COLBY'S WIFE CHAPTER -13

Episode kal lai dah luhna

Moderator: writers

Remruatfeli feli
Posts: 143
Joined: June 28th, 2020, 9:53 pm

COLBY'S WIFE CHAPTER -13

Unread post by Remruatfeli feli » August 17th, 2022, 8:25 pm

COLBY'S WIFE CHAPTER -13

Chubakah hlauthawng viau mahse Lisa chuan kha thil thleng chungchang kha a hre ve Chuang lova.Amah Greer lahin a thup tlat dawn bawk si," ka lo ngaihtuah ange,a lawmawm lutuk e" a ti ve ta zawk a.

" Ropui lutuk.Dar sarih bawr velah chuan hmuh kan lo inbeisei ang che" tiin Lisa chu a kal ta a.

Ding reng chungin kalkawnga Lisa kalliam mek chu a thlir vang vang a,a sam buang tawi mat leh tle sar mai chuan silk te pawh a ti ang lek lek a.A hnungzawnga a kechawn nalh tak chu a kekawrbul hak leh a pheikhawk bun nen chuan a inrem hle bawk a.

Brad Pierson hi mipa vannei tak ani tiin a ngaihtuah zui a.A nihleh engtinnge chutiang anga nupui tha Lisa te ang chan thei dinhmuna ding chunga kha thil atthlak tak kha a tih theih zawk le?

Inte lamah chuan a lut leh a,mahse engvang emawni a hmaa a phurna leh thathona te kha a reh duak a.A lum em bawk a tin ni tiin a ngaihtuah a.Mahse....a chhan ber zawk chu Lisa chuan khang hun hlimawmlo takte kha arawn hruailet tlat a ni.Kha zan kha ngaihtuahloh alo tum fo tawh thin,atan a rapthlak lutuk em avangin a ngaihtuahna ata paihbo a duh a ni.Mahse chu hriatrengna chu nawrtu chak tak mai rawn kal avanga a dan zawh tak ngang lovah chuan a inhnehtir ta nge nge a...hun liam tawh chu a mitthlaah chuan Chiang zet hian arawn lang zut zut a.

Khami zan kha a hlimna zawng zawng a tawp vek zan a ni.

Khami kum nipui August thla tawp lamah khan Mackenzie Daken chu a boral a.Chutah chuan Colby leh Eleanor te pawh buaina hun rawn hmang tur chuan Canada -ah an rawn kal a.

An inneih tirh atangin Australia - ah an cheng ta char char a, Eleanor chuan anu hmeithai Cecilia -i Melbourne -a awm chu hnaih deuhhlek a duh vang a ni.Colby chuan chutah chuan Daken Construction chu enkawl chhovin a hlawhtling hle reng a.

Hriatrengna inkhawmah pawh Jem chu a telve nghe nghe a,mahse Greer chu final exam a beih lai tak anih avangin a kalve thei lova.Exam zawh veleh Lake lamah Jem nen chuan an kal nghal a.Colby leh Eleanor te an rawn thlenve hma chu Colby nen pawh chuan an la inhmu leh lova.Chutah chuan ni engemawzat chhung rawn cham zawka chumi hnua Daken Cottage hralh mai chu an rilruk a ni.

Greer chuan chuta hun engemawchen hnua Colby ahan hmu leh chu vanram ang mai ni hian a hria a.Mahse a hmangaihna chu tuma hriat turin a tilang lo.Brad Pierson pawh chu ni reilote cham tumin arawn kal ve bawk a,chutihlai chuan Lisa chuan an fa pathumna tur a pai mek a.October thla daiha nei tur la ni mahse chhiat maithri dinhmuna a din avangin doctor - in damdawiina awm turin a ti a ni.Brad- a nu chuan an fate pahnih Britanny leh Sarah chu alo enkawl sak a.Brad- a lah an nu ngai rilru hah leh hna lama buaina te chawlh hahdam san turin a rawn kal a ni.

Colby chuan Eleanor chu a duh ngai rengin ala duh niin a hria a,chu chuan a rilru a Tina ngawih ngawihin hlim taka an awmdun laite chu hmuh hreawm a ti a ni.Chu chuan Brad chu a ngainattir phahin a nihdan phung pangngai aiin a bulah chuan a tawlh tam phah a.Mal ngawih ngawiha a inhriatna leh a rilrua a vei diktakte chu hlim taka an nuihdun thinnate chuan a ti ziaawm ve deuh thin a ni.

Lake - a ab rawn thlen ve atanga a ni thumnaah chuan Colby chu cottage hralh tur chungchanga Toronto- a apa lawyer va hmu turin a kal a.An inhmuh hun chu chawhnu lama an ruat avangin Colby chuan rawn inkhalh haw leh kher lova chumi zan chu riah a,zinga rawn kir leh mai chu a tum a ni.

Chumi zanah chuan ani Jem chu dar 11:00 velah chuan Daken Cottage verandah - a Greer leh Eleanor te thu chu mu turin a tihsan a.Thla eng chuan beach chu rawn chhun eng ruihin lasi ramte pawh a ti ang lek lek a.Eleanor lah chu awm hle hle thei lovin a za sek a.Hsn ti ti lah chu a phur hmel tehchiam bawk silova,a tawpah chuan mu turin a tihsan ve ta a.

Mahse a lum ti lutuk chu muhil thei ta mai lova.A puansin hnuaiah chuan rei tawk tak chu a tal a tal a,a harh tawlh tawlh mai si.A tawpah zawng a tho leh ta nge nge a.Bikini chu ha sawk sawkin a room atang chuan a chhuak ta them them a,zan boruak daia han vah kual hlek chu a ziaawm deuh a beisei a ni.

Cottage thlang lawka beach- ah chuan muangchangin a kal a.Chumj zana chutilai hmun luahtu zawng chu.... Eleanor-i Daken Cottage - ah Jem, Westbury Cottage ah ,Brad pawh Pierson Cottage - ah an muhil thiap hlawm ang chu ti tein a ngaihtuah kual vek mai mai a.

Mahse Pierson Cottage a kal pelh dawn lai chuan thawm ri mak tak a hre ta a.Thing dinna hmun fit sawm vel laia hla Maple thing zar hlim duai hnuailam atang chuan niin a hre ta ber a.Nur nang chungin ahan ngaithla Chiang a,tap ri ang berin a hria a.

A han ding vang vang a,ngun zetin a Beng a chhi a.Eleanor - i aw a ang kher mai .Mahse eng thil diklo nge awm ang? Engtia tih chi nge ni ta ang tia a ngaihtuah lai chuan hreh deuh takin ahan panhnai hret a.Thinh hlim ruih mai hnuai a thlen chuan a khur der der a.

Minute engemawzat chu chelo chang lovin a ding reng a,a chung zawn thinghnah thlifimin a chhem Rik seng seng mai lo chu hriat tur a awmlo.A hresual aniange tia kal a tum lai tak chuan tap ri ang tak kha a hre leh ta a....a Chiang lutuk.Mahse tap ri a nilo.Rum ri a ni.A ding khawng ta reng a,makti takin a hmazawn thim ruih chu ahan melh leh a.Mak a ti telh telh mai, chutah na tuar thaw ri hlawp hlawp ang deuh si hi a hre leh a....

Hla loteah chuan Sam buang ni awm tak chu hmu vuaiin a inhria a.Hmunphun sepin" Eleanor? Nangmah em ni?" A ti sep a.Chutah thawm ri bawk chu a hre leh ta a.A thil hriat chuan a thinlung chhungril ber thlengin a nghawr dawt dawt a.Thawk harsa a ti hial a....Mipa rum ri a hre leh a ni....

Brad a aw a ni.Thil engemaw hi sehchilh nawk nawkin a sawi hlawp hlawp a.Chutah Eleanor-i phunri sar sar chu a hre leh a,a aw chu a tham tiakin zauthauna avang chuan a bung deuh nghat tawh bawk a." Heti hian a tha em? " A ti a, thildang Engemaw arawn ti leh a." Oh,i duh ang tih ka ring reng..."

A rum leh ta.Mipa chu ril tak atangin arawn rumchhuak leh a ni.Chutah Eleanor chuan tap faih faih chung chuan" tawp Suh,oh tawp suh..." Tiin a au raih raih a.

A kuta a Beng hup chawn chawn chung chuan a paichhuak ta nawk nawk a.Chu thil rapthlak tak a ngaihtuah ngamloh hial chuba hriatna ata thehchhuah tumin Maple thing hlim duai atang chuan a pai chhuak nawk nawk a.Tap insum teuhin leiah chuan a thu thla hnawk a,maimit chhingin hnunglam leh hmalamaj chuan a inthen hliau hliau va

" Eng thil teh hrep nge lo thleng?"

********

Muttui ule



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)