ELEOS CHAPTER - 9 BY NUNUI HNIALUM

Episode kal lai dah luhna

Moderator: writers

Nunui Hnialum
Posts: 115
Joined: June 13th, 2021, 9:07 pm

ELEOS CHAPTER - 9 BY NUNUI HNIALUM

Unread post by Nunui Hnialum » October 1st, 2022, 9:34 pm

Eleos



Chapter - 9



Chu pindan lianlo te ah chuan Single khum awmin Thîr thingrem tuiêk lek lek a awm a, Khum aia sâng hret dawhsàn awmin tah chuan hmeichhe bungrua thar lemlo tak tak alo indah hrang thliah thliah bawk, mak tiin ka âng phuai, heihi anu bungrua em ni ang?





"Biiii, hêng ho hi...?" Tiin ka khawih láwr dan dan a, an hmel hlui ang hu in afai ṭha hle, asîr kil deuh ah chuan Silver ṭhi hraw deuh leh abengbeh kual lian vaklo a awmbawk.




"Hêng ho hi ka nu bungrua ho annihhi," tiin ka piah a lehkha chu lek kâng in a en vang vang a, thlalak hlui ve tak ani. "Ka ti hrilhhai che em? Vawiin chu ka nu ka ngai deuh a," hnuailam melha ṭhensak in ati zàwi ruih, ka va lainat roh tak, lu thing nar nar in ka pan a a taksa lianpui chu ka kuah ṭai.





Ṭawng lova ngáwirenga kan in kuah hnu ah ka chhîp ah akhabe nghatin a thaw ham ham a, "i dáwr i chhuahsan rei tawh, ka thlahphei tawh ang che," a ti hniam leh raih akianga awm hi nuam ka la ti asin mawle.




"Naupang ho kha?" ti há in ka en chho a




"Ti hian in anlo nghãk mai zel,"






A Bike, aneitupa ang maia lian leh hrawl dum tle hlurh ah chuan kan chuang leh ta poh.




"Bii,"



"Kan chungchâng hi i chhûngten an hre tawh em? I sawilang tawh em?"





Kan ṭawng chhuah rual avâng chuan kan han nuileh rih a, "ka la sawilo," pangngai takin ka ti a, ka chhungte chu sawiloh ka best friend pawn ka ngaihzàwng neih thu a hrelo, vawiin kan awmdan aṭang kha chuan a rinthiam mai ka ring, ka chhànna avâng chuan a hmel a hlim leh hlimloh ka hmutheilo, a ngaihdan ani lo hranlo bawk ang chu.





Ngâwireng in kan tlàn a, ka dawr kawt ah a ding dawt a dâwr chhûng chu ka thlêk thuaka an reh deuh dúk, tlailam ani tawh bawk a Customer pawh an awm vaklo anih hmel.




"Ka kal nghàl mai ang aw, naupang ho kha anlo hlau palh ang," atih chuan hmangaih fe in ka en ngawih ngawih, a duhawm hluah hluah.




"Bye, zan ah minlo bia la,"



"Sure,"


Hmuiphun a tisup in a mit asiai zauh hnu ah atlàn liam a, hnunglam aṭang ka thlîrzui vang vanga ka lung aleng nghàl ringawt nia rapthlak hian.





Dawr chhûng ka lûttur ka in her chu ka piah dawrkawt aṭanga min enrengtu an awma ka hriat vângin ka hawilêt vat a Sawmliana'n uluk fe in kei leh Bta tlan liamta te chu minlo en ngur a, makti hmel apu deuh bawk.






Biak tuma ka àn zuau laiin lehlam hawia inher vutin akal ta nul nul, minti hamhaih letling zâwk alawm.





Min ngaizâwng ve nasa sia, 'a thîk aniang,' ka ti rilru ringawt.





Mood afuh bawk a, ka zãngvah vawiina kan hun hmandun dàn te chu ka ngaihtuah lêt a, pawtlêt leh thei ila ka ti takzet ka khamlo.





Dawr ka luh chuan ka u alo awmrùn a ka ṭhutna ah alo ṭhu bawk nen minti phu lek lek, a motor ka hmu miah silo, ka lût chu ngawirenga min en rùn rùn hnu ah, "iva chhuak rei ve aw, boss ber si," tiin a ṭhensuk a táwitê in ka nuihlêt.





"Vawiin chu ilo pêngkàwi teh mial a," tisap in ka pan a ani alo ding thuai thung. "Umm, chaw kan eichhuak dawn a ka lo lam che anihhi, kan tlai lek lek," tiin a kut veilama Sana bun chu a thlêk thuak.




Hamhaih zeta ka en chu, "ṭhulh thianglo aw, Pa Zuala thihcham karkhatna kha ania, ka pa'n eiloh a remtilo," a tih chuan ka thawhak, mahni in lova chaw ei hi ka peih vaklo asin mawle; mahse, Pa Zuala kha ka pa close friend anih avângin palzama ṭhulhngawt athiang dêr silo.





"Anih chuan a hma tawhlo bawka kan inkhâr zui mai ang," tiin Sangi leh Franconia te ka be zawmzat.



"Motor chu sil turin ka dah a, i scooty in kal mai ang hmiang?" atih chuan a motor ka hmuloh chhan ka hrechiah, tlai dar 4:00pm ari thuak bawk a mi ina chaw eichhuak tur chuan kan hma lèmlo ani.




Ka u in Scooty akhalh a kan tlanchhuak ta vat, "Chaw eichhuah tur hi zing lamah an sawi ri silo a, an ti deuh thut em ni?" Ka U hnunga bei ṭai chungin ka ti a, "anih hmèl, keipawh motor siltir tura ka dah hnu ah lawk min rawn hrilh," ati sup a, 'Nu Sangi te chu an ti chawpchilh mange,' ka ti rilru neuh neuh.





Nizan ah Joris-a arawn thleng a, chuvânga ti chûk chûk anni maithei, atih chuan bangbo fe in ka en, "tunge Joris-a chu?" ka ti vak ringawt. "Bangalore a Engeneer zir a awm kha, Pa Zuala fapa naupang ber, apa boral khàn exam pawimawh a awm avângin arawn haw thei lo alawm," atih pawh chuan Pa Zuala'n chutiang fapa aneihàwm ka hre chuanglo.




"Chutiang fapa ala nei animaw?" ka ti hú.



"Nei e, nangai a ú hlek in ka ring," nui suk suk chungin atih zawm a, a nuih chhan pawh ka hriat ve siloh.




Reilo ah Pa Zuala te in kan thlenga amah chhungkaw paber a awmtawhlo nen an in leh avèl pawh ka hmu ruak vek.




Scooty aṭanga ka chhuk chuan inchhûnglam an ri nak nak tawh tih ka hrethei, "anva tam hmel ve, ka pa te an thleng tawh tiraw U?" tiin ka U Scooty dahfel lam chu ka hawi a.




"Chhungkaw hlun ngang annia, an tlèm leh vaklo ang, ka pa leh ka nu chu an kal daihtawh," tia min kalpèl fua in inchhûng ah alûtzui nulh a, ka va lût peihlo tak.




Inchhûng ka luh chuan Pa Zuala fanu upa ber U Zaii te fa naupang te te anlo awm a Sofa room ah ka nu leh pa Nu Sangi leh U Zaii te nupa anlo awm a, ka rin ang he hu in midang hmèl ka hmu tello.




Ka lût thawm hria in, "e, A Zualteii pawh arawn thleng alawm," tiin ka nu'n minlo húih zauh a, ka va pan ve vat. "Zaite, Joris-a chu hanko chhuak ta che, hei A Zualteii pawh arawn thlen tawhhi," Nu Sangi'n ati nghàl var a, kan unau chiah minlo nghâk tih hriat chu a inthlahrunawm duh viau.




U Zaii atho tharh a, ka phone nghawr dat ka hriatin ka phawrh vat, ka notification ah Bt-a message lo lût ka hmuzat.



"I hman hun ah minlo call rawh," tihte ani.




'Engthil tak chu nimaw?'




Bta ka ngaihtuah neuh neuh laiin, mipa aw thàm lam hian, "kan princess-i chu ilo va thleng har ve," tihri ka hriat chuan ka hawichhuak vata, ka hma a mipa cherlam sang pangngai leh hmelpawh chhelo tak lo ding vâng ka hmu a, ka mit ah tak a en rùn bawk, a hnung lawk ah U Zaii alo a, 'Joris-a,' antih chu anih ngei ka ring bawk.





"Joris, heihi ania kan fanu neihchhun A Zualteii chu," ka nu'n arawnti var a, ka nuihsak ringawt.




"Awle, kan kim tawhbawk a kan ding nghàl mai ange, Naute, Joris-a hi i pa Zuala fapa neihchhun leh naupang ber ani a; tin, ipa Zuala damlai aṭang tawha kanlo sawidun fo 'kan chhungkaw in zawmna tinghet zual tura chhûngkhata insiam,' kha ataka tih hlawhtlin kan duh a, i Pa Zuala awm tawhlo mahse," ka pa'n atih chuan ka ṭêk chhawk.




"Maw...," ka ti nghek, ka pa thusawi ka awihloh ber ṭum ani hial ang.




A Zualte, ipa sawi ang khàn keini chhungkaw hnih inzawmna tingheh zual nan nang leh Joris-a te hi in innei dawn ani, a ṭhàwng viau che in ka ringa," Nu Sangi'n atihleh chuan ka thaw asa phat phat thei.




Ka ngaihdàn leh duhdàn min záwt der eih lova ka pasal tur chungchâng ah ro anlo rèl chu ka ngaihdàn anilo nasa.




Ka U leh ka nu hmèl ka en a, an awmdàn pangngai reng leh aṭhâwng ve eihlo te chuan minti thinrim zual. Ka ṭhutna aṭanga ka tho tur ka ding uaih tawh chu ka nu'n ka kawr hmáwra pawt in, "ṭhu hle hle rawh," rumfe a min melh paha atih chuan awilo lutuk in ka en.





Àwihawmloh lutuk hmangaihna vâng nilo a 'chhungkaw inzawm nan,' tihvel vâng mai mai a inneih hi ka pawmzâwng ani ve hrep love, bâkah tun ang generation ah hetiang arrange marriage hi an kalpui tawhlo over hlawm lutuk.




"Pa,"




Ka ṭawngkama ka lungáwiloh na chu hrethiam ve ngeise tiin ka ner nàwng bawk, he an in remsiamna ve tehhrep hian ka lung ati àwi hlawllo.






"Inpa te ve ve in hmalam hun thuitak kan ngaihtuah hnu a kan thutlûkna siam hi min zahsah hràm aniang chu, tunah keh lek phei chuan i Pa Zuala a awmtawhlo nachungin," ka pa thusawi chuan min dêng dawt dawt ani ber, ka pa min enkawltu leh engkima min chhawmdàwltu hian hetiang ruahmanna asiam hi ka la awih theilo.





Joris-a lam ka va hawi a anu leh ka pa thusawi chuan aṭháwng ve lo tih hriattak in amitmu uk kharh chu khap miahlo in hahdam hmel zetin aṭhu ut a, chupa mai mai pawh chu(h).




Phatna thu eng emaw tal asawi beisei zetin ka en a; mahse, chutiang sawi hmèl reng reng apulo.






Bta ka ngaihtuah chhuak a, ka maimitchhîng sawk, anau hmeichhe naupang tereuh te te ho te nen a an awmho tur nen lam ka mitthla a, tuna ka chunga thil thleng mêk nen ka suihzawm a ka ṭim sung sung thei.







End Of Chapter - 9



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)