PRIDE AND PREJUDICE CHAPTER 20

Episode kal lai dah luhna

Moderator: writers

Krystal Vanchhawng
Posts: 127
Joined: October 5th, 2021, 4:42 pm

PRIDE AND PREJUDICE CHAPTER 20

Unread post by Krystal Vanchhawng » August 17th, 2022, 11:43 pm

PRIDE AND PREJUDICE

CHAPTER 20
☆☆☆☆☆☆☆


GEORGIA SMITH POV:


Kha incident atang khan hun a liam ve leh fe tawh a. Ka ban leh hliam dangte pawhin zia lam an pan tawh. Office chu ka la zawm em lova,Ryle Balgoni erawh hna vangin a zin chhuak zeuh zeuh reng a,inah a awm khat viau. Mahse,ka lawm zawk,a uapna hnuaia awm reng ai chuan zalen taka ka awm hian he Glass house pawh hi nuam ka ti zual sawt.






Khami ni la la khan Lylia kha a harhchhuak nghal a,thil awmdan an zawhin sawi tur em em a neilo. A ngawi reng a,Jessie Parker zawk khan thiamloh min chantir alo chak zawk a anih hmel. Bakah,Lylia kha a ruih ala reh lova,alu hai deuh bawk nen hnunglam atanga ka tawk chiah kha ka tawh vang pawh nilovin step ah khan a lum ta alo ni. Chu chu Ryle Balgoni sawi a ni a,thudik anih ngei pawh ka ring.






Ka thiamlohna a awmlo tih an hre vek tawh a,ka tawrh loh tur hremna min pe tih an hre bawk. Mahse,mi chapo Balgoni chhungkua atang chuan eng ngaihdam dilna mah ka dawng chuanglo. Mak ka ti hranlo,ka lo beisei em em lo bawk a. Mahse,Ryle Balgoni tal pawhin eng emaw tal a sawi ka ring a,Jail a ka thil tawn zawng zawng hre ve tu anih vangin tlem chuan a danglam ve deuh ka lo ring a. Ka ring sual der a ni..
'Ka pa kha a thinrim em a,a chet vut vut ka ringlo a ni' tih chiah sawi tur a hria.






Ni lehlo
'Khawvelah hian unaunu pakhat chiah ka nei a,a nat ka duhlo. A hlim theihna tur anih phawt chuan engpawh ka ti ang. Chuvangin an nupa inkarah inrawlh tawh suh' tih a sawi tel bawk kha.





Ani hian vawi khat tal,chhete tal pawhin a unaunu angin min en ngailo tih a tichiang nawn leh ka ti mai.





Maid ho nen chiah kan awm vangin living room lamah chuan eitur nen ka phei TV chu On in News chu ka hmet a. Rei pawh ka thu hmanlo tih ah Maid ho chuan eng emaw an sawi ser ser a. Tv Volume down a ka ngaihthlak chian chuan ka sa phat mai.





"Zaktheilo tak ani,tunge maw anih le. Master hian nupui hual a nei reng tih pawh a hrelo em maw ni?"
"A hria ang,a zaklo emai" tihte an sawi a. An thusawi chu ka ngaihtuah chiang a,dikna lai chen a awm. Ryle Balgoni hian nupui hual a nei tih hre reng chungin kei hian secret affairs ka neih pui a,dem awm reng chu ka ni. Mahse,anni lo sawi ve tur awmin ka hrelo.





Ka mitmei pawh veng lova an sawi zawm reng vang chuan ka ning deuh tawh a,thawh a va hauh hrep mai tuma ka din deuh uaih laia TV a lo langte vang chuan ka thu leh rang hle.





"MCC Chicago,Federal Bureau of Prison a tang lai Maria Carson leh a thian 3 te chu Jail dan bawhchhia a,Jail tang dangte an tihbuai thin vang leh,mi tamtak chunga diklo taka thil antih thin vangin hremna na zawk pek belh anni a. An tan hun tur,kum 10 chu,kum 20 a tih danglam a ni. Hei bakah hian,anni 4 hian jail tang pakhat mawilo taka anlo khawih luih lai man anni a,pawisa tam tham zet chawi tura hrem anni bawk" tih an sawilai chuan ka thaw meuh em pawh ka hrelo.





Ka chhungril chu a hlim a,mak ka ti bawk si chu awmdan ka hrelo a ni ber. Khami bakah khan Coal Mine lamah inhlawh tura thawn anni dawn bawk a. Anni misual 4 ber an awmloh chuan Jail boruak pawh a zia sawt ang. Mahse,ka zawhna ni ta chu. Tu in nge report ta,khalai Jail tang ho zawng zawng khan an hlau vek si a. A report tu chu a huai hle anih loh pawhin,backup a nei tha a ni ngei ang.





Nitin angai rengin hun ka hmang a,ka kham tawh takzet. He in zau takah hian tihtur reng a awm lova. Hna tan duh tawh mah ila Ryle Balgoni ber lah zawh turin alo haw thei bawk silo.




Ka nin tawh em vangin ka va text a.
'Engtikah nge ilo let dawn?' Tia ka zawh chuan ani leh nilovin min chhang rang hle a.
'Ka hrelo. Tinge,min ngai ami?' A rawn tih chuan ka nuih pawh aza nek love.
'Khalam kha chu duhtawk teh. Naktuk atangin Office ka zawm tawh ang' ka tih tawp chuan min chhang mailovin a reh vang vang a. A awmdan ah chuan phallo tur a ang hle.





'I thu thu le' tiin min rawn chhang ve teh mial a. Lawm takin ka thawmhnaw vel chu ka siam a,hna lama ka bungrua vel ka dah fel nghal bawk.





A tukah chuan Driver a rawn tir a,ani chuan Office thleng min thlah a,a let leh nghal. Teammate leh midang dang chuan ka reh vang vang chhan min lo zawt luam a. Ka sawi nawi kual vel mai mai a ni.





Ryan chu ka thutna bulah alo ding reng a. Min hmu chiah chu min kuah thuakin
"Miss Smith,i dam tha tawh maw?" Alo ti ta mai a. Hlauthawng ru zeta ka en chuan nuih pah hian
"Khawsik i neih thu leh i taksa chakloh thu kan lo hria a" ati ta a.
"Nia,ka tha tawh e" ka tih chuan nuih vur vur pahin ka darah a beng thak a. Thut paha pawnlam ka en chuan darthlalang atangin Ryle Balgoni hmel ka hmu thut a,ka phu zawk nghe nghe.





Ka hmu tih a hriat chiah chuan a ner sawk a,a kalsawn nghal. Eng nge maw a hriat leh tak ni???




Hna pawh kan tan nghal mawp mawp a. President hnenah letter pek ka ngaih vangin ka tho zawk a. A office kal chu peihlo tak ka ni.





Kik miahlovin ka hawng pawp a,ka thil hmuh vang chuan ka inher let rang hle. Jessie Parker khuh kherh kherh ri ka hriat chuan ka hawi let ve leh ta chauh a. Ryle Balgoni chuan muangchangin a malchunga thu nula chhelo zet chu a hlang thla a. Min rinluih deuh nge an che muang hle lehnghal.





"President heihi ka kalloh chhan" tiin letter chu ka pe a,min melh kur chungin dawhkana dah tur chuan min signal zauh a. Ka dah zawha chhuah leh mai ka tum chu Jessie Parker zawk chuan
"Glass house ah i cheng ve tih ka lo hria a" tih pahin min melh kar a.





Ryle Balgoni chu rum fe a melhin a nupui hual,amah si cheta ding chu ka melh leh a. Tawngchhuah mai harsa lutuk chu a hrehawm zawk.
"Nia,Brother Ryle hian min enkawl a. Tunah chuan ka dam tawh,ka haw thei tawh a. Tiraw Brother?" Nuih sang paha Ryle ka en chuan a khabe ruh alo tiche kual nasa tawh ngang mai.





"Ka kal ange" tih pahin an tawng leh tur pawh ngaichang tawhlo chuan ka chhuak nghal a. Kawngkhar ka khar fel chiah tihah Ryan zawk alo lang thut a. Ka phu chiang hle.
"Enge ilo tih a?" Awm dawm vang vang paha ka tih chuan a meng buai nak a. Mahse,a reilo.
"Miss Jessie awm thu kha ka hrilh theihghilh daih che a" nuamlo tih hmel zeta atih chuan
"Aho lutuk" ka ti liam puat a.




Office lama inzui phei pahin eng eng emaw a sawi a.
"Boss te pawh inneih lam an hnaih tawh anih hmel. Magazine lamah an lang dun ngun riau" atih chuan ka nuih pui vel mai mai a. A chhan pawh anni 2 chungchanga ka buai lemloh vang a ni.






Lunch time ah Company Cafeteria ah ka chhuk a,midangin anla eilai chuan restroom lam panin ka phei a. Ka makeup te hnawih tha in kut ka sil zawh chuan chhuah leh mai ka tum a. Kawngkhar ka hawng chiah tu emaw hian na fe in a rawn nem let pawp a,ka pai deuh nawk.





Ryle Balgoni chu hmanhmawh lemlo takin alo lut a,kawngkhar chu a kalh nghal.
"Enge maw itih le,midang anla awm ania?" Tih paha ka pan phei chuan ka kutah alo man lawk a.
"Nang hian zalenna i neilo tih hre rawh" thinrim hmel zeta atih chuan a sawi awmzia ka hre nghal mai. A nupui hual duhtak bula ka thusawi khan awmzia alo nei a ni ngei ang.
"Tinge,Miss Jessie Parker chuan kan chen dun a duhloh thu a sawi em ni?" Ka tih sep chuan tute emaw anlo lang thut a,keini pahnih lo inman bet an hmuh chuan an pil leh nghal zawk.






Ryle chuan ava um zui vat a,an luhna toilet room kawngkhar chu chum dawt dawtin
"Rawn chhuak rawh u" ati zui a. Hmeichhe 2 chu anlo chhuak zal zal a.
"Midang anla awm em?" Tih paha a melh ngur chuan en pawh an en ngam tawhlo.
"Awmlo Sir" aw khur lek lek chuan ati a. Ka lo khawngaih zawk.






"Chhuak rawh u" tih nghut paha ka lam alo pan chuan hmeichhe 2 chu hmanhmawh zetin an kal nghal a. Ka zawn an rawn thlen chuan chiang fe in min melh a,hlauhthawnna in ka khat nghal. Midang bulah lo sawi darh ta se.





"In ka in ang anih chuan in tuar ang" kawngkhar an hawng dawn chiah tiha an boss thusawi vang chuan an tawp chat a. Milim ang mai chuan an ding bawk.
"Ka sawi awmzia in hria em?" Atih leh hrawk chuan hlau takin an bu nghat nghat a,um chhuah ang maiin an chhuak zui nghal.






"Le,han sawi teh. Office kal i chak em em chhan chu tu maw?" Atih chuan nasa ti fe in ka melh a. A rilru ah hian thil tha lam reng reng a awmlo hialin ka hre thin.
"Sawi la,Glass house ah hahdam tura thu ka pek lai che in,chhuah i chak zek zek a. Engvang nge?" Dam deuh zawka tih pahin ka khabe chu a rawn chawi a.





"Tunge sawtiang ramhnuaiah sawn awm reng peih ang. Tumah biak tur an awm lova,hmeichhia ka nih hi,mahni in khawngaihna pawh ka nei ve thei" melh kar paha ka tih chuan a hmui a tisawi zeuh a.
"Dawt i sawi em?" Ala tih talh chuan ka thaw hak a,chhan pawh ka chhang buai peih tawhlo.






"Jessie Parker bulah khatiang thu kha sawi tawh suh ang che" tih nghut pahin a chhuak a. Engah nge khatiang mai mai pawh kha a huat thin ni,a nupui hual hi ka hnaih ang tih a hlau ngawih ngawih ni berin ka hria.





Ka khawhar thu vel ka sawi hrep hnuah chuan a piangthar deuh nge,Glass House ah a awm ve deuh reng a. Weekend ah pawh a chhuak chuanglo. Mahse,Entertainment leh Business news velah Jessie Parker nen an thlalak dun hmuh tur a awm reng a,ahmaa a bo vang vang lai ami kha a ni vel ang..





Living room ah kan thu a,ani chuan laptop ah hna a khawih a,keiin Wattpad ah story ka chhiar thung. A hnathawh saw a rilru ah a lut chiah em pawh ka hrelo. Ka thil chhiarlai chu a rawn melh ru deuh reng a.





Tun thleng hian a thu hnial zeuh zeuh chang ka nei a,mahse,lemchanga a thu ka awih zawm zel thei hi ka infak zawk. Engtin nge a sawi kha
'Ka thu awih la,thil tha leh ropui tak takin alo hmuak ang che' ati anih kha. A sawi ang tak takin a thu ka awih chin chu ka chungah a sual lutuk tawhlo a. Thil ropui tak tawng ngei turin ka in beiseilo. Mahse,nupui a nei thuai dawn a,chu hun chu an pahnih ai mahin ka lo nghakhlel zawk. Jessie Parker hian kei ang nena mipa intawm a duh dawn hauhlo tih ka hria. Chumi hunah chuan ka zalen tawh ngei ang.






"Enge i chhiar?" Tih pahin ka phone chu a rawn phih lawp a.
"Story" tih pahin ka chhuh let ve nghal. Mahse,a en hman tho.
"Miss Smith hian eng thawnthu nge alo chhiar ve thin a?" Tih pahin a kut chu a tukhumah a suih nghal a.
"I ngainat zawng a ni dawnlo" tih paha kalsawn mai ka tum chu.






"Sawi rawh ka tia lawm. Ka ngainat zawng tak pawh alo ni thei a" tih pahin a mal chungah chuan min pawt thu leh a,a chetdan teh thut chuan min thawng em a,a mal chungah chuan ka thu khawng nghal awt.




"Sawi rawh" tih paha ka beng a seh zeuh chuan ka tim deuh er er a,ngaihtuahna thalo nei zuilo turin ka in thing harh nghal.
"I hre duh tak tak maw?" Tia ka en chuan mit alo khap muang ruih a. Chutah,ka phone chu lek pahin
"Indopui pakhatna hunlai daih tawh khan Lalfanu pakhat,Mariposa tih hi a awm a. An ram thenawm chiahah chuan Lalfapa nunrawng leh hmeltha Alex tia an hriat thin chu a awm bawk. Anni 2 chu innei tur anni a,mahse,mipa zawk chuan a duhlo hle a,a haw em em bawk. An pahnih chuan hun tamtak an hmang dun thin a,mahse,mipa chuan a hnaih duh ngailo. A duh duh hunah tawngkam chhe tak takin a tawngkhum a,an lalram duh vang chauha amah neih tum angte in a chhuah a. Mahse,a tawp an hriatchhuah tak chu,Lalfapa chuan Lalfanu chu hun reitak ata alo duh daih tawh a. Lalfanu unaupa leh an chhungkaw laka a lungawiloh em vangin Lalfanu pawh alo haw mai mai alo ni a. An awmdun rei a,a haw rei theilo. A tawpah chuan a hmangaih thu a hrilh a,fa te neiin hlim takin an awmdun ta a" ka tih chuan che eih lovin a ngaithla a,a thaw lo emaw tih mai turin a pum zawn pawh a che hauhlo.






"Enge i ngaihtuah?" Tih pahin ka chhuk a,amah hmachhawn zawnga ka din chuan a rawn ding ve thut a.
"Engvanga chhiar nge inih?" Atih chuan a thinrim leh tawh anih hmel
"A ngaihnawm ka ti. Bakah,hetiang love story hi a tha a" tha taka ka tih chuan ngaihdan nihloh hmel fe hian
"Ngaihdan atthlak tak nei suh ang che. Kha Lalfapa ang kha ka ni dawn lova,Lalfanu ini bawk heklo" tih pahin min vai khum thuak a,inchung lamah a chho zui nghal.





Ani khan enge alo hriat ve leh tak. Ka thawnthu sawi kha alo in ngaihbel amaw,hahh,ka awih theilo. A sawi ang khan,kei pawhin ka lalfapa atan ka duh ngailo. Ani,hmangaihna leh lainatna reng neilo saw enga tan mah ka ti bik hleinem.





Vawiin hian Company thil vangin Hotel ah mikhual pawimawh 2 nen kan meeting dawn a,Ryle Balgoni mei(tail) ah ka tang leh dawn tihna anih chu.




Kha thawnthu ka sawi atang khan a danglam leh vek a,enge a hriat a,englai ber kha nge a huat ka hrelo. Mahse,kha thawnthu kha a ngaina lo tawp tih erawh a ze danglam thut atang hian jn a lang.




Hotel kan thlen pawh chuan min la be chuanglo a,ka awm ve tih hrelo ang maiin a kal pawk pawk bawk. Pawi ka tihloh berte zinga mi a ni hial ang.




Meeting kan tan a,businessman tih takah business leh personal thil chu a dah hrang thiam khawp. Engkimah
"Kan designer Miss Georgia Smith hian" tiin kan clients te chu a be zel a. Eng teh lua nilo mah se ka lo inchhuang ru ve veng veng.





Kan zawh fel meuh chuan ril a tam rawih tawh a,kan haw tlang mai dawn emaw tihlaiin
"Min zui rawh" tih pahin ka banah a kai a,thil eitur chuan min hruai nghal. Ka eitur ka thlang dawn emaw tihlaiin amah vekin a chah a,kan inhnial buai leh mai ka hlauh vangin ka sawi buai ta lo..





Kan ei zawh hma deuh chuan kan table bulah mi 2 anlo ding a. Ryle thil ei chu enin
"Wowowo,Kan mi hausa Ryle Balgoni hian ka Hotel ah dinner a rawn ei a" tih pahin kut a rawn beng thuk thuk a. Ryle chuan zawimuanga a Fork dahthlak pahin a sira mi chu a melh a,nuih ve suk pahin
"A tui hle" ati sup a.






Kan table chu rawn join ve in mipa 2 chu an titi sup sup a,a hmeichhe rawn hruai chu ngawi rengin ka bulah a thu a,nuam atih hmel chiahloh.





"Mr. Ryle Balgoni,khawilam nula chhelo nge i rawn hruai hi?" Tih pahin mipa zawk chuan min melh sawr sawr a,a mitmeng atang chuan mi fel tak anih hmel loh..





Ryle chuan khabe dawm paha min melhin
"Mason,ani kha ka secretary Miss Smith anih kha" ati sup a. Runluihnan ka lo nui nghek tep a ni. Mason atih pa chuan chiang fe hian min melh a. Chutah,Ryle chu en in tawngdang hian eng emaw a sawi zuai a,Ryle Balgoni chuan hmui tuai thuak pahin min rawn melh a,a nui suk bawk.






Nuam ka tih chiahloh vangin kut sil chhuanlam chuan ka tho ta daih a. Mason rawn zuitu hmeichhia kha ka hnungah alo kal bawk..




Darthlalang hmaa kan dinlai chuan
"Kum engzat nge inih tawh Sis?" Ati thut a,a lam pawh hawi chuanglo chuan
"25" ka ti sep a. Zatloh hmel fe a nuih pahin
"I uiawm hle mai" ama hriattawk lek chuan ati sep a.
"Engmaw?" Tih paha ka melh ha chuan
"Vawi engzat nge?" Ati leh tawp a. Ani hian sentence kima thusawi a thiamlo a ni ngei ang.





"I sawi awmzia ka hriat i duh chuan awmze neiin sawi rawh" ka ti ta tawp a.
"Awww,ka Tihpalh. Vawi engzat nge naute i tihtlak tawh ka ti mai ania" atih chuan ka surprise hle a. Hmelhriatlohvin chutiang min zawt mai chu chhan ngaihna reng ka hrelo.
"I sawi awmzia ka man hauhlo" tih paha lipstick ka hnawih that chuan
"Hahaha,keichu vawi 3. I hmel dawldang tak en kha chuan vawi1 tal i tihtlak tawh ka ring. Lunggai suh,enga tan mah ka ngailo. Anni mi hausa ho hian enga tan mah min ngailo bawk. An mamawh kan pe a,a aiah pawisa min pe bawk. A tha mailo mi,kan duh duh kan neih phah bawk a?" Awlsam hmel fe a tih pahin min nuih sak a. Chhang ta lo chuan ka en reng ringawt. Kei aiin a ngaihtuah awm fe zawk niin a lang.





Engmah sawi zawm tawhlovin a chhuak mai a. A incheina ka en a,a chhip atanga ke ler thleng khan branded vekin a inthuam a,a bag,tlereuh leh makeup thleng khan manto tak tak vek. A duh a hmu a ni maithei. Mahse,mipa hausa tak laka kan tan chhan erawh a inang hauh silo.






Glass house kan thlen chuan mut nghal mai ka duh a. Mahse,Ryle Balgoni hian a phal tlatlo. Ka chho tur chu min dang tlat a.
"Inleng anlo kal dawn" tih pahin living room lamah min kai phei nghal dawr dawr.




"Khawnge i bracelet kha?" Thut fel paha min en chuan ka kawr hnuaia ka bracelet bun chu ka tilang zeuh a.
"Steve Harvard-a pek che ai khan i duh zawk a ni em?" Atih chuan
"Aw" tiin chiang takin dawt ka sawi nghal a.
'Aih' tiin chhang ngat ila chuan min pawt sawm vek duh ang..





"Ka thu awih la,kha aia nalh tak tak kha ila nei zel ang" tih pahin a rawn kun hniam a. Min fawh a tum tih ka hriat vangin ka lo thle sawn vat a. A ngaihdan a nilo tih hriat fe in ka khabe ah chuan na zetin a hmer a
"Ka thu i hnial dawn maw?" Tih paha a chal atih chuar nung chuan a hmaiah tak ben sawk mai ka duh tawh.





"I laka ka awlsam sawt vang khan zalen angah inngai suh" tih pahin dimna nei miahlo chuan min fawp thut a,ka hmui hnuai a seh sawk pahin kan sirah thawm ka hria a. Nem sawn ka tum chuan a awmsawn duh derlo. Maid tu emaw ber annih ka ring a,pawilo mah se an sawi leh duh dawn em a. Chu chu ka duhlo a ni.






"Gi" tih sup ri ka hriat vangin ka chelai ka tawp chawt a,tukhuma vuak chawrh ang maiin ka awm bawk. Ryle Balgoni pawh a tawp Chiang hle a,kan sira ding chu enlo mah ila tunge anih chiang takin kan hre ve ve.





"Enge thleng hi. Gi,ini ngei em?" Tih pahin Steve chuan min kal hual a,kan hma taka a din chiah chuan a mak tihna kha thinrimna in a thlak nghal tih hai rual a nilo.




"Doorbell hmeh nachang hre ta che" tih hluk pahin Ryle chu a ding a,engmah tihsual nei ve lo ang mai chuan ipte zen in,a hawi chapo leh nghal vah a..




Steve chuan ngawi rengin min en tlawk tlawk a. A hmelah chuan mak tihna,huatna leh tenna te a inpawlh nawk niin ka hria..





"Steve" tih sep paha ka thawh chuan alo awm sawn dawrh a.
"Unaupa,a dik em. Ka thil hmuhte hi a dik em?" Mit sen veka Ryle a melh chuan hrehawm ka lo ti ngawih ngawih.




Ryle Balgoni lah chuan zahna nei lek lovin a melh ngur a,a pawi kan sawi ta zawk emaw tih mai turin Steve chu a melh rum. Sawilo turin ka duh a,mahse,a sawi dawn tih lah ka hming ka chian tluk zetin ka chiang si.





"I hmuh ang kha thudik chu a nimai" tih paha min melh zawk chuan zak lehchuang tur pawh ka awm tawhlo. Steve chuan thinrimnaa khat mitmeng hian min en a
"Georgia Smith,i danglam emaw ka lo ti thin a. Inu ang chiah ilo nih dawn hi. Nupui hual neilai nen in inkawp amaw?" Atih chuan a thusawi mal tinin silai mu an rawn kap chhuak emaw tih mai turin min deng dawt dawt a ni ber. Steve hian ka hming pumin min ko ngai hauhlo a,ka nu chanchin chhe zawng sawi phei chu a hnailo.





"Steve,ngai thutak lutuk lo teh. Miss Smith-i hian pawisa a mamawh a,keiin a mamawh ka pe a,chumi aiah chuan ani'n a taksa min hlan thung a. Mak ti vak suh,ani hi i ngaih anga thianghlim kha a nilo" zahna nei map lova Ryle Balgoni tawng chu kut hum ruh ngar ngarin ka melh a.





"Ilo mak hle mai" tih pahin Steve chu a inher a. A kal mai dawn emaw tih laiin Ryle Balgoni bawk chuan
"I tlereuh pek kha a ngaina lo. Ani chuan Million dollar man hu tlereuh chauh a duh" tih pahin ka ban chu a lek a. Chutah Steve chu lo hawilet in a aia rapawm zawk chuan min melh leh a,ka kawchhung hi tham nawk nawk ang maiin a za mum mum a,a zat dan lah chu ana em em mai bawk si.





Ni e,a thinrim hi a awm lutuk,bracelet leh zungbun min pek kha a thawhchhuah liau liaua min pek a ni a. A thawhchhuah mai pawh nilo,a hlawh hmasa bera min lei a ni nghe nghe.





Ryle Balgoni hian chu chu hre ranin min beih nan a hmang a,kan inzawmna tenawm tak tihlan chu sawiloh,ka zahawmna chhete pawh telin Steve min rinna zawng zawng a tichhe ta vek a ni..








(TRAITOR ang deuh khan a thawnthu laimu a luh hi ka hlau leh deuh tlat niin ka hria. A plot ang vekin kal mah ila,ka muang ka ti mai😅😅. Tun atang chuan kan ri chho deuh rap2 tawh maithei ni. Lo inring r'u😒.




Tak² a,relax deuha chhiar tur chapter te a awm veloh chuan ka tia.
'Ka hah'
'An buai reng' ti kha in awm thin sia. CHAPTER 2/3 vel hmangin ka rawn tlawn che u anih kha😁😅😅😅




ADVERTISEMENT kha aw,chuan,like leh comments pawh..aaaaa,ka ning,CHAPTER tina angai ngai sawi hi🤣🤣. Naktuk atang chuan ka sawi tawhlo ang🤐🤣🤣🤣)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)