MR.STREET RACER CHAPTER 1-5 (LAST)BY MAWITEI BAWITLUNG

Episode kal lai dah luhna

Moderator: writers

mawitei bawihtlung
Posts: 754
Joined: November 18th, 2020, 12:53 pm

MR.STREET RACER CHAPTER 1-5 (LAST)BY MAWITEI BAWITLUNG

Unread post by mawitei bawihtlung » September 24th, 2022, 9:03 pm

MR. STREET RACER




CHAPTER 1




BY Mawitei bawitlung




ahnuai lamah a thar a awm zel dawn en thla rawh


“ Ka nu ka ti ngai lo ang che,sum i duh viau a nihpawhin ka pa lo hi nei mai ta che " ti tu chu chhang lo in ka en reng. Ka mipa vei hmasak ber pa ka pasal a ni ta chu keipawhin hrehawm ka ti ngawih ngawih,mahse a ni hian a pa nen kan inrem siamna leh a pa min tihdan a hre der silo,a hmel rum zetah chuan min huatna bak a lang lo. Mahse ka mipa duh ber hmel nitin ka hmu thei dawn tih hria in ka chhunglam erawh a hlim em em thung si. Ka lamah a rawn pen hnai a ,ka lo tawlh dat dat ,bangah chuan innem khalhin min melh chhuk run.









Ka en ve kar ,a rim pa zet leh a kawr hak inhmeh lutuk chuan ka thawk a tibuai vek thei. Ka hmui bul chetah a rawn kun hniam ,ka khur der der ,chutah nui sukin a insiam tha ” Tar nei duh tur khawpa sum duhtu hi ka hnimhnaih peih lo ve ,mahse hre rawh he inchhunga thil awm zawng zawng te hi i kutah ka hlan ngailo ang " tiin a bike chahbi la in a chhuak zui ,ka zawi hnawk ka mipa duh pawh ka duh thu ka hrilh hma in apa nupui ka ni tlat si “ Zonunpui i pa hian ka nunna lak a tum tih i hre miah silo,ka nunna chhan nan neilo thei ka nilo tih hi ka hming pawh i hriat loh tluk zetin i hrelo ang tiraw?











Nitin i hmel hmuh tumin ka zui ru thin che a ,mahse nang chuan i thiante leh i ngaihzawng bak i ngaihsak der silo a ,keipawhin i pa ang hi neih ka duh biklo a sin " tiin a chhuak chu ka en zui vawng vawng. Apa ka pasal nita lah office lamah a kal daih bawk. Keimah in chu inruak zetah chuan ka awm ta reng,ka thianghlimna erawh min tiam angin kan innei a nihpawhin la lo turin a intiam bawk ,chuvanga thawveng deuh pawh ka ni . Ka nu leh pa la dam se chuan hetianga mi vau na hi ka tawng lo tur ,ka mittui luang ngiai ngiai chungin inchhung chu ka tifai a .











Rawng ka bawl malh malh laiin ka pasal pu Hmingchhuanmawia chu a rawn haw a ,min en reng tih ka hria ”Khawiah nge bawiha hi " a tihchuan a chhuah thu ka hrilh a, min rawn panin ka hnung lam atang chuan min rawn kuah,ka insum hram hram a ni . Kum 55 a ni tawh a ka pu rual daih a ni bawk ,ka pum a a rawn chul chuan ka awmsawn vat “ Rawng ka bawl hi " tiin ka en kar ,min melh run mai . A in enkawl uluk bawka chunga tar a ni heklo a la thatlai hmel viau ,a tlangval lai chuan a fapa nen hian an in ang viauin ka ring.











Mahse ka tan chuan ka hmelma lian ber a ni . ” Ka nupui i nih hi " a tihchuan ka en let kar “ I intiamna kha hre reng rawh min khawih lo turin i intiam tawh kha ,ka duhlo chung che a nei che ka ni bawk . Engvanga i fa aipawh a naupang hi nei nge inih" ka hmai chu a ringhal sawk . A kalsawn hnu chuan mittui luang zung zungin ka rawngbawl lai chu ka chhunzawm,hetiang tur teh hrepa min lo hring chhuak tu ka nu leh ka pa ka demlo theilo,Khawvel eng min hmuh tir hnuah mal taka awm turin min kalsan leh a nia .










Zonunpuia pawh chaw ei hun dawnah a rawn haw a,apa chuan a lo bia tih hriat takin an inhnial thawm ka hria “ Ka nu thihna em pawh thla a la tling lo a ,naupang i fa rual lek nupui a nei tur hian i mamawh viau em ni? " tiin a pa chu a melh khur ,kum 27 mi niin University vel bakah Aizawl ah chuan a lar hle ,hmeichhe ho duhrawn a ni miau a ,zanah khawpawnah chhuakin bike in tlansiak an nei thin a ,pakhatna a ni ziah bawk . Mahse a mizia tha lo tak erawh insual a hrat a ,ruihhlo tihloh a bar pawh a neilo . Hmeichhe hrang hrang a kawp kual a ,tumah an in thik ngai miahlo bawk.











A kawp nih pawh an chak a nimahna “ Zonunpui i pa ka nih hi khatiang khan min be suh " a tihchuan ngei awm zeta a hmui tikawiin a nui suk,chutah ka lam a rawn hawi chuan ka lo tim chawih thei “ Saw i nupui sumparlawmi pawh a awm saw ,a hmuhlai che chuan insum ve la oh a mamawh i phuhruk theih dawn loh chuan ka awm reng a nia . Hey nang nu kha ka sawi chu i hria maw ,nau pai i duh chuan ka awm reng a nia . Ka pa hi chu a upa tawh a ,a chi pawh a hut tawh ang " a tihchuan a pa chuan a hmaiah a hnek sawk ,ka lo rak that .









A hmui tuaiin a rawn hawi chhuak chuan apa chu a hnek ve mai ka lo hlau tak zet “ Min hring tupa inihna avang chauhin ka khawih let lo ang che. Tin nangnu pawh kha lo hre rawh,ka nu intih hming chhiat avang hian he in hi hrehawm ti em em in ila chhuahsan ang " tiin a room lam a pan zui nghal pawk pawk,a taksa a lian nasa mai si ,a room kawngka chung chu a tauh lawlh . Hlauthawng viau e tilo in rang zeta chokaa lutin ka nui khur dar dar ,a thinrim laia a intauh chu a haw ngang a niang kawngkhar chu a khar ri bur mai.











Chaw eilai chuan a tu a mah kan in be lo,keiphei chu ka zak a ,Nunpuia laka ka thil tih chuan min tihrehawm bawk . A hmeltha a ,a luck zia ka hria ka vei thei em em a ,ka room ah a thlalak pawh ka tar khat vek,tunah pawh hian pakhat ka kalsan phalloh ka la kawl reng . Ka room bikah ka lut a ,khumah chuan ka mu thla hnak ,ka in ngaihtuah ,ka hmalam hun hi a thim hluah hluahin ka hria . Ka room kawngka a rawn inhawng a ,ka phu zawk Nunpuia rawn lut chu ka en reng. Zu a rui tih hriat takin a meng senrum a ,a pai leh nawk nawk thin.










“ Engvanga he rooma awm nge inih? Putar bula mut chu i zuam leh silo nge " ngeiawm zeta nui chungin a rawn ti a ,ka chhang duhlo ngawi reng chuan ka thu chhuak a . Ka kut pahnih erawh ka hum nasa viau ,ka biang a rawn khawih a ka phu zawk,chutah ka inrin hma in min rawn fawp a ,ka taksa a chul kual nghal dan dan . Ka hamhaiha chhan let pawh ka tum lo,a tawpah ka hmai pahniha dawmin mutchhuak tih hriat lutuk hian a meng a,a mitmeng chu a mawiin a sexy phian lehnghal. Ka lu ka thing nawk nawk .










Chutiang ngaihtuah tur ka nilo,ka pasal fa hi ka inkhawih tir tur a nilo . Ka namsawn nghal vat ,khumah chuan a mu deuh thlawp ,a muhil zui chu a ni nghal mai . Ka en reng,a hmelpa leh hriam hrak si chu a inhmeh hliah hliah ,a biang leh hmui vel chu hmulin a bawh deuha ,chu chuan tlangval naupang lutuk a ni tawh lo tih a tichiang viau,puan chu sintir in keichu amah hlat fe chuan ka mu kek,ka pasal in rawn hmu se a thinrim hle in ka ring . Pasal neilo ni ila Nunpuia hmaah hian vawikhat tal in puan ve ka chak,apa hi ka haw hluah hluah tih hre lo in a ni erawhin hmeichhe ni khua lo leh sum duh lutukah min ngai chu a ni si a .









Ka zi mar talh talh,ka taksa kuah tu ka hriat rual chuan ka mengchhuak kawk,ka hnute hnuaiah mipa kut tih hriat lutuk hian a kuah chiang a ni. Ka inher ka mi hmuh avang chuan ka en reng ,a mit a la chhing reng,a sam a thur hle bawk ,chutah ka che chu rawn mengchhuakin kan inmelh ta ran “ Nang " tiin min namsawn a ,khum hmawrteah ka awm bawk nen ka tla thla awk “ Engvanga ka room-a rawn kal nge i nih,zaktheilo lutuk" a ti hluk hluk ,a thinrim hmel hle bawk. “ Hei hi i room a nilo" ka ti thei hram a ni.









Ka hnungzâng ka sawh bawk nen ana viau mai “ Engmaw i sawi a " a rawn ti leh khur khur ka va ning tak “ I room chu inhnuaiah a nihkha a awm ,hei chu ka room a nih hi i awihloh leh thawmhnaw saw i en thei ang" tiin tui chu ka in. Ka thaw ham ham,ka zia awm tan chuan ka hria ,a hawi kual a a room a nilo tihchu a hre ve tho in ka ring “ Engvanga ka pa bula mulo nge i nih,putar rim chu ilo ngeih thei vak nange ,sumlawmi dik tak chu i nih hi mahse hre rawh kei hi rochang tu tur ka ni tih hi . " tiin a chhuak.










An ro ka duhloh thu a au khum chiam ka chak,khumah chuan thu thla in ka mit ka chhing. He mite pafa bulah hian ka cheng reng thei angem ka hrelo ,thih daih ka chak hluah hluah bawk . Hetiang nun hrehawm leh dinhmun khirhkhan lutuk a din hi ka tlinin ka ring lo,in phih faiin inhnuai lamah ka chhuk leh a ,nula in tifai tur bika an rawih pawh in chu a rawn tifai leh zung zung,rawng bawlin thutkhawmna lama tv en chunga phun bul bul Zonunpuia lam chu ka melh leh zauh thin.










Ka pasal pawh a rawn chhuk,mi hmaah chuan pasal nihna a keng miau si a ,mi awmlai in a biakchhiat theih bawk siloh . Be chhe vaih ila chuan min ti hrehawm leh viau ang ,ka hmaiah a rawn fawp a ,ka chaw hmeh chanlai chu min rawn pui ve bawk . Zonunpuia rawn hawi phei chuan nernawkin tv lam bawk chu a melh leh “ Ka nupui eisiam tui tak ka eiziah tur chu ka lawm hle mai" pu Hmingthanmawia chuan a rawn ti. Intifai tu ala awm reng bawk nen engmah ka sawilo,a ruk erawhin ka inseh ruh nasa viau lawi a .








Rawng bawlna bula a lo awm ve reng te chuan ka chet a tinuam lo vek“ Nunpuia saw lo va kawm la,rawngte kan bawl zo phawt ange "hmel pangngai thei ang ber leh aw zaidam tak chuan ka ti a ,ka hmuia a rawn fawh chuan ka phu zawk . Insum hmanlo in ka melh rawm rawm,kalsawnin a fapa lam chu a pan phei . Intifaitu a haw takah chuan ka thaw huai thei ,chaw eilai chuan kan ngawi leh thap. Chaw eikhamah pakhat a chhuak a ,Nunpuia erawh ala awm reng . A chhuah ve nghal ka ring kha a nia .








TV chu ngawi rengin kan en dun ,Water and fire chu kan en ,a mipa hi a pa ka tihchi ania ka en ngun thin hle . A film channa ho chu enloh vak ka neilo ,Zonunpuia hian engtin nge en ve na chang a hriat ni . A tawpa a thi erawh hi chuan ka en apiangin ka mittui a ti tla ,Zonunpuia rawn hmuh hma in ka mittui chu ka tuai hul sawk sawk ,min sawisel leh mai ang . Mipa chapo lutuk a ni si a ,min haw hle bawk ; a zawh rual chuan tho chhuakin a helmet leh chahbi chu la in a chhuak leh tawh..









Tukverh atang chuan a bike a chuanga tlanchhuak chu ka enzui vang vang ,a hma ang kha chu nise hmuh tumin khawlai ah ka vakchhuak leh tawh ngei ang le.






( MONDAY, WEDNESDAY, FRIDAY ZANAH A AWM THIN ANG AW ,LINK NGAIAH ZEL HIAN)



Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » September 27th, 2022, 6:19 pm

ZAWMNA




Tlaiah chuan a bialnu ni ngei tur chu a rawn hruai haw a ,min zah lo tih hriat lutuk hian an infawp ngawng ngawng,min runluih a tum tih ka hria,min huatna avangin min zah lo thei ang bera awm a tum tih pawh ,a room lamah an thawm pawh ka hre reng a ,hrelo ang hmakin ka awm ngat thung. Lehkha bu chhiarin sofa ah ka mu mai mai a ,ka lo muhil a ni ngei ang . Ka hmaia tui rawn far avang chuan ka harh chhuak nghal kawk ,a hmeichhe rawn hruai nu khan a lu thli in min lo far chu niin ,ka thin a rim hle .








“ Hey sum duh avanga ka bialpa pa nei tu chu ini ang maw? I la naupan nen putar berkher ,awi tunlai naupang ho zah hriat tawh loh dan hi ,sum hmuhna a nihchuan putar pawh kan hmangaih thei tawh chu a ni si a " tiin a nui uar uar,tho chhuakin a hmaiah ka bensak sawk. A tawp chiang ngei mai “ Eng ang mi pawh lo ni ila nang hian i mi hmuhsit tur ka nilo ,he in hi ka pasal in a ni a ,ka in a ni bawk . Chhuak rawh,i sawi ang khan pasal ka nei tawh sia ka pasal inah chuan thu ka nei tih i hriat ka ring" ka tihlaia mipa aw in “ Hmeichhe zaktheilo " a rawn tihchu hria in Zonunpuia lam chu kan en nghal.











Half pan nena awm in kawngka a lo nghenga ,keini pahnih chu nernawkin min en “ Duat a zah loh zia hi kut te min thlak ngam a nia ,a hmel en reng reng hian mi rethei tak amah enkawl thei tur zawng tih a hriat reng a nih hi,i pa pawh a lo neih ni . Hmeichhe class hniam zet ,pasal hausa neia in ti thei ve em em ringawt" a tihchuan ka ngawi duh bik lo ,Zonunpuia rawn tawng dan kher kher leh a lo nuihdan chuan min ti thinrim zual “ Nangpawh enge i nih bik? Nang anga pasal neih hmaa mipa in an duh duha an mutpui theih ka nilo hi ka lawm,i awlsam dan en hian hmeichhe buan chaklo an tih thin chu i nih ngei dawn hi.











Naupai la a pa hriat a har awm " ngeiawm zeta nuih chungin ka ti kher,thinrim tih hriat tak hian a hmai a sen tawn tawn mai “ Nang " tiin min ben tumin a kut a rawn lek kang a ,ka lo mansak nghal chat . “Hre rawh ,i fa nilo leh i hmelhriat tha pawh nilo kutthlak ngawt suh,hmelma i insiam teuh mai ang . Tin mi in an tibuai hmasa che a nih loh chuan tumah tibuai leh tawh suh,kha i kumkuruh lang tep tep kha khuh la ,he in atang hian chhuak rawh. Ka pasal rawn haw hma in " ka ti ve kher ,Zonunpuia lo inrawlh duh miahlo chuan mak min tih tir rualin ka lawm letling zawk.










Ka kalsan a,choka lamah ka lut nghal daih ,rawng bawl a hun tan hrim hrim,tih tur ka nei bawk silo nen ka tih theih zawng chu rawng bawl hi a ni tawp mai ,ka zam a ,ka khur deuh dar dar avang chuan ka hnungah Nunpuia a rawn ding tih ka hria “ Ka pa chu i pasal angah i pawm tak tak meuh maw?" a rawn tihchuan ka bu ringawt . Alam erawh ka hawi duh lo hrim hrim,ka hawi a nih vaih chuan ka zam zia hi a hmu dawn si a ,ka kut ah a rawn vawn chuan ka phu zawk.











“ Ka pa nen in in neih hma hian khawiah emaw ka hmu tawh che " atihchuan ka thil tih lai ka chawl dat “ I hriatsual a nihdawn chu" ka tihchuan a nui mai “ Nilo e kan in tlansiakna hmunah leh night club ah ka hmu tawh che in ka hria " a rawn tih leh phei chuan hlauhthawnna in ka khat,a ni hian ka zui ru thin tih hi hrelo hram rawh se . Chuti lo chu min hmusit dawn lutuk tlat “ Min hmu lo ang ,chutiang hmunah ka kal ve ngailo,min lo tibuai tawh lo teh . Rawng hi ka bawl duh,i pa pawh a lo haw tep tawh ang" tiin chaw chu gasah ka chhuang.









Thlai hnah kan tur chu ka chan leh mawlh mawlh bawk ,ka bulah a la awm ve reng chuan min tizam hlum lo chauh in ka hria,reiloteah sawi ang ngeiin ka pasal lem chu arawn haw ,room lam a pan tlang avang chuan ka thaw huai “ I roomah va kal leh rawh ,hetah lo tih tur i nei ve lo " tiin ka namsawn ,ka kawngah rawn kuah chawtin rawngbawlna dawhkan ngheng chuan min nawr bet “ Engvanga min duh ang tlata hre tlat nge maw ka nih le " tiin a mitmeng nuihzatna a khat chuan min en










A khabe a tuai kher bawk,ka lungphu a ranga ,ka chil ka lem khawlh “ I hriatsual a nihchu,khawi maw rawng ka bawl dawn ka tihkha awmsawn rawh " tiin ka nam leh ,a awmsawn ve hram.“ Lalpa ka duh tih hriat tir miah suh,chuti lo chu engkim a chhe vek dawn tih i hriat kha " tiin ka tawngtai mawlh mawlh “ Vawiin lam ilo buai em " ka bulah ka pasal chu a rawn ding,pasal tih thu ringawt pawh hian min tihrehawm ngawih ngawih,chutih rualin ka pasal a ni miau bawk si a









Ka lu thingin chaw hmeh chu ka kang mawlh mawlh“ Fa neih ka duh ka tihkha i hria ang chu maw ,chutilo chu jailah ka khung ve leh ang che,i nu leh pa leiba rulhna i nih hi hre reng rawh " atihchuan ka ngawi reng,engtin nge ka tihchuan ang ni e a sawi dik chiah “ Zanin atangin ka roomah mu ang che " a tihchuan ka khawng awt ringawt “ Khawngaihin keilo hmeichhe dang pawh an tam alawm,i intiam tawh kha " ka tihchuan ka hmai a ri leh sawk “ Anihchuan tunah hian ka kutah cheng nuaih hnih chu rawn dah ta che " a tihchuan hrehawm ka ti lutuk chu ka tap lo theilo.










Ka thianghlimna hi ka mipa hmangaih ber tan a hlan ka duh a sin,mahse ka thei dawn silo ,zanlamah chuan ka duhlo chung room ah min pawt lutin min khawih a tum a ,ka duhlo chu ka tang ve tang tang “Min kaltir rawh ka duhlo " tiin khuma min bawh bet tu chu namsawn tumin ka theih tawpin ka tang ,ka thawmhnaw phelh a tum chu ka tang nasa hle “ Khawngaihin min kaltir rawh " ka thusawi hrelo ang mai chuan ka thawmhnaw chu a phelh mawlh mawlh,ka tal ve sek chu ning tih hriat takin ka nghawngah a rek bet a .











Ka mittui a tla zung zung,ka taksa chhunga luh tumin a insiam rem a ,Zonunpuia lah enge a tih ka hre der silo ,hria pawh ni ila min pui duhin ka ring hek lo “ Ka fa i pai dawn khawp,i duhlo a nihchuan ka that khawp ang che " tiin ka hnute lang lai te chu a fawp a ,a rum leh hum hum thin . Ka kut ka hum ruh ngawt ngawt ringawt ,zanin hian ka thianghlimna ka hlauh dawn tih ka hre chiang lutuk tlat ,ka bawp a kuai kak a ,a mipatna khawng ut chuan a nawr zawn nghal run . A tawp nan ka nam leh vak ,ka au bawk ,thawk leh khatah ka taksa atang in a hrang nawlh .










Zonunpuia hmel thinrimna a khat ka hmu nghal “ Hmeichhe duhlo chung khawih i tum a maw? Ka pa ini hi ka zak ngawih ngawih,nupuia i nei mah ka en liam che ,ka nu khum leh zel hi chu in tih tawp ka phal ngailo ang " tiin a pa chu a thehsawn lawp,puan chuan ka inkhuh,ka tap zawih zawih ,Zonunpuia chuan min rawn panin a min pawm kang nghal lawp . Ka lo tal deuh chu ” Awm tha rawh " tiin room atang chuan min chhuahpui,a pa chhuata let reng chu ngaihsak leh pawh a tum chuang lo .











Keipawhin ka en duh biklo,a room lamah min hruaiin a thawmhnaw a la chhuak a ,min hak tir nghal mawlh mawlh,ka zak lutuk leh ka thil tawn avang chuan tal lo in a tshirt chu min hak tir ang ang chuan ka dawh tawp . Ka la in sut faih faih “ A mutpui duh silo chu engvanga nei nge i nih? " a rawn tihmuk,a aw ah chuan thinrimna a la lang thei “ Engmah i hriat loh chuan i pa hi ka duh vanga nei ah min ngai hauh suh" tiin ka mittui ka hru “ Nang leh i pa hian ka nun hi in tichhe vek tih i hria em? " tiin ka khupah ka lu nghatin ka kun ngal .











Ka bulah chuan a awm ve reng,apa bul ai chuan ka thla a muang tho tho ,reiloteah ka muthlu a ,ka mutthilh lai ka hre heklo .





ZONUNPUIA POV


Khumah chuan ka mutthat tir ,amit la hnawng chhap chu ka en reng,ka pa khan khatiang a tih ka ring hauh lo a ,mahse a lo tenawm zia ka hre ta chiah . Meiji Vanlalhriatpuii nitin min zui ru chung khan min hrelo ang hmakin a awm chu a nia ,ka nui suk,kha chen min zui ru tu hi keipawhia ka hriatna a rei tawh . Nitin khan keipawhin ka zawng ru a ,ka hmuh hlau zet leh inthlahrung dek a ka thiante ka chanchin a zawh thin zawng zawng ka hre leh vek thin.





Keiin ka lo ngaihven ruk laia ka pa nupui a rawn ni hi ka hrethiam lo in min ti thinrim a ,a chungah pawh ka nunrawng hle reng a ,a sam tla darh niah chu ka hui sak,zanina thil thleng erawh kha chuan ngaihdan dang min neih tir ,ka pa hian a chungah eng emaw tih a neiin ka ring bawk . A hmai zawnah kun hniamin a hmui chu ka hmuiin ka chuk tuah,mumang ram atanga min rawn chhang let tih hriat takin tui zetin a mu zawm leh nghal.









Ka nuih hak,a taksa nalh zet chu ka en kual,ka pa lak atanga venhim ka duh tlatna hi enge a chhan ka hre biklo,a hmel pangngai tak phena chi ai rukna ka hmuh sak vang pawh hi a nimahna ,nichin lawka ka va hmuh laia a hmela hlauhthawnna leh natna kha ka mitthla ah lah chuan a cham reng,venhim ka duh a ni . Enge a thuruk ,eng thil nge a zep tih hi ka la hre ngei bawk ang. Mahse tunah rihchuan ka ngaihsak tih hi a hre tur a nilo,a bulah chuan ka mutthla a,ka kuah nghal vang vang.











A sam rimtui zet chu ka hnim “ Eng vanga ka pa neih hi duh nge inih tih hi ka la hre ngei ang. Nang hian ka pa hi i pasalah pawm nila chuan zanin khan i hnial hauh lo ang" a muhil chu ka be mawlh mawlh a ,ka taksa rawn khan nghal thak . “ Nunpui" a rawn harh emaw tiin ka en ,a harh chuang bawk silo “ Min duh a nihchuan engvanga zep tlat tum nge i nih Meiji " a chalah ka fawp leh zauh . Kum 27 na ka hmang ve tawh a,a ni erawh kum 20 pawh a la tling in ka ring lo .










Engvanga tleirawl te star nei rual lek hian mipa upa tak hi a neih thil mak a ni reng a ni.Hmeichhia ka kawp nasa a ,chupawh an mahni zawkin ka kawp pawi an tihloh thu an sawi avang leh ka hnen atanga an duh ber an hmuh chuan an lawm tawk em em thin ,tunlai kan hmeichhe thenkhat pawh hi hmaikawr an lo ngah hi ka tia,KTP a in hmang tak tak deuh vek hi ka mutpui thin,an lo rapthlak ru zek lehnghal . Ka khuma hmeichhe mu erawh hi chu ka hre teh chiam lo a ,mipa a mutpui tawh a ngem tih erawh ka ngaihtuah ve reng.










Ka taksa chu a rawn kuah,chutia a muhil laiin min dehna ringawt pawh chuan min ti danglam thei hial,ataksa chu ka kuah,ka chul hauh hauh ka pa erawh a rawn lang leh tawh lo . A tul chuan ka pa nupui pawh nimahse ka nei mai ang,he hmeichhia hian min hip lutuk tlat ka kalsan phal in ka ring heklo ,amah avangin hmeichhia ka mutpui tur tam tak ka thulh fo ,min star tih hre reng khan ala naupan em avang khan ka hnaih duh ngai lo a ,tunah erawh hnaihloh pawh tum ila ka thei tawh kher angem ka hre ta hauhlo .









A hmeltha a ,a duhawm bawk . Ka tiduhdah em em chung pawhin min tilet ve ngai hauh lo te hian ka duhna a tizual zawk,hmeichhe tawng thei lutuk hian min hip ngai lo,an tawng theih lutuk avanga buaina thleng te hi ka ngai thei lo bawk ,a rawn tep chiap chiap a ,ala hnar zui ka nuih hawk hawk . A hnar ring phian lehnghal,hmeichhe hnar ka hriat hmasak ber a ni . “ Ka venghim ang che " tiin ka taksa ah chuan bo vek khawpin ka pawm bet a ,zantin kan in tlansiaka insual chang lah ka ngah,mi chuan Pathian ringlo leh hrelo min ti thin. A dik reng bawk ,an sawi Pathian hi awm se chuan hetiang mi hi ka nih ka ring lo a .











Ka nu tidam tura ka ngen lai pawh khan awm se chuan a tidam ngei ang,mahse ka dilna chuan awmzia neilo in ka nu chu a thi ta tho a , khata tang phei kha chuan Biakin leh Pathian hming hi ka lam leh tawh ngailo ,ruih theih thil ka ti a ,ka nuam tihzawng ka tivek bawk. He nun hi a nuam ka tizawk

Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » September 28th, 2022, 7:30 pm

MR. STREET RACER







CHAPTER 2







MEIJI VANLALHRIATPUII POV.....








Min kuah tu an awm tih ka hriatna a vang chuan mengchhuakin min pawm tu chu ka en ,chutah Nunpuia hmel ka hmuh chuan min ti hamhaih . Nizana ka lo muhil kha ka muhil tlang tih a hriat lutuk,a pa in min khawih a tum laia min rawn chhan kha ka ngaihtuah lo thei lo ; ngeiawm viau mahse min rawn puihna ringawt pawh kha ka tan chuan a hlu lutuk,a muhil hmel chu ka thlir hahdam tih hriat tak hian a thawsak sak,ka zui buai lai leh ka enthlak thin lai kha chuan hetianga a bula mut hi ka suangtuah phalo hrim hrim.










Ka taksa chu a kuah bet vek a ,ka lu chu ka dak tawp. Ka chet chuan a thawh ka hlau bawk si ,ka che deuh chu a hria nge rum tuah tuahin a rawn mengchhuak chuan min rawn melh chat,ka lo en reng bawk nen ka zak lutuk chu ka hawisawn nghal,chutah min bawh betin ka chungah a bawk run “ Min en teh " a tihchuan ka lu ka thing nar nar,ka zam lutuk . A lu rawn tiche in sir lam zawnga ka hawi chu min fawp zui hmiah,ka mengkawk ,duhthawh zetin a hmui a tiche kual,ka ka chhung a hawl a . A kut chuan min tham leh salh thin . Hetiang hian kan awm theilo,a awmah ka nam.









“ Eng vanga ka laka in thup tum nge inih Meiji Vanlalhriatpui" a tihchuan ka meng kawk,ka hming ka hrilh hauh lo a engtin nge a hriat ni “ Tho rawh,hmeichhe dawt sawi hmang hi ka khuma mu reng turin ka duh lo,nizan kha chu i vanneih vangah ngai rawh . A lehpekah chuan i pasal a nihna avang pawhin ka pui leh tawh lo ang che " tiin bathroom lam a pan a ,muangchangin ka tho hnak hnak “Nu ,pa lo kal ve mai ka duh tawh. Ka tan dam reng hi enge a tangkaina " tiin muang changin ka chhuak a ,ka pasal rawn chhuk chu melh pawh ka melh ngam lo .













A ni pawhin min be mailo ,chutah ka bulah rawn kalin“ Chhuak la ,i ba zaninah rawn pe ang che " a tihchuan ka nghing lawih “ Khawngaihin pa Hming min hrethiam hram rawh " tiin ka ngen,mahse ngaipawimawh lo tih hriat lutukin min kalsan nal nal,engtin nge ka tih ang. Kalna tur ka neilo a ,pawisa ka nei heklo,chhuatah chuan ka thu thla a ka tap ta hawm hawm “ Tinge hrehawm tuar tura min kalsan bik,nu pa engvanga ba tam tak hnutchhiaha min kalsan nge in nih" tiin ka au tuar tuar ,ka bula chaw hmeh channa chu la in ka ban ah chuan ka chuk tuah.












Dam chhan ka nei tawh lo ,thi ila ka nun a nuam zawk mahna “ Engthil nge tih i tum" Zonunpuia rawn tawng rual chiahin ka kut chu ka zai,ka thisen zam chu chat tih hriat takin ka ban chu ana zawk a ,a mu nghal chum chum “ Keihian dam chhan tur enge ka neih tawh chuan,min hrilh ta che ? Enge ka dam ve hi a tulna " ka thisen chhuak zawih zawih chu a rawn hup “ Hrep tak chuan,ka pa car lo la chhuak rawh hmanhmawh in" tiin min pawm kang nawlh “ Ka duhlo min thih tir tawh u,in pafa hian ka nun tichhe tu in nih hi" tiin ka mit ka chhing zui .










Engmah ka hre chhunzawm tawhlo “ Eng thil pawh chu lo nise keihian i tihnat ka phal tawh lo,tin kan dawr hi ka kuta awm tur a ni bawk. I ta nilo in ka tana ka pu leh ka nu din a ni,i duhchuan i chhuak thei ;ka pa nih pawh hi i phulo ,hmeichhe naupang hi sum hmanga vau in i neilui a maw? Police hnena ka pek hma che hian kal bo rawh" tihri chu ka hre ruai ruai,ka mu chhunzawm leh nghal. Ka harh chhuah leh chuan khua a thim vek tawh ,ka bula mipa thu avang chuan ka phu zawk ,phone ahman avangin min hnungchhawna .












Ka harh tih pawh a hria in ka ring hek lo “ Naktuk zanah ka inah rawn kal mai rawh. Ka pek theih phak bak che chu min dil suh,zaninah chuan engmah ka tihmanlo ,Biakzuala kha bia la hetah damdawiinah min rawn pe mai rawh se . Ka rawn chhuahpui ang " tiin phone chu a dah a,a bialnu a bia a nih ka ring . Ka lam a rawn hawi chuan mit chuar nungin min en“ I rawn harh tawh a " a tihchuan ka bu nghat ringawt “ Doctor kan bia anga kan haw thei em kan zawt ange" tibung vutin a tho chhuak .










Reiloteah daktawr pakhat nen rawn inzui in damdawi min chawh in thu tha min hrilh mawlh mawlh a ,mahni in tina tawh lo turin min hrilh mawlh mawlh bawk. Ka ngawi reng ringawt ,a pa ka hmuh loh danah ka mumang emaw ka tihkha a tak ngei a nih ka ring ,Zonunpuia chuan min pawm in pawnlam min panpui “ Keimah pawhin ka kal thei a lawm " ka tihchu hria ang pawhin a awm duh lo, bike ah chuan min hlang chho in nghah nei tih hriat takin a ding deuh vang vang,reivaklo hnu ah mipa pakhat hi rawn kalin bag a thil phawrhin a rawn pe .










Zu um a ni tih ka hre nghal ,hepa hian in leh a tum a niang,thalo tiviau mah ila biak ka tum lo ,min melh na thei ropui si ,inhnial ka peih hek lo. Ka kut an tuam chu ka melh,Zonunpuia rawn thu chuan min pawtin ataksa ah min bei tir a ,puan chu a bag a tanga phawrhin kan taksa chu a phuar zawm ; a tih ang ang chuan ka awm tawp ,ka chau in ka zawi vek a . Engmah tih peihna ka nei heklo,ka chau hluah hluah ,a tlanchhuah hnu chuan mitchhingin a hnungah chuan ka bei.








Thi turin ka inring vek tawh kha a nia ,mahse tunah chuan a ngai bawkin ka nun ka hman leh a ngai dawn ta ,ka zam hluah hluah ,he hringnun hi engtin nge ka hman chhoh tak ang. Zonunpuia hian min enkawl reng duhin ka ring heklo,ka tan chuan he khawvel hi natna leh hrehawmna ram mai a ni . Chhungkua ka nei lo a,thiantha lah ka nei hek lo,mite awh ngawih ngawih tur nun ka neilo a ,keimah zawk hian mite nun chu ka awt a ni si a ,in kan thleng chu ka ding dat .









A thim khap avang chuan hrethiam lo zetin Zonunpuia chu ka en,meizial pak hlut hlutin “ I pasal i zawng a nihchuan a chhuak tawh ,he in hi ka in a ni a ,a hnena awm i duh a nihchuan i kal thei " tiin in lam pan chuan a kal nghal ,ka ngaihtuahna a hre vek der silo ,keipawhin a pa bulah khan awm ka duh bik reng reng lo,ka tan chuan hrem hmun intanna bul a ni miau si a ,ka zui tih hre mahse engmah a sawi tawh lo .









In chu a hawnga kan inzui lut nghal ,ka taksa chu a la chau hle nangin a pa ka neih a ngai tawh lo tih ka hriat na erawh chuan min ti hahdam deuh sawng sawng,light on kualin a room lam a pan a ,keipawhin ka room lam ka pan hnak hnak,khumah chuan mu in thil ka ngaihtuah kual,eng vanga min haw si a min pui zel nge a nih ang le ? Min puih tawh dawn loh thu a sawi zawh rual la la in min pui leh tho si a .










A ni hian ka zui ru thin tih chu a hre tak tak em niang? A lo hria a nihpawhin a awm tho,ka zui nasa ve em bawk a ni . Mit chhingin ka kut na an tuamna lai chu ka khawih neuh neuh “ Vanlalhriatpui engtin nge i hringnun i hman tak ang" tiin mahni leh mahni chu ka in bia a ,ka in zawt mawlh mawlh . Kaldan tur ka hrelo a ,eng hna thawkah mah kei ang fahrah hi min duh ka ring lo . Zingah tho in room atang ka chhuak chy hmanni a hmeichhia bawk kha ka hmu leh .









Nizanah a rawn riak leh a ni ngei ang. Hmu lo ang mai chuan ka kalpel “ Hey nangnu hi i pasal ber a chhuah tawh chuan chhuak ve mai ta che ?" tawng lo leh min be lo hian a awm thei thlawt lo em ni ang?“ Ka la dam siloa ,chubakah chhuah pawh ka lo tum vak chuang hleinem nangpawh ka hrilh tawh che kha,pasal i nei pawh a nilo va ,a hmeichhia zawkin a mipa zawk riah pui duk duk te hi i zak ve lo em ni? Keichu he ina lo awm thang hi ka nia,rawngbawl ka ngai bawk nen min lo hrethiam mai ta che ka u" tiin ka inher san.









Chem te ka vuan chiah chu ka banah hian kut lian zet hian a rawn vuan chawt “ I kut anat kha eng vanga rawngbawl tum leh nge i ni" Zonunpuia chuan a rawn ti khur khur ,min melh rum hle bawk . Ka chemte chu la in a dahsawna ,choka atang chuan min kai chhuakin inti faitunu chu rawng min bawlsak mai turin a ti a ,a bialnu awm ve reng pawh chu hmu ang pawhin a awm lo ,ka mak tichuan min ti tawng theilo . Sofa ah chuan min thut tir ang ang chuan ka awm tawp a ,a ni pawhin engmah sawilo in min kalsan lehnghal.










A bialnu chu a ngaihsak dawn te pawh aniang,tv chu on in ka en mai mai a ,ka kut rawn na leh tan avang chuan ka ner leh sak sak thin . Ka hmer ngawt ngawt,a rawn zâwng na lutuk chuan ka mittui a ti far fap thei nia ,ka hmui ka pet fan fan,damdawi lah kha Zonunpuia khan a keng a,khawiah nge a dah tih ka hre der silo,chutia na ti a ka lo then tlawk tlawk lai chuan a rawn lang leh thut ,ka na tuar a hmuh chuan min rawn hnaih vat “ Ana leh tawh em ni?" a tihchuan ka bu nghat .











Rang zeta tho in a room lamah a tlan lut a ,damdawi leh tui no nen ka bul a rawn pan,damdawi chu min pe hmasa in no ah chuan tui thliin min pe leh,ka ei nghal vat. Ala na tho ,sofa ah chuan ka mu,ka thlan bawl tak tak chu ka hre thei ,ka lu chhung hi a sa hut hut bawk. Ka pang rawn dekin a pang nen chuan a deh kawp a “ I khua a sik a nih hi,tikhan lo awm rawh " tiin a tho chhuak,choka lamah chuan intifai tu kha tuilum awm leh awm loh a va zawt. A awm lo nge tuivawt leh puan nen a rawn let a .










Puan chu chiah huhin ka chalah a dep,a vawt chuan ka lu na a tidam sawng sawng in ka hria,ka mit chhingin ka thaw ham ham,ka pang chu a deh ngat ngat hnu ah a ziaawm ta deuh,ka sin turin puan nuam ava la a ;min sintir nghal zat . Choka lamah bawk phei leh in a rawn phei leh chuan soup hi bowl ah a rawn keng phei a ,ka bulah rawn thu in a chhem lehnghal . He pa hi ka hrethiam thei pawhin ka ring lo,a chang leh min haw lutuk emaw tih tur khawpin min melh rum a .










A chang leh min duat lutuk angin a awm leh si “ Kha hawp rawh. Hei hian a tiharh deuh ang che " a tihchuan ka kâ ka ang ve mai bawk . Min barhin ka kamsir a kai chu a hru fai zel,pafa chaw in pe kan ang ka ti takzet . Hun rei tak chhung duatna tu hnenah mah ka dawng ngailo va ,chutia min duatna chuan ka tah a tichhuak ngei mai . Ka in sum hram hram a ni,ka tah vaih chuan a lung a awi loh ka hlau ve tho si a ,soup chu ka hawp zo vek a ,a tui ka ti viau bawk.









Thleng sil turin a dah phei a ,ka mu tha sat sat,mitchhingin ka thaw zui ham ham a .






(story dang type ka ngaisia ti thleng hi aw )

Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » October 1st, 2022, 9:23 pm

MR.STREET RACER







CHAPTER 3
27ad8034f1b76533774989207ef2a76f.jpg



Chhunah a vak chhuak miahlo,ka damloh vang nge ka bulah a awm ve reng . TV en in a phun leh bul bul thin,kei erawh infiamna lam ka en ngailo nen a thil en chu ka enpui ve peih meuh lo ,ka ngaihtuahna ka kawm mial mial,amah zawk hi ka pasal nimai se tiin ka lo ngaihtuah hmanhmawh,ka lu ka thing nghal nawk nawk . Engtin nge chutiang ka ngaihtuah theih zawk thawk leh khatah hnai zetah min rawn en thut chu ka phu nasa ngei mai.









A mitmeng uk kharh chuan khawdang hawi miahloin ka mitah tak a melh,ka chil lem khawlhin ka mit ka chhing daih,ka lai lutuk chuan ka en ngamlo a ni ber ,ka lai hma hrim hrim bawk nen miin ka min en hi chuan ka lai ngei ngei hrim hrim a ,ka biang a rawn khawih chuan ka phu zawk ,thaw chhuak lum deuhina min thawk khumna te chu ka hrechiang lutuk ,ka mit ka meng siar siar a chiang lutuka a hmel ka hmuh avang chuan ka chhing leh rang ngei mai. Hnai lutukah min lo bih reng chu niin










A nui huk ri ka hria,ka hmui a rawn bawh thuah nghal zat . Ka lungphu hi sawt chhuak mai tur ang in ka awm ,ka hnar phallo ,ka mipa duh hmasak ber leh nitin ka zui ruk thin min fawhna chu ka hnar thei bik lo,ka thiam ang tawk tawkin ka chhang let . A pa kha chu nise hetianga min khawih hi ka phal in ka ringlo ,ka hnute a hup chuan a kut ka man bet vat “ Duhtawk ang " ka tihchuan tawp mai a tum hmelloh hle “ A chep a nih hi " tihlukin min pawm kang nawlh “ Nunpui hetianga awm a mawilo a nia ,i bialnu nena buaina neih ka duh lo .











Min dahthla rawh " tiin ka tal deuh chu min enin min pawm tha sauh ,a room lam min panpui a tum tih ka hriat chuan hlauhthawnna ka nei nghal “ Min dahthla rawh ka duh lo ka tihchu " tiin ka tal vak vak chung pawhin min dahthlak a tum lo hrim hrim “ Enge i hriata" a khuma min mut rualin ka melh ngar “ Enge i hriat zawk ni? Hmeichhe damlo dawldang lutuk mutpui duh tur khawpa hmu zolo ka ni lo ,tikhan ngawi hle hle khan awm la ,zanah pawh ka bulah i riak ang nanga na tuar tah hun a pianga rawn thawh chhuah a rawn kal ka peihlo .










Tikhan ngawi reng khan awm mai mai rawh" tiin inbual turin bathroom lamah a lut,ka bih dak dak ka thaw huai bawk . Min khawih a tum emaw tiin ka lo hlauthawng ve em em a ,a khum bula lehkha bu ka hmuh chuan ka ban vat,hepa pui hi racing chiah a peih emaw tihlaiin love story chhiar nuam a ti a ni hrim hrim mipa hmangaihna thawnthu chhiar duh ka vawikhat hriatna ,mipa te chuan in lak pat leh in la lal tawka awm bak an peih lo emaw ka lo tia hepa chu a dang hlak a nih ber hi a ,hna athawk lo a,chuti chungin ala rethei chuang bawk silo ..










A nun hi tam tak chuan an awt ngei ang le! Bathroom atanga a rawn chhuah lai chuan lehkhabu ka lo bihchu a duhlo nge a rum nghut “ I awm ve mai mai thiam lovem ni?" tiin lekhabu chu min laksak “ I ngawi ve mai mai thiam lovem ni" min tih ang chiah chuan ka tilet ,athinrim hmel ngei mai. Ngawi reng in hmai sen tawn tawnin min melh khui khui mai ,ka hlau leh si chu hawisawnin ka mu tha ringawt a ,a sawt lemlo hle “ Helai atang hian ka dam ve leh ka chhuak dawn a nia " ka tihchuan rum nghatin min rawn pan “ Ka phalna lo chuan i chhuak hauh lo ang,kalna tur i neilo tih hre rengin khawiah mah ka kal tir hauh lo ang che " a rawn ti tawi tuk.











“ I hre bawk lo ka duh duhnaah ka kal thei ,ke ka nei a kut ka nei a ,tawngna tur kâ ka nei bawk ,heng ka neih chhung chuan ka baihvai biklo ang " a mita enkarin ka tihlai chuan ka thusawi a pawm hmel loh hle ,ni e he inah hian tih tur ka nei ve lo ,nitina a hmeichhe rawn hruai ho hmuh pawh ka chak lemlo ,keimaha bul tanna tur ka zawn ve a ngai a ni. Khumah chuan rawn lawnin ka chungah a rawn bawk a ,a innem khalh run bawk . Ka chil ka lem khawlh; tinge hetianga mi tih thut thut hi a chin le ? A awmah ka nam dat dat,ka kut ana bawk nen ka nam na thei bawk silo .










A rawn kun tur thil tum chu ka hrechiang lutuk “ Ti tawh suh Zonunp" ka sawi zawh hma hma in min fawp leh tawh ,engtin nge hetianga a awm reng mai le “ Enga tinge fawh reng che ka chak tih i hria em?" a tihchuan ka lu ka thing nak “ Nitina min zui ru thin chung khan min hrelo ang hmakin i awm thei a ,ka thiante ka chanchin i zawh thin te kha ka hriatloh i ring reng reng em nj Meiji Vanlalhriatpui?" a tihchuan mak ti lutukin ka ang phuau in ka en “ Min lo hmu elo?" tiin ka zak lutuk chu ka hmai ka hup,ka hawng ngam tawh der lo .









“ Engvangin nge keipawhin ka hmeichhe duh ruk em em leh a la naupan em avanga ka hnaih ngam loh chu ka hmuhloh bik ang,ka intlansiak apiangin i hmel mitthla chungin chakna ka la a ,min lo thlir reng tih hria in a tha ber nih ka tum ran tih hi i hrelo ang tiraw?" ka hmui bul cheta a hmui dahin a phun sap sap . Lalpa he mipa ka duh ruk thin em em hian min lo duh ve reng maw?“ Mahse bialnu i nei reng bawk sia,an ni chu i duhlo vem ni? Nge i kawp mai mai zawk" ka tihchuan a mit a kan uk “ Hmeichhia ka bem ngai hauhlo,tin ka nihpui ngai lo bawk . Kan mamawh kan inpe tawn a chu chu ka duhtawk mai thin.










Inzawmna neih ka duhlo tih an hre vek,bialpa an nei vek bawk a " a tihchuan mak tilutukin ka en ,an va han rapthlak an kawppui te an bum thin a ni awm sia “ Mi ngaihzawng i khawih a maw" tiin ka inher ,ka ngeiin ka na tlat . Hmeichhe dang a mutpui thin tih hre mah ila ka duh tho a ,mahse hei chu amah mah deuh ,awmsawn tumin ka che tih hrethiamin min delh na sauh “ Min ngaithla teh " a tihchuan lu ka thing nawk nawk “ Ka ti tawh dawn lo ka nupui i nih a ,ka ta i nih phawt chuan " a tihchuan ka che lai ka tawp chat. Nupui tih thumal chuan min tihamhaih.









Apa ka then fel chiaha tunah a ni hi vuan ila miin engtin nge min ngaih ang? Hmeichhe zahna hrelo leh sum duh lutuk leh awm herh tak chhuahin min chhuah duh an awm leh hial ang. YouTube lam thleng a dah duh an awm leh lo ang tih pawh a sawi theihloh ,kan tunlai khawvelah chuan thil lar thar deuh a awm chuan channel tih len duh vang leh hlawh neih duh vanga thu phuah belha lo hmang duh tawk an bo silo a ,“ A theihloh kan mualpho dawn lutuk" tiin ka thaw chhuak hak ,heti chung pawh hian mi chanchin ngaihven tum ran thenawm khawveng te hian min lo sawi darh leh tawh ang.









Ka khabe ah a dawm a chik zetin min en “ Thu dik takin min chhang ang che " tiin min kai tho in khumah chuan min thut tir a “ Engthilah maw" a dara beichungin ka tisep,ka hlauhthawn rualin amah pawh chan ka hlau tho “ He khawvel mite nge kei min duh thlang rawh. Sawisel tur hmutu chuan an hmu reng dawn ,chu chu mihring famkimlo te zia a ni. Thil tha chuan fak hlawh mahse rei a daihlo kan thil sual tih hian a hliah khuh hneh lutuk chu chu hman atanga lo ni tawh a ni . Chuvang chuan hlauthawng lo la,min vuan tawp rawh,min sawisel duh chuan tunah pawh hian min sawisel tho ang.










I beng tingawngin i mit ti del la ,mite relna che leh kawhna che i bengkhawn loh phawt chuan mi chak ini mai ,thil sual ti tur ini lova ,misual nilo vin pasal a lawm i neih dawn " a tihchuan ka bu nghat “ Tihian kan inru tawp dawn tihna mi " tiin ka en ha ,nui sukin min kaitho in a bike chah bi a la a ,enge tih a tum ni “ Chuang rawh le " a intlansiakna thin bike ngei chu a kawk zauh “Ka duhlo ka râp e a ,i khalh chak thin ropui si "tiin ka kut ka kuang kuah“ Min ring rawh ka nat tir hauh lo ang che ,thil tih pui che ka duh mai a ni " tiin min pawm nawlh.









Min hlang chho in a helmet chu keimah zawk min khum tirin min siam sak a ,ka mit chin chiah a lang ta ran ,min bih in a nuisuk “ I inhmeh hle mai ,ka helmet pawhin a changtunu chu a hre hle a nihdawn hi " a tihchuan ka ner vak . Hepa pui hi in lak zei a tum nge niang? Hetiangaa tawng vak vak ni ,min tlanchhuah puiin dawr pakhatah a lut a ,ka zui luh a phal leh ta tlat lo . Engthil nge tih a tum ang tihchu ka ngaihtuah nasa hle ,a rawn chhuah lah chuan engmah a rawn keng chhuak bawk silo. Min tlanchhuahpui lehin venghmawr lamah min hruai.










Biakin tetakte lam pan in min kai thla a ,ka zui ve zel,tumah a chhungah chuan an awm lo . Kan pahnih chuan in hmatawnin kan ding “ Lalpa tunah hian i hmaah i rawngbawl lama tha thawh ve ngailo leh i Biak buk rawn thleng ngailo nimah ila he hmeichhia hi neih ngei ka duh si a ,he khawvel mite ngaihdan tur chu kan hriatsa a nih vangin mite min hriatpui ai chuan nang engkim kan thil tih hre tu leh kan awmdan hretu i nih angin kei leh Meiji Vanlalhriatpuii hian inneih duhin he i Biakbuk tlawm tak hi kan lo pan tih pawh i hre vek ang .










Nangni midangte hriatloh pawh hretu inihna angin he kan inneihna hi min hriatpui ngei ka ring " tiin thu a sawi chuan ka ang pam ,chutah inneih thutiam chu chhamin a kawr ip atangin zung bun a rawn phawrh a ,ka kutah a rawlh lut riai riai,keipawhin a tih ang chiaha tiin a kutah zungbun ka rawlh lut ve bawk . Mite anga ropui tak leh thenrual tha te nei ve lo mah ila hmangaihtu Pathian min hriatpuina a innei tih ka inhriatna chuan min tihlim,he Biakin lian lemlo leh nalh lutuk ti a sawi tur ni silo hi ka tan chuan ka hriat reng tlak a ni tawh ang.









Pawnah kan inzui chhuak a ,ka hmuiah a fawp zauh “ Nunpui ka lawm e aw " tiin ka pawm thlawp,inneihna tello a inzawmna siam ka duhlo tih hria in chu ka thil duh ngei chu min tihpuitlin sak ta si,ka sawi ngai miahlo leh ka nghah ngai miahlo in a mah zawkin min thawng let chu a ni si a ,haw lamah restaurant changkang zetah thil tui tak tak min eipui a ,min ngaihsak zia mi hmaah a tilang hreh heklo ,nula ho in an lo biakna pawh a ngaihsak tawh heklo . Ka tan nikhat thil thu lek ah a inthlak danglam nasa takzet tih ka hmu .










Ka kut a kaiin min lenkual pui a,khawpawn lamah kalin hmun reh raih atang ni tla tur thlir in kut inkai riai in kan ding dun vang vang . Ka nui sen sen reng mai ,ka bula mipa ding tlang inpharh dur lam thlir a ding ngawi vung vung hmel chu ka en thin . Sawisel tur lai reng ka hrelo,ka nun vanduai reng tur a ka ngaih,tuichhunchhuah thuk taka pil tur anga inngai tawh chu min khai chhuakin nun thar min pe leh nimaiin ka hria ,kan kut invuan rial chu ka en ,chhungril lamah hian ka hlim veng veng . Bike nghengin hnim chungah kan thu a ,a dar nghengin ka thu .









A ni erawh a ke pakhat tawmin a kut a chungah a dah a ,pakhat a thluang run bawk. A pa hliah hliah hian ka hria , ni tla tur in a kawl a chhun en sen phut chuan keimah ni ngei pawh min tisen vekin ka hria “ Meiji,i nu leh pa chu engvanga thi maw an nih a ?" atihchuan mitchhingin ka thaw ham ham “ An accident a ,Nunpui min iai phah em ?" ka tihchuan a lu a thing vut ,ka kut chu la kangin a fawp zauh a ,ka lu chu a darah bawk min nghah sak leh “ Keipawhin nu ka nei tawh biklo tih i hriat kha ,ka pa ngei pawh ka nun atangin ka tir bo a .










Tunah chuan fahrah ve ve kan ni,kan inang chiah in iai tur kan ni lo,fahrah ve ve kan nihna avang pawh hian ka duh zual sawt che " a tihchuan ka mittui a hnam sawk “ Min phatsan miah suh aw ,ka neih chhun ini tih in hre reng la ,keimah chiaha awm turin min hnutchhiah ngai suh" tiin a kut tang sei thlurh chu ka hum vang vang,“ Ka enthlak lai che khan min hmuh ring lo leh min duh ve beiseilo khan ka zui ru peih reng tho che . Nangmah vanga traffic police ho hauh ka tawk ngun lutuk te kha i hre ve awm tawp silo .









I tlan bo hman ka hlau thin lutuk kha kawng kan loh hunah ka kan chang atam bawk sia . Min hau ziah zel " ka tihchuan a taksa che dawt khawpin a nui “ Ka hmuhloh che kha i inring ve bawk si a ,mi thingkhawn phen a tanga min bihthlak atang leh ui in a um lai a tang che khan ka hre tawh che" a tihchuan ka ner nang nang,kha ui kha an compound chhunga ka bihruk avangin min lo um vak a ,ui ka hlauh hlen phah . Ka ngei tak tak a nia aw ,“ An rei ve tawh e ,a kuma kum an liam ve ta der mai,nakinah chuan henglai hmun te pawh hi khawvel changkanna in a la tibo anga.










Kan hmun mawi leh kan thing leh mau tam tak bakah ramsa te chenin an la bo zo vek bawk anga,chung hunah chuan kan la awm ve reng a ngem le ? He kan thatlai hun te hi kan hmang tluan reng thei angem tih hi ka ngaihtuah a ni,hma hun hrelo a mihring kan lo kal thui theih zia te hi " tiin ka phun sep sep,khua a tlai zel a ,khaw thim tur pawh pawisa lo in chulai hmunah chuan kan awm dun,lawm erawh a kim em em si . Keimah chauha awm tur chu ni ila ka ngamin ka ring lo.








Mahse ka bulah ka mipa duh leh hmangaih ber a awm miau a lawm,in lama kan haw meuh chuan dar 8 a pel uar tawh,in kan thlen rualin min pawm nawlh“ Ka nupui ini ta " tiin ka hmuiah a fawp a ,room lam panin min penpui nghal pawk pawk,tu tan maha ka phalloh ka thianghlimna ka vawnhim thin chu a neitu tur diktak hnenah ka hlan a ,ka virgin tih a hriat ruala a hlim hmel chuan thil tam tak min hrilh a ni. Ka pasal hlim hmelah chuan min zahna leh min chhuanna ka hmu,a ni ngaihdanah kha chuan virgin lost tur ka ni .









A chhan pawh putar mai mai pawh nei kha ka ni miau a ,lungawi takin min en a, Rawn tho kangin ka sam chu ka bengah a zep a “ Hmeichhia ka lo mutpui thin tih i hria,mahse zanin hi ka hman tawh zawng zawnga nuam ka la tihber a ni tih i hria em ? A chhan chu ka tan hian i danglam a ni .







Ka naute leh ka hmangaih " tiin min fawp leh vang vang,ni e kum 8 laiin a ni ai ka naupang a ,mahse enge pawi thil chu a nihtur ang a ni vek tawh a ,tin ka mipa duh hmasak ber ta ka ni bawk. Midang ta anih ngawt ai chuan ka lawm tawk tho tho .





(INKHAWM BANAH CHIAH KA TYPE HMAN THIN SIA TIHIAN NIMAI AW )

Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » October 3rd, 2022, 8:13 pm

MR.STREEET RACER






CHAPTER 4



2 MONTH LATER



“ Nunpui enge i tih dawn ?" ka pasal chhuah tum chu enin ka mit ka kan ak,zan dar 9 a pel tawh a nia enge tih a tum ni “ Ka thiante nen hawi khawthawn kan tum a ,ilo tel ve duh em ?" a tihchuan ka lu ka thing. A thusawi dan hmang ah an tih tur ka hria,zu in in an intlansiak leh ngei bawk ang . Innei tir chauh kan nih bakah keipawhin a nupui ka nih avang ngawta khuahkhirh nghal ka duhlo,dawh thei taka ka en chuan ala sim ve em em a ,ka nawr lutuk chuan kan pahnih inkar thlengin a chhe thei tih ka hria . “ Lo haw har suh aw " ka tihchuan bu nghatin ka hmuiah a fawp zauh.











A chhuak tur chu ka thlir reng,inchhungah chuan keimahin ka teikual a ,a reh tlawk tlawkin ka hria . Khumah mu in lehkhabu ka chhiar leh a ,heihi ka khawhar hnemna ber a ni . Ka phone ah message a rawn lut a ,ka number hriat ngailoh atang vekin Nunpuia leh hmeichhe pakhat awmdun lai hlir an rawn thawn,a thenah te chuan an in kiss tih chiang takin a lang,ka en reng ringawt . Tho chhuakin ka kawr lum ka ha a ,an awmna ni a ka rin lam pan chuan taxi in ka kal ve tawp ,thlahnih awrh kan innei ve tawh a ,hetiang hian a awm awm ka hre ngai tawhlo va .









Zanin zet chu ka rinloh lam daihin min thawng takzet ,an party na hmun ni a ka rin ah chuan lutin inchhung lam thawm rihulh hulh chu ka pan zel . A chhung ka lut chiah chu ka rin phak bakin mi an lo tam ,ka lut phei zel hmeichhia lah chu nui uar uar chungin an insawi nghau nghau hlawm a ,mak tihna hlirin ka khat,an hmelah zahna hmuh tur a awm miahlo lehnghal . Nunpuia te thian ho ka hmuh rualin thaw huaiin ka pan,Nunpuia dar nghenga hmeichhe lo bei pawh ka hmu chiang ta hle “ Saw le a changtunu a lo kal e " a thianpa in a tihrualin Nunpuia chuan min rawn en nghal vut .








Ka hmel a hmuh ruala thinrim tih hriat taka a mitmeng danglam chu ka hmuh hmaih lo,ka pan hnai a hmeichhe kuah lai ringawt chu ka en “ In party dawn tih i sawi silo va " ka tisep ,min la melh ngur a hmeichhia pawh ala thlah chuang lo “ Hetiang em em a i awm ka ring lo a sin " tiin ka en reng “ Tunge helaiah rawn kal tur a hrilh che " a tihchuan ka chhang bik lo. A nipawhin min chhang bik hleinem ,a bula zu um an dah chu la in ka in pawp pawp,a tui lo in a kha takzet ,tuilo tiviau mah ila ka in lui zel tho “ Vanlalhriatpui " a aw chang lutuk rik rualin ka zu in lai chu a rawn phih lawp.









“ I awm ang chiah hian awm ve ila i lawm ang tiraw ?" tiin mipa pakhat ka hnaih bera awm chu ka kuah,anilah chuan phur zet leh ka thil tum hre miah lovin min lo kuah nghal chat “ I hmeltha hle mai a " a tihchuan ka nuihsak,Zonunpuia mitmeng rum lutuk te chu ka hmuh hmaih bik lo ,chupa kalsawn pui ka tum chu a rawn hnek tlu bur a ,keichu min pawt chhuak nghal dawr dawr . “ Min thlah rawh ; i duh dan a nilawm ni,midang inkawp san ve ve i duh a nilawm ni ? Rei lote kan innei chung pawhin min kham lo a " tiin ka zurui nen ka ang ve piap piap.











Ka kut a vawnna laksawn ka tum chu a hmer ngheh em avangin ka lasawn thei bawk silo . Ka tah a chhuak teuh tawh “ Min kaltir rawh . In then mai ang,i zu in leh i intlansiak thin chu ka en liam mai thei che . Mahse hmeichhe dang tawmpui theih pasal ka nei hi ka enliam theilo ,tihian kan in then angah ngai rawh . Thla hnih chhung lek pawhin hetiang khawp hian ka hrehawm a nia,rei phei se chu ka chhe vek tawh ang ,a tawk tihian engmah dillo in ka chhuak ang ,venthawn tur i neilo " tiin irh awk awk chungin ka kalsawn a ,ka kal pai leh khat khat zel .










“ Thi daih pawh ni ila tu in nge min ngaihsak ve ang? Tumah,tumah ka nei ve hleinem " tiin ka nui uar uar “ Ka nu ka pa in lawm bawk em? A mah maia khawvel a hrehawm tur a in hnutchhiah in fanu fahrah a vak kual hi hmuh nuam inti bawk em?" kawngpuia kal chung chuan ka au mawlh mawlh ,ka taksa chu thawk leh khatah a rawn kang lawp . Zonunpuia ngawi run leh chak zeta a bike lam pana min let pui pawk pawk chu ka hriat zawm “ Min dah thla rawh " a bike a min thut tir chu ka ti that .








A seat atanga ka chhuk chu min chawikangin min hlang leh ,ka thinrim deuh deuh. Ka chhuk lui leh ngat ,min hlang chho ve leh zel “ Min khawih tawh suh,i duh duh hmeichhia mutpui pawh nila ka dal lovang che ,kal rawh . Tenawm lutuk,kan inthen tawha ka inrawlh hauh lo ang " ka tihchuan “ A tawk!" a rawn tituar ,ka ngawi dat “ Min vin reng reng suh ka hlau che emaw i ti ange,min sawisa in min khawih mahla ka hlau ngailo vang che " ti tuarin a bike atang chuan chhuh tumin ka tho kang leh ,min nem hnawkin a mah chu a rawn thu kang a .










Bike chu start in a tlanchhuak nghal fua ,ka kuah lo theilo,ka rui bawk nen kawng pawh en lo in ka muthlu a ,a hnungah ka bei chawt ringawt . A bike tihdin dawtah chuan ka mengchhuak siar siar,in kan thleng tih ka hriat chuan rang zetin bike a tang ka zuang,a silencer sa ka la dai zui ,ka rak that “ Fimkhur ta che " a bike dah tha in ka tlu chu min rawn buaipui zui a “ Min khawih suh,i hria em ? Min khawih tawh hauh suh ka hua che min dai pawh a ngailo " tiin ka tho chhuak,khawlai lam bawk pan chuan kal leh ka tum .









A ning ve ta nge min pawm kang lawpin inchhung lam pan chuan min pen luh pui pawk pawk a ,a samah te chuan ka kehsak bawrh bawrh “ I bulah ka mu duh reng reng lo lubuk samseipa ,Khiangawia te a Manifesto kha i ang si i duh leh hmeichhe dang chu hmu zel la ,keichu min beisei tawh suh i bulah pawh ka mu duh tawh lo ,tlan nal nal rawh " tiin ka theih tawkin ka tal vak vak . Ka zu in nen ka rui zawi lai a ni kher kher chu ka hua ,tihtheih ka neilo lutuk chu ka tap tawp,khumah chuan min mutthla a ,puan chu min sin tir mawlh mawlh .









Lehlam hawi ngatin ka mu ,ka ngaihven peih tawh lo . A thawmhnaw phelhin tawnzau nen chuan a rawn mu,min rawn kuah mai a tum chu ka tlawh sawk “ Min khawih suh ka tihkha ,min dai tawh hlek suh " tap tiauin ka ti a ,ka mit ka chhing hmak bawk ,reiloteah ka lu hai nen ka muhil thuai. Zing ka harh chu ka lu ana bur a,ka mitmen a nuam lo hle bawk .









Ka taksa kuahtu ka hriat chuan a kut ka dahsawn sak ,zanlam thil thleng ka ngaihtuaha ka thinrim leh teuh tawh . Intifaiin ka thawmhnaw chu ka khung malh malh,he in ka luh tirh khan engvak mah ka keng lo bawk nen insiam chhung a reilo hle ,a harh hlau zetin ka inkhai chhuak a ,kawngka pui hawn ka tum chu a inhawng thei derlo “ Enge tih i tum,rawng i bawl dawn lovem ni?" Zonunpuia aw ngei ka hriat rualin rum zetin ka hnung lam chu ka melh,kawngka chu chung lamah a lo kalh daih chu niin.









Ka ban pha der bawk silo “ Ngawi hmak rawh. Kawngka hi rawn hawng nghal rawh" ti thatin ka en ngar ,muang chang in a tho phang hmel mitmeng phelh phang chuan min rawn enin a kiai suk“ Mut ka la duh a sin,lo kal mai mai teh " ka thinrimna ngai pawimawh lo lutukin min rawn ti chu ka haw zual hle thutthleng chu la pheiin ka dawh,ka lawn tur chiah chu rang zetin ka bul a rawn thleng min pawt thut bawk nen ka inring hman lo chuan ka bawh tlu rawk,min kuah bet nghal hmak.








“ Ka sawi tawh kha khawiah mah ka kal tir lovang che . Nang nen hian kan innei tawh ,awlsam taka then leh mai che ka tum heklo " a tihchuan a awmah ka seh vak,a rum deuh hawk “ Nang hian ka naupan avang leh i duh duha min bumkual a min tihkual theih avang chauhin min nei,keilo hmeichhe dang i hmu lutuk tih pawh ka chiang e ,chuvang chuan min kaltir la i duh ang ngeiin i nun hmang rawh . I hausa alawm ka chhuan tur neih loh zia leh ka baih vai zia i hriat avang in min hmuhsit nan hmangin ka fahrah na hi i hnena min phuarbeh nan hman tum hauh suh..












Ka hua che ka haw lutuk che Zonunpui " tiin ka tap khur dar dar ,min kuah nghet sauhin min thut chhuah pui a ,ka samah a chul hauh hauh “ I tidiklo,i belh tur neihloh vanga zuam che ka nilo ,ka duh che a ka bula awm reng tur che a ka duh vang ani,tap tawh suh le hmeichhe dang chu i thulo chuan ka hnaih tawhlo ang . A tha em?" a tihchuan“ Aih" tiin ka nam leh vak ,ka tap ka bang duh heklo ,ka rilru a na ani ber “ Kha nu i fawp lai te,i kuah vel lai te kha ka hmu chungin engtin nge ka rin theih tawh ang che . Ka pasal hi hmeichhe dangin min lo tawmpui ang tih ka ring ngailo .












Mahse nizan kha ka hmu chiang lutuk,ka hua che ka haw lutuk che " tiin a awmah chuan ka chum reng,chhuatah kan la thu a ,a mal chungah ka la thu reng bawk . Ka duhzia a hria a,keipawh hian chan ka duh biklo mahse ka rilru ana tho si “ Chutiang engthil mah ka tilo ,tumah ka neih hnuah che ka mutpui lo ,min ring teh " a tihchuan ka tawng tawh lo,ka ngawi char char ,a awm a nuam leh silo nge min biak tawng tumin thu min zawt thul,ka chhang lo hrim hrim.









Choka lamah min phei pui a ,dawhkanah min thur tirin a mahin rawng a bawl ruk ruk,ka la ngawi ngar ,chaw hmeh chan lah chu a hnehsawh phian lehnghal . Min rawn en leh zawk thin,ka la ngawi reng leh tum reng chuan a awm a tinuamlo tih hre reng mah ila lungawi mai ka tum lo,a thil tih tha lo a sim tur thu a sawi hma biak ka tum hek lo ,ka thut ngaia thu in ka ke ka then leh lauh lauh thin . Ka bulah rawn thu in purun chu a chan mial mial “ Meiji thinrim tawh lo la,awle zanah ka chhuak tawh lo vang ,a tha em ? I lungawi em ?" a tihchuan ka bu nghat ringawt










A purun sen chan a mita luh hlauvin mit chhing sur sur chungin a chan a ,Ava han chhe tak “ Tuiah te khan chiah ve la " tiin ka en ngar . “ A that phahlo ,a ho " tiin a chan zawm leh keipawh chuan ka be leh tawh bik chuang lo ; a tih tih hian timai mai teh se ,a zawh hnuah chuan thaw huaiin a chaw hmeh kan chu a va en leh zauh,a buai ve tawk viau mai . Puih ka tum der silo,tihian ka buai ve theih zia leh ka thlakhlelh turzia hre ve rawh se ,room lamah bawk ka luhsan leh lai chuan a bel titla ri ka hria.










Ka ngaihven lemlo ,a buai buaiin buai rawh se ,enge min tih tah vei ni . Ka phone ah movie ka en mai mai a “ Meiji lo chhuak teh,chaw a ei theih ania " a rawn tih takah chuan ka chhuak ve chauh, chaw ei chu a lo siam peih diam tawh . Dawhkan chu ka kil a ,a chaw ei siam vel chu ka tem a ,a tui phian mai . “ Enge a an "ka ngaihdan hriat tum takin min en reng “ A tuiloh lem loh hi " tih ngawtin ka chhang chu a nernung mai .









A rawn thu thla ve a,a thil siam chu a tem nghal ,engmah sawi lovin ka ei zawm mial mial “ Vawiin chu kan dawr kan va kan dawn em ni " a tihchuan ka bu ringawt ,dawr hmun thumah an nei a ,pakhat chu rangkachak a siam ho zawrhna a niin an hralh kal hle ,pakhat erawh inchhung bungraw zawrhna ani a ,a dang leh chu thawmhnaw leh pheikhawk vel zawrhna a ni thung. Ram hrang hrang a mi lakkhawm an ni bawk a,thalai ho in an duhzual hle bawk,ka la hmuh pui lo nangin ralkhat atangin ka hre ve thin thung.










An hlawkzia pawh ka hria ,chuvang reng chuan an mahni chu a khat tawk chauhin an kal a ,dawr nghak tur an chhawr mai thin. Dawr a thawk pawh an thahnem hle ,a sawi ang ngeiin min fankual pui a ,rangkachak thi leh zungbun chu ka duhlo chung min pe lui a ,thawmhnaw leh sneaker bakah pheikhawk sang to tih hriat tak te chu min laksak teuh,hepa hi min tlawn a tum nge pawh ka hrelo ve a ,in thleng phawt ila thu ka la hrilh mai ang . Heng incheina te hian min hip ve chiam lemlo .









Mahse mi kara ka duhloh thu sawi khum ka duh bik bawk silo,kan haw meuh chuan bike nen chiah kan ni bawk nen kan bawr haw hle .


ZAWMNA .




in kan thleng chu athil min pek ho chu ka khai tir ,inchhung lam ka pan hnak hnak,ka phone a rawn ri a ,tihchu lutuk Bawiha hming ka hmuh chuan min tihhlim ber tum a niang,Zonunpuia hi runluihna tha tak tur a ni “ Awi Bawiha " ka tihrualin enge ka tih tih min rawn zawt nghal zat “ Hei ka bazar a,nangteh engtik nge ilo haw dawn ka ngai tawh lutuk che a nia" ka tihchuan Zonunpuia thinrim hmel ka hmu nghal . Engah mah ngailo ang mai chuan ka biak zawm








A rawn haw tep thu a sawi chuan ka thaw huai “ I zin rei tawh e kumkhat chuang i zina min ngaihtuah ve miahlo lehnghal" tiin ka vui niah niah,min duh ve thin,bem pawh min bem nasa min ngaihsak hle bawk . Mahse kan la naupan dun em avang khan ka hnar ta kha a nia , Mumbai lamah college a kal tak daih avangin kan inhmu khat ta pharh kha ania. Tunah erawh helamah kal tumin hma a lak mek thu a sawi ve luam,a tawng duh a kan awm tlan tawh chuan a mipa zawk e tilo hian fiamthu a duhin a mah a tawng char char zel.









Zonunpuia room lut kawngka khar ring lutuk avang chuan ka phu zawk “ Enge i tih i va ti ring ve " Bawiha lah chuan ala rawn tizui “ Engmah nilo ve ,kan pa a nihkha " ka tihchuan a rawn nui hawk “ Pasal i nei tawh tih ka lo theihnghilh thin . Keiai a hip zawk tu che mipa chu ka hmu chak tawh khawp mai " a tih chuan ka nui ve sak “ Sakei a nimai" ka tihchuan a nui nasa hle . Kan dah hnu ah room ah ka lut chu ka mengphar nasa ngei mai,Zonunpuia chuan ka thawmhnaw a lo sawisa a nihchu.








“ Eng thil nge i tih kha '" ka tichiam,a lo theh darh nuaih amah chu engmah tilo ang maiin khumah a mu,chu chuan ka thin a tirim zual,va pan pheiin lukham chuan ka vaw pawp pawp . “ Engvanga thinrim reng nge i nih a ,i thiamloh zawk tih hre rengin hetiang tlereuh hmanga thlem lungawi chi ah min ngai em ni? Zonunpui dah let leh vek ang che ,i lerh zia hria in ka lo nei che a ,ka tihsual ani i insiam that ka lo beisei ve a mahse chu ka ngaihtuahna chu dawt vek " tiin ka thawmhnaw chu ka chhar mawlh mawlh . Ka kun lai chu min rawn chawi lawpin khumah min thehthla










Thinrim tih hriat tak hian min melh khui khui bawk ,a thawmhnaw a phelh mawlh mawlh a,a tih tum ka hre chiang lutuk tlan chhiat tumin ka che phat,mahse min delh delhin ka hmuiah a fawp a ,ka chet theihloh nan ka kut chu a kutin a hum bet tlat bawk . A thawmhnaw la phelh bang chu phelh leh in ka kekawr chu a pawt phelh zung zung,ka tal ve tak na in ka hneh der silo “ Khapa laka kal i tum a nihchuan theihnghilh ang che. Ka ta inih hi Meiji Vanlalhriatpui,ka ta ka nupui i ni bawk " a tihchuan za lo lutukin ka nui.








“ A hming chauha nupui ni e ,nangin i duh duh i kawp anga keiin ka lo en liam mai mai ang che maw ,teuhlo lutuk . Zonunpui ka duh duh ka be thiang,awmsawn nghal rawh i thil tih avang hian i inchhir palh ange" ka tihchuan a tawp dat ,mahse rei a chawl lo “ Hmangaihna chu min chenpui ta che ,ka nupui ini hi ka inchhir ngailo vang" tiin ka taksa chhungah a rawn lut ,ka tal lai tawp chawtin ka mit ka chhing . A rum kawk mai,ka kut ka hum ruh fan fan.







Na zet zetin a sawh a ,min ngaihtuahna pawh a neilo hrim hrim,ka laka a duh tawk a hmuh rualin nuam tih hmel zetin a rum hak hak a,ka kawchhunga a baw chik lut chu ka hai heklo “Ka hua che Zonunpui ka haw lutuk che " tiin ka bula chem chu la in ka intin ,a meng phar awk . Ka ban pawh ka zai ngama engvanga ka nunna chu la ngamlo nge ka nih bik ang ni “Naute dahthla rawh. A hlauhawm ania" ka nui hak “ Ka tan i hlauhawm lo bik em ni? Mawh i duhtawkin ka taksa hi i chen anga tichuan hmeichhe dang i pan leh thin anga maw? Tenawmpa ka haw lutuk che" tiin chem chu dahthla in ka au tuar tuar ,ka tap bawk .









Ka chum pawp pawp a ,min dan pawh a tum chuang lo “ Min that zawk mai rawh" ka ti sep “ Nunpui min that mai rawh " ka thusawi vang chuan min pawm chawt “ Ka hmangaih che ,min ngaidam tawh Meiji ka hmangaih che ,engtin nge that tur che a min tih theih ni ? Ka theilo ka hmangaih che ka nunna ai pawhin " ka nghawngah a hmai a phum,a mittui in ka nghawng a far a luang pawh chu ka hria “ Ka tihpalh,i lawmna a nihchuan ka thiante leh ka khawvel hi ka kalsan ang . Mahse min kalsan suh" a tihchuan keipawh ka tap hlawp hlawp “Mahse min tina reng si a lawm.










Tunah khan min pawngsual tih i hria em ?" tiin rilru na zetin ka sawi chhuak “ Ka tihpalh kan inkar ka siam that theih ka beisei vang a ni . A chhan chu min mamawh ve tho tih ka hriat avangin ,ka ti leh tawh lo vang . Min kalsan dawn loh phawt chuan i phalna tello vin ka dai leh tawh lo vang che "atihchuan ka en kar , ka chhang leh tawh lo . A nipawhin ka awmdan hrethiamin tho chhuakin chemte chu a dah bo nghal“ I thinrim leh nat apiangin atthlak takin che leh tawh ngai suh ang che. Mahni inthah hian eng rah tha mah a chhuahlo "a tihchuan ka nui hak ringawt.










“ Mihring hian dam chakna a neih tawh loh miau chuan a dam reng thei lo ,athi mai thin. Beidawng ngawih ngawih chunga beiseina neih phei chu a theilo lehzual,nun hi a chhiat tawha beidawnna in min hneh tawh chuan nun reng hian tangkaina a nei tawh lo thin . Hmangaihna pawhin natna a tuar reng chuan a hmangaihna chu awm reng mahse a chawm nung tha thei tawh heklo,a vuai mai thin " tiin ka mu tawm reng,min rawn kuah lehin ngaihdam min dil , a aw atang pawhin ka kalsan a hlauhzia a lang reng.







( KAN LAST TEP E)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » October 7th, 2022, 6:47 pm

MR.STREET RACER





LAST CHAPTER







“I nupui hian min man tir a lawm" mipa tawng thawm ka hriat chuan ka meng chhuak riai riai “ Amah ngei a ni tih in chiang amaw?" Nunpuia tawng ri ka hre nghal,a thiante chuan an lo chhang leh “ Amah ngei tih officer in min hrilh alawm,i nupui hi then rawh kan tihfo che kha. Hetiang hi chuan nangmah pawhin ila tuar ang ,i pa pawh a la hmu fo " titu chu a thianpa a ni ,ka tho chhuak vat engtin nge chutianga min puh mai theih zawk .







Pawn ka va chhuah chuan Nunpuia thinrim hmel ka hmu nghal “ Meiji Vanlalhriatpui ka thiante i mantir tih hi a dik em ?" a rawn ti tuar ,a thiante bakah a fawhnu pawh kha a tel ve bawk . Min lo en thap “ Nunpui chutiang thil ka tilo" ka ti sep ,a awih loh hmel hle “ Nang hian ka thiante kawm i phallo a ,ilo man tir hial amaw " atihleh chuan ka hnaih ruak “Min ngaithla teh Nunpui chutiang thil ka tilo " ti a a kut chelh ka tum chu alo vaisawn sawk “ Chhuak rawh " tiin a thiante chu inchhung lamah a luhpui diak,ka en reng ka tawng a ngaithla duh lo chuan min ti hrilh hai bawk .










Inchhung lamah ka lut leh,an thianho chuan zu an lo in a ,an lo nui dar dar min ngaihvenna pawh an nei lo ,Nunpuia chuan a hmeichhia chu a lo kuah leh tawh ,room lamah lutin ka tap tawp,a nitelin min hlata a nun hmasa ah a tlana ,ka awm nge awm lo pawh a ngaihven tawh lo . Nitin an thianho in min runluih in an awm zak peih a ,keilah ka rai tih ka hailo ,ka hua a ni ka haw hluah hluah mahse naute hi a hriat ve ngei a ngai a ni.










“ Nunpui nau ka pai a nia " ka tisep,mahse min ngaihvenna pawh neilo vin a hmeichhe kuah lai ringawt chu a ngaihsak ,ni e a nun pangngaiah bawk a let tih ka hria “ A tha e ,min lo zawng hauh suh" tiin room ah ka lut ,ka thawmhnaw chu ka siam mawlh mawlh ,ka mittui a luang ngiai ngiai ka fahrah bik lutuk hi ka hua,ka pawisa neih chhun nen chuan room chhung chu ka chhuahsan hnak hnak .












“ Vanlalhriatpui " min kohna pawh ka chhang lo,pawnlam chu mittui tling pamin ka pan zel ,min rawn pawt let lawpin room lamah min hnuk phei dawr dawr “ Min thlah rawh ,chhuak turin min duh a nilawm ni ,ka chhuak dawn a nih hi ,ka kut hi thlah rawh " ka tihpawhin a ngaihvenlo khumah chuan min theh thla in ,ka kut leh ke a tawn bet ,ka lo tal chu ngawi pawimawh lo in min delh bet hmiah “ Min kalsan rawh,min kaltir rawh Zonunpui " tiin ka tap hlawp hlawp . “ Ka mamawh min pek hma chu ka kaltir ngai lo vang che " tiin min chhuahsan .











A thiante ho nui dar dar te chu ka hria ,inah chuan nilengin an awm a ,zanah an chhuak reh diak. Ka kut phuarna chu phelh tumin ka tal fat fat,a tawpah chuan ka phelh thei hram . Ka ke lam pawh ka phelh leh,a rawn haw hma in ka chhuah fel angai tih ka hria ,ka thawmhnaw siam sa chu hnuk chhuakin pawnlam ka pan,gate ka thleng tep tihchuan a bike thawm ka hre leh si ,in hnung lamah chuan ka biru vat. Inchhung a lut a ,rei vaklo hnuah a rawn tlanchhuak leh “ Kawngpui vel kha lo en ngun teh u ,a kalbo theilo " a aw ah chuan manganna a lang chhuak .











“ Meiji" tiin min au tuar tuar ,ka tawmna hnim puk kar atang chuan chhuah ka tum lo . Ka thu reng,ka mittui chu ka nuai chat chat,inchhungah min zawng kual a ,min au bawk . A awmloh lai chuhin ka tlan chhuak,ka in neih ve chhun lam ka pan a ,hei hi chu a nipawh khan a hre hauh lo vang ,ka phone chuan sumo Counter lam bia in seat ka hauh nghala,naktuk hian ka Nutei te khawlam ka pan tawh ang . Ka pum chu ka chul hauh hauh ,ka in hmaah chuan dingin sumo lo tlan hun chu ka nghak ran ,belhtur ka neih chhun ka Nutei te khawlam pan tur chuan ka inpeih ran tawh .











A rawn thlen rualin ka chuang lut “ Meiji Vanlalhriatpui " ka pasal aw ka hriat rualin ka khawng awt,mahse kan tlan chhuak hman,ka thaw huai ka pum chu ka chul“ I mal ngai dawn lo,Anu ang hian i mal ngai lovang" tiin ka phun sep sep ,kan hnunga bike ri ka hriat rualin ka khawng awt ,min rawn umzui a maw ,traffic jam laia a din avang chuan ka thaw huai hman,mahse keini pawh kan tang leh ,a bike atangin a chhuk tih ka hriat rualin “ Ka pu ka lo chhuk leh si mai a nge " tiin ka thawmhnaw tlemte nen chuan ka tlan chhuak .











“ Ding rawh " tiin min rawn um zui zel ,ka theih tawk in ka tlan ,min man hman tur a nilo,motor kawng kan ka tum lai tak chuan motor rawn tlan thut chu ka pum pelh hman ta lo,mit chhingin ka lo nghak tawp ,ka taksa chu a chet lawp rualin thil ridup ka hria ,mahse ka na miahlo,ka mengchhuak ,Nunpuia lu atanga thisen chhuaka lo let reng leh car atanga mipa pakhat rawn chhuak ka hmu nghal ,ka pan rawk rawk “ Zonunpui harh teh. Min en rawh " tiin ka sawi nawk nawk ,a mit a chhing tlat “ Damdawi in ah kal pui vat a ngai a nih hi " tiin car neitupa chuan car chhung lamah Nunpuia chu a pawm lut ,phone in mi a be pah mawlh mawlh .











“ Aw ka tlan lai a rawn lang thut sia hei damdawi inah ka hruai dawn a nih hi " tiin phone a dah “ Ava pawi ve aw ,eng ti tiha motor kawnga rawn tlan thut nge i nih le ?" dam dap a a rawn tihchuan thil awmzia ka hrilh ringawt,Nunpuia lu chu ka khupah nghatin ka au mawlh mawlh “ Zonunpui min kalsan suh aw " tiin ka be mawlh mawlh,damdawi in kan thlena an nawr luh dawn chuan rawn mengin min melh tâwk tâwk a ,a hmui phuna min hmangaih thu sawiin a mit a chhing zui leh . Hlauhthawnna hlirin ka khat ,tinge hetianga a awm tak mai le ,engkim hi ka thiamloh vek a ni.










A ni leh zelin min kalsan in engtin nge ka awm ang? Ka tap char char ,a pa leh a thiante ho an rawn thleng,an hmela hlauhthawnna chu ka hmuh hmaihlo ,car neitupa chuan thilawmzia a hrilh mawlh mawlh , doctor rawn chhuak in an thusawi a vang chuan ka thu hnawk,hmeichhe ho kan tap mipa ho erawh an ngawi ngal hlawm ,an rawn nawr chhuah chu ka pan,a hmai vung leh duk chur chu ka chul “ Tinge keimah chauha min kalsan,keimah zawk hi thi tur ka ni a sin,Zonunpui keimah hi a sin thi tur ,tinge min lo chhan " tiin ka tap hawm hawm,ka kuah .









“ Lo kir rawh,hetiang in keimah avangin i kal dawn tih hria ila chuan maw ,zui ru ngai lo che in i mit hmuhah in lan ngailoh ka thlang mai tur ,Nunpui i tello in engtin nge kan naute nen hian kan awm ang ,ka hmangaih che . Min hrilh ve ta che ,nidangah chuan mi chhan ziah kha min chhang leh rawh " tiin ka pawm nghet sauh. Ka insum zo tawh lo chu ka au vak vak ,“ Nu,pa ka hmangaih tal hi tinge in Pathian khan ka kiangah a awm a phalloh ,Zonunpui harh la min en teh. Fahrah mai nun hi i tello leh zelin engtin nge ka awm ang " ka tap hnang chu min buaipui nak nak .










Zonunpuia,ka tleirawl chhuah tirh te a ka mipa star hmasak ber leh nun ho ve thei tak kha a thi ta tih hi ka awih theilo . An phum dawn thlengin baih vai zetin ka en tlawk tlawk,leihnuaia an zalh tur chu ka chawlh tir rih,kuang chu hawn tir lehin ka thlir vawng vawng,ka la kham lo,a bula awm hi ka kham lo ,a hmai chu ka chul “ I vullai hi a tawi lua a ni tiraw ka hmangaih,engkim ka thiamloh a ni,he leiah ka hmu ve tawh lo tur che hian min tina ngawih ngawih Zonunpui,min lo tawng lo la chuan ila dam ve awm si a ,a kut chu la in ka pumah ka nghah tir ,a rim danglam tan te chu ka pawisa lo .











“ I fa leh kei min venhim hnuah nang chu i kalbo daih a ,van atangin min lo thlir la ,i fa thanglian lai lo en rawh aw ,Nunpui ka hmangaih che theihse ka bulah hian awm tir reng che ka duh a sin. Mahse lei danah hian ka kianga i awm a rem ve tawh silo,Zonunpui i tello chuan ka mal dawn lutuk a sin. Engtin nge saw kan inah sawn i tello in ka chen theih ang,tumah ka neih ve tawh loh hi ,ka nu leh pa te nen hian in fair hlawllo aw ,ka kiangah tumah in awm ve duhlo ,mahse a pawilo ve , thi nawn leh tawhlo turin vanah in awm tih ka hria ,ka ngai che ka ngai nghal ngawih ngawih che .










Ka lo zui ve hunah che min lo chelh leh ngei rawh aw " midang awm ve leh awm veloh ngaihsaklo in ten hauh lo in a hmui lum ham hama min fawp thin tu dai ta riakah chuan ka fawp vang vang ,mittui luang ngiai ngiai in a hmel tha tak chu a tawp nan ka thlir ,hringnun hi a kal puat puat emaw tih turin ka hmangaih ber ka chan ta chuan min ngaih tir,ka kianga a awm lai hun hi a reilo em a ni . “ Kal rawh ,min lo nghak la pialral atanga min lo thlirin Meiji ta ka ni ti a sawi chungin min theihnghilh suh ang che ,ZONUNPUI ka hmangaih che " tiin a tawp nan ka chul leh .












A bula awm hi ka khamlo a ni,Leia an chhih lai te chuan lung na em em in ka en vawng vawng,midang chu an haw sup sup ,kei erawh ka la awm ta reng . Ni e ka in leh ka innghahna neih ve chhun kha lakbo in a awm miau alawm,nimin lawkah kha chuan ala damin nun ala hmang ve a sin,Lalpa heihi em ni ka tana i ruat chu,tumah ka kiangah an awm ve i rem tilo tiraw? A tawk i tive tawh em em lo vem ni ,ka hmangaih hi ka kiangah tal min dahsak ve theilo vem ni?" ka tap hawm hawm ,a thlan thinga an siam chu ka vuan “ Ka kal tir ve theilo che,Nunpui ka ngaihtuah nasat pauh leh ka kaltir theilo che.











Nunpui engtin nge ka tih dawn ,ka ngai che emai engtin nge ka awm dawn ,i sulhnu hmu reng in engtin nge hlim taka ka awm theih ang . Zonunpui lo chhuak leh la haw ang ,mawh haw ang ,chuan i duh duh dana i nun ka phal tawh ang . Nunpui ana lutuk " a thlan an laiha lei vum thur chungah chuan ka thu hnawk . Ka awm chum vak vakin ka tap,chu thlanmual reh ruihah chuan nasa takin ka tap chhuak hawm hawm ,mite nui ri ka hriat te chuan hrehawm min tih tir zual tu mai an ni . Min lo tawng kher lo se chuan ka tan pawh hian a tha zawk tur .











Ni a ral thla a liam,mahse kei erawh hlim hmel ka pu khat,ka fa hi ka in nghahna neih chhun chu a ni tawh. Ka nau vei laiin tumah chhungte tih tur leh nghaktu ka nei ve lo va ,hmeichhe dang te anga pasalten an lo fuih ang a fuihtu ka nei ve hek lo, doctor leh nurse te chu ka neih chhun an nimai . Fapa ka nei tih ka hriatna chuan min va tihlim si em,mittui tla zawih zawihin ka fapa chu ka en “ Bawihte a pi leh apu te ,apa te khan vanram atangin an lo lawm che a nia aw " tiin ka fapa chalah chuan mittui tla teuhin ka fawp .









Nurse te pawh an mittui a tla ,Nunpuia thihlai khan an awm ve miau a lawm,“ Zonunpui fapa i nei a sin" ka tichhuak sep ,amah ka ngai thar vawng vawng la dam ve in a fapa hi amah ngeiin hmu in pawm sela tihchu ka ngaihtuah,a engkim a dawr min pe vek a ,chuti nilo se chuan keichuan in enkawlna tur ka neilo ,doctor alo chah azarah a pa lakah ka chan lo hlauh a ,chungte chuan min tina zualin min ngaihtuah zia min hriat thar tir tu a ni .








Ka fapa tuala infiam chu ka en ,a pa hming chawiin Lalnunpuia tiin ka phuah a ,a ni nen chiah Nunpuia inah awm in khawhar em em lo in kan awm,ka fapa hi ka tan chuan a tawk ,a hmel leh chezia erawhin apa min ngaih zual tir thin . Mit chhing vang vangin ,apa ka en thlak thin lai te ,a intlansiak apianga ka lo lawm ve em em thin lai leh , amah avanga ka buai nasat theih zia te chu ka ngaihtuah let ,khang te kha kum reilo te ami ang mai an la ni . Van a thiang kuk a ,ni sa vawl vawl in kan inbul thingah chuan thereng an hram a .







Ralkhat tlang chhumin a bawh te chuan ka lung an tileng zual ,nunhlui ngai chuan ka tap leh hawm hawm. Maltur a duan ka ni a ,keimah chauha hringnun hmachhawn tura dah ka ni bawk . Thlalak lianpui hmaah chuan dingin ka en vang vang “ I fapa pawhin pa tih a thiam ve tawh a sin,eih tu tur a nei lo mai pawh a ,pa a tih alam a pianga chhangtu a neihloh avanga a hawi kual thin te hian maw Zonunpui ka rilru a tina ngawih ngawih zel ,Nunpui kan nufa hian kan mamawh che a sin,mahse ko ko che mah ila i eih dawn silo va tiraw .









I fapa hi ka enkawl seilian anga,mi hlawhtling tak a nih hma chu ka enkawl ang tih ka tiam a che ,i fapa nangmah chhun em em tu che hian hlawhtlinna hmel a hmuh hma chu keihian ka enkawl ang " tiin inchunga dingin tlaini tla tur sen phut thlirin ka fapa chu ka pawm a “ Bawihte apa saw bye bye rawh le " tiin ni liam tur lam hawi chuan a ban ka vai tir “ Apa ,apa " ti a a tawng chuan nunhlui ah bawk min hruai kir leh ta.








Bawihte i pa chu maw anu duh ruk em em a niin anu pawh tina fo mahse apa chuan kei leh nang hi min hmangaih lutuk tih hria la,ilo len hun thlengin ipa ropui zia leh hmangaihna ngah zia hr reng ang che ,miten i pa chanchin an zawh chang che in “ Ka pa chu khawvela pa zawng zawng zinga ropui ber a ni,a ni chu ka nu nen kan hero a ni a ,a nupui leh fapa venghimtu a ni "tiin mi hmaah i pa chanchin sawi thin ang che . Ka fapa ka dampui reng dawn lo che a,hmangaih i tawnga a niin a hmangaih bawk che a nihchuan kalsan ngai suh. Tina hek suh ang che .










Chhungkua dinpui tlak ngeilo chu hnaih ngai suh" tiin inchhung lamah chuan ka luhpui,apa ka ngaihna hian damchhung in min kalsan leh tawh dawn lo a nih hi . ZONUNPUI i dam tha ang tiraw ,i dam ngei ka ring e .






A TAWP TA ....




DUHANGIN FAMKIM LO MAHSE KA DUANSA ANGA KAL KA DUH SIA HETI ZAWNG HI A NI E ,KAN THAWNTHU CHU,A TAWP HLIMAWM LO IN INTAWN HUN CHHUNG REILO MAHSE REILOTE TAL KAN TAWN PAWH HI KAN TAN HRIATRENG TLAK AN NI SI.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)