COLBY'S WIFE CHAPTER -14

Episode kal lai dah luhna

Moderator: writers

Remruatfeli feli
Posts: 143
Joined: June 28th, 2020, 9:53 pm

COLBY'S WIFE CHAPTER -14

Unread post by Remruatfeli feli » August 18th, 2022, 9:20 pm

COLBY'S WIFE CHAPTER -14

Colby aw chu a rin em avangin boruak reh ruihah chuan a ring tha thuai thuai kher mai.Chu chuan blade hriam taka zai ang maiin Greer thinlung chu a chhun thler hawk a.A thlabar sa tawh teh reng nen chu chuan a ti thlabar zualin amah chu rawn tihchhan ni tlata hriatna ala nei zui ngawt a...mahse beach-a Colby lo ding reng tawh chu a zuk hmu a.A kawr var zet hak chu thla eng hnuaiah chuan a lang var zual a.Mahse chutin arawn hmuh mai theih bik a ring lova.Nilo, thinghlim hnuaia hmangaihna chen mekte chu ani arawn tih ni,amah chu a ni theilo.Greer chuan a hnaihchilh em avang chuan an thaw ri mumallo tak te pawh chu a hre pha vek a.Beach chu arawn palthlang ve Ani ngei ang,Toronto atangin arawn inkhalh thlen chiah...

'pierson!'Colby aw chu a rin em avangin Greer chuan a Beng te chu a nghawng rum rumin a hria a.'ka hmu thei vek che a nia!Rawn chhuak vat rawh!'a ti leh tuarh a.

Hmeichhe aw chu Mangan hmeltakin a phun rut a sar sar a,Greer chuan inhnial rite chu a hria a,a reh leh a.chutah ti emaw chuan chuti lai hmun chu hmanhmawh takin a relh ruk san ta a-Eleanor chu hmanhmawh zet chuan thim tham hnuaiah chuan a pil bo a.A perfume rim nam cham cham bak chu hnutchhiah a neilo.Chutah Brad chuan chi-ai hmel deuh tak hian 'greer-minlo nghak...'

Greer lungphu chu a tawp dawt a.Engvangin nge Brad chuan a hming chu arawn lam kher? Mahse chutia rilru buainuai leh a ngaihna hrelo zeta alo hawi buai lai chuan Colby aw teng chhuai mai chu a hre leh ta a,a aw ani tih hriat a har hial zawk a ni.

'Greer,tunah khan rawn chhuak nghal rawh.Pathian hmingin! i rawn chhuah loh chuan ka rawn pwt chhuak nghal ang che!'

Chutiang ang ema Colby thinrim chu ala hre ngailo.Enge a tih pawh hrechianglo chuan muangchangin a dingchhuak taih taih a.Inphen nan thing phenah chuan a ding tawk tawk a,mahse a balance hlohvin te thawt chungin a sira hnimbuk ro chu a bawh ta thlawp a.Boruak reh ruihah chuan chu chu a Chiang hle.Colby chu arawn tlanphei a.Thawk pawh a lak hman hma chuan Colby chuan thla engin beach a chhun eng ruihah chuan a hnuk chhuak a.

Brad pawh chu a bihrukna ata rawn chhuakin Greer bulah chuan arawn ding a,mahse ani mai mai ngaihtuah nan chuan hun a neilo.Colby - an arawn melh zawnga a hmela hmusitna lo lang chauhlo chu ngaihtuah theih dang a neilo....khuarkhurun kawng nei lova pil riai riai ni ber hian a inhria a.Engtinnge Brad Pierson - a nen chuan hmangaihna lo chendun anga a ngaih theih? Thil awm Anglo lutuk a ni.Eleanor leh Brad - a remruat a ni ngei ang.

Oh,a cousin nu chu ava vervekin hma Ava sial tak em....mahni himna tur anih chuan midang tuartir pawh a pawisa hauhlo anih hi! Greer kha alo awm hnai ve tih a hre hauh awm silova, Westbury cottage a kalpelh laite chuan he inbumna tenawm taka Greer a barhluih Dante a hre vek awm si a.Greer chuan Colby hmela hmusitna lo lang chu a tireh dan kawng awmchhun pawh a hria.A nihloh zia kamkhat pawhin sawi Sela Colby chuan a awih em em ang.

Mahse a rilru anat em avang chuan engmah sawi lovin a insut hraih a.Mahse Colby chuan thudik chu lo hre ta Sela a tuar nat turzia chu....ani tuarna chu nepte ani ang.

" Oh insum hram teh" a ti hluk a,a aw chu zawi deuhhlek tawh mahsela a banreka na zeta a hmerna chu anat zual soh avang chuan vaukhanna a tel ani tih a hrethei a." Insum teh khai" ti lehin a thaw hrawih a." Lut vat mai rawh!" A ti leh tuarh a,a aw ah chuan nunrawnna alo lang a." Thil sawi tur....sawiduh ka nei....he pa Brat Pierson - a hnenah hian .Chumi hriat ve chu i duh kher lovang!" Sehchilh nawk nawk hian a ti leh a.

Greer chuan chianglo riai hian Brad chu Ava melh phei a.A rawn sawi fihlim angem? A melhna arawn pumpelh tlat avang chuan chu chu a tumlo tih a hrethei a.Chupa chu huaa ten viau tur anih laiin a hma lawkin nuam a chen a,tuna man pek a ngai leh ta chu pawi a tihpui lek lek a.A Phu tawk a hmu ani tih inhria Sela a ti hle a.Engpawhnise Colby chuan kut a thlak ve hauh lovang tih pawh a inhria.

Mahse tun hnua ahan ngaihtuah let leh hian - A tuk tlai lama hmusit theihpatawp leh ten taka a hauh hrep khan - a thianghlim a hnu hmanah ,lo Bengin lo sawisa hrep zawk Sela a tawrh a hahdam zawk a ring a ni.Kut lo thlak hrepin ruh tliak khawp hian pawhin lo sawisa Sela a ziaawm zawkin a ring a ni.Mahse a chunga hremna a lek tak chu a duat thinna leh an inthian thatnate a chhu chat ta chu a ni.Chu chuan a thinlung a ti kehsawm vek a ni.

Khata tang khan ngai a awh leh tawh ngailo.

" Greer darling,thingpui ka lum a nia!"

Jem aw chuan a tiharh zawk a,a ngaihtuahna chu paih bovin kawngkhara lo ding Jem lam pan chuan a kal chho ta nghal a.

" Berbecue chu a hlimawm dawn khawp mai.Lisa- in Colby pawh a sawm ve a.Nunhlui kan ang dawn lutuk!" Jem chuan a ti a.

" Ni e,a nuam viau ang!" A lung rawn Phu dawt dawt chu haiderin Greer chuan a ti chiam a." Mahse Brad a tel ve dawn silova" a ti leh a.

" Oh ,Lisa khan a hrilhlo che em ni?" Tiin Jem chuan a sam chu a chul thuak a." Brad chu tlai deuhhlekah Mercedes - in arawn kal dawn alawm.Dar 8:00 velah Rawn thlen ang" a ti a.

Pierson Cottage verandah inhung kual pat chuan chung a nei a.Bungraw rawng hring hbawih nghalh maite chu chutilai ram landan nen chuan a inchawihin pangparte chu a inkhawi chiai bawk a.Dawhkamah chuan Geranium pangpar serthlum rawng chu hlum velah a inkhawi a dawhkan hniam te teah te chuan Lupin thleng a inhung mawi bawka.Ivy pangparte,lobelia lunghlu dumpawl ang maia nalhte chu dithlifarfem atanga basket lungsamin a bawh lakah te chuan an rawn uaithla far bawk a.

Greer chuan chu zan boruak thiang nuam taka chutiang pangpar inkhawi chiaite rimtui leng vek han hip chu midang chu nise nuam a ti hle ngei ang.Mahse atan chuan zanin hi zandang ang a ni tlatlo.Colby a hmangaihna chu a luangliam zawih zawih a,mahse chu chu a mitmengah emaw,a awah emaw,a chetziaah emaw alo lanchhuahtir palh ang tih hlauvin inveng reng rengin a awm a.Mahse chu a hmangaihna chuan Colby - an arawn en Dan hniam tak avanga huatna leh thinrimna chu a kengtel tehmeuh bawk si a.Chu chu a chetziaah alo lan chhuahtir palh ang tih hlauthawnga insum reng renga a awm avang chuan a lute chu a na bur tawh a.....

A hmaa alo hlauhthawn ruk ngawih ngawih chu arawn thleng ta chiah mai...Colby nen chauhva han awmfal chu.

*********

Ka mut chhuak ltk🤧vawin ah ka zin ka haw chiah a ka ti thei thlawt lo,min hrethiam teh u🥺



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)