VOHBIK Chapter 18

Episode kal lai dah luhna

Moderator: writers

Euricka
Posts: 183
Joined: July 23rd, 2022, 12:23 am

VOHBIK Chapter 18

Unread post by Euricka » August 18th, 2022, 9:00 pm

VOHBIK


Chapter 18:



Duhawma pov:


Ka phone chu ka en zui vang2 a,ka nui suk mai.Sawi chhuak thei pawha ka in rin loh,ka sawi chhuak thei a.Tlem in hma kan sawn hret chuan ka hria.



Min chhang let ve miah lo pawh kha a awm tho e.A rin loh lutuk thil ka sawi miau si a.Rilru a awm,tawt tawh lutuk ka paih chhuak ṭhen a, engtinnge a ngaih dâwn tih erawh hre lo mahila,chhûngrilah ka hlim veng2 thung.


Duhzuala'n Airport a thlen tawh thu a rawn sawi a.Fimkhur tûrin leh helam rawn ngaihtuah lova,ṭha taka a zirlai chauh ngaihtuah tûrin ka lo chah ve bawk a.Puitling ani ve tawha,ngaihtuah awmin a awm dâwn lo tih hre mahila,nau te an nih naah ngaihtuah ana ve ṭhin.


"U,lei tûr ka hre thlawt lo"tiin Nautei'n balhla a rawn lei hnur mai.Khawvel theia ka ngainat loh ber ala ni zui.Lo nuih sukin,"lei angai tawh lo,a awm sa pawh ala tam hi"tiin ka eitur dang neih ho kalo hmuh a.A ner sak a,"sawi ve tûr che alawm,pawisa a hek lutuk"ati hlak2 mai."Sum hman i thiam dâwn hi a,Eco. la ngei2 ang che"tiin ka lo fiam zui a.Ka nu kha a chhun a,sum hman pawh a thiam viau.A nau zawk si hi min khak tu ah a ṭang fo mai.A ṭha lamah ngai teh ang.



A School kal chanchin te a sawi malh2 a,hmaih nei miah lo turin uluk takin kalo ngaihthlak sak.Tunlai chu ṭhian thar a nei a,a hming pawh Zopuii ani nghe2.An inkawm ngawrh ve aniang, nitin a chanchin sawi lovin a awm thiam lo.Tleirawl tih takah a sawi duh zâwng te hi ala naupang chhia ve a,zawldawh taka en ala ngai.


Inspector Rina call a rawn lut a,lo la nghal vatin,"engnge chanchin"ka ti nghal a."Sir,Chi te lamah hmutu an awm a,kan kal mek e"a rawn ti zung2 a.Chhuah miah lo turin ka lo chah.


Rinsangi hmang hian misual in thukru kan man fo dawn anih hmel e.Ka hmang ṭangkai angah a inngai ang tih chu ka hlau viau a,mahse thudik anih na lai chin a awm ve bawk a.Sawi dan dangah chuan ka mamawh ti ila a dik ber ang.


A ṭhiannu Doctor kha a rawn kal leh a,test neih angaih thu rawn sawiin ka zui chhuak ve nghal a.


"In2 be ṭha thei maw?"a rawn ti hlawl chu ka lo meng buai hman ṭep.Hre chhuak leh in,"I ṭhiannu hi a ṭawng tam vak lo em ni?"tiin ka zawt ve tawp.


A rawn nui hak a,"in2 nel anga i hre mai ang"a lo ti tawi tak a.Zawh zêl chu duh mahila hun a awm tawh silova,hman remchangah kala zawt leh ang chu.


MRI te tiin, x-ray te kan ti bawk a.U Maremi'n,"i dam lo hi i ṭhat pui mah zawk anih hi,mo lawm a hnai tawh animaw?"tiin min lo fiam zuk a.Ani hi zawng nula senior tih takah thil a man chak teh e.



"Kan ti ve huk ṭep tawh ani"ka ti chu a lawm hle aniang,"chaw ei a in sâwm hunah ka rawn ei ve dâwn ania"tiin a khi var2 mai.



Ka awmna ward pan a ka kal laiin,min rawn kal pêl tu Doctor pahnih chuan an postmortem chungchang an sawi phei mawlh2 a.A kut zungṭang a kim loh thu te an sawi telin ka hria.Tu tak ni leh ang maw.Kan Zoram ṭhang chho zel hian,misual te suahsualna pawh a ṭhan pui ve zel chu anih hi.



Ward chhûng ka lut a.Detective Zara alo awm reng mai.Ka khum lam pan a ka phei min lo hmuh chuan,"Iva dam tawh ve kha"tiin a pangpar ken chu min pêk a tum a.Nautei melh rulh chung chuan ka la,mipa leh mipa damlo in kan naa pangpar in ken chu ka hre ngai lo reng2.Tunlaiah an lo uar thar leh tawh pawh ani mahna le.


Nautei'n thil ei turin min chhuah san a,kan detective a nen chuan in kawm in,drugs dealers ho chhuah an nih te chu ka hrilh ve nual a.A thin a rim ve khawp mai,hma kan la dun dâwn ania a tih ve tâk kha.


Tukinah hmeichhe ruang an chhar thu te a sawi a,an ruang chhar chuan kut zungṭang a neih kim loh thu te a sawi a.Pawngsual na hnu hma hmuh anih thu a sawi bawk.Nichina Doctor pahnih te sawi kha anih ngei dâwn hi.



"Hnu chhui dân tûr a vâng khawp mai,finger print tak ngial pawh hmuh tur a awm lo.A ruang lah a chhe nasa tawh bawk sia,engtia chhui zui tur nge tih ah ka buai ve khawp mai"a ti ve mawlh2 a.Ani ber a rilru a buai tawh chuan hnu chhui harsa tak ani ve ang.



"Han dam ila chuan ka pui thei tur che ania,dam vat ka ngai ani"ka ti leh ringawt ṭhîn.A sawi a sawi chauh hi chu a saw saw hlawt lo bawk si,rilru a hah tut2 reng mai ani.


"Movie ang deuh hian,hnu chhui thiam fi lâwr te hi ni ve ila.Kan mitthi te hi biak mai theih se a awlsam deuh tur ania"tiin a nui suk a.



Rinsangi ka hrechhuak zawk a.Mahse thlarau zawng2 an in lar vek kher awm silova.Koh tir ringawt lah a chi bawk silo.



"Mizorama hnu chhui thiam ber i nia,i chhui chhuak thei em2 ang.Ka ring che alawm"ka ti ta ringawt.




A phone rawn riin,an hnu chhuinaa pawimawh tur an hmuh thu a sawi a.A hna,thawk tûrin min kalsan ve ta a.


_______________________________________


Rinsangi Pov:


Fakzuheha a rawn tlân lut a,ka lo meng phawk leh hle.Thaw hlawp2 chung hian,a hawi kual a,"Ka nu beautifuli"a tih chuan "school ah"ka lo ti vat.



"Ok a ṭha"tiin ka bulah a rawn ṭhu tharh a,"in kawmchhak pa a tlân bo a,ka hriat veleh ka rawn kal nghal"atih chuan lu ka lo bu ringawt.A hna kalsanin a rawn kal ani ngei ang.



"OOo nang hian I hre tawh animaw,thu Iva zêp thei ve.Thuruk nei ṭhîn suh ka tih kha"a rawn ti,a pawr ve em2 ringawt leh nghal a.


"Kawmchhaknu a rawn kala kan hre chauh alawm Keini pawh"tiin ka lo chhang ve hmak a.Chiang taka min en chung hian a in kuangkuah at a."Engnge?ka ti leh hluk,chek hlak hian,"Kawmchhaknu i ti a,new comer nge old"a ti fuk mai.


Ka tv remote ken lai chuan a chalah nawr sawkin,"New comer"ka ti ram hmak a.Min rawn ṭhut hnaih leh te2 a,"new comer hian in rawlhna a neih i ring em?"a rawn ti leh sur2 mai.


"Ka hre nang,kan zawt dâwn em ni?"ti a lo chhang in,Thingpui lum tûrin ka thawh san a.



"Siali,Lalsial"hlauh nei ni awm tak chuan a rawn ti ṭiau a."Mm ka lum zo ṭep"kalo tih san.



"A dik thei lo,rawn kal vat teh,ka tei a tla dâwn in ka hria"a rawn ti leh.Eng emaw buaina neuh2 hi alo nei ve hman ziah.



Ka Thingpui lum lai kal san in,a ṭhutna ka pan phei a."Engnge?"ka ti bak hlar mai."Ka ngainat loh zawng i hria em?"ṭap lek2 hian a ti leh ṭuau a."Ramhuai"ti a ka chhan chuan,"Aw kha2"tiin a hmaa tv chu a kâwk a.



Tv lam ka hawi phei a,alo mur vek mai.Signal lam chian lohna a awm ringin remote la in ka hmet sawn ṭhîn,engmah awmzia a awm thei silo.


"Engmah a awm loh saw,signal a chhia aniang"ka tih san mai a.A kût khur leh a lu a thing chhen chuan ka ngaih ati ṭha vak bik lo.



"Ka hmu alawm,tv ah khan hmeichhe pakhat a rawn lang"ati leh hlur a.A sawi pawr mai bawk sia,mipa meuhin a hlauh chuan,engemaw hmuh chu a nei ngei anga.Mahse signal rawn chiang lo thutah khan a hmu sual mai2 anih ka ring.


"I hmu ve lo amaw?"

"Hmu lo"

"Come on,dawt ka sawi lo ania,ka hmu tak2"

"Tumah an awm loh saw"

"Hmeichhe pakhat sam thur deuh a rawn lang thut alawm"


Ava han buaithlak tak,a film en a vei lutuk anih dawn hi."I piangthar tawh,i buaina aho lutuk"tih san in,ka thingpui lum so si bawrh2 tawh chu off in,ka siam nghal a.


A bulah ṭhu ve in,a thingpui in lai chu a rawn phuh leh ṭhawt.Min van ti phu thei tak, vawiin chu engnge maw a hriat ni.



Tv bawk chu a kâwk leh a,engmah ka hmu veleh ta lo."Nang hi Siali ini tawh lo.Ramhuai ini chiang lutuk"tiin chhuatah a ṭhu thla a,min kâwk pah hian,"khawnge ka ṭhiannu a awm?sawi vat rawh"a au nghek2 mai.Engemaw a hriat ni,a ngaihtuahna a kawm nasa lutuk hian thil nilo pui2 a ngaihtuah thleng aniang.


Mak tak maiin,a hlau thlabar vel chu tih ṭhaih ka chak tlat pek a.Ka thingpui in lai dah thla in,ka aw ka ti dang lam kual vel a."I ṭhiannu chu ka ei zo vek"meng kual rulh2 chung chuan ka ti a,a hlauh leh zual nan,ka nuih khum zui bawk a.



En pawh min en ṭha ngam lo chuan,"piangthar mahila ka chhuah dawn lo che ania,ka ṭhiannu khawnge a awm,sawi rawh"a beng hup dui chung chuan a ti leh.A thlan a chhuak nasa bawk si,a kekawr dawr ka en a,alo huh dup bawk.



Heti em2 hian min hlau ang tih ka ngaihtuah pha lo.Ramhuai chu alo hlau tak2 anih dawn hi.Ni e,Thlarau sual ngat phei chu tawh an huhphurhawm ve ṭhîn alawm.



A hlau lutuk chu a beng hup in,amahin a phun mawlh2 mai.A dârah khawihin a hminga ka koh pawh chuan a awm ngaiin ala awm char2.


Hnung lama tv aṭang chuan hmeichhe nui thâwm ka hre zawm a.Kha nula bawk kha,ava kham awm tawh tak,ṭha deuha min lo nghah ve mai tur ania.


Tv lam hawi pah chuan,"thu Iva awih lo ve,"ka ti nghal thâwr a.Fakzuheha sawi ang in,a sam alo pawr tak2 a,a mit lehlam chauh ti langin min lo en reng a.



"Kal bo rawh"ka ti leh hrâwk,amak ania,he nula hian min zah der na pawh a nei lo reng2.Hetiang anih chuan a boral hma pawh in mi ngei a hlawh ve fo ka ring.



Tv chhûng aṭang chuan,"Ka ruang an hmu,min thattute an man theih nan min pui rawh"aw chher tak chuan a ti a.A in lar duh dan ṭhîn hi chu,puih a phur awm loh ṭhîn em asin.


Fakzuheha ka ngaihtuah bawk si,he nula hian ka puihna a mamawh tho bawk sia.Ka tihngaihna hrelo chuan,"sawi vat2 rawh"tiin ka tur ka ta ringawt.Hawihhawm chhuah thei dinhmunah pawh ka ding tawh lo ani ber e.


"Ka pa hrawnin min pawngsual ṭhîn a,ka thianghlimna ti bawrhbâng hmasa ber tu ania.Ka nun a ti chhe vek a,ka nu lahin a hlau bawk sia,zan ka nau nen kan mut laiin,ka nau zawk khawih a tum leh a.


Ka lo dan avangin keimah zawk min khawih leh a.Ka nu pawh a harh ve reng.Ka rilru na lutuk chuan ka nu bulah ṭhen tûrin ka ti a,ka nu in min lo beng"


A sawi zawh hma chuan ka lo pawt chat leh a,"khang kha chu nakinah i duhtawkin min hrilh dawn ania.Tunge pawi khawih tu chu min hrilh hmasa la"kalo ti dam dap a.


"U Sangte,i awih lo zawk ang.Min hringtu ka nu in ka pa hrawn puiin min that"tih leh ṭah a rual nghal a.


"I nu diktak in chutiang chuan ati amaw?"ka la ti fan,ka awih thei lo ani.Engtinnge,mahni ril a rah ngei a thah theih zawk?


"Aw,ka nu ngei ani"

"Awle,i hming leh i awmna veng min hrilh rawh le,ka puih theih nan che"

"Lalhriatpuii,Dinthar"



"Awle,theih tawp kalo chhuah ang,i chunga hetiang thil titu te hi ka man tîr em2 ang,lungngai suh"tiin ka thiam ang tawk chuan ka hnêm leh a.A ral leh ta daih mai,a lungawi ve ta aniang.


Fakzuheha chu ka buaipui leh a.Sofaah mut tîr in,tui vawt chuan a hmai te chu ka deh sak a.A rawn zia ta deuh a,ka mita min en chung chuan,"Siali,kan nihna kan in thleng anianga"a rawn ti chhuak hlawl mai.


Bang bo zetin ka en hû a,"ka hmu tak2 sia,i hmu ve silova.Engtin emaw kan thlarau hi a in thlakthleng thut aniang"thutak deuh chuan a rawn ti leh a.A mak hran love,a hmuh lai khan ka hmu ve bawk silova,tûn hmain a hmu ve ngai bawk silo nen,a ngaihtuah na ang chu put a awl ve ngawt ang.Ani anga thluak mawl nei tan chuan.


"Ṭawngṭai ang,nihna in thlak thleng ka duh reng2 lo"te chu ala ti zawk za mah a.Kei hian ania duh lo chu,ani nen berkhera in thleng ai chuan kawmthlangte zawh te nêna in thleng pawh ka duh zawk.


"Nangmah khan ṭawngṭai rawh,hlauh i ngah si,i piangthar ṭha lo em mai"tiin ka thawhsan daih a.



Ka room ah lutin, Doma ka call nghal.Rei nghah pawh angai lo,alo la vat a.


"Dom,thil tawn ka nei a"

"Aw sawi la,I ṭha em?

"Mm ka ṭha,thlarau pakhatin min rawn tlawh leh a"

"Chuan"

"A hming chu Lalhriatpuii ania,Dinthar veng ami.Anu leh a pa hrawn ten an that,pawngsual ani bawk a"


A reh vang2 a,"a ruang hmuh ani tawh em,nge an vui tawh zâwk?"a rawn ti leh a.



"Tukin khan a ruang an hmu"tiin kalo chhang vat.


"A kut zungṭang kim lo kha ani thei mai angem le?"a tih chuan,a kut zung chal a seh bun ziah kha ka ngaihtuah chhuak a.


"Aw anih ka ring,a kut zungchal a seh bunga ka hmuh pawhin"tiin ka lo chhang leh vat a.


"Awle,hma kan lo la nghal dawn ania"tiin call a cut a.A call a rawn lut leh a,lo la leh nghal vat in."Sangte,hna lam lo deuh te hi kan sawi ve tawh dâwn em ni?"a rawn ti.Min ti hamhaih lutuk chu ṭawng lawk nachang pawh ka hrelo.


"Mak iti maithei,mahse puitling kan ni tawh a,ka en dan aṭang che hian I hriatthiam mai ka ring"a rawn ti leh,ka lungphu a rang dawt2 a,sawi ngaihna pawh ka hrelo.Chhan dân tûr mai pawh hrelo chuan ka ngawi reng a.


"Ṭhian nihna aia thui kal ka duh,rem i tih chuan"a rawn ti thawp leh sup mai.


"Tunge min biak san daiha,ka buai em2 a room ah min kalsan leh daih a"Fakzuheha'n a rawn ti,min van ti phu tak.


"Tunge?"lehlam aṭang a rawn ti nghal.A aw aṭang chuan a ngaihdan ani vak lo tih pawh ka hre thei.


"Khawi maw"tih leh ka phone min chhuhsak a rual a,"Siali nen hian inbiak lawk kan ngai,nakinah in2 be leh dawn ania"tiin min off sak daih.Hepa in rawlh chikim lutuk hi ka kham tak zet.


"Awle,tupawh bia la,tûnah chuan a pawimawh rih lo.Kan inthlak thleng dan kha sawi chian angai"ala rawn ti.


"I ninawm lutuk,kan inthlâk thleng lo.Aw nula pakhat a rawn kal alawm.I hmuh ve tho kha"ka lo ti hlak2.



"Ka hmu ve thei tihna maw?"ka bula rawn ṭhu pah chuan a ti a."Hmu e,thlahrang anih kha"ka lo ti vin leh hlar a.


"Ka pianthar hnu hian super power ka nei daih aniang a.Lalpa min lâksak rawh,ka duh miah lo ania.Ka thisenin a zo ve lo"a kut suihin chunglam en chung chuan a ti mawlh2 a.Ka lo nam sawn dâwrh a,"Mihlim power nei ini mai,haw tawh rawh"ka ti nghal.


Ka nu'n room kawngka a rawn kik a,kan phu dun leh zawk.Kan au rual ṭhawt leh nghal."Police an rawn kal,rawn chhuak ru"a rawn ti. Fakzuheha nen kan in en hâw a,"nangmah vang vek"min la ti zui.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)