OUR UNFINISHED STORY Chapter-15

Episode kal lai dah luhna

Moderator: writers

Te-i Mrs Ambrose
Posts: 170
Joined: May 30th, 2022, 10:14 am
Location: Siaha

OUR UNFINISHED STORY Chapter-15

Unread post by Te-i Mrs Ambrose » August 17th, 2022, 10:43 pm

Our Unfinished Story
By:🌼Te-i Mrs Ambrose🌼
Chapter 15





Ka room-ah chuan keimahin ka ṭhu a, ngaituahna a kal ding khawp mai, ngaituah tamtak ka nei a,zawhna chhan senloh ka inzawt mawlh mawlh a, mahse a chhanna erawh pakhatmah ka hre der silo.






Kapa thil lo tih tawh chu hriat tum eng ang mah ila, engtin nge hma ka lak ang a, tu hnen aṭangin nge kapa thuruk chu ka hriat theih ang, kapa thil lo tih tawh kei ina lo hriat ka tum ve hi lo hre ta reng pawh ni ila, ka nat phah ang em? Zawhna tamtak ka nei a, min chhang theitu tur tumah ka hre mawlh silo. Tuna ka buaina hi tu hnenah nge ka thlen ang, rin thu mai a ni nangin keimahah hlauhthawnna lian tak min siam a, ser nung ang maiin min kap tlat bawk si a.






Room-a thil ka ngaihtuah ngut ngut lai chuan inhnuai lama Rini ṭawng lawng lawng ri ka hria a, inhnuai lamah ka va chhuk a "Nu Ramte, Rempuii a awm tiraw?" Rini han over zia hi, min hmu ve reng sia "Lalrinsang min hmuh ve reng kha aw , khatia ka nu zawh vel kha a ṭul lo" ka tih chiah chuan "Awii,,nu Ramte zawhte dum in nei tih ka hre chiah"
"Lalrinmawi khatia i over hri i chhuah reng ai chuan haw rawh" ka ti tawl mai "awhaw,,Rempui i lo awm reng tawh elaw!?" awii, ka ning lutuk, henu over leh lutuk hi chuhh... Hetia a awm tawh hi chuan phurna riau a nei tihna a ni mai.






Che over viau ṭhin mahse, henu hi chuan eng sawi silo hian ka rilru hahna pawh hi min chhawk zangkhai huai ṭhin. Vei a neihloh lutuk avang hian a kianga awm a hahdam a, keipawh a lo kal hnu reiloteah ka rilru hahnate kha min chhawk zangkhai huai mai.






"Rempui ka room-ah lo chho rawh aw" ava han zamlo ve, He setana sawn tak hi chuh... kan in hi chu a in chei ve tawp. A thusawi a sawi zawh rual chuan ka room lamah a chho nghal daih anih chu. Ka room lamah chuan ka va chho ve nghal a, ka lut chiah chu min kuah chawng chawng mai "Awii,,Rem Beiseia nen kan in ngaizawng tawh ania" a tih chuan "imm,,, a nih chu" ti leh ka khuma ṭhutthlak ka rual a, thil ka hrechhuak thut a, ka ding leh hluai, tuna Rini thusawi kha "Engaaa!?? Nang leh Beiseia maw? " ka ti hluai, ka hre chak lutuk chu ka za zek zek Rini'n a lu a lo bu nghat nghat , a luah ka nam bu lawp "Khatia lu bu nghat nghat lo khan kimchang deuhin min hrilh ta che" ka ti nghal vak, ka hriat chak ve tehreng nen, lo buk nghat nghat rikngawt chu a.






"Nimin zanah min lo bem a, ka Yes nghal hmiah" a tih chuan ben lawlh hi chak tak ka ni, ka kut ka man ringawt , mawl lel lawl lutuk mai, "Nge i lo chhanlet nghal a?" ka ti leh vak, a chhang tawh ta sa sa, han zilh vakin awmzia a nei der tawh silo, Beiseia'n a ngai easy mah mah ang tih ka hlau "Amak lutuk, amah kha maw ka vei thei lutuk a, sports hun lai vel aṭang khan ka vei ṭan a, Beiseia lah hian min bem hun a hre sia, ka yes nghal tawp alawm" a tih chuan ka lo bu nghat nghat, a hnu feah "Mahse....." ka ti fan duai mai, ka chalah min kuk fawk anih chu "I â mi? An ngaih easy che ka hlauh mah nak alai a" ka ti vak.






"Rem, nang leh Matthew hi in la tluang zel em?" a ti ta daih, ka hauh a hlau ve ngei emaw ni? Thudangah a pakai daih a, ka la hau lo asin le, mahse ka chhang let ve ta tho a "Rem, amak e in tluang bik lutuk hi mak ka ti tawp theilo" a tih leh chuan "nia, amak ka ti ve ṭhin tho, han inhauh vel ka chak lam pawh ni lem lovin maw...hetia kan tluang leh mah mah hi chuan ngaih a ti thalo leh lek lek thin" ka ti ve a, keimahah hriatthiamloh hlauhthawnna a lo lut leh ringawt tawh. Tinge kei leh Perfect boy hmalam hunah hian thim chhah tak, kaltlang theiloh awm ang tlata ka hriat ni.






First term exam kan zo a, Perfect boy hmuh a khat khawp mai, zantin inbe mah ila, hlauhthawnna in ka khat fo a, mahse ka tilang ngai lem lo, ka ngai thei lutuk hi mak ka ti zawk, ka thlahlel ngawih ngawih zel a, ka kianga awm tawhlo tur ang hian ka ngai tlat a, chuvang tak reng chuan ka ngai ngawih ngawih zel.






Zing ka harh chuan ka phone ka bih zeuh a, ka nui nghal ver ver, Perfect boy message a lo awm vang mai a, ka hawn chuan
*Morning ka duhtak Cutie*
tih leh
*Zanin chuan dine out ang aw,,ka lo lam ang che* tih a ni a, amah ka hmu chak tawh bawk a, message ka hmuh tirh aṭangin ka phi nghal cheng mai.






Chhun aṭang tawhin ka thawmhnaw hak tur chu ka zawng ṭan tawh, ka hmu mai lo lehnghal, a tawp a tawpah chuan ka hmu ve ta hram alawm ka haktur chu hanger ah ka khai thlap a, inhnuai lamah chhuk nghalin "Nu, zanin chu Matt nen kan dine out dawn aw" ka va ti a






"Awle Bawihte, mahse lo haw tlai lo la, hmeichhia hi chu eng kawngah pawh fimkhur kan ngai ania, mipa dang te tana ngaihmawh thei zawngte khan va awm lo a, mipa ai chuan hmeichhia hi chu kan mualpho nasa thei a, zantlai thleng a hmeichhia chu chhuah loh tur, lo haw tlai lo a, mipa nen ngat phei hi chuan insum theihloh a awl a, I ṭhianpa ka rinloh lam a ni lova, inven fimkhur tluk a awmlo ka tihna a nih ber chu" a tih chuan ka nuih ver ver a hnu lawkah "Mahse i sawi kual nasa e,,,,fimkhur tur khan min chah tha ta mai che" ka tih chuan ka nu in a thil ken lai a lek fua hman "A,,,nu khatin mahni fa duatlaite an ti ngailo" ka lo ti hmanhmawh "Lalrempui i han mawl ṭhin zia hi chu a, 'thu ṭha ka hrilh e' kan tih che pawh hian...a ngaihna hi i awm hlawl lo" a chal a dawm nghal vang vang bawk.






Tlai lamah chuan Perfect boy chuan min lo lam a, kanu nen pawh an inbe luam, Perfect boy ka hmuh tawh hi chuan ka hlauhthawnna te kha kiang huai ṭhin a, heivang hian a kianga hun reilote hman pawh ka thlahlel viau ṭhin.






Pawn kan chhuah veleh ka kawngah a kuah nghal zat a, "i mawi lutuk" a ti zawi sup bawk "Kanu khan min lo hmu ang e, kan inkar hre vek mahse, a zahthlak" ka tih chuan a nui duh lek chauh.






Restaurant pakhatah min luhpui a, an dawr a changkangin a felfai hle a, an dawr hi ka lo la hriatloh danah an hawn thar chauh anih kha ring, Perfect boy-a'n eitur ka duh duh chah tura min tih chuan Menu chu ka ban ve mai a, ka meng bial kawk, a man a to hlawm lutuk, Perfect boy chu ka melh ngawt ngawt "Aman a to hlawm e" ka ti ban chap.






Perfect boy hian eitur man hi ka pek a duhlo dawn chiang a,chu lovah ka pek luih chuan amah tan a thanat thlak dawn lutuk.Ani lah nu leh pa neilo mahni a inchawm a ni bawk si, keiin hetiang thil manto lutuk ka chah te chuan.... A tih tawh lamah lah hi chuan eng ang pawn a thu thlaktir tum sateh mah ila, ka thei dawn chuang hauh lo lehnghal. Hetiang thil manto vel ei ai hi chuan thil hote te hi min tihsak se ka duh zawk.






Perfect boy chuan min en ran pahin "Cutie chah mai mai rawh, ka nghei bik nang,,, I tan chuan engpawh ka tih ṭhin che kha" a tih chuan keipawn ka hnial ta lem lo, mipa in a thilsawi leh tih tum hmeichhia zawk ina lo hnial ṭal kha ka duh lova, keiina lo hnial vak pawh hian ka rintawk loh zia a tilang mai mai ang tih kha hlau.






Eitur chu ka chah a, a lo thlen chuan ka riltam tawh zia ka hrechhuak chiah, ka ei nghal mawlh mawlh a, "Cutie zawimuangin ei rawh, i hak ang e" Perfect boy-a'n a tih pawh chuan ka bu nghat ringawt a mahse ka ei dan ngaiin ka la ei reng tho.






Eitur ka bowl ami ka ei zawh meuh chuan puar tak ka ni, ka ṭhu ngil uai a, Perfect boy thleng ka en chuan eng vakmah a lo la eilo "Boy, tinge i va eilo ve, i awm a nuam lo em ni?" ka ti a "Kei chu ka puar alawm, I thil ei lai kha hmuhnawm ka tia" a tih chuan ka lo ner vak. "Ka thil eilai kher ka hmelchhiat dawn tehreng nen" ka ti hluai. "Kan tan chuan engtik lai pawhin Cutie kha i ni reng a, i thiltih engkim hian min hneh a, ka mit, thinlung leh thluak ṭangkawp vek pawh hian i chhiatna lai sawitur an hre meuh lo" a tih leh chuan ka lai ṭut tawh.






"I in la zei e a" ka tih chuan a nui suk a, "Duhawmnu" tiin a phun sup bawk. "Boy, twelve pass ila, eng nge i tih zawm leh ang?" ka tih chuan "ka sawi fo ṭhin kha, i tih ang leh zir zawm i tum ang apiang a ni ve mai" tiin a dar a san ak a. "I over e" ka ti ta ringawt. Ani lah a la thutak hmel phian zui.






"Cutie, innei tawh mai ila ka duh, ka kiangah awm reng tawh lo ka ti" thutak deuha a lo tih chuan ka melh tlawk tlawk ringawt "Eng nge kan nei ang a?" ban phar meuhin ka ti hluai, min nuih suk a, a hmel lan dan a tak si, fiamthu a chhan chi pawh a ni lo "Elee,,,a mi leng dangte ei ang tho 'chaw' kan ei ang chu" a ti sam et. "Khawi atangin nge chaw...ah buh chu kan neih ang a" ka tih leh pawh chuan ala ngaih awlsam hmel khawp mai.






"Pawisa in kan lei ang chu" a ti leh chuan ka beng bu lawp lo chuan a ni "Kan inngaihzawn tirh khan ka sawi tak kha maw, ka kiangah hian kum chanve vel awm la, I á vek mai ang ka tih ṭhin che kha, hei i át vek tak tak tawh hi" ka chal dawm chungin ka ti ta ringawt. "Cutie mangang mah ta che, nangin in lamah eirawng i lo bawl thin ang a, keiin hna ka thawk ang," a tih chuan "Matthew Lalremsang sawmpahnih I pass dek deka, nupui I neih ten, eng hna nge i thawh ang, I hnathawh a sang theilo hrim hrim, I chau thei dawn lutuk asin, mawl lutuk nangmah hi in ngaihtuah ve ṭhin rawh" ka ti hlak hlak.







"Cutie hetia min ngaihsak em em ṭhin avang hian alawm ka duh em em che" tiin ka biang a khuap nghal a, keiin ka lo melh ve kiau bawk. Ka chal a fawp vang vang a "Cutie, nang hian eng kawng pawh zawh ila, min nghakchhuak thei dawn tih ka hria alawm, nuamsa taka ka dah theih hma loh che chuan nupuiah ka nei lovang che. " a tih chuan engtia awm tur nge pawh ka hrelo.






"Hei hi hre reng rawh nangmah vang hian hlawlhtlin ngei ngei ka duh a, chuan nangmah vang bawkin ka hlawhtling ngei bawk ang, chumi hunah chuan mi zawng zawng hriatpuina ngeiin ka nupui I ni tawh ang" a ti nghet charh a, ka hmuiah a lo fawp nghal bawk.






Chumi thu a sawi chuan keimaha hlauhthawnna lo awm ṭhin kha thawk leh khatah a ti bo zova, ka zang ka huai niin ka hria.






Kan haw lamah chuan khua a thim ruai tawh a, ka kutah nghet takin a chelh a, kawnga kan kal lai chuan kan inbe meuh lo. Kan in gate kan thlen hnu chuan nghet takin min kuah bet a, "Cutie, nang hian min kalsan ngai maih suh aw" a tih chuan ka lo bu nghat nghat "Nangin min kalsan te anih loh chuan ka kalsan bik lovang che, ka sawi hi hre reng rawh, nangin min kalsan te anih ngawt loh chuan"
"NEVER, Cutie engtikah mah a thleng ngai lovang , nang nena min thenhrang theithu te chu Siamtu, thihna leh Nangmah chauh ini ang" a ti nghet charh.






"Ka lawm e, min duh ve avang te, min hmangaih avangte, min ngaihsakna, min duatna leh engkim avang hian" ka tih chuan ka biang a nul thuak thuak a, ka hmuiah min fawp nghal zat bawk. A hnu feah min thlah a, kal hmasa tura ka tih avangin a in her a, mahse a kal mai ka phal lo a hnung lam atang ka kuah leh ta ringawt.






Ka kuahna chu a hnu reiloteah lathlain a hmalamah chuan ka va kal a, a ngawngah ka kut pahnihin ka suihbet nghal a, tlemin ka kuai kuna, a hmuiah ka fawh sak a, hetia ka tih lah hian Perfect boy hi a lo hawihai hman ziah lehnghal. A hnu rei feah chuan "Mangṭha le aw" tiin kan inthlah ve thei ta hram a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)