OUR UNFINISHED STORY Chapter-16

Episode kal lai dah luhna

Moderator: writers

Te-i Mrs Ambrose
Posts: 170
Joined: May 30th, 2022, 10:14 am
Location: Siaha

OUR UNFINISHED STORY Chapter-16

Unread post by Te-i Mrs Ambrose » August 18th, 2022, 9:29 pm

Our Unfinished Story
By:🌼Te-i Mrs Ambrose🌼
Chapter 16



8 Months Later
Matthew Lalremsang POV:



Final exam kan zo tawh a, chuan vawiin hian Cutie nen len chhuah kan tum bawk. Cutie hian min hlat sawt riauin ka hria a, a chhan sawi tur kha hrelo nangin, ka lakah inthlahrung sawt tawh em em a. A chhan ka zawh lah hian chhana mumal ka dawng ngailo.





Cutie lak aṭangin zawhna maksak pui pui ka dawng ngun ta viau a, chu pawh 'ka kalsan mai ang em?' tih lampang hlir a ni bawk, min thlakhlelh hmel ngawih ngawih a, mahse min hnaih ngam lo ang mai hian a awm tlat thlung a, kan inkarah eng khichat mah awmlo mahse kan inhlat sawt ta viau thung a, tun ṭuma lenchhuah ka rawt chhan pawh kan pahnihna inkar inhlat sawt lutuk siamṭhat ka duh vang a ni.





An in lamah lam lo tura Cutie-i'n min tih tlat avangin aman innghahna tur hmun a sawiah tunah hian ka nghak mek a, mahse a lo thleng tlai hrep, ka awm lah chu a nuam thei hauh lo a, thil eng emaw ka nun min nghawng dawt theitu ka tawng dawn anga inhriatna ka nei tlat a, chu chuan ka awm a ti nuam thei meuh lo.





Darkar chanve vel ngawt ka nghah hnu pawh chuan Cutie hmel reng reng hmuhtur a awm lova, ka call lahin a in switch off tlat bawk si, tih ngaihna hre tawh lovin an in lam ka pan ta rawih mai a, an in ka thlen chuan gate a lo inhawng sa a, ka lut nghal hmiah, an inah hi chuan ka mikhual vak tawh lem lova, a pawi lemlo turah ka ngai, an in chu ka thlek vang vang a, in lam pan chuan ka kal hnai zel, ka sir lam kava hawi zeuh a, ka thil hmuh avang chuan ka sa nghal pup pup.





Kha Jerome an tih khan Cutie chu lo kuahin a chalah a lo fawh sak a, Cutie pawn a kuah let ve anih chu, chu chuan ka thin a ti rim zual sauh bawk, Cutie chuan min hnungchhawn avangin ka awm ve tih erawh a hre hauh lo.





An pahnih awmna lam pan chuan ka phei mawp mawp, tunah ka hlauh ber chu ka thinrim ka insum zo lovang tih hi a ni "Eng thil nge in lo tih kha?" ka ti chang nghal fak, Jerome chuan Cutie chu thlahin a kalsawn daih a nih chu, khapa kha kha hnek mai loh nan ka insum nasa hle, Cutie chuan min hnungchhawn tlat a, ka lamah ka pawt her nghal sawk.





Mahse Cutie hmel ka hmuh erawh chuan ka thinrima a reh nghal duak thung, a hmel ka hmu chiah a, ka awmdan hi ka sawifiah thiam lo, Jerome a lo inkuah tir avang leh a lo kuah let ve avang khan ka thinrim a, mahse a ṭap tih ka hriat avang erawhin engtia tih mai tur nge ka hre lo.





A mitmengah natna thuk tak ka hmu a, a mitmeng a sen ram a, a hnar leh biang a tai tek bawk "Tun deuh lawk khan eng nge i lo tih kha?" ka tum aiin ka aw chu a chang hret "I lo hmu mai lo em ni?" tih chauhin min chhang anih chu "Eng vanga khapa kha lo inkuah tir ve ngawt nge inih?" ka tih leh fak chuan a ngawi vang vang.





"I hrethiam mai lo em ni? Ka hne tawh che a, chuan bialpa thar ka nei a, ka bialpa tharin min kuah anih kha" a tih chuan ka thinrim lutuk chuan ka kut ka hum nghek, "Engthil maw i sawi zawh chiah kha?" ka aw a chang bel bawl hle "I hre lo em ni? Perfect boy...ohh..nilo Matthew kan inkar a tawp" a tih chuan awilo lutuk in ka nui ringawt, "eng thil maw I sawi kha? " a darah vuanin ka thing nawk ringawt.





"Lalremsang ka hne tawh lutuk che, min thlah rawh" a tih chuan bang lamah ka nawr bet chawt, "Eng vanga hetia awm hi nge i nih? "
"Ka ning tawh che a, nangmah thlaktu tur pawh ka nunah ka senglut fel tawh, nang hian min lo tibuai suh" a tih fak chuan bang ka hnek chawrh, ka kut ruh a ri thawt nghe nghe in ka hria, mahse na engmah ka hrelo. Cutie chuan mit achhing sawk a, a mit aṭangin mittui a luang nghal, chu a mittui ka hmuh avang chuan thinrim na meipui kha a mit nghal duak, a mittui chu ka hruksak nghal mawlh mawlh.





"Cutie, tihpalh ka tihlau che em ni? Ṭha deuhin kan inkar hi sawitha ang aw" tiin ka kuah bet nghal a, mahse a ni erawhin min nam kiang vut, "Khawngaihin Matthew inṭhen ka duh tawh" a tih chuan ka melh ngawt ngawt


"Eng nge a chhan? "


"A chhan chu maw, nang ang mi rethei, fahrah ve mai mai ai chuan Jerome kha ka duh zawk, tun thla liamta aṭang pawh khan ka nin ṭhin zia chu i hrethiam mai lo em ni?" a biangah mitui luang reng mahse a aw erawh a chang ṭha viau thung.





"Matthew tunah chuan kawng hrang ve ve zawh tawh ang, I kiangah hi chuan ka hlim tak tak thei ngai lovang" a thusawi tin te chuan chem tel hauh lovin min vit sawk sawk nimai hian ka hria, ka duh vang rengin fahrah ka ni bik hleinem, midangte angin nu leh pa neih ve te kha ka chak asin, mahse ka nu leh pate chuan kei an fapa hi kum naupang te ka nihin mual min liamsan tawh a, mahni a khawvel hmachhawn turin min kalsan anih kha, ka nu leh pa chu ka auhkir theih an ni tawh lova, ka ngai ve ngawih ngawih ṭhin asin.





Mi tamtak te angin nu leh pa bula harsatna thlen va theih te kha ka chak a, mahse kei chuan harsatna thlenna tur ka nei ve tawh lo, ka harsatna ka thlen theihna awmchhun leh min hriatpuitu awmchhun te chu Pathian leh ka Diary chauh a ni.





Ka nu leh pate'n min kalsan aṭangin rei tak mumal pawn ka nung thei lova, Cutie hian ka nuna ka hlim ve nate kha min pe let , ka nihna engkim hre sa vekin min pawm a, fahrah ka nih zia te, mi fate anga ka hauhsak veloh zia te a hre vek, ka kiangah fahrah lam hawiin engmah a sawi ngai lo, mahse tunah erawh engmah pawisak neilo ang maiin ka hmaah ka nihna ngei min hrilh piap piap a, ka nihna ngei mai mah nise, ka na ṭhin, achhan chu ka duh vang renga fahrah leh rethei ka ni lova, ka tan chuan kha thu kha hriat a hrehawm em em ṭhin.
Tin, tunah khan ka retheih avang leh fahrah ka nih avangin min hnawl ta a nih chu.





Khang thu zawng zawng kha sawiin ka rilru hliam mahse, min kalsan tur erawh in ka la duh chuang lo , Cutie chu a inher riai riai a, ka pawt her leh sawk a kut pahnih chu hum betin bangah ka nawr chawt a, ka fawp nghal tawn tawn, a thle sawn ve zel, eng vanga hetia che ta mai hi nge ka nih ka hre hauh lo, thle sawn zel mahse a chak zawk ka nih miau avangin ka kut a kut ka hum lohna lam zawk chuan a nghawngah ka man chat a, ka rek na hauh lo thung.





A thle sawn thei tawhlo a, kei erawh ka chet ngaiin ka la che reng, a bianga mittui luang ka hmuh erawhin ka thil tih lai ka tawp chat, ka thlah nghal vat a, ka thlah chiah thihah ka biang a ri nghal ṭhawt "Nilo, Lalrempui nang hian min kalsan ngai lovang" ka ti tuarh, ka hmaa hmeichhe ding mek pawh a phu zawk mai.





"Nilo, Cutie nang hian min kalsan suh, min kalsan thei lovang" ka ti bah nawk nawk,





"Ka retheih vanga min kalsan i tum ai chuan engkim ka ti vek ang, ka lo sawi fo tawh thin kha, i tan chuan engpawh tih ka huam, ka retheih vanga min kalsan ai chuan sum thianghlimlo pawh ka la lut vek mai ang" ka tih chuan a vawihnihnan ka biang a ri leh nghal thawt.





"Huh,,kei hian sum thianghlimlo la luttu kiangah hian ka hlim I ring amaw?Teuhlo, min kalsan tawh rawh"
"Nilo, Cutie min kalsan suh, he khawvela ka neihchhun i ni ka tih fo thin kha, khawngaihin min kalsan suh" tunah hian ka va han tlawm ngawih ngawih em, hetiang tak hian ka tlawm ka la ring ngai hauh lo, min hlat duh ngawih ngawih Tu chu keihian chelh tlat tumin ka inphah hnuai em em tawh a, hetiang khawp hian kei Matthew hi ka la tlawm ngai lo.





"Cutie, min kalsan theilo ang, sum chu i duh chuan ka thawkchhuak em em ang" ka awmdan a mumal lo vek tawh a, rilru mumal pawh ka pu thei tawh meuh lo.
"Nilo, Matt nang leh kei chu kan inthlau lutuk, eng ang pawhin sum chu lo thawkchhuak tam la, ka hlimna tham erawh nang hian i thawkchhuak thei ngai hauh lovang" a aw ah chuan pawisak a neihloh zia a langchiang hle.





"Min kalsan lo turin nang hian i intiam fo ani lawm ni? " beidawng zet chuan ka ti ta halh ringawt. Ahma zawnga min thlahlel leh min ngaihsak em em ṭhintu kha khawnge a awm tak? Ka retheih vangin ka Cutie kha chuan min hnualsawt ngai lova, atan mi special ber leh Perfect kha ka ni ṭhin a ni lawm ni? Kha hmeichhia "Perfect boy" min ti ṭhintu kha khawnge a awm tak?





Tunah hian ka hmangaih chuan min kalsan a duh a, ṭawngkam min tina thei tu zawng zawng a phuh chhuak vek tawh a, chuan ani hian kha a ṭawngkamte khan min tina viau ṭhin tih a hre reng chiang takzet a, min tihnat hi a lo duh viau em ni?Min tina tawh takzet, mahse eng ang pawhin min tina mahse min kalsan turin ka phal lova,min kalsan ka la duh chuang lo.
Khawnge hmana Cutie kha a awm tak, kha ka Cutie kha tunah tak hi chuan ka ngai takzet, ani kha chuan ka na hmel hi a hmuh chuan min kuah leh hle hle ang a, thutam sawi lo mahse, min hnemtu ber ah a ṭang leh tawh ngei ang,,tunah hian a hmel chiang taka hmuin ka hmaah hian ding reng mahsela, ka tan erawh mihrang daih a ni tawh thung, kei chuan Ka Cutie ngei mai kha ka ngai a ni.





"ka thutiam chu ka sut ni mai rawh se, miin thu an tiam che chuan ring nghet bur ngai suh Promise is just a word, word chu engtik lai pawha inthlak thei a ni" tiin a kiai suk, a hmelah pawisak neihlo hmel a lang a "Matthew khawngaih takin min kalsan tawh rawh, nang chu ka infiamna pakhat ve mai i ni" Enga!! kei hi infiamna mai mai maw ka lo nih a.





"I infiamna mai mai maw ka lo nih a!? Eng ang hmeichhia nge i nih?" ka ti chang fak. He hmeichhia hian ka thinlung hi a ti kehsawm a ni ringawt
"I hmuh ang hmeichhia hi ka ni mai, keipawn a tir kha chuan ka duh ve lutuk che lawm,,,mahse nang ang mi rethei hi chu ....ka hne leh zung zung mai ṭhin a" a tih leh lek phei chuan sawitur reng reng ka hre tawhlo. Tlawm chikimin Matthew Lalremsang hi ka tlawm vawng vawng a ni.





"A tir aṭangin duh ve hle che mah ila, infiam nan bak ka ti lo ngailo che a, mahse ka infiama mai mai hian rin aiin min lo duh ta sia, ka tum aia rei ka kawp phah ta che anih kha"





"Anih chuan nang hian vawikhat tal, vawikhat chauh tal min lo hmangaih ve ngai hrim hrim em?" ka tlawm tawh takzet, tinge mi zawng zawng zinga kalsan hlau ber tu thinlung kher hi infiamnan a min hman, a infiamna lek mah ni ila, min lo hmangaih ve ṭhin tal chuan a infiamna nih reng mai pawh pawi ka ti lo. A chhan chu tuna min tina em em tu hi ka tan chuan ka khawvel leh ka engkim kha a ni miau si a.





Cutie chu a ngawi vang vang a, a hnu feah chuan chhanna ka dawng ta hram, mahse ka chhanna dawn erawh "Aihh" tih chauh a ni. Awle, tunah chuan engkim a tawp vek tawh e, ka tlawm tawh tehlul nen, inphahhnuai chikimin ka inphahhnuai tawh a, ka chelh zo ta nang lo a ni e. Kei aia tlawm hi an awm leh tawh kher lovang.





Kalsan nih hlau ber thin tu thinglung kha infiam nan lek min hmansak a, mahse engkim ka hre vek tawh chung pawhin huat chu sawiloh ka hmaingaihna a la ngai reng mai chu a ni sia! Mi zawng zawng zinga kalsan nih hlau ber tu kha tunah chuan kalsan ka ni ta e.





(in hrethiam lo maithei a,,mahse flash back hunah in hrethiam vek mai ang aw😁😅 )



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)