Lalruatfela 2

Episode kal lai dah luhna

Moderator: writers

Zualy juneblies
Posts: 84
Joined: April 3rd, 2022, 8:46 pm

Lalruatfela 2

Unread post by Zualy juneblies » August 17th, 2022, 7:57 pm

Chapter 2






Zing ah chuan keimah ang lo tak in dar 8 Rik hma in ka tho a,inhnuai lam ah ka chhuk nghal vat,mahni in tih fai hi chu ka peih vak lo mawle,chhiat loh na chhan tur te hi ka nei ve der si lo a.








“E...in nula chu ava tho tlai ve!" Inhnuai a ka chhuk chuan putar pakhat hi alo leng a,putar smart tak anih khu,mahse tinge maw min sawisel reng le,khawpui ah chuan in hmuhsit na ana tran khawp mai,kan khua ah ka han thlawk chho leh mai dawn mawnle,mahse mihring tih chi ziazang ani si lo.









Ka nu chu choka lam ah alo buai nak nak a,puih pawh ka tum chuang lo,ka puih pawh aduh chuang lo,chaw ka chhum atrang khan choka ah hi chuan lut lo tur hian min duh ber mai ni,mahse ka tan hah dam na chance😌









“Nu kan inleng pa saw hnawt haw teh!" Ka tih chuan ka nu in min lo khap vat a,min la melh rum em em zui,ka thil sawi kha a a mawi lo tih ka hria mahse ka ngei tawh vek vek hi chu pe na thei tak ka ni.









“I trawng ring lutuk,i mood hi rawn pe chhe ve ziah suh!" Ati hlak a,ner nawng in dawhkan ah ka bawk nghal “Nizan ah mimawl deuh ka hmuh atrang khan ka mood hian switch on na anei tawh lo te pawh ani mah na" ka ti hap a,nizan ka ngaihtuah lah in kha pa kha insual pui mai te ka duh.








“Thingpui ka va pe ange,chaw hmeh chhuan hi lo vil rawh,engmah kha khawih suh i hria em!" Tiin thingpui a chawi a, sitting room lam ah a phei nghal,putar in tur ah khan viniger tal ka lo telh lo ani.









Inleng neih hi nuam ka ti ve vak lo,ka thrian te an nih lem loh chuan,ka nu te ang rual inleng neih chu a ninawm,an hot lo si,mahse hot rual an ni lem si lo. An lu an ti sawi beuh beuh a,an nui ver ver a a tawk mai zel.









Ka nu rawn let leh chuan ka thil vil chu a hnim deuh hlat hlat a,min rin na chhe te mah zu han nei miah lo a,Mother india-i tak hi chu aw! Melh rum vak in in chung ah ka chho daih. Room ka luh lah chuan ka la phu nghek zui.









Ka thawmhnaw khai saw mihring a ang leh lutuk a,a ninawm...min ti phu zuk zuk reng mai,a hnung lam atrang chuan ka pa a ang em em lehnghal a. Kan threnawm nen kan in hnaih ropui sia,an rawn lawn mai ka hlauh thrin vang in tukverh ka khar vek zel.








Va dah thra sawk sawk in bal bawm ah ka vawm lut hmiah. Phone ka khawih chuan kan thriante chu an la tho lo ani ngei ang,nizan lam a an chat bak hmuh tur alo awm lo.








“Rinfel chaw rawn ei rawh!" Ka nu tih ri ka hriat chuan ka thaw hak,ka chho ve chauh a,a hma khan lo sawi mai tur alawm mawle,ka tha ka sen a ngai lo mai tur,ka nu pawh hi a,a hriat reng ah pawh hian min hrilh duh lo reng reng.








Inhnuai a ka chhukthlak chuan ka pa in min lo melh kual dan dan a,kan khua ang mai mai in ka sneak thei tawh dawn lo tih a hre kur awm sia...hei pawh hi min rinna chhe te mah a nei lul lo.









Chaw ei dawh kan chu kan kil thrap a,chaw bel ka nu in min chang tir ve ngei,chaw an rawn dawh lah hian ka melh rum hrep zel,ei pawh ka ei hman lo,ka pa lah saw a chaw lak a thra si,hui Hamm...









“Vawiim ah admission ka han ti anga, naktuk atrang school i tran dawn nia,chuan thu lawm awm loh ka hre tawh tur ani lo bawk!' ka pa chuan ati dap dap a,a thusawi ka beng khawn lo tih hre ve kur si hian ava han sawi peih mai mai tak.









“Ka peih tawh lo,ka nih nih ka ni mai ang" Ka lo ti ve rawi a,ka pa ngaihdan ani lo nasa,chutiang bawk in ka nu pawh. “Nangmah ah hi chuan hope kan nei lo,lehkhazir la hna thawk ang ah inngai mai rawh" ka pa in hahthlak ti lutuk a arawn tih hap chuan ka kham daih.








La puar lo viau mah ila nizan lam a ka thil lei ka la neih avang in ka lungngai lem lo,room ah tawm leh hmak ila ani mai lawm. School ah chuan kan energy mil pui an awm loh chuan a nuam tak tak thei lo, Lehkha pawh hi thiam lo zawk zawk ka ni lo,mahse ka man har a,hei vang hian zirtir tu te pawn an hmai sen min hmuh ngun em em.










Hei vang hi ni pakhat school kal te hi ka peih lo,ka tet lai kha chuan Saturday ah pawh school kal ka tum tralh thrin mahse kan lo upa ve deuh a,kum chu la tling chiah lo mahse ila ‘This is khawvel, everything is cartoon ' tih kan lo man chho ve tran.









*Hello* ka khua har lutuk chuan Laldinsangi ka call ta tawp,min la chhang pawr em em zui.



*Enge i tih a?*



*Sir alo kal......* A off hmak anih chu,ka phone chu ka melh rum nghek. Phatsan hun ah pawh min phatsan lawp lawp thrin ka tih tawh kha,meizial an zu ru leh ani hrim hrim,Sir in han hrem tak tak teh se,an chawh tai tai ang chu.









“Bazar ah va leng ila?" Ka nu chu ka room ah alo dak dek dek a,melh pawh ka melh peih lo,min tir leh dawn anih ka ring “Bazar ah te chuan an bazar thrin alawm,enge kan len daih daih ang!" Ka lo ti daih thung,ka nu chu arawn lut a,ka room ah chuan a hnar a len vat vat,hneawm hian!









“Meizial,kanza...engmah i hre lo ang,ka zu ngai lo tlats" lu tih sawih khum pah chuan ka ti duai a “Va leng lawk ang,kan chhungte in ah ania,i school luh pui tur an awm ang" ka nu in atih chuan ka phur ve deuh. Han vah chhuah harh loh tawp chu ni thei in ka hre mawlh lo ani.









Insiam vak ka ngai lem lo,khua a lum em vang in oversized tshirt dum ka ha a,a hnuai ah joker pants,chuan ka sam ka thlah mawl tawp a,mahse sam khuih em lo a chhuah chu ka ti ve leh deuh si a,ka khuih ve hram,zing hmai pawh ka phih peih lo,ka hmel a da mai mai.








Ka nu nen chuan kan inzui chho a, taxi kan la dawn emaw ka tia,ke in min kal pui anih chu! Ka intih no na lam pawh ni lo in ka hah hma em em a,ka thlan a chhuak hma bawk,ka nu lah a kal hlawk hlawk si,hetiang hi chuan bazar thlen hun ah hmuh tlak ka awm tawh lo ang!!!









Kan chhungte in an tih ah chuan kan va kal a,a nuam reuh phian,chhawngkhat chiah ni mahse a zau em em a,a chhak ah pangpar huan ni chiah lo mahse thlalak nan a rem em em mai hi ka awm bawk,a lum viau e tih loh ah chuan a nuam reuh phian.










“Cake ka lo ur sak ang che u,kan inhmu khat si" Ka nu nen an in ang lutuk chu ka hai trep trep ani,ka nu sawi dan chuan cousin an ni awm e. Flour an lo neih tawh loh vang in dawr ah min tir ve thruai a,ka hawi nasa lutuk chu ka ring ana lek lek,thingtlang atrang a pem ka nih vang in ka hawi kual nasa lo a...mahse a mihring a te inchei mak sak lutuk vang zawk hian ani.









Dawr 4 ah ka kal a,an nei thrak lo,a dawr nghak tur te ka zawh chuan parking lot thlang daih lam ah a awm ang an ti zel a,hlawh chham a let ka duh tawh bawk si lo nen chuan ka kal risk ve thruai a. Parking lot ka thlen chuan mi an tam ngei mai,ka zak ve ang reng.









A thlang chu a nuam em em lehnghal,a dai dup a,chuan April kung lian pui hi a awm bawk,a hnuai ah chuan thru thleng a awm a,a bul ah pipu a awm bawk,park te pawh ani ang,an chei vak lem lo,a simple hle bawk,mahse mit a ti hahdam ngawih ngawih, minutes 1 vel chu ka thlir in ka hria.









Flour ka lei zawh chuan ka chho leh hnak hnak a,khuh ri kharh ka hriat chuan ka kal zel tho,duh leh lo khuh ve mai mai rawh se,a khuh ri chu ka hriat hnu ala ang em em zui.









“Hey! Bobo(bubu) lo ding teh!" Tih ri ka hriat chuan ka ding dat a,ka ding lam ka hawi phei chuan mipa khat mask vuah hian min lo melh reng,tun ang corona virus awm tawh loh hnu a han vuah,ava in la hmeltha em em ve.










Chu pa chuan bike chung a thru chung chuan min melh reng a “I va vak hla ve!" Arawn tih chuan ka hre chhuak ta chiah,nizan a a ui laktlak loh zet nen a min tehkhin tu kha ani...hmuh leh pawh ka duh tawh lo asin le!









Melh zawk in ka kal nghal daih a,a bike horn ala hmet ri zui,ka va hawi phei leh chuan min lo la en reng a,melh rum vak in ka kal hmawk hmawk. Khaw êng a hmuh tak ah chuan amah a ngo reuh hle,a sang em em bawk,kei ai chuan a sang chiang ang,a palian vak lo mahse a cher sang thung, a sam chu a buk deuh laih a,mahse mawi lo lutuk erawh ani lo.








Kalkawng ah chuan ka chho leh trauh trauh a,ka thlan hluam tawh mai. Ka la bo deuh reuh zui a,ka dawr kal na chhut zel in kan len na in te ka hre thei chauh.









“I va rei ve,mibo ah kan puan tir hman trep che lawm" in ka thlen chuan ka nu in alo ti vat a “Min ti zak tawh miah suh" tiin choka lam ah kan inzui phei. Ka nu hi chu a che pui ve thei khawp a,ka pi te chawhmeh ka suah tur a ka kal kha,ka leng kawi daih a,ka nu in information mike ah mibo ang in min lo puan a,min hmuh meuh chuan min hau luai luai mai.









Kha mi trum bak a,zah leh thinrim kha ka la nei lo in ka hria. School ah pawh hian insual ve thrin mah ila thinrim tak tak erawh in ka sual ngai lo, enjoyment ah chiah ka insual thrin🫡







Cake chu a ur rei phian a,ka nu nen an trawng dun char char a,kei a riang te in ka lo thru ngawi veng veng,trawng tur ka hre ve si lo nen,min biak lah in ‘Pawl eng zat nge i zir tawh?' tih mai mai,chu ai chuan ngaihzawng i nei tawh em?' tih te min zawt zawk se.









“Nu,en teh an hausa tiraw?" Haw pah chuan ka ti chhen a “Hausa ang chu,lehkha an thiam a,hna an hmu mai alawm!" Ka nu chuan alo ti a,kei erawh ka ner nawng mai,lehkha thiam tak tak hna nei lo ka hre tam e mai,ka chhang peih vel lo.









Haw lam ah chuan min kawi pui leh nghek a,nihliap ka keng lo bawk nen ka han vek ka hlau,ka nu kawr in ka inkhuh hram hram,min hmu tam tu chu awm se video in an la anga min post mualpho tawh ngei ngei ang,tunlai ah mualpho a awl tawh si.







🌄



“Lalrinfel tho rawh!" Tih ri ka hriat chuan ka meng vat a,vawiin ah school thar ah ka kal dawn,ava han nuam pang pang dawn tak,tih buai tur leh haters ka neih tawh loh ngei ka beisei,vawiin a trang chuan nunze Barbie tak in ka nung tawh ang,nizan ah lah kha mimawl pa kha ka mumang ah ka la hmu zui.









Mangchhe rapthlak tak ani,midang hmuh tur an tam nen nen,ani ber kher han hmuh chu! Ka thrian te hmu ila chuan ka hrethiam,kha misualpa ber kher han hmuh...









“I form thar chu i inhmeh kha!" Inhnuai a ka chhukthlak chuan ka pa in alo ti vat a,vawikhat mah min fak ngai lo,mahse min bawl mai mai bak ani lo,a rilru chhungril tui ek saw ka hrethiam alawm,hmai phih lo in school kal pawh ni ila ‘Kal mai mai rawh'a ti tho ang.









“I mi fak der na vang in ka lawm e...ka thawhnaw in bel inhmeh loh ka nei ngai reng reng ami" insiam chhiat khum pah chuan ka ti a,ani erawh in min melh peih vel tawh lo. Ka nu chu pawn ah alo awm a,chanchin bu sem tu nen an lo in be nasa. Chanchin bu sem tu ka tih kha ka hrechiang lo, chanchin bu a keng hnem em vang ania ka tih.









“I lo tho tawh maw,aw...i form thar chu iva inhmeh ve,i hmai te i phih tawh em?" Ka nu in atih chuan kan threnawm mai atrang hian nui ri hawk ka hria,ka va hawi phei chuan kan misuala lek kha ani! Ani hi kan threnawm tur maw mi a!? Kan in lah a insi deuh thaw zui!






👽
Sorry ltk u,inhnuai te naute vawiin khan a boral a,time awm lo chung chung in ka rawn type ani e. A ngaihnawm vak lo anih pawn min lo comments sak leh vek dawn nia🤗



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)