*FOREVERMORE* CHAPTER-1 BY GEORGIA RALTE

Episode kal lai dah luhna

Moderator: writers

Georgia ralte
Posts: 4
Joined: August 24th, 2022, 1:44 pm

*FOREVERMORE* CHAPTER-1 BY GEORGIA RALTE

Unread post by Georgia ralte » October 1st, 2022, 3:38 pm

♡FOREVERMORE ♡




CHAPTER-1







GEORGIA POV







"Saw Senior-a awii a chhiat loh leh tawh zia saw" ka tih chuan ka thiante ho chuan min beng deuh dat dat a, "star ngahnu" min ti rual deuh thawt, "star ngah te chu nge pawi hringnun an ti famkim ve lawm" ngaihsam fe chuan ka ti a, a ni reng bawk star ngah hi a pawina ka hrelo.








"Star neih te chu pawi lo e mahse nang chu thinlung leh tih tak zetin mi 4-5 vel hi I duh thin a, Pui'in a tih chuan "E le an hre dawn hlei nem, tihian ralkhat star hi a nuam" tihpah in waiting shed lo awm ah chuan ka thu nghal tharh..







"Hmm ralkhat star mai mai I tia bialnu an neih hunah rilru na leh ber ber tur i nih kha"
nui tut tut chuan a rawn ti leh a, ka hmui ka lo tipawrh vak ringawt...






"Ti ta daih ila Logan-a kha engtin nge an tih tak zel le" Alicia-i chuan a rawn ti a,ngaihtuah zui ni awm takin a ngawi deuh vung vung, "Don't worry a ni te chu mi thil ti thei deuh fapa naupang ber leh an duat rawn a nia, an chingfel leh vek tawh ang" Kim'in a lo ti hap, "Logan-a hi chu a chhelo ve maw le mahse sual rawng hi a bawl ve peih reuh sia, a sual chung pawn a luck ania han insiam tha deuh phei selang chuan hmeichhe ho hian kan bawh rawn luai luai tawh ang" a tih chuan ngaihna hriat loh hmel zetin ka lo melh a...









"Awi Lalrinzuali lo hawi â leh nasa tawh" tihpah chuan a nui deuh hak hak a, "Aw insawipa hreve hek lo" hawi tau deuh hmakin ka ti a, a hming ka bengah a rik ngun tehreng nen vawi khat pawh ka la hmu lo, "Nge kan hmuh laiin I lo vah sawn daw daw"
a tih leh chuan ka lo ner nang a, "hmmp a ho emai milar pawh ni hlei lo,chu lo ah thla te lak ruk sak ve thin ta che u in zei lo emai" ka tih chuan Alicia-i chu a lo nui suk a, "thla lak ruk sak tum pawn class a kal khat sia, ka hmuh ve chhun lah hian ka lo en leh vung vung zel a" tiin a tho thurh a..








"Ok engpawh nise mizo class kan neih kha kal phawt teh ang u" tiin hma chu ka hruai a min rawn zui ve vat...








Ka hming hi Georgia Lalrinzuali a ni a, midangin Georgia tia min auh mai zel laiin ka thiante ho chuan Lalrinzual min ti deuh kher zel, kan thianho hi hmeichhia hlir 4 kan ni a, midang ho hi chuan mipa pawh an kawm thei vek keichu ka ni tlat lo, han awmkhawm luih luih chang nei mah ila kan kal darh a ka be chhunzawm leh tawh ngai chuang lo, mipa han kawm hi ka thiam lo a ni tawp...Mahse an mahnin min rawn nel over te hi chuan kan inkawm thei phian...mipa thian siam ka thiam lo anih ber mai chu(h)








Mizo class-ah chuan kan muthlu leh dial tawh, last period hi chu mut a chhuak duh ngei mai, class a zawh chuan kan chhuak sap sap a, "Ehe saw Logan-a" rawn titu chu ka melh nghek min tiphu nasa lutuk, "Awii pawngi min tiphu nasa lutuk"
tihpah chuan an sawi na lam chu ka melh ve ngat zat, R15 dum nalh zet a chuang mipa chu mittla lek loh in ka melh, a chhiat loh zia chu pui tak hi a ni ringawt, Lee Minho te lakah pawh a duai bik miah lo ang maw le, a dum suit vekin a inthuam a, ralkhat a tang pawn a pian nalh zia leh a hmelthat dan pawh hai rual a nilo....








College kan tanna a la rei lo a, 1st sem tih takah hriat vak pawh kan la neilo, hetiang anga mipa chhelo hi an lo awm reng tih ka hre ve chauh, "hei melh suh aw" rawn titu lam chu ka melh vat a, Alicia chu tawi te in ka nuih suk, "A chhiat loh reuh saw, in star tawm ang" ka tih chuan an nui zui hawk hawk a, "Awi ka van sawi dik chiang tak" a ai a nasa a nui uar2 Chung in Kimi chuan a ti a, "eng chu maw" ka lo ti vat...








"Aw chhelo i ti dawn tih hi kan hria lawm" tiin an nui zui chiam a, ka nui ve tawp,ni e min hrechiang em a tin ni, "In star tawm ka duh teuh lo mai"
Alicia'in a tih chuan ka melh deuh ram ram a, "tak takah ka star em em lo star daih rawh" a mah bawk chuan a rawn ti leh a, haw lawkna chang hrelo chuan kan hmaa mipa chhelo zet che tla lai vel chu kan thlir dauh dauh....








"khawmaw in â leh dawn tlat kal vat teh ang u"
min nem kal dawt dawt pah chuan Puii chuan a ti a, ngawirenin keini pawh kan kal zui ve nghal mai
bawk, kan thiani te pahnih hi scooty in an rawn kal thin a, Alicia'in Puiia phur a, Kim'in kei min phur ve thung, kan inkawm tawk viau..thawvengers te kha kan ni miau a....






.......






"mambawih dawrah han kal lawk teh" ka nu'n a tih chuan bedroom ah lutin ka kekawr ka va thlak leh phawt, dawr han kal teh tih apiangin ka kal nghal lawk ngailo, hmanhmawh thil thu ah phei chuan tirh chi ka nilo, in lamah hian kekawr bul hi ka ha ngun a mahse pawnah hian ka ha chhuak zak tlat zel, chhuah dawn reng rengin inthlak phawt a ngai zel "Alu kg 1 han lei hmanhmawh la"
a tawng leh hma chuan rang zetin pawisa chu ka ban vut a,ka tlan chhuak nghal daih....







Kan chhungkua hi members panga(5) kan ni a,unau hmeichhia hlir pathum(3) niin kei hi a milai ka ni bawk, Ka pa hi college lecturer niin ka nu hi chu inlamah thil tul ang ang a ti mai thin. Ka u chiah hi Daria Lalruatpuii niin tunah hian a ni pawh middle school ah ai kalin a thawk ve a kei chu B.A 1st sem tunah ka kal mek thung, ka nau chiah Hmangaihsangi hi class 11 a zir mek bawk a, kan unau hmeichhia hlir tih takah inngeih loh chang leh in thik chang pawh kan nei fo,mite hian inngeih leh inkawm tlang dial dial turah hian min ngai a mahse Hmeichhia hlir hi chu buaithlak Chang a tam mah zawk...kan unau zingah chuan thinchhe ber leh haihawt ber ka nia, ka u lah a upa ber e ti lo chuan thawmhnaw hi a atchilh tawp a, a kal chhuah apiangin second-hand a mi hi 2-1 tal a rawn hawn ngei ngei...





Ka nau lah thuduh leh luhlul ani bawk a, kan inhauh tawh chuan bawn ve vet vet tak kan ni, amaherawh chu ka pa awm lai chuan kan inti buai ngam lo hrim hrim..






"In awm em" dawr chhung ka lut chu a lo reh thiap a, ka au tha leh ngat, mawl lutuk dawr hawn te chuan nghah ve tur nia, ka rilru chuan ka ti mawlh mawlh, "Mami khawmaw tui vawt bur lian pahnih (2) min lo pe lawk teh" pawn a tanga an rawn tih chuan fridge chu ka hawng ve pawp a, ka tlan chhuak nghal, pawna police motor lo ding chu ka va pan nghal a, driver chuan min lo nuih vur vur pahin "I nula lutuk e" a tih chuan ka lo ner nawng, mahni lo maha intih nulat ve tawh tehreng nen, chutia mi tih deuh kher le, a hnunga thu ve kur mask vuah chu a lo hawi zuk a, ka hmu rual rualin ka rilru ah 'aw mengmawi' tih kha a rawn lang nghal zat zahthlak hian...Rei rawn hawi lo in phone a hmet zui leh nghal daih bawk...







A luck ngawt ang a chhelo reuh sia, ka rilru chuan ka lo ti mawlh mawlh, chutah harh chhuak thutin dawr lam chu ka pan leh thuai a, dawr nghaktunu pawh a lo thu vang tawh...








"Hei aw nichin khan tui bottle 2 an rawn lei a"
tiin pawisa chu ka pe a, keipawh alu ka thlang zawh chuan peng kawi loin in lam ka pan vat.... ka thil hmuh kha Puii ka hrilh chak tawh lutuk tlat, chhelo a ti ve dawn chiang sa, star ngah e tilo chuan bialpa hi ka nei ngai der lo, luck loh vang leh bemtu ka neih loh vang chu a ni bik lo a, keimah hian ngaihzawng neih hi ka peih lo tiila ka duhkhirh vang a ni mah zawk ang chu, chuloah ka star te ho hi a tlangpuiin chanloh d hlir an nia...min duhtu te hi kan lo duh lo ve khanglang zel sia kan duhte lah hian melh pawh min melh ve ngai der silo a, huiss hei vang hi lawm ka single reng, bem hmasak duh loh phei chuan lengtar chiah ka hmabak...






---------------*----------------------*-------------------------*-----------------






"Saw an insual ania" waiting shed a kan thut ho lai chuan Atlani a rawn au chiam chiam a, kan thianho chuan rang zetin kan tlan phei nghal, "Logan-a nih saw hepa hi chu a indaih zai ngawt mai, a tel ve ka ring rengah" Kimi chuan a ti zawi sup a, an sawi ziah pa Logan-a chu ka melh kur, mipa dang ho chuan an thlelh nghal vat a, mahse Logan-a chu la pawr tha tak a ni, an man hneh meuh lo chu ani....an tihbuai pui te lah an lo pawr ve bawk nen, an ri nuai nuai mai lawm..







"Professor a rawn kal ania" mipa khat chuan a rawn ti a, an tlan chhe dual bawk, Logan-a te thianho erawh an awm hmuna dingin an la inhum ruh ngang mai "Nep hlawm lutuk"
phun hluk pah chuan a kalsawn ve mai bawk a, a thiante ho chuan an zui ve nghal vat....







Ngaihven zui tawh lem lo chuan class lam kan pan ve mai bawk a, ka rilru chuan a la vei zui neuh neuh reng tho, a thinrim hmel pa lutuk kha ka vawikhat hmuhna, a kamsir pilh leh a hmai khem neuh neuh te khan a ti lang bad boy lehzual, "eng thil nge maw i lo ngaihtuah leh bik thin ni" min rawn kuk deuh fawk pah chuan a ti a, "Logan-a kha khawi veng nge" an zawhna pawh chhang lem lo chuan ka ti chhuak phawng a, an lo ka hau mai....







"Lerhi I lo melh tai leh hmanhmawh tawh mi a"
Puii chuan a lo ti vat, "ka melh tai pawh ka tih loh kha khawi veng nge ka ti mai lawm" ka tih chuan "Diakkawnah an awm veng chhungah khuan an lar ve a, unau mipa hlir 4 an nia, Logan-a u pathum te hi sorkar hnathawk vek an la ni zui, a pa lah army pension a lo ni bawk nen, an hausak dan tur chu i hrethiam mai em,awii Logan-a chu niila hetiang mai mai hian ka nung lo ang mawle"
Puii chuan a ti duah a....








"A hriat miah loh nia an duat dawn sia nang phei chu nila Logan ai pawn i turu mai nilo in I nasa daih zawk ang"
Kim'in a lo ti zeuh chu an in melh turu leh viau tawh.... class kan thleng trep tihah tui bottle ka phawrh rawk rawk a.








"Lawk tui ka va thun lawk ang, acid kan ei ru leh dawn sia" tihpah chuan toilet hnung varanda a cooler lam pan chuan ka tlan phei thuai a, ka va thlen chuan Logan-a te thian ho an lo thu thup, an lian hlawm sia, ka kal zawng pawn ka khur ru thei, a then in meizial an zu bawk nen an sual hmel hlawm ropui si, sai rual awmkhawm naah fanghmir ka awm ve ni maiin ka hria..hmanhmawh tawkin tui chu ka va thun a, ka awm ve lo ang maiin an thusawi lai chu an sawi zui mawlh mawlh a...








Ka kal dawn chiah tihah "Khawmaw ka lo in ve teh ang" Logan'an a rawn tih chuan tuium chu ka chhin a, "Heta hi no a awm a tui pawh a awm i duh leh in ve mai rawh" tih leh tlan chhuah ka rual nghal min ngei ve ngawt ang chu, an bulah lawkah cooler lian tha zet a awm a, in ve mai tur lawm ka rilru chuan ka inthiam chawp leh mawlh mawlh..










Class kan tan a, a ngai te bawkin thil kan ei ru leh char char tawh, "Class neih zawhah house meeting neih tur an ti nih hi" Alicia a tih chuan ka phur teh chiam lo, a chhan pawh kan thian ho ah keimah chiah black house ka awm a, insawn ka dil pawn an phal duh der lo..







Class neih zawh chuan kan meeting na lam tur theuh kan pan a, keipawh mahni te in ka kal leh hnek hnek mai, kan meeting na tur ka thlen chuan kal an la tlem angreng viau, a lai vel deuhah chuan thu in phone ka hmet mial mial a, biak tur vak neih lem loh pawh hian phone hi chu ka hmet ve deuh reng, ig video en in ka tlei leh viau tawh...






Ka bulah rawn thu thla dawt an awm vang chuan ka hawi chhuak rang hle, Logan-a nen chuan kan inmelh fu nghal chat, A mithmul a tihsan zeuh takah chuan ka hawisawn leh rang teh e,
ka hawi kual thuak thuak a, thutna dang a la tam tehreng nen ka bula rawn thut kher, nichina ka tihdan vang khan min hnek a tum niang ti rilru mawlh mawlhin ka melh leh thin, en chian a la dawl reuh phian lehnghal ..






Min hnek a tum pawh a tlanchhe nghal thei turin ka inring tawh, "Eng sem nge i nih"
a rawn ti thut chu ka thutna tang ka tla lo chauh, tlanchhuah inpeih reng a lo thu ka ni bawk nen ka ka thutna tang ka tla lo chauh, "1st sem" ka ti ve mai a, min en deuh kur vang chuan ka phone ka bih der ngat ngat...






"Tunge I hming" a rawn tih leh chuan ka mitsir zeuh a, "Georgia" ka tisup a, ka hlau nge ka zam zawk pawh ka hrelo ka awmdan chu a laklawh kual vel tawp, "Nice ve" a rawn tih leh chuan ka nui mai, nichin kha chuan min hnek chawrh duh hmel a pu a tunah lem a nelawm leh em em bawk si...








Ngawireng chuan kan thu dun a, rawn lut apiangin min la en hrek hrek zui, a nuam teh chiam lo, hmeichhe thenkhat Logan-a star tu te phei chuan min melh no fahran lo, a ni lah ngaipawi mawh lo tih hriat takin phone a hmet mual mual a, house leader te an rawn luh hnu reilote ah meeting an tan a, house competition a tel tur te kan in zawng leh a
"Solo english leh mizo chuan western dance ah nen tel thei tur kan awm em"
House leader u Malsawm'an a tih chuan "Ka bula thu hi a lamthiam lutuk" Logan-a chuan a rawn ti ta mai, ka hau chungin ka melh a, "awihawm loh loh ka lamthiam reng reng lo"
ka lo ti nghal vat, zaktheilo lutuk mai tih melh chuan ka melh nghek...







A tawngtam loh hmel tehreng nen, duh ai a tawngthei dawn tlat, "Tel tir rawh u in inchhir lo ang" a la ti ta deuh deuh zui, ka va han kuk fawk chak tak...






(In lo comment theuh dawn nia🤭, in comment dan a zirin kan regu ang aw😘)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)