DESEJO

Episode kal lai dah luhna

Moderator: writers

Mangili Vasilenko
Posts: 39
Joined: September 23rd, 2022, 5:34 pm

DESEJO

Unread post by Mangili Vasilenko » October 1st, 2022, 9:00 pm

Episode - 9

DESEJO


Khawdai ah hian Nu Remsangpuii hian inluahin mi thlam ah a khawsa a,,chu pawh Ka hnuai a hnathawk pakhatin min hrilh a ni.Martin chuan min rawn call nghal vat.
" thulawm awm lutuk ka hria nia aw...haha..." A uang emaw ni,
" Come on...Martin i uang mi a,,sawi vat teh." Ka ti deuh hluk a,a aw chu rawn thian kharh kharh in a thawlak pawh a ring hle tawh.
" Sir...location ka rawn thawn ang che, ka awm mek bawk.Kan dr a khan Farm hause a nei a,tah chuan mithi ruang an chhar te,a awm thluah.Chuan i Thantei i duatlai a awm bawk,kawngkhar chhungah an awm chuan ventilation a ṭangin alang thei a,mahse..eng nge an sawi ka hre theilo." A sawi zawh rual rualin car chu ka ti ding dawt a.Ka thinrim hle bawk.Ka rul let dawn khawp.
" Ka lo kal nghal ang A ranglamin min rawn thawn rawh." Ka ti chang fak.Ka thinrim lutuk chu ṭul lo pui stearing ka hnek chawrh zui.
Location chu en in ka tlan zel a,"bawihi ka lo kal.Kan chung a hetiang ti duhtu te chu ka that vek ang," ka rilru chuan ka ti mawlh mawlh.A mangan dan tur leh a thlaphan dan tur ka suangtuah te chuan ka thisen chu a tui hal tak zet. Speed chu ti sangin chu hmun chu rang tak leh chak tak in ka pan zel a.
K.M 4 lai a ni.bawihi nuiri te min rin thu leh min nghah tur thu min hrilh lai te ka mitthla ah lo lang zut zut,mit ka chhing sawk.Sakkeibaknei thinrim ang maiin ka thaw chhuak ri huk,ka za zek zek a ni ber.
A hmun ka thlen chuan ka mottor chu kawng pangai lo ah dah in hnim leh thingkung dinglai in kar ah chuan ka dah a,a hmun hi a zawl a,kawt ah eng engmah awmlo a,inchhung aṭanga light chuan a chhun eng ve set.Farm hause chu chhawnghnih ni in,a chung zawng chu bedroom ah an hmang a, a hnuai zawng chu choka ,chu pawh a zau ve hle.Room pakhat awm hrang leh in chu chu bungraw hlui dahna a ni.
Kawngchhak ah chuan chho hretin Martina chu thingkungbulah alo bawk a,min hmuh rual chuan min lo ko vat.

"Sir...kawngkapui ah kan lut theilo ang, inhnunglam kawngkhar khu a in kalh a,,kan tihchhuat a ngai ang, mahse ..chu chu engtin nge kan tih ang," Ni e,,a sawi chu a dik ,eng nge maw ka tih a ngai in ka hria.Ka ruahmanna chu hrilhin kan tihfuh ka ring ber ta zawk.
" Enteh..kawngthlang gate bul ah sawn eng emaw hal la,,chuan ka mottor ah petrol a awm a,,i hrethiam em." Ka thusawi chu a hrethiam a ni tih hriat nan a lu a bu zeuh a,rangtakin a kal nghal mai bawk.
Minute 10 dawn ah chuan a puak ta ṭhuai a,chu ve leh a khu ta luih luih a, inhnunglam ah chhuk in kawngka ah ka beng ka dawh a, thawm ka ngaithla a,engmah ka hre theilo.Phei leh hretin banghrul zel chuan ka kal a,kawt zawl a Luke lo ding leh Pranam Sing a fapa chu ka hmu nghal chat.
" Tu thil tih nge,kan awm tih an hria a nilo maw...i va en teh ang," Luke a ni.An kal dun ta a,chu ve leh inchhung ah lut in,bawihi awmna ka rinna lam chu ka pan nghal vat.Kawngka chu tala in alo inkalh.Mai mai chuan lehhh.
" Bawihi ..bawihi .i awm em?"
Ka kut chuan kawngka chu ka beng a,,chutah bawihi aw ngei ka hre ta.
" Evan ..Evan ka awm.Evan..." A aw chu a zawiin a chauh hmel tak zet, kawngka chu kar chhia in ka hawng ṭhuai a,chuta ka thil hmuh teh hrep avang chuan ka thin zawn hi a thip zawk.Bawihi chu phuar betin a kut leh ke a pilh phung a,a kamsir a thisen luangte chuan ka thinrimna a belhchhah.
" Evan ..i lo va kal har em em ve,,ka ngai lutuk che a sin.Ka thi dawn emaw ka ti a..!" A sawi hlei theilo a,a ṭap khur tlawk tlawk nghal.Phei vatin an phuarna chu ka phelh mawlh mawlh.
" Hlau tawh suh aw..ka awm tawh hi." A sam ah chul sak pah chuan a chal ah ka fawp zeuh a,a kut an phuarna chu fawp zeuhin hrui in a hrenna thla chu a khuar duk a,ka bek a thisen zam lang theih khawpin ka in sehruh.Ka thinrim a ni.
" Evan ..kan fapa kha maw ..kan fapa Nathana....Luke khan a that.Luke khan a that a nih chu.", Aw rawl chhuah meuhin a ṭap a,sawi pawh a sawi ṭha theilo.A khabe a sai hlarh hlat a,ka va na tak em,a thusawi hian min ti na tih piahlam a ni.



Evan a hma ah chuan ka ṭap zawih zawih a,ka fapa a unaupa ngeiin a thah thu ka hrilh chuan mak a tiin a mitmeng a sen ram a,a bek a thisen zam pawng ṭawlh ṭawlh te chuan a thinrim a insehruh a ni tih ka hria.
" Evan..min hruai haw rawh,an lo kal ang." Ka sawi zawh rualin din mai ka tum a,ka theilo,ka tha a khur a,ka ke hi a zawi ni in ka hria.

" Bawihi ..a pawilo,ka awm a lawm." Min rawn kuah a tum chiah tih in kawngkhar aṭanga Vaipa lo lut mek chu ka hmu a,chemte a keng a,ka tha a khur nghal ti tih.
" Evan ..i hnung" Ka au ṭhawt a,chu ve leh vaipa chuan a chhir ta ṭhuai a,Evan chu lei ah tlu nghal hnawkin a khuh nghal bawrh bawrh,ka mangang lutuk chu tih tur ber ka hre mailo.
Vaipa chuan ka chhip ah ṭhamin lei ah min hnuk a,ka lu chu na ka ti tak zet.Ka ke ka leng vak vak a,chemte a keng tih ka hre ran bawk si.Evan chu lo tho thutin vaipa chu a lu ah a pet ṭhuai a,chutah a thinzawn ah tlawh pawp in a sawisa ta chiam a thisen chu chhuat ah a baw nuai bawk chemte chuan chupa chu a hrawk ah a zai nih chu,ka ṭe ṭhawt a,ka hmuihupin rapthlak ka ti tak zet.Ka chau tak zet a ni,thei leh theilo in ka ding a,Evan chuan min rawn en zawk,ka lam ah rawn kal hnaiin min hruai chhuah a tum a, ka kal lawk theih loh avang chuan min paw ta zawk a.Pawn kawtzawl kan thlen chuan Luke alo ding,Evan pawh a ding nghal vat.Martin a thimlai chin aṭanga rawn tlan chhuak in,evan chuan martin hnenah mottor a lova awmturin thu minpe nih chu.
" Aih,ka kal dawnlo." Rangtak in ka zui vat.
" In kal a ngai,min lo nghak dawn a lawm." Ka biang a chul zeuh a,Martin chuan rangtak in min pua a min kalpui nghal hlawk hlawk.



" Luke..ka unaupa i nihna angin leh i unaupa ka nihna angin ka chung a i thil tihsual ah leh min bumna ah ngaihdam min dil la,ka kal tir ang che.",
Ka ti chang fak.Mahse...awmze awmlo mai a ni.Min nuih a,a ngengin a luhlul hle.
" Nilo e.Thisen in zawm kan nilo a,ka pa khan a duhsak bik che avanga tun dinhmun thleng i nih hi.Chuan nang ai in ka upa a,min u ngai reng renglo.Kan in chhung ah khan khawhar ti reng rengin ka nun ka hmang a sin.Nang chu rangkachak i nih laiin kei chu milem siamchawp ang lek ka ni."
A au in a au a,a inhro nasa em em bawk.Hnuaihnung ang a,a in ngai chu pawi ka ti tak zet bawk.
" A nilo.i ring diklo ka pa khan a hmangaih lutuk che.Ka nu pawhin." Ka
sawi pah chuan ka kal hnaih zel a,a ni erawh ṭah chhuak em em in min melh reng thung.
"Dawt..dawt Evan ka haw lutuk che u,i fapa pawh ka that.Chuan jail tantir tu che pawh keimah." Ngeiawm tak a sawiin a nui huah huah a,ka insum thei tawhlo a hmai ah ka hnek chawrh,kan insual chu a ni der mai.Ka chau tawh tak zet.Luke chu ka sawisa chiam a,chin tawk awmlo in tha ka neih chhung chu ka sawisa.



" Evan...duhtawk rawh." Bawih leh Martin an min dan an tum a,mahse ka duhlo.Ka that dawn a ni.
" Kha kha,,ka fapa tan,kha kha ka hmeichhe hmangaih thisen i chhuah man,kha kha ..kei min bum man." A hnek chawrh chawrh a.A au ṭhawt a, ka va kuah thut,
" Duhtawk tawh rawh...a tawk tawh e, Evan,,haw tawh ang," A hnungah ka chul a,a thaw hlawih hlawih a,ka biang ah rawn dawm vat in,chian takin min en a,
" Nangmah in kal chhuak tawh ngai suh,,tuman an ti na leh tawh ngailo ang che," A ti thawp sap.In lampan in kan haw nghal vat.Luke erawh damdawiin ah Martin an a hruai a.Kha vaipa erawh a thi tih chiangtak in kan hria a,,chu chuan minti hlauthawng tak zet.





Competition ah ka tel thei ta silo a, ka ziah ka post thei silo a,spam vangin,inchhiar duh chuan link neiin ka lo post ang,mawitei bawitlung khan min post sak a,chu pawh spam vangin a bo leh daih bawk a. Ka story ziah ve te min chhiarsak tu te in hlu tak zet.Ka lawm hle bawk tih min hriatsak dawn nia.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)