HIGHER LIFE Chapter 17

Episode kal lai dah luhna

Moderator: writers

Te-i Mrs Ambrose
Posts: 170
Joined: May 30th, 2022, 10:14 am
Location: Siaha

HIGHER LIFE Chapter 17

Unread post by Te-i Mrs Ambrose » October 1st, 2022, 9:16 pm

Higher Life
Ny; 🌼Te-i Mrs Ambrose🌼
Chapter 17






Hriati nen kan inkarah chuan meialh a ṭek chawk chawk mai, ka ngei ve em a ni. Sir a chhuah hnu chuan Hriati chuan min lo pan a, "Hmeli, nge keimah min tihchhan deuh chuan thil i sawi vel a" tiin min thamlo tih hriat lutukin a rawn nui a, hnek sawk ka chak zia chu pui tak a ni, mahse ka insum ang.






"Nghal suh, I kum rualpui ka nih lai chuan ka nghal ngailo ania, dawt phei chu ka sawi ngailo, nang ve lem dawt tlang emaw, dawt hlawmkhawm inih loh chuan dawt hmuchhuaktu i ni hrim hrim ang" ka tih chuan min hnaih leh hrut a, " Engtiang chiah a upa nge i lo nih a?" a rawn ti a, "Elee, i pu saw ka X" ka tih chuan a sa ṭha teh e.






"Ka pu i chanloh vangin tunah Eric i lo thlem a, ka piin ka pu a nei ta kha i lo tuar viau lo maw?" tiin min nuih a, "Chinghne beram vun sinte, ka rilru a na reng reng hleinem, I pu khan min atchilh lutuk a, ka khawngaih a, ka yes ve mai mai alawm, chuan vanneih thlak lutuk tak maiin i pi kha a lo lang a, an inngaihzawn theih nan hma ka la char char, i pi leh pu inneih theih nana hma latu pawimawh ber leh an tana puarak ngat ka nih hi.." ka tih chuan min ben tumin a kut a rawn lek a, man nghalin ka paihthla chawrh.






"Kut min thlak i tum leh chuan i pu ka vuak tir ang che" tiin ka ṭhuthla daih. Henu hian a duh hun huna kut a thlak theih tura min ngaih chuan a tisual nasa ang. Dreamer S President hi tunge a nih a la hre mai ang.






Rammuana chuan ka beng bulah "Dear i pu i X anih chuan kei hi i engah nge min lo sawi ve ang le" a rawn ti a, "Dear a!?" ka tih chuan ka chal a kuk fawk, a na zek lehnghal, "Dear, duh leh ka deer ang che, dear ka ti duh che hi lawm hle rawh, tun a chin chu Dear ka ti tawh ang che" a rawn ti a, a zamlo hi ka han ti mai mai khawp. "Zam ve deuh rawh" tiin a lu ka nem bu lawp.







"Dear...." a rawn ti fan nasa mai, ka lo melh reng ringawt. Eric chuan min lo pan a, ka hmaah tak rawn ṭhuin ka kut a hum a, " Angel baby, assistant monitor ni thei tur chuan i in ready tawh em?" a rawn ti a, "Ka hrelo" ka lo ti ringawt. "Kan class ho vote kan hmuh theih nan campaign kan nei ṭhin a, chuan i thil tih hlawhtlin ngei ngei tur pakhat i sawi bawk ang, chuan test velah pawh mark hmuhthat a ngai aw" a tih chuan lu ka bu zeuh.







"Mahse, lehkhazir a ngai dawn sia....Nimin pawh khan ka thak sep sep" ka tih chuan min en a, " Naktuk tlai atangin ka zirtir ṭhin ang che, Ambrose cafeteria ah kan zir thin dawn nia,, in în nen pawh a inhnaih alawm" a tih chuan ka bu zeuh a. " Kei chu nangmahah ka innghat ania, min chawm ang che" ka tih chuan a rawn nui sup a " tun aṭang chuan keima tan chauh zir tawh lovin i tan pawh ka zirtel tawh dawn alawm" a rawn tih chuan ka nuih ver ver.






Lunch Break-ah chuan Dreamer S ho leh Black Stars ho chuan canteen lam kan pan vek a, kan ṭhu ṭhap, chutah Rammuana chuan " Dear... ka duh i hria min lo chah kep teh, kan mu lawk" tiin dawhkhan chu a bawh a, ka ṭhian dangte chuan mak tih hmel lutukin min melh hlawm a an nuih a zat hmel viau bawk, Eric mitmeng erawh a thim khup a, hepa hian a thik emaw ni le?






" 'Dear' a" a rawn ti ta reng a, " aa,, a thlakhat ât hri a chhuak alawm" ka ti ringawt, sawifiah ngaihna ka hre hlawl lo, Chutah Rammuana chu rawn thu ngilin Eric chu a melh a, "I thikthu a chhe lutuk... Dear ka ti chak a, ka ti a nimai, ka duh dawn chuanglo, lo thik vak duh suh...Ka dear-i hi ka duh chuan ka lu ka hmuam ang" a tih chuan an lo nui huk hawm a. Eric pawh a thinrim a reh hmel ta deuh.






Rammuana chuan min melh a, " I bialpa hi a thikthu a chhe lutuk, ka melh hlum daih duh ang... zilh rawh" a rawn ti a, a bawk leh daih. Tihngaihna hrelo lutukin ka nui ringawt. Eric pawh a rawn nui ve ringawt a, "Benjamin-a hi zawng, ka thik tawhlo mai ang" a ti a, "Nia, thik duh suh, a damdawi a eiloh chang apianga i thik chuan ka buai ziah emaw, hepa hian min melh hlum a tum ṭal a nimai" ka ti a.







Drew chuan Lizzy chu melhin " Liz, i ke a uih ve em?" a rawn ti chhuak hlawl a, " A uih lo nasa, nge chutiangte min zawh a" Lizzy chuan a ti vak a , Drew bawk chuan "I ṭhiannu kha niminah a ke a uih a nilawm ni? Chuvang chuan ka zawt mai mai che" a rawn tih chuan Any a ter at.
" Victor i kam a va dak ve... I
i lo sawichhuak dawk dawk a maw" tiin a kal nghal nghal nal nal Victor chuan um ta mai lovin Drwe chu a tin vang vang






"Nuihheh, nge i lo sawichhuah dawk dawk.. tukin zing khan a zak lutuk kha ka thlem fel chiah asin" a ti a, Drew chu a melh chiang viau bawk, "Ka thluakah a lo lang thut sia lawm... ka thiamloh pawh a ni lo, ka thluak hi lawm" tiin a nui heu a, Victor chuan a luah beng vakin a chhuak daih. Drew chuan a lu a tuai heuh heuh ringawt.







"I va â ve... ka ṭhiannu kha a zak asin" tiin Lizzy chuan a beng hrep Drew lah 'Nuihheh' tih takah a nui ringawt lehnghal, Â beng buang lutuk mai. " Liz, a lang miau sia lawm" tiin a lu a kawk a, a mawl ee..
Eitur chu kan chah a, Eric chuan ka kut chu a chelh a, "Hetiang hian kan â ve ang em le?" a tih chuan lu ka thing a, "Kan pawla President ve ve kan nih hi, kan â theilo hrim hrim" tiin nui chungin lu ka thing nghat nghat a, Eric chuan bu zeuhin " A dik, kan â velo" a lo ti a. Any leh Victor an lo let a, Any erawh a la tum deuh bur thung.






"Anṭam, Lalmatea kan hmuh dawn kha, i tûm lian si a, tikha chuan Lalmatea 'Uṭawk tûm lian' a ti ang che" ka ti a, mahse a nui hleithei der lo, Drew chu kan en hlawm ṭhap a, amah Drew lah a khi tha lehnghal. Eitur kan chah a lo thlen chuan Rammuana chu ka kaiharh a, a lo muthlu hman tak tak nge ni? A chilthil a tla lo chauh.






Chutah Any a hmuh chuan a mah a kawk a, a nuih nghek, " Uṭawk Tûm kawh" tiin a nuih ṭiah ṭiah a, engmah a hre ve silo a, kan khap lahin a nuih a za ting mai bawk si, chutah Victor chuan Drew leh Rammuana chu a beng dun pawp. " Mimawl ho, Drew kamtam, chuan Black Stars member thar Benjamin lah mi â, ka Any tih lungawi a har zia in hre lo em ni? Mawl dun lutuk" a tih chuan Rammuana a ṭhu tum hmak. Drew erawh a lu a tuai leh vut vut tawh.






"Nge, uṭawk tûm deuh a ang em alawm" a ti nui nui, ava han chhah ber buar e aw. Eitur chu kan ei a, Any chu thinrim tih takah a vawikhat ei pawh a hlawk khawp mai. Ka nuih ngam silo, mahse nuihza bawk si chuab Eric kut chu ka hum ngar ngar.






Dar a lo rik chuan class-ah kan lut ho dial a, Any tihlungawi tumin Victor a phe buai nasa mai, Eric chuan an ṭhutna lam aṭangin paper a rawn vawm a, ka en chuan 'I Love You' tih lek hi a lo nia, ava han ṭullo tak. "I ho reuh emai,, mahse love you too" ka hmui phunin ka ti a, a nui vur vur.






Victor chuan Eric tih dan style rawn copy in Any chu paper-in a rawn vawm a, Any chuan a paper rawn vawm chu a chhar a, a lehkha zawk chhiar lovin a rawn vawmna lungte kha a en vang vang, chutah "Victor min vawm a maw" tiin lung chuan a vawm a, a chalparahah a fuh chat, Victor chuan tihngaihna hrelo lutukin a chal an vawmna chu a khawih a, a tawchhuak hawk.






Any beng bulah chuan "Ṭamte, paper-a inziak kha chhiar zawk ta che" ka tih chuan a rawn meng rang nasa mai, Paper a humlai chu a en a, nuihtlawn pahin Victor chu ava en a, "Sorry, paper-ah thil i ziak tih ka lo hre lo a" a tih chuan Victor-in "min ngaidam tawh la" a rawn ti a, Any a tum leh hmuk. Tunah khan a thinrim a ni tih a theinghilh hrim hrim. Ka nui ka nui mai.






Paper chu ka va en ve dak dak a, "Duhtak Any" ka ti hman chiah tihah Any chuan min nem bu lawp anih chu "I va uikawm em em ve" ka ti nang nang, "mi letter leh diary an chhiarsak ngai lo, Dreamer S hotu ve si, fing rawh" min lo ti erh a. Ka zak lek lek alawm. "Awii,, Ṭamte, i ti rapthlak lutuk...ka zak tep alawm" ka tih chuan min melh rawm rawm a, "zak ve ta che...i zah vangin i hmai te a sen vek dawn emaw tia" a rawn tih chuan hnuailam ngawt ka lo melh. An lehkha ka lo chhiar a ni mah zawk.






*Duhtak Amy, Sorry lutuk...min ngaidam la,, kan thian ho awmkhawm thusawi tui vang khan ka lo sawichhuak palh a.
Min ngaihdamna tur anih phawt chuan sial pawh ka rawn talh mai ang,, mawh..Any sai pawh fanghmir mawngah* ka chhiar zo hman lo. Any chuan min nem dak awrh .






"Lo chhiar tawh suh" tiin min hnungchhawn hmak anih chu Ava ngeiawm e aw. . "Hmm,, a pawimawh zual ka chhiar tawh tho. Takin Ṭampui,, titau tawh suh...Saw a mawng pawh a awm hle hle theiloh saw.... lungmuang taka a ṭhut theih nan titau tawh suh" ka tih chuan ka beng bulah "Ih e,, Vanlal, keimah vanga a buai hmel hmuh te, min care te sawn a nuam thei em alawm, nakinah ka lungawi ang" a rawn ti a.






"Aa,,, i lungawi hunah meuh zawng, amah a titau ve tawh ang" ka tih chuan a ngaihtuah vang vang a, " nitho mai, mahse...a nuam asin le" tiin lehkha a thler a, *Ka ngaidam a che* tiin nuilai lem a ziak bawk a, Victor chu a va vawm leh a, Victor chuan lo dawng chatin a chhiar nghal a, a chhiar zawh chuan Any chu rawn mehlin "Thanks Ann" a rawn ti a, a nui pah bawk.






Victor nui hmelah Any a lo luangiam nasa mai. "Ṭamte, Ṭampui" ka tih pawh a hre hauh lo. A over e "I chilthi a tla dawn.. i ka ang tawh suh" tiin a khabe ka dawn a, a harhchhuak ve chauh "Vanlal, ka lo en nasa viau em...Ava chiloh ve aw" tiin a bawk ta daih.






"Hmm... min theinghilh em ni?" Clare chuan a rawn ti a, Lizzy pawn a rawn thlawp nghal zat. " nge... mi ngaihven hek lo che u... Ṭampuii titau ka thlempui anih hi...Victor-a'n sum min pe dawn" ka tih chuan Any a rawn ṭhuchhuak hlawl. "Vanlal, engthil nge i sawi kha?" a rawn ti vak, "Lo ngawi mai mai teh, tihtauh leh te kha i lo tum ang e, Dreamer S ho hian sum kan neilo a, kei in President hian ka inhlawh hmasa ber anih hi" ka tih chuan min en ṭhap hlawm a.






"Khatin mi en su...Sum hi a ṭha...Sum ka hmuhna tur anih chuan in kal pawh kha ka hralh hreh miah lo. Cheng zanga ka hlawhna tur a nih chuan ka ei zo vek duh ang che u" ka tih chuan rapthlak min tih hmel hlawm lutuk. Ka nuih hlawm nghek, "iva rapthlak ngai ve.... Nang hi Hringei...ah nilo Sumei i ni lo maw" an rawn tih chuan ka nuih a tiza zual sauh.






"Luhkhungtu rau a nei a ni hrim hrim" Lizzy chuan min hlauh hmel tawkin a ti a, chu te hlei hlei chuan ka nuih a tiza, "Sumin a thluak a ri ral ta. Tunah chuan khan Elly Vansangpuii a fam tawh... Rest in Peace" Clare chuan a ti a, an pathum chuan an kut hmangin cross sign an siam a. "Tun atang chuan Elly Vansangpuii hi Sumlawmi a ni tawh ang" Any-i'n a tih chuan ka beng nghek.







"over ṭhak suh u. Nge RIP te min lo tih mai mai... In over lutuk...keia over ve kha chu in hmaah chuan vut laka vawih ang vel a ni... Mi dam ṭha hle hle lai min fam tir leh nã teh u... in lu ka la ang..Lu la hnam kan nih hi ka chhawmnung da ang e" ka tih chuan an ngawi ve hram a.







Teacher lah chuan lo luh zai reng reng a rel lova, kan class ho chuan kan infiam mai mai. Chutah kan class a thlahrang ang deuh ṭhiandun inla lehkha thiam, thiam mang silo te chuan keini thian ho chu min enin "Science la ve si... An awmdan te chu... Arts la hle hle se... An ṭhing hlawm e..Science an la ve a, an infiam mai mai ania" min tih chu ka hre fuh a. Ka ṭhiante chuan an hreve lo a ni ngei ang.






An thusawi chuan min khei zak a, chutah ka ṭhiante hnenah chuan " thiante u...Thlahrang film chang ang u" ring deuh hlek, kan hrangi te ṭhiandun hriat ngei turin ka sawi a, ka duh ang ngeiin kan hrangi te ṭhiandun chu an lo hawi a, keimah bawk chuan "Kan class-ah hian thlahrang film kan shoot ang a, inla no em em, ngona an hmang tih hriat reng reng, an hmai ngo vur si a an kut vel dum em em te kha class-ah kan khung ang a, thlahrang angin video te kan la ang a" ka tih chuan ka ṭhianten ka sawichhan hre lo mahse an lo phur teh e.






Hrangi te ṭhian dun chuan " Hei...Dreamer ho kha min sawichhan em ni? " an rawn ti a, Clare chuan "Ngona i hmang em ni? Kan sawichhan peih lo che u...Chhe kir ker si" a tih chuan an lo la na lehpek khawp mai, "Min cho em ni? Banah kan insual ang" a tih chuan Lizzy-in " kan phur zawng tak... in saw ihar hle a ni. Banah chuan le" a ti a.






Ka ṭhiante hnenah chuan Hrangi te ṭhiandunin min tihdan ka sawi chuan an lo sa hlawm khawp mai. Banah insual pawh chu an chak hlawm hle lehnghal " Kan insawizawi loh na pawh a rei tawh alawm...Banah kan insual ang" an ti liam liam hlawm a, " Lalmatea ka hmu chak asin le" ka ti nang nang, "Nia,, mahse insual chu a nuam zawk alawm" an tih chuan ka lo bu nghat nghat.



(Comment a that chuan naktuk ka chawlh zan ni mahse,, ka rawn dah ang aw🤗)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)