TRUE LOVE CHAPTER - 22 By : Tom Tom Putara

Episode kal lai dah luhna

Moderator: writers

Tomtomputara
Posts: 159
Joined: December 3rd, 2021, 1:17 am

TRUE LOVE CHAPTER - 22 By : Tom Tom Putara

Unread post by Tomtomputara » September 30th, 2022, 10:29 pm

TRUE LOVE
Chap~22



By : Tom Tom Putara






Ka pa nen chuan kan inzui lut a, ka nu chu Khumah ngawi rengin a lo ṭhu a,kan lut lai pawh chu min lo en hran lo. Ka pa chu a bulah a ṭhu zui nghal a. An pahnih hmachhawn zawng chiahin ṭhuthmun ka rem zui ve hmiah. An pahnihin, kan chhungkaw hmalam hun sawidun sela ka duh rualin ka awm ve ngei ṭul tihna ka nei lian viau bawk.





Ka pa hmel chu ka ennawn leh ngat! Nidanga a hmel puthmang nen a danglam vek chu mak ka ti ngawih ngawih. A thil tihsual avanga a inchhir hmel leh a inthlahrung hmel hmuh tur awm ta miah lo chu mak tihna nen ka en reng a.




Ka pa chuan min rawn melh zawk a. Ka lo bu nghat a, ka nu lam chu a hawi zui a. "Engkim sawiho a ṭha e. In ngaihthlak kha ka aw leh Sawmi aw ngei anih kha...." a rawn ti hmasa te te a. "Vawi tam tak message min rawn thawn a. Ka tih hnawk siamṭha turin ka chetchhuah angai tih ka pawm a, min rin ngei theih nan kha thil record-kha ka neih a ngai bawk tih ka hrechiang a. Ka thiam ang tawka thukru chunga ka tih anih kha..." a rawn ti zui dap dap a.




Ka nu nen chuan ngawi rengin kan in melh ralh ringawt a. "Ka tihsual zawng zawng chu in hmu a, in hre bawk. In thinlungah theihnghilh a har viau ang tih ka ring; Mahse, khang ang kha a thleng nawn tawh lovang tih ka tiam che u" tih pahin a khuh khurh khurh a.




Ka nu chuan, "I vawihnih min tiamna, " a lo ti deuh hmak a. Ka pa chu a ngawi rûn a, tukverh lam hawi chuan a ṭhu reng a. "Ka sawinawn leh ang. Kha thil kha ka hre nawn duh tawh lo, " ka nu in a rawn tihzawm lai chuan ka pa chu a rawn hawi vut a.




"A thleng nawn tawh lovang. He In chhung hi ka uapna hnuaiah felfai takin a kal leh ang, " a rawn tihzawm hmuk a. "Min ngaidam vek dawn nia..." a rawn tizui a.




"Keipawh thiam lohna tam tak ka nei ngei ang. I tan hun ka pe tam tawk lo te pawh a ni ange. School-lamah ka buai em em a. Ka hunawl ah Pangpar ka buaipui reng bawk a. Insiamṭhat ngaihna lai kan nei vek ngei ang, " ka nu in a rawn ti chu mak ti zetin ka lo en vat a. Mak ka tihna kârah ka hlimna erawh ka thupbo chuang lo.




Ka pa chu a nui vur vur a, "Engpawh nise, kan vaiin bul kan ṭan ṭha ang. Kei, he In chhung a pa ber hian hma ka hruai ang. Ka mawhphurhna hlen turin ka tihsual apiang ka phumbo char char ang, " a rawn ti chu ka nu nen chuan kan in en a, kan nui var var a.




"Ka ring che pa...engkim i siamṭha thei tih ka hria, " tih pahin ka ding a. An pahnih chuan min lo en reng a. "Mu tawh ang u...zan a rei tawh" tih pahin ka nui sak a. Min en reng lai chuan ka chhuahsan zui ta nghal a.




Ka mut hmunah chuan ka ngaihtuah nawn chet chet a. Ka nui sak a, "Ka pa i ti thei tih ka hria ania..." ka ti sap a. Ka phone chu ka en zui zat a. "Tui deuhin mu ang che, " Zoramsanga message chu a lo awm vâng a. "Nangpawh le....muttui em em le, " tia ka chhân zawh rual chuan zai ka ngaithla nghal a, muthilh ngei tum chuan ka lukham chu ka kuah ṭha sat sat a.




Ka harh hlawt chu Sana ka en vat a, zing dar 6 a lo pel det chauh a. Ka in let thak a, muthilh leh ngei ka tum; Mahse, ka harh tulh tulh bawk si. Ka tho a, hâm bâi bâi chungin ka ṭhu a. Ka nu thawh hun a ni tawh tih ka hriatchian em avangin a thawm ka ngaithla vang vang a; Mahse, a reh ruih mai.




Zan lamah an mengrei anih rinna ka nei nghat nghal ngawt a. Muangchangin ka tho a, tukverh ka hawng a, ka zi mar zui ar ar a,morning routine ka tih zawh chuan, ka pindan aṭang chuan ka chhuak phei a. Ka nu te chu an la tho lo anih ka rin avangin thâwm dîm takin In chhung ka hawng êng zui nghal a.




Kawngka lam thâwm ka hriat rual chuan ka hawi nghal thuai a. Ka nu leh pa chu an rawn ṭawng lut bawrh bawrh a. "E hiau..kan naute chu ava tho hma ve?" ka nu chuan nuih var var pahin a rawn tilut nghal a.




"Engnge in awmzia? In la tho lo amaw ka tia..." tih pahin an pahnih chuan ka melhtawn zak zak a. Ka ngaihtuahna ah chuan thil tam tak a awm nghal. Ka muthilh laiin min chhuahsan ve ve ania. Kawngka lah an kalh miah bawk silo. Misual te rawn lut ta se??? Ka thin a rim nghal deuh thut bawk. "I pa hi Zing Ṭawngṭai Inkhawm kalpui ah ka sawm a, a lo peih teh mial a," ka nu in a rawn tihlai chuan, "In mawl maw le, " ka lo ti hmak.




Kan in en ṭhap a, "Kawngka in kalh bawk silo...misual te pawh an rawn lut thut thei a...." ka tihzui lai chuan an pahnih chuan an thaw huai in ka hria. Ka pa chuan, "I va ho mai mai ṭhin e aw...." a rawn ti nui vur vur a.




"Thingpui i lo nei tawh em?" ka nu chuan ṭhut pahin a rawn tizui a. Ka bu nghat a, thingpui chu ka siam zui sawk sawk a. "Pu Thanseia chu engtik aṭanga na nge? Ka lo hre reng reng lova, " ka pa chuan thingpui lem khulh pah chuan a ti sup a.




"Nu, engnge ka siam dawn?" tih pahin ka ding khawng reng a. "Naute....kan pahnihin kan che dawn nia.." tih pahin a rawn tho zui a. "Pu Thanseia hi a khawngaihthlak, a hrisel lo ve em mai a. Mahse, an fate an fel em mai a" a tizui a. "Naute...a fapa chu i hrelo em ni? Kan Kohhran Zaipawl Conductor kha..." tih pahin min rawn melh khiau a. "Lalmuankima maw?..." ka ngawi dat a, "Ni dawn tak... Aw, a pa chu ka hre leh si. Putar lâm reng ṭhin kha a ni lo'm ni?" ka tizui a.




Ka nu leh pa chuan an chhungkaw chanchin chu an sawizui nasa khawp a. Ngawi rengin ka ngaithla khiau a. Lalmuankima chanchin lah chu ka nu chuan a lo hre phian a. A fel an tih thu chu an sawi nasa kher mai.




Ka nu leh pa inkâr boruak chuan kan Inchhung hmel a tih danglam nghal zia chu kan vaiin kan hrechiang viau ang. Ka pa pawh a tihdan ṭhin ngaiin Sitting room-ah Chanchinbu a keng parh leh duai duai tawh a. Ka en a, ka nui sak a.




Ka pa chuan min rawn ko a, pindan aṭang chuan ka chhuak nghal thuai a. Phone bih ngur ngur pahin ka nu a ko phei zui bawk a. "Kan hna hi endik thuai a ngai dawn a. Champhai ah zankhat riakin kan han zin lawk dawn em ni? Naute-i pawh a zinchhuak khât tawh alawm, " a rawn ti thuai a.




Ka nu chu a ngawi vang vang a, "Ngawi lawk teh u, ka thawhpui te ka va be lawk ange, " tih pahin pindan lamah a lut zui leh nghal a. "Champhai kal chu i chak hrim hrim em?" ka pa chuan min rawn melh pah rulh a. "Ka hre lo...châk ve tho mai. Vawikhatmah ka la kal lova.." ka lo ti thuai a. "Zîngah kan chhuak anga, muangchangin kan tlanchho anga. Kan chawl chho sek anga a ni mai alawm, " ka pa chuan ka nu motor ruih hrât zia hrechiang ve em a ni.




Ka nu chu a rawn nui chhuak var var a, "Kan kal thei anih chu," a rawn tichhuak a. "A nuam ngawt ang..." ka lo ti sap a. Champhai zin chu kan rêl fel a ni nghal ber e.




"Ka pa, vawiin tlaiah kan ṭhianho chaw eikhawm an rawt a. Class kal loh lai a lo ni bawk nen ka lo 'aw' ve mai asin, " tih pahin an pahnih chuan ka melh dun zak zak a.




Ka nu leh pa in phal taka min remtihsak ka vawikhat hriatna niin ka hria. Nui var var chungin ka pindan lamah ka lut a, ka room chhung hnawk chu ka tifai nghal zung zung a.




Chawhma chhung chu ka buai ve viau mai. Ka tih tur zualpui ka tihfel hnu chuan ka inbual nghal sawk sawk a. Hmanhmawh takin ka in thlakfel zung zung a. Ka phone rawn ri chu ka ban thuai a. "Aw hello..." ka ti nghal vat a.




"I hman dawn tawh em? Bs-a ka rawn tir ania, " a rawn ti nghal. Sana ka bih pah zauh a, "E...awle, ka hman a ni mai, " ka ti nghal thuai a. "Rawn kal vat rawh...ka ngai tawh che ania..." a rawn tihzawm a. "Keipawhin...." ka tih hnu chuan kan inbiakna kan titawp zui a.




Ka insiam nghal sawk sawk a, Kawrfual off shoulder- a par hringdal riai mai, hmuh nuam zet chu thlang chhuakin ka inbel nghal zat a. Ka hmai chûl leh thuakin ka sam ka ṭawn fel leh thak a. Ka Sandal bun nuam tih em em, Brenda-i'n, 'i hmanthiam' a tih ngei chu inrawlh leh thawt in ka zo der.




Ka chhuak phei a, ka nu chu ka kal tawh tur thu hrilh in Bsa'n min nghah thu pawh ka sawi tel nghal zat a. "Rawn haw tlai lo la, ring tawk viau che mahila ngaihtuah in na..... A bikin hmeichhia phei chu.. Hun nuam tak va hmang la, thil ṭha lo a ni tih kan hriat reng chu tih chhin ve ṭalh te tum kher loh tur aw Naute?" a tih duah avang chuan ka inthlahrung tawp. U Tim-a min ben zan kha ka ngaihtuah chhuak nghal a, ka nu pawhin a ngaihtuah chhuak tih a hriat reng.




Kan tlanchhuah hnu chuan Bsa chu a nui leh huk ṭhin a. Zawhna zawt mitmeng a ka melh chuan. "Engnge maw a hriat ni, hna kan laklawh sia. 'Dina a awm tho a, tir mai rawh' ka tih pawhin keimah kher zuk ti tlat a," a rawn tih takah chuan keipawh chu ka nui ve ta hak a. A fimkhur sâwt zia chu thu hran, thiam takin a thikthuchhiatna a suangtuah kual leh tawh tih hriat reng. Ka tan erawh hlim ruk veng veng na a ni lawi si.




Black Wave Records - tih intar kawt ah chuan ding in ka chhuk nghal vat a. A chhung ka lut chiah tihin an Recording room aṭangin a rawn chhuak chiah a. Min nuih suk in min enchîk leh nasa tawh mai.




"I hman tawh nge, engtinge kan awm dawn?" ka ti sap a, min chhang lo. Ka hma ah tak a rawn ding a, ka lo melh chho haw chu nui sukin ka samṭawn chu a pawt dawk nghal zawk a nih chu! A ak hmak zui. "Engnge a lum nen, ka thlah peih lo asin?" ka ti ve takna in awmzia a nei thui lo thei.




"Lo va phei ula helam chu ka rawn ti fel mai ang. Midang ho pawh an rawn thleng har lovang," Bsa chuan a rawn ti lut pah mawlh mawlh a. Chahbi pek pahin, "Lucy-i a rawn bazar vek dawn....siam tur lam kha chu," a ti zui zat a.




Ramsanga a lo nui suk, "Nu ber a bazar chuan a fel vek ah ngai ang," a lo ti fiam zui ve zat bawk. Bsa lah a ngawi mai lo nasa, "Kal vat vat ula i che fuh zawk ang, kan kal khalh hreh lo che u ania. Tûm bûr in zai thei ho zai i ngaithla nileng leh mai ang aw," nui ruh ruh chungin a ti zui zat. Ka lo nui ve nasa, insum hi a har ṭhin..... Bsa bula awm hi chu...




Dina an tih, la naupan hmel ve tak chuan min hruai a,motor hi a la khalh ngam hrih lo anih hmel. A vawihnih accident tawhna a ni tawh a, chutah nunna chan theihna hial ve ve a la ni zui a. Ka veivak min ngaihtuah ṭhin lutuk te hi ka hrethiam reng, ninawm ka ti phal lo nasa.




A hnungah ṭhudun in, insi chêtin kan ṭhu a. Ka kut ah chuan a hûm lum vung vung a, a dârah ka Lu ka nghat ve chial bawk. Ka chhipah rawn fawp zauh in a thawchhuak suai suai a. A bula hahdamna leh famkim hliah hliah a ka inhriat ṭhinna hi amah ah pawh hian a ni ve tho tih chu hahdam hmel taka a thâwk suai suai na chuan min rin tir thiam a, ka chhungril hi a hlim veng veng. A hahdamna nih reng fo hi ka duhin ka ning ngai dawn lo tih hi ka chiang viau bawk.




Kan thlen chuan a chhuk a, a kut rawn phar chhuakin ka kutah a lo chelh vat a. A thiam ang tawk a min ngaihsakna hian min hneh a, a hmangaih nih hi a nuam in ka nun ti famkim tu hi a ni ve chiang a ni.




A hmun fal nalh leh dâi ruih mai nen hian Bsa-te In hi chu mi hi a hîp ngawih ngawih. Ka hawikual ruai a, a lo la ngai vek mai. In panna an phah phei sîr ah chuan Plant- a khat tawk in pot-ah a inrem phei zui a. Ka nu chuan hmu se a it leh dawn lutuk tih ka ngaihtuah thleng zat. Amah chauh in a awm si, a hmun hma fai reng te hi Bsa ngaihtuah hian a in remlo takzet.




"Awmpui a nei em ni? A fai thei e.....hna lamah a buai tho bawk sia...?" ka ti chhuak hlawl. A fai thei lutuk hi a hmun a zau si, hna a neih ve chu a ngaiin ka ring a ni.




"Nitin chuan a lokal lo, a tihfai hun awmah a kal aniang," a tih chuan ka bu ve nghat nghat.




Inchhung kan luh chuan Living room te fel ât lam panin ka kal nghal zat a. Kawngka kalh ri rak ka hriat rual chuan rang takin ka lehhawi thuai a. Min lo nuih suk in a rawn pên phei nghal a. A palian si, min enchîk lutuk chu min tilai dawn dawn mai. Ka ṭe nghal ṭhat... min rawn pawm kang nawlh a nih chu!




"I ke" ka lo ti ṭhat, engahmah ngaih loh hmel zetin min melh ngur ringawt. A kâwngah min kherhbeh tir nghal zat in, couch awmna lam chu min pan pui nghal pawk pawk a, a nghawngah kuah in ka nui hak hak a. Rihna neilo ang mai a lawm ka nih ṭhin le!




Min ṭhut thlak pui dawt in, "Min duat rawh," a ti zui sup chu ka nuih a ti za kher mai. A hrawkbawk langsar zet che ralhin a chil a lem khawlh a. Ka insûm hman lo, ka fawh sak zauh chu a thawchhuak hawk a, min hnukhnai hrâwk in min fawp nghal ngawng ngawng a. Thaw chham lek lek a kan infawh hnua inla hrang hlek in a chalin ka chal a rawn nawr a, ka hnar ah fawp zauhin a kiai suk a. A mitmeng phelh phang mai, sen deuh râm nen chuan a chet phung chu a inhmeh in min hîp takzet, a zûn a uai ngawih ngawihna tham a ni.




Dîmte a ka hmui ah fawp leh in, a lei ka kâ chhungah a rawn hawl lut nawk nawk a. Ka thiam dan tawk a lo chhâng lêtin kan duh thawh tulh tulh bawk. Engkim mai hi a reh duk mai, khawvel hran daiha awm ang mai in ka awm leh tawh! Zei tak hian ka hmui hnuai a rawn pet a, a hmui nem thep leh ka hmui insik zawng te chuan ka mur sung sung thei!




A duhthawh zel a, a rum leh ham ham ṭhin. Awm ve dan tur ka hrelo; Mahse, awiawm loh khawpin nuam ka ti thung. A lei sa ham ham hmang in ka hmui a nawr kau leh a, ka ká chhungah a lei a luhrual chuan ka thaw halh maiin ka hria! Ka taksa danglam mek chu kei chauh ka ni lo tih a mipatna ruh ṭangin min do na chuan a ti chiang viau.




Che phut in min bawhthlu nghal rawk rawk a, ka kut pahnih chelhkawp in ka lu chungah a nem bet hmiah a. Ka mal chîp châih chu a pawtkau zui a. A inkarah a rawn tla zep nghal. Ka ká chhungah a lei sa ham ham leh thap deuh hrâk chu chetkual tir reng in, "Min ti â vek tawh," a rawn ti chhuak hrâwk. A mitmeng sexy zet phelh deuh phang chuan chunglam aṭangin min melh chhuk rûn a. Ka hmai a sa nghal ṭâwn ṭâwn thei!




Min melh reng chung chuan ka kut a vawn lohna lam chu chetin ka hnute ah a rawn ṭham a. Ka eu nghal awk thei nia. Chhunglam aṭangin min rawn hnawh nghal tup tup a, ka kap zawna a mipatna khawng vek tawhin min do nghal rún pawh chu chiang takin ka hria.




Ka nghawngah a fawp leh a, ka thaw chhuak halh halh a. Ka kawr fual haklai, ka kâwng thlenga tawm chho tawh chhungah a rawn zen lut, ka kut a chelhbeh chu thlahin hneh lutuk in a kut pahnih chuan ka hnute a rawn hum nghal chawt! A thawri huam huam leh a chetdan duhthawh zet avang chuan ka dinhmun derthawn zia ka hria. Mahse, ka taksa thiam taka a khawihna hian ka rilru chu an phatsan hneh hle.





Ka hnute a rawn ṭham a, ka thaw chhuak hak. Ka ngaihtuahna zawng zawng a chawmawlh vek. A inbeng kâng deuh a, a laka nghawng ka neih dan hre duh ang hrim hian ka mit ah tak a rawn en a! A mitmeng tisa chakna avanga thim khap chu ka en a. A hmur, a kut ṭang in a khawih kual tak ah chuan ka thawk thleng in a buai, a rawn kun hniam a. Ka nghawng ah na miah lo hian a rawn seh, chu mi pah chuan dimte te hian a ṭham a! Ka taksa a rawn khur dar dar thei nia.





Ka hnung lamah a kut a zen lut a, awlsam zet hian ka kawrhnuai kilh a hmet phelh a. Ka ruak nghal hawk in ka hria, min nuih leh suk a. Ka thaw chhuak halh thung! Hnunglam aṭangin a kut a rawn sawn phei a, ka kawrhnuai hak chu a nawr sawn a, engtik laiin nge ka kawr hak chu ka âwm ah an tawm khawm vek tih takngial pawh ka ngaihtuah chhuak zo lo.





A ka chhung sa huam chuan a rawn fawp nghal ngawng ngawng a, ka tum vang ni miah lovin ka rûm chhuak hawk. A sam kârah chuan ka kutṭang rawlh lutin ka thaw chhuak nghal ham ham! A ka chhung a sa ṭha in a zei em em mai bawk si! Ka hnute fawp reng chungin a kut pakhat a chet a, ka mal a ṭham thla, a pawt kau zui a. Ka kekawr hak chhan ah chuan ka mal inkar chu a rawn zut a.




"Duhtawk ang," rang lutuk in a kut ka man; Mahse, ka aw khûr leh mumallo zet avang chuan ka châk ve tho tih a hria ang! Min bawhbet a, ka âwmbawr khuhtu awm lo ah chuan hmai a rawn phum! A kut leh lamin ka hnute a ṭham reng tho bawk. Ka dang ro lutuk vangin chil ka lem leh khawlh ṭhin a.




Ka taksa peng tin an pangai leh nan chuan hun a duh fe in ka ring! "Tho teh, an rawn thleng khawm ṭep ang," ka thawk lak a la pangai thei lo. A hmui in ka hnute a nul leh thuak ṭhin. Chu chu ka duhlo, ka in ven theih loh ka hlau. Rawn hawi chhuakin ka mit ah chiang zet in a rawn en a. Ka thaw halh, a insum hmel leh taksa sen ṭawn ṭawn chuan a ti lang pa hliah hliah si. A mitmeng vai riai leh mumal lo zet ang chiah hian ka mitmeng pawh a awm ve in ka ring.




Keini pahnih bakah panga rawn kal belh in kan vaiin pasarih lai kan nih chu. Kan ri ta nawk nawk a, Bsa ṭhiannu Lucy chu a fel hmel takzet, a te reuh in a nu hnap mai. Anthony, Te-i, Hruaia.....min in hmel hriat tir dan dan a, Ramsanga tiat thuak tur Anthony-a chu palian ngo vuah mai a ni. Te-i an tih chu a nelawm in a ṭawngduh barh barh hle a, a lian in a inchei dan a pa thûng mai bawk si. An ṭhian mipa ho chuan an sawisa nasa in amah lah chu a nuih za ber ah a ṭang lehnghal, kan boruak tinuam zual tu ani.




Hmeichhia in eirawng bawl in, mipa lam pawh in Uisa ei loh an hlauh luatah an buaipui ve vut vut hlawm a. A khat tawkin room ah an inluh chhawk sek hlawm.



Te-i chu ka nel nghal viau a, a bula awm a nuam takzet. Mipa ho luhna pindana a va luh ve sek hnu phei chuan kawm a nuam zual hle.



Lucy-i chuan min rawn ṭhuthnaih salh a, "Daisy...in pa hi vengṭha viau rawh. Duh deuhtu ka hria ania...a chhelo ropui si" a rawn ti sá sá a.




Ka lo nui sak a, "Amah hian min vên angai zawk..." ka lo ti fiamthu zat a. Te-i chuan a rawn hre thawi hman, "Zoramsanga maw? Duh ila hman hmanah ka nihpui thei ang chu..." tih pahin uangthuang zetin min rawn melh kher a. A fiamthu a sâng ve hle tih pawh ka hrethiam nghal mai.




"A teuh lo mai...keipawhin ka kherh fe ania ti ta che" Lucy-i chuan a lo ti thuai a. Kan nui dar dar a. Anthony-a chuan min rawn pan phei a, nui sûng chung chuan, "Nula hnelṭha hlangin eirawng in bawl ania...a tui tur a ni" a rawn ti sup a. Ka lo melh zauh a, pindan a luh sekna chu a rawn thawk ṭan tih a hmelah chuan ka chiang viau bawk.




"I hah tawh em?" tih pahin Zoramsanga ngei mai chuan min rawn uap zui zat a. Te-i ngaihdan a ni ṭhak lo. A lo nerkhum nasa mai, "Khati khan tun aṭangin duat viau suh. Nau ek i su reng mai tur ania" tih pahin a nui hawr hawr a.




"A ṭul te chuan zankhua pawhin kan in âwi dûrh dûrh anga ti nia..." tih pahin ka biangah a rawn piai zauh a. Lucy-i leh Anthony-a nuih a za zual ngang mai.




Hmeichhe ho kan che sang sang reng a. Zoramsanga leh Bsa chuan in man fahranin Guiter an tuai ri ta! Music an chhawp nalh sak ang aiin Anthony-a zâi pêr viau lawi a, chêt sawk sawk pahin Zoramsanga Guiter thaikual hnehsawh zet chu ka lo melh leh vung vung ṭhin.




Ka chaw ei chu ka eitui kher mai, Ramsanga'n a sa ṭha lai min suah sak zauh ṭhin bawk a. Ani erawh chuan a ei tlem hle, a meng sen deuh rûm a. A thlan a rawn chhuak deuh ṭiam ṭiam ṭhin. "I nuam chiah lo em ni?" ka tih chuan bu nghut in, "Ka lo va tho mai ang aw?" tiin ka chhanna pawh nghak lo chuan a tho ta nulh a. A kut sil zo rawn phei ngaihṭhat loh hmel zet a ka lo melh chu min nuih lui suk in, "Nachhawkna ka va hmawm lawk ang. Ka ṭha, ka lo let leh nghal ang," a rawn ti sak ṭalh a. Ka chaw chu eizawm turin min mitmei nghal zauh bawk.




A pên pâwk pâwk chu rilru nuam lo zeta en zuiin ka thaw chhuak halh a. Ka chaw chu tui ti tawh lo deuh in ka eizawm mawlh mawlh a. Ka rilru nuam lo leh ngaihṭha lo chu Bsa chuan min lo man vat in, "Hmanhmawh suh, a ke a nuam lo deuh aniang. Ka room ah ti khan lova mu hahdam se a ṭha mai ang," a rawn ti zauh a, ngaihṭha lo zetin ka lo bu liam satliah ta tawp ringawt.




Ka kham ta thuai tho a, ka kut te ka silfai hnu chuan, "Ka va ngaihven reng reng....lo ei ru," tih pahin ka melh kual a. Ka kal zui nghal a.




Keimah a hlauhthawnna leh min mawlh riau tu awm chu thunun ngaihna ka hre der silo. Bsa room lam ni ngeia ka hriat chu pan hlawk hlawk in kawngka chu ka nam a, a lo in hawng nghal mai; Mahse, a awm lo. A reh ṭhuap a, lêt leh mai tuma ka inher rual chiah chuan bathroom lam ni ngei tur aṭang chuan thaw ri hrâwk thawm a rawn awm a. Rang takin ka pan nghal vat.




Ka nam hawng rawk a; Mahse, chuta ka thil hmuh chuan min ti zawi hnawk in ka kaihzatha an rawn thlep ta hnawk emaw tih tur in kawngka biang chu chelhin ka nêk rawk rawk a. "Ramsang" ka ti zui ṭiak.




Rawn hawi chhuak in a hmai chu thlan tuiin a bawh hluam a, a insehruhna lamah a bek a thisen zam te chu a pawng ṭawlh ṭawlh thei hial. A mitmeng sen rûm leh buai nuaih chuan min rawn melh a, a kut khûr dar dar in Syringe- a hûm rân bawk. Ka chawmawlh vek, ka tiril ah vawtin min rawn ṭham a. Natna nen hlauhna in min rawn tuam a, ka khur chhuak der der a.





(to be continue.....)



Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)