DUHTAK SANGPUII CHAPTER-22 BY NUNUI HNIALUM

Episode kal lai dah luhna

Moderator: writers

Nunui Hnialum
Posts: 115
Joined: June 13th, 2021, 9:07 pm

DUHTAK SANGPUII CHAPTER-22 BY NUNUI HNIALUM

Unread post by Nunui Hnialum » August 17th, 2022, 11:01 pm

Chapter - 22



Lawmsangpuii mitmeng ngaihtuah lét rauh rauh chung in ka tlàn haw a, nizan ka tlaivar bawk nen thli thaw in ka mit a chhèm zãwng te chuan athîp hlur a, ka lu ana ngut ngut nen in ka thlen veleh ka room ah lút in ka mu thla hnawk.






Ka phone nghawr dawt dawt thàwm in min káiharh a, ka men chuan khua alo thim deuh chhulh tawh, ka sikul bãng ka mu kha ka lo muhil daih anih dàwn hi. Phun hluk chung in ka chhãnga "zanin chu ka lo kan ang che," lehlam ami chuan arawn ti zãngkhái vah a, kei ka rum nghut thung.







Lemsek tur inei em?" ka ti a Zu ka lam khãt tawh zia ka hrechhuak, keimah anglo taka thla dàwn ka inlo thei mial kha tun hnu a ngaihtuah hian mak ka inti. "Ka neilo tlat, kannu'n in a phal ṭha vak lova inchungnu Sahdah nuai pawlh ah ka pe," a rawn ti a ka nui hawk.






"Nu Lawmi te pawh an rawn haw kha," a rawnti zui zat a "enge ka tan a ṭangkaina?" ka lo tilét hmuk thung. "Thilthleng hi a danglam phah ve deuh ka ring," ati zãwi sup a, tlem chuan ngaihtuahna akal thui deuh mahse, "mihrang anni lova danglam vak dawn emni Sangpuii erawh ka ngaihtuah deuh tho," ka ti a. Thinlung la damlo hle mahse, ngaihtuahna avak ruai tho sia ngaihven ṭhat chu ka ngai ani, a bulràt aṭanga ngaihtuah angai.






Phone kandah hnu ah Zothana'n chaw eitur in minlo ko a ka chhuakphei ve vat, a dârruh an khamsak hi khua avawt ṭan dawn nen na ati a, ka awmlai erawh chuan engmah ataksa na asawilang ngailo, ka in thiamloh ahlau animahna, keima vãnga tuar anih na lai a awm ve si a.






Chaw kan ei a ka pa'n "Lawmi te nupa pawh an rawn haw ni àwmtak ani va kan ve pawh amawi anga," ati chuar chuar a, rilru ah tu emaw arawn lang nghãl zawk zawk.






"Mampui, inu akal thei dawn lova keital ka va lan ve amawi, kan in hlat sia min thlah lawk mai ta che," a ti sup a ka chaw bãrlai ka tâwp chawt, "a ṭha lawm ka va dah dawn che nia," ka ti a ka rilru chu a inṭhenchham. Lawmsangpuii chu hmuha biak ka chãk a, ka rilru lehlam erawh chuan a huphruh ru viau lawi.






Chhuak tura kan in siam mawlh mawlh laiin ka phone arawn nghawr dawt dawt a, ka phone arawn rik tawh hi chuan Lawmsangpuii anih beisei ru takin ka en vat zèl; mahse, ani ngai meuh silo. Tùn pawh Thlenga leh bawk ani.






Phúrlo zet in ka chhãnga "Sangpuii nikhaw hre lovin a awm, tûr a ei an tia tunah Lawngtlai damdawiin an panpui dawn," lehlam ami chuan a rawn ti zung zung a, ka hamhaih lutuk leh ka chiái ti tih mai, chhàn nachãng pawh ka hrelo. "Enga?" ka ti nghek, "lo insiam la keini tàn zúi em em aremlohna chin a awm a; mahse, an in ah tal kan nghãk dawnnia," arawn ti leh zung zung, hepa hi chu aw ahun leh hmun azir in a puitling fu ka tih tawh kha.






Phone ka dah hnu ah chiai loh hrãm tum in ka in la kháwm zung zung a, ka pa chanchin hrilh tum in ṭhutkhawmna pindan ka chhuak vat a, ka pèn zãwng te chuan ka tha akhûr ru thei hial nia!





Ka nu'n min hmuh chuan chanchin min zâwt vat a, a hmel ah chuan ka awmdàn phili ru riau chu a hrethei ani mahna, Sangpuii chungchãng chu phelh phung in ka sawi a, min chhànna pawh nghãk zolo in ka room ah ka lûtzui a, ka rilru in ka ṭawngṭai ru mawlh mawlh.






Lawmsangpuii awmdan zuk zuk hian minva ti hrilhhai ṭhin ngâi ve mawle, tûr eiduh tur khawp in eng harsatna chiah nge alo hmachhawn ang? Ani hmeichhe huaisen leh tuarchhel tak tàn a dam thlahlello hial a siamtu chu engthil tak nge ni ang le, a thi hman mai ang tihmawlh ka hlau a, ka lungphu lah chu a per chhuak nawlh ang tih hlauhawm khawp in ala in thùmrawn tluk tluk bawk.






Ka ṭawngṭai a ka chham ber lah chu "Pathian, thih tír lul suh," ka ti ka ti ringawt, chhamtûr dang ka hre hlawllo. Zothana araw lût vut a "U, ka zúi dâwn che em ni?" tiin ka vei tuaksek chu minran dinchilh a, ka lu ka thing nghut ringawt. "Hahdam rawh Pathian zar ah eng èm atilo ang," ati sup a hepa reuh hian Sangpuii nen a kan chungchãng hi alo hre ru kur aniang, tukin zînga athusawi te ka ngaihtuah lêt a a ṭawngkam puitling ru thlup te a mitmeng tak ràn te chuan 'hriatrûk ani emaw ni aw,' ka ti rum rum.






Kan ṭawng leh hma in Thlenga arawn lût vut a, ka nu leh pa bulah a thu hriat ang ang kimchang tak leh ṭul atih chin asawi mawlh mawlh a, keiin buairu fe in ka phone ka zawng mêk thung.





"Kal ila," ati vut a ka vei chhèn chu min en reng tih ka hria ka Donlop hnuai leh ka khumbul Sitetable te chu ka en a achãngleh drower ka va pawthawng rawp thùl ka phone chu ka hmu mai thei lo, khawnge maw ka dah hman ni hreptak a Damdawiin ah ka zui thei dawn silo a, an chinchãnh hriat nan ka mamawh ani.






Ka rilru hre tak in "kha i kut ah i hùmreng kha," Thlenga'n nuiza aw zet a atih chuan ka kut ka en thla vut a ka phone chu ka lo hùmreng chu niin.





Sangpuii te inlam panin kan tlàn ta vang vang a, rilru a chàwllo achha chu ani e.






Sangpuii te inkawt kan thlen chuan anlo ri deuh nak nak hlawm a, ka tha akhur hlawk hlawk tawh, mipui zi deuh nuaih nuaih te chuan Sangpuii botal thu mawlh an sawi ka hlau, Bike aṭanga chhuk in ka ding rèn ràwn a Sangpuii ruang hlàwm tur ang thàna in hriatna ka nei tawh, Lawmsangpui thinlung na vawng vawnga min siam chãng iva ngah ṭhin ve le, Lawmzuala hi minva ti rethei ṭhin teh rêng èm!!





"Kal ang le," tiin Thlenga'n min kuah a ka ṭang ṭung mai, ka huphurh ani, a hmèl ka hmuh chuan na tih luat vãng in ka mualpho mai ang tih ka hlau ka hmangaihi kha tunah hian thihna nen an in sual mêk si a, ka thinrim thawkthut hian amaha tûr a in mai rinlohna liantak ka nei, 'amah dotu hian tihhlum tumin a barh lui emaw a eitur ah a thlãksak aniang,' te ka ti thúl. Chutiang chu ni tase tu tih nhe ni ang Ngaihtuah tur tam zut zut lutuk hi a bulfûk ber hre silo hian ka thin arim hlur tawh.






In aṭanga hla lutuk lo ah Bike kan dah a, in hùmruh ṭeuh in inchhûnglam kan pana Thlenga'n min kuahrùn chung in min fuih mawlh mawlh bawk. Kawt ah chuan Taxi Van alo ding ràn tawh a kalpui tumin an in tintuah mêk anih hmèl. Inchhûng kan lût a ke pèn te chu arit lûk a, tha azawi nguai mai.






Ṭhutkhawmna pindan a Nu Lawmi lo ṭap deuh faih faih chuan ka mit ala nghãl zat, abul a Ṭhutthlengsei ah Sangpuii chu an muttir a nikhua ahrelo tih hriattak in amit achhîng chial a, ahmel pawisawilo zet chu tui taka muhil ang mai ani. A veilam sira ṭap deuh fuih fuih pa chu vawiin chhùna ka hmuhpa ahmingpawh ka hriatloh Sangpuii cousin amah ngaizãwng tu nisi a kha ani, a ṭap deuh fuih fuih te chuan mi run lutuk, a hmel pèr pùr nen ka hnek zawt chãk lutuk.






Driver leh Nu Lawmi pasal an in be mawlh mawlh a, kalpui an tum hnai tih ka hremai, Sangpui an muttirna lam chu pèn pawk pawk in a kut ka va chelh a ka be nghãl mawlh mawlh, aqmve dangbte chuan makti hmeltak in min en reng tih ka hria ka haider lui tlat thung, hmela ve sek lah chuan minla melhrum ve khanglãng a, akut ka vawnna chu arawn vawnhnan bawk.






Ngai pawimawh lo zet in ka thin thlãksak hmiah a, aterzui at chu eng hu ah ka ngai lo. Rei riallo in motor ah an in dahlût sawk sawk a kan in vailiam chu ani nghàl mai, Nu Lawmi leh apasal in an kalpui a, an kal hma in an ṭhenawm upabin ṭawngṭaina in athlah thlap.





An kalliam hnu chuan Makima leh Kimi an rawn lang hlawl a, pawi an tih thu an sawizui, Kimi'n min fiam zauh zauh lehnghãl a, a mawl reuh sia ka ning lek lek. "I va duh young ve, mahse rin aiin azei ang," tih mai mai te chu aṭawng duhdàn ania, chhàn tinah pawh ka tinlo.






An buai nak nak lai chuh in an mutna room ah ka lût tharh a, eng emaw tak hmuh ka in beisei. Room luhchiah in single khum a inhûng a plastic suitcase leh thingrem lian vaklo a inhûnga, Sangpuii mutna anih ka ring deuh, ka vei thuak thuak a ka hmuhtum leh zawnrùk ang engthil mhmah ka hmulo, khum bul chhuat chu ahuh deuh niai a bottle alet ngát bawk. A bul lawk ah parda in zãr in room tho a awm, heichu Nu Lawmite room anih ka ring, ka in thiamlo ru viau na in 'ka lût ta sa sa,' tiin ka dãk zuai a engmah phei chu hmuhtur a awmlo.






Nu Lawmi te room chhuahsan tuma ka inher chu Sangpuii cousin kha ka hma ah tak alo dingreng chu niin ka su dawt ṭep ani. "Enge hetah itih?" ati chang ta fal a ava hunlo tak e aw.





Sawimai tur ka hrelo nen kalpelh mai ka tum chu ka hnung ah ṭhàm in min pawhlét atum a kei ka ding nghet si chu min pawtlét zolo ani mahna chutah ring lutuk hian "rukru, rukru, thil aru," ati ta chiam chiam mai a, Assam type in ngang ani bawk a ṭhutkhawmna hmuna awmho ri hak pawh ka hre zawmzat.






A mah mah huatrùk tawhsa nen chutia a au vak chu ka thin thawk thut nen ka kuttuk ka vênghmanlo, in her nawk in ka hnek ta sawk a abek ari no chhawk a pai khut khut in abula smthingrem in chherchhuan chu a bawh tlu rawp rawp a, kan thàwm chu ring tawh tak ani.






Hmeichhia ang maiin a sarãk nghàl chùl a, ṭhutkhawmna a awmho anrawn lûtkhawm nghal sung sung mai, midang rawn lût khâwm ahmuh veleh "athil rùktum ka phãwka min hnek ta anihhi, tenawm lutuk," tiin aṭap ṭuau a, ka ner sawk a ṭawng zawt zawt chu ngai theilo lutuk a pan hnaih ka tum chu Thlenga'n "Lawmzual atawk," arawn ti fak a ka ding dawt.






Ka ṭhianpa chu ngeizet in ka melh lét khur a, ka tha za lutuk chu in hriktlãk na tur ka duh belh hle ani. "Hello, police station maw hetah rukru kan man," ti zawt zawt tu chu ka melh nghek, "mantur che in anlo kalvat dawn inring rawh," tiin dâk vah hian ka hnekpa chu arawn dingchhuak a ka melh kul ringawt.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)