VOHBIK Chapter 17

Episode kal lai dah luhna

Moderator: writers

Euricka
Posts: 183
Joined: July 23rd, 2022, 12:23 am

VOHBIK Chapter 17

Unread post by Euricka » August 17th, 2022, 6:51 pm

VOHBIK


Chapter 17:



Duhawma Pov:



Ka in zaina pawh dam lam a pan ve zel e.Nimin nilêngin Rinsangi hmel hmuh in beiseiin ka nghâk reng a,mahse a rawn lang miah lo.



Ni tak,a ke kha ala dam chiang silova a tan chuan rawn kal reng pawh a harsa ang.



Ka ngaihtuahnaa a awm ta reng hi mak ka ti.Ka ngai ani,a aw hriat leh ka chak a,ka biak ngun lutuk chuan min chhang kham ka hlau bawk nen.In sum ava har ṭhîn em.


"Mam,exam a hnai tawh sia,naktuk hian chhuk ka tum mai asin,in lo buai angem?"Duhzuala'n chaw min rawn pe pah in a ti a.


"Nautei a awm alâwm,kan buai lovang"tiin kalo chhang mai.Exam a hnaih tawh chuan chhuk vat zawk sela a ṭha ang.Hetah chuan buaina neuh2 kan tawk reng bawk si nen,a zir ṭhat theih ka ring lo.


"Dam phawt la chu ka duh mawle,mahse exam a hnai tawh bawk sia.Nautei kuta dah rikngawt che chu ngaih a ngam zân lo.Nizan pawh Zopuii'n a riah pui a"tiin,chhûngkuaah a pawimawh ve ani tih a in hrethiam ve tawh a.Tun hnai kan hun tawn hian a chher puitling ve deuh bawk a,a nau pawh a ngaihsak ve ta khawp mai.


"Dam ang ka ni tawh mai,awm rei ka ngai tawh nang"kalo ti ve mai.A phone a ri a,chhang turin min chhuah san leh a.


U Maremi a rawn kal a,ka dam loh chhung hian min ngaih sak bawk a,thla a ti muang ve ṭhin.


"Chhuanawmi hi a va rawn lang har ve?"a rawn ti nghal.Ka u hi chu khaw hrana pasal nei ani bawk a,a ṭûl fê ah lo chuan koh mai2 ka duh lo.Tun ka nu boral pawh khan a fanu nau neih lai lo ni bawk nen an rawn kal ve thei lo kha ania.Ka pa boruak in a nang leh bawk nen,ka chanchin hrilh leh zêl chu a tuar zawh ka ring lo ani.



Ka bp a check zo a,harsatna ka la neih leh neih loh te min zâwt ve bawk a.Engmah harsatna ka neih loh thu leh ka chhuah theih hun te kalo zawt ve luam bawk.



A sawi dan aṭang chuan ka awm rei em2 tawh lo turah ngai ang.Chaw eikham damdawi ei tur te ka ei hnu ah Inspector Ngura leh Marema te an rawn lang veleh a.



Inspector Ngura hmel ngui lutuk chuan ngaih a ti ṭha lo.Zawhna mitmeng nen ka lo en a,"drugs dealers te kha kan pu ten chhuah turin thu an chhuah a,tukin khan an chhuak"a rawn ti ta mai.




Kan misuala chuan thu ava nei deuh ve.Pu te thleng2 a a lo thunun vek theih chuan kan beih tur hi ngaihnêp chi ani hauh lovang.



"Pu ten chutianga an tih chuan,kan sazu hian a bu pui a luah anih hmel.Kan S.P leh bawk ami,thu chhuah tu?"tiin ka zâwt leh a."Aw S.P bawk ni leh e,an tham lungawi ani maithei ani"Marema'n alo ti zawm zat.




"D.S.P bulah complaint kan theh lût dawn ani,thil awmzia kan sawi chiang bawk ang"tiin ka lo hnem.




Mizoramah pawh sumdâwng lian tak2 te thuhnuaia awm kan lo van tam ta em.Kan nihna,sum in a lei mai2 theih te kan awm a.Kai sang vat ila ka duh khawp mai.Heng mi dawih zêp ho thurualpui zawng2 te hi phing darh vek a chak awm tawh.


Ngura te pahnih an awm tho tiin Duhzuala pawh insiam tûrin ka tur haw a.Rinsangi ṭhiannu pawhin a khat tawkin min rawn tlawh ve reng bawk a.


Ka awmna ward ah lah hian kum upa lam aiin naupang lam an tam zawk a.Civil ani bawk a,khum ruak a awm hman mang meuh lo.


Awm mai2 aiah tiin Marema chu nihawi chi leh lollipop ka lei tir leh ta ringawt a.Engmah ti lova awm mai2 chuan kâ hlei alo awl anih dawn hi.Lollipop pawh ka hmuam hnem tawh e.

_______________________________________

Rinsangi Pov:


Ka nu School a kal tawh bawk a,in ah keimah in ka awm.A khawhar thlâk duh viau mai.Fakzuheha leh Nu Hruaii te an rawn leng lût a.Hmingsanga chu a hna a chawl rei tawh bawk nen,vawiin aṭang a zawm leh dawn ani awm e.



Nu Hruaii mit sen râm chu ka lo hmu fuh leh a.Nu Marini chungchang vang ani ngei ang.



"Sangte,Marini chu i hmu tak2 em ni?"Nu Hruaii chuan a rawn ti."Aw hmu e"kalo ti ve mai.



"Faka hian min hrilh a,thudik anih chuan case file ngei chu ka duh ani"a ti leh a.Rin aiin a harsa dâwn lo anih hmel.



"Rem i tih chuan bawh zui vat ila ka lo tia,Nu Marini thlarau pawh a zahawm tawh"tiin ka sawi zawm leh.


"Ni e,Nu Hruai,kan ṭhiannu hian a hmu tak2 ania.Pa Hmuaktea thla te pawh kha a hmu a,amah vang hian alawm,a thattute pawh an man"Fakzuheha'n alo ti leh zung2 mai.Ava ṭullo ṭhîn tak.


"Anih chuan,Sangte i ho in kal ila.Rinliana chu man vat rawh se.Nupui ka nei e ati leh ghal a,a fate ati khawngaihthlak lutuk"ati zawm leh zat.


Station a kal tûr chuan ka in siam sawk2 a.Kan kal hma chuan Doma ka call a,kan thil tih tur hi mita hmu tu kan awm bawk silo nen,tlema Police thiltihtheihna kan hman ṭangkai te pawh angai ve ang.



Doma chuan a nau te a hrilh nghal tur thu min hrilh a.Keimah chauha Pa Rinliana hmu lo tur in min chah bawk.Call kan ti tawp a,ava mak tak,a ṭha nge ṭha lo ka zawt leh ta lo.



Station lam pan chuan kan in zui chhuak ta a.Inspector Rina zawng tura min tih avângin, duty ho chu kan zawt kual a.a awmna min lo kawhhmuh a,ka rin loh deuh hmel alo pu leh nghal.



Doma'n alo hrilh thawi tawh bawk a,F.I.R kan theh lût fel ta e.Thlamuang takin kan haw a,Nu Hruaiin min pen san a.Fakzuheha nen kan in lamah kan in zui leh.




Kawng tluan chuan Nu Marini chungchang kan sawi lo leh a,Pathian thu nen kan sawi dun mawlh2 a.Kan ti ti a tui bawk aniang,in kan thleng der mai.



Thingpui te kan in leh a,a chang leh min ṭawngṭai thul.Vawiin pawh a luangliam leh tawh khawp mai.



"E i awm lai hian ka bathroom kawngka saw min siam ṭhat sak la"ka ti chhuak hluai. A kalhna a hmaa Hmingsanga tih chhiat kha kan la siam ṭha lova,hruiin ka siam chawp tawp kha ania.


"Ti lo duh suh"alo ti liam leh puat mai."Rawn kal ve kher duh suh"atih vang chuan ka luh pui ve kher ta lova.Sitting room ah tlai chawhmeh tur chana kawr kheh pahin kalo nghâk.



Ka room chhung aṭang chuan thawm ri bur a rawn chhuak a.Chu veleh "Siali,Lal Sial,min rawn pui vat teh"Fakzuheha a rawn ṭe ring ngang mai.



Ka tiang nên ka in hawl phei a,bathroom kawngka lo in hawng huau ah chuan ka dâk lut a.A chhuat alo nal aniang,zangthal in alo tlu thal nuai a.Ka nuih a za bawk si,ka nuih chuan a thinrim ka hlau nen,in sum ṭeuh chungin "ana em"ka ti ṭâwk a.



"Tukhum vaw dawt khawpin ka tlu a,a nat loh i ring ami.Min rawn kai tho vat rawh ka che thei lo ania"alo ti hluk2 mai.Nui tut tut chung chuan ka ban ṭha lam in ka kai a.A rawn tho tur chu chhuat alo nal bawk si,ka ban tha alo la chak ṭha lo bawk nen a taksa delh chuan ka tlu veleh.



"Ava na double ve"a ti zawi sup."Awm sawn ta che,zung kaih ang maia i rawn bei thlap le,min hmu chhawrthla viau zel suh"a rawn ti ṭhawt a.



Kei lah lo che thei tawh bawk silo nen"ka che thei hleinem"ka ti ve hlar."Oh no,ava buaithlak em"tiin hnuai lam aṭang chuan min nem a,"hei raw Kalvari tha hrui zawng2 nen"tiin a tha khur dar2 chung chuan min nem kang,keipawh ka ban ṭha lam chuan theihtâwpin kalo in nem khalh ve bawk a.Ka tho thei ta hrâm e.



Bathroom chhuatah chuan ka ṭhu vang2 a,"kei ve hi"a rawn ti leh.Ni tak,a tho thei lo tih ka theihnghilh daih.Ka tiang chu ka pawh tîr a,ka kut a ka pawh leh chuan kan tluk leh mai ka hlau ani.A rawn in pawt tho ve thei hram a.A tukhum leh a mawng a nuai tawn sek mai,a sawh na ve viau ang.



Kawngka chu a siam chhunzawm leh a.A tawlh thluknaah a thawmhnaw a huh nuai bawk sia.Ka thawmhnaw ka hâk tir ta ringawt.



A in en vang2 a,"ka rilru ana"a ti ta thlawt.A palian bawk sia ka thawmhnaw zînga lian ve ber Hello Kitty suit a pink leh nghal chiah a hak theih a awm bawk nen, thlan tur dang a nei lo.A lungawi lo viau ang le.



A kawng a dawm leh vang2 a,"ka kawng hi a tliak in ka hria"a ti ban charh a.A herh ani maithei ani.



"Ka nu alo thleng ṭep tawh ang,i hmeh tir dâwn ania"tiin room aṭang kan chhuak a.Ka room kawngka bulah ka nu alo ding reng chu niin,alo meng rum em2 leh nghal.



"Engnge in tih?"a ti fiak ṭhak a."Bathroom kawngka kan siam ṭha a"Fakzuheha'n alo ti mai."In ṭawng kha ka hre pha alawm,kawr in thlak bawka.Hmeichhia leh mipa,in pahnih chauhin in awma chupawh room ah lehnghal"ati bak hlar mai.




A thusawi awmzia kan man lo lutuk chu kan in en hâ mai."Lawk in,ka nu beautiful
thil hriat sual i nei a ang,Siali nen hian kan in chuk tuah emaw iti anih hmel.No way hi ani tawp.Bathroom kawngka ka siam sak a,a chhuat alo nal bawk nen,ka fly high palh alawm mawle,ka kawr a huh vek a,hei princess kawr min hak tir hi"tiin a hrilhfiah mawlh2.



"Pawn lam aṭang chuan rinhlelh in awl alawm"ka nu'n alo ti leh."Oh my God,i fate hi min ringhlel duh suh.I rinna kha Kalvari lamah lên phei leh tawh rawh"tiin a kawng dawm chungin sitting room lam a pan phei a.



"Khawi maw i kawng i ti na em ni?"tiin ka nu'n a zui phei bawk.Ka nu'n a hmeh sak mawlh2 a,a tlai tawh bawk nen chaw a ei ve nghal.



Ṭingṭangi leh Hmingsanga te an rawn thleng ve tawh bawk a.Doma chanchin te ka lo zawt luam a,a zia chho zel ani awm e.



Ka nu erawh room ah a inkhung a,kan ṭhian ho kan awm khâwm tawh chuan in thiar fihlim a tum mai zel.Kan thu sawi a ho ati ṭhîn te pawh ani mahna.



Nu Marini case chungchang te sawiin kan ti ti ho a.Zan a rei hma in an ṭin ta diaka,ka ṭhiani pawh nizân boruakin ala ṭham aniang,riah lam a sawi lang duh tawh lo.


Mut tumin room ka pan a,ka nu a rawn râk ṭhat mai.Tiang hawl chung chuan hmanhmawh takin ka pan a.A room chhung ka lut chu,sazu thi uih rim alo nam huam mai.



A khumah a awm bawk si lo,ko pahin bathroom ka hawng a.Bathroom chhuatah a en ngai enin alo ṭhu ngawi reng.



"Nu,i ṭha em?"tiin ka sawi pah nawk2 a.Bathroom aṭanga ka hruai chhuah pawh chuan ala ngawi reng.



Tui te in tîr in,a room a rim chhiat êm avâng chuan ka room lamah ka hruai phei a.A hmai te chu wipes in ka hruk sak a,a pang a sât deuh avâng chuan nachhâwkna pe in ka mut tîr.


Engmah sawi lovin a muhil leh tawpa,ka ngaih a ti ṭha lo tak zet.Engngemaw hmuh a neih ringin,a room ah ka lut phei leh a.

A rim chhe lutuk chuan lu a ti na zo.Ka hawi kual a,tumah ka hmu bawk silo.A bathroom te ka check nawn leh ṭhin,engmah hmuh tur awm bawk silo chu.A tawp nan tiin a khum hnuai ka keu a.Kha nula bawk khan ka nu khum hnuaiah chuan bawk rûn chungin sazu a seh bung ṭhuai2 mai.


A kut leh a awm ah te chuan thi a kai nuai a,a hmui leh a biang vel a berh phung bawk.


Ka nu khum bula Bible chu keu in,ka chhiar khum a.Ṭawngtaina te neiin hnehna ka puan khum bawk.A rawn au chiam2 a,khum a rawn che dawt2 bawk.


Duhtawk tûrin mi pakhat aw mai nilo,aw hrang2 chuan min ngên ta a.Duhtawk ta mai lo chuan,Thlarau sual zawng2 chhuak tûrin hnehna ka puan khum mawlh2 mai.


Ka duhtawk hnu chuan thawm a reh ta hmak a.Ka nu room chhung rim chhe lutuk pawh a zia leh ta.


Ka nu khum ka siam ṭha mawlh2 a,a khum hnuai a sazu thi pawh ka thian fai.Kawngka bulah kha nula bawk khan lungngai hmêl pu chungin min en a.



Hmel pangngai a pu tawh a,a hma ai chuan hmuh a nuam ta deuh e."Puih che ka duh alawm,ka theih tawp ka chhuah ang.Mahse rei lo tê min lo nghak lawk la,kan case buaipui lai hi a zawh hunah ka pui dâwn che ania"tiin a ṭawng hma chuan kalo tih khalh a."U Sangte ka lawm e"tiin min chhuah san.



Boruak a dai ta bawk a,ka nu room light off in ka room lamah pheiin ka nu kuah chungin ka muhil ve a.



Kawngka kik thawmin min ti harh a.Ka tho chhuak a,ka nu ka bulah alo mu tawh lo.Dar zât ka en vat a,zîng lam dar 7 alo ri fel der tawh.Kawngka a in kik leh tâk avâng chuan hawng tûrin room ka chhuah san a.



Ka nu a awm mai dâwn emaw ka tia,chokaah pawh a awm miah lo.Kawngka an rawn kik leh takah chuan ka hawn sak a.Tunge pawh ka hriat loh nutling pakhat alo nia.Eng ka sawi hma hauhin,"nang hian ka pasal dawt in i puh amaw"tiin ka samah min kek nghal a.Ka bang bo lutuk chuan in dan pawh in dang lovin a mi khawih ang2 chuan kalo dawh mawl tawp.



"Zami ava mak bawrh2 ve,ka fanu hi i duh2a i rawn khawih tûr ani hleinem"tiin ka nu'n a rawn ṭhelh ve bawk a.Min thlah dawn emaw tih tawh laiin,a kut lehlam chuan ka nu sam a kek veleh nghal.


Ka nu lah lo ṭe ring bawk,kawmchhak nu ṭe ring bawk nen kan thâwmah kawmthlang pa pawh a rawn chho ve a.Min rawn ṭhelh takah chuan tlemin kan thawm pawh a zia ta deuh e.


Pa Rolênga'n kawmchhak nu chu thil awmzia a zawt a.Dawt sawiin,an pa tualthattu a puh ang chuan min la sawi char2.


"In hlim rei bik lovang"tiin a kut zungchalin min kâwk sawk2 a.Ka nu'n chhan lêt ve a tum chuan kalo dang vat.A thinrim so sang si a,eng thu pawh sawi ila a ti pun lûn zual mai2 dawna ka hriat vang chuan ngawih chuh a ṭhat ringin ka ngawi ta reng ringawt.


Pa Rolênga'n kan boruak sang lutuk vaw daiin.Pa Rinliana ka aṭanga thudik a chhuah mai tur thu te a sawi ve bawk a.Ala lungawi thei chuang lo aniang,"I thiltih hi ka hre reng tawh ang,lo ngawi tak rawh,ka'n pa a rawn let hunah a chhuah hauh lovang che"ti hlak2 chungin min chhuah san.


Room a ka phone dah a rawn ri a,la tûrin ka lut vat.Doma alo nia,ka lak rual chuan,"Lo fîmkhur ang che,in kawmchhak pa a tlân bo a.Ka nau ten an zawng mek"a rawn ti nghal a.Hlauhna in min zêm buai leh tawh.A sawi leh danah chuan tukin ah man turin an in ah an kal a,alo tlân bo daih ani awm e.A tlân bo chuan rin hlelh a kai zual dâwn a,man hunah thubuai a ngah phah dawn anih hmel.


"Lo mangang miah lo la,an zawng chhuak vat mai ang.Nangmah chauhin awm lo la,an man hma chu zânah pawh nangmahin chhuak suh"ati leh zung2 a.


"I ṭha em?"ka lo ti daih.A ngawi vang2 a,"Ka ngai che"a ti thawp sup.Ka ngawih tak reng avâng chuan "Sangte"a rawn ti leh a,"Mm"kalo ti zawi sap."Lo in enkawl ṭha rawh aw"tiin phone a dah a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)