ABOVE THE SKY

Episode kal lai dah luhna

Moderator: writers

Penny fabino K
Posts: 18
Joined: October 1st, 2022, 5:29 pm

ABOVE THE SKY

Unread post by Penny fabino K » October 1st, 2022, 5:33 pm

*Above the sky*
Chapter 1

~Penny Fabino khawlhring~

I nun ah harsatna tamtak tawkin beidawng thin hle mahla hethu hi hre reng ang chee..Rorel tu hian kan duhdan nilo in kan thatna tur zawk in a ni ro a rel thin ni tih hi

"Ka piana hnulam a ka hmuh tawh a chuan a ni tluk a thilsiam mawi kha ka la hmu lo,ka damchhung hian ka hmuh leh pawh ka in ring chuang lo,piangnawn leh pawh niila a ni kha a piangnawm ve te a nih ngawt loh chuan a mah ai a tha phei chu hnai lo lutuk" tiin dami chuan a tlangval hmuh hmeltha deuh chanchin chu a sawi mawlh mawlh a

Tlangval hmeltha piana hnu lam a a ni ai a tha hmu loh a pui lah hi a ngah mai sia maww...


Henu hian tlangval hmeltha hi a hmuthei bik nge tlangval hrim hrim hi hmeltha a ti ziah pawh hi ka hrethiam tawh lo

A ni tluk kha chu hi a ti fai vek a,a tu te mah hi an la in tluk lo tluangzel chu a niang a maw


"a nih hmanni a i hmuh pa pawh khan a tluk lo i ti tihna em ni..."tiin nuni chuan a lo zawt khauh a..rum tawk a melh pah chuan "a ai tha ka la hmu lo ka tih mawlh mawlh chu i hre lo em ni.."a ti vin hlar a..nuni erawh a nui thaw thung

Hei hi an an tih dan ve reng a nia..laldami mithinchhe lutuk leh pawr bawk si hi..lalnuni hian a hnial a hnial a ,a tawp ah thinrim deuh tun chung hian an in vin hrep a pakhat lah hian nuih thaw leh ngawihzui daih hi a rual leh lawi a...an in ngam ve tawk a nia...ui leh kel thlun pawlh ang mai hian an in bakkhaih reng mai a,mahse nikhat pawh in hmu lo hi chuan an awm thei meuh lo

Kan thian ho hi kan hnih thum ve a ,mahse kei leh dami leh nuni hi kan in hnaih hlawm avang leh tette atang a inkawm kan nih avang hian kan in kawm ngaih fal a,midang ho nen hi chuan school leh chawlhni tlai len vel hian a ni deuh ber mai kan inkawm thin,

Keini pathumbik hi chukan in kawm nasa ,mahse kan mizia a hrang hlak a ,mi hian engtin nge ininkawm theih zawk ni aww min ti fo reng a ni

Laldami hi a thawveng falin a thinchhe em em a,a polite in a lerh bawk a,tawngpawh a tawngthei narawh e..inhnial te lah chu eizawnna atlak nise a chemkalna tur tih hriat ngawih ngawih.. Zai leh lam hi nuam a tiin lehkha zir thulh thak a lam zaw zaw chang lah a ngah,sport pawh nuam a ti

Nuni hi a zakzum a,hmeichhia ah pawh a hmeichhia ngawih ngawih kan sawi thin ang kha niin a nu zem a,a inno em em a,tahpawh a tah belh ,movie sad deuh en apiang a in hnit 𝕧𝕖 feih feih thei reng ang kha niin lehkha hi a zir peih em em a..ngaihzawng te pawh hi han nei ve thin mahse a zirlai tibuai tur khawp hi chuan eng ah mah rilru a pe ngai lo ,a nun a ulukin,a puitling a..thianho ah pawh nuber a ni mai

Kei ve thung hi chu,ka tawngtam lemlo,ka zakzum bawk,mi nel hi ka harsat hle a,thiante zara rual pawl ve tawk ang mai ka ni..mi inthla hrung leh kimki tak,inkil tawih thei tak ka ni a,puipunna kal te hi nuam ka ti ngai lo,ka zahzum leh tawngtlem aiin ka harhvang a ,ka hlim em em reng zel..

Mithenkhat te ang a rilru natna te lanchhuahtir a tah vak vak hi ka tih ngai a nilo...ka harsatna te pawh tumah ka hriattir ngailo

Mi nel ka harsat ang bawk in keimah pawh nel ka harsa,ka chhungte,ka cousin te ho nen pawh kan in pawh em²lo..tuman min kawm peih lo a,kei pawn tumah ka kawm peih lo..a zavai hian ka lak ah zep nei hmel hi an pu a,min en hrang tlat a hriatna ka nei thin..ka nau boihpuia leh ka cousin chhantea te tih lo chuan chu tiang chuan min en tlat a,tumah hi ka ngaina thei tak² lo tum viau thin mah ila

Lehkha thiam thei tak ka ni lem lo a,zai leh lam ,lam pawh hi ka ti thei thlawt lo Infiamna lam ah pawh hian ka hlawhchham chhiang hle bawkin ka hria..ka naupan tet atang..in rubber zuan,inkawihbah,inlungvawr engmah hi ka thiam ngai lo.. Infiamna zawng zawng ah chuan inhruipawh nuam ka ti ber achhan pawh team work a nia..middle school ka kal chhung zawng khan sport hi ka ningthei hle a,sport apiang hian damloh emaw eng eng emaw chhuan lam siamin school ka thulh zia zel..class 8 ka zir kum phei chuan teacher ten a hrethiam vek tawh zawk

Ngaihzawng hi ka la nei ngai hauh lo..a chhan chu ka duhthusam mipa..gentleman lutuk ,hmeltha satlialh nilo rilru tha tel bawk,innghahna tlak leh nunsiam that awk na tham, mipa mipa ka tih ve ngawih ngawih mipa diktak ,hmel ai a rilru leh thluak tha dawhthei leh zuamawm siloh hi ka la tawng lo a tin ni..

Bakah Mipa ho pawh hian tuman ngaihzawn tinah min tin bik lo niin a lang,a awm tho e..tu mipa mah hi ka be siam siam ngai lo a,ka nuih sen sen ngai hek lo ,an nel theih turin ka awm ngai lova,an zuam tur phei chuan a teuh lo hi a ni ringawt,tu mipa mah hi ka la in kungkaih pui ngaih hauh lo

Mahse mipa pakhat ka thinlung sawi nghing dawt tu ,ka nun dan sim rak chak khawp a min siam tu mipa pakhat chu hman ah khan ka tawng ve tawh ngei a lawm...kum 15 ka nih lai vel khan a ni a tah chuan a ni chu kum 19 vel bawr a ni tawh tlangval a ni chho tan tawh tah pawh chuan bialnu a nei nghe nghe a, a hmeltha si a,a nui mawi bawk si a,a hair style te kha a nalh in...lehkha a thiam thei ropui sia..inkhel te kha a thiam zel leh nghal a

Ka cousin te ho pawh hian an star thei a lawm...a chanchin kha an mahni vang khan ka hretham thin a sin aww...inkhelh a thiam thu te,a chhungte,a hming leh a bialnu hming chenin..khua a awm ngai loh thu leh hmundang a lehkha a zir daih thu te nen lam khan ka hriat phah a

ka star tak chhan pawh tlai khat a inkhel bang kha tuikhur ah an lo in silfai chu niin a hmai a phih a, a sam a ti huh bawk a chuta a sam a tuai phir vel.. A biang sum lang khal a, a lo nui ha var sar mai khan ka inrin hman hma hauhin ka thinlung ah hian hniak tamtak a rawn hnutchhia ta ni..mahse kha mi hnu lawk a,a awm leh tawh tak loh atang khan tun thleng hian ka hmu leh tawh lo ..

Hei kum 3 lai chu a lo liam leh tawh reng mai..a chhanchin pawh ka hre zui tawh lo a,a vei pawh ka vei zui tawh hek lo...chuan tumah ka hrilh ngai lo a,tun thleng hian tumah chu ka la hrilh ta lo fo bawk...tul ka ti lem lo..thil kal tawh tangkai na pakhatmah nei lo a nih vang pawh a ni mahna

Ka la duh em ka hre tawh lo..bakah khang lai kha chuan ka la nau ve leh chhawng lutuk a,tha tih satliah vel mai mai ang chauh kha a ni..bakah bialnu a nei tih ka hre ve kur sia han vei zui chiam kha a fuh ber lo zawk

Taka ka hming ka sawi theihnghilh teuh lutuk..ka hming chu LALRINMAWII ni in kum 18 na ka hmang mek bawk a...Unau pathum zing a a milai niin u hmeichhe pakhat leh nau mipa pakhat ka nei a

Ka chhungkua hi member panga niin anu leh apa te nen kan unauthumin kan cheng mek a ni..ka pa hi depertment pakhat ah J.E niin a dul pawh a kiar tawh khawp mai

Ka nu ve leh thung hi chu in ah awm in hna hahthlak tak a thawkngai lo engtik lai maipawh hian a faiin a nalh em em reng mai zel a,oriflame leh avon tih kawp in eng eng emaw hi a zuar ve reng zel a....make up pawh a ngah ngei mai.. Oriflame ah ngat phei chuan bag te sana thil eng eng emaw hi a dawng ve reng zel

Ka chhungkua hi chhungkaw inngeih leh inpawh tlang tak kan ni lem lo,titi khawm a nuih ho dar dar pawh kan nei ngai meuh lo,Inchhung ah hian kan awmkim lai ai kim loh a tam zawk bak ah tumah hi han ri bawrh bawrh leh fiamthu thawh a nui bawk bawk tur chi hi kan awm bawk silo a kan in chhung hi chu a nuam em em lo khawp mai

Ka nu hi SAILIANPUII SAILO niin a mah ah hian lalthisen leh pasaltha thisen kha a la bet deuh a, a huai ka ti dawn nge a kawlh ka ti zawk dawn...Apa VANUNMAWIA kHAWLHHRING pa, pa lunglian leh tihmawh pawh hian a ngam lo emai...pawnlam ah tawhkhirh in in la stric ve viau thin mahse inchhung ah chuan thai ram ah mipa naupang mai a ni a nih ni

Kan unau mai pawh nilo kan chhungkua ah hian hian ka danglam ber a...kan chhung ah chuan chhuangkua a, a danglam ber a sawi fo a bu delh ka ni a..ka danglam fal nalh mai

Ka chhungte hi chuan an vaiin fit nga leh inch 5 boruak an hip pha vek a..kei ve thung chuang fit nga leh inch 3 boruak hi chhete a dingdi hlipin ka hip pha ve tawk a ni..

Ka nu hi nu hmeltha leh hleitling tak niin a nulat lai pawn vengchhung miss leh nula hmeltha ti a sawi kha a ni ve thin a,a sam te lah hi a tha in a sei ropui si a..ka naupan lai a ka chak ber thin chu ka nu chhun kha a ni mahse...kei niloin ka u hian ka nu chu a chhun tak zek a hmel chu sawi loh an pian en ringawt pawh in nufa an ni tih a chiang nghal em em zel a

Ka u chuan ka nu hmai fang mit leh hnar zawng zawng nen a chhun a a sam bu tha tak leh tle siau dum hlap te nen lam a chhun a..an ngo lemlo a mahse chutiang a hang chhia chu an ni miah lo hangngaihno bei an sawi ang hi a ni mai..bakah an in enkawl uluk in eng eng emaw te hi an ti peih a,a vun pawh a nung sar mai

Kei chu ka chhungkua ka tet bik nalh chu thuhran ka sin reuh bawksi a..ka sam te lah hi apa ka chhun a ,a kir ang chiat leh nghal a,chutah a la sen deuh fur mai ....bakah ka nu leh ka unau te ang lo takin keichu ka ngo in ka sen deuh tek zel a,a chang chuan tomato hmin tai ka ang thin..TITANIC a changtunu ROSE_I kha ang ka in ti thin khawp mai🙈( ka fiamthu a nih kha)🤣


Engkimah kei ai a ka u a tha chungnung em em a ka tluk lo fai vek a ni mai..Chu ti a nih chung chung pawn a Hming ah pawh CHANGTUNU HMING LALDUHAWMI an ti a chu ti pawh a la ko phal lo fo in DUATI an la ti leh zel a..Kei ve chu LALRINMAWII niin LÃRI tih teh tlawngin min ko a...chu pawh a tir ah te chuan LALRINMAWII tih hlirin min ko thin a ka cousin te zing a mi dang nal fal khan LALRINMAWIII tih chu LARMAWI tiin min ko a chu ta tang chuan LÂRI tih hian min ko ve chauh a ni...chu nilo phei se se chu ka hming hawrrawppui hlir hian a nia min auh dawn ni


Ka nau hi VANHLUPUIA niin boihpui kan ti mai zel..kei ai kum 2 in a naupang a ..a tawng tam loin,a cool em em a, inkhel hi nuam a ti hle a,a sual chu ka tilo mahse a tihmawh ve a ni,a khirh in engkim hi a duhtui vek a .. KHAWLHRING ho hi chu anni deuh vek in ka hria,an fel lem lo..an kawng (waist) lah hi an chhe hlawm em em mai leh nghal a..chawhmeh hi an duhtui a ,siam pawh a siamtui tlangpuiin ka hria..KHAWLHRINGPA ka hriat tawh phawt chuan chawhmeh siam an thiamin bai an ngaina em em vek,a phunchiar tlangpui

KHAWLHRING ho hi chu a tlangpuiin kan thinchhia a mahse kan dawhthei ..kan lung a lianin ka tihmawh a,tihtawh lam a kal na em² tih lo chu ti lo ve thei tak..duh zawng leh duh lo zawng pe na tak thil sawi uar thei tak kan ni,Hmeltha hnam ti a sawi kan ni..mahse kima nen chuan min cut.. A awihawm loh lulai lutuk..

An ui kawm an ti tel leh zel a chu erawh ka awih hmiah a pu reng a ui kawm emmai..a hma pawn lindai te unuain pawisa an dil a,cheng 10 a pe a duli ve² va hmang rawh u an ti mai a nih kha,chu tah ANi(aunt) lah hi a thil hawh dawn a piang hian kha kha chu ka roh a nia alo ti thei reng zel a, ni rongahi kanti tawp zel engkim hi a ro a ni fai vek..uikawm tak a ni... Ka veng a pu dawnga pawh a ui kawm lutuk huan a thei pawh lawh kan dil apiangin a phal ngai lo a lo ve thei pawh ni tawp silo hi

"eng nge i ngaihtuah vung² a i hmelchhe lutuk" ti leh min nam buklawp a rual a

"laldam" ka lo ti teu hlar mai.. Mahse kei a vin ve te chu a hlau lo nasa mai, a ni a nulian si a,a nek fiam na mai mai ah pawh kan per lawp lawp lo chauh a ni

"mawhh tak takin eng nge i ngaih tuah a ,nichin atang khan i ngawi vung vung a i hmel i pe chhe ropui si a" mak tih hmel tawk a min melh kur chung chuan a ti a

Chutah nuni lah chuan" mi á i ang rap male i thle bak a i en ngai i en char char sia...i chil thli te kha a luang in ka hria"

"awih awm loh e...a luang awm lo,dawt sawi hi i peih lutuk i aw mawl si"

"mawl te chu min ti ve khanglang a tunmai a i lan dan kha i in hmu lo a nih kha.."tiin min nuih vak² a..Hmelchhe dun hian..(hemi te pahnih hi kei ai an hmel chhia ka sawitel hram ang🤣ka fiamthu a nih kha inlo lathu tak a nge)

"Monday chu kan kal dawn emm"

"khawi ah chuan"

"khawi ah nge ni vak a nga.. Mawli"

"chutiang a nih chuan eng nge in zawh ngai"

"a nih khawi ah nge"

"eng nge min zawh let daih i hre zawk ang chu a zawt tu i nia"

"khawi lai nge i rin reng reng a"

"elee school"

"i kuak loh dan hi..nuni a lu ah hian vawi thum khawng teh a tha chhuak ve mai ang"

"eng ngee..a ni lomi sawitha maite chu...thinchhe hlikhlek lutuk mai"

"oii i zak em...nangmah a nih kha vin hmasa...tawngkam vin ka hman hmiah loh khaa...a thinchhe zawk hian thinchhia thinchhia hi min ti ve ziah mai"

"aww sawitha maila..thudang a kual kual lo khan"

"faki pi thihchham a nia kan lawm dawn a lawm..engtin nge i theihnghilh theih zawk le"

"ka hre reng ..ve a che ka theihnghilh bawk lo aw"rang fahran chuan ka lo ti a

Chutah thip deuh ram a min melh chung chuan "chu ti si i va ngaipawimawh lo ve"an ti hram a

"ka fiamthu a nih kha..hehe..ka lo theihnghilh palh a lawm malee"

"theihnghilh hi palh a nilo.."

"uii i mak emai dami..a mah pawh hi a in theihnghilh lo chauh tawh a nih hi..ti ti loh teh"

"ni e mi hi i tiatpui khin ur ur zel a..i á riau"

"ham ham che chuan leh..i pi thih hun ah i hre fe khawp ang...lalfaki chu ka fuihpawrh anga faki làri pi a thih a,a thih cham a lawm chuan kal duh miah su ka ti dawn"

"oii i mawl si ngawi mai mai rawh tu man thihcham pawh an lawm ngailo"

"chu chiah lalchhandam i mawl emai..i damrei lo tawp ang"

"ninawm..inphakar si inpahnih hian intangrual bik ziah mai"

"chuti chung pawn kan hnial hneh lo che hi"

"ni ve tho mai..chuan kan kal dawn nge dawn lo..kal dawn chuan naktuk a bazar ka duh a nia present te lei ka duh"

"eng a tan"

"Awww ken ah..i polite lo thei lutuk"

"oii i á emaiiii bialpa nei ve thlehthluah tawh si...i hahthlak lutuk"

"eng nge an keng ngai lo mi"

"keng ngai lo keng ngai lo..mawl em em lutuk..lalrinmawii nen hian in in ât siak a mawni zawk le"

"eng nge kei mi hmertel kher"

"bazar tho ila"

"min treat la"

"lalrinmawi ka treat lo ngai che mi"kha maww ka tih reng kha ka thian te tak ngail pawh hian ka hming hawrawppui hlirin min ko a nia

Laldamin bazar a tih tlat avangin kan bazar leh hram a..mipui tam lutuk huhang hi ka zo thin lo ka ni chur zel..a tuk pawh ka inkhawm lo chiang a sin aw..hehe..bazar lo pawh nila ka inkhawm dawn chuanglo na chungin..inkhawm te hi mi kan tam thei lutuk a ka zo lo ka lu a hi a thak vak zel

Phur zan loin faki pi thihcham ah chuan ka kal ve ta hram..kal loh ka tum ngial a ,laldamin" i pi thih hun ah kan lo kal lo tawp mai tur a sin..tiang te hi in lawm na vek a nih hi" a ti deuh tlat sia..ka sawi tawh ang khan mi zi nuai nuai leh mihring tam lutuk huhang hi ka zo thin lo a

Inchhung ah pawh kan awm pheih lo thenawm tein ah kan leng a playing card a lo awm hlauh a kan in bawk a,chal ah kan in pen ta hrep a nih kha...thingpui sem zawh atang har lamah kan phi buai ve ngat ngat

Salad te siamin ka buai ve khawp mai..faki lah chu a mal ropui unau puitu a nei vak lo leh nghal a tlai chaw ei kham thleng ka buai tluan zak ani

Thleng kan sil a bel kan nawt bawk a tui lum a awm tawh loh avangin pa zautea chu ka au chul a ,a ni lah chuan in ti nang fuh fahran in .." E lawma chu i awm rem chang bawk a kha nula ho kha tui lum an mamawh a han khai sak mai ta che... Ka kawng hi a tha lo lutuk a "a tih zawm nghal zat a

Chu hming a lam rik rual chuan hman a ka thinlung a ke hniak hnut chhiah tu kha ka hrechhuak nghal zawk a..maktak maiin ka thinphu chu a rang nghal dawt dawt mai

A mah a nih rinna chu ka nei ve tho mahse a nih loh ka rin na lah a lian zawk si ,a chhan pawh lawma hi pakhat chauh an awm loh mai bakah tuman lawma an ti ngai tlat lo a,a ni lah khawi ah nge a awmbo pawh ka hre bawk silo a

Ka hnung a tuikhai tu chu a rawn hnai tial² a ka thin lah chu a phu a rang telh²mai si a...chu mihring zet chu(h) a mi uap a na kher mai

"kha u le ...khawi ah nge ka dah ang..mamawh dang te in la nei em" ka hnung atang chuan a rawn ti thawp sup a..a aw (voice) zet chu leh..WHAT A GENTLEMAN hi a ni ringawt mai...a soft ti dawn ila a deep leh ang lawi bawk si

A aw atang ringawt pawn zun a ngah tih ka chiang..hnung lam a mi chu hmuh ka chak mahse chhan awm lo hnunglam hawi lah chu ka zak ve tum hrang bawk si

Hetiang hian ka la awm ngai miah lo a sin..hman a mi tih loh kha chu tu emaw vang a thinphut dup² te,awmdan phung hlauh vek leh hetiang a mipa ngaihven lutuk ang te,a aw deep leh deep loh a buai ruk te hi ka ti ngai lo reng reng..tu chiah nge a nih min ti hre chak telh telh mai

"ehe osanga chu i leng ve daih a maw tia" tiin faki lo kal chuan ka hnung a mi pa chu a zawta ,ka hnung a mi pa lah chuan " ve daih lo a nih hi ..mamawh dang te inla nei em....ti thuai² ro a thim dawn thosi an tam si"a lo ti zung zung a

"aw kan tih ve thuai² hi"

" thuai² lo nangni pawh.. .khatia a sir a lo dak zawt zawt lo khan inthiante hi tih pui ve ula"a ni lah tak a nichin atang khan a sir a fiamthu an lo thawh a an lo nui char char a,nuni nen deuh thlawt a nimai kan sil..sil tur a tam lo hlauh zawk a chu nilo phei se chuuuh

"aww tihpui vak ngaihna dan a awm hlei nem nawhfe pakhat chauh a awm sia he ti hian a sir ah kan lo chhawk phur a lawm"lalseni chuan a lo ti

"chu chiah lári leh nuni te chu energy zo thei an nia chawh phur reng an ngai alawm, bakah bawl tel zeuh² hi an ngai thin a"a tawp lam chu azawi viau na in ka hre chhiang lutuk tlat ..laldami mai mai chu chutia te min sawi lee..

"eng nga bawl tel zeuh zeuh an ngai e a"nui phuh deuh thawt chung chuan ka hnung a mi chuan a rawn ti a

Ka thinrim bawk si zak bawk si chu ka sa pup pup thei hial mai..chutah hnung lam hawi pah chuan"lalchhandam ngawi mai mai teh ka sil ai hi i sil zawk palh a nge" ka ti chak fak a...mahse ka mihring hmuhpa vang chuan ka hawi let leh rang a sin aww

Nichin a ka thinphu rang ka tihte kha chu e nep te a ni mai nep te,,tun ah chuan a thlawh in a thlawk chhuak lo chauh tawh..

A hmelte khan min kahkhal nawkin ka hria engtin chiah nge a hmel a awm pawh ka hre lo..chiangtak a ka hriat chu t_shirt dum leh cotton kekawr dum a ha,a ngo bawk si nen.. Sap tlangval hmuthuakin ka inhria..

Khua ah a lo awm reng a,engtia rei nge a awm tawh, a awm rei dawn nge a kal bo leh tep tawh engmah ka hre bawk silo..ka hmu chu ka lawm rual rualin ka mang a ang bawk..rei lo te atan a lo lang zawk a nga a kal bo leh mai ang tih ka hlau a ni

Tihtur dang neita bik lo chu kan hnung ah chuan a thu ve ta reng a ,kan thiante ho nen lah chuan an titi a in man chho viau leh nghal..kei ni nuni nen chuan bel nawh pah in kan lo khi ve suk suk chauh a ni

Thianho ah pawh a tawngtam lo leh nuih uar ve vak lo ni ta na na na chu an nuih bawk bawk na ah pawh kan khi ve suk suk chauh a ni

"ee lári te chu an energy a zo leh tawh nge..bawl leh deuh an ngai tawh "tiin lalmami chuan min rawn nuih leh ta nghal a..ka khawng fawk dawn a maw ni le

"taktak ah faki i an emai...in tih pui theih loh pawn chhawk tal rawh u an hah tawh ang i mawl emai"

"nia kan lo chhawk ang cheu lâri in hah tawh ang"tiin seni chuan intifel leh no deuh rawng kai hian a rawn to a...lo melh kur pah chuan

"ngailo ee kan hah ve thei hlei nem...in tawngkha kan rui tih deuh a a ni mai"ka lo ti ve kher a..seni pawh a meng no lo teh a sin

"in á rauh hlawm hle mai..in hmel ente hi chuan one two three te chu thiam chhuak ve tawh tur hmel in pu sin,mahse in bul a awm chu vitamin a tam hle mai "tiin ka hnung a pa chu a khi thu...midang in an lo koh tak si ah chuan...nidang a la in hmuh leh a titi ho leh te a chak awm thu sawiin a kal ta daih a..

A kal chiah chu seni leh mawimawii ,roi te chuan a chhelo an tih thu te,a hmelthat zia te,a fel zia leh ,hman atang tawh ah an star thu te chu an sawi chiam a...

Oioi hemi te pathumin an star ve vang hrim hrim pawh hian ka ban ang..bakah chu tih teh falua a,hmelthat pawh ka hrelo e a..duh leh anvai khan bungthum ah bung se in sem rawh se, emaw a huai ber hian pumbilh vek rawh se...lerh lutuk...mipa apiang hi star thei hlawm mai...dami aipawn an lerh zawk

Hemi te pathum Seni ,mawimawii,roi te hi chu e..ka ei vak lo..thatchhe si,tawngthei si, lerh si,inti no si,dawtsawi hmang si..chapo ropui si..kawm pawh hi ka kawm vak peih lo....ka thian ah pawh ka ngai vak lo..a chhan chu mi chanchin chhe lai sawi an peih si,mamawh leh duh an neih lo chuan mi pawh hi an kawm tha peih lo ,mipa an hre si,a zakthei lo si min ti zak tam

To be continued....



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)