Chapter-24
by_MrsBabe Khawlhring
*Fiona Lalhlumawii POV*
Ka hmingpum ngei maia minlo auhna aw lo chhuahna lam chu ka en vata,ka mi hmuh chu ka rin loh lutuk lam a ni,mak tizet chuan ka en..."U Johan lehhh"ka hriat phak lek chuan ka ti zawi sep...
Puia nena kan dinna aṭanga hla vak lovah chuan alo ding renga,minlo melhrum khawp mai,thilsual tih nei ang mai ka ni...
Min rawn pan hnaih lai chuan kalo en renga,ka bula ding vereng Puia'n,"Tunge a"alo tih chuan,"Johana chu a nih saw"ka ti chhuak sep...
"Alo haw tawh tihna nimaw?"alo tih leh chuan ka bu nghat ringawt,ka mi hmuh hi kala awih theilo
,,,Johana lo kal hnai zel ka hma zawn tak maia alo din chuan hai rual lohvin a mitmeng aṭang leh a rim aṭang chuan a harhfím lo tih chu ka hre nghal thei...
Huai lutuk tak maia ka hmingpum ngeia minlo auh aṭang khan a harhfimlo tih chu ka hresa daih tawh hial zawk...
Ka hmaah alo ding ta cheng chu uluk zet hian ka chhip aṭanga ka ke ler thleng chuan min en chhuak vek a,a awmdan chuan min ti zàm angreng...
Keipawh chuan Johana chu chiang zet hian kalo enve renga,tunkarah alo haw dawn tih chu ka hriaa,mahse kartawp lam anih ka ring ania,ka rin ai hmain Johana hmel ka hmu chu ka tan chuan mak a tih loh theih loh...
A khabe hmul alo zuah buk nasa maia,a cher deuh bawkin ka hria,avun rawng pawh a thim deuh bul mai...Rum zeta min melh reng hnu chuan chil a lem khalha
"Tun ang zanah khawnge i kal"a rawn tih tak supah chuan,ngeiawm zet chuan ka kiai sak,"Tunge hepa hi"tih pahin Puia ka bula ding chu alo kàwk leha,a kut chu ka dahthlak sak vat,a zu rim lah chu ala tak em em zui,eng a hria nimaw zu te a in reng reng ni,,,Nge ni a Delhi a awm chhung khan a ngawl alo vei hial zawk?
"Khawnge ka kal tih leh ka bula ding hi tunge a nih tih hre turin ka tan engmah i nilo"ka tih hmak chuan,Johana mitmeng chu a dang vek thei...Alo rum nghut,a thin a rim hmel ngang mai...
"I pasal ka nihhi"a rawn tih thawp sup chuan ka nuiro hak,"Puia minlo han luhsan rawh,he zurui pa hi ka hnawh bo zawhah kalo chho ang"ti a Puia ka hrilh chuan,Puia chu a bu nghuta kal mai a tum chu Johana'n alo dang vat
"Enge i hriata"ka tih vak chuan,"Nangmah ka hria che,hepa hi ka hrelo"a rawn ti hmuka,Puia ngawt chu ala melh ngur zui...
"Hepa hi tunge,,,nilo tunge i nih"tiin Puia chu a en leha,Puia chuan a ning ta deuh nge talchhuah tumin a tal hruta,mahse Johana chuan alo chelh bet hneh khawp mai...
"Ka nau anih kha thlah rawh,i ngaihdan ang kha a nilo"ka ti ta sep chu Johana chuan minlo en vat,a mitko a rawn sàn ùk a,kalo melhrum khawp mai...
"Nau i neilo"min rawn tih chuan,"A cousin alawm ka nihle"Puia chuan a rawn ti hluka,a tal leh hrut chu Johana pawh chuan alo thlah ve mai...
Chutah rang zet hian Puia chu kan in chhohna step-ah chuan a tlan chho ta daih...
Puia hi a college kal kum laklawh deuhvin Chhungkaw harsatna vangin min rawn bel ve tawpa,ka patea(ka pa cousin) fapa a ni...Keini chhung awmpui tur duh reng chhungkaw member tlem lutuk tih takah kan bula a awm chu nuam kan ti phiana,college-te kan kal chhunzawmtira,kan chhungkaw tan pawh aṭangkai reuh em em bawk...
Tlai lamah khan ka haw mai tawh tur emergency-a zai tur damlo kan neih thut avangin Theatre lamah hun ka hmang leha,tunah pawh chaw kala eilo...
Ka nu leh pa te'n min ngaihtuah deuh avangin Puia kha min rawn lam turin anlo tira,tum loh deuhin Johana'n minlo hmu dun bawksi...Johana hmel hmuh beisei loh naklaiin,tunah ka hmaah tak mai a ding ta ran mai chu ania...
A hmel ka hmuh takah chuan kan fapa kan chan hnu a kan inlama ka awm chhoh hnu khan engtin tinnge khang thla4 chhung teh meuh kha ka hman liam pawh ka hre tawhlo...
Johana nen kan inhauh tak vak hnu khan ngaihdam te minlo dil hnuah ṭha deuhin kan inbe leh maia,mahse min ngaihsak lo riau khan ka hre ṭhina,nau ka pai lai ang khan min ngaihtuah tawh lova ka hriat ṭhin avangin ka lawmlo ru thei hlé a,ani lahin ka rilru tur engmah a hrethiam ve derlo,ka rilru a buaia,,,ka thinrim khum chang lahin min thlem a tum ngailoa,a fa ka pai loh hnu chuan a mizia a dang ta vek ka tilo theilo...Ral aṭang khan kan inhauh phah ta fo mai a,ka mamawh lai berin a hnen aṭang hmangaihna ka dawnglo kha tun thleng hian mak kala ti a,tun dinhmun kan thlen chhan pawh hi a ni...
Tunah hian engtinnge ka hmaah alo la in lan ngam zawk ni!ka haw ngawih ngawih,ka hlata a awm lai chuan min mamawh lo ang maiin awm a,tunah alo haw a,min rawn pan thei nghal mai hi mak ka ti,Johana awmdan hi hriatthiam a har kati ngawih ngawih
"Tikhan min en reng dawn a mi?"tih paha minlo pan hnaih chuan ka tawlh hnung vat,"I rim chuhh"ka tih vin hlak chuan,"Zawllaidi ka in a"a rawn ti heu mai,a la khi ṭhaw zui,tuna a awmdan kher kher hichu a inhmehlo takzet
"Zawllaidi rim mak tak anih dawn chu"ka tih chuan,alo la kiaisuk zui,"Hetah eng titurin nge ilo kal"ka tih chuan,a hmui a liak huh zeuhva
"Keimah hi maw?"ti a a in kawh chuan,ngeiawm zet chuan ka bûk khum nghat,"Ka nupui hmu turin kalo kal"alo tih chuan ka thawchhuak hak...
"Tu i nupui maw?"ka tih chuan,"Ka nupui Fiona Lalhlumawii nangmah"tih pah hian min rawn kawk a,minlo awm hnaih tawh viau lehnghal,a zu rim hriat hrehawm zet vang chuan ka thaw ṭha theilo...
"Engkim a tawp vek tawh,chu chu nang leh kei hian kan hre chiang viau...Hetiangin lem lo chan kual tum miah suh,ka ngaihdan chu ala ngai reng"kha faka ka tih chuan,a rawn nuichhuak hawk mai
" Vawikhat pawh I ngaihdan kha ka ṭawmpui che tih ka sawi em ni,engmah a tawplo,lo haw rawh"a rawn ti sap chu ka nuih atizà zawk
"Fiamthu lo thawh teh suh"ka tih chuan,"Fiamthu thawh hmel ka pu em ni?"ka mitah tak lo en chung hian alo ti a,ka ngawi reng...
"Kalo haw tawh hi,lo haw ve tawh rawh ka ngai lutuk che"chuai raiha a rawn tih leh chuan,ka rilruin 'dawt vek,dawt vek' tiin ka inhrilh mawlh mawlh
"Fiona"a rawn tih leh sup chuan,"Engmah sawi tawh suh,i thusawi engmah ka ngaithla duhlo,ka laka i rilru puthmang dik tak chu ka hlata i awm lai khan iti lang chiang viau e,ka theihnghilh tawh ngai bawk lovang,lo haw leh tumna rilru ka neilo...Tunah chuan ilo haw tawh bawka,bungrua pawh kan rawn la thuai ang,dan anga innei pawh kan ni hran lo bawka,buaina tur vak kan neiloa...Nangber ilo haw tawh bawka,a zia khawp mai"ka tih ngat chuan,Johana chuan hrilhhai hmel zet hian min en reng a,a mitah tak ka en apianga amah ka duhna leh ka thlakhlelna lo kir leh ṭhin hi ka duhlo takzet...
"Tinge?....tinge hetiang hian i awm?tihsual ka nei em ni?"a rawn tih sup chuan,ka nernang..."U Johan,i fiamthu em ni?i tihsual i hrelo amaw!...i ruih vangin i hriatna i hlauh ta em ni?"ka tih chuan ṭawng tumin a kà a rawn àng zuau a,"Nang hian kan naute vang chiah khan nupuiah min nei tihhi kan naute kan chan hnu khan ka hrechiang khawp mai...Engmah sawi tur ka nei tawhlo,min hmu tura ilo la kal ngam hi i zaktheilo kati takzet che,hmuh leh che pawh ka duh tawhlo"ka ti leh a,kan in chhohna step lam chu ka pansan ta daih...
Minlo la thlir zui reng tih chu ka hria,min dang miahlo tekha amak kati...Nilo,,,kei hi enge maw ka ngaihtuah ni,,,engvangin nge min dang turin ka duh ve rikngawt...
In chhunga ka luh hma chuan nichina Johana dinna lai kha ka zuk en a,alo awm tawhlo...Ani zu rui hi thil ṭhalo alo ti palh ang tihte chu ka hlau leh hnu hnawh,mahse chu chu ka buaina ber tur a nilo...
Nichina inhnaih zeta kan din dun lai khan ka lungphu rang lutuk kha mak kati,ka duh tawh lovang tiin keimah leh keimah ka inhrilh fo a,lo haw hun ala nei dawna,chumi huna ka awmdan tur pawh ka zir nasa,mahse a hun a han thlen meuh chuan,a hmel ka han hmu chiah chu amah ka duhna tekha anlo let leha,tum ang chuan a awm theih hohlo...
In chhunga ka luh hma chuan thàwk ka la deuh kàwk kàwka,ka lungphu rang lutuk mawlh chu a hrehawm kati...
Khang thla4 chhung teh meuh kha nang theihnghilh nan che chuan alo tlem deuh ania nge u Johan!nitin mai khan theihnghilh tum che in hun ka hmanga,ka rilru lak pen theihna turin thil tamtak pawh ka tikual nasa,mahse khang thla4 chhung khan nikhat té pawh ngaihtuah loh lai che ka nei ngai chuanglo...
In chhunga ka lut chiah chu ka nu leh pa hmel ka hmu nghala,Puia khan Johana nen kan inhmu tih kha alo hrilh hlawm loh hràm ka beisei...
"Inlo la menga?"ka tih sap chuan,"Kanlo nghak reng che alawm,i mi zai chu enge chanchin"ka pa in alo ti vat,"Kan zai tluang viau e,Surgical ward lamah pawh dah tawh lovin cabin lamah ka sawn tir nghala"ka tih chuan ka pa chu a bu nghut...
"Khawnge Puia hi"tih pahin ka hawikual deuhva,inbual tura a room lama a chhoh tawh thu ka nuin alo sawi chuan,ka room lamah luhve nghal mai ka tum chu,"Bawihte lo ṭhuve lawk teh"ka pa in alo tih avang chuan ka nu bulah chuan ka ṭhu thla vat...
"Enge ni?inbuala chawlh hahdam vat vat ka duh ania"ka tih chuan,"Puia khan Johana nen in inhmu atia Johana alo haw em ni?"ka pa chuan alo ti a,,,ka ngawi reng chu ka pa alo khuh kharh avang chhanglo chuan ka bu nghat ringawt
"Enge alo sawia"ka nu in alo tihve chuan,"Engvak mah"ka ti tawi tak,"Engpawh nise Johana lo haw chu a lawmawm hlé mai,in inkar pawh ṭha deuhin sawi dun ula naupangchhia inni tawh lova puitling ve ve inni tawha chuvang chuan ṭha deuhin engkim sawi dun ula,eng amah hmaa inṭhen tih rikngawt chu aṭhalo keimah pawhin Johana chu hmuh ka duh"ka pa in a tih chuan,ka thawchhuak hak...
"Pa enge Johana chu hmuh angaihna,sawidun leh tur chuang pawh kan neiin ka hrelo,kan inṭhen tho ang"ka tih deuh hmak chuan,"Bawihte chutin ti ngawt teh suh"ka nu chuan dam diai hian a rawn ti a,"Nu engmah Johana nen sawidun tur kan nei tawhlo,kan inṭhen dawn chu chu nimai"ka ti leh sap,min chhan letna pawh ngaithla duh tawh lovin ka room lam ka pan nghal daih...Puia mai mai chu ka nu leh pate lo hrilh thawt thawt loh tur hi a nia...
Room chhunga ka lut chuah chu light pawh on lem lovin khumah chuan ka muthla hnawka,ka phone chu phawrh chhuakin ka wallpaper-a ka fapa thlalak ka dah chu ka en a,"Bawihte apa alo haw tawh asin"ka ti chhuak sep,ka mittui rawn tla nghal zat chu duhlo lutukin ka tuai nghal puat,'La awmve la chu tiang hi a thleng miahlo tur ania'ka rilru chuan ka ti mawlh mawlha,mahse heihi kan naute thiam loh a nilo,ka mittui chu ka dang zo mawlh lo a ni...
Lehlam takah chuan ka nu leh pate rilru tur chu ka hriatthiampui takzet,an fanu neihchhun ngawih ngawih ka ni a,an duh loh dan deuhin pasal ka nei pawh tih tawh naklaiin,ho deuhin ṭhen leh mai kan tum si a,an tan chuan a rilru natthlak dawn takzet...Ka tan chuan englai pawhin aṭha ber min duhpui tlat tute an ni a,an duhloh zawnga ka awm erawh pawi kati...
Diktak chuan min hmangaih miah lotu mipa bula nun hman ka duh loh vang a ni,min hmangaih thu min hrilh zan khan ka hlimin ka lawm em em a,mak pawh ka ti...Johana hi keipawhin ka duhve takzet tih ka inhre bawk,mahse hmeichhia hichu bum kanlo nuam em a,mipa tehian an duh tawkin minlo bum ṭhin hi alo nia,,,Johana hichu ka tan chuan mipa special tak a ni a,mipa dang nen pawha ka tehkhin phal loh a ni...Mahse ani pawh mipa dang ang tho a ni,mipa zawng zawng hi anlo in ang vek...
Kan bul ṭanna ka ngaihtuah let chang chuan in duh tawn lo leh inhmangaih tawn miah lova innei kanni tih chu ka hai hauhlo,mahse induhna techu alo awm chho ve maia,Johana'n min duhna a tihlan zozai tekha tak tak emaw ka ti a mahse a lem vek...
A fa ka pai vang chauhvin min hmangaih tak angin a langa,min care-in min duat em em bawk mahse vanduaithlak takin kan fa kan han chan ta cheng a,a mize diktak ka hriatchhuah phah ta bawk,,,Kan naute kan chan hnunkhan a mi hmangaihna leh duatna tekha khawnge an awm zawh tak pawh ka hre nek love...Min hnungchhawn nghal hmak a ni ber...Naute vang chauh khan minlo ngaihtuah ṭhin a ni....
*Johan Lalmawizuala POV*
Ka hmai nì zungin a rawn chhunna avang chuan ka mengchhuak diar diara,ka room-ah kalo mu reng tawh,mak ka tih lutuk avang chuan ka ṭhu chhuak hlawl...Nizanah khan Fionai min ṭawngkhumna avanga ka thinrim kha Nu Rini te inlamah ka chhuk leh a,ka in belh leh ṭeuh kha nia...
Úm khat meuh ka han in zo leh kha chu tunge ka nih pawh ka inhre tawhlo hial,ka chatthla ta daih kha nia,tu in nge maw min thlah ta ni,ka haw chiaha hetianga ka awm chu a zialo takzet a ni...
Muangchang chuan ka tho chhuaka,ka lu lah chu a rit bur mai,in tifai turin bathroom lamah ka lut nghala,ka nu leh pa chu an thinrim viau loh hram ka beisei...
Bathroom aṭanga ka chhuah hnu chuan chaw ei turin Matei'n min rawn ko chiaha,banga sana intar ka en chu dar9am alo rí der tawh,alo hma tawhlo khawp mai...
"Khum bula dawhkan té ah khan penṭawng damdawi ka dah kha aw"ti sepin Matei chu a chhuak nghala,engmah pawh sawi set setlo chuan dawhkan awmna lam chu panin damdawi chu ka hmawm nghal hmak...Ka awmdan chu a zialo kati takzet,ka chhungte hmel hmuh pawh keimah leh mah lovin nuam kati derlo...
Ka inthlak zawh hnu pawh chuan chaw eitur pawh chuan chhuak ta lovin khumah chuan ka ṭhu renga,nizana Fionai thil sawiho kha ka ngaihtuah leta,a thusawi kha diklo pakhat mah a awmlo...
Khang hun harsa kan tawh laite kha ka ngaihtuah lét a,ni e diktak chuan khatih lai khan ral aṭangin ka fapa ka sún ve thova keipawhin min hrethiamtu leh min hnemtu tur ka mamawh ve tho,mipa mah ni ila mihring ve tho ka ni a,chak takin ka awm thei reng biklo,ka tan khan rilru fîm tak hman a harsaa,rilru mumual pawh ka pu thei biklo,,,hrehawm ka ti a ka fapa ka chàn mai kha ka hrethiamlo takzet,ka inngaihtuah lungpuam nasat deuh phei chuan Fionai dem chang pawh ka nei lek lek ṭhin...
Khatih hunlai tak kha Fionai'n min mamawh hunlai tak a ni tih pawh hrelo ka nilo,mahse kei ngei pawh hian ka nupui mah nise hnem ngaihna vak ka hrelo,kum lamah chuan ka upa pawh tawh a ni maithei e,mahse mipa puitling tak leh mi chak tak ka ni biklo a ni...Ka nun thlak danglamtu tura ka ngaih kan naute in min kalsan kha hrehawm kati ve bawk ém a ni....
Nizana Fionai hmel ka hmuh kha ka mitthlaah hian ala cham reng,a hmelṭhat dan ala ngai renga,a inrintawkna a bo hohlo bawk...
Ka room kawngkhar rawn kiktu an awm chuan ka hmai chu ka tuai deuh puat,,,Matei alo ni,"Ú,chaw ei turin tinge ilo chhuah miah lohva"alo tih chuan,"Ka eichàk lemlo va,nizanah tunge min lo thlaha?"ka tih nghal chuan,"Nu Rini'n U Mama'n (Jamesa) alo call a,alo hruai che alawm"alo tivat
"Ka nu te an thinrim em?"ka tih leh chuan,"Aih,thinrim lemlo an hrethiam lutuk che mahse ú tiang kha chuan awm tawh suh aw"alo tih chuan ka bu nghat...
"Ka shift a hun dawn tawha,ka kal tawh dawn,ka nu chu dawrah a chhuk lawka,alo chho ṭep ang...Chaw tlem tal ei lo tum rawh aw"a tih leh chuan,ka ngawi vung vung...
"U...."alo tih leh chiam chuan,"Umm"ka ti thawp sup ringawt,"Zanah ti ti ang aw?thil zawh tur che ka ngah lutuk,,,"alo ti sep chu,zawhna mitmeng zet chuan ka en...
"Nizan i ṭawngvai nasa si?"ti leh sepin a kal ta daih...
"Mate"ka tih sup chuan alo hawilet vat,a mitko a rawn sak ak,"Pasalin a nupui khawtlan ava kohva,a nupui chu lo haw duhlo tase,an in a ava awm chilh ringawt hian makpa chhungkhung a ni tihna a nilo tiraw?"ka tih chuan Matei chuan ka hauin minlo en!!!
(END OF CHAPTER-24)
Comment ṭheuh ang u aw...
🥰
https://www.facebook.com/groups/9913546 ... 116257641/