ah min rawn en in...


" Ka duh zawk che!"


A ti deuh sup a.... Ka zam chhe leh tan der tawh!Leo hi awih tur ani leh nih lo ka hre lo a..mahse ka thinlung erawh a hlim veng veng thung si!


" Daw heh!"


Ka ti deuh hlak a... Leo chuan mit zim deuh sun hian min en a....


" Nizan a Elena i melh dan kha ka hmu vek a lawm.... Party na a kan thlen tirh a tang Kei chu min ngaih ven tawh miah loh kha.... Elena I buaipui char char a... Ka chhuah hlan te pawn nuam In lo tih em kha! Elena awm lai phei chuan Vawikhat mah min melh lo... Kei chu hun mawi ka ni ringawt!"



Ka rilru kap ber tu chu ka sawi chhuak ta nge nge a... Ka aw ah chuan lungawi lohna bak ah pangchan na a lang tel bawk!

"Hreptak hian! Elena chu theihnghilh rawh... Ka mit ah chuan hmeichhe awm chhun I ni.... I awih lo tih ka hria
.... kei ai a mak ti hi an awm bik lo ang... Tu hmeichhia mah ka duh thu ka la hrilh ngai lo...."


Thu tak zet in Leo chuan a ti a... a thil sawi chu a inhmeh lo ka ti takzet!A mit meng leh a hmel ah dawt sawi hmel ka hmu lo a... Chuan Leo thil sawi hi ka thinlung hian dawt ani lo tih min hrilh bawk, mahse...ka chiang ngam chiah bik si lo!



"Nizan a khawih lo tur che a ka insum nasat zia kha hria la kha thu kha I sawi hauh lo ang...."

Leo thil sawi mawlh mawlh lai chuan a hmui ah chuan ka han fawp vang vang a... Ka thil tih chu a bseisei loh lam thil tak ani nge min chhang let nachang pawh hre lo in a dawh tawp! Keipawh hian tiang a ka ti mai chu mak ka in ti takzet ..mahse... Leo hian dawt a sawi lo tih ka hre tlat miau ani.Leo hmui ah chuan ka fawp vang vang a... Ka biang rawn lum pap ah chuan ka mittui a tla tih ka hre thei a.. mahse tun tum chu hlimna mittui ani thung.








End of chapter 14







( KA CHAWL LEH TA... KA DUH VANG NI BIK MIAH LO A NI A... STORY MOKD A KA CHEN THEIH LOH VANG ZAWK ANI E... LEHKHA ZIR A LO NGAI VE BAWK NEN KARTAWP LAM CHU REGU TUR AH IN NGAI NG AW... TUN CHAPTER HI CHU NGAIHNAWM TI LO MAH ULA KA DEM LO CHE U)




LIKE COMMENTS ADD CLICK AW....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)